Library / Tipiṭaka / তিপিটক • Tipiṭaka / মহাৰিভঙ্গ • Mahāvibhaṅga

৪. চতুত্থপারাজিকং

4. Catutthapārājikaṃ

১৯৩. ¹ তেন সমযেন বুদ্ধো ভগৰা ৰেসালিযং ৰিহরতি মহাৰনে কূটাগারসালাযং। তেন খো পন সমযেন সম্বহুলা সন্দিট্ঠা সম্ভত্তা ভিক্খূ ৰগ্গুমুদায নদিযা তীরে ৰস্সং উপগচ্ছিংসু। তেন খো পন সমযেন ৰজ্জী দুব্ভিক্খা হোতি দ্ৰীহিতিকা সেতট্ঠিকা সলাকাৰুত্তা, ন সুকরা উঞ্ছেন পগ্গহেন যাপেতুং। অথ খো তেসং ভিক্খূনং এতদহোসি – ‘‘এতরহি খো ৰজ্জী দুব্ভিক্খা দ্ৰীহিতিকা সেতট্ঠিকা সলাকাৰুত্তা, ন সুকরা উঞ্ছেন পগ্গহেন যাপেতুং। কেন নু খো মযং উপাযেন সমগ্গা সম্মোদমানা অৰিৰদমানা ফাসুকং ৰস্সং ৰসেয্যাম, ন চ পিণ্ডকেন কিলমেয্যামা’’তি? একচ্চে এৰমাহংসু – ‘‘হন্দ মযং, আৰুসো, গিহীনং কম্মন্তং অধিট্ঠেম, এৰং তে অম্হাকং দাতুং মঞ্ঞিস্সন্তি। এৰং মযং সমগ্গা সম্মোদমানা অৰিৰদমানা ফাসুকং ৰস্সং ৰসিস্সাম, ন চ পিণ্ডকেন কিলমিস্সামা’’তি। একচ্চে এৰমাহংসু – ‘‘অলং, আৰুসো, কিং গিহীনং কম্মন্তং অধিট্ঠিতেন! হন্দ মযং , আৰুসো, গিহীনং দূতেয্যং হরাম, এৰং তে অম্হাকং দাতুং মঞ্ঞিস্সন্তি। এৰং মযং সমগ্গা সম্মোদমানা অৰিৰদমানা ফাসুকং ৰস্সং ৰসিস্সাম, ন চ পিণ্ডকেন কিলমিস্সামা’’তি। একচ্চে এৰমাহংসু – ‘‘অলং, আৰুসো, কিং গিহীনং কম্মন্তং অধিট্ঠিতেন! কিং গিহীনং দূতেয্যং হটেন! হন্দ মযং, আৰুসো, গিহীনং অঞ্ঞমঞ্ঞস্স উত্তরিমনুস্সধম্মস্স ৰণ্ণং ভাসিস্সাম – ‘অসুকো ভিক্খু পঠমস্স ঝানস্স লাভী, অসুকো ভিক্খু দুতিযস্স ঝানস্স লাভী, অসুকো ভিক্খু ততিযস্স ঝানস্স লাভী, অসুকো ভিক্খু চতুত্থস্স ঝানস্স লাভী, অসুকো ভিক্খু সোতাপন্নো, অসুকো ভিক্খু সকদাগামী, অসুকো ভিক্খু অনাগামী, অসুকো ভিক্খু অরহা, অসুকো ভিক্খু তেৰিজ্জো, অসুকো ভিক্খু ছল়ভিঞ্ঞো’তি। এৰং তে অম্হাকং দাতুং মঞ্ঞিস্সন্তি। এৰং মযং সমগ্গা সম্মোদমানা অৰিৰদমানা ফাসুকং ৰস্সং ৰসিস্সাম, ন চ পিণ্ডকেন কিলমিস্সামা’’তি। ‘‘এসোযেৰ খো, আৰুসো, সেয্যো যো অম্হাকং গিহীনং অঞ্ঞমঞ্ঞস্স উত্তরিমনুস্সধম্মস্স ৰণ্ণো ভাসিতো’’তি।

193.² Tena samayena buddho bhagavā vesāliyaṃ viharati mahāvane kūṭāgārasālāyaṃ. Tena kho pana samayena sambahulā sandiṭṭhā sambhattā bhikkhū vaggumudāya nadiyā tīre vassaṃ upagacchiṃsu. Tena kho pana samayena vajjī dubbhikkhā hoti dvīhitikā setaṭṭhikā salākāvuttā, na sukarā uñchena paggahena yāpetuṃ. Atha kho tesaṃ bhikkhūnaṃ etadahosi – ‘‘etarahi kho vajjī dubbhikkhā dvīhitikā setaṭṭhikā salākāvuttā, na sukarā uñchena paggahena yāpetuṃ. Kena nu kho mayaṃ upāyena samaggā sammodamānā avivadamānā phāsukaṃ vassaṃ vaseyyāma, na ca piṇḍakena kilameyyāmā’’ti? Ekacce evamāhaṃsu – ‘‘handa mayaṃ, āvuso, gihīnaṃ kammantaṃ adhiṭṭhema, evaṃ te amhākaṃ dātuṃ maññissanti. Evaṃ mayaṃ samaggā sammodamānā avivadamānā phāsukaṃ vassaṃ vasissāma, na ca piṇḍakena kilamissāmā’’ti. Ekacce evamāhaṃsu – ‘‘alaṃ, āvuso, kiṃ gihīnaṃ kammantaṃ adhiṭṭhitena! Handa mayaṃ , āvuso, gihīnaṃ dūteyyaṃ harāma, evaṃ te amhākaṃ dātuṃ maññissanti. Evaṃ mayaṃ samaggā sammodamānā avivadamānā phāsukaṃ vassaṃ vasissāma, na ca piṇḍakena kilamissāmā’’ti. Ekacce evamāhaṃsu – ‘‘alaṃ, āvuso, kiṃ gihīnaṃ kammantaṃ adhiṭṭhitena! Kiṃ gihīnaṃ dūteyyaṃ haṭena! Handa mayaṃ, āvuso, gihīnaṃ aññamaññassa uttarimanussadhammassa vaṇṇaṃ bhāsissāma – ‘asuko bhikkhu paṭhamassa jhānassa lābhī, asuko bhikkhu dutiyassa jhānassa lābhī, asuko bhikkhu tatiyassa jhānassa lābhī, asuko bhikkhu catutthassa jhānassa lābhī, asuko bhikkhu sotāpanno, asuko bhikkhu sakadāgāmī, asuko bhikkhu anāgāmī, asuko bhikkhu arahā, asuko bhikkhu tevijjo, asuko bhikkhu chaḷabhiñño’ti. Evaṃ te amhākaṃ dātuṃ maññissanti. Evaṃ mayaṃ samaggā sammodamānā avivadamānā phāsukaṃ vassaṃ vasissāma, na ca piṇḍakena kilamissāmā’’ti. ‘‘Esoyeva kho, āvuso, seyyo yo amhākaṃ gihīnaṃ aññamaññassa uttarimanussadhammassa vaṇṇo bhāsito’’ti.

১৯৪. অথ খো তে ভিক্খূ গিহীনং অঞ্ঞমঞ্ঞস্স উত্তরিমনুস্সধম্মস্স ৰণ্ণং ভাসিংসু – ‘‘অসুকো ভিক্খু পঠমস্স ঝানস্স লাভী…পে॰… অসুকো ভিক্খু ছল়ভিঞ্ঞো’’তি। অথ খো তে মনুস্সা – ‘‘লাভা ৰত নো, সুলদ্ধং ৰত নো, যেসং ৰত নো এৰরূপা ভিক্খূ ৰস্সং উপগতা; ন ৰত নো ইতো পুব্বে এৰরূপা ভিক্খূ ৰস্সং উপগতা যথযিমে ভিক্খূ সীলৰন্তো কল্যাণধম্মা’’তি, তে ন তাদিসানি ভোজনানি অত্তনা পরিভুঞ্জন্তি মাতাপিতূনং দেন্তি পুত্তদারস্স দেন্তি দাসকম্মকরপোরিসস্স দেন্তি মিত্তামচ্চানং দেন্তি ঞাতিসালোহিতানং দেন্তি, যাদিসানি ভিক্খূনং দেন্তি। তে ন তাদিসানি খাদনীযানি সাযনীযানি পানানি অত্তনা খাদন্তি সাযন্তি পিৰন্তি মাতাপিতূনং দেন্তি পুত্তদারস্স দেন্তি দাসকম্মকরপোরিসস্স দেন্তি মিত্তামচ্চানং দেন্তি ঞাতিসালোহিতানং দেন্তি, যাদিসানি ভিক্খূনং দেন্তি। অথ খো তে ভিক্খূ ৰণ্ণৰা অহেসুং পীণিন্দ্রিযা পসন্নমুখৰণ্ণা ৰিপ্পসন্নছৰিৰণ্ণা।

194. Atha kho te bhikkhū gihīnaṃ aññamaññassa uttarimanussadhammassa vaṇṇaṃ bhāsiṃsu – ‘‘asuko bhikkhu paṭhamassa jhānassa lābhī…pe… asuko bhikkhu chaḷabhiñño’’ti. Atha kho te manussā – ‘‘lābhā vata no, suladdhaṃ vata no, yesaṃ vata no evarūpā bhikkhū vassaṃ upagatā; na vata no ito pubbe evarūpā bhikkhū vassaṃ upagatā yathayime bhikkhū sīlavanto kalyāṇadhammā’’ti, te na tādisāni bhojanāni attanā paribhuñjanti mātāpitūnaṃ denti puttadārassa denti dāsakammakaraporisassa denti mittāmaccānaṃ denti ñātisālohitānaṃ denti, yādisāni bhikkhūnaṃ denti. Te na tādisāni khādanīyāni sāyanīyāni pānāni attanā khādanti sāyanti pivanti mātāpitūnaṃ denti puttadārassa denti dāsakammakaraporisassa denti mittāmaccānaṃ denti ñātisālohitānaṃ denti, yādisāni bhikkhūnaṃ denti. Atha kho te bhikkhū vaṇṇavā ahesuṃ pīṇindriyā pasannamukhavaṇṇā vippasannachavivaṇṇā.

আচিণ্ণং খো পনেতং ৰস্সংৰুট্ঠানং ভিক্খূনং ভগৰন্তং দস্সনায উপসঙ্কমিতুং। অথ খো তে ভিক্খূ ৰস্সংৰুট্ঠা তেমাসচ্চযেন সেনাসনং সংসামেত্ৰা পত্তচীৰরং আদায যেন ৰেসালী তেন পক্কমিংসু। অনুপুব্বেন যেন ৰেসালী মহাৰনং কূটাগারসালা যেন ভগৰা তেনুপসঙ্কমিংসু; উপসঙ্কমিত্ৰা ভগৰন্তং অভিৰাদেত্ৰা একমন্তং নিসীদিংসু।

Āciṇṇaṃ kho panetaṃ vassaṃvuṭṭhānaṃ bhikkhūnaṃ bhagavantaṃ dassanāya upasaṅkamituṃ. Atha kho te bhikkhū vassaṃvuṭṭhā temāsaccayena senāsanaṃ saṃsāmetvā pattacīvaraṃ ādāya yena vesālī tena pakkamiṃsu. Anupubbena yena vesālī mahāvanaṃ kūṭāgārasālā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu.

তেন খো পন সমযেন দিসাসু ৰস্সংৰুট্ঠা ভিক্খূ কিসা হোন্তি লূখা দুব্বণ্ণা উপ্পণ্ডুপ্পণ্ডুকজাতা ধমনিসন্থতগত্তা; ৰগ্গুমুদাতীরিযা পন ভিক্খূ ৰণ্ণৰা হোন্তি পীণিন্দ্রিযা পসন্নমুখৰণ্ণা ৰিপ্পসন্নছৰিৰণ্ণা। আচিণ্ণং খো পনেতং বুদ্ধানং ভগৰন্তানং আগন্তুকেহি ভিক্খূহি সদ্ধিং পটিসম্মোদিতুং। অথ খো ভগৰা ৰগ্গুমুদাতীরিযে ভিক্খূ এতদৰোচ – ‘‘কচ্চি, ভিক্খৰে, খমনীযং কচ্চি যাপনীযং কচ্চি সমগ্গা সম্মোদমানা অৰিৰদমানা ফাসুকং ৰস্সং ৰসিত্থ ন চ পিণ্ডকেন কিলমিত্থা’’তি? ‘‘খমনীযং, ভগৰা, যাপনীযং, ভগৰা। সমগ্গা চ মযং, ভন্তে, সম্মোদমানা অৰিৰদমানা ফাসুকং ৰস্সং ৰসিম্হা, ন চ পিণ্ডকেন কিলমিম্হা’’তি। জানন্তাপি তথাগতা পুচ্ছন্তি, জানন্তাপি ন পুচ্ছন্তি…পে॰… দ্ৰীহাকারেহি বুদ্ধা ভগৰন্তো ভিক্খূ পটিপুচ্ছন্তি – ধম্মং ৰা দেসেস্সাম, সাৰকানং ৰা সিক্খাপদং পঞ্ঞাপেস্সামাতি। অথ খো ভগৰা ৰগ্গুমুদাতীরিযে ভিক্খূ এতদৰোচ – ‘‘যথা কথং পন তুম্হে, ভিক্খৰে, সমগ্গা সম্মোদমানা অৰিৰদমানা ফাসুকং ৰস্সং ৰসিত্থ ন চ পিণ্ডকেন কিলমিত্থা’’তি? অথ খো তে ভিক্খূ ভগৰতো এতমত্থং আরোচেসুং – ‘‘কচ্চি পন ৰো, ভিক্খৰে, ভূত’’ন্তি? ‘‘অভূতং, ভগৰা’’তি। ৰিগরহি বুদ্ধো ভগৰা – ‘‘অননুচ্ছৰিকং, মোঘপুরিসা, অননুলোমিকং অপ্পতিরূপং অস্সামণকং অকপ্পিযং অকরণীযং। কথঞ্হি নাম তুম্হে, মোঘপুরিসা, উদরস্স কারণা গিহীনং অঞ্ঞমঞ্ঞস্স উত্তরিমনুস্সধম্মস্স ৰণ্ণং ভাসিস্সথ! ৰরং তুম্হেহি, মোঘপুরিসা, তিণ্হেন গোৰিকন্তনেন ³ কুচ্ছিং পরিকন্তো, ন ত্ৰেৰ উদরস্স কারণা গিহীনং অঞ্ঞমঞ্ঞস্স উত্তরিমনুস্সধম্মস্স ৰণ্ণো ভাসিতো! তং কিস্স হেতু? ততো নিদানঞ্হি, মোঘপুরিসা, মরণং ৰা নিগচ্ছেয্য মরণমত্তং ৰা দুক্খং, ন ত্ৰেৰ তপ্পচ্চযা কাযস্স ভেদা পরং মরণা অপাযং দুগ্গতিং ৰিনিপাতং নিরযং উপপজ্জেয। ইতো নিদানঞ্চ খো, মোঘপুরিসা, কাযস্স ভেদা পরং মরণা অপাযং দুগ্গতিং ৰিনিপাতং নিরযং উপপজ্জেয্য। নেতং, মোঘপুরিসা, অপ্পসন্নানং ৰা পসাদায’’…পে॰… ৰিগরহিত্ৰা ধম্মিং কথং কত্ৰা ভিক্খূ আমন্তেসি –

Tena kho pana samayena disāsu vassaṃvuṭṭhā bhikkhū kisā honti lūkhā dubbaṇṇā uppaṇḍuppaṇḍukajātā dhamanisanthatagattā; vaggumudātīriyā pana bhikkhū vaṇṇavā honti pīṇindriyā pasannamukhavaṇṇā vippasannachavivaṇṇā. Āciṇṇaṃ kho panetaṃ buddhānaṃ bhagavantānaṃ āgantukehi bhikkhūhi saddhiṃ paṭisammodituṃ. Atha kho bhagavā vaggumudātīriye bhikkhū etadavoca – ‘‘kacci, bhikkhave, khamanīyaṃ kacci yāpanīyaṃ kacci samaggā sammodamānā avivadamānā phāsukaṃ vassaṃ vasittha na ca piṇḍakena kilamitthā’’ti? ‘‘Khamanīyaṃ, bhagavā, yāpanīyaṃ, bhagavā. Samaggā ca mayaṃ, bhante, sammodamānā avivadamānā phāsukaṃ vassaṃ vasimhā, na ca piṇḍakena kilamimhā’’ti. Jānantāpi tathāgatā pucchanti, jānantāpi na pucchanti…pe… dvīhākārehi buddhā bhagavanto bhikkhū paṭipucchanti – dhammaṃ vā desessāma, sāvakānaṃ vā sikkhāpadaṃ paññāpessāmāti. Atha kho bhagavā vaggumudātīriye bhikkhū etadavoca – ‘‘yathā kathaṃ pana tumhe, bhikkhave, samaggā sammodamānā avivadamānā phāsukaṃ vassaṃ vasittha na ca piṇḍakena kilamitthā’’ti? Atha kho te bhikkhū bhagavato etamatthaṃ ārocesuṃ – ‘‘kacci pana vo, bhikkhave, bhūta’’nti? ‘‘Abhūtaṃ, bhagavā’’ti. Vigarahi buddho bhagavā – ‘‘ananucchavikaṃ, moghapurisā, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tumhe, moghapurisā, udarassa kāraṇā gihīnaṃ aññamaññassa uttarimanussadhammassa vaṇṇaṃ bhāsissatha! Varaṃ tumhehi, moghapurisā, tiṇhena govikantanena ⁴ kucchiṃ parikanto, na tveva udarassa kāraṇā gihīnaṃ aññamaññassa uttarimanussadhammassa vaṇṇo bhāsito! Taṃ kissa hetu? Tato nidānañhi, moghapurisā, maraṇaṃ vā nigaccheyya maraṇamattaṃ vā dukkhaṃ, na tveva tappaccayā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeya. Ito nidānañca kho, moghapurisā, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya. Netaṃ, moghapurisā, appasannānaṃ vā pasādāya’’…pe… vigarahitvā dhammiṃ kathaṃ katvā bhikkhū āmantesi –

১৯৫. ‘‘পঞ্চিমে, ভিক্খৰে, মহাচোরা সন্তো সংৰিজ্জমানা লোকস্মিং। কতমে পঞ্চ? ইধ, ভিক্খৰে, একচ্চস্স মহাচোরস্স এৰং হোতি – ‘কুদাস্সু নামাহং সতেন ৰা সহস্সেন ৰা পরিৰুতো গামনিগমরাজধানীসু আহিণ্ডিস্সামি হনন্তো ঘাতেন্তো ছিন্দন্তো ছেদাপেন্তো পচন্তো পাচেন্তো’তি! সো অপরেন সমযেন সতেন ৰা সহস্সেন ৰা পরিৰুতো গামনিগমরাজধানীসু আহিণ্ডতি হনন্তো ঘাতেন্তো ছিন্দন্তো ছেদাপেন্তো পচন্তো পাচেন্তো। এৰমেৰ খো, ভিক্খৰে, ইধেকচ্চস্স পাপভিক্খুনো এৰং হোতি – ‘কুদাস্সু নামাহং সতেন ৰা সহস্সেন ৰা পরিৰুতো গামনিগমরাজধানীসু চারিকং চরিস্সামি সক্কতো গরুকতো মানিতো পূজিতো অপচিতো গহট্ঠানঞ্চেৰ পব্বজিতানঞ্চ, লাভী চীৰরপিণ্ডপাতসেনাসনগিলানপ্পচ্চযভেসজ্জপরিক্খারান’ন্তি ! সো অপরেন সমযেন সতেন ৰা সহস্সেন ৰা পরিৰুতো গামনিগমরাজধানীসু চারিকং চরতি সক্কতো গরুকতো মানিতো পূজিতো অপচিতো গহট্ঠানঞ্চেৰ পব্বজিতানঞ্চ, লাভী চীৰরপিণ্ডপাতসেনাসনগিলানপ্পচ্চযভেসজ্জপরিক্খারানং। অযং, ভিক্খৰে, পঠমো মহাচোরো সন্তো সংৰিজ্জমানো লোকস্মিং।

195. ‘‘Pañcime, bhikkhave, mahācorā santo saṃvijjamānā lokasmiṃ. Katame pañca? Idha, bhikkhave, ekaccassa mahācorassa evaṃ hoti – ‘kudāssu nāmāhaṃ satena vā sahassena vā parivuto gāmanigamarājadhānīsu āhiṇḍissāmi hananto ghātento chindanto chedāpento pacanto pācento’ti! So aparena samayena satena vā sahassena vā parivuto gāmanigamarājadhānīsu āhiṇḍati hananto ghātento chindanto chedāpento pacanto pācento. Evameva kho, bhikkhave, idhekaccassa pāpabhikkhuno evaṃ hoti – ‘kudāssu nāmāhaṃ satena vā sahassena vā parivuto gāmanigamarājadhānīsu cārikaṃ carissāmi sakkato garukato mānito pūjito apacito gahaṭṭhānañceva pabbajitānañca, lābhī cīvarapiṇḍapātasenāsanagilānappaccayabhesajjaparikkhārāna’nti ! So aparena samayena satena vā sahassena vā parivuto gāmanigamarājadhānīsu cārikaṃ carati sakkato garukato mānito pūjito apacito gahaṭṭhānañceva pabbajitānañca, lābhī cīvarapiṇḍapātasenāsanagilānappaccayabhesajjaparikkhārānaṃ. Ayaṃ, bhikkhave, paṭhamo mahācoro santo saṃvijjamāno lokasmiṃ.

‘‘পুন চপরং, ভিক্খৰে, ইধেকচ্চো পাপভিক্খু তথাগতপ্পৰেদিতং ধম্মৰিনযং পরিযাপুণিত্ৰা অত্তনো দহতি। অযং, ভিক্খৰে, দুতিযো মহাচোরো সন্তো সংৰিজ্জমানো লোকস্মিং।

‘‘Puna caparaṃ, bhikkhave, idhekacco pāpabhikkhu tathāgatappaveditaṃ dhammavinayaṃ pariyāpuṇitvā attano dahati. Ayaṃ, bhikkhave, dutiyo mahācoro santo saṃvijjamāno lokasmiṃ.

‘‘পুন চপরং, ভিক্খৰে, ইধেকচ্চো পাপভিক্খু সুদ্ধং ব্রহ্মচারিং পরিসুদ্ধং ব্রহ্মচরিযং চরন্তং অমূলকেন অব্রহ্মচরিযেন অনুদ্ধংসেতি। অযং, ভিক্খৰে, ততিযো মহাচোরো সন্তো সংৰিজ্জমানো লোকস্মিং।

‘‘Puna caparaṃ, bhikkhave, idhekacco pāpabhikkhu suddhaṃ brahmacāriṃ parisuddhaṃ brahmacariyaṃ carantaṃ amūlakena abrahmacariyena anuddhaṃseti. Ayaṃ, bhikkhave, tatiyo mahācoro santo saṃvijjamāno lokasmiṃ.

