| Library / Tipiṭaka / திபிடக • Tipiṭaka / மஹாவிப⁴ங்க³ • Mahāvibhaṅga |
4. சதுத்த²பாராஜிகங்
4. Catutthapārājikaṃ
193. 1 தேன ஸமயேன பு³த்³தோ⁴ ப⁴க³வா வேஸாலியங் விஹரதி மஹாவனே கூடாகா³ரஸாலாயங். தேன கோ² பன ஸமயேன ஸம்ப³ஹுலா ஸந்தி³ட்டா² ஸம்ப⁴த்தா பி⁴க்கூ² வக்³கு³முதா³ய நதி³யா தீரே வஸ்ஸங் உபக³ச்சி²ங்ஸு. தேன கோ² பன ஸமயேன வஜ்ஜீ து³ப்³பி⁴க்கா² ஹோதி த்³வீஹிதிகா ஸேதட்டி²கா ஸலாகாவுத்தா, ந ஸுகரா உஞ்சே²ன பக்³க³ஹேன யாபேதுங். அத² கோ² தேஸங் பி⁴க்கூ²னங் ஏதத³ஹோஸி – ‘‘ஏதரஹி கோ² வஜ்ஜீ து³ப்³பி⁴க்கா² த்³வீஹிதிகா ஸேதட்டி²கா ஸலாகாவுத்தா, ந ஸுகரா உஞ்சே²ன பக்³க³ஹேன யாபேதுங். கேன நு கோ² மயங் உபாயேன ஸமக்³கா³ ஸம்மோத³மானா அவிவத³மானா பா²ஸுகங் வஸ்ஸங் வஸெய்யாம, ந ச பிண்ட³கேன கிலமெய்யாமா’’தி? ஏகச்சே ஏவமாஹங்ஸு – ‘‘ஹந்த³ மயங், ஆவுஸோ, கி³ஹீனங் கம்மந்தங் அதி⁴ட்டே²ம, ஏவங் தே அம்ஹாகங் தா³துங் மஞ்ஞிஸ்ஸந்தி. ஏவங் மயங் ஸமக்³கா³ ஸம்மோத³மானா அவிவத³மானா பா²ஸுகங் வஸ்ஸங் வஸிஸ்ஸாம, ந ச பிண்ட³கேன கிலமிஸ்ஸாமா’’தி. ஏகச்சே ஏவமாஹங்ஸு – ‘‘அலங், ஆவுஸோ, கிங் கி³ஹீனங் கம்மந்தங் அதி⁴ட்டி²தேன! ஹந்த³ மயங் , ஆவுஸோ, கி³ஹீனங் தூ³தெய்யங் ஹராம, ஏவங் தே அம்ஹாகங் தா³துங் மஞ்ஞிஸ்ஸந்தி. ஏவங் மயங் ஸமக்³கா³ ஸம்மோத³மானா அவிவத³மானா பா²ஸுகங் வஸ்ஸங் வஸிஸ்ஸாம, ந ச பிண்ட³கேன கிலமிஸ்ஸாமா’’தி. ஏகச்சே ஏவமாஹங்ஸு – ‘‘அலங், ஆவுஸோ, கிங் கி³ஹீனங் கம்மந்தங் அதி⁴ட்டி²தேன! கிங் கி³ஹீனங் தூ³தெய்யங் ஹடேன! ஹந்த³ மயங், ஆவுஸோ, கி³ஹீனங் அஞ்ஞமஞ்ஞஸ்ஸ உத்தரிமனுஸ்ஸத⁴ம்மஸ்ஸ வண்ணங் பா⁴ஸிஸ்ஸாம – ‘அஸுகோ பி⁴க்கு² பட²மஸ்ஸ ஜா²னஸ்ஸ லாபீ⁴, அஸுகோ பி⁴க்கு² து³தியஸ்ஸ ஜா²னஸ்ஸ லாபீ⁴, அஸுகோ பி⁴க்கு² ததியஸ்ஸ ஜா²னஸ்ஸ லாபீ⁴, அஸுகோ பி⁴க்கு² சதுத்த²ஸ்ஸ ஜா²னஸ்ஸ லாபீ⁴, அஸுகோ பி⁴க்கு² ஸோதாபன்னோ, அஸுகோ பி⁴க்கு² ஸகதா³கா³மீ, அஸுகோ பி⁴க்கு² அனாகா³மீ, அஸுகோ பி⁴க்கு² அரஹா, அஸுகோ பி⁴க்கு² தேவிஜ்ஜோ, அஸுகோ பி⁴க்கு² ச²ளபி⁴ஞ்ஞோ’தி. ஏவங் தே அம்ஹாகங் தா³துங் மஞ்ஞிஸ்ஸந்தி. ஏவங் மயங் ஸமக்³கா³ ஸம்மோத³மானா அவிவத³மானா பா²ஸுகங் வஸ்ஸங் வஸிஸ்ஸாம, ந ச பிண்ட³கேன கிலமிஸ்ஸாமா’’தி. ‘‘ஏஸோயேவ கோ², ஆவுஸோ, ஸெய்யோ யோ அம்ஹாகங் கி³ஹீனங் அஞ்ஞமஞ்ஞஸ்ஸ உத்தரிமனுஸ்ஸத⁴ம்மஸ்ஸ வண்ணோ பா⁴ஸிதோ’’தி.
193.2 Tena samayena buddho bhagavā vesāliyaṃ viharati mahāvane kūṭāgārasālāyaṃ. Tena kho pana samayena sambahulā sandiṭṭhā sambhattā bhikkhū vaggumudāya nadiyā tīre vassaṃ upagacchiṃsu. Tena kho pana samayena vajjī dubbhikkhā hoti dvīhitikā setaṭṭhikā salākāvuttā, na sukarā uñchena paggahena yāpetuṃ. Atha kho tesaṃ bhikkhūnaṃ etadahosi – ‘‘etarahi kho vajjī dubbhikkhā dvīhitikā setaṭṭhikā salākāvuttā, na sukarā uñchena paggahena yāpetuṃ. Kena nu kho mayaṃ upāyena samaggā sammodamānā avivadamānā phāsukaṃ vassaṃ vaseyyāma, na ca piṇḍakena kilameyyāmā’’ti? Ekacce evamāhaṃsu – ‘‘handa mayaṃ, āvuso, gihīnaṃ kammantaṃ adhiṭṭhema, evaṃ te amhākaṃ dātuṃ maññissanti. Evaṃ mayaṃ samaggā sammodamānā avivadamānā phāsukaṃ vassaṃ vasissāma, na ca piṇḍakena kilamissāmā’’ti. Ekacce evamāhaṃsu – ‘‘alaṃ, āvuso, kiṃ gihīnaṃ kammantaṃ adhiṭṭhitena! Handa mayaṃ , āvuso, gihīnaṃ dūteyyaṃ harāma, evaṃ te amhākaṃ dātuṃ maññissanti. Evaṃ mayaṃ samaggā sammodamānā avivadamānā phāsukaṃ vassaṃ vasissāma, na ca piṇḍakena kilamissāmā’’ti. Ekacce evamāhaṃsu – ‘‘alaṃ, āvuso, kiṃ gihīnaṃ kammantaṃ adhiṭṭhitena! Kiṃ gihīnaṃ dūteyyaṃ haṭena! Handa mayaṃ, āvuso, gihīnaṃ aññamaññassa uttarimanussadhammassa vaṇṇaṃ bhāsissāma – ‘asuko bhikkhu paṭhamassa jhānassa lābhī, asuko bhikkhu dutiyassa jhānassa lābhī, asuko bhikkhu tatiyassa jhānassa lābhī, asuko bhikkhu catutthassa jhānassa lābhī, asuko bhikkhu sotāpanno, asuko bhikkhu sakadāgāmī, asuko bhikkhu anāgāmī, asuko bhikkhu arahā, asuko bhikkhu tevijjo, asuko bhikkhu chaḷabhiñño’ti. Evaṃ te amhākaṃ dātuṃ maññissanti. Evaṃ mayaṃ samaggā sammodamānā avivadamānā phāsukaṃ vassaṃ vasissāma, na ca piṇḍakena kilamissāmā’’ti. ‘‘Esoyeva kho, āvuso, seyyo yo amhākaṃ gihīnaṃ aññamaññassa uttarimanussadhammassa vaṇṇo bhāsito’’ti.
194. அத² கோ² தே பி⁴க்கூ² கி³ஹீனங் அஞ்ஞமஞ்ஞஸ்ஸ உத்தரிமனுஸ்ஸத⁴ம்மஸ்ஸ வண்ணங் பா⁴ஸிங்ஸு – ‘‘அஸுகோ பி⁴க்கு² பட²மஸ்ஸ ஜா²னஸ்ஸ லாபீ⁴…பே॰… அஸுகோ பி⁴க்கு² ச²ளபி⁴ஞ்ஞோ’’தி. அத² கோ² தே மனுஸ்ஸா – ‘‘லாபா⁴ வத நோ, ஸுலத்³த⁴ங் வத நோ, யேஸங் வத நோ ஏவரூபா பி⁴க்கூ² வஸ்ஸங் உபக³தா; ந வத நோ இதோ புப்³பே³ ஏவரூபா பி⁴க்கூ² வஸ்ஸங் உபக³தா யத²யிமே பி⁴க்கூ² ஸீலவந்தோ கல்யாணத⁴ம்மா’’தி, தே ந தாதி³ஸானி போ⁴ஜனானி அத்தனா பரிபு⁴ஞ்ஜந்தி மாதாபிதூனங் தெ³ந்தி புத்ததா³ரஸ்ஸ தெ³ந்தி தா³ஸகம்மகரபோரிஸஸ்ஸ தெ³ந்தி மித்தாமச்சானங் தெ³ந்தி ஞாதிஸாலோஹிதானங் தெ³ந்தி, யாதி³ஸானி பி⁴க்கூ²னங் தெ³ந்தி. தே ந தாதி³ஸானி கா²த³னீயானி ஸாயனீயானி பானானி அத்தனா கா²த³ந்தி ஸாயந்தி பிவந்தி மாதாபிதூனங் தெ³ந்தி புத்ததா³ரஸ்ஸ தெ³ந்தி தா³ஸகம்மகரபோரிஸஸ்ஸ தெ³ந்தி மித்தாமச்சானங் தெ³ந்தி ஞாதிஸாலோஹிதானங் தெ³ந்தி, யாதி³ஸானி பி⁴க்கூ²னங் தெ³ந்தி. அத² கோ² தே பி⁴க்கூ² வண்ணவா அஹேஸுங் பீணிந்த்³ரியா பஸன்னமுக²வண்ணா விப்பஸன்னச²விவண்ணா.
194. Atha kho te bhikkhū gihīnaṃ aññamaññassa uttarimanussadhammassa vaṇṇaṃ bhāsiṃsu – ‘‘asuko bhikkhu paṭhamassa jhānassa lābhī…pe… asuko bhikkhu chaḷabhiñño’’ti. Atha kho te manussā – ‘‘lābhā vata no, suladdhaṃ vata no, yesaṃ vata no evarūpā bhikkhū vassaṃ upagatā; na vata no ito pubbe evarūpā bhikkhū vassaṃ upagatā yathayime bhikkhū sīlavanto kalyāṇadhammā’’ti, te na tādisāni bhojanāni attanā paribhuñjanti mātāpitūnaṃ denti puttadārassa denti dāsakammakaraporisassa denti mittāmaccānaṃ denti ñātisālohitānaṃ denti, yādisāni bhikkhūnaṃ denti. Te na tādisāni khādanīyāni sāyanīyāni pānāni attanā khādanti sāyanti pivanti mātāpitūnaṃ denti puttadārassa denti dāsakammakaraporisassa denti mittāmaccānaṃ denti ñātisālohitānaṃ denti, yādisāni bhikkhūnaṃ denti. Atha kho te bhikkhū vaṇṇavā ahesuṃ pīṇindriyā pasannamukhavaṇṇā vippasannachavivaṇṇā.
ஆசிண்ணங் கோ² பனேதங் வஸ்ஸங்வுட்டா²னங் பி⁴க்கூ²னங் ப⁴க³வந்தங் த³ஸ்ஸனாய உபஸங்கமிதுங். அத² கோ² தே பி⁴க்கூ² வஸ்ஸங்வுட்டா² தேமாஸச்சயேன ஸேனாஸனங் ஸங்ஸாமெத்வா பத்தசீவரங் ஆதா³ய யேன வேஸாலீ தேன பக்கமிங்ஸு. அனுபுப்³பே³ன யேன வேஸாலீ மஹாவனங் கூடாகா³ரஸாலா யேன ப⁴க³வா தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³ங்ஸு.
Āciṇṇaṃ kho panetaṃ vassaṃvuṭṭhānaṃ bhikkhūnaṃ bhagavantaṃ dassanāya upasaṅkamituṃ. Atha kho te bhikkhū vassaṃvuṭṭhā temāsaccayena senāsanaṃ saṃsāmetvā pattacīvaraṃ ādāya yena vesālī tena pakkamiṃsu. Anupubbena yena vesālī mahāvanaṃ kūṭāgārasālā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu.
தேன கோ² பன ஸமயேன தி³ஸாஸு வஸ்ஸங்வுட்டா² பி⁴க்கூ² கிஸா ஹொந்தி லூகா² து³ப்³ப³ண்ணா உப்பண்டு³ப்பண்டு³கஜாதா த⁴மனிஸந்த²தக³த்தா; வக்³கு³முதா³தீரியா பன பி⁴க்கூ² வண்ணவா ஹொந்தி பீணிந்த்³ரியா பஸன்னமுக²வண்ணா விப்பஸன்னச²விவண்ணா. ஆசிண்ணங் கோ² பனேதங் பு³த்³தா⁴னங் ப⁴க³வந்தானங் ஆக³ந்துகேஹி பி⁴க்கூ²ஹி ஸத்³தி⁴ங் படிஸம்மோதி³துங். அத² கோ² ப⁴க³வா வக்³கு³முதா³தீரியே பி⁴க்கூ² ஏதத³வோச – ‘‘கச்சி, பி⁴க்க²வே, க²மனீயங் கச்சி யாபனீயங் கச்சி ஸமக்³கா³ ஸம்மோத³மானா அவிவத³மானா பா²ஸுகங் வஸ்ஸங் வஸித்த² ந ச பிண்ட³கேன கிலமித்தா²’’தி? ‘‘க²மனீயங், ப⁴க³வா, யாபனீயங், ப⁴க³வா. ஸமக்³கா³ ச மயங், ப⁴ந்தே, ஸம்மோத³மானா அவிவத³மானா பா²ஸுகங் வஸ்ஸங் வஸிம்ஹா, ந ச பிண்ட³கேன கிலமிம்ஹா’’தி. ஜானந்தாபி ததா²க³தா புச்ச²ந்தி, ஜானந்தாபி ந புச்ச²ந்தி…பே॰… த்³வீஹாகாரேஹி பு³த்³தா⁴ ப⁴க³வந்தோ பி⁴க்கூ² படிபுச்ச²ந்தி – த⁴ம்மங் வா தே³ஸெஸ்ஸாம, ஸாவகானங் வா ஸிக்கா²பத³ங் பஞ்ஞாபெஸ்ஸாமாதி. அத² கோ² ப⁴க³வா வக்³கு³முதா³தீரியே பி⁴க்கூ² ஏதத³வோச – ‘‘யதா² கத²ங் பன தும்ஹே, பி⁴க்க²வே, ஸமக்³கா³ ஸம்மோத³மானா அவிவத³மானா பா²ஸுகங் வஸ்ஸங் வஸித்த² ந ச பிண்ட³கேன கிலமித்தா²’’தி? அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங் – ‘‘கச்சி பன வோ, பி⁴க்க²வே, பூ⁴த’’ந்தி? ‘‘அபூ⁴தங், ப⁴க³வா’’தி. விக³ரஹி பு³த்³தோ⁴ ப⁴க³வா – ‘‘அனநுச்ச²விகங், மோக⁴புரிஸா, அனநுலோமிகங் அப்பதிரூபங் அஸ்ஸாமணகங் அகப்பியங் அகரணீயங். கத²ஞ்ஹி நாம தும்ஹே, மோக⁴புரிஸா, உத³ரஸ்ஸ காரணா கி³ஹீனங் அஞ்ஞமஞ்ஞஸ்ஸ உத்தரிமனுஸ்ஸத⁴ம்மஸ்ஸ வண்ணங் பா⁴ஸிஸ்ஸத²! வரங் தும்ஹேஹி, மோக⁴புரிஸா, திண்ஹேன கோ³விகந்தனேன 3 குச்சி²ங் பரிகந்தோ, ந த்வேவ உத³ரஸ்ஸ காரணா கி³ஹீனங் அஞ்ஞமஞ்ஞஸ்ஸ உத்தரிமனுஸ்ஸத⁴ம்மஸ்ஸ வண்ணோ பா⁴ஸிதோ! தங் கிஸ்ஸ ஹேது? ததோ நிதா³னஞ்ஹி, மோக⁴புரிஸா, மரணங் வா நிக³ச்செ²ய்ய மரணமத்தங் வா து³க்க²ங், ந த்வேவ தப்பச்சயா காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜேய. இதோ நிதா³னஞ்ச கோ², மோக⁴புரிஸா, காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜெய்ய. நேதங், மோக⁴புரிஸா, அப்பஸன்னானங் வா பஸாதா³ய’’…பே॰… விக³ரஹித்வா த⁴ம்மிங் கத²ங் கத்வா பி⁴க்கூ² ஆமந்தேஸி –
Tena kho pana samayena disāsu vassaṃvuṭṭhā bhikkhū kisā honti lūkhā dubbaṇṇā uppaṇḍuppaṇḍukajātā dhamanisanthatagattā; vaggumudātīriyā pana bhikkhū vaṇṇavā honti pīṇindriyā pasannamukhavaṇṇā vippasannachavivaṇṇā. Āciṇṇaṃ kho panetaṃ buddhānaṃ bhagavantānaṃ āgantukehi bhikkhūhi saddhiṃ paṭisammodituṃ. Atha kho bhagavā vaggumudātīriye bhikkhū etadavoca – ‘‘kacci, bhikkhave, khamanīyaṃ kacci yāpanīyaṃ kacci samaggā sammodamānā avivadamānā phāsukaṃ vassaṃ vasittha na ca piṇḍakena kilamitthā’’ti? ‘‘Khamanīyaṃ, bhagavā, yāpanīyaṃ, bhagavā. Samaggā ca mayaṃ, bhante, sammodamānā avivadamānā phāsukaṃ vassaṃ vasimhā, na ca piṇḍakena kilamimhā’’ti. Jānantāpi tathāgatā pucchanti, jānantāpi na pucchanti…pe… dvīhākārehi buddhā bhagavanto bhikkhū paṭipucchanti – dhammaṃ vā desessāma, sāvakānaṃ vā sikkhāpadaṃ paññāpessāmāti. Atha kho bhagavā vaggumudātīriye bhikkhū etadavoca – ‘‘yathā kathaṃ pana tumhe, bhikkhave, samaggā sammodamānā avivadamānā phāsukaṃ vassaṃ vasittha na ca piṇḍakena kilamitthā’’ti? Atha kho te bhikkhū bhagavato etamatthaṃ ārocesuṃ – ‘‘kacci pana vo, bhikkhave, bhūta’’nti? ‘‘Abhūtaṃ, bhagavā’’ti. Vigarahi buddho bhagavā – ‘‘ananucchavikaṃ, moghapurisā, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tumhe, moghapurisā, udarassa kāraṇā gihīnaṃ aññamaññassa uttarimanussadhammassa vaṇṇaṃ bhāsissatha! Varaṃ tumhehi, moghapurisā, tiṇhena govikantanena 4 kucchiṃ parikanto, na tveva udarassa kāraṇā gihīnaṃ aññamaññassa uttarimanussadhammassa vaṇṇo bhāsito! Taṃ kissa hetu? Tato nidānañhi, moghapurisā, maraṇaṃ vā nigaccheyya maraṇamattaṃ vā dukkhaṃ, na tveva tappaccayā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeya. Ito nidānañca kho, moghapurisā, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya. Netaṃ, moghapurisā, appasannānaṃ vā pasādāya’’…pe… vigarahitvā dhammiṃ kathaṃ katvā bhikkhū āmantesi –
195. ‘‘பஞ்சிமே, பி⁴க்க²வே, மஹாசோரா ஸந்தோ ஸங்விஜ்ஜமானா லோகஸ்மிங். கதமே பஞ்ச? இத⁴, பி⁴க்க²வே, ஏகச்சஸ்ஸ மஹாசோரஸ்ஸ ஏவங் ஹோதி – ‘குதா³ஸ்ஸு நாமாஹங் ஸதேன வா ஸஹஸ்ஸேன வா பரிவுதோ கா³மனிக³மராஜதா⁴னீஸு ஆஹிண்டி³ஸ்ஸாமி ஹனந்தோ கா⁴தெந்தோ சி²ந்த³ந்தோ சே²தா³பெந்தோ பசந்தோ பாசெந்தோ’தி! ஸோ அபரேன ஸமயேன ஸதேன வா ஸஹஸ்ஸேன வா பரிவுதோ கா³மனிக³மராஜதா⁴னீஸு ஆஹிண்ட³தி ஹனந்தோ கா⁴தெந்தோ சி²ந்த³ந்தோ சே²தா³பெந்தோ பசந்தோ பாசெந்தோ. ஏவமேவ கோ², பி⁴க்க²வே, இதே⁴கச்சஸ்ஸ பாபபி⁴க்கு²னோ ஏவங் ஹோதி – ‘குதா³ஸ்ஸு நாமாஹங் ஸதேன வா ஸஹஸ்ஸேன வா பரிவுதோ கா³மனிக³மராஜதா⁴னீஸு சாரிகங் சரிஸ்ஸாமி ஸக்கதோ க³ருகதோ மானிதோ பூஜிதோ அபசிதோ க³ஹட்டா²னஞ்சேவ பப்³ப³ஜிதானஞ்ச, லாபீ⁴ சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரான’ந்தி ! ஸோ அபரேன ஸமயேன ஸதேன வா ஸஹஸ்ஸேன வா பரிவுதோ கா³மனிக³மராஜதா⁴னீஸு சாரிகங் சரதி ஸக்கதோ க³ருகதோ மானிதோ பூஜிதோ அபசிதோ க³ஹட்டா²னஞ்சேவ பப்³ப³ஜிதானஞ்ச, லாபீ⁴ சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரானங். அயங், பி⁴க்க²வே, பட²மோ மஹாசோரோ ஸந்தோ ஸங்விஜ்ஜமானோ லோகஸ்மிங்.
195. ‘‘Pañcime, bhikkhave, mahācorā santo saṃvijjamānā lokasmiṃ. Katame pañca? Idha, bhikkhave, ekaccassa mahācorassa evaṃ hoti – ‘kudāssu nāmāhaṃ satena vā sahassena vā parivuto gāmanigamarājadhānīsu āhiṇḍissāmi hananto ghātento chindanto chedāpento pacanto pācento’ti! So aparena samayena satena vā sahassena vā parivuto gāmanigamarājadhānīsu āhiṇḍati hananto ghātento chindanto chedāpento pacanto pācento. Evameva kho, bhikkhave, idhekaccassa pāpabhikkhuno evaṃ hoti – ‘kudāssu nāmāhaṃ satena vā sahassena vā parivuto gāmanigamarājadhānīsu cārikaṃ carissāmi sakkato garukato mānito pūjito apacito gahaṭṭhānañceva pabbajitānañca, lābhī cīvarapiṇḍapātasenāsanagilānappaccayabhesajjaparikkhārāna’nti ! So aparena samayena satena vā sahassena vā parivuto gāmanigamarājadhānīsu cārikaṃ carati sakkato garukato mānito pūjito apacito gahaṭṭhānañceva pabbajitānañca, lābhī cīvarapiṇḍapātasenāsanagilānappaccayabhesajjaparikkhārānaṃ. Ayaṃ, bhikkhave, paṭhamo mahācoro santo saṃvijjamāno lokasmiṃ.
‘‘புன சபரங், பி⁴க்க²வே, இதே⁴கச்சோ பாபபி⁴க்கு² ததா²க³தப்பவேதி³தங் த⁴ம்மவினயங் பரியாபுணித்வா அத்தனோ த³ஹதி. அயங், பி⁴க்க²வே, து³தியோ மஹாசோரோ ஸந்தோ ஸங்விஜ்ஜமானோ லோகஸ்மிங்.
‘‘Puna caparaṃ, bhikkhave, idhekacco pāpabhikkhu tathāgatappaveditaṃ dhammavinayaṃ pariyāpuṇitvā attano dahati. Ayaṃ, bhikkhave, dutiyo mahācoro santo saṃvijjamāno lokasmiṃ.
‘‘புன சபரங், பி⁴க்க²வே, இதே⁴கச்சோ பாபபி⁴க்கு² ஸுத்³த⁴ங் ப்³ரஹ்மசாரிங் பரிஸுத்³த⁴ங் ப்³ரஹ்மசரியங் சரந்தங் அமூலகேன அப்³ரஹ்மசரியேன அனுத்³த⁴ங்ஸேதி. அயங், பி⁴க்க²வே, ததியோ மஹாசோரோ ஸந்தோ ஸங்விஜ்ஜமானோ லோகஸ்மிங்.
‘‘Puna caparaṃ, bhikkhave, idhekacco pāpabhikkhu suddhaṃ brahmacāriṃ parisuddhaṃ brahmacariyaṃ carantaṃ amūlakena abrahmacariyena anuddhaṃseti. Ayaṃ, bhikkhave, tatiyo mahācoro santo saṃvijjamāno lokasmiṃ.
‘‘புன சபரங், பி⁴க்க²வே, இதே⁴கச்சோ பாபபி⁴க்கு² யானி தானி ஸங்க⁴ஸ்ஸ க³ருப⁴ண்டா³னி க³ருபரிக்கா²ரானி, ஸெய்யதி²த³ங் – ஆராமோ ஆராமவத்து² விஹாரோ விஹாரவத்து² மஞ்சோ பீட²ங் பி⁴ஸி பி³ம்போ³ஹனங் 5 லோஹகும்பீ⁴ லோஹபா⁴ணகங் லோஹவாரகோ லோஹகடாஹங் வாஸீ பரஸு 6 குடா²ரீ குதா³லோ நிகா²த³னங் வல்லி வேளு முஞ்ஜங் பப்³ப³ஜங் திணங் மத்திகா தா³ருப⁴ண்ட³ங் மத்திகாப⁴ண்ட³ங், தேஹி கி³ஹீங் ஸங்க³ண்ஹாதி உபலாபேதி. அயங், பி⁴க்க²வே, சதுத்தோ² மஹாசோரோ ஸந்தோ ஸங்விஜ்ஜமானோ லோகஸ்மிங்.
‘‘Puna caparaṃ, bhikkhave, idhekacco pāpabhikkhu yāni tāni saṅghassa garubhaṇḍāni garuparikkhārāni, seyyathidaṃ – ārāmo ārāmavatthu vihāro vihāravatthu mañco pīṭhaṃ bhisi bimbohanaṃ 7 lohakumbhī lohabhāṇakaṃ lohavārako lohakaṭāhaṃ vāsī parasu 8 kuṭhārī kudālo nikhādanaṃ valli veḷu muñjaṃ pabbajaṃ tiṇaṃ mattikā dārubhaṇḍaṃ mattikābhaṇḍaṃ, tehi gihīṃ saṅgaṇhāti upalāpeti. Ayaṃ, bhikkhave, catuttho mahācoro santo saṃvijjamāno lokasmiṃ.
‘‘ஸதே³வகே, பி⁴க்க²வே, லோகே ஸமாரகே ஸப்³ரஹ்மகே ஸஸ்ஸமணப்³ராஹ்மணியா பஜாய ஸதே³வமனுஸ்ஸாய அயங் அக்³கோ³ மஹாசோரோ யோ அஸந்தங் அபூ⁴தங் உத்தரிமனுஸ்ஸத⁴ம்மங் உல்லபதி. தங் கிஸ்ஸ ஹேது? தெ²ய்யாய வோ, பி⁴க்க²வே, ரட்ட²பிண்டோ³ பு⁴த்தோ’’தி.
‘‘Sadevake, bhikkhave, loke samārake sabrahmake sassamaṇabrāhmaṇiyā pajāya sadevamanussāya ayaṃ aggo mahācoro yo asantaṃ abhūtaṃ uttarimanussadhammaṃ ullapati. Taṃ kissa hetu? Theyyāya vo, bhikkhave, raṭṭhapiṇḍo bhutto’’ti.
