| Library / Tipiṭaka / ਤਿਪਿਟਕ • Tipiṭaka / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā |
ਚਤੁਤ੍ਥਨਿਸ੍ਸਗ੍ਗਿਯਪਾਚਿਤ੍ਤਿਯਸਿਕ੍ਖਾਪਦવਣ੍ਣਨਾ
Catutthanissaggiyapācittiyasikkhāpadavaṇṇanā
੭੪੮. ਚਤੁਤ੍ਥੇ – ਕਯੇਨਾਤਿ ਮੂਲੇਨ। ਨ ਮੇ ਆવੁਸੋ ਸਪ੍ਪਿਨਾ ਅਤ੍ਥੋ; ਤੇਲੇਨ ਮੇ ਅਤ੍ਥੋਤਿ ਇਦਂ ਕਿਰ ਸਾ ਆਹਟਸਪ੍ਪਿਂ ਦਤ੍વਾ ਤੇਲਮ੍ਪਿ ਆਹਰਿਸ੍ਸਤੀਤਿ ਮਞ੍ਞਮਾਨਾ ਆਹ। વਿਞ੍ਞਾਪੇਤ੍વਾਤਿ ਜਾਨਾਪੇਤ੍વਾ; ਇਦਂ ਨਾਮ ਆਹਰਾਤਿ ਯਾਚਿਤ੍વਾ વਾ।
748. Catutthe – kayenāti mūlena. Na me āvuso sappinā attho; telena me atthoti idaṃ kira sā āhaṭasappiṃ datvā telampi āharissatīti maññamānā āha. Viññāpetvāti jānāpetvā; idaṃ nāma āharāti yācitvā vā.
੭੫੨. ਤਞ੍ਞੇવ વਿਞ੍ਞਾਪੇਤੀਤਿ ਯਂ ਪਠਮਂ વਿਞ੍ਞਤ੍ਤਂ ਤਂ ਥੋਕਂ ਨਪ੍ਪਹੋਤਿ, ਤਸ੍ਮਾ ਪੁਨ ਤਞ੍ਞੇવ વਿਞ੍ਞਾਪੇਤੀਤਿ ਅਤ੍ਥੋ। ਅਞ੍ਞਞ੍ਚ વਿਞ੍ਞਾਪੇਤੀਤਿ ਸਚੇ ਪਠਮਂ ਸਪ੍ਪਿવਿਞ੍ਞਤ੍ਤਂ, ਯਮਕਂ ਪਚਿਤਬ੍ਬਨ੍ਤਿ ਚ વੇਜ੍ਜੇਨ વੁਤ੍ਤਤ੍ਤਾ ਤੇਲੇਨ ਅਤ੍ਥੋ ਹੋਤਿ, ਤਤੋ ਤੇਲੇਨਾਪਿ ਮੇ ਅਤ੍ਥੋਤਿ ਏવਂ ਅਞ੍ਞਞ੍ਚ વਿਞ੍ਞਾਪੇਤਿ। ਆਨਿਸਂਸਂ ਦਸ੍ਸੇਤ੍વਾਤਿ ਸਚੇ ਕਹਾਪਣਸ੍ਸ ਸਪ੍ਪਿ ਆਭਤਂ ਹੋਤਿ, ਇਮਿਨਾ ਮੂਲੇਨ ਦਿਗੁਣਂ ਤੇਲਂ ਲਬ੍ਭਤਿ, ਤੇਨਾਪਿ ਚ ਇਦਂ ਕਿਚ੍ਚਂ ਨਿਪ੍ਫਜ੍ਜਤਿ, ਤਸ੍ਮਾ ਤੇਲਂ ਆਹਰਾਤਿ ਏવਂ ਆਨਿਸਂਸਂ ਦਸ੍ਸੇਤ੍વਾ વਿਞ੍ਞਾਪੇਤੀਤਿ। ਸੇਸਂ ਉਤ੍ਤਾਨਮੇવ।
752.Taññeva viññāpetīti yaṃ paṭhamaṃ viññattaṃ taṃ thokaṃ nappahoti, tasmā puna taññeva viññāpetīti attho. Aññañca viññāpetīti sace paṭhamaṃ sappiviññattaṃ, yamakaṃ pacitabbanti ca vejjena vuttattā telena attho hoti, tato telenāpi me atthoti evaṃ aññañca viññāpeti. Ānisaṃsaṃ dassetvāti sace kahāpaṇassa sappi ābhataṃ hoti, iminā mūlena diguṇaṃ telaṃ labbhati, tenāpi ca idaṃ kiccaṃ nipphajjati, tasmā telaṃ āharāti evaṃ ānisaṃsaṃ dassetvā viññāpetīti. Sesaṃ uttānameva.
ਛਸਮੁਟ੍ਠਾਨਂ – ਕਿਰਿਯਂ, ਨੋਸਞ੍ਞਾવਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ਚਤੁਤ੍ਥਸਿਕ੍ਖਾਪਦਂ।
Catutthasikkhāpadaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੪. ਚਤੁਤ੍ਥਸਿਕ੍ਖਾਪਦਂ • 4. Catutthasikkhāpadaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੩. ਨਿਸ੍ਸਗ੍ਗਿਯਕਣ੍ਡਂ (ਭਿਕ੍ਖੁਨੀવਿਭਙ੍ਗવਣ੍ਣਨਾ) • 3. Nissaggiyakaṇḍaṃ (bhikkhunīvibhaṅgavaṇṇanā)
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੪. ਚਤੁਤ੍ਥਨਿਸ੍ਸਗ੍ਗਿਯਪਾਚਿਤ੍ਤਿਯਸਿਕ੍ਖਾਪਦવਣ੍ਣਨਾ • 4. Catutthanissaggiyapācittiyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੨. ਦੁਤਿਯਨਿਸ੍ਸਗ੍ਗਿਯਾਦਿਪਾਚਿਤ੍ਤਿਯਸਿਕ੍ਖਾਪਦવਣ੍ਣਨਾ • 2. Dutiyanissaggiyādipācittiyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੪. ਚਤੁਤ੍ਥਨਿਸ੍ਸਗ੍ਗਿਯਪਾਚਿਤ੍ਤਿਯਸਿਕ੍ਖਾਪਦਂ • 4. Catutthanissaggiyapācittiyasikkhāpadaṃ