‘‘পুন চপরং, ভিক্খৰে, ইধেকচ্চো পাপভিক্খু যানি তানি সঙ্ঘস্স গরুভণ্ডানি গরুপরিক্খারানি, সেয্যথিদং – আরামো আরামৰত্থু ৰিহারো ৰিহারৰত্থু মঞ্চো পীঠং ভিসি বিম্বোহনং ⁵ লোহকুম্ভী লোহভাণকং লোহৰারকো লোহকটাহং ৰাসী পরসু ⁶ কুঠারী কুদালো নিখাদনং ৰল্লি ৰেল়ু মুঞ্জং পব্বজং তিণং মত্তিকা দারুভণ্ডং মত্তিকাভণ্ডং, তেহি গিহীং সঙ্গণ্হাতি উপলাপেতি। অযং, ভিক্খৰে, চতুত্থো মহাচোরো সন্তো সংৰিজ্জমানো লোকস্মিং।

‘‘Puna caparaṃ, bhikkhave, idhekacco pāpabhikkhu yāni tāni saṅghassa garubhaṇḍāni garuparikkhārāni, seyyathidaṃ – ārāmo ārāmavatthu vihāro vihāravatthu mañco pīṭhaṃ bhisi bimbohanaṃ ⁷ lohakumbhī lohabhāṇakaṃ lohavārako lohakaṭāhaṃ vāsī parasu ⁸ kuṭhārī kudālo nikhādanaṃ valli veḷu muñjaṃ pabbajaṃ tiṇaṃ mattikā dārubhaṇḍaṃ mattikābhaṇḍaṃ, tehi gihīṃ saṅgaṇhāti upalāpeti. Ayaṃ, bhikkhave, catuttho mahācoro santo saṃvijjamāno lokasmiṃ.

‘‘সদেৰকে, ভিক্খৰে, লোকে সমারকে সব্রহ্মকে সস্সমণব্রাহ্মণিযা পজায সদেৰমনুস্সায অযং অগ্গো মহাচোরো যো অসন্তং অভূতং উত্তরিমনুস্সধম্মং উল্লপতি। তং কিস্স হেতু? থেয্যায ৰো, ভিক্খৰে, রট্ঠপিণ্ডো ভুত্তো’’তি।

‘‘Sadevake, bhikkhave, loke samārake sabrahmake sassamaṇabrāhmaṇiyā pajāya sadevamanussāya ayaṃ aggo mahācoro yo asantaṃ abhūtaṃ uttarimanussadhammaṃ ullapati. Taṃ kissa hetu? Theyyāya vo, bhikkhave, raṭṭhapiṇḍo bhutto’’ti.

⁹ অঞ্ঞথা সন্তমত্তানং, অঞ্ঞথা যো পৰেদযে।

¹⁰ Aññathā santamattānaṃ, aññathā yo pavedaye;

নিকচ্চ কিতৰস্সেৰ, ভুত্তং থেয্যেন তস্স তং॥

Nikacca kitavasseva, bhuttaṃ theyyena tassa taṃ.

¹¹ কাসাৰকণ্ঠা বহৰো, পাপধম্মা অসঞ্ঞতা।

¹² Kāsāvakaṇṭhā bahavo, pāpadhammā asaññatā;

পাপা পাপেহি কম্মেহি, নিরযং তে উপপজ্জরে॥

Pāpā pāpehi kammehi, nirayaṃ te upapajjare.

¹³ সেয্যো অযোগুল়ো ভুত্তো, তত্তো অগ্গিসিখূপমো।

¹⁴ Seyyo ayoguḷo bhutto, tatto aggisikhūpamo;

যঞ্চে ভুঞ্জেয্য দুস্সীলো, রট্ঠপিণ্ডং অসঞ্ঞতোতি॥

Yañce bhuñjeyya dussīlo, raṭṭhapiṇḍaṃ asaññatoti.

অথ খো ভগৰা তে ৰগ্গুমুদাতীরিযে ভিক্খূ অনেকপরিযাযেন ৰিগরহিত্ৰা দুব্ভরতায দুপ্পোসতায…পে॰… এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –

Atha kho bhagavā te vaggumudātīriye bhikkhū anekapariyāyena vigarahitvā dubbharatāya dupposatāya…pe… evañca pana, bhikkhave, imaṃ sikkhāpadaṃ uddiseyyātha –

‘‘যো পন ভিক্খু অনভিজানং উত্তরিমনুস্সধম্মং অত্তুপনাযিকং অলমরিযঞাণদস্সনং সমুদাচরেয্য – ‘ইতি জানামি ইতি পস্সামী’তি, ততো অপরেন সমযেন সমনুগ্গাহীযমানো ৰা অসমনুগ্গাহীযমানো ৰা আপন্নো ৰিসুদ্ধাপেক্খো এৰং ৰদেয্য – ‘অজানমেৰং, আৰুসো, অৰচং জানামি , অপস্সং পস্সামি। তুচ্ছং মুসা ৰিলপি’ন্তি, অযম্পি পারাজিকো হোতি অসংৰাসো’’তি।

‘‘Yo pana bhikkhu anabhijānaṃ uttarimanussadhammaṃ attupanāyikaṃ alamariyañāṇadassanaṃ samudācareyya – ‘iti jānāmi iti passāmī’ti, tato aparena samayena samanuggāhīyamāno vā asamanuggāhīyamāno vā āpanno visuddhāpekkho evaṃ vadeyya – ‘ajānamevaṃ, āvuso, avacaṃ jānāmi, apassaṃ passāmi. Tucchaṃ musā vilapi’nti, ayampi pārājiko hoti asaṃvāso’’ti.

এৰঞ্চিদং ভগৰতা ভিক্খূনং সিক্খাপদং পঞ্ঞত্তং হোতি।

Evañcidaṃ bhagavatā bhikkhūnaṃ sikkhāpadaṃ paññattaṃ hoti.

১৯৬. তেন খো পন সমযেন সম্বহুলা ভিক্খূ অদিট্ঠে দিট্ঠসঞ্ঞিনো অপত্তে পত্তসঞ্ঞিনো অনধিগতে অধিগতসঞ্ঞিনো অসচ্ছিকতে সচ্ছিকতসঞ্ঞিনো অধিমানেন অঞ্ঞং ব্যাকরিংসু। তেসং অপরেন সমযেন রাগাযপি চিত্তং নমতি দোসাযপি চিত্তং নমতি মোহাযপি চিত্তং নমতি। তেসং কুক্কুচ্চং অহোসি – ‘‘ভগৰতা সিক্খাপদং পঞ্ঞত্তং। মযঞ্চম্হ অদিট্ঠে দিট্ঠসঞ্ঞিনো অপত্তে পত্তসঞ্ঞিনো অনধিগতে অধিগতসঞ্ঞিনো অসচ্ছিকতে সচ্ছিকতসঞ্ঞিনো, অধিমানেন অঞ্ঞং ব্যাকরিম্হা। কচ্চি নু খো মযং পারাজিকং আপত্তিং আপন্না’’তি? তে আযস্মতো আনন্দস্স এতমত্থং আরোচেসুং। আযস্মা আনন্দো ভগৰতো এতমত্থং আরোচেসি। ‘‘হোন্তি যে তে, আনন্দ ¹⁵, ভিক্খূ অদিট্ঠে দিট্ঠসঞ্ঞিনো অপত্তে পত্তসঞ্ঞিনো অনধিগতে অধিগতসঞ্ঞিনো অসচ্ছিকতে সচ্ছিকতসঞ্ঞিনো অধিমানেন অঞ্ঞং ব্যাকরোন্তি। তঞ্চ খো এতং অব্বোহারিক’’ন্তি।

196. Tena kho pana samayena sambahulā bhikkhū adiṭṭhe diṭṭhasaññino apatte pattasaññino anadhigate adhigatasaññino asacchikate sacchikatasaññino adhimānena aññaṃ byākariṃsu. Tesaṃ aparena samayena rāgāyapi cittaṃ namati dosāyapi cittaṃ namati mohāyapi cittaṃ namati. Tesaṃ kukkuccaṃ ahosi – ‘‘bhagavatā sikkhāpadaṃ paññattaṃ. Mayañcamha adiṭṭhe diṭṭhasaññino apatte pattasaññino anadhigate adhigatasaññino asacchikate sacchikatasaññino, adhimānena aññaṃ byākarimhā. Kacci nu kho mayaṃ pārājikaṃ āpattiṃ āpannā’’ti? Te āyasmato ānandassa etamatthaṃ ārocesuṃ. Āyasmā ānando bhagavato etamatthaṃ ārocesi. ‘‘Honti ye te, ānanda ¹⁶, bhikkhū adiṭṭhe diṭṭhasaññino apatte pattasaññino anadhigate adhigatasaññino asacchikate sacchikatasaññino adhimānena aññaṃ byākaronti. Tañca kho etaṃ abbohārika’’nti.

‘‘এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –

‘‘Evañca pana, bhikkhave, imaṃ sikkhāpadaṃ uddiseyyātha –

১৯৭. ‘‘যো পন ভিক্খু অনভিজানং উত্তরিমনুস্সধম্মং অত্তুপনাযিকং অলমরিযঞাণদস্সনং সমুদাচরেয্য – ‘ইতি জানামি ইতি পস্সামী’তি, ততো অপরেন সমযেন সমনুগ্গাহীযমানো ৰা অসমনুগ্গাহীযমানো ৰা আপন্নো ৰিসুদ্ধাপেক্খো এৰং ৰদেয্য – ‘অজানমেৰং, আৰুসো, অৰচং জানামি, অপস্সং পস্সামি। তুচ্ছং মুসা ৰিলপি’ন্তি, অঞ্ঞত্র অধিমানা, অযম্পি পারাজিকো হোতি অসংৰাসো’’তি।

197.‘‘Yopana bhikkhu anabhijānaṃ uttarimanussadhammaṃ attupanāyikaṃ alamariyañāṇadassanaṃ samudācareyya – ‘iti jānāmi iti passāmī’ti, tato aparena samayena samanuggāhīyamāno vā asamanuggāhīyamāno vā āpanno visuddhāpekkho evaṃ vadeyya – ‘ajānamevaṃ, āvuso, avacaṃ jānāmi, apassaṃ passāmi. Tucchaṃ musā vilapi’nti, aññatra adhimānā, ayampi pārājiko hoti asaṃvāso’’ti.

১৯৮. যো পনাতি যো যাদিসো…পে॰… ভিক্খূতি…পে॰… অযং ইমস্মিং অত্থে অধিপ্পেতো ভিক্খূতি।

198.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

অনভিজানন্তি অসন্তং অভূতং অসংৰিজ্জমানং অজানন্তো অপস্সন্তো অত্তনি কুসলং ধম্মং – অত্থি মে কুসলো ধম্মোতি।

Anabhijānanti asantaṃ abhūtaṃ asaṃvijjamānaṃ ajānanto apassanto attani kusalaṃ dhammaṃ – atthi me kusalo dhammoti.

¹⁷ উত্তরিমনুস্সধম্মো নাম ঝানং ৰিমোক্খো ¹⁸ সমাধি সমাপত্তি ঞাণদস্সনং মগ্গভাৰনা ফলসচ্ছিকিরিযা কিলেসপ্পহানং ৰিনীৰরণতা চিত্তস্স সুঞ্ঞাগারে অভিরতি।

¹⁹Uttarimanussadhammo nāma jhānaṃ vimokkho ²⁰ samādhi samāpatti ñāṇadassanaṃ maggabhāvanā phalasacchikiriyā kilesappahānaṃ vinīvaraṇatā cittassa suññāgāre abhirati.

অত্তুপনাযিকন্তি তে ৰা কুসলে ধম্মে অত্তনি উপনেতি অত্তানং ৰা তেসু কুসলেসু ধম্মেসু উপনেতি।

Attupanāyikanti te vā kusale dhamme attani upaneti attānaṃ vā tesu kusalesu dhammesu upaneti.

ঞাণন্তি তিস্সো ৰিজ্জা। দস্সনন্তি যং ঞাণং তং দস্সনং। যং দস্সনং তং ঞাণং।

Ñāṇanti tisso vijjā. Dassananti yaṃ ñāṇaṃ taṃ dassanaṃ. Yaṃ dassanaṃ taṃ ñāṇaṃ.

সমুদাচরেয্যাতি আরোচেয্য ইত্থিযা ৰা পুরিসস্স ৰা গহট্ঠস্স ৰা পব্বজিতস্স ৰা।

Samudācareyyāti āroceyya itthiyā vā purisassa vā gahaṭṭhassa vā pabbajitassa vā.

ইতি জানামি ইতি পস্সামীতি জানামহং এতে ধম্মে, পস্সামহং এতে ধম্মে অত্থি চ এতে ধম্মা মযি, অহঞ্চ এতেসু ধম্মেসু সন্দিস্সামীতি।

Iti jānāmi iti passāmīti jānāmahaṃ ete dhamme, passāmahaṃ ete dhamme atthi ca ete dhammā mayi, ahañca etesu dhammesu sandissāmīti.

ততো অপরেন সমযেনাতি যস্মিং খণে সমুদাচিণ্ণং হোতি তং খণং তং লযং তং মুহুত্তং ৰীতিৰত্তে।

Tato aparena samayenāti yasmiṃ khaṇe samudāciṇṇaṃ hoti taṃ khaṇaṃ taṃ layaṃ taṃ muhuttaṃ vītivatte.

সমনুগ্গাহীযমানোতি যং ৰত্থু পটিঞ্ঞাতং হোতি তস্মিং ৰত্থুস্মিং সমনুগ্গাহীযমানো – ‘‘কিন্তে অধিগতং, কিন্তি তে অধিগতং, কদা তে অধিগতং, কত্থ তে অধিগতং, কতমে তে কিলেসা পহীনা, কতমেসং ত্ৰং ধম্মানং লাভী’’তি।

Samanuggāhīyamānoti yaṃ vatthu paṭiññātaṃ hoti tasmiṃ vatthusmiṃ samanuggāhīyamāno – ‘‘kinte adhigataṃ, kinti te adhigataṃ, kadā te adhigataṃ, kattha te adhigataṃ, katame te kilesā pahīnā, katamesaṃ tvaṃ dhammānaṃ lābhī’’ti.

অসমনুগ্গাহীযমানোতি ন কেনচি ৰুচ্চমানো।

Asamanuggāhīyamānoti na kenaci vuccamāno.

আপন্নোতি পাপিচ্ছো ইচ্ছাপকতো অসন্তং অভূতং উত্তরিমনুস্সধম্মং উল্লপিত্ৰা পারাজিকং আপত্তিং আপন্নো হোতি।

Āpannoti pāpiccho icchāpakato asantaṃ abhūtaṃ uttarimanussadhammaṃ ullapitvā pārājikaṃ āpattiṃ āpanno hoti.

ৰিসুদ্ধাপেক্খোতি গিহী ৰা হোতুকামো উপাসকো ৰা হোতুকামো আরামিকো ৰা হোতুকামো সামণেরো ৰা হোতুকামো।

Visuddhāpekkhoti gihī vā hotukāmo upāsako vā hotukāmo ārāmiko vā hotukāmo sāmaṇero vā hotukāmo.

অজানমেৰং , আৰুসো, অৰচং – জানামি, অপস্সং পস্সামীতি নাহং এতে ধম্মে জানামি, নাহং এতে ধম্মে পস্সামি, নত্থি চ এতে ধম্মা মযি, ন চাহং এতেসু ধম্মেসু সন্দিস্সামীতি।

Ajānamevaṃ , āvuso, avacaṃ – jānāmi, apassaṃ passāmīti nāhaṃ ete dhamme jānāmi, nāhaṃ ete dhamme passāmi, natthi ca ete dhammā mayi, na cāhaṃ etesu dhammesu sandissāmīti.

তুচ্ছং মুসা ৰিলপিন্তি তুচ্ছকং মযা ভণিতং, মুসা মযা ভণিতং, অভূতং মযা ভণিতং, অজানন্তেন মযা ভণিতং।

Tucchaṃ musā vilapinti tucchakaṃ mayā bhaṇitaṃ, musā mayā bhaṇitaṃ, abhūtaṃ mayā bhaṇitaṃ, ajānantena mayā bhaṇitaṃ.

অঞ্ঞত্র অধিমানাতি ঠপেত্ৰা অধিমানং।

Aññatra adhimānāti ṭhapetvā adhimānaṃ.

অযম্পীতি পুরিমে উপাদায ৰুচ্চতি।

Ayampīti purime upādāya vuccati.

পারাজিকো হোতীতি সেয্যথাপি নাম তালো মত্থকচ্ছিন্নো অভব্বো পুন ৰিরূল়্হিযা, এৰমেৰ ভিক্খু পাপিচ্ছো ইচ্ছাপকতো অসন্তং অভূতং উত্তরিমনুস্সধম্মং উল্লপিত্ৰা অস্সমণো হোতি অসক্যপুত্তিযো। তেন ৰুচ্চতি – ‘‘পারাজিকো হোতী’’তি।

Pārājiko hotīti seyyathāpi nāma tālo matthakacchinno abhabbo puna virūḷhiyā, evameva bhikkhu pāpiccho icchāpakato asantaṃ abhūtaṃ uttarimanussadhammaṃ ullapitvā assamaṇo hoti asakyaputtiyo. Tena vuccati – ‘‘pārājiko hotī’’ti.

অসংৰাসোতি সংৰাসো নাম এককম্মং একুদ্দেসো সমসিক্খতা – এসো সংৰাসো নাম। সো তেন সদ্ধিং নত্থি। তেন ৰুচ্চতি – ‘‘অসংৰাসো’’তি।

Asaṃvāsoti saṃvāso nāma ekakammaṃ ekuddeso samasikkhatā – eso saṃvāso nāma. So tena saddhiṃ natthi. Tena vuccati – ‘‘asaṃvāso’’ti.

১৯৯. উত্তরিমনুস্সধম্মো নাম ঝানং ৰিমোক্খো সমাধি সমাপত্তি ঞাণদস্সনং মগ্গভাৰনা ফলসচ্ছিকিরিযা কিলেসপ্পহানং ৰিনীৰরণতা চিত্তস্স সুঞ্ঞাগারে অভিরতি।

199.Uttarimanussadhammo nāma jhānaṃ vimokkho samādhi samāpatti ñāṇadassanaṃ maggabhāvanā phalasacchikiriyā kilesappahānaṃ vinīvaraṇatā cittassa suññāgāre abhirati.

²¹ ঝানন্তি পঠমং ঝানং দুতিযং ঝানং ততিযং ঝানং চতুত্থং ঝানং।

²²Jhānanti paṭhamaṃ jhānaṃ dutiyaṃ jhānaṃ tatiyaṃ jhānaṃ catutthaṃ jhānaṃ.

²³ ৰিমোক্খোতি সুঞ্ঞতো ৰিমোক্খো অনিমিত্তো ৰিমোক্খো অপ্পণিহিতো ৰিমোক্খো।

²⁴Vimokkhoti suññato vimokkho animitto vimokkho appaṇihito vimokkho.

²⁵ সমাধীতি সুঞ্ঞতো সমাধি অনিমিত্তো সমাধি অপ্পণিহিতো সমাধি।

²⁶Samādhīti suññato samādhi animitto samādhi appaṇihito samādhi.

²⁷ সমাপত্তীতি সুঞ্ঞতা সমাপত্তি অনিমিত্তা সমাপত্তি অপ্পণিহিতা সমাপত্তি।

²⁸Samāpattīti suññatā samāpatti animittā samāpatti appaṇihitā samāpatti.

²⁹ ঞাণদস্সনন্তি তিস্সো ৰিজ্জা।

³⁰Ñāṇadassananti tisso vijjā.

³¹ মগ্গভাৰনাতি চত্তারো সতিপট্ঠানা, চত্তারো সম্মপ্পধানা, চত্তারো ইদ্ধিপাদা, পঞ্চিন্দ্রিযানি, পঞ্চ বলানি, সত্ত বোজ্ঝঙ্গা, অরিযো অট্ঠঙ্গিকো মগ্গো।

³²Maggabhāvanāti cattāro satipaṭṭhānā, cattāro sammappadhānā, cattāro iddhipādā, pañcindriyāni, pañca balāni, satta bojjhaṅgā, ariyo aṭṭhaṅgiko maggo.

³³ ফলসচ্ছিকিরিযাতি সোতাপত্তিফলস্স সচ্ছিকিরিযা, সকদাগামিফলস্স সচ্ছিকিরিযা, অনাগামিফলস্স সচ্ছিকিরিযা, অরহত্তস্স ³⁴ সচ্ছিকিরিযা।

³⁵Phalasacchikiriyāti sotāpattiphalassa sacchikiriyā, sakadāgāmiphalassa sacchikiriyā, anāgāmiphalassa sacchikiriyā, arahattassa ³⁶ sacchikiriyā.

³⁷ কিলেসপ্পহানন্তি রাগস্স পহানং দোসস্স পহানং মোহস্স পহানং।

³⁸Kilesappahānanti rāgassa pahānaṃ dosassa pahānaṃ mohassa pahānaṃ.

³⁹ ৰিনীৰরণতা চিত্তস্সাতি রাগা চিত্তং ৰিনীৰরণতা, দোসা চিত্তং ৰিনীৰরণতা, মোহা চিত্তং ৰিনীৰরণতা।

⁴⁰Vinīvaraṇatā cittassāti rāgā cittaṃ vinīvaraṇatā, dosā cittaṃ vinīvaraṇatā, mohā cittaṃ vinīvaraṇatā.

⁴¹ সুঞ্ঞাগারে অভিরতীতি পঠমেন ঝানেন সুঞ্ঞাগারে অভিরতি, দুতিযেন ঝানেন সুঞ্ঞাগারে অভিরতি, ততিযেন ঝানেন সুঞ্ঞাগারে অভিরতি, চতুত্থেন ঝানেন সুঞ্ঞাগারে অভিরতি।

⁴²Suññāgāre abhiratīti paṭhamena jhānena suññāgāre abhirati, dutiyena jhānena suññāgāre abhirati, tatiyena jhānena suññāgāre abhirati, catutthena jhānena suññāgāre abhirati.

২০০. তীহাকারেহি পঠমং ঝানং সমাপজ্জিন্তি সম্পজানমুসা ভণন্তস্স আপত্তি পারাজিকস্স, পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি।

200. Tīhākārehi paṭhamaṃ jhānaṃ samāpajjinti sampajānamusā bhaṇantassa āpatti pārājikassa, pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti.

চতূহাকারেহি পঠমং ঝানং সমাপজ্জিন্তি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং।

Catūhākārehi paṭhamaṃ jhānaṃ samāpajjinti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ.

পঞ্চহাকারেহি পঠমং ঝানং সমাপজ্জিন্তি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং ৰিনিধায খন্তিং।

Pañcahākārehi paṭhamaṃ jhānaṃ samāpajjinti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ vinidhāya khantiṃ.