நிகச்ச கிதவஸ்ஸேவ, பு⁴த்தங் தெ²ய்யேன தஸ்ஸ தங்.
Nikacca kitavasseva, bhuttaṃ theyyena tassa taṃ.
பாபா பாபேஹி கம்மேஹி, நிரயங் தே உபபஜ்ஜரே.
Pāpā pāpehi kammehi, nirayaṃ te upapajjare.
யஞ்சே பு⁴ஞ்ஜெய்ய து³ஸ்ஸீலோ, ரட்ட²பிண்ட³ங் அஸஞ்ஞதோதி.
Yañce bhuñjeyya dussīlo, raṭṭhapiṇḍaṃ asaññatoti.
அத² கோ² ப⁴க³வா தே வக்³கு³முதா³தீரியே பி⁴க்கூ² அனேகபரியாயேன விக³ரஹித்வா து³ப்³ப⁴ரதாய து³ப்போஸதாய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
Atha kho bhagavā te vaggumudātīriye bhikkhū anekapariyāyena vigarahitvā dubbharatāya dupposatāya…pe… evañca pana, bhikkhave, imaṃ sikkhāpadaṃ uddiseyyātha –
‘‘யோ பன பி⁴க்கு² அனபி⁴ஜானங் உத்தரிமனுஸ்ஸத⁴ம்மங் அத்துபனாயிகங் அலமரியஞாணத³ஸ்ஸனங் ஸமுதா³சரெய்ய – ‘இதி ஜானாமி இதி பஸ்ஸாமீ’தி, ததோ அபரேன ஸமயேன ஸமனுக்³கா³ஹீயமானோ வா அஸமனுக்³கா³ஹீயமானோ வா ஆபன்னோ விஸுத்³தா⁴பெக்கோ² ஏவங் வதெ³ய்ய – ‘அஜானமேவங், ஆவுஸோ, அவசங் ஜானாமி , அபஸ்ஸங் பஸ்ஸாமி. துச்ச²ங் முஸா விலபி’ந்தி, அயம்பி பாராஜிகோ ஹோதி அஸங்வாஸோ’’தி.
‘‘Yo pana bhikkhu anabhijānaṃ uttarimanussadhammaṃ attupanāyikaṃ alamariyañāṇadassanaṃ samudācareyya – ‘iti jānāmi iti passāmī’ti, tato aparena samayena samanuggāhīyamāno vā asamanuggāhīyamāno vā āpanno visuddhāpekkho evaṃ vadeyya – ‘ajānamevaṃ, āvuso, avacaṃ jānāmi, apassaṃ passāmi. Tucchaṃ musā vilapi’nti, ayampi pārājiko hoti asaṃvāso’’ti.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
196. தேன கோ² பன ஸமயேன ஸம்ப³ஹுலா பி⁴க்கூ² அதி³ட்டே² தி³ட்ட²ஸஞ்ஞினோ அபத்தே பத்தஸஞ்ஞினோ அனதி⁴க³தே அதி⁴க³தஸஞ்ஞினோ அஸச்சி²கதே ஸச்சி²கதஸஞ்ஞினோ அதி⁴மானேன அஞ்ஞங் ப்³யாகரிங்ஸு. தேஸங் அபரேன ஸமயேன ராகா³யபி சித்தங் நமதி தோ³ஸாயபி சித்தங் நமதி மோஹாயபி சித்தங் நமதி. தேஸங் குக்குச்சங் அஹோஸி – ‘‘ப⁴க³வதா ஸிக்கா²பத³ங் பஞ்ஞத்தங். மயஞ்சம்ஹ அதி³ட்டே² தி³ட்ட²ஸஞ்ஞினோ அபத்தே பத்தஸஞ்ஞினோ அனதி⁴க³தே அதி⁴க³தஸஞ்ஞினோ அஸச்சி²கதே ஸச்சி²கதஸஞ்ஞினோ, அதி⁴மானேன அஞ்ஞங் ப்³யாகரிம்ஹா. கச்சி நு கோ² மயங் பாராஜிகங் ஆபத்திங் ஆபன்னா’’தி? தே ஆயஸ்மதோ ஆனந்த³ஸ்ஸ ஏதமத்த²ங் ஆரோசேஸுங். ஆயஸ்மா ஆனந்தோ³ ப⁴க³வதோ ஏதமத்த²ங் ஆரோசேஸி. ‘‘ஹொந்தி யே தே, ஆனந்த³ 15, பி⁴க்கூ² அதி³ட்டே² தி³ட்ட²ஸஞ்ஞினோ அபத்தே பத்தஸஞ்ஞினோ அனதி⁴க³தே அதி⁴க³தஸஞ்ஞினோ அஸச்சி²கதே ஸச்சி²கதஸஞ்ஞினோ அதி⁴மானேன அஞ்ஞங் ப்³யாகரொந்தி. தஞ்ச கோ² ஏதங் அப்³போ³ஹாரிக’’ந்தி.
196. Tena kho pana samayena sambahulā bhikkhū adiṭṭhe diṭṭhasaññino apatte pattasaññino anadhigate adhigatasaññino asacchikate sacchikatasaññino adhimānena aññaṃ byākariṃsu. Tesaṃ aparena samayena rāgāyapi cittaṃ namati dosāyapi cittaṃ namati mohāyapi cittaṃ namati. Tesaṃ kukkuccaṃ ahosi – ‘‘bhagavatā sikkhāpadaṃ paññattaṃ. Mayañcamha adiṭṭhe diṭṭhasaññino apatte pattasaññino anadhigate adhigatasaññino asacchikate sacchikatasaññino, adhimānena aññaṃ byākarimhā. Kacci nu kho mayaṃ pārājikaṃ āpattiṃ āpannā’’ti? Te āyasmato ānandassa etamatthaṃ ārocesuṃ. Āyasmā ānando bhagavato etamatthaṃ ārocesi. ‘‘Honti ye te, ānanda 16, bhikkhū adiṭṭhe diṭṭhasaññino apatte pattasaññino anadhigate adhigatasaññino asacchikate sacchikatasaññino adhimānena aññaṃ byākaronti. Tañca kho etaṃ abbohārika’’nti.
‘‘ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
‘‘Evañca pana, bhikkhave, imaṃ sikkhāpadaṃ uddiseyyātha –
197. ‘‘யோ பன பி⁴க்கு² அனபி⁴ஜானங் உத்தரிமனுஸ்ஸத⁴ம்மங் அத்துபனாயிகங் அலமரியஞாணத³ஸ்ஸனங் ஸமுதா³சரெய்ய – ‘இதி ஜானாமி இதி பஸ்ஸாமீ’தி, ததோ அபரேன ஸமயேன ஸமனுக்³கா³ஹீயமானோ வா அஸமனுக்³கா³ஹீயமானோ வா ஆபன்னோ விஸுத்³தா⁴பெக்கோ² ஏவங் வதெ³ய்ய – ‘அஜானமேவங், ஆவுஸோ, அவசங் ஜானாமி, அபஸ்ஸங் பஸ்ஸாமி. துச்ச²ங் முஸா விலபி’ந்தி, அஞ்ஞத்ர அதி⁴மானா, அயம்பி பாராஜிகோ ஹோதி அஸங்வாஸோ’’தி.
197.‘‘Yopana bhikkhu anabhijānaṃ uttarimanussadhammaṃ attupanāyikaṃ alamariyañāṇadassanaṃ samudācareyya – ‘iti jānāmi iti passāmī’ti, tato aparena samayena samanuggāhīyamāno vā asamanuggāhīyamāno vā āpanno visuddhāpekkho evaṃ vadeyya – ‘ajānamevaṃ, āvuso, avacaṃ jānāmi, apassaṃ passāmi. Tucchaṃ musā vilapi’nti, aññatra adhimānā, ayampi pārājiko hoti asaṃvāso’’ti.
198. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
198.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
அனபி⁴ஜானந்தி அஸந்தங் அபூ⁴தங் அஸங்விஜ்ஜமானங் அஜானந்தோ அபஸ்ஸந்தோ அத்தனி குஸலங் த⁴ம்மங் – அத்தி² மே குஸலோ த⁴ம்மோதி.
Anabhijānanti asantaṃ abhūtaṃ asaṃvijjamānaṃ ajānanto apassanto attani kusalaṃ dhammaṃ – atthi me kusalo dhammoti.
அத்துபனாயிகந்தி தே வா குஸலே த⁴ம்மே அத்தனி உபனேதி அத்தானங் வா தேஸு குஸலேஸு த⁴ம்மேஸு உபனேதி.
Attupanāyikanti te vā kusale dhamme attani upaneti attānaṃ vā tesu kusalesu dhammesu upaneti.
ஞாணந்தி திஸ்ஸோ விஜ்ஜா. த³ஸ்ஸனந்தி யங் ஞாணங் தங் த³ஸ்ஸனங். யங் த³ஸ்ஸனங் தங் ஞாணங்.
Ñāṇanti tisso vijjā. Dassananti yaṃ ñāṇaṃ taṃ dassanaṃ. Yaṃ dassanaṃ taṃ ñāṇaṃ.
ஸமுதா³சரெய்யாதி ஆரோசெய்ய இத்தி²யா வா புரிஸஸ்ஸ வா க³ஹட்ட²ஸ்ஸ வா பப்³ப³ஜிதஸ்ஸ வா.
Samudācareyyāti āroceyya itthiyā vā purisassa vā gahaṭṭhassa vā pabbajitassa vā.
இதி ஜானாமி இதி பஸ்ஸாமீதி ஜானாமஹங் ஏதே த⁴ம்மே, பஸ்ஸாமஹங் ஏதே த⁴ம்மே அத்தி² ச ஏதே த⁴ம்மா மயி, அஹஞ்ச ஏதேஸு த⁴ம்மேஸு ஸந்தி³ஸ்ஸாமீதி.
Iti jānāmi iti passāmīti jānāmahaṃ ete dhamme, passāmahaṃ ete dhamme atthi ca ete dhammā mayi, ahañca etesu dhammesu sandissāmīti.
ததோ அபரேன ஸமயேனாதி யஸ்மிங் க²ணே ஸமுதா³சிண்ணங் ஹோதி தங் க²ணங் தங் லயங் தங் முஹுத்தங் வீதிவத்தே.
Tato aparena samayenāti yasmiṃ khaṇe samudāciṇṇaṃ hoti taṃ khaṇaṃ taṃ layaṃ taṃ muhuttaṃ vītivatte.
ஸமனுக்³கா³ஹீயமானோதி யங் வத்து² படிஞ்ஞாதங் ஹோதி தஸ்மிங் வத்து²ஸ்மிங் ஸமனுக்³கா³ஹீயமானோ – ‘‘கிந்தே அதி⁴க³தங், கிந்தி தே அதி⁴க³தங், கதா³ தே அதி⁴க³தங், கத்த² தே அதி⁴க³தங், கதமே தே கிலேஸா பஹீனா, கதமேஸங் த்வங் த⁴ம்மானங் லாபீ⁴’’தி.
Samanuggāhīyamānoti yaṃ vatthu paṭiññātaṃ hoti tasmiṃ vatthusmiṃ samanuggāhīyamāno – ‘‘kinte adhigataṃ, kinti te adhigataṃ, kadā te adhigataṃ, kattha te adhigataṃ, katame te kilesā pahīnā, katamesaṃ tvaṃ dhammānaṃ lābhī’’ti.
அஸமனுக்³கா³ஹீயமானோதி ந கேனசி வுச்சமானோ.
Asamanuggāhīyamānoti na kenaci vuccamāno.
ஆபன்னோதி பாபிச்சோ² இச்சா²பகதோ அஸந்தங் அபூ⁴தங் உத்தரிமனுஸ்ஸத⁴ம்மங் உல்லபித்வா பாராஜிகங் ஆபத்திங் ஆபன்னோ ஹோதி.
Āpannoti pāpiccho icchāpakato asantaṃ abhūtaṃ uttarimanussadhammaṃ ullapitvā pārājikaṃ āpattiṃ āpanno hoti.
விஸுத்³தா⁴பெக்கோ²தி கி³ஹீ வா ஹோதுகாமோ உபாஸகோ வா ஹோதுகாமோ ஆராமிகோ வா ஹோதுகாமோ ஸாமணேரோ வா ஹோதுகாமோ.
Visuddhāpekkhoti gihī vā hotukāmo upāsako vā hotukāmo ārāmiko vā hotukāmo sāmaṇero vā hotukāmo.
அஜானமேவங் , ஆவுஸோ, அவசங் – ஜானாமி, அபஸ்ஸங் பஸ்ஸாமீதி நாஹங் ஏதே த⁴ம்மே ஜானாமி, நாஹங் ஏதே த⁴ம்மே பஸ்ஸாமி, நத்தி² ச ஏதே த⁴ம்மா மயி, ந சாஹங் ஏதேஸு த⁴ம்மேஸு ஸந்தி³ஸ்ஸாமீதி.
Ajānamevaṃ , āvuso, avacaṃ – jānāmi, apassaṃ passāmīti nāhaṃ ete dhamme jānāmi, nāhaṃ ete dhamme passāmi, natthi ca ete dhammā mayi, na cāhaṃ etesu dhammesu sandissāmīti.
துச்ச²ங் முஸா விலபிந்தி துச்ச²கங் மயா ப⁴ணிதங், முஸா மயா ப⁴ணிதங், அபூ⁴தங் மயா ப⁴ணிதங், அஜானந்தேன மயா ப⁴ணிதங்.
Tucchaṃ musā vilapinti tucchakaṃ mayā bhaṇitaṃ, musā mayā bhaṇitaṃ, abhūtaṃ mayā bhaṇitaṃ, ajānantena mayā bhaṇitaṃ.
அஞ்ஞத்ர அதி⁴மானாதி ட²பெத்வா அதி⁴மானங்.
Aññatra adhimānāti ṭhapetvā adhimānaṃ.
அயம்பீதி புரிமே உபாதா³ய வுச்சதி.
Ayampīti purime upādāya vuccati.
பாராஜிகோ ஹோதீதி ஸெய்யதா²பி நாம தாலோ மத்த²கச்சி²ன்னோ அப⁴ப்³போ³ புன விரூள்ஹியா, ஏவமேவ பி⁴க்கு² பாபிச்சோ² இச்சா²பகதோ அஸந்தங் அபூ⁴தங் உத்தரிமனுஸ்ஸத⁴ம்மங் உல்லபித்வா அஸ்ஸமணோ ஹோதி அஸக்யபுத்தியோ. தேன வுச்சதி – ‘‘பாராஜிகோ ஹோதீ’’தி.
Pārājiko hotīti seyyathāpi nāma tālo matthakacchinno abhabbo puna virūḷhiyā, evameva bhikkhu pāpiccho icchāpakato asantaṃ abhūtaṃ uttarimanussadhammaṃ ullapitvā assamaṇo hoti asakyaputtiyo. Tena vuccati – ‘‘pārājiko hotī’’ti.
அஸங்வாஸோதி ஸங்வாஸோ நாம ஏககம்மங் ஏகுத்³தே³ஸோ ஸமஸிக்க²தா – ஏஸோ ஸங்வாஸோ நாம. ஸோ தேன ஸத்³தி⁴ங் நத்தி². தேன வுச்சதி – ‘‘அஸங்வாஸோ’’தி.
Asaṃvāsoti saṃvāso nāma ekakammaṃ ekuddeso samasikkhatā – eso saṃvāso nāma. So tena saddhiṃ natthi. Tena vuccati – ‘‘asaṃvāso’’ti.
199. உத்தரிமனுஸ்ஸத⁴ம்மோ நாம ஜா²னங் விமொக்கோ² ஸமாதி⁴ ஸமாபத்தி ஞாணத³ஸ்ஸனங் மக்³க³பா⁴வனா ப²லஸச்சி²கிரியா கிலேஸப்பஹானங் வினீவரணதா சித்தஸ்ஸ ஸுஞ்ஞாகா³ரே அபி⁴ரதி.
199.Uttarimanussadhammo nāma jhānaṃ vimokkho samādhi samāpatti ñāṇadassanaṃ maggabhāvanā phalasacchikiriyā kilesappahānaṃ vinīvaraṇatā cittassa suññāgāre abhirati.
21 ஜா²னந்தி பட²மங் ஜா²னங் து³தியங் ஜா²னங் ததியங் ஜா²னங் சதுத்த²ங் ஜா²னங்.
22Jhānanti paṭhamaṃ jhānaṃ dutiyaṃ jhānaṃ tatiyaṃ jhānaṃ catutthaṃ jhānaṃ.
23 விமொக்கோ²தி ஸுஞ்ஞதோ விமொக்கோ² அனிமித்தோ விமொக்கோ² அப்பணிஹிதோ விமொக்கோ².
24Vimokkhoti suññato vimokkho animitto vimokkho appaṇihito vimokkho.
25 ஸமாதீ⁴தி ஸுஞ்ஞதோ ஸமாதி⁴ அனிமித்தோ ஸமாதி⁴ அப்பணிஹிதோ ஸமாதி⁴.
26Samādhīti suññato samādhi animitto samādhi appaṇihito samādhi.
27 ஸமாபத்தீதி ஸுஞ்ஞதா ஸமாபத்தி அனிமித்தா ஸமாபத்தி அப்பணிஹிதா ஸமாபத்தி.
28Samāpattīti suññatā samāpatti animittā samāpatti appaṇihitā samāpatti.
31 மக்³க³பா⁴வனாதி சத்தாரோ ஸதிபட்டா²னா, சத்தாரோ ஸம்மப்பதா⁴னா, சத்தாரோ இத்³தி⁴பாதா³, பஞ்சிந்த்³ரியானி, பஞ்ச ப³லானி, ஸத்த பொ³ஜ்ஜ²ங்கா³, அரியோ அட்ட²ங்கி³கோ மக்³கோ³.
32Maggabhāvanāti cattāro satipaṭṭhānā, cattāro sammappadhānā, cattāro iddhipādā, pañcindriyāni, pañca balāni, satta bojjhaṅgā, ariyo aṭṭhaṅgiko maggo.
37 கிலேஸப்பஹானந்தி ராக³ஸ்ஸ பஹானங் தோ³ஸஸ்ஸ பஹானங் மோஹஸ்ஸ பஹானங்.
38Kilesappahānanti rāgassa pahānaṃ dosassa pahānaṃ mohassa pahānaṃ.
39 வினீவரணதா சித்தஸ்ஸாதி ராகா³ சித்தங் வினீவரணதா, தோ³ஸா சித்தங் வினீவரணதா, மோஹா சித்தங் வினீவரணதா.
40Vinīvaraṇatā cittassāti rāgā cittaṃ vinīvaraṇatā, dosā cittaṃ vinīvaraṇatā, mohā cittaṃ vinīvaraṇatā.
41 ஸுஞ்ஞாகா³ரே அபி⁴ரதீதி பட²மேன ஜா²னேன ஸுஞ்ஞாகா³ரே அபி⁴ரதி, து³தியேன ஜா²னேன ஸுஞ்ஞாகா³ரே அபி⁴ரதி, ததியேன ஜா²னேன ஸுஞ்ஞாகா³ரே அபி⁴ரதி, சதுத்தே²ன ஜா²னேன ஸுஞ்ஞாகா³ரே அபி⁴ரதி.
42Suññāgāre abhiratīti paṭhamena jhānena suññāgāre abhirati, dutiyena jhānena suññāgāre abhirati, tatiyena jhānena suññāgāre abhirati, catutthena jhānena suññāgāre abhirati.
200. தீஹாகாரேஹி பட²மங் ஜா²னங் ஸமாபஜ்ஜிந்தி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ, புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி.
200. Tīhākārehi paṭhamaṃ jhānaṃ samāpajjinti sampajānamusā bhaṇantassa āpatti pārājikassa, pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti.
சதூஹாகாரேஹி பட²மங் ஜா²னங் ஸமாபஜ்ஜிந்தி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங்.
Catūhākārehi paṭhamaṃ jhānaṃ samāpajjinti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ.
பஞ்சஹாகாரேஹி பட²மங் ஜா²னங் ஸமாபஜ்ஜிந்தி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங் வினிதா⁴ய க²ந்திங்.
Pañcahākārehi paṭhamaṃ jhānaṃ samāpajjinti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ vinidhāya khantiṃ.
ச²ஹாகாரேஹி பட²மங் ஜா²னங் ஸமாபஜ்ஜிந்தி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங்.
Chahākārehi paṭhamaṃ jhānaṃ samāpajjinti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ.
ஸத்தஹாகாரேஹி பட²மங் ஜா²னங் ஸமாபஜ்ஜிந்தி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
Sattahākārehi paṭhamaṃ jhānaṃ samāpajjinti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.
201. தீஹாகாரேஹி பட²மங் ஜா²னங் ஸமாபஜ்ஜாமீதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி.
201. Tīhākārehi paṭhamaṃ jhānaṃ samāpajjāmīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti.
சதூஹாகாரேஹி பட²மங் ஜா²னங் ஸமாபஜ்ஜாமீதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங்.
Catūhākārehi paṭhamaṃ jhānaṃ samāpajjāmīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ.
பஞ்சஹாகாரேஹி பட²மங் ஜா²னங் ஸமாபஜ்ஜாமீதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங்.
Pañcahākārehi paṭhamaṃ jhānaṃ samāpajjāmīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ.
ச²ஹாகாரேஹி பட²மங் ஜா²னங் ஸமாபஜ்ஜாமீதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங்.
Chahākārehi paṭhamaṃ jhānaṃ samāpajjāmīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ.
ஸத்தஹாகாரேஹி பட²மங் ஜா²னங் ஸமாபஜ்ஜாமீதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
Sattahākārehi paṭhamaṃ jhānaṃ samāpajjāmīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.
202. தீஹாகாரேஹி பட²மங் ஜா²னங் ஸமாபன்னோதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி.
202. Tīhākārehi paṭhamaṃ jhānaṃ samāpannoti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti.
சதூஹாகாரேஹி பட²மங் ஜா²னங் ஸமாபன்னோதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங்.
Catūhākārehi paṭhamaṃ jhānaṃ samāpannoti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ.
பஞ்சஹாகாரேஹி பட²மங் ஜா²னங் ஸமாபன்னோதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங்.
Pañcahākārehi paṭhamaṃ jhānaṃ samāpannoti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ.
ச²ஹாகாரேஹி பட²மங் ஜா²னங் ஸமாபன்னோதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங்.
Chahākārehi paṭhamaṃ jhānaṃ samāpannoti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ.
ஸத்தஹாகாரேஹி பட²மங் ஜா²னங் ஸமாபன்னோதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
Sattahākārehi paṭhamaṃ jhānaṃ samāpannoti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.
203. தீஹாகாரேஹி பட²மஸ்ஸ ஜா²னஸ்ஸ லாபீ⁴ம்ஹீதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி.
203. Tīhākārehi paṭhamassa jhānassa lābhīmhīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti.
சதூஹாகாரேஹி பட²மஸ்ஸ ஜா²னஸ்ஸ லாபீ⁴ம்ஹீதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங்.
Catūhākārehi paṭhamassa jhānassa lābhīmhīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ.
பஞ்சஹாகாரேஹி பட²மஸ்ஸ ஜா²னஸ்ஸ லாபீ⁴ம்ஹீதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி , ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங்.
Pañcahākārehi paṭhamassa jhānassa lābhīmhīti sampajānamusā bhaṇantassa āpatti pārājikassa – pubbevassa hoti musā bhaṇissanti , bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ.
ச²ஹாகாரேஹி பட²மஸ்ஸ ஜா²னஸ்ஸ லாபீ⁴ம்ஹீதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங்.
Chahākārehi paṭhamassa jhānassa lābhīmhīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ.
ஸத்தஹாகாரேஹி பட²மஸ்ஸ ஜா²னஸ்ஸ லாபீ⁴ம்ஹீதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
Sattahākārehi paṭhamassa jhānassa lābhīmhīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.
204. தீஹாகாரேஹி பட²மஸ்ஸ ஜா²னஸ்ஸ வஸீம்ஹீதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி.
204. Tīhākārehi paṭhamassa jhānassa vasīmhīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti.
சதூஹாகாரேஹி பட²மஸ்ஸ ஜா²னஸ்ஸ வஸீம்ஹீதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங்.
Catūhākārehi paṭhamassa jhānassa vasīmhīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ.
பஞ்சஹாகாரேஹி பட²மஸ்ஸ ஜா²னஸ்ஸ வஸீம்ஹீதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங்.
Pañcahākārehi paṭhamassa jhānassa vasīmhīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ.
ச²ஹாகாரேஹி பட²மஸ்ஸ ஜா²னஸ்ஸ வஸீம்ஹீதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங்.
Chahākārehi paṭhamassa jhānassa vasīmhīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ.
ஸத்தஹாகாரேஹி பட²மஸ்ஸ ஜா²னஸ்ஸ வஸீம்ஹீதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
Sattahākārehi paṭhamassa jhānassa vasīmhīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.
205. தீஹாகாரேஹி பட²மங் ஜா²னங் ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி.
205. Tīhākārehi paṭhamaṃ jhānaṃ sacchikataṃ mayāti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti.
சதூஹாகாரேஹி பட²மங் ஜா²னங் ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங்.
Catūhākārehi paṭhamaṃ jhānaṃ sacchikataṃ mayāti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ.
பஞ்சஹாகாரேஹி பட²மங் ஜா²னங் ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங்.
Pañcahākārehi paṭhamaṃ jhānaṃ sacchikataṃ mayāti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ.
ச²ஹாகாரேஹி பட²மங் ஜா²னங் ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங்.
Chahākārehi paṭhamaṃ jhānaṃ sacchikataṃ mayāti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ.
ஸத்தஹாகாரேஹி பட²மங் ஜா²னங் ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
Sattahākārehi paṭhamaṃ jhānaṃ sacchikataṃ mayāti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.
யதா² இத³ங் பட²மங் ஜா²னங் வித்தா²ரிதங் தங் ஸப்³ப³ம்பி வித்தா²ரேதப்³ப³ங்.
Yathā idaṃ paṭhamaṃ jhānaṃ vitthāritaṃ taṃ sabbampi vitthāretabbaṃ.
206. தீஹாகாரேஹி…பே॰… ஸத்தஹாகாரேஹி து³தியங் ஜா²னங்…பே॰… ததியங் ஜா²னங்…பே॰… சதுத்த²ங் ஜா²னங் ஸமாபஜ்ஜிங்… ஸமாபஜ்ஜாமி… ஸமாபன்னோ… சதுத்த²ஸ்ஸ ஜா²னஸ்ஸ லாபீ⁴ம்ஹி… வஸீம்ஹி… சதுத்த²ங் ஜா²னங் ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ. புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
206. Tīhākārehi…pe… sattahākārehi dutiyaṃ jhānaṃ…pe… tatiyaṃ jhānaṃ…pe… catutthaṃ jhānaṃ samāpajjiṃ… samāpajjāmi… samāpanno… catutthassa jhānassa lābhīmhi… vasīmhi… catutthaṃ jhānaṃ sacchikataṃ mayāti sampajānamusā bhaṇantassa āpatti pārājikassa. Pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.
207. தீஹாகாரேஹி ஸுஞ்ஞதங் விமொக்க²ங்… அனிமித்தங் விமொக்க²ங்… அப்பணிஹிதங் விமொக்க²ங்… ஸமாபஜ்ஜிங்… ஸமாபஜ்ஜாமி… ஸமாபன்னோ… அப்பணிஹிதஸ்ஸ விமொக்க²ஸ்ஸ லாபீ⁴ம்ஹி… வஸீம்ஹி… அப்பணிஹிதோ விமொக்கோ² ஸச்சி²கதோ மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ…பே॰….
207. Tīhākārehi suññataṃ vimokkhaṃ… animittaṃ vimokkhaṃ… appaṇihitaṃ vimokkhaṃ… samāpajjiṃ… samāpajjāmi… samāpanno… appaṇihitassa vimokkhassa lābhīmhi… vasīmhi… appaṇihito vimokkho sacchikato mayāti sampajānamusā bhaṇantassa āpatti pārājikassa…pe….
தீஹாகாரேஹி ஸுஞ்ஞதங் ஸமாதி⁴ங்… அனிமித்தங் ஸமாதி⁴ங்… அப்பணிஹிதங் ஸமாதி⁴ங் ஸமாபஜ்ஜிங்… ஸமாபஜ்ஜாமி… ஸமாபன்னோ… அப்பணிஹிதஸ்ஸ ஸமாதி⁴ஸ்ஸ லாபீ⁴ம்ஹி… வஸீம்ஹி… அப்பணிஹிதோ ஸமாதி⁴ ஸச்சி²கதோ மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi suññataṃ samādhiṃ… animittaṃ samādhiṃ… appaṇihitaṃ samādhiṃ samāpajjiṃ… samāpajjāmi… samāpanno… appaṇihitassa samādhissa lābhīmhi… vasīmhi… appaṇihito samādhi sacchikato mayāti sampajānamusā bhaṇantassa āpatti pārājikassa.
