| Library / Tipiṭaka / ཏིཔིཊཀ • Tipiṭaka / བྷིཀྑུནཱིཝིབྷངྒ-ཨཊྛཀཐཱ • Bhikkhunīvibhaṅga-aṭṭhakathā |
ཙཏུཏྠནིསྶགྒིཡཔཱཙིཏྟིཡསིཀྑཱཔདཝཎྞནཱ
Catutthanissaggiyapācittiyasikkhāpadavaṇṇanā
༧༤༨. ཙཏུཏྠེ – ཀཡེནཱཏི མཱུལེན། ན མེ ཨཱཝུསོ སཔྤིནཱ ཨཏྠོ; ཏེལེན མེ ཨཏྠོཏི ཨིདཾ ཀིར སཱ ཨཱཧཊསཔྤིཾ དཏྭཱ ཏེལམྤི ཨཱཧརིསྶཏཱིཏི མཉྙམཱནཱ ཨཱཧ། ཝིཉྙཱཔེཏྭཱཏི ཛཱནཱཔེཏྭཱ; ཨིདཾ ནཱམ ཨཱཧརཱཏི ཡཱཙིཏྭཱ ཝཱ།
748. Catutthe – kayenāti mūlena. Na me āvuso sappinā attho; telena me atthoti idaṃ kira sā āhaṭasappiṃ datvā telampi āharissatīti maññamānā āha. Viññāpetvāti jānāpetvā; idaṃ nāma āharāti yācitvā vā.
༧༥༢. ཏཉྙེཝ ཝིཉྙཱཔེཏཱིཏི ཡཾ པཋམཾ ཝིཉྙཏྟཾ ཏཾ ཐོཀཾ ནཔྤཧོཏི, ཏསྨཱ པུན ཏཉྙེཝ ཝིཉྙཱཔེཏཱིཏི ཨཏྠོ། ཨཉྙཉྩ ཝིཉྙཱཔེཏཱིཏི སཙེ པཋམཾ སཔྤིཝིཉྙཏྟཾ, ཡམཀཾ པཙིཏབྦནྟི ཙ ཝེཛྫེན ཝུཏྟཏྟཱ ཏེལེན ཨཏྠོ ཧོཏི, ཏཏོ ཏེལེནཱཔི མེ ཨཏྠོཏི ཨེཝཾ ཨཉྙཉྩ ཝིཉྙཱཔེཏི། ཨཱནིསཾསཾ དསྶེཏྭཱཏི སཙེ ཀཧཱཔཎསྶ སཔྤི ཨཱབྷཏཾ ཧོཏི, ཨིམིནཱ མཱུལེན དིགུཎཾ ཏེལཾ ལབྦྷཏི, ཏེནཱཔི ཙ ཨིདཾ ཀིཙྩཾ ནིཔྥཛྫཏི, ཏསྨཱ ཏེལཾ ཨཱཧརཱཏི ཨེཝཾ ཨཱནིསཾསཾ དསྶེཏྭཱ ཝིཉྙཱཔེཏཱིཏི། སེསཾ ཨུཏྟཱནམེཝ།
752.Taññeva viññāpetīti yaṃ paṭhamaṃ viññattaṃ taṃ thokaṃ nappahoti, tasmā puna taññeva viññāpetīti attho. Aññañca viññāpetīti sace paṭhamaṃ sappiviññattaṃ, yamakaṃ pacitabbanti ca vejjena vuttattā telena attho hoti, tato telenāpi me atthoti evaṃ aññañca viññāpeti. Ānisaṃsaṃ dassetvāti sace kahāpaṇassa sappi ābhataṃ hoti, iminā mūlena diguṇaṃ telaṃ labbhati, tenāpi ca idaṃ kiccaṃ nipphajjati, tasmā telaṃ āharāti evaṃ ānisaṃsaṃ dassetvā viññāpetīti. Sesaṃ uttānameva.
ཚསམུཊྛཱནཾ – ཀིརིཡཾ, ནོསཉྙཱཝིམོཀྑཾ, ཨཙིཏྟཀཾ, པཎྞཏྟིཝཛྫཾ, ཀཱཡཀམྨཾ, ཝཙཱིཀམྨཾ, ཏིཙིཏྟཾ, ཏིཝེདནནྟི།
Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ཙཏུཏྠསིཀྑཱཔདཾ།
Catutthasikkhāpadaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / བྷིཀྑུནཱིཝིབྷངྒ • Bhikkhunīvibhaṅga / ༤. ཙཏུཏྠསིཀྑཱཔདཾ • 4. Catutthasikkhāpadaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༣. ནིསྶགྒིཡཀཎྜཾ (བྷིཀྑུནཱིཝིབྷངྒཝཎྞནཱ) • 3. Nissaggiyakaṇḍaṃ (bhikkhunīvibhaṅgavaṇṇanā)
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༤. ཙཏུཏྠནིསྶགྒིཡཔཱཙིཏྟིཡསིཀྑཱཔདཝཎྞནཱ • 4. Catutthanissaggiyapācittiyasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༢. དུཏིཡནིསྶགྒིཡཱདིཔཱཙིཏྟིཡསིཀྑཱཔདཝཎྞནཱ • 2. Dutiyanissaggiyādipācittiyasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༤. ཙཏུཏྠནིསྶགྒིཡཔཱཙིཏྟིཡསིཀྑཱཔདཾ • 4. Catutthanissaggiyapācittiyasikkhāpadaṃ