ছহাকারেহি পঠমং ঝানং সমাপজ্জিন্তি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং।

Chahākārehi paṭhamaṃ jhānaṃ samāpajjinti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ.

সত্তহাকারেহি পঠমং ঝানং সমাপজ্জিন্তি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং, ৰিনিধায ভাৰং।

Sattahākārehi paṭhamaṃ jhānaṃ samāpajjinti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.

২০১. তীহাকারেহি পঠমং ঝানং সমাপজ্জামীতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি।

201. Tīhākārehi paṭhamaṃ jhānaṃ samāpajjāmīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti.

চতূহাকারেহি পঠমং ঝানং সমাপজ্জামীতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং।

Catūhākārehi paṭhamaṃ jhānaṃ samāpajjāmīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ.

পঞ্চহাকারেহি পঠমং ঝানং সমাপজ্জামীতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং।

Pañcahākārehi paṭhamaṃ jhānaṃ samāpajjāmīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ.

ছহাকারেহি পঠমং ঝানং সমাপজ্জামীতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং।

Chahākārehi paṭhamaṃ jhānaṃ samāpajjāmīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ.

সত্তহাকারেহি পঠমং ঝানং সমাপজ্জামীতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং, ৰিনিধায ভাৰং।

Sattahākārehi paṭhamaṃ jhānaṃ samāpajjāmīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.

২০২. তীহাকারেহি পঠমং ঝানং সমাপন্নোতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি।

202. Tīhākārehi paṭhamaṃ jhānaṃ samāpannoti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti.

চতূহাকারেহি পঠমং ঝানং সমাপন্নোতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং।

Catūhākārehi paṭhamaṃ jhānaṃ samāpannoti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ.

পঞ্চহাকারেহি পঠমং ঝানং সমাপন্নোতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং।

Pañcahākārehi paṭhamaṃ jhānaṃ samāpannoti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ.

ছহাকারেহি পঠমং ঝানং সমাপন্নোতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং।

Chahākārehi paṭhamaṃ jhānaṃ samāpannoti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ.

সত্তহাকারেহি পঠমং ঝানং সমাপন্নোতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং, ৰিনিধায ভাৰং।

Sattahākārehi paṭhamaṃ jhānaṃ samāpannoti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.

২০৩. তীহাকারেহি পঠমস্স ঝানস্স লাভীম্হীতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি।

203. Tīhākārehi paṭhamassa jhānassa lābhīmhīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti.

চতূহাকারেহি পঠমস্স ঝানস্স লাভীম্হীতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং।

Catūhākārehi paṭhamassa jhānassa lābhīmhīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ.

পঞ্চহাকারেহি পঠমস্স ঝানস্স লাভীম্হীতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি , ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং।

Pañcahākārehi paṭhamassa jhānassa lābhīmhīti sampajānamusā bhaṇantassa āpatti pārājikassa – pubbevassa hoti musā bhaṇissanti , bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ.

ছহাকারেহি পঠমস্স ঝানস্স লাভীম্হীতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং।

Chahākārehi paṭhamassa jhānassa lābhīmhīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ.

সত্তহাকারেহি পঠমস্স ঝানস্স লাভীম্হীতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং, ৰিনিধায ভাৰং।

Sattahākārehi paṭhamassa jhānassa lābhīmhīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.

২০৪. তীহাকারেহি পঠমস্স ঝানস্স ৰসীম্হীতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি।

204. Tīhākārehi paṭhamassa jhānassa vasīmhīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti.

চতূহাকারেহি পঠমস্স ঝানস্স ৰসীম্হীতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং।

Catūhākārehi paṭhamassa jhānassa vasīmhīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ.

পঞ্চহাকারেহি পঠমস্স ঝানস্স ৰসীম্হীতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং।

Pañcahākārehi paṭhamassa jhānassa vasīmhīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ.

ছহাকারেহি পঠমস্স ঝানস্স ৰসীম্হীতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং।

Chahākārehi paṭhamassa jhānassa vasīmhīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ.

সত্তহাকারেহি পঠমস্স ঝানস্স ৰসীম্হীতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং, ৰিনিধায ভাৰং।

Sattahākārehi paṭhamassa jhānassa vasīmhīti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.

২০৫. তীহাকারেহি পঠমং ঝানং সচ্ছিকতং মযাতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি।

205. Tīhākārehi paṭhamaṃ jhānaṃ sacchikataṃ mayāti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti.

চতূহাকারেহি পঠমং ঝানং সচ্ছিকতং মযাতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং।

Catūhākārehi paṭhamaṃ jhānaṃ sacchikataṃ mayāti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ.

পঞ্চহাকারেহি পঠমং ঝানং সচ্ছিকতং মযাতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং।

Pañcahākārehi paṭhamaṃ jhānaṃ sacchikataṃ mayāti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ.

ছহাকারেহি পঠমং ঝানং সচ্ছিকতং মযাতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং।

Chahākārehi paṭhamaṃ jhānaṃ sacchikataṃ mayāti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ.

সত্তহাকারেহি পঠমং ঝানং সচ্ছিকতং মযাতি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং, ৰিনিধায ভাৰং।

Sattahākārehi paṭhamaṃ jhānaṃ sacchikataṃ mayāti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.

যথা ইদং পঠমং ঝানং ৰিত্থারিতং তং সব্বম্পি ৰিত্থারেতব্বং।

Yathā idaṃ paṭhamaṃ jhānaṃ vitthāritaṃ taṃ sabbampi vitthāretabbaṃ.

২০৬. তীহাকারেহি…পে॰… সত্তহাকারেহি দুতিযং ঝানং…পে॰… ততিযং ঝানং…পে॰… চতুত্থং ঝানং সমাপজ্জিং… সমাপজ্জামি… সমাপন্নো… চতুত্থস্স ঝানস্স লাভীম্হি… ৰসীম্হি… চতুত্থং ঝানং সচ্ছিকতং মযাতি সম্পজানমুসা ভণন্তস্স আপত্তি পারাজিকস্স। পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং, ৰিনিধায ভাৰং।

206. Tīhākārehi…pe… sattahākārehi dutiyaṃ jhānaṃ…pe… tatiyaṃ jhānaṃ…pe… catutthaṃ jhānaṃ samāpajjiṃ… samāpajjāmi… samāpanno… catutthassa jhānassa lābhīmhi… vasīmhi… catutthaṃ jhānaṃ sacchikataṃ mayāti sampajānamusā bhaṇantassa āpatti pārājikassa. Pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.

২০৭. তীহাকারেহি সুঞ্ঞতং ৰিমোক্খং… অনিমিত্তং ৰিমোক্খং… অপ্পণিহিতং ৰিমোক্খং… সমাপজ্জিং… সমাপজ্জামি… সমাপন্নো… অপ্পণিহিতস্স ৰিমোক্খস্স লাভীম্হি… ৰসীম্হি… অপ্পণিহিতো ৰিমোক্খো সচ্ছিকতো মযাতি সম্পজানমুসা ভণন্তস্স আপত্তি পারাজিকস্স…পে॰…।

207. Tīhākārehi suññataṃ vimokkhaṃ… animittaṃ vimokkhaṃ… appaṇihitaṃ vimokkhaṃ… samāpajjiṃ… samāpajjāmi… samāpanno… appaṇihitassa vimokkhassa lābhīmhi… vasīmhi… appaṇihito vimokkho sacchikato mayāti sampajānamusā bhaṇantassa āpatti pārājikassa…pe….

তীহাকারেহি সুঞ্ঞতং সমাধিং… অনিমিত্তং সমাধিং… অপ্পণিহিতং সমাধিং সমাপজ্জিং… সমাপজ্জামি… সমাপন্নো… অপ্পণিহিতস্স সমাধিস্স লাভীম্হি… ৰসীম্হি… অপ্পণিহিতো সমাধি সচ্ছিকতো মযাতি সম্পজানমুসা ভণন্তস্স আপত্তি পারাজিকস্স।

Tīhākārehi suññataṃ samādhiṃ… animittaṃ samādhiṃ… appaṇihitaṃ samādhiṃ samāpajjiṃ… samāpajjāmi… samāpanno… appaṇihitassa samādhissa lābhīmhi… vasīmhi… appaṇihito samādhi sacchikato mayāti sampajānamusā bhaṇantassa āpatti pārājikassa.

তীহাকারেহি সুঞ্ঞতং সমাপত্তিং… অনিমিত্তং সমাপত্তিং… অপ্পণিহিতং সমাপত্তিং সমাপজ্জিং… সমাপজ্জামি… সমাপন্নো… অপ্পণিহিতায সমাপত্তিযা লাভীম্হি… ৰসীম্হি… অপ্পণিহিতা সমাপত্তি সচ্ছিকতা মযাতি সম্পজানমুসা ভণন্তস্স আপত্তি পারাজিকস্স।

Tīhākārehi suññataṃ samāpattiṃ… animittaṃ samāpattiṃ… appaṇihitaṃ samāpattiṃ samāpajjiṃ… samāpajjāmi… samāpanno… appaṇihitāya samāpattiyā lābhīmhi… vasīmhi… appaṇihitā samāpatti sacchikatā mayāti sampajānamusā bhaṇantassa āpatti pārājikassa.

তীহাকারেহি তিস্সো ৰিজ্জা সমাপজ্জিং… সমাপজ্জামি সমাপন্নো… তিস্সন্নং ৰিজ্জানং লাভীম্হি… ৰসীম্হি… তিস্সো ৰিজ্জা সচ্ছিকতা মযাতি সম্পজানমুসা ভণন্তস্স আপত্তি পারাজিকস্স।

Tīhākārehi tisso vijjā samāpajjiṃ… samāpajjāmi samāpanno… tissannaṃ vijjānaṃ lābhīmhi… vasīmhi… tisso vijjā sacchikatā mayāti sampajānamusā bhaṇantassa āpatti pārājikassa.

তীহাকারেহি চত্তারো সতিপট্ঠানে… চত্তারো সম্মপ্পধানে… চত্তারো ইদ্ধিপাদে সমাপজ্জিং… সমাপজ্জামি… সমাপন্নো… চতুন্নং ইদ্ধিপাদানং লাভীম্হি… ৰসীম্হি… চত্তারো ইদ্ধিপাদা সচ্ছিকতা মযাতি সম্পজানমুসা ভণন্তস্স আপত্তি পারাজিকস্স।

Tīhākārehi cattāro satipaṭṭhāne… cattāro sammappadhāne… cattāro iddhipāde samāpajjiṃ… samāpajjāmi… samāpanno… catunnaṃ iddhipādānaṃ lābhīmhi… vasīmhi… cattāro iddhipādā sacchikatā mayāti sampajānamusā bhaṇantassa āpatti pārājikassa.

তীহাকারেহি পঞ্চিন্দ্রিযানি… পঞ্চ বলানি সমাপজ্জিং… সমাপজ্জামি… সমাপন্নো … পঞ্চন্নং বলানং লাভীম্হি… ৰসীম্হি… পঞ্চবলানি সচ্ছিকতানি মযাতি সম্পজানমুসা ভণন্তস্স আপত্তি পারাজিকস্স।

Tīhākārehi pañcindriyāni… pañca balāni samāpajjiṃ… samāpajjāmi… samāpanno … pañcannaṃ balānaṃ lābhīmhi… vasīmhi… pañcabalāni sacchikatāni mayāti sampajānamusā bhaṇantassa āpatti pārājikassa.

তীহাকারেহি সত্ত বোজ্ঝঙ্গে সমাপজ্জিং… সমাপজ্জামি… সমাপন্নো… সত্তন্নং বোজ্ঝঙ্গানং লাভীম্হি… ৰসীম্হি… সত্ত বোজ্ঝঙ্গা সচ্ছিকতা মযাতি সম্পজানমুসা ভণন্তস্স আপত্তি পারাজিকস্স।

Tīhākārehi satta bojjhaṅge samāpajjiṃ… samāpajjāmi… samāpanno… sattannaṃ bojjhaṅgānaṃ lābhīmhi… vasīmhi… satta bojjhaṅgā sacchikatā mayāti sampajānamusā bhaṇantassa āpatti pārājikassa.

তীহাকারেহি অরিযং অট্ঠঙ্গিকং মগ্গং সমাপজ্জিং… সমাপজ্জামি… সমাপন্নো… অরিযস্স অট্ঠঙ্গিকস্স মগ্গস্স লাভীম্হি… ৰসীম্হি… অরিযো অট্ঠঙ্গিকো মগ্গো সচ্ছিকতো মযাতি সম্পজানমুসা ভণন্তস্স আপত্তি পারাজিকস্স।

Tīhākārehi ariyaṃ aṭṭhaṅgikaṃ maggaṃ samāpajjiṃ… samāpajjāmi… samāpanno… ariyassa aṭṭhaṅgikassa maggassa lābhīmhi… vasīmhi… ariyo aṭṭhaṅgiko maggo sacchikato mayāti sampajānamusā bhaṇantassa āpatti pārājikassa.

তীহাকারেহি সোতাপত্তিফলং… সকদাগামিফলং… অনাগামিফলং… অরহত্তং সমাপজ্জিং… সমাপজ্জামি… সমাপন্নো… অরহত্তস্স লাভীম্হি ৰসীম্হি অরহত্তং সচ্ছিকতং মযাতি সম্পজানমুসা ভণন্তস্স আপত্তি পারাজিকস্স ।

Tīhākārehi sotāpattiphalaṃ… sakadāgāmiphalaṃ… anāgāmiphalaṃ… arahattaṃ samāpajjiṃ… samāpajjāmi… samāpanno… arahattassa lābhīmhi vasīmhi arahattaṃ sacchikataṃ mayāti sampajānamusā bhaṇantassa āpatti pārājikassa .

তীহাকারেহি রাগো মে চত্তো ৰন্তো মুত্তো পহীনো পটিনিস্সট্ঠো উক্খেটিতো সমুক্খেটিতোতি সম্পজানমুসা ভণন্তস্স আপত্তি পারাজিকস্স।

Tīhākārehi rāgo me catto vanto mutto pahīno paṭinissaṭṭho ukkheṭito samukkheṭitoti sampajānamusā bhaṇantassa āpatti pārājikassa.

তীহাকারেহি দোসো মে চত্তো ৰন্তো মুত্তো পহীনো পটিনিস্সট্ঠো উক্খেটিতো সমুক্খেটিতোতি সম্পজানমুসা ভণন্তস্স আপত্তি পারাজিকস্স।

Tīhākārehi doso me catto vanto mutto pahīno paṭinissaṭṭho ukkheṭito samukkheṭitoti sampajānamusā bhaṇantassa āpatti pārājikassa.

তীহাকারেহি মোহো মে চত্তো ৰন্তো মুত্তো পহীনো পটিনিস্সট্ঠো উক্খেটিতো সমুক্খেটিতোতি সম্পজানমুসা ভণন্তস্স আপত্তি পারাজিকস্স।

Tīhākārehi moho me catto vanto mutto pahīno paṭinissaṭṭho ukkheṭito samukkheṭitoti sampajānamusā bhaṇantassa āpatti pārājikassa.

তীহাকারেহি রাগা মে চিত্তং ৰিনীৰরণন্তি সম্পজানমুসা ভণন্তস্স আপত্তি পারাজিকস্স।

Tīhākārehi rāgā me cittaṃ vinīvaraṇanti sampajānamusā bhaṇantassa āpatti pārājikassa.

তীহাকারেহি দোসা মে চিত্তং ৰিনীৰরণন্তি সম্পজানমুসা ভণন্তস্স আপত্তি পারাজিকস্স।

Tīhākārehi dosā me cittaṃ vinīvaraṇanti sampajānamusā bhaṇantassa āpatti pārājikassa.

তীহাকারেহি …পে॰… সত্তহাকারেহি মোহা মে চিত্তং ৰিনীৰরণন্তি সম্পজানমুসা ভণন্তস্স আপত্তি পারাজিকস্স – পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং, ৰিনিধায ভাৰং।

Tīhākārehi …pe… sattahākārehi mohā me cittaṃ vinīvaraṇanti sampajānamusā bhaṇantassa āpatti pārājikassa – pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.

সুদ্ধিকং নিট্ঠিতং।

Suddhikaṃ niṭṭhitaṃ.

২০৮. তীহাকারেহি পঠমঞ্চ ঝানং দুতিযঞ্চ ঝানং সমাপজ্জিং… সমাপজ্জামি… সমাপন্নো… পঠমস্স চ ঝানস্স দুতিযস্স চ ঝানস্স লাভীম্হি… ৰসীম্হি… পঠমঞ্চ ঝানং দুতিযঞ্চ ঝানং সচ্ছিকতং মযাতি সম্পজানমুসা ভণন্তস্স আপত্তি পারাজিকস্স…পে॰…।

208. Tīhākārehi paṭhamañca jhānaṃ dutiyañca jhānaṃ samāpajjiṃ… samāpajjāmi… samāpanno… paṭhamassa ca jhānassa dutiyassa ca jhānassa lābhīmhi… vasīmhi… paṭhamañca jhānaṃ dutiyañca jhānaṃ sacchikataṃ mayāti sampajānamusā bhaṇantassa āpatti pārājikassa…pe….

তীহাকারেহি পঠমঞ্চ ঝানং ততিযঞ্চ ঝানং সমাপজ্জিং… সমাপজ্জামি… সমাপন্নো… পঠমস্স চ ঝানস্স ততিযস্স চ ঝানস্স লাভীম্হি… ৰসীম্হি… পঠমঞ্চ ঝানং ততিযঞ্চ ঝানং সচ্ছিকতং মযাতি সম্পজানমুসা ভণন্তস্স আপত্তি পারাজিকস্স।

Tīhākārehi paṭhamañca jhānaṃ tatiyañca jhānaṃ samāpajjiṃ… samāpajjāmi… samāpanno… paṭhamassa ca jhānassa tatiyassa ca jhānassa lābhīmhi… vasīmhi… paṭhamañca jhānaṃ tatiyañca jhānaṃ sacchikataṃ mayāti sampajānamusā bhaṇantassa āpatti pārājikassa.

তীহাকারেহি পঠমঞ্চ ঝানং চতুত্থঞ্চ ঝানং সমাপজ্জিং… সমাপজ্জামি… সমাপন্নো… পঠমস্স চ ঝানস্স চতুত্থস্স চ ঝানস্স লাভীম্হি… ৰসীম্হি… পঠমঞ্চ ঝানং চতুত্থঞ্চ ঝানং সচ্ছিকতং মযাতি সম্পজানমুসা ভণন্তস্স আপত্তি পারাজিকস্স।

Tīhākārehi paṭhamañca jhānaṃ catutthañca jhānaṃ samāpajjiṃ… samāpajjāmi… samāpanno… paṭhamassa ca jhānassa catutthassa ca jhānassa lābhīmhi… vasīmhi… paṭhamañca jhānaṃ catutthañca jhānaṃ sacchikataṃ mayāti sampajānamusā bhaṇantassa āpatti pārājikassa.

তীহাকারেহি পঠমঞ্চ ঝানং সুঞ্ঞতঞ্চ ৰিমোক্খং… পঠমঞ্চ ঝানং অনিমিত্তঞ্চ ৰিমোক্খং… পঠমঞ্চ ঝানং অপ্পণিহিতঞ্চ ৰিমোক্খং সমাপজ্জিং… সমাপজ্জামি… সমাপন্নো… পঠমস্স চ ঝানস্স অপ্পণিহিতস্স চ ৰিমোক্খস্স লাভীম্হি… ৰসীম্হি… পঠমঞ্চ ঝানং অপ্পণিহিতো চ ৰিমোক্খো সচ্ছিকতো মযাতি সম্পজানমুসা ভণন্তস্স আপত্তি পারাজিকস্স।

Tīhākārehi paṭhamañca jhānaṃ suññatañca vimokkhaṃ… paṭhamañca jhānaṃ animittañca vimokkhaṃ… paṭhamañca jhānaṃ appaṇihitañca vimokkhaṃ samāpajjiṃ… samāpajjāmi… samāpanno… paṭhamassa ca jhānassa appaṇihitassa ca vimokkhassa lābhīmhi… vasīmhi… paṭhamañca jhānaṃ appaṇihito ca vimokkho sacchikato mayāti sampajānamusā bhaṇantassa āpatti pārājikassa.

তীহাকারেহি পঠমঞ্চ ঝানং সুঞ্ঞতঞ্চ সমাধিং… পঠমঞ্চ ঝানং অনিমিত্তঞ্চ সমাধিং… পঠমঞ্চ ঝানং অপ্পণিহিতঞ্চ সমাধিং সমাপজ্জিং… সমাপজ্জামি… সমাপন্নো পঠমস্স চ ঝানস্স অপ্পণিহিতস্স চ সমাধিস্স লাভীম্হি… ৰসীম্হি… পঠমঞ্চ ঝানং অপ্পণিহিতো চ সমাধি সচ্ছিকতো মযাতি সম্পজানমুসা ভণন্তস্স আপত্তি পারাজিকস্স।

Tīhākārehi paṭhamañca jhānaṃ suññatañca samādhiṃ… paṭhamañca jhānaṃ animittañca samādhiṃ… paṭhamañca jhānaṃ appaṇihitañca samādhiṃ samāpajjiṃ… samāpajjāmi… samāpanno paṭhamassa ca jhānassa appaṇihitassa ca samādhissa lābhīmhi… vasīmhi… paṭhamañca jhānaṃ appaṇihito ca samādhi sacchikato mayāti sampajānamusā bhaṇantassa āpatti pārājikassa.

তীহাকারেহি পঠমঞ্চ ঝানং সুঞ্ঞতঞ্চ সমাপত্তিং… পঠমঞ্চ ঝানং অনিমিত্তঞ্চ সমাপত্তিং… পঠমঞ্চ ঝানং অপ্পণিহিতঞ্চ সমাপত্তিং সমাপজ্জিং… সমাপজ্জামি… সমাপন্নো পঠমস্স চ ঝানস্স অপ্পণিহিতায চ সমাপত্তিযা লাভীম্হি… ৰসীম্হি… পঠমঞ্চ ঝানং অপ্পণিহিতা চ সমাপত্তি সচ্ছিকতা মযাতি সম্পজানমুসা ভণন্তস্স আপত্তি পারাজিকস্স।

Tīhākārehi paṭhamañca jhānaṃ suññatañca samāpattiṃ… paṭhamañca jhānaṃ animittañca samāpattiṃ… paṭhamañca jhānaṃ appaṇihitañca samāpattiṃ samāpajjiṃ… samāpajjāmi… samāpanno paṭhamassa ca jhānassa appaṇihitāya ca samāpattiyā lābhīmhi… vasīmhi… paṭhamañca jhānaṃ appaṇihitā ca samāpatti sacchikatā mayāti sampajānamusā bhaṇantassa āpatti pārājikassa.