தீஹாகாரேஹி ஸுஞ்ஞதங் ஸமாபத்திங்… அனிமித்தங் ஸமாபத்திங்… அப்பணிஹிதங் ஸமாபத்திங் ஸமாபஜ்ஜிங்… ஸமாபஜ்ஜாமி… ஸமாபன்னோ… அப்பணிஹிதாய ஸமாபத்தியா லாபீ⁴ம்ஹி… வஸீம்ஹி… அப்பணிஹிதா ஸமாபத்தி ஸச்சி²கதா மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi suññataṃ samāpattiṃ… animittaṃ samāpattiṃ… appaṇihitaṃ samāpattiṃ samāpajjiṃ… samāpajjāmi… samāpanno… appaṇihitāya samāpattiyā lābhīmhi… vasīmhi… appaṇihitā samāpatti sacchikatā mayāti sampajānamusā bhaṇantassa āpatti pārājikassa.
தீஹாகாரேஹி திஸ்ஸோ விஜ்ஜா ஸமாபஜ்ஜிங்… ஸமாபஜ்ஜாமி ஸமாபன்னோ… திஸ்ஸன்னங் விஜ்ஜானங் லாபீ⁴ம்ஹி… வஸீம்ஹி… திஸ்ஸோ விஜ்ஜா ஸச்சி²கதா மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi tisso vijjā samāpajjiṃ… samāpajjāmi samāpanno… tissannaṃ vijjānaṃ lābhīmhi… vasīmhi… tisso vijjā sacchikatā mayāti sampajānamusā bhaṇantassa āpatti pārājikassa.
தீஹாகாரேஹி சத்தாரோ ஸதிபட்டா²னே… சத்தாரோ ஸம்மப்பதா⁴னே… சத்தாரோ இத்³தி⁴பாதே³ ஸமாபஜ்ஜிங்… ஸமாபஜ்ஜாமி… ஸமாபன்னோ… சதுன்னங் இத்³தி⁴பாதா³னங் லாபீ⁴ம்ஹி… வஸீம்ஹி… சத்தாரோ இத்³தி⁴பாதா³ ஸச்சி²கதா மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi cattāro satipaṭṭhāne… cattāro sammappadhāne… cattāro iddhipāde samāpajjiṃ… samāpajjāmi… samāpanno… catunnaṃ iddhipādānaṃ lābhīmhi… vasīmhi… cattāro iddhipādā sacchikatā mayāti sampajānamusā bhaṇantassa āpatti pārājikassa.
தீஹாகாரேஹி பஞ்சிந்த்³ரியானி… பஞ்ச ப³லானி ஸமாபஜ்ஜிங்… ஸமாபஜ்ஜாமி… ஸமாபன்னோ … பஞ்சன்னங் ப³லானங் லாபீ⁴ம்ஹி… வஸீம்ஹி… பஞ்சப³லானி ஸச்சி²கதானி மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi pañcindriyāni… pañca balāni samāpajjiṃ… samāpajjāmi… samāpanno … pañcannaṃ balānaṃ lābhīmhi… vasīmhi… pañcabalāni sacchikatāni mayāti sampajānamusā bhaṇantassa āpatti pārājikassa.
தீஹாகாரேஹி ஸத்த பொ³ஜ்ஜ²ங்கே³ ஸமாபஜ்ஜிங்… ஸமாபஜ்ஜாமி… ஸமாபன்னோ… ஸத்தன்னங் பொ³ஜ்ஜ²ங்கா³னங் லாபீ⁴ம்ஹி… வஸீம்ஹி… ஸத்த பொ³ஜ்ஜ²ங்கா³ ஸச்சி²கதா மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi satta bojjhaṅge samāpajjiṃ… samāpajjāmi… samāpanno… sattannaṃ bojjhaṅgānaṃ lābhīmhi… vasīmhi… satta bojjhaṅgā sacchikatā mayāti sampajānamusā bhaṇantassa āpatti pārājikassa.
தீஹாகாரேஹி அரியங் அட்ட²ங்கி³கங் மக்³க³ங் ஸமாபஜ்ஜிங்… ஸமாபஜ்ஜாமி… ஸமாபன்னோ… அரியஸ்ஸ அட்ட²ங்கி³கஸ்ஸ மக்³க³ஸ்ஸ லாபீ⁴ம்ஹி… வஸீம்ஹி… அரியோ அட்ட²ங்கி³கோ மக்³கோ³ ஸச்சி²கதோ மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi ariyaṃ aṭṭhaṅgikaṃ maggaṃ samāpajjiṃ… samāpajjāmi… samāpanno… ariyassa aṭṭhaṅgikassa maggassa lābhīmhi… vasīmhi… ariyo aṭṭhaṅgiko maggo sacchikato mayāti sampajānamusā bhaṇantassa āpatti pārājikassa.
தீஹாகாரேஹி ஸோதாபத்திப²லங்… ஸகதா³கா³மிப²லங்… அனாகா³மிப²லங்… அரஹத்தங் ஸமாபஜ்ஜிங்… ஸமாபஜ்ஜாமி… ஸமாபன்னோ… அரஹத்தஸ்ஸ லாபீ⁴ம்ஹி வஸீம்ஹி அரஹத்தங் ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ .
Tīhākārehi sotāpattiphalaṃ… sakadāgāmiphalaṃ… anāgāmiphalaṃ… arahattaṃ samāpajjiṃ… samāpajjāmi… samāpanno… arahattassa lābhīmhi vasīmhi arahattaṃ sacchikataṃ mayāti sampajānamusā bhaṇantassa āpatti pārājikassa .
தீஹாகாரேஹி ராகோ³ மே சத்தோ வந்தோ முத்தோ பஹீனோ படினிஸ்ஸட்டோ² உக்கே²டிதோ ஸமுக்கே²டிதோதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi rāgo me catto vanto mutto pahīno paṭinissaṭṭho ukkheṭito samukkheṭitoti sampajānamusā bhaṇantassa āpatti pārājikassa.
தீஹாகாரேஹி தோ³ஸோ மே சத்தோ வந்தோ முத்தோ பஹீனோ படினிஸ்ஸட்டோ² உக்கே²டிதோ ஸமுக்கே²டிதோதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi doso me catto vanto mutto pahīno paṭinissaṭṭho ukkheṭito samukkheṭitoti sampajānamusā bhaṇantassa āpatti pārājikassa.
தீஹாகாரேஹி மோஹோ மே சத்தோ வந்தோ முத்தோ பஹீனோ படினிஸ்ஸட்டோ² உக்கே²டிதோ ஸமுக்கே²டிதோதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi moho me catto vanto mutto pahīno paṭinissaṭṭho ukkheṭito samukkheṭitoti sampajānamusā bhaṇantassa āpatti pārājikassa.
தீஹாகாரேஹி ராகா³ மே சித்தங் வினீவரணந்தி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi rāgā me cittaṃ vinīvaraṇanti sampajānamusā bhaṇantassa āpatti pārājikassa.
தீஹாகாரேஹி தோ³ஸா மே சித்தங் வினீவரணந்தி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi dosā me cittaṃ vinīvaraṇanti sampajānamusā bhaṇantassa āpatti pārājikassa.
தீஹாகாரேஹி …பே॰… ஸத்தஹாகாரேஹி மோஹா மே சித்தங் வினீவரணந்தி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ – புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
Tīhākārehi …pe… sattahākārehi mohā me cittaṃ vinīvaraṇanti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.
ஸுத்³தி⁴கங் நிட்டி²தங்.
Suddhikaṃ niṭṭhitaṃ.
208. தீஹாகாரேஹி பட²மஞ்ச ஜா²னங் து³தியஞ்ச ஜா²னங் ஸமாபஜ்ஜிங்… ஸமாபஜ்ஜாமி… ஸமாபன்னோ… பட²மஸ்ஸ ச ஜா²னஸ்ஸ து³தியஸ்ஸ ச ஜா²னஸ்ஸ லாபீ⁴ம்ஹி… வஸீம்ஹி… பட²மஞ்ச ஜா²னங் து³தியஞ்ச ஜா²னங் ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ…பே॰….
208. Tīhākārehi paṭhamañca jhānaṃ dutiyañca jhānaṃ samāpajjiṃ… samāpajjāmi… samāpanno… paṭhamassa ca jhānassa dutiyassa ca jhānassa lābhīmhi… vasīmhi… paṭhamañca jhānaṃ dutiyañca jhānaṃ sacchikataṃ mayāti sampajānamusā bhaṇantassa āpatti pārājikassa…pe….
தீஹாகாரேஹி பட²மஞ்ச ஜா²னங் ததியஞ்ச ஜா²னங் ஸமாபஜ்ஜிங்… ஸமாபஜ்ஜாமி… ஸமாபன்னோ… பட²மஸ்ஸ ச ஜா²னஸ்ஸ ததியஸ்ஸ ச ஜா²னஸ்ஸ லாபீ⁴ம்ஹி… வஸீம்ஹி… பட²மஞ்ச ஜா²னங் ததியஞ்ச ஜா²னங் ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi paṭhamañca jhānaṃ tatiyañca jhānaṃ samāpajjiṃ… samāpajjāmi… samāpanno… paṭhamassa ca jhānassa tatiyassa ca jhānassa lābhīmhi… vasīmhi… paṭhamañca jhānaṃ tatiyañca jhānaṃ sacchikataṃ mayāti sampajānamusā bhaṇantassa āpatti pārājikassa.
தீஹாகாரேஹி பட²மஞ்ச ஜா²னங் சதுத்த²ஞ்ச ஜா²னங் ஸமாபஜ்ஜிங்… ஸமாபஜ்ஜாமி… ஸமாபன்னோ… பட²மஸ்ஸ ச ஜா²னஸ்ஸ சதுத்த²ஸ்ஸ ச ஜா²னஸ்ஸ லாபீ⁴ம்ஹி… வஸீம்ஹி… பட²மஞ்ச ஜா²னங் சதுத்த²ஞ்ச ஜா²னங் ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi paṭhamañca jhānaṃ catutthañca jhānaṃ samāpajjiṃ… samāpajjāmi… samāpanno… paṭhamassa ca jhānassa catutthassa ca jhānassa lābhīmhi… vasīmhi… paṭhamañca jhānaṃ catutthañca jhānaṃ sacchikataṃ mayāti sampajānamusā bhaṇantassa āpatti pārājikassa.
தீஹாகாரேஹி பட²மஞ்ச ஜா²னங் ஸுஞ்ஞதஞ்ச விமொக்க²ங்… பட²மஞ்ச ஜா²னங் அனிமித்தஞ்ச விமொக்க²ங்… பட²மஞ்ச ஜா²னங் அப்பணிஹிதஞ்ச விமொக்க²ங் ஸமாபஜ்ஜிங்… ஸமாபஜ்ஜாமி… ஸமாபன்னோ… பட²மஸ்ஸ ச ஜா²னஸ்ஸ அப்பணிஹிதஸ்ஸ ச விமொக்க²ஸ்ஸ லாபீ⁴ம்ஹி… வஸீம்ஹி… பட²மஞ்ச ஜா²னங் அப்பணிஹிதோ ச விமொக்கோ² ஸச்சி²கதோ மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi paṭhamañca jhānaṃ suññatañca vimokkhaṃ… paṭhamañca jhānaṃ animittañca vimokkhaṃ… paṭhamañca jhānaṃ appaṇihitañca vimokkhaṃ samāpajjiṃ… samāpajjāmi… samāpanno… paṭhamassa ca jhānassa appaṇihitassa ca vimokkhassa lābhīmhi… vasīmhi… paṭhamañca jhānaṃ appaṇihito ca vimokkho sacchikato mayāti sampajānamusā bhaṇantassa āpatti pārājikassa.
தீஹாகாரேஹி பட²மஞ்ச ஜா²னங் ஸுஞ்ஞதஞ்ச ஸமாதி⁴ங்… பட²மஞ்ச ஜா²னங் அனிமித்தஞ்ச ஸமாதி⁴ங்… பட²மஞ்ச ஜா²னங் அப்பணிஹிதஞ்ச ஸமாதி⁴ங் ஸமாபஜ்ஜிங்… ஸமாபஜ்ஜாமி… ஸமாபன்னோ பட²மஸ்ஸ ச ஜா²னஸ்ஸ அப்பணிஹிதஸ்ஸ ச ஸமாதி⁴ஸ்ஸ லாபீ⁴ம்ஹி… வஸீம்ஹி… பட²மஞ்ச ஜா²னங் அப்பணிஹிதோ ச ஸமாதி⁴ ஸச்சி²கதோ மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi paṭhamañca jhānaṃ suññatañca samādhiṃ… paṭhamañca jhānaṃ animittañca samādhiṃ… paṭhamañca jhānaṃ appaṇihitañca samādhiṃ samāpajjiṃ… samāpajjāmi… samāpanno paṭhamassa ca jhānassa appaṇihitassa ca samādhissa lābhīmhi… vasīmhi… paṭhamañca jhānaṃ appaṇihito ca samādhi sacchikato mayāti sampajānamusā bhaṇantassa āpatti pārājikassa.
தீஹாகாரேஹி பட²மஞ்ச ஜா²னங் ஸுஞ்ஞதஞ்ச ஸமாபத்திங்… பட²மஞ்ச ஜா²னங் அனிமித்தஞ்ச ஸமாபத்திங்… பட²மஞ்ச ஜா²னங் அப்பணிஹிதஞ்ச ஸமாபத்திங் ஸமாபஜ்ஜிங்… ஸமாபஜ்ஜாமி… ஸமாபன்னோ பட²மஸ்ஸ ச ஜா²னஸ்ஸ அப்பணிஹிதாய ச ஸமாபத்தியா லாபீ⁴ம்ஹி… வஸீம்ஹி… பட²மஞ்ச ஜா²னங் அப்பணிஹிதா ச ஸமாபத்தி ஸச்சி²கதா மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi paṭhamañca jhānaṃ suññatañca samāpattiṃ… paṭhamañca jhānaṃ animittañca samāpattiṃ… paṭhamañca jhānaṃ appaṇihitañca samāpattiṃ samāpajjiṃ… samāpajjāmi… samāpanno paṭhamassa ca jhānassa appaṇihitāya ca samāpattiyā lābhīmhi… vasīmhi… paṭhamañca jhānaṃ appaṇihitā ca samāpatti sacchikatā mayāti sampajānamusā bhaṇantassa āpatti pārājikassa.
தீஹாகாரேஹி பட²மஞ்ச ஜா²னங் திஸ்ஸோ ச விஜ்ஜா ஸமாபஜ்ஜிங்… ஸமாபஜ்ஜாமி… ஸமாபன்னோ… பட²மஸ்ஸ ச ஜா²னஸ்ஸ திஸ்ஸன்னஞ்ச விஜ்ஜானங் லாபீ⁴ம்ஹி… வஸீம்ஹி… பட²மஞ்ச ஜா²னங் திஸ்ஸோ ச விஜ்ஜா ஸச்சி²கதா மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi paṭhamañca jhānaṃ tisso ca vijjā samāpajjiṃ… samāpajjāmi… samāpanno… paṭhamassa ca jhānassa tissannañca vijjānaṃ lābhīmhi… vasīmhi… paṭhamañca jhānaṃ tisso ca vijjā sacchikatā mayāti sampajānamusā bhaṇantassa āpatti pārājikassa.
தீஹாகாரேஹி பட²மஞ்ச ஜா²னங் சத்தாரோ ச ஸதிபட்டா²னே… பட²மஞ்ச ஜா²னங் சத்தாரோ ச ஸம்மப்பதா⁴னே… பட²மஞ்ச ஜா²னங் சத்தாரோ ச இத்³தி⁴பாதே³ ஸமாபஜ்ஜிங்… ஸமாபஜ்ஜாமி… ஸமாபன்னோ… பட²மஸ்ஸ ச ஜா²னஸ்ஸ சதுன்னஞ்ச இத்³தி⁴பாதா³னங் லாபீ⁴ம்ஹி… வஸீம்ஹி… பட²மஞ்ச ஜா²னங் சத்தாரோ ச இத்³தி⁴பாதா³ ஸச்சி²கதா மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi paṭhamañca jhānaṃ cattāro ca satipaṭṭhāne… paṭhamañca jhānaṃ cattāro ca sammappadhāne… paṭhamañca jhānaṃ cattāro ca iddhipāde samāpajjiṃ… samāpajjāmi… samāpanno… paṭhamassa ca jhānassa catunnañca iddhipādānaṃ lābhīmhi… vasīmhi… paṭhamañca jhānaṃ cattāro ca iddhipādā sacchikatā mayāti sampajānamusā bhaṇantassa āpatti pārājikassa.
தீஹாகாரேஹி பட²மஞ்ச ஜா²னங் பஞ்ச ச இந்த்³ரியானி… பட²மஞ்ச ஜா²னங் பஞ்ச ச ப³லானி ஸமாபஜ்ஜிங்… ஸமாபஜ்ஜாமி… ஸமாபன்னோ… பட²மஸ்ஸ ச ஜா²னஸ்ஸ பஞ்சன்னஞ்ச ப³லானங் லாபீ⁴ம்ஹி… வஸீம்ஹி… பட²மஞ்ச ஜா²னங் பஞ்ச ச ப³லானி ஸச்சி²கதானி மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi paṭhamañca jhānaṃ pañca ca indriyāni… paṭhamañca jhānaṃ pañca ca balāni samāpajjiṃ… samāpajjāmi… samāpanno… paṭhamassa ca jhānassa pañcannañca balānaṃ lābhīmhi… vasīmhi… paṭhamañca jhānaṃ pañca ca balāni sacchikatāni mayāti sampajānamusā bhaṇantassa āpatti pārājikassa.
209. தீஹாகாரேஹி பட²மஞ்ச ஜா²னங் ஸத்த ச பொ³ஜ்ஜ²ங்கே³ ஸமாபஜ்ஜிங்… ஸமாபஜ்ஜாமி… ஸமாபன்னோ… பட²மஸ்ஸ ச ஜா²னஸ்ஸ ஸத்தன்னஞ்ச பொ³ஜ்ஜ²ங்கா³னங் லாபீ⁴ம்ஹி… வஸீம்ஹி… பட²மஞ்ச ஜா²னங் ஸத்த ச பொ³ஜ்ஜ²ங்கா³ ஸச்சி²கதா மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
209. Tīhākārehi paṭhamañca jhānaṃ satta ca bojjhaṅge samāpajjiṃ… samāpajjāmi… samāpanno… paṭhamassa ca jhānassa sattannañca bojjhaṅgānaṃ lābhīmhi… vasīmhi… paṭhamañca jhānaṃ satta ca bojjhaṅgā sacchikatā mayāti sampajānamusā bhaṇantassa āpatti pārājikassa.
தீஹாகாரேஹி பட²மஞ்ச ஜா²னங் அரியஞ்ச அட்ட²ங்கி³கங் மக்³க³ங் ஸமாபஜ்ஜிங்… ஸமாபஜ்ஜாமி… ஸமாபன்னோ… பட²மஸ்ஸ ச ஜா²னஸ்ஸ அரியஸ்ஸ ச அட்ட²ங்கி³கஸ்ஸ மக்³க³ஸ்ஸ லாபீ⁴ம்ஹி வஸீம்ஹி… பட²மஞ்ச ஜா²னங் அரியோ ச அட்ட²ங்கி³கோ மக்³கோ³ ஸச்சி²கதோ மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi paṭhamañca jhānaṃ ariyañca aṭṭhaṅgikaṃ maggaṃ samāpajjiṃ… samāpajjāmi… samāpanno… paṭhamassa ca jhānassa ariyassa ca aṭṭhaṅgikassa maggassa lābhīmhi vasīmhi… paṭhamañca jhānaṃ ariyo ca aṭṭhaṅgiko maggo sacchikato mayāti sampajānamusā bhaṇantassa āpatti pārājikassa.
தீஹாகாரேஹி பட²மஞ்ச ஜா²னங் ஸோதாபத்திப²லஞ்ச… பட²மஞ்ச ஜா²னங் ஸகதா³கா³மிப²லஞ்ச… பட²மஞ்ச ஜா²னங் அனாகா³மிப²லஞ்ச… பட²மஞ்ச ஜா²னங் அரஹத்தஞ்ச ஸமாபஜ்ஜிங்… ஸமாபஜ்ஜாமி… ஸமாபன்னோ… பட²மஸ்ஸ ச ஜா²னஸ்ஸ அரஹத்தஸ்ஸ ச லாபீ⁴ம்ஹி… வஸீம்ஹி… பட²மஞ்ச ஜா²னங் அரஹத்தஞ்ச ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi paṭhamañca jhānaṃ sotāpattiphalañca… paṭhamañca jhānaṃ sakadāgāmiphalañca… paṭhamañca jhānaṃ anāgāmiphalañca… paṭhamañca jhānaṃ arahattañca samāpajjiṃ… samāpajjāmi… samāpanno… paṭhamassa ca jhānassa arahattassa ca lābhīmhi… vasīmhi… paṭhamañca jhānaṃ arahattañca sacchikataṃ mayāti sampajānamusā bhaṇantassa āpatti pārājikassa.
தீஹாகாரேஹி பட²மஞ்ச ஜா²னங் ஸமாபஜ்ஜிங்… ஸமாபஜ்ஜாமி… ஸமாபன்னோ… பட²மஸ்ஸ ச ஜா²னஸ்ஸ லாபீ⁴ம்ஹி… வஸீம்ஹி… பட²மஞ்ச ஜா²னங் ஸச்சி²கதங் மயா, ராகோ³ ச மே சத்தோ… தோ³ஸோ ச மே சத்தோ… மோஹோ ச மே சத்தோ வந்தோ முத்தோ பஹீனோ படினிஸ்ஸட்டோ² உக்கே²டிதோ ஸமுக்கே²டிதோதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi paṭhamañca jhānaṃ samāpajjiṃ… samāpajjāmi… samāpanno… paṭhamassa ca jhānassa lābhīmhi… vasīmhi… paṭhamañca jhānaṃ sacchikataṃ mayā, rāgo ca me catto… doso ca me catto… moho ca me catto vanto mutto pahīno paṭinissaṭṭho ukkheṭito samukkheṭitoti sampajānamusā bhaṇantassa āpatti pārājikassa.
தீஹாகாரேஹி…பே॰… ஸத்தஹாகாரேஹி பட²மஞ்ச ஜா²னங் ஸமாபஜ்ஜிங்… ஸமாபஜ்ஜாமி… ஸமாபன்னோ… பட²மஸ்ஸ ச ஜா²னஸ்ஸ லாபீ⁴ம்ஹி… வஸீம்ஹி… பட²மஞ்ச ஜா²னங் ஸச்சி²கதங் மயா, ராகா³ ச மே சித்தங் வினீவரணங்… தோ³ஸா ச மே சித்தங் வினீவரணங்… மோஹா ச மே சித்தங் வினீவரணந்தி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ. புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
Tīhākārehi…pe… sattahākārehi paṭhamañca jhānaṃ samāpajjiṃ… samāpajjāmi… samāpanno… paṭhamassa ca jhānassa lābhīmhi… vasīmhi… paṭhamañca jhānaṃ sacchikataṃ mayā, rāgā ca me cittaṃ vinīvaraṇaṃ… dosā ca me cittaṃ vinīvaraṇaṃ… mohā ca me cittaṃ vinīvaraṇanti sampajānamusā bhaṇantassa āpatti pārājikassa. Pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.
க²ண்ட³சக்கங் நிட்டி²தங்.
Khaṇḍacakkaṃ niṭṭhitaṃ.
210. தீஹாகாரேஹி து³தியஞ்ச ஜா²னங் ததியஞ்ச ஜா²னங் ஸமாபஜ்ஜிங்… ஸமாபஜ்ஜாமி… ஸமாபன்னோ… து³தியஸ்ஸ ச ஜா²னஸ்ஸ ததியஸ்ஸ ச ஜா²னஸ்ஸ லாபீ⁴ம்ஹி… வஸீம்ஹி… து³தியஞ்ச ஜா²னங் ததியஞ்ச ஜா²னங் ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
210. Tīhākārehi dutiyañca jhānaṃ tatiyañca jhānaṃ samāpajjiṃ… samāpajjāmi… samāpanno… dutiyassa ca jhānassa tatiyassa ca jhānassa lābhīmhi… vasīmhi… dutiyañca jhānaṃ tatiyañca jhānaṃ sacchikataṃ mayāti sampajānamusā bhaṇantassa āpatti pārājikassa.
தீஹாகாரேஹி து³தியஞ்ச ஜா²னங் சதுத்த²ஞ்ச ஜா²னங் ஸமாபஜ்ஜிங்… ஸமாபஜ்ஜாமி… ஸமாபன்னோ… து³தியஸ்ஸ ச ஜா²னஸ்ஸ சதுத்த²ஸ்ஸ ச ஜா²னஸ்ஸ லாபீ⁴ம்ஹி… வஸீம்ஹி… து³தியஞ்ச ஜா²னங் சதுத்த²ஞ்ச ஜா²னங் ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi dutiyañca jhānaṃ catutthañca jhānaṃ samāpajjiṃ… samāpajjāmi… samāpanno… dutiyassa ca jhānassa catutthassa ca jhānassa lābhīmhi… vasīmhi… dutiyañca jhānaṃ catutthañca jhānaṃ sacchikataṃ mayāti sampajānamusā bhaṇantassa āpatti pārājikassa.
தீஹாகாரேஹி து³தியஞ்ச ஜா²னங் ஸுஞ்ஞதஞ்ச விமொக்க²ங்… அனிமித்தஞ்ச விமொக்க²ங்… அப்பணிஹிதஞ்ச விமொக்க²ங்… ஸுஞ்ஞதஞ்ச ஸமாதி⁴ங்… அனிமித்தஞ்ச ஸமாதி⁴ங்… அப்பணிஹிதஞ்ச ஸமாதி⁴ங்… ஸுஞ்ஞதஞ்ச ஸமாபத்திங்… அனிமித்தஞ்ச ஸமாபத்திங்… அப்பணிஹிதஞ்ச ஸமாபத்திங்… திஸ்ஸோ ச விஜ்ஜா… சத்தாரோ ச ஸதிபட்டா²னே… சத்தாரோ ச ஸம்மப்பதா⁴னே… சத்தாரோ ச இத்³தி⁴பாதே³… பஞ்ச ச இந்த்³ரியானி… பஞ்ச ச ப³லானி… ஸத்த ச பொ³ஜ்ஜ²ங்கே³… அரியஞ்ச அட்ட²ங்கி³கங் மக்³க³ங்… ஸோதாபத்திப²லஞ்ச… ஸகதா³கா³மிப²லஞ்ச… அனாகா³மிப²லஞ்ச… அரஹத்தஞ்ச ஸமாபஜ்ஜிங்… ஸமாபஜ்ஜாமி… ஸமாபன்னோ… து³தியஸ்ஸ ச ஜா²னஸ்ஸ அரஹத்தஸ்ஸ ச லாபீ⁴ம்ஹி… வஸீம்ஹி… து³தியஞ்ச ஜா²னங் அரஹத்தஞ்ச ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi dutiyañca jhānaṃ suññatañca vimokkhaṃ… animittañca vimokkhaṃ… appaṇihitañca vimokkhaṃ… suññatañca samādhiṃ… animittañca samādhiṃ… appaṇihitañca samādhiṃ… suññatañca samāpattiṃ… animittañca samāpattiṃ… appaṇihitañca samāpattiṃ… tisso ca vijjā… cattāro ca satipaṭṭhāne… cattāro ca sammappadhāne… cattāro ca iddhipāde… pañca ca indriyāni… pañca ca balāni… satta ca bojjhaṅge… ariyañca aṭṭhaṅgikaṃ maggaṃ… sotāpattiphalañca… sakadāgāmiphalañca… anāgāmiphalañca… arahattañca samāpajjiṃ… samāpajjāmi… samāpanno… dutiyassa ca jhānassa arahattassa ca lābhīmhi… vasīmhi… dutiyañca jhānaṃ arahattañca sacchikataṃ mayāti sampajānamusā bhaṇantassa āpatti pārājikassa.