তীহাকারেহি পঠমঞ্চ ঝানং তিস্সো চ ৰিজ্জা সমাপজ্জিং… সমাপজ্জামি… সমাপন্নো… পঠমস্স চ ঝানস্স তিস্সন্নঞ্চ ৰিজ্জানং লাভীম্হি… ৰসীম্হি… পঠমঞ্চ ঝানং তিস্সো চ ৰিজ্জা সচ্ছিকতা মযাতি সম্পজানমুসা ভণন্তস্স আপত্তি পারাজিকস্স।

Tīhākārehi paṭhamañca jhānaṃ tisso ca vijjā samāpajjiṃ… samāpajjāmi… samāpanno… paṭhamassa ca jhānassa tissannañca vijjānaṃ lābhīmhi… vasīmhi… paṭhamañca jhānaṃ tisso ca vijjā sacchikatā mayāti sampajānamusā bhaṇantassa āpatti pārājikassa.

তীহাকারেহি পঠমঞ্চ ঝানং চত্তারো চ সতিপট্ঠানে… পঠমঞ্চ ঝানং চত্তারো চ সম্মপ্পধানে… পঠমঞ্চ ঝানং চত্তারো চ ইদ্ধিপাদে সমাপজ্জিং… সমাপজ্জামি… সমাপন্নো… পঠমস্স চ ঝানস্স চতুন্নঞ্চ ইদ্ধিপাদানং লাভীম্হি… ৰসীম্হি… পঠমঞ্চ ঝানং চত্তারো চ ইদ্ধিপাদা সচ্ছিকতা মযাতি সম্পজানমুসা ভণন্তস্স আপত্তি পারাজিকস্স।

Tīhākārehi paṭhamañca jhānaṃ cattāro ca satipaṭṭhāne… paṭhamañca jhānaṃ cattāro ca sammappadhāne… paṭhamañca jhānaṃ cattāro ca iddhipāde samāpajjiṃ… samāpajjāmi… samāpanno… paṭhamassa ca jhānassa catunnañca iddhipādānaṃ lābhīmhi… vasīmhi… paṭhamañca jhānaṃ cattāro ca iddhipādā sacchikatā mayāti sampajānamusā bhaṇantassa āpatti pārājikassa.

তীহাকারেহি পঠমঞ্চ ঝানং পঞ্চ চ ইন্দ্রিযানি… পঠমঞ্চ ঝানং পঞ্চ চ বলানি সমাপজ্জিং… সমাপজ্জামি… সমাপন্নো… পঠমস্স চ ঝানস্স পঞ্চন্নঞ্চ বলানং লাভীম্হি… ৰসীম্হি… পঠমঞ্চ ঝানং পঞ্চ চ বলানি সচ্ছিকতানি মযাতি সম্পজানমুসা ভণন্তস্স আপত্তি পারাজিকস্স।

Tīhākārehi paṭhamañca jhānaṃ pañca ca indriyāni… paṭhamañca jhānaṃ pañca ca balāni samāpajjiṃ… samāpajjāmi… samāpanno… paṭhamassa ca jhānassa pañcannañca balānaṃ lābhīmhi… vasīmhi… paṭhamañca jhānaṃ pañca ca balāni sacchikatāni mayāti sampajānamusā bhaṇantassa āpatti pārājikassa.

২০৯. তীহাকারেহি পঠমঞ্চ ঝানং সত্ত চ বোজ্ঝঙ্গে সমাপজ্জিং… সমাপজ্জামি… সমাপন্নো… পঠমস্স চ ঝানস্স সত্তন্নঞ্চ বোজ্ঝঙ্গানং লাভীম্হি… ৰসীম্হি… পঠমঞ্চ ঝানং সত্ত চ বোজ্ঝঙ্গা সচ্ছিকতা মযাতি সম্পজানমুসা ভণন্তস্স আপত্তি পারাজিকস্স।

209. Tīhākārehi paṭhamañca jhānaṃ satta ca bojjhaṅge samāpajjiṃ… samāpajjāmi… samāpanno… paṭhamassa ca jhānassa sattannañca bojjhaṅgānaṃ lābhīmhi… vasīmhi… paṭhamañca jhānaṃ satta ca bojjhaṅgā sacchikatā mayāti sampajānamusā bhaṇantassa āpatti pārājikassa.

তীহাকারেহি পঠমঞ্চ ঝানং অরিযঞ্চ অট্ঠঙ্গিকং মগ্গং সমাপজ্জিং… সমাপজ্জামি… সমাপন্নো… পঠমস্স চ ঝানস্স অরিযস্স চ অট্ঠঙ্গিকস্স মগ্গস্স লাভীম্হি ৰসীম্হি… পঠমঞ্চ ঝানং অরিযো চ অট্ঠঙ্গিকো মগ্গো সচ্ছিকতো মযাতি সম্পজানমুসা ভণন্তস্স আপত্তি পারাজিকস্স।

Tīhākārehi paṭhamañca jhānaṃ ariyañca aṭṭhaṅgikaṃ maggaṃ samāpajjiṃ… samāpajjāmi… samāpanno… paṭhamassa ca jhānassa ariyassa ca aṭṭhaṅgikassa maggassa lābhīmhi vasīmhi… paṭhamañca jhānaṃ ariyo ca aṭṭhaṅgiko maggo sacchikato mayāti sampajānamusā bhaṇantassa āpatti pārājikassa.

তীহাকারেহি পঠমঞ্চ ঝানং সোতাপত্তিফলঞ্চ… পঠমঞ্চ ঝানং সকদাগামিফলঞ্চ… পঠমঞ্চ ঝানং অনাগামিফলঞ্চ… পঠমঞ্চ ঝানং অরহত্তঞ্চ সমাপজ্জিং… সমাপজ্জামি… সমাপন্নো… পঠমস্স চ ঝানস্স অরহত্তস্স চ লাভীম্হি… ৰসীম্হি… পঠমঞ্চ ঝানং অরহত্তঞ্চ সচ্ছিকতং মযাতি সম্পজানমুসা ভণন্তস্স আপত্তি পারাজিকস্স।

Tīhākārehi paṭhamañca jhānaṃ sotāpattiphalañca… paṭhamañca jhānaṃ sakadāgāmiphalañca… paṭhamañca jhānaṃ anāgāmiphalañca… paṭhamañca jhānaṃ arahattañca samāpajjiṃ… samāpajjāmi… samāpanno… paṭhamassa ca jhānassa arahattassa ca lābhīmhi… vasīmhi… paṭhamañca jhānaṃ arahattañca sacchikataṃ mayāti sampajānamusā bhaṇantassa āpatti pārājikassa.

তীহাকারেহি পঠমঞ্চ ঝানং সমাপজ্জিং… সমাপজ্জামি… সমাপন্নো… পঠমস্স চ ঝানস্স লাভীম্হি… ৰসীম্হি… পঠমঞ্চ ঝানং সচ্ছিকতং মযা, রাগো চ মে চত্তো… দোসো চ মে চত্তো… মোহো চ মে চত্তো ৰন্তো মুত্তো পহীনো পটিনিস্সট্ঠো উক্খেটিতো সমুক্খেটিতোতি সম্পজানমুসা ভণন্তস্স আপত্তি পারাজিকস্স।

Tīhākārehi paṭhamañca jhānaṃ samāpajjiṃ… samāpajjāmi… samāpanno… paṭhamassa ca jhānassa lābhīmhi… vasīmhi… paṭhamañca jhānaṃ sacchikataṃ mayā, rāgo ca me catto… doso ca me catto… moho ca me catto vanto mutto pahīno paṭinissaṭṭho ukkheṭito samukkheṭitoti sampajānamusā bhaṇantassa āpatti pārājikassa.

তীহাকারেহি…পে॰… সত্তহাকারেহি পঠমঞ্চ ঝানং সমাপজ্জিং… সমাপজ্জামি… সমাপন্নো… পঠমস্স চ ঝানস্স লাভীম্হি… ৰসীম্হি… পঠমঞ্চ ঝানং সচ্ছিকতং মযা, রাগা চ মে চিত্তং ৰিনীৰরণং… দোসা চ মে চিত্তং ৰিনীৰরণং… মোহা চ মে চিত্তং ৰিনীৰরণন্তি সম্পজানমুসা ভণন্তস্স আপত্তি পারাজিকস্স। পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং, ৰিনিধায ভাৰং।

Tīhākārehi…pe… sattahākārehi paṭhamañca jhānaṃ samāpajjiṃ… samāpajjāmi… samāpanno… paṭhamassa ca jhānassa lābhīmhi… vasīmhi… paṭhamañca jhānaṃ sacchikataṃ mayā, rāgā ca me cittaṃ vinīvaraṇaṃ… dosā ca me cittaṃ vinīvaraṇaṃ… mohā ca me cittaṃ vinīvaraṇanti sampajānamusā bhaṇantassa āpatti pārājikassa. Pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.

খণ্ডচক্কং নিট্ঠিতং।

Khaṇḍacakkaṃ niṭṭhitaṃ.

২১০. তীহাকারেহি দুতিযঞ্চ ঝানং ততিযঞ্চ ঝানং সমাপজ্জিং… সমাপজ্জামি… সমাপন্নো… দুতিযস্স চ ঝানস্স ততিযস্স চ ঝানস্স লাভীম্হি… ৰসীম্হি… দুতিযঞ্চ ঝানং ততিযঞ্চ ঝানং সচ্ছিকতং মযাতি সম্পজানমুসা ভণন্তস্স আপত্তি পারাজিকস্স।

210. Tīhākārehi dutiyañca jhānaṃ tatiyañca jhānaṃ samāpajjiṃ… samāpajjāmi… samāpanno… dutiyassa ca jhānassa tatiyassa ca jhānassa lābhīmhi… vasīmhi… dutiyañca jhānaṃ tatiyañca jhānaṃ sacchikataṃ mayāti sampajānamusā bhaṇantassa āpatti pārājikassa.

তীহাকারেহি দুতিযঞ্চ ঝানং চতুত্থঞ্চ ঝানং সমাপজ্জিং… সমাপজ্জামি… সমাপন্নো… দুতিযস্স চ ঝানস্স চতুত্থস্স চ ঝানস্স লাভীম্হি… ৰসীম্হি… দুতিযঞ্চ ঝানং চতুত্থঞ্চ ঝানং সচ্ছিকতং মযাতি সম্পজানমুসা ভণন্তস্স আপত্তি পারাজিকস্স।

Tīhākārehi dutiyañca jhānaṃ catutthañca jhānaṃ samāpajjiṃ… samāpajjāmi… samāpanno… dutiyassa ca jhānassa catutthassa ca jhānassa lābhīmhi… vasīmhi… dutiyañca jhānaṃ catutthañca jhānaṃ sacchikataṃ mayāti sampajānamusā bhaṇantassa āpatti pārājikassa.

তীহাকারেহি দুতিযঞ্চ ঝানং সুঞ্ঞতঞ্চ ৰিমোক্খং… অনিমিত্তঞ্চ ৰিমোক্খং… অপ্পণিহিতঞ্চ ৰিমোক্খং… সুঞ্ঞতঞ্চ সমাধিং… অনিমিত্তঞ্চ সমাধিং… অপ্পণিহিতঞ্চ সমাধিং… সুঞ্ঞতঞ্চ সমাপত্তিং… অনিমিত্তঞ্চ সমাপত্তিং… অপ্পণিহিতঞ্চ সমাপত্তিং… তিস্সো চ ৰিজ্জা… চত্তারো চ সতিপট্ঠানে… চত্তারো চ সম্মপ্পধানে… চত্তারো চ ইদ্ধিপাদে… পঞ্চ চ ইন্দ্রিযানি… পঞ্চ চ বলানি… সত্ত চ বোজ্ঝঙ্গে… অরিযঞ্চ অট্ঠঙ্গিকং মগ্গং… সোতাপত্তিফলঞ্চ… সকদাগামিফলঞ্চ… অনাগামিফলঞ্চ… অরহত্তঞ্চ সমাপজ্জিং… সমাপজ্জামি… সমাপন্নো… দুতিযস্স চ ঝানস্স অরহত্তস্স চ লাভীম্হি… ৰসীম্হি… দুতিযঞ্চ ঝানং অরহত্তঞ্চ সচ্ছিকতং মযাতি সম্পজানমুসা ভণন্তস্স আপত্তি পারাজিকস্স।

Tīhākārehi dutiyañca jhānaṃ suññatañca vimokkhaṃ… animittañca vimokkhaṃ… appaṇihitañca vimokkhaṃ… suññatañca samādhiṃ… animittañca samādhiṃ… appaṇihitañca samādhiṃ… suññatañca samāpattiṃ… animittañca samāpattiṃ… appaṇihitañca samāpattiṃ… tisso ca vijjā… cattāro ca satipaṭṭhāne… cattāro ca sammappadhāne… cattāro ca iddhipāde… pañca ca indriyāni… pañca ca balāni… satta ca bojjhaṅge… ariyañca aṭṭhaṅgikaṃ maggaṃ… sotāpattiphalañca… sakadāgāmiphalañca… anāgāmiphalañca… arahattañca samāpajjiṃ… samāpajjāmi… samāpanno… dutiyassa ca jhānassa arahattassa ca lābhīmhi… vasīmhi… dutiyañca jhānaṃ arahattañca sacchikataṃ mayāti sampajānamusā bhaṇantassa āpatti pārājikassa.

তীহাকারেহি দুতিযঞ্চ ঝানং সমাপজ্জিং… সমাপজ্জামি… সমাপন্নো… দুতিযস্স চ ঝানস্স লাভীম্হি… ৰসীম্হি… দুতিযঞ্চ ঝানং সচ্ছিকতং মযা, রাগো চ মে চত্তো… দোসো চ মে চত্তো… মোহো চ মে চত্তো ৰন্তো মুত্তো পহীনো পটিনিস্সট্ঠো উক্খেটিতো সমুক্খেটিতো। রাগা চ মে চিত্তং ৰিনীৰরণং… দোসা চ মে চিত্তং ৰিনীৰরণং… মোহা চ মে চিত্তং ৰিনীৰরণন্তি সম্পজানমুসা ভণন্তস্স আপত্তি পারাজিকস্স।

Tīhākārehi dutiyañca jhānaṃ samāpajjiṃ… samāpajjāmi… samāpanno… dutiyassa ca jhānassa lābhīmhi… vasīmhi… dutiyañca jhānaṃ sacchikataṃ mayā, rāgo ca me catto… doso ca me catto… moho ca me catto vanto mutto pahīno paṭinissaṭṭho ukkheṭito samukkheṭito. Rāgā ca me cittaṃ vinīvaraṇaṃ… dosā ca me cittaṃ vinīvaraṇaṃ… mohā ca me cittaṃ vinīvaraṇanti sampajānamusā bhaṇantassa āpatti pārājikassa.

তীহাকারেহি …পে॰… সত্তহাকারেহি দুতিযঞ্চ ঝানং পঠমঞ্চ ঝানং সমাপজ্জিং… সমাপজ্জামি… সমাপন্নো… দুতিযস্স চ ঝানস্স পঠমস্স চ ঝানস্স লাভীম্হি… ৰসীম্হি… দুতিযঞ্চ ঝানং পঠমঞ্চ ঝানং সচ্ছিকতং মযাতি সম্পজানমুসা ভণন্তস্স আপত্তি পারাজিকস্স…পে॰… ৰিনিধায ভাৰং।

Tīhākārehi …pe… sattahākārehi dutiyañca jhānaṃ paṭhamañca jhānaṃ samāpajjiṃ… samāpajjāmi… samāpanno… dutiyassa ca jhānassa paṭhamassa ca jhānassa lābhīmhi… vasīmhi… dutiyañca jhānaṃ paṭhamañca jhānaṃ sacchikataṃ mayāti sampajānamusā bhaṇantassa āpatti pārājikassa…pe… vinidhāya bhāvaṃ.

বদ্ধচক্কং।

Baddhacakkaṃ.

এৰং একেকং মূলং কাতুন বদ্ধচক্কং পরিৰত্তকং কত্তব্বং।

Evaṃ ekekaṃ mūlaṃ kātuna baddhacakkaṃ parivattakaṃ kattabbaṃ.

ইদং সংখিত্তং।

Idaṃ saṃkhittaṃ.

২১১. তীহাকারেহি ততিযঞ্চ ঝানং চতুত্থঞ্চ ঝানং…পে॰… ততিযঞ্চ ঝানং অরহত্তঞ্চ সমাপজ্জিং… সমাপজ্জামি… সমাপন্নো… ততিযস্স চ ঝানস্স অরহত্তস্স চ লাভীম্হি… ৰসীম্হি… ততিযঞ্চ ঝানং অরহত্তঞ্চ সচ্ছিকতং মযাতি সম্পজানমুসা ভণন্তস্স আপত্তি পারাজিকস্স।

211. Tīhākārehi tatiyañca jhānaṃ catutthañca jhānaṃ…pe… tatiyañca jhānaṃ arahattañca samāpajjiṃ… samāpajjāmi… samāpanno… tatiyassa ca jhānassa arahattassa ca lābhīmhi… vasīmhi… tatiyañca jhānaṃ arahattañca sacchikataṃ mayāti sampajānamusā bhaṇantassa āpatti pārājikassa.

তীহাকারেহি ততিযঞ্চ ঝানং সমাপজ্জিং… সমাপজ্জামি… সমাপন্নো… ততিযস্স চ ঝানস্স লাভীম্হি… ৰসীম্হি… ততিযঞ্চ ঝানং সচ্ছিকতং মযা, রাগো চ মে চত্তো… দোসো চ মে চত্তো… মোহো চ মে চত্তো ৰন্তো মুত্তো পহীনো পটিনিস্সট্ঠো উক্খেটিতো সমুক্খেটিতো। রাগা চ মে চিত্তং ৰিনীৰরণং… দোসা চ মে চিত্তং ৰিনীৰরণং… মোহা চ মে চিত্তং ৰিনীৰরণন্তি সম্পজানমুসা ভণন্তস্স আপত্তি পারাজিকস্স।

Tīhākārehi tatiyañca jhānaṃ samāpajjiṃ… samāpajjāmi… samāpanno… tatiyassa ca jhānassa lābhīmhi… vasīmhi… tatiyañca jhānaṃ sacchikataṃ mayā, rāgo ca me catto… doso ca me catto… moho ca me catto vanto mutto pahīno paṭinissaṭṭho ukkheṭito samukkheṭito. Rāgā ca me cittaṃ vinīvaraṇaṃ… dosā ca me cittaṃ vinīvaraṇaṃ… mohā ca me cittaṃ vinīvaraṇanti sampajānamusā bhaṇantassa āpatti pārājikassa.

তীহাকারেহি ততিযঞ্চ ঝানং পঠমঞ্চ ঝানং… ততিযঞ্চ ঝানং দুতিযঞ্চ ঝানং সমাপজ্জিং… সমাপজ্জামি… সমাপন্নো… ততিযস্স চ ঝানস্স দুতিযস্স চ ঝানস্স লাভীম্হি… ৰসীম্হি… ততিযঞ্চ ঝানং দুতিযঞ্চ ঝানং সচ্ছিকতং মযাতি সম্পজানমুসা ভণন্তস্স আপত্তি পারাজিকস্স।

Tīhākārehi tatiyañca jhānaṃ paṭhamañca jhānaṃ… tatiyañca jhānaṃ dutiyañca jhānaṃ samāpajjiṃ… samāpajjāmi… samāpanno… tatiyassa ca jhānassa dutiyassa ca jhānassa lābhīmhi… vasīmhi… tatiyañca jhānaṃ dutiyañca jhānaṃ sacchikataṃ mayāti sampajānamusā bhaṇantassa āpatti pārājikassa.

তীকারেহি মোহা চ মে চিত্তং ৰিনীৰরণং পঠমঞ্চ ঝানং…পে॰… দুতিযঞ্চ ঝানং… ততিযঞ্চ ঝানং… চতুত্থঞ্চ ঝানং সমাপজ্জিং সমাপজ্জামি… সমাপন্নো… মোহা চ মে চিত্তং ৰিনীৰরণং চতুত্থস্স চ ঝানস্স লাভীম্হি… ৰসীম্হি… মোহা চ মে চিত্তং ৰিনীৰরণং চতুত্থঞ্চ ঝানং সচ্ছিকতং মযাতি সম্পজানমুসা ভণন্তস্স আপত্তি পারাজিকস্স।

Tīkārehi mohā ca me cittaṃ vinīvaraṇaṃ paṭhamañca jhānaṃ…pe… dutiyañca jhānaṃ… tatiyañca jhānaṃ… catutthañca jhānaṃ samāpajjiṃ samāpajjāmi… samāpanno… mohā ca me cittaṃ vinīvaraṇaṃ catutthassa ca jhānassa lābhīmhi… vasīmhi… mohā ca me cittaṃ vinīvaraṇaṃ catutthañca jhānaṃ sacchikataṃ mayāti sampajānamusā bhaṇantassa āpatti pārājikassa.

২১২. তীহাকারেহি মোহা চ মে চিত্তং ৰিনীৰরণং সুঞ্ঞতঞ্চ ৰিমোক্খং… অনিমিত্তঞ্চ ৰিমোক্খং… অপ্পণিহিতঞ্চ ৰিমোক্খং সমাপজ্জিং… সমাপজ্জামি… সমাপন্নো… মোহা চ মে চিত্তং ৰিনীৰরণং অপ্পণিহিতস্স চ ৰিমোক্খস্স লাভীম্হি… ৰসীম্হি… মোহা চ মে চিত্তং ৰিনীৰরণং অপ্পণিহিতো চ ৰিমোক্খো সচ্ছিকতো মযাতি সম্পজানমুসা ভণন্তস্স আপত্তি পারাজিকস্স।

212. Tīhākārehi mohā ca me cittaṃ vinīvaraṇaṃ suññatañca vimokkhaṃ… animittañca vimokkhaṃ… appaṇihitañca vimokkhaṃ samāpajjiṃ… samāpajjāmi… samāpanno… mohā ca me cittaṃ vinīvaraṇaṃ appaṇihitassa ca vimokkhassa lābhīmhi… vasīmhi… mohā ca me cittaṃ vinīvaraṇaṃ appaṇihito ca vimokkho sacchikato mayāti sampajānamusā bhaṇantassa āpatti pārājikassa.

তীহাকারেহি মোহা চ মে চিত্তং ৰিনীৰরণং সুঞ্ঞতঞ্চ সমাধিং… অনিমিত্তঞ্চ সমাধিং… অপ্পণিহিতঞ্চ সমাধিং সমাপজ্জিং… সমাপজ্জামি… সমাপন্নো… মোহা চ মে চিত্তং ৰিনীৰরণং অপ্পণিহিতস্স চ সমাধিস্স লাভীম্হি… ৰসীম্হি… মোহা চ মে চিত্তং ৰিনীৰরণং অপ্পণিহিতো চ সমাধি সচ্ছিকতো মযাতি সম্পজানমুসা ভণন্তস্স আপত্তি পারাজিকস্স।

Tīhākārehi mohā ca me cittaṃ vinīvaraṇaṃ suññatañca samādhiṃ… animittañca samādhiṃ… appaṇihitañca samādhiṃ samāpajjiṃ… samāpajjāmi… samāpanno… mohā ca me cittaṃ vinīvaraṇaṃ appaṇihitassa ca samādhissa lābhīmhi… vasīmhi… mohā ca me cittaṃ vinīvaraṇaṃ appaṇihito ca samādhi sacchikato mayāti sampajānamusā bhaṇantassa āpatti pārājikassa.

তীহাকারেহি মোহা চ মে চিত্তং ৰিনীৰরণং সুঞ্ঞতঞ্চ সমাপত্তিং… অনিমিত্তঞ্চ সমাপত্তিং… অপ্পণিহিতঞ্চ সমাপত্তিং সমাপজ্জিং সমাপজ্জামি… সমাপন্নো… মোহা চ মে চিত্তং ৰিনীৰরণং অপ্পণিহিতায চ সমাপত্তিযা লাভীম্হি… ৰসীম্হি… মোহা চ মে চিত্তং ৰিনীৰরণং অপ্পণিহিতা চ সমাপত্তি সচ্ছিকতা মযাতি সম্পজানমুসা ভণন্তস্স আপত্তি পারাজিকস্স।

Tīhākārehi mohā ca me cittaṃ vinīvaraṇaṃ suññatañca samāpattiṃ… animittañca samāpattiṃ… appaṇihitañca samāpattiṃ samāpajjiṃ samāpajjāmi… samāpanno… mohā ca me cittaṃ vinīvaraṇaṃ appaṇihitāya ca samāpattiyā lābhīmhi… vasīmhi… mohā ca me cittaṃ vinīvaraṇaṃ appaṇihitā ca samāpatti sacchikatā mayāti sampajānamusā bhaṇantassa āpatti pārājikassa.

তীহাকারেহি মোহা চ মে চিত্তং ৰিনীৰরণং তিস্সো চ ৰিজ্জা সমাপজ্জিং… সমাপজ্জামি… সমাপন্নো… ‘মোহা চ মে চিত্তং ৰিনীৰরণং তিস্সন্নঞ্চ ৰিজ্জানং লাভীম্হি… ৰসীম্হি… মোহা চ মে চিত্তং ৰিনীৰরণং তিস্সো চ ৰিজ্জা সচ্ছিকতা মযাতি সম্পজানমুসা ভণন্তস্স আপত্তি পারাজিকস্স।

Tīhākārehi mohā ca me cittaṃ vinīvaraṇaṃ tisso ca vijjā samāpajjiṃ… samāpajjāmi… samāpanno… ‘mohā ca me cittaṃ vinīvaraṇaṃ tissannañca vijjānaṃ lābhīmhi… vasīmhi… mohā ca me cittaṃ vinīvaraṇaṃ tisso ca vijjā sacchikatā mayāti sampajānamusā bhaṇantassa āpatti pārājikassa.

তীহাকারেহি মোহা চ মে চিত্তং ৰিনীৰরণং চত্তারো চ সতিপট্ঠানে… চত্তারো চ সম্মপ্পধানে… চত্তারো চ ইদ্ধিপাদে সমাপজ্জিং… সমাপজ্জামি… সমাপন্নো… মোহা চ মে চিত্তং ৰিনীৰরণং চতুন্নঞ্চ ইদ্ধিপাদানং লাভীম্হি… ৰসীম্হি… মোহা চ মে চিত্তং ৰিনীৰরণং চত্তারো চ ইদ্ধিপাদা সচ্ছিকতা মযাতি সম্পজানমুসা ভণন্তস্স আপত্তি পারাজিকস্স।

Tīhākārehi mohā ca me cittaṃ vinīvaraṇaṃ cattāro ca satipaṭṭhāne… cattāro ca sammappadhāne… cattāro ca iddhipāde samāpajjiṃ… samāpajjāmi… samāpanno… mohā ca me cittaṃ vinīvaraṇaṃ catunnañca iddhipādānaṃ lābhīmhi… vasīmhi… mohā ca me cittaṃ vinīvaraṇaṃ cattāro ca iddhipādā sacchikatā mayāti sampajānamusā bhaṇantassa āpatti pārājikassa.

২১৩. তীহাকারেহি মোহা চ মে চিত্তং ৰিনীৰরণং পঞ্চ চ ইন্দ্রিযানি… পঞ্চ চ বলানি সমাপজ্জিং… সমাপজ্জামি… সমাপন্নো… মোহা চ মে চিত্তং ৰিনীৰরণং পঞ্চন্নঞ্চ বলানং লাভীম্হি… ৰসীম্হি… মোহা চ মে চিত্তং ৰিনীৰরণং পঞ্চ চ বলানি সচ্ছিকতানি মযাতি সম্পজানমুসা ভণন্তস্স আপত্তি পারাজিকস্স।

213. Tīhākārehi mohā ca me cittaṃ vinīvaraṇaṃ pañca ca indriyāni… pañca ca balāni samāpajjiṃ… samāpajjāmi… samāpanno… mohā ca me cittaṃ vinīvaraṇaṃ pañcannañca balānaṃ lābhīmhi… vasīmhi… mohā ca me cittaṃ vinīvaraṇaṃ pañca ca balāni sacchikatāni mayāti sampajānamusā bhaṇantassa āpatti pārājikassa.

তীহাকারেহি মোহা চ মে চিত্তং ৰিনীৰরণং সত্ত চ বোজ্ঝঙ্গে সমাপজ্জিং… সমাপজ্জামি… সমাপন্নো… মোহা চ মে চিত্তং ৰিনীৰরণং সত্তন্নঞ্চ বোজ্ঝঙ্গানং লাভীম্হি … ৰসীম্হি… মোহা চ মে চিত্তং ৰিনীৰরণং সত্ত চ বোজ্ঝঙ্গা সচ্ছিকতা মযাতি সম্পজানমুসা ভণন্তস্স আপত্তি পারাজিকস্স।

Tīhākārehi mohā ca me cittaṃ vinīvaraṇaṃ satta ca bojjhaṅge samāpajjiṃ… samāpajjāmi… samāpanno… mohā ca me cittaṃ vinīvaraṇaṃ sattannañca bojjhaṅgānaṃ lābhīmhi … vasīmhi… mohā ca me cittaṃ vinīvaraṇaṃ satta ca bojjhaṅgā sacchikatā mayāti sampajānamusā bhaṇantassa āpatti pārājikassa.

তীহাকারেহি মোহা চ মে চিত্তং ৰিনীৰরণং অরিযঞ্চ অট্ঠঙ্গিকং মগ্গং সমাপজ্জিং… সমাপজ্জামি… সমাপন্নো… মোহা চ মে চিত্তং ৰিনীৰরণং অরিযস্স চ অট্ঠঙ্গিকস্স মগ্গস্স লাভীম্হি… ৰসীম্হি… মোহা চ মে চিত্তং ৰিনীৰরণং অরিযো চ অট্ঠঙ্গিকো মগ্গো সচ্ছিকতো মযাতি সম্পজানমুসা ভণন্তস্স আপত্তি পারাজিকস্স।

Tīhākārehi mohā ca me cittaṃ vinīvaraṇaṃ ariyañca aṭṭhaṅgikaṃ maggaṃ samāpajjiṃ… samāpajjāmi… samāpanno… mohā ca me cittaṃ vinīvaraṇaṃ ariyassa ca aṭṭhaṅgikassa maggassa lābhīmhi… vasīmhi… mohā ca me cittaṃ vinīvaraṇaṃ ariyo ca aṭṭhaṅgiko maggo sacchikato mayāti sampajānamusā bhaṇantassa āpatti pārājikassa.

তীহাকারেহি মোহা চ মে চিত্তং ৰিনীৰরণং সোতাপত্তিফলঞ্চ… সকদাগামিফলঞ্চ… অনাগামিফলঞ্চ… অরহত্তঞ্চ সমাপজ্জিং… সমাপজ্জামি… সমাপন্নো… মোহা চ মে চিত্তং ৰিনীৰরণং অরহত্তস্স চ লাভীম্হি… ৰসীম্হি… মোহা চ মে চিত্তং ৰিনীৰরণং অরহত্তঞ্চ সচ্ছিকতং মযাতি সম্পজানমুসা ভণন্তস্স আপত্তি পারাজিকস্স।

Tīhākārehi mohā ca me cittaṃ vinīvaraṇaṃ sotāpattiphalañca… sakadāgāmiphalañca… anāgāmiphalañca… arahattañca samāpajjiṃ… samāpajjāmi… samāpanno… mohā ca me cittaṃ vinīvaraṇaṃ arahattassa ca lābhīmhi… vasīmhi… mohā ca me cittaṃ vinīvaraṇaṃ arahattañca sacchikataṃ mayāti sampajānamusā bhaṇantassa āpatti pārājikassa.

তীহাকারেহি মোহা চ মে চিত্তং ৰিনীৰরণং, রাগো চ মে চত্তো… দোসো চ মে চত্তো… মোহো চ মে চত্তো ৰন্তো মুত্তো পহীনো পটিনিস্সট্ঠো উক্খেটিতো সমুক্খেটিতোতি সম্পজানমুসা ভণন্তস্স আপত্তি পারাজিকস্স।

Tīhākārehi mohā ca me cittaṃ vinīvaraṇaṃ, rāgo ca me catto… doso ca me catto… moho ca me catto vanto mutto pahīno paṭinissaṭṭho ukkheṭito samukkheṭitoti sampajānamusā bhaṇantassa āpatti pārājikassa.

তীহাকারেহি…পে॰… সত্তহাকারেহি মোহা চ মে চিত্তং ৰিনীৰরণং রাগা চ মে চিত্তং ৰিনীৰরণং… দোসা চ মে চিত্তং ৰিনীৰরণন্তি সম্পজানমুসা ভণন্তস্স আপত্তি পারাজিকস্স পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং, ৰিনিধায ভাৰং।

Tīhākārehi…pe… sattahākārehi mohā ca me cittaṃ vinīvaraṇaṃ rāgā ca me cittaṃ vinīvaraṇaṃ… dosā ca me cittaṃ vinīvaraṇanti sampajānamusā bhaṇantassa āpatti pārājikassa pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.

একমূলকং নিট্ঠিতং। ⁴³

Ekamūlakaṃ niṭṭhitaṃ. ⁴⁴

যথা একমূলকং ৰিত্থারিতং এৰমেৰ দুমূলকাদিপি ৰিত্থারেতব্বং।

Yathā ekamūlakaṃ vitthāritaṃ evameva dumūlakādipi vitthāretabbaṃ.

ইদং সব্বমূলকং

Idaṃ sabbamūlakaṃ

২১৪. তীহাকারেহি …পে॰… সত্তহাকারেহি পঠমঞ্চ ঝানং দুতিযঞ্চ ঝানং ততিযঞ্চ ঝানং চতুত্থঞ্চ ঝানং সুঞ্ঞতঞ্চ ৰিমোক্খং অনিমিত্তঞ্চ ৰিমোক্খং অপ্পণিহিতঞ্চ ৰিমোক্খং সুঞ্ঞতঞ্চ সমাধিং অনিমিত্তঞ্চ সমাধিং অপ্পণিহিতঞ্চ সমাধিং সুঞ্ঞতঞ্চ সমাপত্তিং অনিমিত্তঞ্চ সমাপত্তিং অপ্পণিহিতঞ্চ সমাপত্তিং তিস্সো চ ৰিজ্জা চত্তারো চ সতিপট্ঠানে চত্তারো চ সম্মপ্পধানে চত্তারো চ ইদ্ধিপাদে পঞ্চ চ ইন্দ্রিযানি পঞ্চ চ বলানি সত্ত চ বোজ্ঝঙ্গে অরিযঞ্চ অট্ঠঙ্গিকং মগ্গং সোতাপত্তিফলঞ্চ সকদাগামিফলঞ্চ অনাগামিফলঞ্চ অরহত্তঞ্চ সমাপজ্জিং… সমাপজ্জামি… সমাপন্নো…পে॰… রাগো চ মে চত্তো, দোসো চ মে চত্তো, মোহো চ মে চত্তো ৰন্তো মুত্তো পহীনো পটিনিস্সট্ঠো উক্খেটিতো সমুক্খেটিতো। রাগা চ মে চিত্তং ৰিনীৰরণং, দোসা চ মে চিত্তং ৰিনীৰরণং, মোহা চ মে চিত্তং ৰিনীৰরণন্তি সম্পজানমুসা ভণন্তস্স আপত্তি পারাজিকস্স। পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং, ৰিনিধায ভাৰং।

214. Tīhākārehi …pe… sattahākārehi paṭhamañca jhānaṃ dutiyañca jhānaṃ tatiyañca jhānaṃ catutthañca jhānaṃ suññatañca vimokkhaṃ animittañca vimokkhaṃ appaṇihitañca vimokkhaṃ suññatañca samādhiṃ animittañca samādhiṃ appaṇihitañca samādhiṃ suññatañca samāpattiṃ animittañca samāpattiṃ appaṇihitañca samāpattiṃ tisso ca vijjā cattāro ca satipaṭṭhāne cattāro ca sammappadhāne cattāro ca iddhipāde pañca ca indriyāni pañca ca balāni satta ca bojjhaṅge ariyañca aṭṭhaṅgikaṃ maggaṃ sotāpattiphalañca sakadāgāmiphalañca anāgāmiphalañca arahattañca samāpajjiṃ… samāpajjāmi… samāpanno…pe… rāgo ca me catto, doso ca me catto, moho ca me catto vanto mutto pahīno paṭinissaṭṭho ukkheṭito samukkheṭito. Rāgā ca me cittaṃ vinīvaraṇaṃ, dosā ca me cittaṃ vinīvaraṇaṃ, mohā ca me cittaṃ vinīvaraṇanti sampajānamusā bhaṇantassa āpatti pārājikassa. Pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.

সব্বমূলকং নিট্ঠিতং।

Sabbamūlakaṃ niṭṭhitaṃ.

সুদ্ধিকৰারকথা নিট্ঠিতা।

Suddhikavārakathā niṭṭhitā.

২১৫. তীহাকারেহি পঠমং ঝানং সমাপজ্জিন্তি ৰত্তুকামো দুতিযং ঝানং সমাপজ্জিন্তি সম্পজানমুসা ভণন্তস্স পটিৰিজানন্তস্স আপত্তি পারাজিকস্স; ন পটিৰিজানন্তস্স আপত্তি থুল্লচ্চযস্স।

215. Tīhākārehi paṭhamaṃ jhānaṃ samāpajjinti vattukāmo dutiyaṃ jhānaṃ samāpajjinti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa.

তীহাকারেহি পঠমং ঝানং সমাপজ্জিন্তি ৰত্তুকামো ততিযং ঝানং সমাপজ্জিন্তি সম্পজানমুসা ভণন্তস্স পটিৰিজানন্তস্স আপত্তি পারাজিকস্স; ন পটিৰিজানন্তস্স আপত্তি থুল্লচ্চযস্স।

Tīhākārehi paṭhamaṃ jhānaṃ samāpajjinti vattukāmo tatiyaṃ jhānaṃ samāpajjinti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa.

তীহাকারেহি পঠমং ঝানং সমাপজ্জিন্তি ৰত্তুকামো চতুত্থং ঝানং সমাপজ্জিন্তি সম্পজানমুসা ভণন্তস্স পটিৰিজানন্তস্স আপত্তি পারাজিকস্স; ন পটিৰিজানন্তস্স আপত্তি থুল্লচ্চযস্স।

Tīhākārehi paṭhamaṃ jhānaṃ samāpajjinti vattukāmo catutthaṃ jhānaṃ samāpajjinti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa.

তীহাকারেহি …পে॰… সত্তহাকারেহি পঠমং ঝানং সমাপজ্জিন্তি ৰত্তুকামো সুঞ্ঞতং ৰিমোক্খং… অনিমিত্তং ৰিমোক্খং… অপ্পণিহিতং ৰিমোক্খং… সুঞ্ঞতং সমাধিং… অনিমিত্তং সমাধিং… অপ্পণিহিতং সমাধিং… সুঞ্ঞতং সমাপত্তিং… অনিমিত্তং সমাপত্তিং… অপ্পণিহিতং সমাপত্তিং… তিস্সো ৰিজ্জা… চত্তারো সতিপট্ঠানে… চত্তারো সম্মপ্পধানে… চত্তারো ইদ্ধিপাদে… পঞ্চিন্দ্রিযানি… পঞ্চ বলানি… সত্ত বোজ্ঝঙ্গে… অরিযং অট্ঠঙ্গিকং মগ্গং… সোতাপত্তিফলং… সকদাগামিফলং… অনাগামিফলং… অরহত্তং সমাপজ্জিং…পে॰… রাগো মে চত্তো… দোসো মে চত্তো… মোহো মে চত্তো ৰন্তো মুত্তো পহীনো পটিনিস্সট্ঠো উক্খেটিতো সমুক্খেটিতো। রাগা মে চিত্তং ৰিনীৰরণং… দোসা মে চিত্তং ৰিনীৰরণং… মোহা মে চিত্তং ৰিনীৰরণন্তি সম্পজানমুসা ভণন্তস্স পটিৰিজানন্তস্স আপত্তি পারাজিকস্স; ন পটিৰিজানন্তস্স আপত্তি থুল্লচ্চযস্স। পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং, ৰিনিধায ভাৰং।

Tīhākārehi …pe… sattahākārehi paṭhamaṃ jhānaṃ samāpajjinti vattukāmo suññataṃ vimokkhaṃ… animittaṃ vimokkhaṃ… appaṇihitaṃ vimokkhaṃ… suññataṃ samādhiṃ… animittaṃ samādhiṃ… appaṇihitaṃ samādhiṃ… suññataṃ samāpattiṃ… animittaṃ samāpattiṃ… appaṇihitaṃ samāpattiṃ… tisso vijjā… cattāro satipaṭṭhāne… cattāro sammappadhāne… cattāro iddhipāde… pañcindriyāni… pañca balāni… satta bojjhaṅge… ariyaṃ aṭṭhaṅgikaṃ maggaṃ… sotāpattiphalaṃ… sakadāgāmiphalaṃ… anāgāmiphalaṃ… arahattaṃ samāpajjiṃ…pe… rāgo me catto… doso me catto… moho me catto vanto mutto pahīno paṭinissaṭṭho ukkheṭito samukkheṭito. Rāgā me cittaṃ vinīvaraṇaṃ… dosā me cittaṃ vinīvaraṇaṃ… mohā me cittaṃ vinīvaraṇanti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa. Pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.

ৰত্থুৰিসারকস্স একমূলকস্স খণ্ডচক্কং নিট্ঠিতং।

Vatthuvisārakassa ekamūlakassa khaṇḍacakkaṃ niṭṭhitaṃ.

২১৬. তীহাকারেহি দুতিযং ঝানং সমাপজ্জিন্তি ৰত্তুকামো ততিযং ঝানং সমাপজ্জিন্তি সম্পজানমুসা ভণন্তস্স পটিৰিজানন্তস্স আপত্তি পারাজিকস্স; ন পটিৰিজানন্তস্স আপত্তি থুল্লচ্চযস্স।

216. Tīhākārehi dutiyaṃ jhānaṃ samāpajjinti vattukāmo tatiyaṃ jhānaṃ samāpajjinti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa.

তীহাকারেহি দুতিযং ঝানং সমাপজ্জিন্তি ৰত্তুকামো চতুত্থং ঝানং সমাপজ্জিন্তি…পে॰… মোহা চ মে চিত্তং ৰিনীৰরণন্তি সম্পজানমুসা ভণন্তস্স পটিৰিজানন্তস্স আপত্তি পারাজিকস্স; ন পটিৰিজানন্তস্স আপত্তি থুল্লচ্চযস্স।

Tīhākārehi dutiyaṃ jhānaṃ samāpajjinti vattukāmo catutthaṃ jhānaṃ samāpajjinti…pe… mohā ca me cittaṃ vinīvaraṇanti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa.

তীহাকারেহি…পে॰… সত্তহাকারেহি দুতিযং ঝানং সমাপজ্জিন্তি ৰত্তুকামো পঠমং ঝানং সমাপজ্জিন্তি সম্পজানমুসা ভণন্তস্স পটিৰিজানন্তস্স আপত্তি পারাজিকস্স ; ন পটিৰিজানন্তস্স আপত্তি থুল্লচ্চযস্স…পে॰… ৰিনিধায ভাৰং।

Tīhākārehi…pe… sattahākārehi dutiyaṃ jhānaṃ samāpajjinti vattukāmo paṭhamaṃ jhānaṃ samāpajjinti sampajānamusā bhaṇantassa paṭivijānantassa āpatti pārājikassa ; na paṭivijānantassa āpatti thullaccayassa…pe… vinidhāya bhāvaṃ.

ৰত্থুৰিসারকস্স একমূলকস্স বদ্ধচক্কং।

Vatthuvisārakassa ekamūlakassa baddhacakkaṃ.

মূলং সংখিত্তং।

Mūlaṃ saṃkhittaṃ.

২১৭. তীহাকারেহি মোহা মে চিত্তং ৰিনীৰরণন্তি ৰত্তুকামো পঠমং ঝানং সমাপজ্জিন্তি সম্পজানমুসা ভণন্তস্স পটিৰিজানন্তস্স আপত্তি পারাজিকস্স; ন পটিৰিজানন্তস্স আপত্তি থুল্লচ্চযস্স।

217. Tīhākārehi mohā me cittaṃ vinīvaraṇanti vattukāmo paṭhamaṃ jhānaṃ samāpajjinti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa.

তীহাকারেহি…পে॰… সত্তহাকারেহি মোহা মে চিত্তং ৰিনীৰরণন্তি ৰত্তুকামো দোসা মে চিত্তং ৰিনীৰরণন্তি সম্পজানমুসা ভণন্তস্স পটিৰিজানন্তস্স আপত্তি পারাজিকস্স; ন পটিৰিজানন্তস্স আপত্তি থুল্লচ্চযস্স…পে॰… ৰিনিধায ভাৰং।

Tīhākārehi…pe… sattahākārehi mohā me cittaṃ vinīvaraṇanti vattukāmo dosā me cittaṃ vinīvaraṇanti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa…pe… vinidhāya bhāvaṃ.

ৰত্থুৰিসারকস্স একমূলকং নিট্ঠিতং।

Vatthuvisārakassa ekamūlakaṃ niṭṭhitaṃ.

যথা একমূলকং ৰিত্থারিতং এৰমেৰ দুমূলকাদিপি ৰিত্থারেতব্বং।

Yathā ekamūlakaṃ vitthāritaṃ evameva dumūlakādipi vitthāretabbaṃ.