தீஹாகாரேஹி து³தியஞ்ச ஜா²னங் ஸமாபஜ்ஜிங்… ஸமாபஜ்ஜாமி… ஸமாபன்னோ… து³தியஸ்ஸ ச ஜா²னஸ்ஸ லாபீ⁴ம்ஹி… வஸீம்ஹி… து³தியஞ்ச ஜா²னங் ஸச்சி²கதங் மயா, ராகோ³ ச மே சத்தோ… தோ³ஸோ ச மே சத்தோ… மோஹோ ச மே சத்தோ வந்தோ முத்தோ பஹீனோ படினிஸ்ஸட்டோ² உக்கே²டிதோ ஸமுக்கே²டிதோ. ராகா³ ச மே சித்தங் வினீவரணங்… தோ³ஸா ச மே சித்தங் வினீவரணங்… மோஹா ச மே சித்தங் வினீவரணந்தி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi dutiyañca jhānaṃ samāpajjiṃ… samāpajjāmi… samāpanno… dutiyassa ca jhānassa lābhīmhi… vasīmhi… dutiyañca jhānaṃ sacchikataṃ mayā, rāgo ca me catto… doso ca me catto… moho ca me catto vanto mutto pahīno paṭinissaṭṭho ukkheṭito samukkheṭito. Rāgā ca me cittaṃ vinīvaraṇaṃ… dosā ca me cittaṃ vinīvaraṇaṃ… mohā ca me cittaṃ vinīvaraṇanti sampajānamusā bhaṇantassa āpatti pārājikassa.
தீஹாகாரேஹி …பே॰… ஸத்தஹாகாரேஹி து³தியஞ்ச ஜா²னங் பட²மஞ்ச ஜா²னங் ஸமாபஜ்ஜிங்… ஸமாபஜ்ஜாமி… ஸமாபன்னோ… து³தியஸ்ஸ ச ஜா²னஸ்ஸ பட²மஸ்ஸ ச ஜா²னஸ்ஸ லாபீ⁴ம்ஹி… வஸீம்ஹி… து³தியஞ்ச ஜா²னங் பட²மஞ்ச ஜா²னங் ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ…பே॰… வினிதா⁴ய பா⁴வங்.
Tīhākārehi …pe… sattahākārehi dutiyañca jhānaṃ paṭhamañca jhānaṃ samāpajjiṃ… samāpajjāmi… samāpanno… dutiyassa ca jhānassa paṭhamassa ca jhānassa lābhīmhi… vasīmhi… dutiyañca jhānaṃ paṭhamañca jhānaṃ sacchikataṃ mayāti sampajānamusā bhaṇantassa āpatti pārājikassa…pe… vinidhāya bhāvaṃ.
ப³த்³த⁴சக்கங்.
Baddhacakkaṃ.
ஏவங் ஏகேகங் மூலங் காதுன ப³த்³த⁴சக்கங் பரிவத்தகங் கத்தப்³ப³ங்.
Evaṃ ekekaṃ mūlaṃ kātuna baddhacakkaṃ parivattakaṃ kattabbaṃ.
இத³ங் ஸங்கி²த்தங்.
Idaṃ saṃkhittaṃ.
211. தீஹாகாரேஹி ததியஞ்ச ஜா²னங் சதுத்த²ஞ்ச ஜா²னங்…பே॰… ததியஞ்ச ஜா²னங் அரஹத்தஞ்ச ஸமாபஜ்ஜிங்… ஸமாபஜ்ஜாமி… ஸமாபன்னோ… ததியஸ்ஸ ச ஜா²னஸ்ஸ அரஹத்தஸ்ஸ ச லாபீ⁴ம்ஹி… வஸீம்ஹி… ததியஞ்ச ஜா²னங் அரஹத்தஞ்ச ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
211. Tīhākārehi tatiyañca jhānaṃ catutthañca jhānaṃ…pe… tatiyañca jhānaṃ arahattañca samāpajjiṃ… samāpajjāmi… samāpanno… tatiyassa ca jhānassa arahattassa ca lābhīmhi… vasīmhi… tatiyañca jhānaṃ arahattañca sacchikataṃ mayāti sampajānamusā bhaṇantassa āpatti pārājikassa.
தீஹாகாரேஹி ததியஞ்ச ஜா²னங் ஸமாபஜ்ஜிங்… ஸமாபஜ்ஜாமி… ஸமாபன்னோ… ததியஸ்ஸ ச ஜா²னஸ்ஸ லாபீ⁴ம்ஹி… வஸீம்ஹி… ததியஞ்ச ஜா²னங் ஸச்சி²கதங் மயா, ராகோ³ ச மே சத்தோ… தோ³ஸோ ச மே சத்தோ… மோஹோ ச மே சத்தோ வந்தோ முத்தோ பஹீனோ படினிஸ்ஸட்டோ² உக்கே²டிதோ ஸமுக்கே²டிதோ. ராகா³ ச மே சித்தங் வினீவரணங்… தோ³ஸா ச மே சித்தங் வினீவரணங்… மோஹா ச மே சித்தங் வினீவரணந்தி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi tatiyañca jhānaṃ samāpajjiṃ… samāpajjāmi… samāpanno… tatiyassa ca jhānassa lābhīmhi… vasīmhi… tatiyañca jhānaṃ sacchikataṃ mayā, rāgo ca me catto… doso ca me catto… moho ca me catto vanto mutto pahīno paṭinissaṭṭho ukkheṭito samukkheṭito. Rāgā ca me cittaṃ vinīvaraṇaṃ… dosā ca me cittaṃ vinīvaraṇaṃ… mohā ca me cittaṃ vinīvaraṇanti sampajānamusā bhaṇantassa āpatti pārājikassa.
தீஹாகாரேஹி ததியஞ்ச ஜா²னங் பட²மஞ்ச ஜா²னங்… ததியஞ்ச ஜா²னங் து³தியஞ்ச ஜா²னங் ஸமாபஜ்ஜிங்… ஸமாபஜ்ஜாமி… ஸமாபன்னோ… ததியஸ்ஸ ச ஜா²னஸ்ஸ து³தியஸ்ஸ ச ஜா²னஸ்ஸ லாபீ⁴ம்ஹி… வஸீம்ஹி… ததியஞ்ச ஜா²னங் து³தியஞ்ச ஜா²னங் ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi tatiyañca jhānaṃ paṭhamañca jhānaṃ… tatiyañca jhānaṃ dutiyañca jhānaṃ samāpajjiṃ… samāpajjāmi… samāpanno… tatiyassa ca jhānassa dutiyassa ca jhānassa lābhīmhi… vasīmhi… tatiyañca jhānaṃ dutiyañca jhānaṃ sacchikataṃ mayāti sampajānamusā bhaṇantassa āpatti pārājikassa.
தீகாரேஹி மோஹா ச மே சித்தங் வினீவரணங் பட²மஞ்ச ஜா²னங்…பே॰… து³தியஞ்ச ஜா²னங்… ததியஞ்ச ஜா²னங்… சதுத்த²ஞ்ச ஜா²னங் ஸமாபஜ்ஜிங் ஸமாபஜ்ஜாமி… ஸமாபன்னோ… மோஹா ச மே சித்தங் வினீவரணங் சதுத்த²ஸ்ஸ ச ஜா²னஸ்ஸ லாபீ⁴ம்ஹி… வஸீம்ஹி… மோஹா ச மே சித்தங் வினீவரணங் சதுத்த²ஞ்ச ஜா²னங் ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīkārehi mohā ca me cittaṃ vinīvaraṇaṃ paṭhamañca jhānaṃ…pe… dutiyañca jhānaṃ… tatiyañca jhānaṃ… catutthañca jhānaṃ samāpajjiṃ samāpajjāmi… samāpanno… mohā ca me cittaṃ vinīvaraṇaṃ catutthassa ca jhānassa lābhīmhi… vasīmhi… mohā ca me cittaṃ vinīvaraṇaṃ catutthañca jhānaṃ sacchikataṃ mayāti sampajānamusā bhaṇantassa āpatti pārājikassa.
212. தீஹாகாரேஹி மோஹா ச மே சித்தங் வினீவரணங் ஸுஞ்ஞதஞ்ச விமொக்க²ங்… அனிமித்தஞ்ச விமொக்க²ங்… அப்பணிஹிதஞ்ச விமொக்க²ங் ஸமாபஜ்ஜிங்… ஸமாபஜ்ஜாமி… ஸமாபன்னோ… மோஹா ச மே சித்தங் வினீவரணங் அப்பணிஹிதஸ்ஸ ச விமொக்க²ஸ்ஸ லாபீ⁴ம்ஹி… வஸீம்ஹி… மோஹா ச மே சித்தங் வினீவரணங் அப்பணிஹிதோ ச விமொக்கோ² ஸச்சி²கதோ மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
212. Tīhākārehi mohā ca me cittaṃ vinīvaraṇaṃ suññatañca vimokkhaṃ… animittañca vimokkhaṃ… appaṇihitañca vimokkhaṃ samāpajjiṃ… samāpajjāmi… samāpanno… mohā ca me cittaṃ vinīvaraṇaṃ appaṇihitassa ca vimokkhassa lābhīmhi… vasīmhi… mohā ca me cittaṃ vinīvaraṇaṃ appaṇihito ca vimokkho sacchikato mayāti sampajānamusā bhaṇantassa āpatti pārājikassa.
தீஹாகாரேஹி மோஹா ச மே சித்தங் வினீவரணங் ஸுஞ்ஞதஞ்ச ஸமாதி⁴ங்… அனிமித்தஞ்ச ஸமாதி⁴ங்… அப்பணிஹிதஞ்ச ஸமாதி⁴ங் ஸமாபஜ்ஜிங்… ஸமாபஜ்ஜாமி… ஸமாபன்னோ… மோஹா ச மே சித்தங் வினீவரணங் அப்பணிஹிதஸ்ஸ ச ஸமாதி⁴ஸ்ஸ லாபீ⁴ம்ஹி… வஸீம்ஹி… மோஹா ச மே சித்தங் வினீவரணங் அப்பணிஹிதோ ச ஸமாதி⁴ ஸச்சி²கதோ மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi mohā ca me cittaṃ vinīvaraṇaṃ suññatañca samādhiṃ… animittañca samādhiṃ… appaṇihitañca samādhiṃ samāpajjiṃ… samāpajjāmi… samāpanno… mohā ca me cittaṃ vinīvaraṇaṃ appaṇihitassa ca samādhissa lābhīmhi… vasīmhi… mohā ca me cittaṃ vinīvaraṇaṃ appaṇihito ca samādhi sacchikato mayāti sampajānamusā bhaṇantassa āpatti pārājikassa.
தீஹாகாரேஹி மோஹா ச மே சித்தங் வினீவரணங் ஸுஞ்ஞதஞ்ச ஸமாபத்திங்… அனிமித்தஞ்ச ஸமாபத்திங்… அப்பணிஹிதஞ்ச ஸமாபத்திங் ஸமாபஜ்ஜிங் ஸமாபஜ்ஜாமி… ஸமாபன்னோ… மோஹா ச மே சித்தங் வினீவரணங் அப்பணிஹிதாய ச ஸமாபத்தியா லாபீ⁴ம்ஹி… வஸீம்ஹி… மோஹா ச மே சித்தங் வினீவரணங் அப்பணிஹிதா ச ஸமாபத்தி ஸச்சி²கதா மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi mohā ca me cittaṃ vinīvaraṇaṃ suññatañca samāpattiṃ… animittañca samāpattiṃ… appaṇihitañca samāpattiṃ samāpajjiṃ samāpajjāmi… samāpanno… mohā ca me cittaṃ vinīvaraṇaṃ appaṇihitāya ca samāpattiyā lābhīmhi… vasīmhi… mohā ca me cittaṃ vinīvaraṇaṃ appaṇihitā ca samāpatti sacchikatā mayāti sampajānamusā bhaṇantassa āpatti pārājikassa.
தீஹாகாரேஹி மோஹா ச மே சித்தங் வினீவரணங் திஸ்ஸோ ச விஜ்ஜா ஸமாபஜ்ஜிங்… ஸமாபஜ்ஜாமி… ஸமாபன்னோ… ‘மோஹா ச மே சித்தங் வினீவரணங் திஸ்ஸன்னஞ்ச விஜ்ஜானங் லாபீ⁴ம்ஹி… வஸீம்ஹி… மோஹா ச மே சித்தங் வினீவரணங் திஸ்ஸோ ச விஜ்ஜா ஸச்சி²கதா மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi mohā ca me cittaṃ vinīvaraṇaṃ tisso ca vijjā samāpajjiṃ… samāpajjāmi… samāpanno… ‘mohā ca me cittaṃ vinīvaraṇaṃ tissannañca vijjānaṃ lābhīmhi… vasīmhi… mohā ca me cittaṃ vinīvaraṇaṃ tisso ca vijjā sacchikatā mayāti sampajānamusā bhaṇantassa āpatti pārājikassa.
தீஹாகாரேஹி மோஹா ச மே சித்தங் வினீவரணங் சத்தாரோ ச ஸதிபட்டா²னே… சத்தாரோ ச ஸம்மப்பதா⁴னே… சத்தாரோ ச இத்³தி⁴பாதே³ ஸமாபஜ்ஜிங்… ஸமாபஜ்ஜாமி… ஸமாபன்னோ… மோஹா ச மே சித்தங் வினீவரணங் சதுன்னஞ்ச இத்³தி⁴பாதா³னங் லாபீ⁴ம்ஹி… வஸீம்ஹி… மோஹா ச மே சித்தங் வினீவரணங் சத்தாரோ ச இத்³தி⁴பாதா³ ஸச்சி²கதா மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi mohā ca me cittaṃ vinīvaraṇaṃ cattāro ca satipaṭṭhāne… cattāro ca sammappadhāne… cattāro ca iddhipāde samāpajjiṃ… samāpajjāmi… samāpanno… mohā ca me cittaṃ vinīvaraṇaṃ catunnañca iddhipādānaṃ lābhīmhi… vasīmhi… mohā ca me cittaṃ vinīvaraṇaṃ cattāro ca iddhipādā sacchikatā mayāti sampajānamusā bhaṇantassa āpatti pārājikassa.
213. தீஹாகாரேஹி மோஹா ச மே சித்தங் வினீவரணங் பஞ்ச ச இந்த்³ரியானி… பஞ்ச ச ப³லானி ஸமாபஜ்ஜிங்… ஸமாபஜ்ஜாமி… ஸமாபன்னோ… மோஹா ச மே சித்தங் வினீவரணங் பஞ்சன்னஞ்ச ப³லானங் லாபீ⁴ம்ஹி… வஸீம்ஹி… மோஹா ச மே சித்தங் வினீவரணங் பஞ்ச ச ப³லானி ஸச்சி²கதானி மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
213. Tīhākārehi mohā ca me cittaṃ vinīvaraṇaṃ pañca ca indriyāni… pañca ca balāni samāpajjiṃ… samāpajjāmi… samāpanno… mohā ca me cittaṃ vinīvaraṇaṃ pañcannañca balānaṃ lābhīmhi… vasīmhi… mohā ca me cittaṃ vinīvaraṇaṃ pañca ca balāni sacchikatāni mayāti sampajānamusā bhaṇantassa āpatti pārājikassa.
தீஹாகாரேஹி மோஹா ச மே சித்தங் வினீவரணங் ஸத்த ச பொ³ஜ்ஜ²ங்கே³ ஸமாபஜ்ஜிங்… ஸமாபஜ்ஜாமி… ஸமாபன்னோ… மோஹா ச மே சித்தங் வினீவரணங் ஸத்தன்னஞ்ச பொ³ஜ்ஜ²ங்கா³னங் லாபீ⁴ம்ஹி … வஸீம்ஹி… மோஹா ச மே சித்தங் வினீவரணங் ஸத்த ச பொ³ஜ்ஜ²ங்கா³ ஸச்சி²கதா மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi mohā ca me cittaṃ vinīvaraṇaṃ satta ca bojjhaṅge samāpajjiṃ… samāpajjāmi… samāpanno… mohā ca me cittaṃ vinīvaraṇaṃ sattannañca bojjhaṅgānaṃ lābhīmhi … vasīmhi… mohā ca me cittaṃ vinīvaraṇaṃ satta ca bojjhaṅgā sacchikatā mayāti sampajānamusā bhaṇantassa āpatti pārājikassa.
தீஹாகாரேஹி மோஹா ச மே சித்தங் வினீவரணங் அரியஞ்ச அட்ட²ங்கி³கங் மக்³க³ங் ஸமாபஜ்ஜிங்… ஸமாபஜ்ஜாமி… ஸமாபன்னோ… மோஹா ச மே சித்தங் வினீவரணங் அரியஸ்ஸ ச அட்ட²ங்கி³கஸ்ஸ மக்³க³ஸ்ஸ லாபீ⁴ம்ஹி… வஸீம்ஹி… மோஹா ச மே சித்தங் வினீவரணங் அரியோ ச அட்ட²ங்கி³கோ மக்³கோ³ ஸச்சி²கதோ மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi mohā ca me cittaṃ vinīvaraṇaṃ ariyañca aṭṭhaṅgikaṃ maggaṃ samāpajjiṃ… samāpajjāmi… samāpanno… mohā ca me cittaṃ vinīvaraṇaṃ ariyassa ca aṭṭhaṅgikassa maggassa lābhīmhi… vasīmhi… mohā ca me cittaṃ vinīvaraṇaṃ ariyo ca aṭṭhaṅgiko maggo sacchikato mayāti sampajānamusā bhaṇantassa āpatti pārājikassa.
தீஹாகாரேஹி மோஹா ச மே சித்தங் வினீவரணங் ஸோதாபத்திப²லஞ்ச… ஸகதா³கா³மிப²லஞ்ச… அனாகா³மிப²லஞ்ச… அரஹத்தஞ்ச ஸமாபஜ்ஜிங்… ஸமாபஜ்ஜாமி… ஸமாபன்னோ… மோஹா ச மே சித்தங் வினீவரணங் அரஹத்தஸ்ஸ ச லாபீ⁴ம்ஹி… வஸீம்ஹி… மோஹா ச மே சித்தங் வினீவரணங் அரஹத்தஞ்ச ஸச்சி²கதங் மயாதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi mohā ca me cittaṃ vinīvaraṇaṃ sotāpattiphalañca… sakadāgāmiphalañca… anāgāmiphalañca… arahattañca samāpajjiṃ… samāpajjāmi… samāpanno… mohā ca me cittaṃ vinīvaraṇaṃ arahattassa ca lābhīmhi… vasīmhi… mohā ca me cittaṃ vinīvaraṇaṃ arahattañca sacchikataṃ mayāti sampajānamusā bhaṇantassa āpatti pārājikassa.
தீஹாகாரேஹி மோஹா ச மே சித்தங் வினீவரணங், ராகோ³ ச மே சத்தோ… தோ³ஸோ ச மே சத்தோ… மோஹோ ச மே சத்தோ வந்தோ முத்தோ பஹீனோ படினிஸ்ஸட்டோ² உக்கே²டிதோ ஸமுக்கே²டிதோதி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ.
Tīhākārehi mohā ca me cittaṃ vinīvaraṇaṃ, rāgo ca me catto… doso ca me catto… moho ca me catto vanto mutto pahīno paṭinissaṭṭho ukkheṭito samukkheṭitoti sampajānamusā bhaṇantassa āpatti pārājikassa.
தீஹாகாரேஹி…பே॰… ஸத்தஹாகாரேஹி மோஹா ச மே சித்தங் வினீவரணங் ராகா³ ச மே சித்தங் வினீவரணங்… தோ³ஸா ச மே சித்தங் வினீவரணந்தி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
Tīhākārehi…pe… sattahākārehi mohā ca me cittaṃ vinīvaraṇaṃ rāgā ca me cittaṃ vinīvaraṇaṃ… dosā ca me cittaṃ vinīvaraṇanti sampajānamusā bhaṇantassa āpatti pārājikassa pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.
யதா² ஏகமூலகங் வித்தா²ரிதங் ஏவமேவ து³மூலகாதி³பி வித்தா²ரேதப்³ப³ங்.
Yathā ekamūlakaṃ vitthāritaṃ evameva dumūlakādipi vitthāretabbaṃ.
இத³ங் ஸப்³ப³மூலகங்
Idaṃ sabbamūlakaṃ
214. தீஹாகாரேஹி …பே॰… ஸத்தஹாகாரேஹி பட²மஞ்ச ஜா²னங் து³தியஞ்ச ஜா²னங் ததியஞ்ச ஜா²னங் சதுத்த²ஞ்ச ஜா²னங் ஸுஞ்ஞதஞ்ச விமொக்க²ங் அனிமித்தஞ்ச விமொக்க²ங் அப்பணிஹிதஞ்ச விமொக்க²ங் ஸுஞ்ஞதஞ்ச ஸமாதி⁴ங் அனிமித்தஞ்ச ஸமாதி⁴ங் அப்பணிஹிதஞ்ச ஸமாதி⁴ங் ஸுஞ்ஞதஞ்ச ஸமாபத்திங் அனிமித்தஞ்ச ஸமாபத்திங் அப்பணிஹிதஞ்ச ஸமாபத்திங் திஸ்ஸோ ச விஜ்ஜா சத்தாரோ ச ஸதிபட்டா²னே சத்தாரோ ச ஸம்மப்பதா⁴னே சத்தாரோ ச இத்³தி⁴பாதே³ பஞ்ச ச இந்த்³ரியானி பஞ்ச ச ப³லானி ஸத்த ச பொ³ஜ்ஜ²ங்கே³ அரியஞ்ச அட்ட²ங்கி³கங் மக்³க³ங் ஸோதாபத்திப²லஞ்ச ஸகதா³கா³மிப²லஞ்ச அனாகா³மிப²லஞ்ச அரஹத்தஞ்ச ஸமாபஜ்ஜிங்… ஸமாபஜ்ஜாமி… ஸமாபன்னோ…பே॰… ராகோ³ ச மே சத்தோ, தோ³ஸோ ச மே சத்தோ, மோஹோ ச மே சத்தோ வந்தோ முத்தோ பஹீனோ படினிஸ்ஸட்டோ² உக்கே²டிதோ ஸமுக்கே²டிதோ. ராகா³ ச மே சித்தங் வினீவரணங், தோ³ஸா ச மே சித்தங் வினீவரணங், மோஹா ச மே சித்தங் வினீவரணந்தி ஸம்பஜானமுஸா ப⁴ணந்தஸ்ஸ ஆபத்தி பாராஜிகஸ்ஸ. புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
214. Tīhākārehi …pe… sattahākārehi paṭhamañca jhānaṃ dutiyañca jhānaṃ tatiyañca jhānaṃ catutthañca jhānaṃ suññatañca vimokkhaṃ animittañca vimokkhaṃ appaṇihitañca vimokkhaṃ suññatañca samādhiṃ animittañca samādhiṃ appaṇihitañca samādhiṃ suññatañca samāpattiṃ animittañca samāpattiṃ appaṇihitañca samāpattiṃ tisso ca vijjā cattāro ca satipaṭṭhāne cattāro ca sammappadhāne cattāro ca iddhipāde pañca ca indriyāni pañca ca balāni satta ca bojjhaṅge ariyañca aṭṭhaṅgikaṃ maggaṃ sotāpattiphalañca sakadāgāmiphalañca anāgāmiphalañca arahattañca samāpajjiṃ… samāpajjāmi… samāpanno…pe… rāgo ca me catto, doso ca me catto, moho ca me catto vanto mutto pahīno paṭinissaṭṭho ukkheṭito samukkheṭito. Rāgā ca me cittaṃ vinīvaraṇaṃ, dosā ca me cittaṃ vinīvaraṇaṃ, mohā ca me cittaṃ vinīvaraṇanti sampajānamusā bhaṇantassa āpatti pārājikassa. Pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.
ஸப்³ப³மூலகங் நிட்டி²தங்.
Sabbamūlakaṃ niṭṭhitaṃ.
ஸுத்³தி⁴கவாரகதா² நிட்டி²தா.
Suddhikavārakathā niṭṭhitā.
215. தீஹாகாரேஹி பட²மங் ஜா²னங் ஸமாபஜ்ஜிந்தி வத்துகாமோ து³தியங் ஜா²னங் ஸமாபஜ்ஜிந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி பாராஜிகஸ்ஸ; ந படிவிஜானந்தஸ்ஸ ஆபத்தி து²ல்லச்சயஸ்ஸ.
215. Tīhākārehi paṭhamaṃ jhānaṃ samāpajjinti vattukāmo dutiyaṃ jhānaṃ samāpajjinti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa.
தீஹாகாரேஹி பட²மங் ஜா²னங் ஸமாபஜ்ஜிந்தி வத்துகாமோ ததியங் ஜா²னங் ஸமாபஜ்ஜிந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி பாராஜிகஸ்ஸ; ந படிவிஜானந்தஸ்ஸ ஆபத்தி து²ல்லச்சயஸ்ஸ.
Tīhākārehi paṭhamaṃ jhānaṃ samāpajjinti vattukāmo tatiyaṃ jhānaṃ samāpajjinti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa.
தீஹாகாரேஹி பட²மங் ஜா²னங் ஸமாபஜ்ஜிந்தி வத்துகாமோ சதுத்த²ங் ஜா²னங் ஸமாபஜ்ஜிந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி பாராஜிகஸ்ஸ; ந படிவிஜானந்தஸ்ஸ ஆபத்தி து²ல்லச்சயஸ்ஸ.
Tīhākārehi paṭhamaṃ jhānaṃ samāpajjinti vattukāmo catutthaṃ jhānaṃ samāpajjinti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa.
தீஹாகாரேஹி …பே॰… ஸத்தஹாகாரேஹி பட²மங் ஜா²னங் ஸமாபஜ்ஜிந்தி வத்துகாமோ ஸுஞ்ஞதங் விமொக்க²ங்… அனிமித்தங் விமொக்க²ங்… அப்பணிஹிதங் விமொக்க²ங்… ஸுஞ்ஞதங் ஸமாதி⁴ங்… அனிமித்தங் ஸமாதி⁴ங்… அப்பணிஹிதங் ஸமாதி⁴ங்… ஸுஞ்ஞதங் ஸமாபத்திங்… அனிமித்தங் ஸமாபத்திங்… அப்பணிஹிதங் ஸமாபத்திங்… திஸ்ஸோ விஜ்ஜா… சத்தாரோ ஸதிபட்டா²னே… சத்தாரோ ஸம்மப்பதா⁴னே… சத்தாரோ இத்³தி⁴பாதே³… பஞ்சிந்த்³ரியானி… பஞ்ச ப³லானி… ஸத்த பொ³ஜ்ஜ²ங்கே³… அரியங் அட்ட²ங்கி³கங் மக்³க³ங்… ஸோதாபத்திப²லங்… ஸகதா³கா³மிப²லங்… அனாகா³மிப²லங்… அரஹத்தங் ஸமாபஜ்ஜிங்…பே॰… ராகோ³ மே சத்தோ… தோ³ஸோ மே சத்தோ… மோஹோ மே சத்தோ வந்தோ முத்தோ பஹீனோ படினிஸ்ஸட்டோ² உக்கே²டிதோ ஸமுக்கே²டிதோ. ராகா³ மே சித்தங் வினீவரணங்… தோ³ஸா மே சித்தங் வினீவரணங்… மோஹா மே சித்தங் வினீவரணந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி பாராஜிகஸ்ஸ; ந படிவிஜானந்தஸ்ஸ ஆபத்தி து²ல்லச்சயஸ்ஸ. புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
Tīhākārehi …pe… sattahākārehi paṭhamaṃ jhānaṃ samāpajjinti vattukāmo suññataṃ vimokkhaṃ… animittaṃ vimokkhaṃ… appaṇihitaṃ vimokkhaṃ… suññataṃ samādhiṃ… animittaṃ samādhiṃ… appaṇihitaṃ samādhiṃ… suññataṃ samāpattiṃ… animittaṃ samāpattiṃ… appaṇihitaṃ samāpattiṃ… tisso vijjā… cattāro satipaṭṭhāne… cattāro sammappadhāne… cattāro iddhipāde… pañcindriyāni… pañca balāni… satta bojjhaṅge… ariyaṃ aṭṭhaṅgikaṃ maggaṃ… sotāpattiphalaṃ… sakadāgāmiphalaṃ… anāgāmiphalaṃ… arahattaṃ samāpajjiṃ…pe… rāgo me catto… doso me catto… moho me catto vanto mutto pahīno paṭinissaṭṭho ukkheṭito samukkheṭito. Rāgā me cittaṃ vinīvaraṇaṃ… dosā me cittaṃ vinīvaraṇaṃ… mohā me cittaṃ vinīvaraṇanti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa. Pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.
வத்து²விஸாரகஸ்ஸ ஏகமூலகஸ்ஸ க²ண்ட³சக்கங் நிட்டி²தங்.
Vatthuvisārakassa ekamūlakassa khaṇḍacakkaṃ niṭṭhitaṃ.
216. தீஹாகாரேஹி து³தியங் ஜா²னங் ஸமாபஜ்ஜிந்தி வத்துகாமோ ததியங் ஜா²னங் ஸமாபஜ்ஜிந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி பாராஜிகஸ்ஸ; ந படிவிஜானந்தஸ்ஸ ஆபத்தி து²ல்லச்சயஸ்ஸ.
216. Tīhākārehi dutiyaṃ jhānaṃ samāpajjinti vattukāmo tatiyaṃ jhānaṃ samāpajjinti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa.
தீஹாகாரேஹி து³தியங் ஜா²னங் ஸமாபஜ்ஜிந்தி வத்துகாமோ சதுத்த²ங் ஜா²னங் ஸமாபஜ்ஜிந்தி…பே॰… மோஹா ச மே சித்தங் வினீவரணந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி பாராஜிகஸ்ஸ; ந படிவிஜானந்தஸ்ஸ ஆபத்தி து²ல்லச்சயஸ்ஸ.
Tīhākārehi dutiyaṃ jhānaṃ samāpajjinti vattukāmo catutthaṃ jhānaṃ samāpajjinti…pe… mohā ca me cittaṃ vinīvaraṇanti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa.
தீஹாகாரேஹி…பே॰… ஸத்தஹாகாரேஹி து³தியங் ஜா²னங் ஸமாபஜ்ஜிந்தி வத்துகாமோ பட²மங் ஜா²னங் ஸமாபஜ்ஜிந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி பாராஜிகஸ்ஸ ; ந படிவிஜானந்தஸ்ஸ ஆபத்தி து²ல்லச்சயஸ்ஸ…பே॰… வினிதா⁴ய பா⁴வங்.
Tīhākārehi…pe… sattahākārehi dutiyaṃ jhānaṃ samāpajjinti vattukāmo paṭhamaṃ jhānaṃ samāpajjinti sampajānamusā bhaṇantassa paṭivijānantassa āpatti pārājikassa ; na paṭivijānantassa āpatti thullaccayassa…pe… vinidhāya bhāvaṃ.
வத்து²விஸாரகஸ்ஸ ஏகமூலகஸ்ஸ ப³த்³த⁴சக்கங்.
Vatthuvisārakassa ekamūlakassa baddhacakkaṃ.
மூலங் ஸங்கி²த்தங்.
Mūlaṃ saṃkhittaṃ.
217. தீஹாகாரேஹி மோஹா மே சித்தங் வினீவரணந்தி வத்துகாமோ பட²மங் ஜா²னங் ஸமாபஜ்ஜிந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி பாராஜிகஸ்ஸ; ந படிவிஜானந்தஸ்ஸ ஆபத்தி து²ல்லச்சயஸ்ஸ.
217. Tīhākārehi mohā me cittaṃ vinīvaraṇanti vattukāmo paṭhamaṃ jhānaṃ samāpajjinti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa.
தீஹாகாரேஹி…பே॰… ஸத்தஹாகாரேஹி மோஹா மே சித்தங் வினீவரணந்தி வத்துகாமோ தோ³ஸா மே சித்தங் வினீவரணந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி பாராஜிகஸ்ஸ; ந படிவிஜானந்தஸ்ஸ ஆபத்தி து²ல்லச்சயஸ்ஸ…பே॰… வினிதா⁴ய பா⁴வங்.
Tīhākārehi…pe… sattahākārehi mohā me cittaṃ vinīvaraṇanti vattukāmo dosā me cittaṃ vinīvaraṇanti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa…pe… vinidhāya bhāvaṃ.
வத்து²விஸாரகஸ்ஸ ஏகமூலகங் நிட்டி²தங்.
Vatthuvisārakassa ekamūlakaṃ niṭṭhitaṃ.
யதா² ஏகமூலகங் வித்தா²ரிதங் ஏவமேவ து³மூலகாதி³பி வித்தா²ரேதப்³ப³ங்.
Yathā ekamūlakaṃ vitthāritaṃ evameva dumūlakādipi vitthāretabbaṃ.
இத³ங் ஸப்³ப³மூலகங்
Idaṃ sabbamūlakaṃ
218. தீஹாகாரேஹி…பே॰… ஸத்தஹாகாரேஹி பட²மஞ்ச ஜா²னங் து³தியஞ்ச ஜா²னங் ததியஞ்ச ஜா²னங் சதுத்த²ஞ்ச ஜா²னங் ஸுஞ்ஞதஞ்ச விமொக்க²ங் அனிமித்தஞ்ச விமொக்க²ங் அப்பணிஹிதஞ்ச விமொக்க²ங் ஸுஞ்ஞதஞ்ச ஸமாதி⁴ங் அனிமித்தஞ்ச ஸமாதி⁴ங் அப்பணிஹிதஞ்ச ஸமாதி⁴ங் ஸுஞ்ஞதஞ்ச ஸமாபத்திங் அனிமித்தஞ்ச ஸமாபத்திங் அப்பணிஹிதஞ்ச ஸமாபத்திங் திஸ்ஸோ ச விஜ்ஜா சத்தாரோ ச ஸதிபட்டா²னே சத்தாரோ ச ஸம்மப்பதா⁴னே சத்தாரோ ச இத்³தி⁴பாதே³ பஞ்ச ச இந்த்³ரியானி பஞ்ச ச ப³லானி ஸத்த ச பொ³ஜ்ஜ²ங்கே³ அரியஞ்ச அட்ட²ங்கி³கங் மக்³க³ங் ஸோதாபத்திப²லஞ்ச ஸகதா³கா³மிப²லஞ்ச அனாகா³மிப²லஞ்ச அரஹத்தஞ்ச ஸமாபஜ்ஜிங்…பே॰… ராகோ³ ச மே சத்தோ… தோ³ஸோ ச மே சத்தோ… மோஹோ ச மே சத்தோ வந்தோ முத்தோ பஹீனோ படினிஸ்ஸட்டோ² உக்கே²டிதோ ஸமுக்கே²டிதோ. ராகா³ ச மே சித்தங் வினீவரணங்… தோ³ஸா ச மே சித்தங் வினீவரணந்தி வத்துகாமோ மோஹா மே சித்தங் வினீவரணந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி பாராஜிகஸ்ஸ; ந படிவிஜானந்தஸ்ஸ ஆபத்தி து²ல்லச்சயஸ்ஸ. 45
218. Tīhākārehi…pe… sattahākārehi paṭhamañca jhānaṃ dutiyañca jhānaṃ tatiyañca jhānaṃ catutthañca jhānaṃ suññatañca vimokkhaṃ animittañca vimokkhaṃ appaṇihitañca vimokkhaṃ suññatañca samādhiṃ animittañca samādhiṃ appaṇihitañca samādhiṃ suññatañca samāpattiṃ animittañca samāpattiṃ appaṇihitañca samāpattiṃ tisso ca vijjā cattāro ca satipaṭṭhāne cattāro ca sammappadhāne cattāro ca iddhipāde pañca ca indriyāni pañca ca balāni satta ca bojjhaṅge ariyañca aṭṭhaṅgikaṃ maggaṃ sotāpattiphalañca sakadāgāmiphalañca anāgāmiphalañca arahattañca samāpajjiṃ…pe… rāgo ca me catto… doso ca me catto… moho ca me catto vanto mutto pahīno paṭinissaṭṭho ukkheṭito samukkheṭito. Rāgā ca me cittaṃ vinīvaraṇaṃ… dosā ca me cittaṃ vinīvaraṇanti vattukāmo mohā me cittaṃ vinīvaraṇanti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa. 46
219. தீஹாகாரேஹி து³தியஞ்ச ஜா²னங் ததியஞ்ச ஜா²னங் சதுத்த²ஞ்ச ஜா²னங் ஸுஞ்ஞதஞ்ச விமொக்க²ங் அனிமித்தஞ்ச விமொக்க²ங் அப்பணிஹிதஞ்ச விமொக்க²ங் ஸுஞ்ஞதஞ்ச ஸமாதி⁴ங் அனிமித்தஞ்ச ஸமாதி⁴ங் அப்பணிஹிதஞ்ச ஸமாதி⁴ங் ஸுஞ்ஞதஞ்ச ஸமாபத்திங் அனிமித்தஞ்ச ஸமாபத்திங் அப்பணிஹிதஞ்ச ஸமாபத்திங் திஸ்ஸோ ச விஜ்ஜா சத்தாரோ ச ஸதிபட்டா²னே சத்தாரோ ச ஸம்மப்பதா⁴னே சத்தாரோ ச இத்³தி⁴பாதே³ பஞ்ச ச இந்த்³ரியானி பஞ்ச ச ப³லானி ஸத்த ச பொ³ஜ்ஜ²ங்கே³ அரியஞ்ச அட்ட²ங்கி³கங் மக்³க³ங் ஸோதாபத்திப²லஞ்ச ஸகதா³கா³மிப²லஞ்ச அனாகா³மிப²லஞ்ச அரஹத்தஞ்ச ஸமாபஜ்ஜிங்…பே॰… ராகோ³ ச மே சத்தோ… தோ³ஸோ ச மே சத்தோ… மோஹோ ச மே சத்தோ வந்தோ முத்தோ பஹீனோ படினிஸ்ஸட்டோ² உக்கே²டிதோ ஸமுக்கே²டிதோ. ராகா³ ச மே சித்தங் வினீவரணங்… தோ³ஸா ச மே சித்தங் வினீவரணங்… மோஹா ச மே சித்தங் வினீவரணந்தி வத்துகாமோ பட²மங் ஜா²னங் ஸமாபஜ்ஜிந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி பாராஜிகஸ்ஸ; ந படிவிஜானந்தஸ்ஸ ஆபத்தி து²ல்லச்சயஸ்ஸ.
219. Tīhākārehi dutiyañca jhānaṃ tatiyañca jhānaṃ catutthañca jhānaṃ suññatañca vimokkhaṃ animittañca vimokkhaṃ appaṇihitañca vimokkhaṃ suññatañca samādhiṃ animittañca samādhiṃ appaṇihitañca samādhiṃ suññatañca samāpattiṃ animittañca samāpattiṃ appaṇihitañca samāpattiṃ tisso ca vijjā cattāro ca satipaṭṭhāne cattāro ca sammappadhāne cattāro ca iddhipāde pañca ca indriyāni pañca ca balāni satta ca bojjhaṅge ariyañca aṭṭhaṅgikaṃ maggaṃ sotāpattiphalañca sakadāgāmiphalañca anāgāmiphalañca arahattañca samāpajjiṃ…pe… rāgo ca me catto… doso ca me catto… moho ca me catto vanto mutto pahīno paṭinissaṭṭho ukkheṭito samukkheṭito. Rāgā ca me cittaṃ vinīvaraṇaṃ… dosā ca me cittaṃ vinīvaraṇaṃ… mohā ca me cittaṃ vinīvaraṇanti vattukāmo paṭhamaṃ jhānaṃ samāpajjinti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa.
தீஹாகாரேஹி ததியஞ்ச ஜா²னங் சதுத்த²ஞ்ச ஜா²னங்…பே॰… மோஹா ச மே சித்தங் வினீவரணங் பட²மஞ்ச ஜா²னங் ஸமாபஜ்ஜிந்தி வத்துகாமோ து³தியங் ஜா²னங் ஸமாபஜ்ஜிந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி பாராஜிகஸ்ஸ; ந படிவிஜானந்தஸ்ஸ ஆபத்தி து²ல்லச்சயஸ்ஸ.
Tīhākārehi tatiyañca jhānaṃ catutthañca jhānaṃ…pe… mohā ca me cittaṃ vinīvaraṇaṃ paṭhamañca jhānaṃ samāpajjinti vattukāmo dutiyaṃ jhānaṃ samāpajjinti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa.
தீஹாகாரேஹி…பே॰… ஸத்தஹாகாரேஹி மோஹா ச மே சித்தங் வினீவரணங் பட²மஞ்ச ஜா²னங் து³தியஞ்ச ஜா²னங் ததியஞ்ச ஜா²னங் சதுத்த²ஞ்ச ஜா²னங்…பே॰… ராகா³ ச மே சித்தங் வினீவரணந்தி வத்துகாமோ தோ³ஸா மே சித்தங் வினீவரணந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி பாராஜிகஸ்ஸ ; ந படிவிஜானந்தஸ்ஸ ஆபத்தி து²ல்லச்சயஸ்ஸ. புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
Tīhākārehi…pe… sattahākārehi mohā ca me cittaṃ vinīvaraṇaṃ paṭhamañca jhānaṃ dutiyañca jhānaṃ tatiyañca jhānaṃ catutthañca jhānaṃ…pe… rāgā ca me cittaṃ vinīvaraṇanti vattukāmo dosā me cittaṃ vinīvaraṇanti sampajānamusā bhaṇantassa paṭivijānantassa āpatti pārājikassa ; na paṭivijānantassa āpatti thullaccayassa. Pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.
வத்து²விஸாரகஸ்ஸ ஸப்³ப³மூலகங் நிட்டி²தங்.
Vatthuvisārakassa sabbamūlakaṃ niṭṭhitaṃ.
வத்து²விஸாரகஸ்ஸ சக்கபெய்யாலங் நிட்டி²தங்.
Vatthuvisārakassa cakkapeyyālaṃ niṭṭhitaṃ.
வத்து²காமவாரகதா² நிட்டி²தா.
Vatthukāmavārakathā niṭṭhitā.
220. தீஹாகாரேஹி யோ தே விஹாரே வஸி ஸோ பி⁴க்கு² பட²மங் ஜா²னங் ஸமாபஜ்ஜி… ஸமாபஜ்ஜதி… ஸமாபன்னோ… ஸோ பி⁴க்கு² பட²மஸ்ஸ ஜா²னஸ்ஸ லாபீ⁴… வஸீ… தேன பி⁴க்கு²னா பட²மங் ஜா²னங் ஸச்சி²கதந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி து²ல்லச்சயஸ்ஸ; ந படிவிஜானந்தஸ்ஸ ஆபத்தி து³க்கடஸ்ஸ.
220. Tīhākārehi yo te vihāre vasi so bhikkhu paṭhamaṃ jhānaṃ samāpajji… samāpajjati… samāpanno… so bhikkhu paṭhamassa jhānassa lābhī… vasī… tena bhikkhunā paṭhamaṃ jhānaṃ sacchikatanti sampajānamusā bhaṇantassa paṭivijānantassa āpatti thullaccayassa; na paṭivijānantassa āpatti dukkaṭassa.
சதூஹாகாரேஹி … பஞ்சஹாகாரேஹி… ச²ஹாகாரேஹி… ஸத்தஹாகாரேஹி யோ தே விஹாரே வஸி ஸோ பி⁴க்கு² பட²மங் ஜா²னங் ஸமாபஜ்ஜி… ஸமாபஜ்ஜதி… ஸமாபன்னோ… ஸோ பி⁴க்கு² பட²மஸ்ஸ ஜா²னஸ்ஸ லாபீ⁴… வஸீ… தேன பி⁴க்கு²னா பட²மங் ஜா²னங் ஸச்சி²கதந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி து²ல்லச்சயஸ்ஸ; ந படிவிஜானந்தஸ்ஸ ஆபத்தி து³க்கடஸ்ஸ. புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
Catūhākārehi … pañcahākārehi… chahākārehi… sattahākārehi yo te vihāre vasi so bhikkhu paṭhamaṃ jhānaṃ samāpajji… samāpajjati… samāpanno… so bhikkhu paṭhamassa jhānassa lābhī… vasī… tena bhikkhunā paṭhamaṃ jhānaṃ sacchikatanti sampajānamusā bhaṇantassa paṭivijānantassa āpatti thullaccayassa; na paṭivijānantassa āpatti dukkaṭassa. Pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.
தீஹாகாரேஹி யோ தே விஹாரே வஸி ஸோ பி⁴க்கு² து³தியங் ஜா²னங்… ததியங் ஜா²னங்… சதுத்த²ங் ஜா²னங்… ஸுஞ்ஞதங் விமொக்க²ங்… அனிமித்தங் விமொக்க²ங்… அப்பணிஹிதங் விமொக்க²ங்… ஸுஞ்ஞதங் ஸமாதி⁴ங்… அனிமித்தங் ஸமாதி⁴ங்… அப்பணிஹிதங் ஸமாதி⁴ங்… ஸுஞ்ஞதங் ஸமாபத்திங்… அனிமித்தங் ஸமாபத்திங்… அப்பணிஹிதங் ஸமாபத்திங்… திஸ்ஸோ விஜ்ஜா… சத்தாரோ ஸதிபட்டா²னே… சத்தாரோ ஸம்மப்பதா⁴னே… சத்தாரோ இத்³தி⁴பாதே³… பஞ்ச இந்த்³ரியானி… பஞ்ச ப³லானி… ஸத்த பொ³ஜ்ஜ²ங்கே³… அரியங் அட்ட²ங்கி³கங் மக்³க³ங்… ஸோதாபத்திப²லங்… ஸகதா³கா³மிப²லங்… அனாகா³மிப²லங்… அரஹத்தங் ஸமாபஜ்ஜி… ஸமாபஜ்ஜதி… ஸமாபன்னோ… ஸோ பி⁴க்கு² அரஹத்தஸ்ஸ லாபீ⁴… வஸீ… தேன பி⁴க்கு²னா அரஹத்தங் ஸச்சி²கதந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி து²ல்லச்சயஸ்ஸ; ந படிவிஜானந்தஸ்ஸ ஆபத்தி து³க்கடஸ்ஸ.
Tīhākārehi yo te vihāre vasi so bhikkhu dutiyaṃ jhānaṃ… tatiyaṃ jhānaṃ… catutthaṃ jhānaṃ… suññataṃ vimokkhaṃ… animittaṃ vimokkhaṃ… appaṇihitaṃ vimokkhaṃ… suññataṃ samādhiṃ… animittaṃ samādhiṃ… appaṇihitaṃ samādhiṃ… suññataṃ samāpattiṃ… animittaṃ samāpattiṃ… appaṇihitaṃ samāpattiṃ… tisso vijjā… cattāro satipaṭṭhāne… cattāro sammappadhāne… cattāro iddhipāde… pañca indriyāni… pañca balāni… satta bojjhaṅge… ariyaṃ aṭṭhaṅgikaṃ maggaṃ… sotāpattiphalaṃ… sakadāgāmiphalaṃ… anāgāmiphalaṃ… arahattaṃ samāpajji… samāpajjati… samāpanno… so bhikkhu arahattassa lābhī… vasī… tena bhikkhunā arahattaṃ sacchikatanti sampajānamusā bhaṇantassa paṭivijānantassa āpatti thullaccayassa; na paṭivijānantassa āpatti dukkaṭassa.
தீஹாகாரேஹி யோ தே விஹாரே வஸி, தஸ்ஸ பி⁴க்கு²னோ ராகோ³ சத்தோ… தோ³ஸோ சத்தோ… மோஹோ சத்தோ வந்தோ முத்தோ பஹீனோ படினிஸ்ஸட்டோ² உக்கே²டிதோ ஸமுக்கே²டிதோதி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி து²ல்லச்சயஸ்ஸ; ந படிவிஜானந்தஸ்ஸ ஆபத்தி து³க்கடஸ்ஸ.
Tīhākārehi yo te vihāre vasi, tassa bhikkhuno rāgo catto… doso catto… moho catto vanto mutto pahīno paṭinissaṭṭho ukkheṭito samukkheṭitoti sampajānamusā bhaṇantassa paṭivijānantassa āpatti thullaccayassa; na paṭivijānantassa āpatti dukkaṭassa.
தீஹாகாரேஹி…பே॰… ஸத்தஹாகாரேஹி யோ தே விஹாரே வஸி, தஸ்ஸ பி⁴க்கு²னோ ராகா³ சித்தங் வினீவரணங்… தோ³ஸா சித்தங் வினீவரணங்… மோஹா சித்தங் வினீவரணந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி து²ல்லச்சயஸ்ஸ; ந படிவிஜானந்தஸ்ஸ ஆபத்தி து³க்கடஸ்ஸ…பே॰… புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
Tīhākārehi…pe… sattahākārehi yo te vihāre vasi, tassa bhikkhuno rāgā cittaṃ vinīvaraṇaṃ… dosā cittaṃ vinīvaraṇaṃ… mohā cittaṃ vinīvaraṇanti sampajānamusā bhaṇantassa paṭivijānantassa āpatti thullaccayassa; na paṭivijānantassa āpatti dukkaṭassa…pe… pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.
தீஹாகாரேஹி…பே॰… ஸத்தஹாகாரேஹி யோ தே விஹாரே வஸி ஸோ பி⁴க்கு² ஸுஞ்ஞாகா³ரே பட²மங் ஜா²னங்… து³தியங் ஜா²னங்… ததியங் ஜா²னங்… சதுத்த²ங் ஜா²னங் ஸமாபஜ்ஜி … ஸமாபஜ்ஜதி… ஸமாபன்னோ… ஸோ பி⁴க்கு² ஸுஞ்ஞாகா³ரே சதுத்த²ஸ்ஸ ஜா²னஸ்ஸ லாபீ⁴… வஸீ… தேன பி⁴க்கு²னா ஸுஞ்ஞாகா³ரே சதுத்த²ங் ஜா²னங் ஸச்சி²கதந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி து²ல்லச்சயஸ்ஸ; ந படிவிஜானந்தஸ்ஸ ஆபத்தி து³க்கடஸ்ஸ. புப்³பே³வஸ்ஸ ஹோதி முஸா ப⁴ணிஸ்ஸந்தி, ப⁴ணந்தஸ்ஸ ஹோதி முஸா ப⁴ணாமீதி ப⁴ணிதஸ்ஸ ஹோதி, முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
Tīhākārehi…pe… sattahākārehi yo te vihāre vasi so bhikkhu suññāgāre paṭhamaṃ jhānaṃ… dutiyaṃ jhānaṃ… tatiyaṃ jhānaṃ… catutthaṃ jhānaṃ samāpajji … samāpajjati… samāpanno… so bhikkhu suññāgāre catutthassa jhānassa lābhī… vasī… tena bhikkhunā suññāgāre catutthaṃ jhānaṃ sacchikatanti sampajānamusā bhaṇantassa paṭivijānantassa āpatti thullaccayassa; na paṭivijānantassa āpatti dukkaṭassa. Pubbevassa hoti musā bhaṇissanti, bhaṇantassa hoti musā bhaṇāmīti bhaṇitassa hoti, musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.
யதா² இத³ங் வித்தா²ரிதங் ஏவமேவ ஸேஸானிபி வித்தா²ரேதப்³பா³னி.
Yathā idaṃ vitthāritaṃ evameva sesānipi vitthāretabbāni.
221. தீஹாகாரேஹி…பே॰… ஸத்தஹாகாரேஹி யோ தே சீவரங் பரிபு⁴ஞ்ஜி… யோ தே பிண்ட³பாதங் பரிபு⁴ஞ்ஜி… யோ தே ஸேனாஸனங் பரிபு⁴ஞ்ஜி… யோ தே கி³லானப்பச்சயபே⁴ஸஜ்ஜபரிக்கா²ரங் பரிபு⁴ஞ்ஜி ஸோ பி⁴க்கு² ஸுஞ்ஞாகா³ரே சதுத்த²ங் ஜா²னங் ஸமாபஜ்ஜி… ஸமாபஜ்ஜதி… ஸமாபன்னோ… ஸோ பி⁴க்கு² ஸுஞ்ஞாகா³ரே சதுத்த²ஸ்ஸ ஜா²னஸ்ஸ லாபீ⁴… வஸீ… தேன பி⁴க்கு²னா ஸுஞ்ஞாகா³ரே சதுத்த²ங் ஜா²னங் ஸச்சி²கதந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி து²ல்லச்சயஸ்ஸ; ந படிவிஜானந்தஸ்ஸ ஆபத்தி து³க்கடஸ்ஸ…பே॰… வினிதா⁴ய பா⁴வங்.
221. Tīhākārehi…pe… sattahākārehi yo te cīvaraṃ paribhuñji… yo te piṇḍapātaṃ paribhuñji… yo te senāsanaṃ paribhuñji… yo te gilānappaccayabhesajjaparikkhāraṃ paribhuñji so bhikkhu suññāgāre catutthaṃ jhānaṃ samāpajji… samāpajjati… samāpanno… so bhikkhu suññāgāre catutthassa jhānassa lābhī… vasī… tena bhikkhunā suññāgāre catutthaṃ jhānaṃ sacchikatanti sampajānamusā bhaṇantassa paṭivijānantassa āpatti thullaccayassa; na paṭivijānantassa āpatti dukkaṭassa…pe… vinidhāya bhāvaṃ.
தீஹாகாரேஹி…பே॰… ஸத்தஹாகாரேஹி யேன தே விஹாரோ பரிபு⁴த்தோ… யேன தே சீவரங் பரிபு⁴த்தங்… யேன தே பிண்ட³பாதோ பரிபு⁴த்தோ… யேன தே ஸேனாஸனங் பரிபு⁴த்தங்… யேன தே கி³லானப்பச்சயபே⁴ஸஜ்ஜபரிக்கா²ரோ பரிபு⁴த்தோ… ஸோ பி⁴க்கு² ஸுஞ்ஞாகா³ரே சதுத்த²ங் ஜா²னங் ஸமாபஜ்ஜி… ஸமாபஜ்ஜதி… ஸமாபன்னோ… ஸோ பி⁴க்கு² ஸுஞ்ஞாகா³ரே சதுத்த²ஸ்ஸ ஜா²னஸ்ஸ லாபீ⁴… வஸீ… தேன பி⁴க்கு²னா ஸுஞ்ஞாகா³ரே சதுத்த²ங் ஜா²னங் ஸச்சி²கதந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி து²ல்லச்சயஸ்ஸ; ந படிவிஜானந்தஸ்ஸ ஆபத்தி து³க்கடஸ்ஸ…பே॰… வினிதா⁴ய பா⁴வங்.
Tīhākārehi…pe… sattahākārehi yena te vihāro paribhutto… yena te cīvaraṃ paribhuttaṃ… yena te piṇḍapāto paribhutto… yena te senāsanaṃ paribhuttaṃ… yena te gilānappaccayabhesajjaparikkhāro paribhutto… so bhikkhu suññāgāre catutthaṃ jhānaṃ samāpajji… samāpajjati… samāpanno… so bhikkhu suññāgāre catutthassa jhānassa lābhī… vasī… tena bhikkhunā suññāgāre catutthaṃ jhānaṃ sacchikatanti sampajānamusā bhaṇantassa paṭivijānantassa āpatti thullaccayassa; na paṭivijānantassa āpatti dukkaṭassa…pe… vinidhāya bhāvaṃ.
தீஹாகாரேஹி …பே॰… ஸத்தஹாகாரேஹி யங் த்வங் ஆக³ம்ம விஹாரங் அதா³ஸி… சீவரங் அதா³ஸி… பிண்ட³பாதங் அதா³ஸி… ஸேனாஸனங் அதா³ஸி… கி³லானப்பச்சயபே⁴ஸஜ்ஜபரிக்கா²ரங் அதா³ஸி ஸோ பி⁴க்கு² ஸுஞ்ஞாகா³ரே சதுத்த²ங் ஜா²னங் ஸமாபஜ்ஜி… ஸமாபஜ்ஜதி… ஸமாபன்னோ… ஸோ பி⁴க்கு² ஸுஞ்ஞாகா³ரே சதுத்த²ஸ்ஸ ஜா²னஸ்ஸ லாபீ⁴… வஸீ… தேன பி⁴க்கு²னா ஸுஞ்ஞாகா³ரே சதுத்த²ங் ஜா²னங் ஸச்சி²கதந்தி ஸம்பஜானமுஸா ப⁴ணந்தஸ்ஸ படிவிஜானந்தஸ்ஸ ஆபத்தி து²ல்லச்சயஸ்ஸ; ந படிவிஜானந்தஸ்ஸ ஆபத்தி து³க்கடஸ்ஸ. புப்³பே³வஸ்ஸ ஹோதி முஸா ப⁴ணிஸ்ஸந்தி , ப⁴ணந்தஸ்ஸ ஹோதி முஸா ப⁴ணாமீதி, ப⁴ணிதஸ்ஸ ஹோதி முஸா மயா ப⁴ணிதந்தி, வினிதா⁴ய தி³ட்டி²ங், வினிதா⁴ய க²ந்திங், வினிதா⁴ய ருசிங், வினிதா⁴ய பா⁴வங்.