ইদং সব্বমূলকং

Idaṃ sabbamūlakaṃ

২১৮. তীহাকারেহি…পে॰… সত্তহাকারেহি পঠমঞ্চ ঝানং দুতিযঞ্চ ঝানং ততিযঞ্চ ঝানং চতুত্থঞ্চ ঝানং সুঞ্ঞতঞ্চ ৰিমোক্খং অনিমিত্তঞ্চ ৰিমোক্খং অপ্পণিহিতঞ্চ ৰিমোক্খং সুঞ্ঞতঞ্চ সমাধিং অনিমিত্তঞ্চ সমাধিং অপ্পণিহিতঞ্চ সমাধিং সুঞ্ঞতঞ্চ সমাপত্তিং অনিমিত্তঞ্চ সমাপত্তিং অপ্পণিহিতঞ্চ সমাপত্তিং তিস্সো চ ৰিজ্জা চত্তারো চ সতিপট্ঠানে চত্তারো চ সম্মপ্পধানে চত্তারো চ ইদ্ধিপাদে পঞ্চ চ ইন্দ্রিযানি পঞ্চ চ বলানি সত্ত চ বোজ্ঝঙ্গে অরিযঞ্চ অট্ঠঙ্গিকং মগ্গং সোতাপত্তিফলঞ্চ সকদাগামিফলঞ্চ অনাগামিফলঞ্চ অরহত্তঞ্চ সমাপজ্জিং…পে॰… রাগো চ মে চত্তো… দোসো চ মে চত্তো… মোহো চ মে চত্তো ৰন্তো মুত্তো পহীনো পটিনিস্সট্ঠো উক্খেটিতো সমুক্খেটিতো। রাগা চ মে চিত্তং ৰিনীৰরণং… দোসা চ মে চিত্তং ৰিনীৰরণন্তি ৰত্তুকামো মোহা মে চিত্তং ৰিনীৰরণন্তি সম্পজানমুসা ভণন্তস্স পটিৰিজানন্তস্স আপত্তি পারাজিকস্স; ন পটিৰিজানন্তস্স আপত্তি থুল্লচ্চযস্স। ⁴⁵

218. Tīhākārehi…pe… sattahākārehi paṭhamañca jhānaṃ dutiyañca jhānaṃ tatiyañca jhānaṃ catutthañca jhānaṃ suññatañca vimokkhaṃ animittañca vimokkhaṃ appaṇihitañca vimokkhaṃ suññatañca samādhiṃ animittañca samādhiṃ appaṇihitañca samādhiṃ suññatañca samāpattiṃ animittañca samāpattiṃ appaṇihitañca samāpattiṃ tisso ca vijjā cattāro ca satipaṭṭhāne cattāro ca sammappadhāne cattāro ca iddhipāde pañca ca indriyāni pañca ca balāni satta ca bojjhaṅge ariyañca aṭṭhaṅgikaṃ maggaṃ sotāpattiphalañca sakadāgāmiphalañca anāgāmiphalañca arahattañca samāpajjiṃ…pe… rāgo ca me catto… doso ca me catto… moho ca me catto vanto mutto pahīno paṭinissaṭṭho ukkheṭito samukkheṭito. Rāgā ca me cittaṃ vinīvaraṇaṃ… dosā ca me cittaṃ vinīvaraṇanti vattukāmo mohā me cittaṃ vinīvaraṇanti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa. ⁴⁶

২১৯. তীহাকারেহি দুতিযঞ্চ ঝানং ততিযঞ্চ ঝানং চতুত্থঞ্চ ঝানং সুঞ্ঞতঞ্চ ৰিমোক্খং অনিমিত্তঞ্চ ৰিমোক্খং অপ্পণিহিতঞ্চ ৰিমোক্খং সুঞ্ঞতঞ্চ সমাধিং অনিমিত্তঞ্চ সমাধিং অপ্পণিহিতঞ্চ সমাধিং সুঞ্ঞতঞ্চ সমাপত্তিং অনিমিত্তঞ্চ সমাপত্তিং অপ্পণিহিতঞ্চ সমাপত্তিং তিস্সো চ ৰিজ্জা চত্তারো চ সতিপট্ঠানে চত্তারো চ সম্মপ্পধানে চত্তারো চ ইদ্ধিপাদে পঞ্চ চ ইন্দ্রিযানি পঞ্চ চ বলানি সত্ত চ বোজ্ঝঙ্গে অরিযঞ্চ অট্ঠঙ্গিকং মগ্গং সোতাপত্তিফলঞ্চ সকদাগামিফলঞ্চ অনাগামিফলঞ্চ অরহত্তঞ্চ সমাপজ্জিং…পে॰… রাগো চ মে চত্তো… দোসো চ মে চত্তো… মোহো চ মে চত্তো ৰন্তো মুত্তো পহীনো পটিনিস্সট্ঠো উক্খেটিতো সমুক্খেটিতো। রাগা চ মে চিত্তং ৰিনীৰরণং… দোসা চ মে চিত্তং ৰিনীৰরণং… মোহা চ মে চিত্তং ৰিনীৰরণন্তি ৰত্তুকামো পঠমং ঝানং সমাপজ্জিন্তি সম্পজানমুসা ভণন্তস্স পটিৰিজানন্তস্স আপত্তি পারাজিকস্স; ন পটিৰিজানন্তস্স আপত্তি থুল্লচ্চযস্স।

219. Tīhākārehi dutiyañca jhānaṃ tatiyañca jhānaṃ catutthañca jhānaṃ suññatañca vimokkhaṃ animittañca vimokkhaṃ appaṇihitañca vimokkhaṃ suññatañca samādhiṃ animittañca samādhiṃ appaṇihitañca samādhiṃ suññatañca samāpattiṃ animittañca samāpattiṃ appaṇihitañca samāpattiṃ tisso ca vijjā cattāro ca satipaṭṭhāne cattāro ca sammappadhāne cattāro ca iddhipāde pañca ca indriyāni pañca ca balāni satta ca bojjhaṅge ariyañca aṭṭhaṅgikaṃ maggaṃ sotāpattiphalañca sakadāgāmiphalañca anāgāmiphalañca arahattañca samāpajjiṃ…pe… rāgo ca me catto… doso ca me catto… moho ca me catto vanto mutto pahīno paṭinissaṭṭho ukkheṭito samukkheṭito. Rāgā ca me cittaṃ vinīvaraṇaṃ… dosā ca me cittaṃ vinīvaraṇaṃ… mohā ca me cittaṃ vinīvaraṇanti vattukāmo paṭhamaṃ jhānaṃ samāpajjinti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa.

তীহাকারেহি ততিযঞ্চ ঝানং চতুত্থঞ্চ ঝানং…পে॰… মোহা চ মে চিত্তং ৰিনীৰরণং পঠমঞ্চ ঝানং সমাপজ্জিন্তি ৰত্তুকামো দুতিযং ঝানং সমাপজ্জিন্তি সম্পজানমুসা ভণন্তস্স পটিৰিজানন্তস্স আপত্তি পারাজিকস্স; ন পটিৰিজানন্তস্স আপত্তি থুল্লচ্চযস্স।

Tīhākārehi tatiyañca jhānaṃ catutthañca jhānaṃ…pe… mohā ca me cittaṃ vinīvaraṇaṃ paṭhamañca jhānaṃ samāpajjinti vattukāmo dutiyaṃ jhānaṃ samāpajjinti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa.

তীহাকারেহি…পে॰… সত্তহাকারেহি মোহা চ মে চিত্তং ৰিনীৰরণং পঠমঞ্চ ঝানং দুতিযঞ্চ ঝানং ততিযঞ্চ ঝানং চতুত্থঞ্চ ঝানং…পে॰… রাগা চ মে চিত্তং ৰিনীৰরণন্তি ৰত্তুকামো দোসা মে চিত্তং ৰিনীৰরণন্তি সম্পজানমুসা ভণন্তস্স পটিৰিজানন্তস্স আপত্তি পারাজিকস্স ; ন পটিৰিজানন্তস্স আপত্তি থুল্লচ্চযস্স। পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং, ৰিনিধায ভাৰং।

Tīhākārehi…pe… sattahākārehi mohā ca me cittaṃ vinīvaraṇaṃ paṭhamañca jhānaṃ dutiyañca jhānaṃ tatiyañca jhānaṃ catutthañca jhānaṃ…pe… rāgā ca me cittaṃ vinīvaraṇanti vattukāmo dosā me cittaṃ vinīvaraṇanti sampajānamusā bhaṇantassa paṭivijānantassa āpatti pārājikassa ; na paṭivijānantassa āpatti thullaccayassa. Pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.

ৰত্থুৰিসারকস্স সব্বমূলকং নিট্ঠিতং।

Vatthuvisārakassa sabbamūlakaṃ niṭṭhitaṃ.

ৰত্থুৰিসারকস্স চক্কপেয্যালং নিট্ঠিতং।

Vatthuvisārakassa cakkapeyyālaṃ niṭṭhitaṃ.

ৰত্থুকামৰারকথা নিট্ঠিতা।

Vatthukāmavārakathā niṭṭhitā.

২২০. তীহাকারেহি যো তে ৰিহারে ৰসি সো ভিক্খু পঠমং ঝানং সমাপজ্জি… সমাপজ্জতি… সমাপন্নো… সো ভিক্খু পঠমস্স ঝানস্স লাভী… ৰসী… তেন ভিক্খুনা পঠমং ঝানং সচ্ছিকতন্তি সম্পজানমুসা ভণন্তস্স পটিৰিজানন্তস্স আপত্তি থুল্লচ্চযস্স; ন পটিৰিজানন্তস্স আপত্তি দুক্কটস্স।

220. Tīhākārehi yo te vihāre vasi so bhikkhu paṭhamaṃ jhānaṃ samāpajji… samāpajjati… samāpanno… so bhikkhu paṭhamassa jhānassa lābhī… vasī… tena bhikkhunā paṭhamaṃ jhānaṃ sacchikatanti sampajānamusā bhaṇantassa paṭivijānantassa āpatti thullaccayassa; na paṭivijānantassa āpatti dukkaṭassa.

চতূহাকারেহি … পঞ্চহাকারেহি… ছহাকারেহি… সত্তহাকারেহি যো তে ৰিহারে ৰসি সো ভিক্খু পঠমং ঝানং সমাপজ্জি… সমাপজ্জতি… সমাপন্নো… সো ভিক্খু পঠমস্স ঝানস্স লাভী… ৰসী… তেন ভিক্খুনা পঠমং ঝানং সচ্ছিকতন্তি সম্পজানমুসা ভণন্তস্স পটিৰিজানন্তস্স আপত্তি থুল্লচ্চযস্স; ন পটিৰিজানন্তস্স আপত্তি দুক্কটস্স। পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং, ৰিনিধায ভাৰং।

Catūhākārehi … pañcahākārehi… chahākārehi… sattahākārehi yo te vihāre vasi so bhikkhu paṭhamaṃ jhānaṃ samāpajji… samāpajjati… samāpanno… so bhikkhu paṭhamassa jhānassa lābhī… vasī… tena bhikkhunā paṭhamaṃ jhānaṃ sacchikatanti sampajānamusā bhaṇantassa paṭivijānantassa āpatti thullaccayassa; na paṭivijānantassa āpatti dukkaṭassa. Pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.

তীহাকারেহি যো তে ৰিহারে ৰসি সো ভিক্খু দুতিযং ঝানং… ততিযং ঝানং… চতুত্থং ঝানং… সুঞ্ঞতং ৰিমোক্খং… অনিমিত্তং ৰিমোক্খং… অপ্পণিহিতং ৰিমোক্খং… সুঞ্ঞতং সমাধিং… অনিমিত্তং সমাধিং… অপ্পণিহিতং সমাধিং… সুঞ্ঞতং সমাপত্তিং… অনিমিত্তং সমাপত্তিং… অপ্পণিহিতং সমাপত্তিং… তিস্সো ৰিজ্জা… চত্তারো সতিপট্ঠানে… চত্তারো সম্মপ্পধানে… চত্তারো ইদ্ধিপাদে… পঞ্চ ইন্দ্রিযানি… পঞ্চ বলানি… সত্ত বোজ্ঝঙ্গে… অরিযং অট্ঠঙ্গিকং মগ্গং… সোতাপত্তিফলং… সকদাগামিফলং… অনাগামিফলং… অরহত্তং সমাপজ্জি… সমাপজ্জতি… সমাপন্নো… সো ভিক্খু অরহত্তস্স লাভী… ৰসী… তেন ভিক্খুনা অরহত্তং সচ্ছিকতন্তি সম্পজানমুসা ভণন্তস্স পটিৰিজানন্তস্স আপত্তি থুল্লচ্চযস্স; ন পটিৰিজানন্তস্স আপত্তি দুক্কটস্স।

Tīhākārehi yo te vihāre vasi so bhikkhu dutiyaṃ jhānaṃ… tatiyaṃ jhānaṃ… catutthaṃ jhānaṃ… suññataṃ vimokkhaṃ… animittaṃ vimokkhaṃ… appaṇihitaṃ vimokkhaṃ… suññataṃ samādhiṃ… animittaṃ samādhiṃ… appaṇihitaṃ samādhiṃ… suññataṃ samāpattiṃ… animittaṃ samāpattiṃ… appaṇihitaṃ samāpattiṃ… tisso vijjā… cattāro satipaṭṭhāne… cattāro sammappadhāne… cattāro iddhipāde… pañca indriyāni… pañca balāni… satta bojjhaṅge… ariyaṃ aṭṭhaṅgikaṃ maggaṃ… sotāpattiphalaṃ… sakadāgāmiphalaṃ… anāgāmiphalaṃ… arahattaṃ samāpajji… samāpajjati… samāpanno… so bhikkhu arahattassa lābhī… vasī… tena bhikkhunā arahattaṃ sacchikatanti sampajānamusā bhaṇantassa paṭivijānantassa āpatti thullaccayassa; na paṭivijānantassa āpatti dukkaṭassa.

তীহাকারেহি যো তে ৰিহারে ৰসি, তস্স ভিক্খুনো রাগো চত্তো… দোসো চত্তো… মোহো চত্তো ৰন্তো মুত্তো পহীনো পটিনিস্সট্ঠো উক্খেটিতো সমুক্খেটিতোতি সম্পজানমুসা ভণন্তস্স পটিৰিজানন্তস্স আপত্তি থুল্লচ্চযস্স; ন পটিৰিজানন্তস্স আপত্তি দুক্কটস্স।

Tīhākārehi yo te vihāre vasi, tassa bhikkhuno rāgo catto… doso catto… moho catto vanto mutto pahīno paṭinissaṭṭho ukkheṭito samukkheṭitoti sampajānamusā bhaṇantassa paṭivijānantassa āpatti thullaccayassa; na paṭivijānantassa āpatti dukkaṭassa.

তীহাকারেহি…পে॰… সত্তহাকারেহি যো তে ৰিহারে ৰসি, তস্স ভিক্খুনো রাগা চিত্তং ৰিনীৰরণং… দোসা চিত্তং ৰিনীৰরণং… মোহা চিত্তং ৰিনীৰরণন্তি সম্পজানমুসা ভণন্তস্স পটিৰিজানন্তস্স আপত্তি থুল্লচ্চযস্স; ন পটিৰিজানন্তস্স আপত্তি দুক্কটস্স…পে॰… পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং, ৰিনিধায ভাৰং।

Tīhākārehi…pe… sattahākārehi yo te vihāre vasi, tassa bhikkhuno rāgā cittaṃ vinīvaraṇaṃ… dosā cittaṃ vinīvaraṇaṃ… mohā cittaṃ vinīvaraṇanti sampajānamusā bhaṇantassa paṭivijānantassa āpatti thullaccayassa; na paṭivijānantassa āpatti dukkaṭassa…pe… pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.

তীহাকারেহি…পে॰… সত্তহাকারেহি যো তে ৰিহারে ৰসি সো ভিক্খু সুঞ্ঞাগারে পঠমং ঝানং… দুতিযং ঝানং… ততিযং ঝানং… চতুত্থং ঝানং সমাপজ্জি … সমাপজ্জতি… সমাপন্নো… সো ভিক্খু সুঞ্ঞাগারে চতুত্থস্স ঝানস্স লাভী… ৰসী… তেন ভিক্খুনা সুঞ্ঞাগারে চতুত্থং ঝানং সচ্ছিকতন্তি সম্পজানমুসা ভণন্তস্স পটিৰিজানন্তস্স আপত্তি থুল্লচ্চযস্স; ন পটিৰিজানন্তস্স আপত্তি দুক্কটস্স। পুব্বেৰস্স হোতি মুসা ভণিস্সন্তি, ভণন্তস্স হোতি মুসা ভণামীতি ভণিতস্স হোতি, মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং, ৰিনিধায ভাৰং।

Tīhākārehi…pe… sattahākārehi yo te vihāre vasi so bhikkhu suññāgāre paṭhamaṃ jhānaṃ… dutiyaṃ jhānaṃ… tatiyaṃ jhānaṃ… catutthaṃ jhānaṃ samāpajji … samāpajjati… samāpanno… so bhikkhu suññāgāre catutthassa jhānassa lābhī… vasī… tena bhikkhunā suññāgāre catutthaṃ jhānaṃ sacchikatanti sampajānamusā bhaṇantassa paṭivijānantassa āpatti thullaccayassa; na paṭivijānantassa āpatti dukkaṭassa. Pubbevassa hoti musā bhaṇissanti, bhaṇantassa hoti musā bhaṇāmīti bhaṇitassa hoti, musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.

যথা ইদং ৰিত্থারিতং এৰমেৰ সেসানিপি ৰিত্থারেতব্বানি।

Yathā idaṃ vitthāritaṃ evameva sesānipi vitthāretabbāni.

২২১. তীহাকারেহি…পে॰… সত্তহাকারেহি যো তে চীৰরং পরিভুঞ্জি… যো তে পিণ্ডপাতং পরিভুঞ্জি… যো তে সেনাসনং পরিভুঞ্জি… যো তে গিলানপ্পচ্চযভেসজ্জপরিক্খারং পরিভুঞ্জি সো ভিক্খু সুঞ্ঞাগারে চতুত্থং ঝানং সমাপজ্জি… সমাপজ্জতি… সমাপন্নো… সো ভিক্খু সুঞ্ঞাগারে চতুত্থস্স ঝানস্স লাভী… ৰসী… তেন ভিক্খুনা সুঞ্ঞাগারে চতুত্থং ঝানং সচ্ছিকতন্তি সম্পজানমুসা ভণন্তস্স পটিৰিজানন্তস্স আপত্তি থুল্লচ্চযস্স; ন পটিৰিজানন্তস্স আপত্তি দুক্কটস্স…পে॰… ৰিনিধায ভাৰং।

221. Tīhākārehi…pe… sattahākārehi yo te cīvaraṃ paribhuñji… yo te piṇḍapātaṃ paribhuñji… yo te senāsanaṃ paribhuñji… yo te gilānappaccayabhesajjaparikkhāraṃ paribhuñji so bhikkhu suññāgāre catutthaṃ jhānaṃ samāpajji… samāpajjati… samāpanno… so bhikkhu suññāgāre catutthassa jhānassa lābhī… vasī… tena bhikkhunā suññāgāre catutthaṃ jhānaṃ sacchikatanti sampajānamusā bhaṇantassa paṭivijānantassa āpatti thullaccayassa; na paṭivijānantassa āpatti dukkaṭassa…pe… vinidhāya bhāvaṃ.

তীহাকারেহি…পে॰… সত্তহাকারেহি যেন তে ৰিহারো পরিভুত্তো… যেন তে চীৰরং পরিভুত্তং… যেন তে পিণ্ডপাতো পরিভুত্তো… যেন তে সেনাসনং পরিভুত্তং… যেন তে গিলানপ্পচ্চযভেসজ্জপরিক্খারো পরিভুত্তো… সো ভিক্খু সুঞ্ঞাগারে চতুত্থং ঝানং সমাপজ্জি… সমাপজ্জতি… সমাপন্নো… সো ভিক্খু সুঞ্ঞাগারে চতুত্থস্স ঝানস্স লাভী… ৰসী… তেন ভিক্খুনা সুঞ্ঞাগারে চতুত্থং ঝানং সচ্ছিকতন্তি সম্পজানমুসা ভণন্তস্স পটিৰিজানন্তস্স আপত্তি থুল্লচ্চযস্স; ন পটিৰিজানন্তস্স আপত্তি দুক্কটস্স…পে॰… ৰিনিধায ভাৰং।

Tīhākārehi…pe… sattahākārehi yena te vihāro paribhutto… yena te cīvaraṃ paribhuttaṃ… yena te piṇḍapāto paribhutto… yena te senāsanaṃ paribhuttaṃ… yena te gilānappaccayabhesajjaparikkhāro paribhutto… so bhikkhu suññāgāre catutthaṃ jhānaṃ samāpajji… samāpajjati… samāpanno… so bhikkhu suññāgāre catutthassa jhānassa lābhī… vasī… tena bhikkhunā suññāgāre catutthaṃ jhānaṃ sacchikatanti sampajānamusā bhaṇantassa paṭivijānantassa āpatti thullaccayassa; na paṭivijānantassa āpatti dukkaṭassa…pe… vinidhāya bhāvaṃ.

তীহাকারেহি …পে॰… সত্তহাকারেহি যং ত্ৰং আগম্ম ৰিহারং অদাসি… চীৰরং অদাসি… পিণ্ডপাতং অদাসি… সেনাসনং অদাসি… গিলানপ্পচ্চযভেসজ্জপরিক্খারং অদাসি সো ভিক্খু সুঞ্ঞাগারে চতুত্থং ঝানং সমাপজ্জি… সমাপজ্জতি… সমাপন্নো… সো ভিক্খু সুঞ্ঞাগারে চতুত্থস্স ঝানস্স লাভী… ৰসী… তেন ভিক্খুনা সুঞ্ঞাগারে চতুত্থং ঝানং সচ্ছিকতন্তি সম্পজানমুসা ভণন্তস্স পটিৰিজানন্তস্স আপত্তি থুল্লচ্চযস্স; ন পটিৰিজানন্তস্স আপত্তি দুক্কটস্স। পুব্বেৰস্স হোতি মুসা ভণিস্সন্তি , ভণন্তস্স হোতি মুসা ভণামীতি, ভণিতস্স হোতি মুসা মযা ভণিতন্তি, ৰিনিধায দিট্ঠিং, ৰিনিধায খন্তিং, ৰিনিধায রুচিং, ৰিনিধায ভাৰং।

Tīhākārehi …pe… sattahākārehi yaṃ tvaṃ āgamma vihāraṃ adāsi… cīvaraṃ adāsi… piṇḍapātaṃ adāsi… senāsanaṃ adāsi… gilānappaccayabhesajjaparikkhāraṃ adāsi so bhikkhu suññāgāre catutthaṃ jhānaṃ samāpajji… samāpajjati… samāpanno… so bhikkhu suññāgāre catutthassa jhānassa lābhī… vasī… tena bhikkhunā suññāgāre catutthaṃ jhānaṃ sacchikatanti sampajānamusā bhaṇantassa paṭivijānantassa āpatti thullaccayassa; na paṭivijānantassa āpatti dukkaṭassa. Pubbevassa hoti musā bhaṇissanti , bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāvaṃ.