Tīhākārehi …pe… sattahākārehi yaṃ tvaṃ āgamma vihāraṃ adāsi… cīvaraṃ adāsi… piṇḍapātaṃ adāsi… senāsanaṃ adāsi… gilānappaccayabhesajjaparikkhāraṃ adāsi so bhikkhu suññāgāre catutthaṃ jhānaṃ samāpajji… samāpajjati… samāpanno… so bhikkhu suññāgāre catutthassa jhānassa lābhī… vasī… tena bhikkhunā suññāgāre catutthaṃ jhānaṃ sacchikatanti sampajānamusā bhaṇantassa paṭivijānantassa āpatti thullaccayassa; na paṭivijānantassa āpatti dukkaṭassa. Pubbevassa hoti musā bhaṇissanti , bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.
பெய்யாலபன்னரஸகங் நிட்டி²தங்.
Peyyālapannarasakaṃ niṭṭhitaṃ.
பச்சயப்படிஸங்யுத்தவாரகதா² நிட்டி²தா.
Paccayappaṭisaṃyuttavārakathā niṭṭhitā.
உத்தரிமனுஸ்ஸத⁴ம்மசக்கபெய்யாலங் நிட்டி²தங்.
Uttarimanussadhammacakkapeyyālaṃ niṭṭhitaṃ.
222. அனாபத்தி அதி⁴மானேன, அனுல்லபனாதி⁴ப்பாயஸ்ஸ, உம்மத்தகஸ்ஸ, கி²த்தசித்தஸ்ஸ, வேத³னாட்டஸ்ஸ, ஆதி³கம்மிகஸ்ஸாதி.
222. Anāpatti adhimānena, anullapanādhippāyassa, ummattakassa, khittacittassa, vedanāṭṭassa, ādikammikassāti.
வினீதவத்து²உத்³தா³னகா³தா²
Vinītavatthuuddānagāthā
ஸங்யோஜனா ரஹோத⁴ம்மா, விஹாரோ பச்சுபட்டி²தோ.
Saṃyojanā rahodhammā, vihāro paccupaṭṭhito.
ந து³க்கரங் வீரியமதோ²பி மச்சுனோ;
Na dukkaraṃ vīriyamathopi maccuno;
பா⁴யாவுஸோ விப்படிஸாரி ஸம்மா;
Bhāyāvuso vippaṭisāri sammā;
விரியேன யோகே³ன ஆராத⁴னாய;
Viriyena yogena ārādhanāya;
அத² வேத³னாய அதி⁴வாஸனா து³வே.
Atha vedanāya adhivāsanā duve.
ப்³ராஹ்மணே பஞ்ச வத்தூ²னி, அஞ்ஞங் ப்³யாகரணா தயோ;
Brāhmaṇe pañca vatthūni, aññaṃ byākaraṇā tayo;
அகா³ராவரணா காமா, ரதி சாபி அபக்கமி.
Agārāvaraṇā kāmā, rati cāpi apakkami.
அட்டி² பேஸி உபோ⁴ கா³வகா⁴தகா;
Aṭṭhi pesi ubho gāvaghātakā;
பிண்டோ³ ஸாகுணிகோ நிச்ச²வி ஓரப்³பி⁴;
Piṇḍo sākuṇiko nicchavi orabbhi;
அஸி ச ஸூகரிகோ ஸத்தி மாக³வி;
Asi ca sūkariko satti māgavi;
உஸு ச காரணிகோ ஸூசி ஸாரதி².
Usu ca kāraṇiko sūci sārathi.
யோ ச ஸிப்³பீ³யதி ஸூசகோ ஹி ஸோ;
Yo ca sibbīyati sūcako hi so;
அண்ட³பா⁴ரி அஹு கா³மகூடகோ;
Aṇḍabhāri ahu gāmakūṭako;
கூபே நிமுக்³கோ³ ஹி ஸோ பாரதா³ரிகோ;
Kūpe nimuggo hi so pāradāriko;
கூ³த²கா²தீ³ அஹு து³ட்ட²ப்³ராஹ்மணோ.
Gūthakhādī ahu duṭṭhabrāhmaṇo.
நிச்ச²வித்தீ² அதிசாரினீ அஹு;
Nicchavitthī aticārinī ahu;
மங்கு³லித்தீ² அஹு இக்க²ணித்தி²கா;
Maṅgulitthī ahu ikkhaṇitthikā;
ஓகிலினீ ஹி ஸபத்தங்கா³ரோகிரி;
Okilinī hi sapattaṅgārokiri;
ஸீஸச்சி²ன்னோ அஹு சோரகா⁴தகோ.
Sīsacchinno ahu coraghātako.
பி⁴க்கு² பி⁴க்கு²னீ ஸிக்க²மானா;
Bhikkhu bhikkhunī sikkhamānā;
ஸாமணேரோ அத² ஸாமணேரிகா;
Sāmaṇero atha sāmaṇerikā;
கஸ்ஸபஸ்ஸ வினயஸ்மிங் பப்³ப³ஜங்;
Kassapassa vinayasmiṃ pabbajaṃ;
பாபகம்மமகரிங்ஸு தாவதே³.
Pāpakammamakariṃsu tāvade.
தபோதா³ ராஜக³ஹே யுத்³த⁴ங், நாகா³னோகா³ஹனேன ச;
Tapodā rājagahe yuddhaṃ, nāgānogāhanena ca;
ஸோபி⁴தோ அரஹங் பி⁴க்கு², பஞ்சகப்பஸதங் ஸரேதி.
Sobhito arahaṃ bhikkhu, pañcakappasataṃ sareti.
வினீதவத்து²
Vinītavatthu
223. தேன கோ² பன ஸமயேன அஞ்ஞதரோ பி⁴க்கு² அதி⁴மானேன அஞ்ஞங் ப்³யாகாஸி. தஸ்ஸ குக்குச்சங் அஹோஸி – ‘‘ப⁴க³வதா ஸிக்கா²பத³ங் பஞ்ஞத்தங். கச்சி நு கோ² அஹங் பாராஜிகங் ஆபத்திங் ஆபன்னோ’’தி? ப⁴க³வதோ ஏதமத்த²ங் ஆரோசேஸி. ‘‘அனாபத்தி, பி⁴க்கு², அதி⁴மானேனா’’தி.
223. Tena kho pana samayena aññataro bhikkhu adhimānena aññaṃ byākāsi. Tassa kukkuccaṃ ahosi – ‘‘bhagavatā sikkhāpadaṃ paññattaṃ. Kacci nu kho ahaṃ pārājikaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, adhimānenā’’ti.
தேன கோ² பன ஸமயேன அஞ்ஞதரோ பி⁴க்கு² பணிதா⁴ய அரஞ்ஞே விஹரதி – ‘‘ஏவங் மங் ஜனோ ஸம்பா⁴வெஸ்ஸதீ’’தி. தங் ஜனோ ஸம்பா⁴வேஸி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ. ந ச, பி⁴க்க²வே, பணிதா⁴ய அரஞ்ஞே வத்த²ப்³ப³ங். யோ வஸெய்ய, ஆபத்தி து³க்கடஸ்ஸா’’தி.
Tena kho pana samayena aññataro bhikkhu paṇidhāya araññe viharati – ‘‘evaṃ maṃ jano sambhāvessatī’’ti. Taṃ jano sambhāvesi. Tassa kukkuccaṃ ahosi…pe… ‘‘anāpatti, bhikkhu, pārājikassa. Na ca, bhikkhave, paṇidhāya araññe vatthabbaṃ. Yo vaseyya, āpatti dukkaṭassā’’ti.
தேன கோ² பன ஸமயேன அஞ்ஞதரோ பி⁴க்கு² பணிதா⁴ய பிண்டா³ய சரதி – ‘‘ஏவங் மங் ஜனோ ஸம்பா⁴வெஸ்ஸதீ’’தி. தங் ஜனோ ஸம்பா⁴வேஸி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ. ந ச, பி⁴க்க²வே, பணிதா⁴ய பிண்டா³ய சரிதப்³ப³ங். யோ சரெய்ய, ஆபத்தி து³க்கடஸ்ஸா’’தி.
Tena kho pana samayena aññataro bhikkhu paṇidhāya piṇḍāya carati – ‘‘evaṃ maṃ jano sambhāvessatī’’ti. Taṃ jano sambhāvesi. Tassa kukkuccaṃ ahosi…pe… ‘‘anāpatti, bhikkhu, pārājikassa. Na ca, bhikkhave, paṇidhāya piṇḍāya caritabbaṃ. Yo careyya, āpatti dukkaṭassā’’ti.
தேன கோ² பன ஸமயேன அஞ்ஞதரோ பி⁴க்கு² அஞ்ஞதரங் பி⁴க்கு²ங் ஏதத³வோச – ‘‘யே, ஆவுஸோ, அம்ஹாகங் உபஜ்ஜா²யஸ்ஸ ஸத்³தி⁴விஹாரிகா ஸப்³பே³வ அரஹந்தோ’’தி. தஸ்ஸ குக்குச்சங் அஹோஸி…பே॰… ‘‘கிங்சித்தோ த்வங், பி⁴க்கூ²’’தி? ‘‘உல்லபனாதி⁴ப்பாயோ அஹங், ப⁴க³வா’’தி. ‘‘அனாபத்தி, பி⁴க்கு², பாராஜிகஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññataro bhikkhu aññataraṃ bhikkhuṃ etadavoca – ‘‘ye, āvuso, amhākaṃ upajjhāyassa saddhivihārikā sabbeva arahanto’’ti. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Ullapanādhippāyo ahaṃ, bhagavā’’ti. ‘‘Anāpatti, bhikkhu, pārājikassa; āpatti thullaccayassā’’ti.
தேன கோ² பன ஸமயேன அஞ்ஞதரோ பி⁴க்கு² அஞ்ஞதரங் பி⁴க்கு²ங் ஏதத³வோச – ‘‘யே, ஆவுஸோ, அம்ஹாகங் உபஜ்ஜா²யஸ்ஸ அந்தேவாஸிகா ஸப்³பே³வ மஹித்³தி⁴கா மஹானுபா⁴வா’’தி. தஸ்ஸ குக்குச்சங் அஹோஸி…பே॰… ‘‘கிங்சித்தோ த்வங், பி⁴க்கூ²’’தி? ‘‘உல்லபனாதி⁴ப்பாயோ அஹங், ப⁴க³வா’’தி. ‘‘அனாபத்தி, பி⁴க்கு², பாராஜிகஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññataro bhikkhu aññataraṃ bhikkhuṃ etadavoca – ‘‘ye, āvuso, amhākaṃ upajjhāyassa antevāsikā sabbeva mahiddhikā mahānubhāvā’’ti. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Ullapanādhippāyo ahaṃ, bhagavā’’ti. ‘‘Anāpatti, bhikkhu, pārājikassa; āpatti thullaccayassā’’ti.
தேன கோ² பன ஸமயேன அஞ்ஞதரோ பி⁴க்கு² பணிதா⁴ய சங்கமதி… பணிதா⁴ய திட்ட²தி… பணிதா⁴ய நிஸீத³தி… பணிதா⁴ய ஸெய்யங் கப்பேதி – ‘‘ஏவங் மங் ஜனோ ஸம்பா⁴வெஸ்ஸதீ’’தி. தங் ஜனோ ஸம்பா⁴வேஸி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ. ந ச, பி⁴க்க²வே, பணிதா⁴ய ஸெய்யா கப்பேதப்³பா³. யோ கப்பெய்ய, ஆபத்தி து³க்கடஸ்ஸா’’தி.
Tena kho pana samayena aññataro bhikkhu paṇidhāya caṅkamati… paṇidhāya tiṭṭhati… paṇidhāya nisīdati… paṇidhāya seyyaṃ kappeti – ‘‘evaṃ maṃ jano sambhāvessatī’’ti. Taṃ jano sambhāvesi. Tassa kukkuccaṃ ahosi…pe… ‘‘anāpatti, bhikkhu, pārājikassa. Na ca, bhikkhave, paṇidhāya seyyā kappetabbā. Yo kappeyya, āpatti dukkaṭassā’’ti.
தேன கோ² பன ஸமயேன அஞ்ஞதரோ பி⁴க்கு² அஞ்ஞதரஸ்ஸ பி⁴க்கு²னோ உத்தரிமனுஸ்ஸத⁴ம்மங் உல்லபதி. ஸோபி ஏவமாஹ – ‘‘மய்ஹம்பி, ஆவுஸோ, ஸங்யோஜனா பஹீனா’’தி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
Tena kho pana samayena aññataro bhikkhu aññatarassa bhikkhuno uttarimanussadhammaṃ ullapati. Sopi evamāha – ‘‘mayhampi, āvuso, saṃyojanā pahīnā’’ti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
224. தேன கோ² பன ஸமயேன அஞ்ஞதரோ பி⁴க்கு² ரஹோக³தோ உத்தரிமனுஸ்ஸத⁴ம்மங் உல்லபதி. பரசித்தவிதூ³ பி⁴க்கு² தங் பி⁴க்கு²ங் அபஸாதே³ஸி – ‘‘மா, ஆவுஸோ, ஏவரூபங் அப⁴ணி. நத்தே²ஸோ துய்ஹ’’ந்தி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ; ஆபத்தி து³க்கடஸ்ஸா’’தி.
224. Tena kho pana samayena aññataro bhikkhu rahogato uttarimanussadhammaṃ ullapati. Paracittavidū bhikkhu taṃ bhikkhuṃ apasādesi – ‘‘mā, āvuso, evarūpaṃ abhaṇi. Nattheso tuyha’’nti. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti dukkaṭassā’’ti.
தேன கோ² பன ஸமயேன அஞ்ஞதரோ பி⁴க்கு² ரஹோக³தோ உத்தரிமனுஸ்ஸத⁴ம்மங் உல்லபதி. தே³வதா தங் பி⁴க்கு²ங் அபஸாதே³ஸி – ‘‘மா, ப⁴ந்தே, ஏவரூபங் அப⁴ணி. நத்தே²ஸோ துய்ஹ’’ந்தி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², பாராஜிகஸ்ஸ; ஆபத்தி து³க்கடஸ்ஸா’’தி.
Tena kho pana samayena aññataro bhikkhu rahogato uttarimanussadhammaṃ ullapati. Devatā taṃ bhikkhuṃ apasādesi – ‘‘mā, bhante, evarūpaṃ abhaṇi. Nattheso tuyha’’nti. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti dukkaṭassā’’ti.
தேன கோ² பன ஸமயேன அஞ்ஞதரோ பி⁴க்கு² அஞ்ஞதரங் உபாஸகங் ஏதத³வோச – ‘‘யோ, ஆவுஸோ , துய்ஹங் விஹாரே வஸதி ஸோ பி⁴க்கு² அரஹா’’தி . ஸோ ச தஸ்ஸ விஹாரே வஸதி. தஸ்ஸ குக்குச்சங் அஹோஸி…பே॰… ‘‘கிங்சித்தோ த்வங், பி⁴க்கூ²’’தி? ‘‘உல்லபனாதி⁴ப்பாயோ அஹங், ப⁴க³வா’’தி. ‘‘அனாபத்தி, பி⁴க்கு², பாராஜிகஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññataro bhikkhu aññataraṃ upāsakaṃ etadavoca – ‘‘yo, āvuso , tuyhaṃ vihāre vasati so bhikkhu arahā’’ti . So ca tassa vihāre vasati. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Ullapanādhippāyo ahaṃ, bhagavā’’ti. ‘‘Anāpatti, bhikkhu, pārājikassa; āpatti thullaccayassā’’ti.
தேன கோ² பன ஸமயேன அஞ்ஞதரோ பி⁴க்கு² அஞ்ஞதரங் உபாஸகங் ஏதத³வோச – ‘‘யங் த்வங், ஆவுஸோ, உபட்டே²ஸி சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரேன ஸோ பி⁴க்கு² அரஹா’’தி. ஸோ ச தங் உபட்டே²தி சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரேன. தஸ்ஸ குக்குச்சங் அஹோஸி…பே॰… ‘‘கிங்சித்தோ த்வங், பி⁴க்கூ²’’தி? ‘‘உல்லபனாதி⁴ப்பாயோ அஹங், ப⁴க³வா’’தி. ‘‘அனாபத்தி, பி⁴க்கு², பாராஜிகஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññataro bhikkhu aññataraṃ upāsakaṃ etadavoca – ‘‘yaṃ tvaṃ, āvuso, upaṭṭhesi cīvarapiṇḍapātasenāsanagilānappaccayabhesajjaparikkhārena so bhikkhu arahā’’ti. So ca taṃ upaṭṭheti cīvarapiṇḍapātasenāsanagilānappaccayabhesajjaparikkhārena. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Ullapanādhippāyo ahaṃ, bhagavā’’ti. ‘‘Anāpatti, bhikkhu, pārājikassa; āpatti thullaccayassā’’ti.
225. தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங் பி⁴க்கூ² ஏதத³வோசுங் – ‘‘அத்தா²யஸ்மதோ உத்தரிமனுஸ்ஸத⁴ம்மோ’’தி? ‘‘நாவுஸோ, து³க்கரங் அஞ்ஞங் ப்³யாகாது’’ந்தி. தஸ்ஸ குக்குச்சங் அஹோஸி – ‘‘யே கோ² தே ப⁴க³வதோ ஸாவகா தே ஏவங் வதெ³ய்யுங். அஹஞ்சம்ஹி ந ப⁴க³வதோ ஸாவகோ. கச்சி நு கோ² அஹங் பாராஜிகங் ஆபத்திங் ஆபன்னோ’’தி? ப⁴க³வதோ ஏதமத்த²ங் ஆரோசேஸி. ‘‘கிங்சித்தோ த்வங், பி⁴க்கூ²’’தி? ‘‘அனுல்லபனாதி⁴ப்பாயோ அஹங், ப⁴க³வா’’தி. ‘‘அனாபத்தி, பி⁴க்கு², அனுல்லபனாதி⁴ப்பாயஸ்ஸா’’தி .
225. Tena kho pana samayena aññataro bhikkhu gilāno hoti. Taṃ bhikkhū etadavocuṃ – ‘‘atthāyasmato uttarimanussadhammo’’ti? ‘‘Nāvuso, dukkaraṃ aññaṃ byākātu’’nti. Tassa kukkuccaṃ ahosi – ‘‘ye kho te bhagavato sāvakā te evaṃ vadeyyuṃ. Ahañcamhi na bhagavato sāvako. Kacci nu kho ahaṃ pārājikaṃ āpattiṃ āpanno’’ti? Bhagavato etamatthaṃ ārocesi. ‘‘Kiṃcitto tvaṃ, bhikkhū’’ti? ‘‘Anullapanādhippāyo ahaṃ, bhagavā’’ti. ‘‘Anāpatti, bhikkhu, anullapanādhippāyassā’’ti .
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங் பி⁴க்கூ² ஏதத³வோசுங் – ‘‘அத்தா²யஸ்மதோ உத்தரிமனுஸ்ஸத⁴ம்மோ’’தி? ‘‘ஆராத⁴னீயோ கோ², ஆவுஸோ, த⁴ம்மோ ஆரத்³த⁴வீரியேனா’’தி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², அனுல்லபனாதி⁴ப்பாயஸ்ஸா’’தி.
Tena kho pana samayena aññataro bhikkhu gilāno hoti. Taṃ bhikkhū etadavocuṃ – ‘‘atthāyasmato uttarimanussadhammo’’ti? ‘‘Ārādhanīyo kho, āvuso, dhammo āraddhavīriyenā’’ti. Tassa kukkuccaṃ ahosi…pe… ‘‘anāpatti, bhikkhu, anullapanādhippāyassā’’ti.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங் பி⁴க்கூ² ஏதத³வோசுங் – ‘‘மா கோ², ஆவுஸோ, பா⁴யீ’’தி. நாஹங், ஆவுஸோ, மச்சுனோ பா⁴யாமீ’’தி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², அனுல்லபனாதி⁴ப்பாயஸ்ஸா’’தி.
Tena kho pana samayena aññataro bhikkhu gilāno hoti. Taṃ bhikkhū etadavocuṃ – ‘‘mā kho, āvuso, bhāyī’’ti. Nāhaṃ, āvuso, maccuno bhāyāmī’’ti. Tassa kukkuccaṃ ahosi…pe… ‘‘anāpatti, bhikkhu, anullapanādhippāyassā’’ti.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங் பி⁴க்கூ² ஏதத³வோசுங் – ‘‘மா கோ², ஆவுஸோ, பா⁴யீ’’தி. ‘‘யோ நூனாவுஸோ, விப்படிஸாரீ அஸ்ஸ ஸோ பா⁴யெய்யா’’தி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², அனுல்லபனாதி⁴ப்பாயஸ்ஸா’’தி.
Tena kho pana samayena aññataro bhikkhu gilāno hoti. Taṃ bhikkhū etadavocuṃ – ‘‘mā kho, āvuso, bhāyī’’ti. ‘‘Yo nūnāvuso, vippaṭisārī assa so bhāyeyyā’’ti. Tassa kukkuccaṃ ahosi…pe… ‘‘anāpatti, bhikkhu, anullapanādhippāyassā’’ti.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங் பி⁴க்கூ² ஏதத³வோசுங் – ‘‘அத்தா²யஸ்மதோ உத்தரிமனுஸ்ஸத⁴ம்மோ’’தி? ‘‘ஆராத⁴னீயோ கோ², ஆவுஸோ, த⁴ம்மோ ஸம்மாபயுத்தேனா’’தி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², அனுல்லபனாதி⁴ப்பாயஸ்ஸா’’தி.
Tena kho pana samayena aññataro bhikkhu gilāno hoti. Taṃ bhikkhū etadavocuṃ – ‘‘atthāyasmato uttarimanussadhammo’’ti? ‘‘Ārādhanīyo kho, āvuso, dhammo sammāpayuttenā’’ti. Tassa kukkuccaṃ ahosi…pe… ‘‘anāpatti, bhikkhu, anullapanādhippāyassā’’ti.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங் பி⁴க்கூ² ஏதத³வோசுங் – ‘‘அத்தா²யஸ்மதோ உத்தரிமனுஸ்ஸத⁴ம்மோ’’தி? ‘‘ஆராத⁴னீயோ கோ², ஆவுஸோ, த⁴ம்மோ ஆரத்³த⁴வீரியேனா’’தி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², அனுல்லபனாதி⁴ப்பாயஸ்ஸா’’தி.
Tena kho pana samayena aññataro bhikkhu gilāno hoti. Taṃ bhikkhū etadavocuṃ – ‘‘atthāyasmato uttarimanussadhammo’’ti? ‘‘Ārādhanīyo kho, āvuso, dhammo āraddhavīriyenā’’ti. Tassa kukkuccaṃ ahosi…pe… ‘‘anāpatti, bhikkhu, anullapanādhippāyassā’’ti.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங் பி⁴க்கூ² ஏதத³வோசுங் – ‘‘அத்தா²யஸ்மதோ உத்தரிமனுஸ்ஸத⁴ம்மோ’’தி? ‘‘ஆராத⁴னீயோ கோ², ஆவுஸோ, த⁴ம்மோ யுத்தயோகே³னா’’தி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², அனுல்லபனாதி⁴ப்பாயஸ்ஸா’’தி.
Tena kho pana samayena aññataro bhikkhu gilāno hoti. Taṃ bhikkhū etadavocuṃ – ‘‘atthāyasmato uttarimanussadhammo’’ti? ‘‘Ārādhanīyo kho, āvuso, dhammo yuttayogenā’’ti. Tassa kukkuccaṃ ahosi…pe… ‘‘anāpatti, bhikkhu, anullapanādhippāyassā’’ti.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங் பி⁴க்கூ² ஏதத³வோசுங் – ‘‘கச்சாவுஸோ, க²மனீயங், கச்சி யாபனீய’’ந்தி? ‘‘நாவுஸோ, ஸக்கா யேன வா தேன வா அதி⁴வாஸேது’’ந்தி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², அனுல்லபனாதி⁴ப்பாயஸ்ஸா’’தி.
Tena kho pana samayena aññataro bhikkhu gilāno hoti. Taṃ bhikkhū etadavocuṃ – ‘‘kaccāvuso, khamanīyaṃ, kacci yāpanīya’’nti? ‘‘Nāvuso, sakkā yena vā tena vā adhivāsetu’’nti. Tassa kukkuccaṃ ahosi…pe… ‘‘anāpatti, bhikkhu, anullapanādhippāyassā’’ti.
தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. தங் பி⁴க்கூ² ஏதத³வோசுங் – ‘‘கச்சாவுஸோ க²மனீயங், கச்சி யாபனீய’’ந்தி? ‘‘நாவுஸோ, ஸக்கா புது²ஜ்ஜனேன அதி⁴வாஸேது’’ந்தி. தஸ்ஸ குக்குச்சங் அஹோஸி…பே॰… ‘‘கிங்சித்தோ த்வங், பி⁴க்கூ²’’தி? ‘‘உல்லபனாதி⁴ப்பாயோ அஹங், ப⁴க³வா’’தி. ‘‘அனாபத்தி, பி⁴க்கு², பாராஜிகஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññataro bhikkhu gilāno hoti. Taṃ bhikkhū etadavocuṃ – ‘‘kaccāvuso khamanīyaṃ, kacci yāpanīya’’nti? ‘‘Nāvuso, sakkā puthujjanena adhivāsetu’’nti. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Ullapanādhippāyo ahaṃ, bhagavā’’ti. ‘‘Anāpatti, bhikkhu, pārājikassa; āpatti thullaccayassā’’ti.
226. தேன கோ² பன ஸமயேன அஞ்ஞதரோ ப்³ராஹ்மணோ பி⁴க்கூ² நிமந்தெத்வா ஏதத³வோச – ‘‘ஆயந்து, பொ⁴ந்தோ அரஹந்தோ’’தி. தேஸங் குக்குச்சங் அஹோஸி – ‘‘மயஞ்சம்ஹ ந அரஹந்தோ 49. அயஞ்ச ப்³ராஹ்மணோ அம்ஹே அரஹந்தவாதே³ன ஸமுதா³சரதி. கத²ங் நு கோ² அம்ஹேஹி படிபஜ்ஜிதப்³ப³’’ந்தி? ப⁴க³வதோ ஏதமத்த²ங் ஆரோசேஸுங். ‘‘அனாபத்தி, பி⁴க்க²வே, பஸாத³ப⁴ஞ்ஞே’’தி.
226. Tena kho pana samayena aññataro brāhmaṇo bhikkhū nimantetvā etadavoca – ‘‘āyantu, bhonto arahanto’’ti. Tesaṃ kukkuccaṃ ahosi – ‘‘mayañcamha na arahanto 50. Ayañca brāhmaṇo amhe arahantavādena samudācarati. Kathaṃ nu kho amhehi paṭipajjitabba’’nti? Bhagavato etamatthaṃ ārocesuṃ. ‘‘Anāpatti, bhikkhave, pasādabhaññe’’ti.
தேன கோ² பன ஸமயேன அஞ்ஞதரோ ப்³ராஹ்மணோ பி⁴க்கூ² நிமந்தெத்வா ஏதத³வோச – ‘‘நிஸீத³ந்து, பொ⁴ந்தோ அரஹந்தோ’’தி… ‘‘பு⁴ஞ்ஜந்து, பொ⁴ந்தோ அரஹந்தோ’’தி… ‘‘தப்பெந்து, பொ⁴ந்தோ அரஹந்தோ’’தி… ‘‘க³ச்ச²ந்து, பொ⁴ந்தோ அரஹந்தோ’’தி. தேஸங் குக்குச்சங் அஹோஸி – ‘‘மயஞ்சம்ஹ ந அரஹந்தோ . அயஞ்ச ப்³ராஹ்மணோ அம்ஹே அரஹந்தவாதே³ன ஸமுதா³சரதி. கத²ங் நு கோ² அம்ஹேஹி படிபஜ்ஜிதப்³ப³’’ந்தி? ப⁴க³வதோ ஏதமத்த²ங் ஆரோசேஸுங். ‘‘அனாபத்தி, பி⁴க்க²வே, பஸாத³ப⁴ஞ்ஞே’’தி.
Tena kho pana samayena aññataro brāhmaṇo bhikkhū nimantetvā etadavoca – ‘‘nisīdantu, bhonto arahanto’’ti… ‘‘bhuñjantu, bhonto arahanto’’ti… ‘‘tappentu, bhonto arahanto’’ti… ‘‘gacchantu, bhonto arahanto’’ti. Tesaṃ kukkuccaṃ ahosi – ‘‘mayañcamha na arahanto . Ayañca brāhmaṇo amhe arahantavādena samudācarati. Kathaṃ nu kho amhehi paṭipajjitabba’’nti? Bhagavato etamatthaṃ ārocesuṃ. ‘‘Anāpatti, bhikkhave, pasādabhaññe’’ti.