পেয্যালপন্নরসকং নিট্ঠিতং।

Peyyālapannarasakaṃ niṭṭhitaṃ.

পচ্চযপ্পটিসংযুত্তৰারকথা নিট্ঠিতা।

Paccayappaṭisaṃyuttavārakathā niṭṭhitā.

উত্তরিমনুস্সধম্মচক্কপেয্যালং নিট্ঠিতং।

Uttarimanussadhammacakkapeyyālaṃ niṭṭhitaṃ.

২২২. অনাপত্তি অধিমানেন, অনুল্লপনাধিপ্পাযস্স, উম্মত্তকস্স, খিত্তচিত্তস্স, ৰেদনাট্টস্স, আদিকম্মিকস্সাতি।

222. Anāpatti adhimānena, anullapanādhippāyassa, ummattakassa, khittacittassa, vedanāṭṭassa, ādikammikassāti.

ৰিনীতৰত্থুউদ্দানগাথা

Vinītavatthuuddānagāthā

অধিমানে ⁴⁷ অরঞ্ঞম্হি, পিণ্ডোপজ্ঝারিযাপথো।

Adhimāne ⁴⁸ araññamhi, piṇḍopajjhāriyāpatho;

সংযোজনা রহোধম্মা, ৰিহারো পচ্চুপট্ঠিতো॥

Saṃyojanā rahodhammā, vihāro paccupaṭṭhito.

ন দুক্করং ৰীরিযমথোপি মচ্চুনো।

Na dukkaraṃ vīriyamathopi maccuno;

ভাযাৰুসো ৰিপ্পটিসারি সম্মা।

Bhāyāvuso vippaṭisāri sammā;

ৰিরিযেন যোগেন আরাধনায।

Viriyena yogena ārādhanāya;

অথ ৰেদনায অধিৰাসনা দুৰে॥

Atha vedanāya adhivāsanā duve.

ব্রাহ্মণে পঞ্চ ৰত্থূনি, অঞ্ঞং ব্যাকরণা তযো।

Brāhmaṇe pañca vatthūni, aññaṃ byākaraṇā tayo;

অগারাৰরণা কামা, রতি চাপি অপক্কমি॥

Agārāvaraṇā kāmā, rati cāpi apakkami.

অট্ঠি পেসি উভো গাৰঘাতকা।

Aṭṭhi pesi ubho gāvaghātakā;

পিণ্ডো সাকুণিকো নিচ্ছৰি ওরব্ভি।

Piṇḍo sākuṇiko nicchavi orabbhi;

অসি চ সূকরিকো সত্তি মাগৰি।

Asi ca sūkariko satti māgavi;

উসু চ কারণিকো সূচি সারথি॥

Usu ca kāraṇiko sūci sārathi.

যো চ সিব্বীযতি সূচকো হি সো।

Yo ca sibbīyati sūcako hi so;

অণ্ডভারি অহু গামকূটকো।

Aṇḍabhāri ahu gāmakūṭako;

কূপে নিমুগ্গো হি সো পারদারিকো।

Kūpe nimuggo hi so pāradāriko;

গূথখাদী অহু দুট্ঠব্রাহ্মণো॥

Gūthakhādī ahu duṭṭhabrāhmaṇo.

নিচ্ছৰিত্থী অতিচারিনী অহু।

Nicchavitthī aticārinī ahu;

মঙ্গুলিত্থী অহু ইক্খণিত্থিকা।

Maṅgulitthī ahu ikkhaṇitthikā;

ওকিলিনী হি সপত্তঙ্গারোকিরি।

Okilinī hi sapattaṅgārokiri;

সীসচ্ছিন্নো অহু চোরঘাতকো॥

Sīsacchinno ahu coraghātako.

ভিক্খু ভিক্খুনী সিক্খমানা।

Bhikkhu bhikkhunī sikkhamānā;

সামণেরো অথ সামণেরিকা।

Sāmaṇero atha sāmaṇerikā;

কস্সপস্স ৰিনযস্মিং পব্বজং।

Kassapassa vinayasmiṃ pabbajaṃ;

পাপকম্মমকরিংসু তাৰদে॥

Pāpakammamakariṃsu tāvade.

তপোদা রাজগহে যুদ্ধং, নাগানোগাহনেন চ।

Tapodā rājagahe yuddhaṃ, nāgānogāhanena ca;

সোভিতো অরহং ভিক্খু, পঞ্চকপ্পসতং সরেতি॥

Sobhito arahaṃ bhikkhu, pañcakappasataṃ sareti.

ৰিনীতৰত্থু

Vinītavatthu

২২৩. তেন খো পন সমযেন অঞ্ঞতরো ভিক্খু অধিমানেন অঞ্ঞং ব্যাকাসি। তস্স কুক্কুচ্চং অহোসি – ‘‘ভগৰতা সিক্খাপদং পঞ্ঞত্তং। কচ্চি নু খো অহং পারাজিকং আপত্তিং আপন্নো’’তি? ভগৰতো এতমত্থং আরোচেসি। ‘‘অনাপত্তি, ভিক্খু, অধিমানেনা’’তি।

223. Tena kho pana samayena aññataro bhikkhu adhimānena aññaṃ byākāsi. Tassa kukkuccaṃ ahosi – ‘‘bhagavatā sikkhāpadaṃ paññattaṃ. Kacci nu kho ahaṃ pārājikaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, adhimānenā’’ti.

তেন খো পন সমযেন অঞ্ঞতরো ভিক্খু পণিধায অরঞ্ঞে ৰিহরতি – ‘‘এৰং মং জনো সম্ভাৰেস্সতী’’তি। তং জনো সম্ভাৰেসি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, পারাজিকস্স। ন চ, ভিক্খৰে, পণিধায অরঞ্ঞে ৰত্থব্বং। যো ৰসেয্য, আপত্তি দুক্কটস্সা’’তি।

Tena kho pana samayena aññataro bhikkhu paṇidhāya araññe viharati – ‘‘evaṃ maṃ jano sambhāvessatī’’ti. Taṃ jano sambhāvesi. Tassa kukkuccaṃ ahosi…pe… ‘‘anāpatti, bhikkhu, pārājikassa. Na ca, bhikkhave, paṇidhāya araññe vatthabbaṃ. Yo vaseyya, āpatti dukkaṭassā’’ti.

তেন খো পন সমযেন অঞ্ঞতরো ভিক্খু পণিধায পিণ্ডায চরতি – ‘‘এৰং মং জনো সম্ভাৰেস্সতী’’তি। তং জনো সম্ভাৰেসি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, পারাজিকস্স। ন চ, ভিক্খৰে, পণিধায পিণ্ডায চরিতব্বং। যো চরেয্য, আপত্তি দুক্কটস্সা’’তি।

Tena kho pana samayena aññataro bhikkhu paṇidhāya piṇḍāya carati – ‘‘evaṃ maṃ jano sambhāvessatī’’ti. Taṃ jano sambhāvesi. Tassa kukkuccaṃ ahosi…pe… ‘‘anāpatti, bhikkhu, pārājikassa. Na ca, bhikkhave, paṇidhāya piṇḍāya caritabbaṃ. Yo careyya, āpatti dukkaṭassā’’ti.

তেন খো পন সমযেন অঞ্ঞতরো ভিক্খু অঞ্ঞতরং ভিক্খুং এতদৰোচ – ‘‘যে, আৰুসো, অম্হাকং উপজ্ঝাযস্স সদ্ধিৰিহারিকা সব্বেৰ অরহন্তো’’তি। তস্স কুক্কুচ্চং অহোসি…পে॰… ‘‘কিংচিত্তো ত্ৰং, ভিক্খূ’’তি? ‘‘উল্লপনাধিপ্পাযো অহং, ভগৰা’’তি। ‘‘অনাপত্তি, ভিক্খু, পারাজিকস্স; আপত্তি থুল্লচ্চযস্সা’’তি।

Tena kho pana samayena aññataro bhikkhu aññataraṃ bhikkhuṃ etadavoca – ‘‘ye, āvuso, amhākaṃ upajjhāyassa saddhivihārikā sabbeva arahanto’’ti. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Ullapanādhippāyo ahaṃ, bhagavā’’ti. ‘‘Anāpatti, bhikkhu, pārājikassa; āpatti thullaccayassā’’ti.

তেন খো পন সমযেন অঞ্ঞতরো ভিক্খু অঞ্ঞতরং ভিক্খুং এতদৰোচ – ‘‘যে, আৰুসো, অম্হাকং উপজ্ঝাযস্স অন্তেৰাসিকা সব্বেৰ মহিদ্ধিকা মহানুভাৰা’’তি। তস্স কুক্কুচ্চং অহোসি…পে॰… ‘‘কিংচিত্তো ত্ৰং, ভিক্খূ’’তি? ‘‘উল্লপনাধিপ্পাযো অহং, ভগৰা’’তি। ‘‘অনাপত্তি, ভিক্খু, পারাজিকস্স; আপত্তি থুল্লচ্চযস্সা’’তি।

Tena kho pana samayena aññataro bhikkhu aññataraṃ bhikkhuṃ etadavoca – ‘‘ye, āvuso, amhākaṃ upajjhāyassa antevāsikā sabbeva mahiddhikā mahānubhāvā’’ti. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Ullapanādhippāyo ahaṃ, bhagavā’’ti. ‘‘Anāpatti, bhikkhu, pārājikassa; āpatti thullaccayassā’’ti.

তেন খো পন সমযেন অঞ্ঞতরো ভিক্খু পণিধায চঙ্কমতি… পণিধায তিট্ঠতি… পণিধায নিসীদতি… পণিধায সেয্যং কপ্পেতি – ‘‘এৰং মং জনো সম্ভাৰেস্সতী’’তি। তং জনো সম্ভাৰেসি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, পারাজিকস্স। ন চ, ভিক্খৰে, পণিধায সেয্যা কপ্পেতব্বা। যো কপ্পেয্য, আপত্তি দুক্কটস্সা’’তি।

Tena kho pana samayena aññataro bhikkhu paṇidhāya caṅkamati… paṇidhāya tiṭṭhati… paṇidhāya nisīdati… paṇidhāya seyyaṃ kappeti – ‘‘evaṃ maṃ jano sambhāvessatī’’ti. Taṃ jano sambhāvesi. Tassa kukkuccaṃ ahosi…pe… ‘‘anāpatti, bhikkhu, pārājikassa. Na ca, bhikkhave, paṇidhāya seyyā kappetabbā. Yo kappeyya, āpatti dukkaṭassā’’ti.

তেন খো পন সমযেন অঞ্ঞতরো ভিক্খু অঞ্ঞতরস্স ভিক্খুনো উত্তরিমনুস্সধম্মং উল্লপতি। সোপি এৰমাহ – ‘‘ময্হম্পি, আৰুসো, সংযোজনা পহীনা’’তি। তস্স কুক্কুচ্চং অহোসি…পে॰… ‘‘আপত্তিং ত্ৰং, ভিক্খু, আপন্নো পারাজিক’’ন্তি।

Tena kho pana samayena aññataro bhikkhu aññatarassa bhikkhuno uttarimanussadhammaṃ ullapati. Sopi evamāha – ‘‘mayhampi, āvuso, saṃyojanā pahīnā’’ti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.

২২৪. তেন খো পন সমযেন অঞ্ঞতরো ভিক্খু রহোগতো উত্তরিমনুস্সধম্মং উল্লপতি। পরচিত্তৰিদূ ভিক্খু তং ভিক্খুং অপসাদেসি – ‘‘মা, আৰুসো, এৰরূপং অভণি। নত্থেসো তুয্হ’’ন্তি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, পারাজিকস্স; আপত্তি দুক্কটস্সা’’তি।

224. Tena kho pana samayena aññataro bhikkhu rahogato uttarimanussadhammaṃ ullapati. Paracittavidū bhikkhu taṃ bhikkhuṃ apasādesi – ‘‘mā, āvuso, evarūpaṃ abhaṇi. Nattheso tuyha’’nti. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti dukkaṭassā’’ti.

তেন খো পন সমযেন অঞ্ঞতরো ভিক্খু রহোগতো উত্তরিমনুস্সধম্মং উল্লপতি। দেৰতা তং ভিক্খুং অপসাদেসি – ‘‘মা, ভন্তে, এৰরূপং অভণি। নত্থেসো তুয্হ’’ন্তি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, পারাজিকস্স; আপত্তি দুক্কটস্সা’’তি।

Tena kho pana samayena aññataro bhikkhu rahogato uttarimanussadhammaṃ ullapati. Devatā taṃ bhikkhuṃ apasādesi – ‘‘mā, bhante, evarūpaṃ abhaṇi. Nattheso tuyha’’nti. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti dukkaṭassā’’ti.

তেন খো পন সমযেন অঞ্ঞতরো ভিক্খু অঞ্ঞতরং উপাসকং এতদৰোচ – ‘‘যো, আৰুসো , তুয্হং ৰিহারে ৰসতি সো ভিক্খু অরহা’’তি । সো চ তস্স ৰিহারে ৰসতি। তস্স কুক্কুচ্চং অহোসি…পে॰… ‘‘কিংচিত্তো ত্ৰং, ভিক্খূ’’তি? ‘‘উল্লপনাধিপ্পাযো অহং, ভগৰা’’তি। ‘‘অনাপত্তি, ভিক্খু, পারাজিকস্স; আপত্তি থুল্লচ্চযস্সা’’তি।

Tena kho pana samayena aññataro bhikkhu aññataraṃ upāsakaṃ etadavoca – ‘‘yo, āvuso , tuyhaṃ vihāre vasati so bhikkhu arahā’’ti . So ca tassa vihāre vasati. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Ullapanādhippāyo ahaṃ, bhagavā’’ti. ‘‘Anāpatti, bhikkhu, pārājikassa; āpatti thullaccayassā’’ti.

তেন খো পন সমযেন অঞ্ঞতরো ভিক্খু অঞ্ঞতরং উপাসকং এতদৰোচ – ‘‘যং ত্ৰং, আৰুসো, উপট্ঠেসি চীৰরপিণ্ডপাতসেনাসনগিলানপ্পচ্চযভেসজ্জপরিক্খারেন সো ভিক্খু অরহা’’তি। সো চ তং উপট্ঠেতি চীৰরপিণ্ডপাতসেনাসনগিলানপ্পচ্চযভেসজ্জপরিক্খারেন। তস্স কুক্কুচ্চং অহোসি…পে॰… ‘‘কিংচিত্তো ত্ৰং, ভিক্খূ’’তি? ‘‘উল্লপনাধিপ্পাযো অহং, ভগৰা’’তি। ‘‘অনাপত্তি, ভিক্খু, পারাজিকস্স; আপত্তি থুল্লচ্চযস্সা’’তি।

Tena kho pana samayena aññataro bhikkhu aññataraṃ upāsakaṃ etadavoca – ‘‘yaṃ tvaṃ, āvuso, upaṭṭhesi cīvarapiṇḍapātasenāsanagilānappaccayabhesajjaparikkhārena so bhikkhu arahā’’ti. So ca taṃ upaṭṭheti cīvarapiṇḍapātasenāsanagilānappaccayabhesajjaparikkhārena. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Ullapanādhippāyo ahaṃ, bhagavā’’ti. ‘‘Anāpatti, bhikkhu, pārājikassa; āpatti thullaccayassā’’ti.

২২৫. তেন খো পন সমযেন অঞ্ঞতরো ভিক্খু গিলানো হোতি। তং ভিক্খূ এতদৰোচুং – ‘‘অত্থাযস্মতো উত্তরিমনুস্সধম্মো’’তি? ‘‘নাৰুসো, দুক্করং অঞ্ঞং ব্যাকাতু’’ন্তি। তস্স কুক্কুচ্চং অহোসি – ‘‘যে খো তে ভগৰতো সাৰকা তে এৰং ৰদেয্যুং। অহঞ্চম্হি ন ভগৰতো সাৰকো। কচ্চি নু খো অহং পারাজিকং আপত্তিং আপন্নো’’তি? ভগৰতো এতমত্থং আরোচেসি। ‘‘কিংচিত্তো ত্ৰং, ভিক্খূ’’তি? ‘‘অনুল্লপনাধিপ্পাযো অহং, ভগৰা’’তি। ‘‘অনাপত্তি, ভিক্খু, অনুল্লপনাধিপ্পাযস্সা’’তি ।

225. Tena kho pana samayena aññataro bhikkhu gilāno hoti. Taṃ bhikkhū etadavocuṃ – ‘‘atthāyasmato uttarimanussadhammo’’ti? ‘‘Nāvuso, dukkaraṃ aññaṃ byākātu’’nti. Tassa kukkuccaṃ ahosi – ‘‘ye kho te bhagavato sāvakā te evaṃ vadeyyuṃ. Ahañcamhi na bhagavato sāvako. Kacci nu kho ahaṃ pārājikaṃ āpattiṃ āpanno’’ti? Bhagavato etamatthaṃ ārocesi. ‘‘Kiṃcitto tvaṃ, bhikkhū’’ti? ‘‘Anullapanādhippāyo ahaṃ, bhagavā’’ti. ‘‘Anāpatti, bhikkhu, anullapanādhippāyassā’’ti .

তেন খো পন সমযেন অঞ্ঞতরো ভিক্খু গিলানো হোতি। তং ভিক্খূ এতদৰোচুং – ‘‘অত্থাযস্মতো উত্তরিমনুস্সধম্মো’’তি? ‘‘আরাধনীযো খো, আৰুসো, ধম্মো আরদ্ধৰীরিযেনা’’তি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, অনুল্লপনাধিপ্পাযস্সা’’তি।

Tena kho pana samayena aññataro bhikkhu gilāno hoti. Taṃ bhikkhū etadavocuṃ – ‘‘atthāyasmato uttarimanussadhammo’’ti? ‘‘Ārādhanīyo kho, āvuso, dhammo āraddhavīriyenā’’ti. Tassa kukkuccaṃ ahosi…pe… ‘‘anāpatti, bhikkhu, anullapanādhippāyassā’’ti.

তেন খো পন সমযেন অঞ্ঞতরো ভিক্খু গিলানো হোতি। তং ভিক্খূ এতদৰোচুং – ‘‘মা খো, আৰুসো, ভাযী’’তি। নাহং, আৰুসো, মচ্চুনো ভাযামী’’তি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, অনুল্লপনাধিপ্পাযস্সা’’তি।

Tena kho pana samayena aññataro bhikkhu gilāno hoti. Taṃ bhikkhū etadavocuṃ – ‘‘mā kho, āvuso, bhāyī’’ti. Nāhaṃ, āvuso, maccuno bhāyāmī’’ti. Tassa kukkuccaṃ ahosi…pe… ‘‘anāpatti, bhikkhu, anullapanādhippāyassā’’ti.

তেন খো পন সমযেন অঞ্ঞতরো ভিক্খু গিলানো হোতি। তং ভিক্খূ এতদৰোচুং – ‘‘মা খো, আৰুসো, ভাযী’’তি। ‘‘যো নূনাৰুসো, ৰিপ্পটিসারী অস্স সো ভাযেয্যা’’তি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, অনুল্লপনাধিপ্পাযস্সা’’তি।

Tena kho pana samayena aññataro bhikkhu gilāno hoti. Taṃ bhikkhū etadavocuṃ – ‘‘mā kho, āvuso, bhāyī’’ti. ‘‘Yo nūnāvuso, vippaṭisārī assa so bhāyeyyā’’ti. Tassa kukkuccaṃ ahosi…pe… ‘‘anāpatti, bhikkhu, anullapanādhippāyassā’’ti.

তেন খো পন সমযেন অঞ্ঞতরো ভিক্খু গিলানো হোতি। তং ভিক্খূ এতদৰোচুং – ‘‘অত্থাযস্মতো উত্তরিমনুস্সধম্মো’’তি? ‘‘আরাধনীযো খো, আৰুসো, ধম্মো সম্মাপযুত্তেনা’’তি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, অনুল্লপনাধিপ্পাযস্সা’’তি।

Tena kho pana samayena aññataro bhikkhu gilāno hoti. Taṃ bhikkhū etadavocuṃ – ‘‘atthāyasmato uttarimanussadhammo’’ti? ‘‘Ārādhanīyo kho, āvuso, dhammo sammāpayuttenā’’ti. Tassa kukkuccaṃ ahosi…pe… ‘‘anāpatti, bhikkhu, anullapanādhippāyassā’’ti.

তেন খো পন সমযেন অঞ্ঞতরো ভিক্খু গিলানো হোতি। তং ভিক্খূ এতদৰোচুং – ‘‘অত্থাযস্মতো উত্তরিমনুস্সধম্মো’’তি? ‘‘আরাধনীযো খো, আৰুসো, ধম্মো যুত্তযোগেনা’’তি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, অনুল্লপনাধিপ্পাযস্সা’’তি।

Tena kho pana samayena aññataro bhikkhu gilāno hoti. Taṃ bhikkhū etadavocuṃ – ‘‘atthāyasmato uttarimanussadhammo’’ti? ‘‘Ārādhanīyo kho, āvuso, dhammo yuttayogenā’’ti. Tassa kukkuccaṃ ahosi…pe… ‘‘anāpatti, bhikkhu, anullapanādhippāyassā’’ti.

তেন খো পন সমযেন অঞ্ঞতরো ভিক্খু গিলানো হোতি। তং ভিক্খূ এতদৰোচুং – ‘‘কচ্চাৰুসো, খমনীযং, কচ্চি যাপনীয’’ন্তি? ‘‘নাৰুসো, সক্কা যেন ৰা তেন ৰা অধিৰাসেতু’’ন্তি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, অনুল্লপনাধিপ্পাযস্সা’’তি।

Tena kho pana samayena aññataro bhikkhu gilāno hoti. Taṃ bhikkhū etadavocuṃ – ‘‘kaccāvuso, khamanīyaṃ, kacci yāpanīya’’nti? ‘‘Nāvuso, sakkā yena vā tena vā adhivāsetu’’nti. Tassa kukkuccaṃ ahosi…pe… ‘‘anāpatti, bhikkhu, anullapanādhippāyassā’’ti.