தேன கோ² பன ஸமயேன அஞ்ஞதரோ பி⁴க்கு² அஞ்ஞதரஸ்ஸ பி⁴க்கு²னோ உத்தரிமனுஸ்ஸத⁴ம்மங் உல்லபதி. ஸோபி ஏவமாஹ – ‘‘மய்ஹம்பி, ஆவுஸோ, ஆஸவா பஹீனா’’தி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
Tena kho pana samayena aññataro bhikkhu aññatarassa bhikkhuno uttarimanussadhammaṃ ullapati. Sopi evamāha – ‘‘mayhampi, āvuso, āsavā pahīnā’’ti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
தேன கோ² பன ஸமயேன அஞ்ஞதரோ பி⁴க்கு² அஞ்ஞதரஸ்ஸ பி⁴க்கு²னோ உத்தரிமனுஸ்ஸத⁴ம்மங் உல்லபதி. ஸோபி ஏவமாஹ – ‘‘மய்ஹம்பி, ஆவுஸோ, ஏதே த⁴ம்மா ஸங்விஜ்ஜந்தீ’’தி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
Tena kho pana samayena aññataro bhikkhu aññatarassa bhikkhuno uttarimanussadhammaṃ ullapati. Sopi evamāha – ‘‘mayhampi, āvuso, ete dhammā saṃvijjantī’’ti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
தேன கோ² பன ஸமயேன அஞ்ஞதரோ பி⁴க்கு² அஞ்ஞதரஸ்ஸ பி⁴க்கு²னோ உத்தரிமனுஸ்ஸத⁴ம்மங் உல்லபதி. ஸோபி ஏவமாஹ – ‘‘அஹம்பாவுஸோ, தேஸு த⁴ம்மேஸு ஸந்தி³ஸ்ஸாமீ’’தி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங் , பி⁴க்கு², ஆபன்னோ பாராஜிக’’ந்தி.
Tena kho pana samayena aññataro bhikkhu aññatarassa bhikkhuno uttarimanussadhammaṃ ullapati. Sopi evamāha – ‘‘ahampāvuso, tesu dhammesu sandissāmī’’ti. Tassa kukkuccaṃ ahosi…pe… ‘‘āpattiṃ tvaṃ , bhikkhu, āpanno pārājika’’nti.
தேன கோ² பன ஸமயேன அஞ்ஞதரங் பி⁴க்கு²ங் ஞாதகா ஏதத³வோசுங் – ‘‘ஏஹி, ப⁴ந்தே, அகா³ரங் அஜ்ஜா²வஸா’’தி. ‘‘அப⁴ப்³போ³ கோ², ஆவுஸோ, மாதி³ஸோ அகா³ரங் அஜ்ஜா²வஸிது’’ந்தி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², அனுல்லபனாதி⁴ப்பாயஸ்ஸா’’தி.
Tena kho pana samayena aññataraṃ bhikkhuṃ ñātakā etadavocuṃ – ‘‘ehi, bhante, agāraṃ ajjhāvasā’’ti. ‘‘Abhabbo kho, āvuso, mādiso agāraṃ ajjhāvasitu’’nti. Tassa kukkuccaṃ ahosi…pe… ‘‘anāpatti, bhikkhu, anullapanādhippāyassā’’ti.
227. தேன கோ² பன ஸமயேன அஞ்ஞதரங் பி⁴க்கு²ங் ஞாதகா ஏதத³வோசுங் – ‘‘ஏஹி, ப⁴ந்தே, காமே பரிபு⁴ஞ்ஜா’’தி. ‘‘ஆவடா மே, ஆவுஸோ, காமா’’தி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², அனுல்லபனாதி⁴ப்பாயஸ்ஸா’’தி.
227. Tena kho pana samayena aññataraṃ bhikkhuṃ ñātakā etadavocuṃ – ‘‘ehi, bhante, kāme paribhuñjā’’ti. ‘‘Āvaṭā me, āvuso, kāmā’’ti. Tassa kukkuccaṃ ahosi…pe… ‘‘anāpatti, bhikkhu, anullapanādhippāyassā’’ti.
தேன கோ² பன ஸமயேன அஞ்ஞதரங் பி⁴க்கு²ங் ஞாதகா ஏதத³வோசுங் – ‘‘அபி⁴ரமஸி, ப⁴ந்தே’’தி? ‘‘அபி⁴ரதோ அஹங், ஆவுஸோ, பரமாய அபி⁴ரதியா’’தி. தஸ்ஸ குக்குச்சங் அஹோஸி. ‘‘யே கோ² தே ப⁴க³வதோ ஸாவகா தே ஏவங் வதெ³ய்யுங்! அஹஞ்சம்ஹி ந ப⁴க³வதோ ஸாவகோ. கச்சி நு கோ² அஹங் பாராஜிகங் ஆபத்திங் ஆபன்னோ’’தி? ப⁴க³வதோ ஏதமத்த²ங் ஆரோசேஸி. ‘‘கிங்சித்தோ த்வங், பி⁴க்கூ²’’தி? ‘‘அனுல்லபனாதி⁴ப்பாயோ அஹங், ப⁴க³வா’’தி. ‘‘அனாபத்தி, பி⁴க்கு², அனுல்லபனாதி⁴ப்பாயஸ்ஸா’’தி.
Tena kho pana samayena aññataraṃ bhikkhuṃ ñātakā etadavocuṃ – ‘‘abhiramasi, bhante’’ti? ‘‘Abhirato ahaṃ, āvuso, paramāya abhiratiyā’’ti. Tassa kukkuccaṃ ahosi. ‘‘Ye kho te bhagavato sāvakā te evaṃ vadeyyuṃ! Ahañcamhi na bhagavato sāvako. Kacci nu kho ahaṃ pārājikaṃ āpattiṃ āpanno’’ti? Bhagavato etamatthaṃ ārocesi. ‘‘Kiṃcitto tvaṃ, bhikkhū’’ti? ‘‘Anullapanādhippāyo ahaṃ, bhagavā’’ti. ‘‘Anāpatti, bhikkhu, anullapanādhippāyassā’’ti.
தேன கோ² பன ஸமயேன ஸம்ப³ஹுலா பி⁴க்கூ² கதிகங் கத்வா அஞ்ஞதரஸ்மிங் ஆவாஸே வஸ்ஸங் உபக³ச்சி²ங்ஸு – ‘‘யோ இமம்ஹா ஆவாஸா பட²மங் பக்கமிஸ்ஸதி தங் மயங் அரஹாதி ஜானிஸ்ஸாமா’’தி. அஞ்ஞதரோ பி⁴க்கு² – ‘‘மங் அரஹாதி ஜானந்தூ’’தி, தம்ஹா ஆவாஸா பட²மங் பக்காமி. தஸ்ஸ குக்குச்சங் அஹோஸி…பே॰… ‘‘ஆபத்திங் த்வங், பி⁴க்கு², ஆபன்னோ பாராஜிக’’ந்தி.
Tena kho pana samayena sambahulā bhikkhū katikaṃ katvā aññatarasmiṃ āvāse vassaṃ upagacchiṃsu – ‘‘yo imamhā āvāsā paṭhamaṃ pakkamissati taṃ mayaṃ arahāti jānissāmā’’ti. Aññataro bhikkhu – ‘‘maṃ arahāti jānantū’’ti, tamhā āvāsā paṭhamaṃ pakkāmi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
228. 51 தேன ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன ஸமயேன ஆயஸ்மா ச லக்க²ணோ ஆயஸ்மா ச மஹாமொக்³க³ல்லானோ கி³ஜ்ஜ²கூடே பப்³ப³தே விஹரந்தி. அத² கோ² ஆயஸ்மா மஹாமொக்³க³ல்லானோ புப்³ப³ண்ஹஸமயங் நிவாஸெத்வா பத்தசீவரங் ஆதா³ய யேனாயஸ்மா லக்க²ணோ தேனுபஸங்கமி; உபஸங்கமித்வா ஆயஸ்மந்தங் லக்க²ணங் ஏதத³வோச – ‘‘ஆயாமாவுஸோ லக்க²ண, ராஜக³ஹங் பிண்டா³ய பவிஸிஸ்ஸாமா’’தி. ‘‘ஏவமாவுஸோ’’தி கோ² ஆயஸ்மா லக்க²ணோ ஆயஸ்மதோ மஹாமொக்³க³ல்லானஸ்ஸ பச்சஸ்ஸோஸி. அத² கோ² ஆயஸ்மா மஹாமொக்³க³ல்லானோ கி³ஜ்ஜ²கூடா பப்³ப³தா ஓரோஹந்தோ அஞ்ஞதரஸ்மிங் பதே³ஸே ஸிதங் பாத்வாகாஸி. அத² கோ² ஆயஸ்மா லக்க²ணோ ஆயஸ்மந்தங் மஹாமொக்³க³ல்லானங் ஏதத³வோச – ‘‘கோ நு கோ², ஆவுஸோ மொக்³க³ல்லான, ஹேது கோ பச்சயோ ஸிதஸ்ஸ பாதுகம்மாயா’’தி? ‘‘அகாலோ கோ², ஆவுஸோ லக்க²ண, ஏதஸ்ஸ பஞ்ஹஸ்ஸ 52. ப⁴க³வதோ மங் ஸந்திகே ஏதங் பஞ்ஹங் புச்சா²தி. அத² கோ² ஆயஸ்மா ச லக்க²ணோ ஆயஸ்மா ச மஹாமொக்³க³ல்லானோ ராஜக³ஹே பிண்டா³ய சரித்வா பச்சா²ப⁴த்தங் பிண்ட³பாதபடிக்கந்தா யேன ப⁴க³வா தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங் நிஸின்னோ கோ² ஆயஸ்மா லக்க²ணோ ஆயஸ்மந்தங் மஹாமொக்³க³ல்லானங் ஏதத³வோச – ‘‘இதா⁴யஸ்மா மஹாமொக்³க³ல்லானோ கி³ஜ்ஜ²கூடா பப்³ப³தா ஓரோஹந்தோ அஞ்ஞதரஸ்மிங் பதே³ஸே ஸிதங் பாத்வாகாஸி. கோ நு கோ², ஆவுஸோ மொக்³க³ல்லான, ஹேது கோ பச்சயோ ஸிதஸ்ஸ பாதுகம்மாயா’’தி? ‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ அத்³த³ஸங் அட்டி²கஸங்க²லிகங் வேஹாஸங் க³ச்ச²ந்திங். தமேனங் கி³ஜ்ஜா²பி காகாபி குலலாபி அனுபதித்வா அனுபதித்வா பா²ஸுளந்தரிகாஹி விதுடெ³ந்தி 53. ஸா ஸுத³ங் அட்டஸ்ஸரங் கரோதி. தஸ்ஸ மய்ஹங், ஆவுஸோ, ஏதத³ஹோஸி – ‘அச்ச²ரியங் வத போ⁴, அப்³பு⁴தங் வத போ⁴, ஏவரூபோபி நாம ஸத்தோ ப⁴விஸ்ஸதி! ஏவரூபோபி நாம யக்கோ² ப⁴விஸ்ஸதி! ஏவரூபோபி நாம அத்தபா⁴வப்படிலாபோ⁴ ப⁴விஸ்ஸதீ’’’தி! பி⁴க்கூ² உஜ்ஜா²யந்தி கி²ய்யந்தி விபாசெந்தி – ‘‘உத்தரிமனுஸ்ஸத⁴ம்மங் ஆயஸ்மா மஹாமொக்³க³ல்லானோ உல்லபதீ’’தி. அத² கோ² ப⁴க³வா பி⁴க்கூ² ஆமந்தேஸி – ‘‘சக்கு²பூ⁴தா வத, பி⁴க்க²வே, ஸாவகா விஹரந்தி. ஞாணபூ⁴தா வத, பி⁴க்க²வே, ஸாவகா விஹரந்தி. யத்ர ஹி நாம ஸாவகோ ஏவரூபங் ஞஸ்ஸதி வா த³க்க²தி வா ஸக்கி²ங் வா கரிஸ்ஸதி. புப்³பே³வ மே ஸோ, பி⁴க்க²வே, ஸத்தோ தி³ட்டோ² அஹோஸி. அபி சாஹங் ந ப்³யாகாஸிங். அஹஞ்சேதங் ப்³யாகரெய்யங் பரே ச மே ந ஸத்³த³ஹெய்யுங். யே மே ந ஸத்³த³ஹெய்யுங் தேஸங் தங் அஸ்ஸ தீ³க⁴ரத்தங் அஹிதாய து³க்கா²ய. ஏஸோ, பி⁴க்க²வே, ஸத்தோ இமஸ்மிங்யேவ ராஜக³ஹே கோ³கா⁴தகோ அஹோஸி. ஸோ தஸ்ஸ கம்மஸ்ஸ விபாகேன ப³ஹூனி வஸ்ஸானி ப³ஹூனி வஸ்ஸஸதானி ப³ஹூனி வஸ்ஸஸஹஸ்ஸானி ப³ஹூனி வஸ்ஸஸதஸஹஸ்ஸானி நிரயே பச்சித்வா தஸ்ஸேவ கம்மஸ்ஸ விபாகாவஸேஸேன ஏவரூபங் அத்தபா⁴வப்படிலாப⁴ங் படிஸங்வேதே³தி. ஸச்சங், பி⁴க்க²வே, மொக்³க³ல்லானோ ஆஹ. அனாபத்தி, பி⁴க்க²வே, மொக்³க³ல்லானஸ்ஸா’’தி.
228.54 Tena samayena buddho bhagavā rājagahe viharati veḷuvane kalandakanivāpe. Tena kho pana samayena āyasmā ca lakkhaṇo āyasmā ca mahāmoggallāno gijjhakūṭe pabbate viharanti. Atha kho āyasmā mahāmoggallāno pubbaṇhasamayaṃ nivāsetvā pattacīvaraṃ ādāya yenāyasmā lakkhaṇo tenupasaṅkami; upasaṅkamitvā āyasmantaṃ lakkhaṇaṃ etadavoca – ‘‘āyāmāvuso lakkhaṇa, rājagahaṃ piṇḍāya pavisissāmā’’ti. ‘‘Evamāvuso’’ti kho āyasmā lakkhaṇo āyasmato mahāmoggallānassa paccassosi. Atha kho āyasmā mahāmoggallāno gijjhakūṭā pabbatā orohanto aññatarasmiṃ padese sitaṃ pātvākāsi. Atha kho āyasmā lakkhaṇo āyasmantaṃ mahāmoggallānaṃ etadavoca – ‘‘ko nu kho, āvuso moggallāna, hetu ko paccayo sitassa pātukammāyā’’ti? ‘‘Akālo kho, āvuso lakkhaṇa, etassa pañhassa 55. Bhagavato maṃ santike etaṃ pañhaṃ pucchāti. Atha kho āyasmā ca lakkhaṇo āyasmā ca mahāmoggallāno rājagahe piṇḍāya caritvā pacchābhattaṃ piṇḍapātapaṭikkantā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinno kho āyasmā lakkhaṇo āyasmantaṃ mahāmoggallānaṃ etadavoca – ‘‘idhāyasmā mahāmoggallāno gijjhakūṭā pabbatā orohanto aññatarasmiṃ padese sitaṃ pātvākāsi. Ko nu kho, āvuso moggallāna, hetu ko paccayo sitassa pātukammāyā’’ti? ‘‘Idhāhaṃ, āvuso, gijjhakūṭā pabbatā orohanto addasaṃ aṭṭhikasaṅkhalikaṃ vehāsaṃ gacchantiṃ. Tamenaṃ gijjhāpi kākāpi kulalāpi anupatitvā anupatitvā phāsuḷantarikāhi vituḍenti 56. Sā sudaṃ aṭṭassaraṃ karoti. Tassa mayhaṃ, āvuso, etadahosi – ‘acchariyaṃ vata bho, abbhutaṃ vata bho, evarūpopi nāma satto bhavissati! Evarūpopi nāma yakkho bhavissati! Evarūpopi nāma attabhāvappaṭilābho bhavissatī’’’ti! Bhikkhū ujjhāyanti khiyyanti vipācenti – ‘‘uttarimanussadhammaṃ āyasmā mahāmoggallāno ullapatī’’ti. Atha kho bhagavā bhikkhū āmantesi – ‘‘cakkhubhūtā vata, bhikkhave, sāvakā viharanti. Ñāṇabhūtā vata, bhikkhave, sāvakā viharanti. Yatra hi nāma sāvako evarūpaṃ ñassati vā dakkhati vā sakkhiṃ vā karissati. Pubbeva me so, bhikkhave, satto diṭṭho ahosi. Api cāhaṃ na byākāsiṃ. Ahañcetaṃ byākareyyaṃ pare ca me na saddaheyyuṃ. Ye me na saddaheyyuṃ tesaṃ taṃ assa dīgharattaṃ ahitāya dukkhāya. Eso, bhikkhave, satto imasmiṃyeva rājagahe goghātako ahosi. So tassa kammassa vipākena bahūni vassāni bahūni vassasatāni bahūni vassasahassāni bahūni vassasatasahassāni niraye paccitvā tasseva kammassa vipākāvasesena evarūpaṃ attabhāvappaṭilābhaṃ paṭisaṃvedeti. Saccaṃ, bhikkhave, moggallāno āha. Anāpatti, bhikkhave, moggallānassā’’ti.
229. ‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ அத்³த³ஸங் மங்ஸபேஸிங் வேஹாஸங் க³ச்ச²ந்திங். தமேனங் கி³ஜ்ஜா²பி காகாபி குலலாபி அனுபதித்வா அனுபதித்வா விதச்செ²ந்தி விப⁴ஜ்ஜெந்தி 57. ஸா ஸுத³ங் அட்டஸ்ஸரங் கரோதி…பே॰… ஏஸோ, பி⁴க்க²வே, ஸத்தோ இமஸ்மிங்யேவ ராஜக³ஹே கோ³கா⁴தகோ அஹோஸி…பே॰….
229. ‘‘Idhāhaṃ, āvuso, gijjhakūṭā pabbatā orohanto addasaṃ maṃsapesiṃ vehāsaṃ gacchantiṃ. Tamenaṃ gijjhāpi kākāpi kulalāpi anupatitvā anupatitvā vitacchenti vibhajjenti 58. Sā sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe goghātako ahosi…pe….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ அத்³த³ஸங் மங்ஸபிண்ட³ங் வேஹாஸங் க³ச்ச²ந்தங். தமேனங் கி³ஜ்ஜா²பி காகாபி குலலாபி அனுபதித்வா அனுபதித்வா விதச்செ²ந்தி விப⁴ஜ்ஜெந்தி. ஸோ ஸுத³ங் அட்டஸ்ஸரங் கரோதி…பே॰… ஏஸோ, பி⁴க்க²வே, ஸத்தோ இமஸ்மிங்யேவ ராஜக³ஹே ஸாகுணிகோ அஹோஸி…பே॰….
‘‘Idhāhaṃ, āvuso, gijjhakūṭā pabbatā orohanto addasaṃ maṃsapiṇḍaṃ vehāsaṃ gacchantaṃ. Tamenaṃ gijjhāpi kākāpi kulalāpi anupatitvā anupatitvā vitacchenti vibhajjenti. So sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe sākuṇiko ahosi…pe….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ அத்³த³ஸங் நிச்ச²விங் புரிஸங் வேஹாஸங் க³ச்ச²ந்தங். தமேனங் கி³ஜ்ஜா²பி காகாபி குலலாபி அனுபதித்வா அனுபதித்வா விதச்செ²ந்தி விப⁴ஜ்ஜெந்தி. ஸோ ஸுத³ங் அட்டஸ்ஸரங் கரோதி…பே॰… ஏஸோ, பி⁴க்க²வே, ஸத்தோ இமஸ்மிங்யேவ ராஜக³ஹே ஓரப்³பி⁴கோ அஹோஸி…பே॰….
‘‘Idhāhaṃ, āvuso, gijjhakūṭā pabbatā orohanto addasaṃ nicchaviṃ purisaṃ vehāsaṃ gacchantaṃ. Tamenaṃ gijjhāpi kākāpi kulalāpi anupatitvā anupatitvā vitacchenti vibhajjenti. So sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe orabbhiko ahosi…pe….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ அத்³த³ஸங் அஸிலோமங் புரிஸங் வேஹாஸங் க³ச்ச²ந்தங் . தஸ்ஸ தே அஸீ உப்பதித்வா உப்பதித்வா தஸ்ஸேவ காயே நிபதந்தி. ஸோ ஸுத³ங் அட்டஸ்ஸரங் கரோதி…பே॰… ஏஸோ, பி⁴க்க²வே, ஸத்தோ இமஸ்மிங்யேவ ராஜக³ஹே ஸூகரிகோ அஹோஸி…பே॰….
‘‘Idhāhaṃ, āvuso, gijjhakūṭā pabbatā orohanto addasaṃ asilomaṃ purisaṃ vehāsaṃ gacchantaṃ . Tassa te asī uppatitvā uppatitvā tasseva kāye nipatanti. So sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe sūkariko ahosi…pe….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ அத்³த³ஸங் ஸத்திலோமங் புரிஸங் வேஹாஸங் க³ச்ச²ந்தங். தஸ்ஸ தா ஸத்தியோ உப்பதித்வா உப்பதித்வா தஸ்ஸேவ காயே நிபதந்தி. ஸோ ஸுத³ங் அட்டஸ்ஸரங் கரோதி…பே॰… ஏஸோ, பி⁴க்க²வே, ஸத்தோ இமஸ்மிங்யேவ ராஜக³ஹே மாக³விகோ அஹோஸி…பே॰….
‘‘Idhāhaṃ, āvuso, gijjhakūṭā pabbatā orohanto addasaṃ sattilomaṃ purisaṃ vehāsaṃ gacchantaṃ. Tassa tā sattiyo uppatitvā uppatitvā tasseva kāye nipatanti. So sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe māgaviko ahosi…pe….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ அத்³த³ஸங் உஸுலோமங் புரிஸங் வேஹாஸங் க³ச்ச²ந்தங். தஸ்ஸ தே உஸூ உப்பதித்வா உப்பதித்வா தஸ்ஸேவ காயே நிபதந்தி. ஸோ ஸுத³ங் அட்டஸ்ஸரங் கரோதி…பே॰… ஏஸோ, பி⁴க்க²வே, ஸத்தோ இமஸ்மிங்யேவ ராஜக³ஹே காரணிகோ அஹோஸி…பே॰….
‘‘Idhāhaṃ, āvuso, gijjhakūṭā pabbatā orohanto addasaṃ usulomaṃ purisaṃ vehāsaṃ gacchantaṃ. Tassa te usū uppatitvā uppatitvā tasseva kāye nipatanti. So sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe kāraṇiko ahosi…pe….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ அத்³த³ஸங் ஸூசிலோமங் புரிஸங் வேஹாஸங் க³ச்ச²ந்தங். தஸ்ஸ தா ஸூசியோ உப்பதித்வா உப்பதித்வா தஸ்ஸேவ காயே நிபதந்தி. ஸோ ஸுத³ங் அட்டஸ்ஸரங் கரோதி…பே॰… ஏஸோ, பி⁴க்க²வே, ஸத்தோ இமஸ்மிங்யேவ ராஜக³ஹே ஸாரதி²கோ அஹோஸி…பே॰….
‘‘Idhāhaṃ, āvuso, gijjhakūṭā pabbatā orohanto addasaṃ sūcilomaṃ purisaṃ vehāsaṃ gacchantaṃ. Tassa tā sūciyo uppatitvā uppatitvā tasseva kāye nipatanti. So sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe sārathiko ahosi…pe….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ அத்³த³ஸங் ஸூசிலோமங் புரிஸங் வேஹாஸங் க³ச்ச²ந்தங். தஸ்ஸ தா ஸூசியோ ஸீஸே பவிஸித்வா முக²தோ நிக்க²மந்தி; முகே² பவிஸித்வா உரதோ நிக்க²மந்தி; உரே பவிஸித்வா உத³ரதோ நிக்க²மந்தி; உத³ரே பவிஸித்வா ஊரூஹி நிக்க²மந்தி; ஊரூஸு பவிஸித்வா ஜங்கா⁴ஹி நிக்க²மந்தி; ஜங்கா⁴ஸு பவிஸித்வா பாதே³ஹி நிக்க²மந்தி. ஸோ ஸுத³ங் அட்டஸ்ஸரங் கரோதி…பே॰… ஏஸோ, பி⁴க்க²வே, ஸத்தோ இமஸ்மிங்யேவ ராஜக³ஹே ஸூசகோ அஹோஸி…பே॰….
‘‘Idhāhaṃ, āvuso, gijjhakūṭā pabbatā orohanto addasaṃ sūcilomaṃ purisaṃ vehāsaṃ gacchantaṃ. Tassa tā sūciyo sīse pavisitvā mukhato nikkhamanti; mukhe pavisitvā urato nikkhamanti; ure pavisitvā udarato nikkhamanti; udare pavisitvā ūrūhi nikkhamanti; ūrūsu pavisitvā jaṅghāhi nikkhamanti; jaṅghāsu pavisitvā pādehi nikkhamanti. So sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe sūcako ahosi…pe….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ அத்³த³ஸங் கும்ப⁴ண்ட³ங் புரிஸங் வேஹாஸங் க³ச்ச²ந்தங். ஸோ க³ச்ச²ந்தோபி தேவ அண்டே³ க²ந்தே⁴ ஆரோபெத்வா க³ச்ச²தி, நிஸீத³ந்தோபி தெஸ்வேவ அண்டே³ஸு நிஸீத³தி. தமேனங் கி³ஜ்ஜா²பி காகாபி குலலாபி அனுபதித்வா அனுபதித்வா விதச்செ²ந்தி விப⁴ஜ்ஜெந்தி. ஸோ ஸுத³ங் அட்டஸ்ஸரங் கரோதி…பே॰… ஏஸோ, பி⁴க்க²வே, ஸத்தோ இமஸ்மிங்யேவ ராஜக³ஹே கா³மகூடோ அஹோஸி…பே॰….
‘‘Idhāhaṃ, āvuso, gijjhakūṭā pabbatā orohanto addasaṃ kumbhaṇḍaṃ purisaṃ vehāsaṃ gacchantaṃ. So gacchantopi teva aṇḍe khandhe āropetvā gacchati, nisīdantopi tesveva aṇḍesu nisīdati. Tamenaṃ gijjhāpi kākāpi kulalāpi anupatitvā anupatitvā vitacchenti vibhajjenti. So sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe gāmakūṭo ahosi…pe….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ அத்³த³ஸங் புரிஸங் கூ³த²கூபே ஸஸீஸகங் நிமுக்³க³ங்…பே॰… ஏஸோ, பி⁴க்க²வே, ஸத்தோ இமஸ்மிங்யேவ ராஜக³ஹே பாரதா³ரிகோ அஹோஸி…பே॰….
‘‘Idhāhaṃ, āvuso, gijjhakūṭā pabbatā orohanto addasaṃ purisaṃ gūthakūpe sasīsakaṃ nimuggaṃ…pe… eso, bhikkhave, satto imasmiṃyeva rājagahe pāradāriko ahosi…pe….
‘‘இதா⁴ஹங் , ஆவுஸோ, கி³ஜ்ஜ²கூடா பப்³ப³தா ஓரோஹந்தோ அத்³த³ஸங் புரிஸங் கூ³த²கூபே ஸஸீஸகங் நிமுக்³க³ங் உபோ⁴ஹி ஹத்தே²ஹி கூ³த²ங் கா²த³ந்தங்…பே॰… ஏஸோ, பி⁴க்க²வே, ஸத்தோ இமஸ்மிங்யேவ ராஜக³ஹே து³ட்ட²ப்³ராஹ்மணோ அஹோஸி. ஸோ கஸ்ஸபஸ்ஸ ஸம்மாஸம்பு³த்³த⁴ஸ்ஸ பாவசனே பி⁴க்கு²ஸங்க⁴ங் ப⁴த்தேன நிமந்தெத்வா தோ³ணியோ 59 கூ³த²ஸ்ஸ பூராபெத்வா காலங் ஆரோசாபெத்வா ஏதத³வோச – ‘அதோ 60, பொ⁴ந்தோ, யாவத³த்த²ங் பு⁴ஞ்ஜந்து சேவ ஹரந்து சா’’’தி…பே॰….
‘‘Idhāhaṃ , āvuso, gijjhakūṭā pabbatā orohanto addasaṃ purisaṃ gūthakūpe sasīsakaṃ nimuggaṃ ubhohi hatthehi gūthaṃ khādantaṃ…pe… eso, bhikkhave, satto imasmiṃyeva rājagahe duṭṭhabrāhmaṇo ahosi. So kassapassa sammāsambuddhassa pāvacane bhikkhusaṅghaṃ bhattena nimantetvā doṇiyo 61 gūthassa pūrāpetvā kālaṃ ārocāpetvā etadavoca – ‘ato 62, bhonto, yāvadatthaṃ bhuñjantu ceva harantu cā’’’ti…pe….
230. ‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ அத்³த³ஸங் நிச்ச²விங் இத்தி²ங் வேஹாஸங் க³ச்ச²ந்திங். தமேனங் கி³ஜ்ஜா²பி காகாபி குலலாபி அனுபதித்வா அனுபதித்வா விதச்செ²ந்தி விப⁴ஜ்ஜெந்தி. ஸா ஸுத³ங் அட்டஸ்ஸரங் கரோதி…பே॰… ஏஸா, பி⁴க்க²வே, இத்தீ² இமஸ்மிங்யேவ ராஜக³ஹே அதிசாரினீ அஹோஸி…பே॰….
230. ‘‘Idhāhaṃ, āvuso, gijjhakūṭā pabbatā orohanto addasaṃ nicchaviṃ itthiṃ vehāsaṃ gacchantiṃ. Tamenaṃ gijjhāpi kākāpi kulalāpi anupatitvā anupatitvā vitacchenti vibhajjenti. Sā sudaṃ aṭṭassaraṃ karoti…pe… esā, bhikkhave, itthī imasmiṃyeva rājagahe aticārinī ahosi…pe….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ அத்³த³ஸங் இத்தி²ங் து³க்³க³ந்த⁴ங் மங்கு³லிங் வேஹாஸங் க³ச்ச²ந்திங். தமேனங் கி³ஜ்ஜா²பி காகாபி குலலாபி அனுபதித்வா அனுபதித்வா விதச்செ²ந்தி விப⁴ஜ்ஜெந்தி. ஸா ஸுத³ங் அட்டஸ்ஸரங் கரோதி…பே॰… ஏஸா, பி⁴க்க²வே, இத்தீ² இமஸ்மிங்யேவ ராஜக³ஹே இக்க²ணிகா அஹோஸி…பே॰….
‘‘Idhāhaṃ, āvuso, gijjhakūṭā pabbatā orohanto addasaṃ itthiṃ duggandhaṃ maṅguliṃ vehāsaṃ gacchantiṃ. Tamenaṃ gijjhāpi kākāpi kulalāpi anupatitvā anupatitvā vitacchenti vibhajjenti. Sā sudaṃ aṭṭassaraṃ karoti…pe… esā, bhikkhave, itthī imasmiṃyeva rājagahe ikkhaṇikā ahosi…pe….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ அத்³த³ஸங் இத்தி²ங் உப்பக்கங் ஓகிலினிங் ஓகிரினிங் வேஹாஸங் க³ச்ச²ந்திங். ஸா ஸுத³ங் அட்டஸ்ஸரங் கரோதி…பே॰… ஏஸா, பி⁴க்க²வே , இத்தீ² காலிங்க³ஸ்ஸ ரஞ்ஞோ அக்³க³மஹேஸீ அஹோஸி. ஸா இஸ்ஸாபகதா ஸபத்திங் அங்கா³ரகடாஹேன ஓகிரி…பே॰….
‘‘Idhāhaṃ, āvuso, gijjhakūṭā pabbatā orohanto addasaṃ itthiṃ uppakkaṃ okiliniṃ okiriniṃ vehāsaṃ gacchantiṃ. Sā sudaṃ aṭṭassaraṃ karoti…pe… esā, bhikkhave , itthī kāliṅgassa rañño aggamahesī ahosi. Sā issāpakatā sapattiṃ aṅgārakaṭāhena okiri…pe….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ அத்³த³ஸங் அஸீஸகங் கப³ந்த⁴ங் வேஹாஸங் க³ச்ச²ந்தங். தஸ்ஸ உரே அக்கீ²னி சேவ ஹொந்தி முக²ஞ்ச. தமேனங் கி³ஜ்ஜா²பி காகாபி குலலாபி அனுபதித்வா அனுபதித்வா விதச்செ²ந்தி விப⁴ஜ்ஜெந்தி. ஸோ ஸுத³ங் அட்டஸ்ஸரங் கரோதி…பே॰… ஏஸோ, பி⁴க்க²வே, ஸத்தோ இமஸ்மிங்யேவ ராஜக³ஹே ஹாரிகோ நாம சோரகா⁴தகோ அஹோஸி…பே॰….
‘‘Idhāhaṃ, āvuso, gijjhakūṭā pabbatā orohanto addasaṃ asīsakaṃ kabandhaṃ vehāsaṃ gacchantaṃ. Tassa ure akkhīni ceva honti mukhañca. Tamenaṃ gijjhāpi kākāpi kulalāpi anupatitvā anupatitvā vitacchenti vibhajjenti. So sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe hāriko nāma coraghātako ahosi…pe….
‘‘இதா⁴ஹங் , ஆவுஸோ, கி³ஜ்ஜ²கூடா பப்³ப³தா ஓரோஹந்தோ அத்³த³ஸங் பி⁴க்கு²ங் வேஹாஸங் க³ச்ச²ந்தங். தஸ்ஸ ஸங்கா⁴டிபி ஆதி³த்தா ஸம்பஜ்ஜலிதா ஸஜோதிபூ⁴தா, பத்தோபி ஆதி³த்தோ ஸம்பஜ்ஜலிதோ ஸஜோதிபூ⁴தோ, காயப³ந்த⁴னம்பி ஆதி³த்தங் ஸம்பஜ்ஜலிதங் ஸஜோதிபூ⁴தங், காயோபி ஆதி³த்தோ ஸம்பஜ்ஜலிதோ ஸஜோதிபூ⁴தோ. ஸோ ஸுத³ங் அட்டஸ்ஸரங் கரோதி…பே॰… ஏஸோ, பி⁴க்க²வே, பி⁴க்கு² கஸ்ஸபஸ்ஸ ஸம்மாஸம்பு³த்³த⁴ஸ்ஸ பாவசனே பாபபி⁴க்கு² அஹோஸி…பே॰….
‘‘Idhāhaṃ , āvuso, gijjhakūṭā pabbatā orohanto addasaṃ bhikkhuṃ vehāsaṃ gacchantaṃ. Tassa saṅghāṭipi ādittā sampajjalitā sajotibhūtā, pattopi āditto sampajjalito sajotibhūto, kāyabandhanampi ādittaṃ sampajjalitaṃ sajotibhūtaṃ, kāyopi āditto sampajjalito sajotibhūto. So sudaṃ aṭṭassaraṃ karoti…pe… eso, bhikkhave, bhikkhu kassapassa sammāsambuddhassa pāvacane pāpabhikkhu ahosi…pe….
‘‘இதா⁴ஹங், ஆவுஸோ, கி³ஜ்ஜ²கூடா பப்³ப³தா ஓரோஹந்தோ அத்³த³ஸங் பி⁴க்கு²னிங்… அத்³த³ஸங் ஸிக்க²மானங்… அத்³த³ஸங் ஸாமணேரங்… அத்³த³ஸங் ஸாமணேரிங் வேஹாஸங் க³ச்ச²ந்திங். தஸ்ஸா ஸங்கா⁴டிபி ஆதி³த்தா ஸம்பஜ்ஜலிதா ஸஜோதிபூ⁴தா, பத்தோபி ஆதி³த்தோ ஸம்பஜ்ஜலிதோ ஸஜோதிபூ⁴தோ, காயப³ந்த⁴னம்பி ஆதி³த்தங் ஸம்பஜ்ஜலிதங் ஸஜோதிபூ⁴தங், காயோபி ஆதி³த்தோ ஸம்பஜ்ஜலிதோ ஸஜோதிபூ⁴தோ. ஸா ஸுத³ங் அட்டஸ்ஸரங் கரோதி. தஸ்ஸ மய்ஹங், ஆவுஸோ, ஏதத³ஹோஸி – ‘அச்ச²ரியங் வத போ⁴, அப்³பு⁴தங் வத போ⁴, ஏவரூபோபி நாம ஸத்தோ ப⁴விஸ்ஸதி! ஏவரூபோபி நாம யக்கோ² ப⁴விஸ்ஸதி! ஏவரூபோபி நாம அத்தபா⁴வப்படிலாபோ⁴ ப⁴விஸ்ஸதீ’’’தி! பி⁴க்கூ² உஜ்ஜா²யந்தி கி²ய்யந்தி விபாசெந்தி – ‘‘உத்தரிமனுஸ்ஸத⁴ம்மங் ஆயஸ்மா மஹாமொக்³க³ல்லானோ உல்லபதீ’’தி.
‘‘Idhāhaṃ, āvuso, gijjhakūṭā pabbatā orohanto addasaṃ bhikkhuniṃ… addasaṃ sikkhamānaṃ… addasaṃ sāmaṇeraṃ… addasaṃ sāmaṇeriṃ vehāsaṃ gacchantiṃ. Tassā saṅghāṭipi ādittā sampajjalitā sajotibhūtā, pattopi āditto sampajjalito sajotibhūto, kāyabandhanampi ādittaṃ sampajjalitaṃ sajotibhūtaṃ, kāyopi āditto sampajjalito sajotibhūto. Sā sudaṃ aṭṭassaraṃ karoti. Tassa mayhaṃ, āvuso, etadahosi – ‘acchariyaṃ vata bho, abbhutaṃ vata bho, evarūpopi nāma satto bhavissati! Evarūpopi nāma yakkho bhavissati! Evarūpopi nāma attabhāvappaṭilābho bhavissatī’’’ti! Bhikkhū ujjhāyanti khiyyanti vipācenti – ‘‘uttarimanussadhammaṃ āyasmā mahāmoggallāno ullapatī’’ti.
அத² கோ² ப⁴க³வா பி⁴க்கூ² ஆமந்தேஸி – ‘‘சக்கு²பூ⁴தா வத, பி⁴க்க²வே, ஸாவகா விஹரந்தி. ஞாணபூ⁴தா வத , பி⁴க்க²வே, ஸாவகா விஹரந்தி. யத்ர ஹி நாம ஸாவகோ ஏவரூபங் ஞஸ்ஸதி வா த³க்க²தி வா ஸக்கி²ங் வா கரிஸ்ஸதி! புப்³பே³வ மே ஸா, பி⁴க்க²வே, ஸாமணேரீ தி³ட்டா² அஹோஸி. அபி சாஹங் ந ப்³யாகாஸிங். அஹஞ்சேதங் ப்³யாகரெய்யங் பரே ச மே ந ஸத்³த³ஹெய்யுங். யே மே ந ஸத்³த³ஹெய்யுங் தேஸங் தங் அஸ்ஸ தீ³க⁴ரத்தங் அஹிதாய து³க்கா²ய. ஏஸா, பி⁴க்க²வே, ஸாமணேரீ கஸ்ஸபஸ்ஸ ஸம்மாஸம்பு³த்³த⁴ஸ்ஸ பாவசனே பாபஸாமணேரீ அஹோஸி. ஸா தஸ்ஸ கம்மஸ்ஸ விபாகேன ப³ஹூனி வஸ்ஸானி ப³ஹூனி வஸ்ஸஸதானி ப³ஹூனி வஸ்ஸஸஹஸ்ஸானி ப³ஹூனி வஸ்ஸஸதஸஹஸ்ஸானி நிரயே பச்சித்வா தஸ்ஸேவ கம்மஸ்ஸ விபாகாவஸேஸேன ஏவரூபங் அத்தபா⁴வப்படிலாப⁴ங் படிஸங்வேதே³தி. ஸச்சங், பி⁴க்க²வே, மொக்³க³ல்லானோ ஆஹ. அனாபத்தி, பி⁴க்க²வே, மொக்³க³ல்லானஸ்ஸா’’தி.
Atha kho bhagavā bhikkhū āmantesi – ‘‘cakkhubhūtā vata, bhikkhave, sāvakā viharanti. Ñāṇabhūtā vata , bhikkhave, sāvakā viharanti. Yatra hi nāma sāvako evarūpaṃ ñassati vā dakkhati vā sakkhiṃ vā karissati! Pubbeva me sā, bhikkhave, sāmaṇerī diṭṭhā ahosi. Api cāhaṃ na byākāsiṃ. Ahañcetaṃ byākareyyaṃ pare ca me na saddaheyyuṃ. Ye me na saddaheyyuṃ tesaṃ taṃ assa dīgharattaṃ ahitāya dukkhāya. Esā, bhikkhave, sāmaṇerī kassapassa sammāsambuddhassa pāvacane pāpasāmaṇerī ahosi. Sā tassa kammassa vipākena bahūni vassāni bahūni vassasatāni bahūni vassasahassāni bahūni vassasatasahassāni niraye paccitvā tasseva kammassa vipākāvasesena evarūpaṃ attabhāvappaṭilābhaṃ paṭisaṃvedeti. Saccaṃ, bhikkhave, moggallāno āha. Anāpatti, bhikkhave, moggallānassā’’ti.
231. அத² கோ² ஆயஸ்மா மஹாமொக்³க³ல்லானோ பி⁴க்கூ² ஆமந்தேஸி – ‘‘யதாயங், ஆவுஸோ, தபோதா³ ஸந்த³தி ஸோ த³ஹோ அச்சோ²த³கோ ஸீதோத³கோ ஸாதோத³கோ ஸேதகோ ஸுப்பதித்தோ² ரமணீயோ பஹூதமச்ச²கச்ச²போ சக்கமத்தானி ச பது³மானி புப்ப²ந்தீ’’தி. பி⁴க்கூ² உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா மஹாமொக்³க³ல்லானோ ஏவங் வக்க²தி – ‘யதாயங், ஆவுஸோ , தபோதா³ ஸந்த³தி ஸோ த³ஹோ அச்சோ²த³கோ ஸீதோத³கோ ஸாதோத³கோ ஸேதகோ ஸுப்பதித்தோ² ரமணீயோ பஹூதமச்ச²கச்ச²போ சக்கமத்தானி ச பது³மானி புப்ப²ந்தீ’தி. அத² ச பனாயங் தபோதா³ குதி²தா ஸந்த³தி. உத்தரிமனுஸ்ஸத⁴ம்மங் ஆயஸ்மா மஹாமொக்³க³ல்லானோ உல்லபதீ’’தி. ப⁴க³வதோ ஏதமத்த²ங் ஆரோசேஸுங். ‘‘யதாயங், பி⁴க்க²வே, தபோதா³ ஸந்த³தி ஸோ த³ஹோ அச்சோ²த³கோ ஸீதோத³கோ ஸாதோத³கோ ஸேதகோ ஸுப்பதித்தோ² ரமணீயோ பஹூதமச்ச²கச்ச²போ சக்கமத்தானி ச பது³மானி புப்ப²ந்தி. அபி சாயங், பி⁴க்க²வே, தபோதா³ த்³வின்னங் மஹானிரயானங் அந்தரிகாய ஆக³ச்ச²தி. தேனாயங் தபோதா³ குதி²தா ஸந்த³தி. ஸச்சங், பி⁴க்க²வே, மொக்³க³ல்லானோ ஆஹ. அனாபத்தி, பி⁴க்க²வே, மொக்³க³ல்லானஸ்ஸா’’தி.
231. Atha kho āyasmā mahāmoggallāno bhikkhū āmantesi – ‘‘yatāyaṃ, āvuso, tapodā sandati so daho acchodako sītodako sātodako setako suppatittho ramaṇīyo pahūtamacchakacchapo cakkamattāni ca padumāni pupphantī’’ti. Bhikkhū ujjhāyanti khiyyanti vipācenti – ‘‘kathañhi nāma āyasmā mahāmoggallāno evaṃ vakkhati – ‘yatāyaṃ, āvuso , tapodā sandati so daho acchodako sītodako sātodako setako suppatittho ramaṇīyo pahūtamacchakacchapo cakkamattāni ca padumāni pupphantī’ti. Atha ca panāyaṃ tapodā kuthitā sandati. Uttarimanussadhammaṃ āyasmā mahāmoggallāno ullapatī’’ti. Bhagavato etamatthaṃ ārocesuṃ. ‘‘Yatāyaṃ, bhikkhave, tapodā sandati so daho acchodako sītodako sātodako setako suppatittho ramaṇīyo pahūtamacchakacchapo cakkamattāni ca padumāni pupphanti. Api cāyaṃ, bhikkhave, tapodā dvinnaṃ mahānirayānaṃ antarikāya āgacchati. Tenāyaṃ tapodā kuthitā sandati. Saccaṃ, bhikkhave, moggallāno āha. Anāpatti, bhikkhave, moggallānassā’’ti.
தேன கோ² பன ஸமயேன ராஜா மாக³தோ⁴ ஸேனியோ பி³ம்பி³ஸாரோ லிச்ச²வீஹி ஸத்³தி⁴ங் ஸங்கா³மெந்தோ பப⁴க்³கோ³ அஹோஸி. அத² ராஜா பச்சா² ஸேனங் ஸங்கட்³டி⁴த்வா லிச்ச²வயோ பராஜேஸி. ஸங்கா³மே ச நந்தி³ சரதி – ‘‘ரஞ்ஞா லிச்ச²வீ பப⁴க்³கா³’’தி. அத² கோ² ஆயஸ்மா மஹாமொக்³க³ல்லானோ பி⁴க்கூ² ஆமந்தேஸி – ‘‘ராஜா, ஆவுஸோ, லிச்ச²வீஹி பப⁴க்³கோ³’’தி. பி⁴க்கூ² உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா மஹாமொக்³க³ல்லானோ ஏவங் வக்க²தி – ‘ராஜா , ஆவுஸோ, லிச்ச²வீஹி பப⁴க்³கோ³’தி! ஸங்கா³மே ச நந்தி³ங் சரதி – ‘ரஞ்ஞா லிச்ச²வீ பப⁴க்³கா³’தி! உத்தரிமனுஸ்ஸத⁴ம்மங் ஆயஸ்மா மஹாமொக்³க³ல்லானோ உல்லபதீ’’தி. ப⁴க³வதோ ஏதமத்த²ங் ஆரோசேஸுங். ‘‘பட²மங், பி⁴க்க²வே, ராஜா லிச்ச²வீஹி பப⁴க்³கோ³. அத² ராஜா பச்சா² ஸேனங் ஸங்கட்³டி⁴த்வா லிச்ச²வயோ பராஜேஸி. ஸச்சங், பி⁴க்க²வே, மொக்³க³ல்லானோ ஆஹ. அனாபத்தி, பி⁴க்க²வே, மொக்³க³ல்லானஸ்ஸா’’தி.
Tena kho pana samayena rājā māgadho seniyo bimbisāro licchavīhi saddhiṃ saṅgāmento pabhaggo ahosi. Atha rājā pacchā senaṃ saṅkaḍḍhitvā licchavayo parājesi. Saṅgāme ca nandi carati – ‘‘raññā licchavī pabhaggā’’ti. Atha kho āyasmā mahāmoggallāno bhikkhū āmantesi – ‘‘rājā, āvuso, licchavīhi pabhaggo’’ti. Bhikkhū ujjhāyanti khiyyanti vipācenti – ‘‘kathañhi nāma āyasmā mahāmoggallāno evaṃ vakkhati – ‘rājā , āvuso, licchavīhi pabhaggo’ti! Saṅgāme ca nandiṃ carati – ‘raññā licchavī pabhaggā’ti! Uttarimanussadhammaṃ āyasmā mahāmoggallāno ullapatī’’ti. Bhagavato etamatthaṃ ārocesuṃ. ‘‘Paṭhamaṃ, bhikkhave, rājā licchavīhi pabhaggo. Atha rājā pacchā senaṃ saṅkaḍḍhitvā licchavayo parājesi. Saccaṃ, bhikkhave, moggallāno āha. Anāpatti, bhikkhave, moggallānassā’’ti.
232. அத² கோ² ஆயஸ்மா மஹாமொக்³க³ல்லானோ பி⁴க்கூ² ஆமந்தேஸி – ‘‘இதா⁴ஹங், ஆவுஸோ, ஸப்பினிகாய நதி³யா தீரே ஆனேஞ்ஜங் ஸமாதி⁴ங் ஸமாபன்னோ நாகா³னங் ஓக³ய்ஹ உத்தரந்தானங் கோஞ்சங் கரொந்தானங் ஸத்³த³ங் அஸ்ஸோஸி’’ந்தி. பி⁴க்கூ² உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா மஹாமொக்³க³ல்லானோ ஆனேஞ்ஜங் ஸமாதி⁴ங் ஸமாபன்னோ ஸத்³த³ங் ஸொஸ்ஸதி! உத்தரிமனுஸ்ஸத⁴ம்மங் ஆயஸ்மா மஹாமொக்³க³ல்லானோ உல்லபதீ’’தி. ப⁴க³வதோ ஏதமத்த²ங் ஆரோசேஸுங். ‘‘அத்தே²ஸோ, பி⁴க்க²வே, ஸமாதி⁴ ஸோ ச கோ² அபரிஸுத்³தோ⁴. ஸச்சங், பி⁴க்க²வே, மொக்³க³ல்லானோ ஆஹ. அனாபத்தி, பி⁴க்க²வே, மொக்³க³ல்லானஸ்ஸா’’தி.
232. Atha kho āyasmā mahāmoggallāno bhikkhū āmantesi – ‘‘idhāhaṃ, āvuso, sappinikāya nadiyā tīre āneñjaṃ samādhiṃ samāpanno nāgānaṃ ogayha uttarantānaṃ koñcaṃ karontānaṃ saddaṃ assosi’’nti. Bhikkhū ujjhāyanti khiyyanti vipācenti – ‘‘kathañhi nāma āyasmā mahāmoggallāno āneñjaṃ samādhiṃ samāpanno saddaṃ sossati! Uttarimanussadhammaṃ āyasmā mahāmoggallāno ullapatī’’ti. Bhagavato etamatthaṃ ārocesuṃ. ‘‘Attheso, bhikkhave, samādhi so ca kho aparisuddho. Saccaṃ, bhikkhave, moggallāno āha. Anāpatti, bhikkhave, moggallānassā’’ti.
அத² கோ² ஆயஸ்மா ஸோபி⁴தோ பி⁴க்கூ² ஆமந்தேஸி – ‘‘அஹங், ஆவுஸோ, பஞ்ச கப்பஸதானி அனுஸ்ஸராமீ’’தி. பி⁴க்கூ² உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா ஸோபி⁴தோ ஏவங் வக்க²தி – ‘அஹங், ஆவுஸோ , பஞ்ச கப்பஸதானி அனுஸ்ஸராமீ’தி! உத்தரிமனுஸ்ஸத⁴ம்மங் ஆயஸ்மா ஸோபி⁴தோ உல்லபதீ’’தி. ப⁴க³வதோ ஏதமத்த²ங் ஆரோசேஸுங். ‘‘அத்தே²ஸா, பி⁴க்க²வே, ஸோபி⁴தஸ்ஸ. ஸா ச கோ² ஏகாயேவ ஜாதி. ஸச்சங், பி⁴க்க²வே, ஸோபி⁴தோ ஆஹ. அனாபத்தி, பி⁴க்க²வே, ஸோபி⁴தஸ்ஸாதி.
Atha kho āyasmā sobhito bhikkhū āmantesi – ‘‘ahaṃ, āvuso, pañca kappasatāni anussarāmī’’ti. Bhikkhū ujjhāyanti khiyyanti vipācenti – ‘‘kathañhi nāma āyasmā sobhito evaṃ vakkhati – ‘ahaṃ, āvuso , pañca kappasatāni anussarāmī’ti! Uttarimanussadhammaṃ āyasmā sobhito ullapatī’’ti. Bhagavato etamatthaṃ ārocesuṃ. ‘‘Atthesā, bhikkhave, sobhitassa. Sā ca kho ekāyeva jāti. Saccaṃ, bhikkhave, sobhito āha. Anāpatti, bhikkhave, sobhitassāti.
சதுத்த²பாராஜிகங் ஸமத்தங்.
Catutthapārājikaṃ samattaṃ.
233. உத்³தி³ட்டா² கோ² ஆயஸ்மந்தோ சத்தாரோ பாராஜிகா த⁴ம்மா, யேஸங் பி⁴க்கு² அஞ்ஞதரங் வா அஞ்ஞதரங் வா ஆபஜ்ஜித்வா ந லப⁴தி பி⁴க்கூ²ஹி ஸத்³தி⁴ங் ஸங்வாஸங், யதா² புரே ததா² பச்சா², பாராஜிகோ ஹோதி அஸங்வாஸோ. தத்தா²யஸ்மந்தே புச்சா²மி – ‘‘கச்சித்த² பரிஸுத்³தா⁴’’? து³தியம்பி புச்சா²மி – ‘‘கச்சித்த² பரிஸுத்³தா⁴’’? ததியம்பி புச்சா²மி – ‘‘கச்சித்த² பரிஸுத்³தா⁴’’? பரிஸுத்³தெ⁴த்தா²யஸ்மந்தோ, தஸ்மா துண்ஹீ, ஏவமேதங் தா⁴ரயாமீதி.
233. Uddiṭṭhā kho āyasmanto cattāro pārājikā dhammā, yesaṃ bhikkhu aññataraṃ vā aññataraṃ vā āpajjitvā na labhati bhikkhūhi saddhiṃ saṃvāsaṃ, yathā pure tathā pacchā, pārājiko hoti asaṃvāso. Tatthāyasmante pucchāmi – ‘‘kaccittha parisuddhā’’? Dutiyampi pucchāmi – ‘‘kaccittha parisuddhā’’? Tatiyampi pucchāmi – ‘‘kaccittha parisuddhā’’? Parisuddhetthāyasmanto, tasmā tuṇhī, evametaṃ dhārayāmīti.
பாராஜிகங் நிட்டி²தங்.
Pārājikaṃ niṭṭhitaṃ.
தஸ்ஸுத்³தா³னங் –
Tassuddānaṃ –
மேது²னாதி³ன்னாதா³னஞ்ச, மனுஸ்ஸவிக்³க³ஹுத்தரி;
Methunādinnādānañca, manussaviggahuttari;
பாராஜிகானி சத்தாரி, சே²ஜ்ஜவத்தூ² அஸங்ஸயாதி.
Pārājikāni cattāri, chejjavatthū asaṃsayāti.
பாராஜிககண்ட³ங் நிட்டி²தங்.
Pārājikakaṇḍaṃ niṭṭhitaṃ.
Footnotes:
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 4. சதுத்த²பாராஜிகங் • 4. Catutthapārājikaṃ
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā
வக்³கு³முதா³தீரியபி⁴க்கு²வத்து²வண்ணனா • Vaggumudātīriyabhikkhuvatthuvaṇṇanā
அதி⁴மானவத்து²வண்ணனா • Adhimānavatthuvaṇṇanā
ஸவிப⁴ங்க³ஸிக்கா²பத³வண்ணனா • Savibhaṅgasikkhāpadavaṇṇanā
பத³பா⁴ஜனீயவண்ணனா • Padabhājanīyavaṇṇanā
ஸுத்³தி⁴கவாரகதா²வண்ணனா • Suddhikavārakathāvaṇṇanā
வத்துகாமவாரகதா²வண்ணனா • Vattukāmavārakathāvaṇṇanā
அனாபத்திபே⁴த³கதா²வண்ணனா • Anāpattibhedakathāvaṇṇanā
வினீதவத்து²வண்ணனா • Vinītavatthuvaṇṇanā
நிக³மனவண்ணனா • Nigamanavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā
வக்³கு³முதா³தீரியபி⁴க்கு²வத்து²வண்ணனா • Vaggumudātīriyabhikkhuvatthuvaṇṇanā
ஸவிப⁴ங்க³ஸிக்கா²பத³வண்ணனா • Savibhaṅgasikkhāpadavaṇṇanā
பத³பா⁴ஜனீயவண்ணனா • Padabhājanīyavaṇṇanā
வினீதவத்து²வண்ணனா • Vinītavatthuvaṇṇanā
நிக³மனவண்ணனா • Nigamanavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā
வக்³கு³முதா³தீரியபி⁴க்கு²வத்து²வண்ணனா • Vaggumudātīriyabhikkhuvatthuvaṇṇanā
அதி⁴மானவத்து²வண்ணனா • Adhimānavatthuvaṇṇanā
ஸவிப⁴ங்க³ஸிக்கா²பத³வண்ணனா • Savibhaṅgasikkhāpadavaṇṇanā
பத³பா⁴ஜனீயவண்ணனா • Padabhājanīyavaṇṇanā
வத்துகாமவாரகதா²வண்ணனா • Vattukāmavārakathāvaṇṇanā
அனாபத்திபே⁴த³கதா²வண்ணனா • Anāpattibhedakathāvaṇṇanā
வினீதவத்து²வண்ணனா • Vinītavatthuvaṇṇanā
நிக³மனவண்ணனா • Nigamanavaṇṇanā