তেন খো পন সমযেন অঞ্ঞতরো ভিক্খু গিলানো হোতি। তং ভিক্খূ এতদৰোচুং – ‘‘কচ্চাৰুসো খমনীযং, কচ্চি যাপনীয’’ন্তি? ‘‘নাৰুসো, সক্কা পুথুজ্জনেন অধিৰাসেতু’’ন্তি। তস্স কুক্কুচ্চং অহোসি…পে॰… ‘‘কিংচিত্তো ত্ৰং, ভিক্খূ’’তি? ‘‘উল্লপনাধিপ্পাযো অহং, ভগৰা’’তি। ‘‘অনাপত্তি, ভিক্খু, পারাজিকস্স; আপত্তি থুল্লচ্চযস্সা’’তি।

Tena kho pana samayena aññataro bhikkhu gilāno hoti. Taṃ bhikkhū etadavocuṃ – ‘‘kaccāvuso khamanīyaṃ, kacci yāpanīya’’nti? ‘‘Nāvuso, sakkā puthujjanena adhivāsetu’’nti. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Ullapanādhippāyo ahaṃ, bhagavā’’ti. ‘‘Anāpatti, bhikkhu, pārājikassa; āpatti thullaccayassā’’ti.

২২৬. তেন খো পন সমযেন অঞ্ঞতরো ব্রাহ্মণো ভিক্খূ নিমন্তেত্ৰা এতদৰোচ – ‘‘আযন্তু, ভোন্তো অরহন্তো’’তি। তেসং কুক্কুচ্চং অহোসি – ‘‘মযঞ্চম্হ ন অরহন্তো ⁴⁹। অযঞ্চ ব্রাহ্মণো অম্হে অরহন্তৰাদেন সমুদাচরতি। কথং নু খো অম্হেহি পটিপজ্জিতব্ব’’ন্তি? ভগৰতো এতমত্থং আরোচেসুং। ‘‘অনাপত্তি, ভিক্খৰে, পসাদভঞ্ঞে’’তি।

226. Tena kho pana samayena aññataro brāhmaṇo bhikkhū nimantetvā etadavoca – ‘‘āyantu, bhonto arahanto’’ti. Tesaṃ kukkuccaṃ ahosi – ‘‘mayañcamha na arahanto ⁵⁰. Ayañca brāhmaṇo amhe arahantavādena samudācarati. Kathaṃ nu kho amhehi paṭipajjitabba’’nti? Bhagavato etamatthaṃ ārocesuṃ. ‘‘Anāpatti, bhikkhave, pasādabhaññe’’ti.

তেন খো পন সমযেন অঞ্ঞতরো ব্রাহ্মণো ভিক্খূ নিমন্তেত্ৰা এতদৰোচ – ‘‘নিসীদন্তু, ভোন্তো অরহন্তো’’তি… ‘‘ভুঞ্জন্তু, ভোন্তো অরহন্তো’’তি… ‘‘তপ্পেন্তু, ভোন্তো অরহন্তো’’তি… ‘‘গচ্ছন্তু, ভোন্তো অরহন্তো’’তি। তেসং কুক্কুচ্চং অহোসি – ‘‘মযঞ্চম্হ ন অরহন্তো । অযঞ্চ ব্রাহ্মণো অম্হে অরহন্তৰাদেন সমুদাচরতি। কথং নু খো অম্হেহি পটিপজ্জিতব্ব’’ন্তি? ভগৰতো এতমত্থং আরোচেসুং। ‘‘অনাপত্তি, ভিক্খৰে, পসাদভঞ্ঞে’’তি।

Tena kho pana samayena aññataro brāhmaṇo bhikkhū nimantetvā etadavoca – ‘‘nisīdantu, bhonto arahanto’’ti… ‘‘bhuñjantu, bhonto arahanto’’ti… ‘‘tappentu, bhonto arahanto’’ti… ‘‘gacchantu, bhonto arahanto’’ti. Tesaṃ kukkuccaṃ ahosi – ‘‘mayañcamha na arahanto . Ayañca brāhmaṇo amhe arahantavādena samudācarati. Kathaṃ nu kho amhehi paṭipajjitabba’’nti? Bhagavato etamatthaṃ ārocesuṃ. ‘‘Anāpatti, bhikkhave, pasādabhaññe’’ti.

তেন খো পন সমযেন অঞ্ঞতরো ভিক্খু অঞ্ঞতরস্স ভিক্খুনো উত্তরিমনুস্সধম্মং উল্লপতি। সোপি এৰমাহ – ‘‘ময্হম্পি, আৰুসো, আসৰা পহীনা’’তি। তস্স কুক্কুচ্চং অহোসি…পে॰… ‘‘আপত্তিং ত্ৰং, ভিক্খু, আপন্নো পারাজিক’’ন্তি।

Tena kho pana samayena aññataro bhikkhu aññatarassa bhikkhuno uttarimanussadhammaṃ ullapati. Sopi evamāha – ‘‘mayhampi, āvuso, āsavā pahīnā’’ti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.

তেন খো পন সমযেন অঞ্ঞতরো ভিক্খু অঞ্ঞতরস্স ভিক্খুনো উত্তরিমনুস্সধম্মং উল্লপতি। সোপি এৰমাহ – ‘‘ময্হম্পি, আৰুসো, এতে ধম্মা সংৰিজ্জন্তী’’তি। তস্স কুক্কুচ্চং অহোসি…পে॰… ‘‘আপত্তিং ত্ৰং, ভিক্খু, আপন্নো পারাজিক’’ন্তি।

Tena kho pana samayena aññataro bhikkhu aññatarassa bhikkhuno uttarimanussadhammaṃ ullapati. Sopi evamāha – ‘‘mayhampi, āvuso, ete dhammā saṃvijjantī’’ti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.

তেন খো পন সমযেন অঞ্ঞতরো ভিক্খু অঞ্ঞতরস্স ভিক্খুনো উত্তরিমনুস্সধম্মং উল্লপতি। সোপি এৰমাহ – ‘‘অহম্পাৰুসো, তেসু ধম্মেসু সন্দিস্সামী’’তি। তস্স কুক্কুচ্চং অহোসি…পে॰… ‘‘আপত্তিং ত্ৰং , ভিক্খু, আপন্নো পারাজিক’’ন্তি।

Tena kho pana samayena aññataro bhikkhu aññatarassa bhikkhuno uttarimanussadhammaṃ ullapati. Sopi evamāha – ‘‘ahampāvuso, tesu dhammesu sandissāmī’’ti. Tassa kukkuccaṃ ahosi…pe… ‘‘āpattiṃ tvaṃ , bhikkhu, āpanno pārājika’’nti.

তেন খো পন সমযেন অঞ্ঞতরং ভিক্খুং ঞাতকা এতদৰোচুং – ‘‘এহি, ভন্তে, অগারং অজ্ঝাৰসা’’তি। ‘‘অভব্বো খো, আৰুসো, মাদিসো অগারং অজ্ঝাৰসিতু’’ন্তি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, অনুল্লপনাধিপ্পাযস্সা’’তি।

Tena kho pana samayena aññataraṃ bhikkhuṃ ñātakā etadavocuṃ – ‘‘ehi, bhante, agāraṃ ajjhāvasā’’ti. ‘‘Abhabbo kho, āvuso, mādiso agāraṃ ajjhāvasitu’’nti. Tassa kukkuccaṃ ahosi…pe… ‘‘anāpatti, bhikkhu, anullapanādhippāyassā’’ti.

২২৭. তেন খো পন সমযেন অঞ্ঞতরং ভিক্খুং ঞাতকা এতদৰোচুং – ‘‘এহি, ভন্তে, কামে পরিভুঞ্জা’’তি। ‘‘আৰটা মে, আৰুসো, কামা’’তি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, অনুল্লপনাধিপ্পাযস্সা’’তি।

227. Tena kho pana samayena aññataraṃ bhikkhuṃ ñātakā etadavocuṃ – ‘‘ehi, bhante, kāme paribhuñjā’’ti. ‘‘Āvaṭā me, āvuso, kāmā’’ti. Tassa kukkuccaṃ ahosi…pe… ‘‘anāpatti, bhikkhu, anullapanādhippāyassā’’ti.

তেন খো পন সমযেন অঞ্ঞতরং ভিক্খুং ঞাতকা এতদৰোচুং – ‘‘অভিরমসি, ভন্তে’’তি? ‘‘অভিরতো অহং, আৰুসো, পরমায অভিরতিযা’’তি। তস্স কুক্কুচ্চং অহোসি। ‘‘যে খো তে ভগৰতো সাৰকা তে এৰং ৰদেয্যুং! অহঞ্চম্হি ন ভগৰতো সাৰকো। কচ্চি নু খো অহং পারাজিকং আপত্তিং আপন্নো’’তি? ভগৰতো এতমত্থং আরোচেসি। ‘‘কিংচিত্তো ত্ৰং, ভিক্খূ’’তি? ‘‘অনুল্লপনাধিপ্পাযো অহং, ভগৰা’’তি। ‘‘অনাপত্তি, ভিক্খু, অনুল্লপনাধিপ্পাযস্সা’’তি।

Tena kho pana samayena aññataraṃ bhikkhuṃ ñātakā etadavocuṃ – ‘‘abhiramasi, bhante’’ti? ‘‘Abhirato ahaṃ, āvuso, paramāya abhiratiyā’’ti. Tassa kukkuccaṃ ahosi. ‘‘Ye kho te bhagavato sāvakā te evaṃ vadeyyuṃ! Ahañcamhi na bhagavato sāvako. Kacci nu kho ahaṃ pārājikaṃ āpattiṃ āpanno’’ti? Bhagavato etamatthaṃ ārocesi. ‘‘Kiṃcitto tvaṃ, bhikkhū’’ti? ‘‘Anullapanādhippāyo ahaṃ, bhagavā’’ti. ‘‘Anāpatti, bhikkhu, anullapanādhippāyassā’’ti.

তেন খো পন সমযেন সম্বহুলা ভিক্খূ কতিকং কত্ৰা অঞ্ঞতরস্মিং আৰাসে ৰস্সং উপগচ্ছিংসু – ‘‘যো ইমম্হা আৰাসা পঠমং পক্কমিস্সতি তং মযং অরহাতি জানিস্সামা’’তি। অঞ্ঞতরো ভিক্খু – ‘‘মং অরহাতি জানন্তূ’’তি, তম্হা আৰাসা পঠমং পক্কামি। তস্স কুক্কুচ্চং অহোসি…পে॰… ‘‘আপত্তিং ত্ৰং, ভিক্খু, আপন্নো পারাজিক’’ন্তি।

Tena kho pana samayena sambahulā bhikkhū katikaṃ katvā aññatarasmiṃ āvāse vassaṃ upagacchiṃsu – ‘‘yo imamhā āvāsā paṭhamaṃ pakkamissati taṃ mayaṃ arahāti jānissāmā’’ti. Aññataro bhikkhu – ‘‘maṃ arahāti jānantū’’ti, tamhā āvāsā paṭhamaṃ pakkāmi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.

২২৮. ⁵¹ তেন সমযেন বুদ্ধো ভগৰা রাজগহে ৰিহরতি ৰেল়ুৰনে কলন্দকনিৰাপে। তেন খো পন সমযেন আযস্মা চ লক্খণো আযস্মা চ মহামোগ্গল্লানো গিজ্ঝকূটে পব্বতে ৰিহরন্তি। অথ খো আযস্মা মহামোগ্গল্লানো পুব্বণ্হসমযং নিৰাসেত্ৰা পত্তচীৰরং আদায যেনাযস্মা লক্খণো তেনুপসঙ্কমি; উপসঙ্কমিত্ৰা আযস্মন্তং লক্খণং এতদৰোচ – ‘‘আযামাৰুসো লক্খণ, রাজগহং পিণ্ডায পৰিসিস্সামা’’তি। ‘‘এৰমাৰুসো’’তি খো আযস্মা লক্খণো আযস্মতো মহামোগ্গল্লানস্স পচ্চস্সোসি। অথ খো আযস্মা মহামোগ্গল্লানো গিজ্ঝকূটা পব্বতা ওরোহন্তো অঞ্ঞতরস্মিং পদেসে সিতং পাত্ৰাকাসি। অথ খো আযস্মা লক্খণো আযস্মন্তং মহামোগ্গল্লানং এতদৰোচ – ‘‘কো নু খো, আৰুসো মোগ্গল্লান, হেতু কো পচ্চযো সিতস্স পাতুকম্মাযা’’তি? ‘‘অকালো খো, আৰুসো লক্খণ, এতস্স পঞ্হস্স ⁵²। ভগৰতো মং সন্তিকে এতং পঞ্হং পুচ্ছাতি। অথ খো আযস্মা চ লক্খণো আযস্মা চ মহামোগ্গল্লানো রাজগহে পিণ্ডায চরিত্ৰা পচ্ছাভত্তং পিণ্ডপাতপটিক্কন্তা যেন ভগৰা তেনুপসঙ্কমিংসু; উপসঙ্কমিত্ৰা ভগৰন্তং অভিৰাদেত্ৰা একমন্তং নিসীদিংসু। একমন্তং নিসিন্নো খো আযস্মা লক্খণো আযস্মন্তং মহামোগ্গল্লানং এতদৰোচ – ‘‘ইধাযস্মা মহামোগ্গল্লানো গিজ্ঝকূটা পব্বতা ওরোহন্তো অঞ্ঞতরস্মিং পদেসে সিতং পাত্ৰাকাসি। কো নু খো, আৰুসো মোগ্গল্লান, হেতু কো পচ্চযো সিতস্স পাতুকম্মাযা’’তি? ‘‘ইধাহং, আৰুসো, গিজ্ঝকূটা পব্বতা ওরোহন্তো অদ্দসং অট্ঠিকসঙ্খলিকং ৰেহাসং গচ্ছন্তিং। তমেনং গিজ্ঝাপি কাকাপি কুললাপি অনুপতিত্ৰা অনুপতিত্ৰা ফাসুল়ন্তরিকাহি ৰিতুডেন্তি ⁵³। সা সুদং অট্টস্সরং করোতি। তস্স ময্হং, আৰুসো, এতদহোসি – ‘অচ্ছরিযং ৰত ভো, অব্ভুতং ৰত ভো, এৰরূপোপি নাম সত্তো ভৰিস্সতি! এৰরূপোপি নাম যক্খো ভৰিস্সতি! এৰরূপোপি নাম অত্তভাৰপ্পটিলাভো ভৰিস্সতী’’’তি! ভিক্খূ উজ্ঝাযন্তি খিয্যন্তি ৰিপাচেন্তি – ‘‘উত্তরিমনুস্সধম্মং আযস্মা মহামোগ্গল্লানো উল্লপতী’’তি। অথ খো ভগৰা ভিক্খূ আমন্তেসি – ‘‘চক্খুভূতা ৰত, ভিক্খৰে, সাৰকা ৰিহরন্তি। ঞাণভূতা ৰত, ভিক্খৰে, সাৰকা ৰিহরন্তি। যত্র হি নাম সাৰকো এৰরূপং ঞস্সতি ৰা দক্খতি ৰা সক্খিং ৰা করিস্সতি। পুব্বেৰ মে সো, ভিক্খৰে, সত্তো দিট্ঠো অহোসি। অপি চাহং ন ব্যাকাসিং। অহঞ্চেতং ব্যাকরেয্যং পরে চ মে ন সদ্দহেয্যুং। যে মে ন সদ্দহেয্যুং তেসং তং অস্স দীঘরত্তং অহিতায দুক্খায। এসো, ভিক্খৰে, সত্তো ইমস্মিংযেৰ রাজগহে গোঘাতকো অহোসি। সো তস্স কম্মস্স ৰিপাকেন বহূনি ৰস্সানি বহূনি ৰস্সসতানি বহূনি ৰস্সসহস্সানি বহূনি ৰস্সসতসহস্সানি নিরযে পচ্চিত্ৰা তস্সেৰ কম্মস্স ৰিপাকাৰসেসেন এৰরূপং অত্তভাৰপ্পটিলাভং পটিসংৰেদেতি। সচ্চং, ভিক্খৰে, মোগ্গল্লানো আহ। অনাপত্তি, ভিক্খৰে, মোগ্গল্লানস্সা’’তি।

228.⁵⁴ Tena samayena buddho bhagavā rājagahe viharati veḷuvane kalandakanivāpe. Tena kho pana samayena āyasmā ca lakkhaṇo āyasmā ca mahāmoggallāno gijjhakūṭe pabbate viharanti. Atha kho āyasmā mahāmoggallāno pubbaṇhasamayaṃ nivāsetvā pattacīvaraṃ ādāya yenāyasmā lakkhaṇo tenupasaṅkami; upasaṅkamitvā āyasmantaṃ lakkhaṇaṃ etadavoca – ‘‘āyāmāvuso lakkhaṇa, rājagahaṃ piṇḍāya pavisissāmā’’ti. ‘‘Evamāvuso’’ti kho āyasmā lakkhaṇo āyasmato mahāmoggallānassa paccassosi. Atha kho āyasmā mahāmoggallāno gijjhakūṭā pabbatā orohanto aññatarasmiṃ padese sitaṃ pātvākāsi. Atha kho āyasmā lakkhaṇo āyasmantaṃ mahāmoggallānaṃ etadavoca – ‘‘ko nu kho, āvuso moggallāna, hetu ko paccayo sitassa pātukammāyā’’ti? ‘‘Akālo kho, āvuso lakkhaṇa, etassa pañhassa ⁵⁵. Bhagavato maṃ santike etaṃ pañhaṃ pucchāti. Atha kho āyasmā ca lakkhaṇo āyasmā ca mahāmoggallāno rājagahe piṇḍāya caritvā pacchābhattaṃ piṇḍapātapaṭikkantā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinno kho āyasmā lakkhaṇo āyasmantaṃ mahāmoggallānaṃ etadavoca – ‘‘idhāyasmā mahāmoggallāno gijjhakūṭā pabbatā orohanto aññatarasmiṃ padese sitaṃ pātvākāsi. Ko nu kho, āvuso moggallāna, hetu ko paccayo sitassa pātukammāyā’’ti? ‘‘Idhāhaṃ, āvuso, gijjhakūṭā pabbatā orohanto addasaṃ aṭṭhikasaṅkhalikaṃ vehāsaṃ gacchantiṃ. Tamenaṃ gijjhāpi kākāpi kulalāpi anupatitvā anupatitvā phāsuḷantarikāhi vituḍenti ⁵⁶. Sā sudaṃ aṭṭassaraṃ karoti. Tassa mayhaṃ, āvuso, etadahosi – ‘acchariyaṃ vata bho, abbhutaṃ vata bho, evarūpopi nāma satto bhavissati! Evarūpopi nāma yakkho bhavissati! Evarūpopi nāma attabhāvappaṭilābho bhavissatī’’’ti! Bhikkhū ujjhāyanti khiyyanti vipācenti – ‘‘uttarimanussadhammaṃ āyasmā mahāmoggallāno ullapatī’’ti. Atha kho bhagavā bhikkhū āmantesi – ‘‘cakkhubhūtā vata, bhikkhave, sāvakā viharanti. Ñāṇabhūtā vata, bhikkhave, sāvakā viharanti. Yatra hi nāma sāvako evarūpaṃ ñassati vā dakkhati vā sakkhiṃ vā karissati. Pubbeva me so, bhikkhave, satto diṭṭho ahosi. Api cāhaṃ na byākāsiṃ. Ahañcetaṃ byākareyyaṃ pare ca me na saddaheyyuṃ. Ye me na saddaheyyuṃ tesaṃ taṃ assa dīgharattaṃ ahitāya dukkhāya. Eso, bhikkhave, satto imasmiṃyeva rājagahe goghātako ahosi. So tassa kammassa vipākena bahūni vassāni bahūni vassasatāni bahūni vassasahassāni bahūni vassasatasahassāni niraye paccitvā tasseva kammassa vipākāvasesena evarūpaṃ attabhāvappaṭilābhaṃ paṭisaṃvedeti. Saccaṃ, bhikkhave, moggallāno āha. Anāpatti, bhikkhave, moggallānassā’’ti.

২২৯. ‘‘ইধাহং, আৰুসো, গিজ্ঝকূটা পব্বতা ওরোহন্তো অদ্দসং মংসপেসিং ৰেহাসং গচ্ছন্তিং। তমেনং গিজ্ঝাপি কাকাপি কুললাপি অনুপতিত্ৰা অনুপতিত্ৰা ৰিতচ্ছেন্তি ৰিভজ্জেন্তি ⁵⁷। সা সুদং অট্টস্সরং করোতি…পে॰… এসো, ভিক্খৰে, সত্তো ইমস্মিংযেৰ রাজগহে গোঘাতকো অহোসি…পে॰…।

229. ‘‘Idhāhaṃ, āvuso, gijjhakūṭā pabbatā orohanto addasaṃ maṃsapesiṃ vehāsaṃ gacchantiṃ. Tamenaṃ gijjhāpi kākāpi kulalāpi anupatitvā anupatitvā vitacchenti vibhajjenti ⁵⁸. Sā sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe goghātako ahosi…pe….

‘‘ইধাহং, আৰুসো, গিজ্ঝকূটা পব্বতা ওরোহন্তো অদ্দসং মংসপিণ্ডং ৰেহাসং গচ্ছন্তং। তমেনং গিজ্ঝাপি কাকাপি কুললাপি অনুপতিত্ৰা অনুপতিত্ৰা ৰিতচ্ছেন্তি ৰিভজ্জেন্তি। সো সুদং অট্টস্সরং করোতি…পে॰… এসো, ভিক্খৰে, সত্তো ইমস্মিংযেৰ রাজগহে সাকুণিকো অহোসি…পে॰…।

‘‘Idhāhaṃ, āvuso, gijjhakūṭā pabbatā orohanto addasaṃ maṃsapiṇḍaṃ vehāsaṃ gacchantaṃ. Tamenaṃ gijjhāpi kākāpi kulalāpi anupatitvā anupatitvā vitacchenti vibhajjenti. So sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe sākuṇiko ahosi…pe….

‘‘ইধাহং, আৰুসো, গিজ্ঝকূটা পব্বতা ওরোহন্তো অদ্দসং নিচ্ছৰিং পুরিসং ৰেহাসং গচ্ছন্তং। তমেনং গিজ্ঝাপি কাকাপি কুললাপি অনুপতিত্ৰা অনুপতিত্ৰা ৰিতচ্ছেন্তি ৰিভজ্জেন্তি। সো সুদং অট্টস্সরং করোতি…পে॰… এসো, ভিক্খৰে, সত্তো ইমস্মিংযেৰ রাজগহে ওরব্ভিকো অহোসি…পে॰…।

‘‘Idhāhaṃ, āvuso, gijjhakūṭā pabbatā orohanto addasaṃ nicchaviṃ purisaṃ vehāsaṃ gacchantaṃ. Tamenaṃ gijjhāpi kākāpi kulalāpi anupatitvā anupatitvā vitacchenti vibhajjenti. So sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe orabbhiko ahosi…pe….

‘‘ইধাহং, আৰুসো, গিজ্ঝকূটা পব্বতা ওরোহন্তো অদ্দসং অসিলোমং পুরিসং ৰেহাসং গচ্ছন্তং । তস্স তে অসী উপ্পতিত্ৰা উপ্পতিত্ৰা তস্সেৰ কাযে নিপতন্তি। সো সুদং অট্টস্সরং করোতি…পে॰… এসো, ভিক্খৰে, সত্তো ইমস্মিংযেৰ রাজগহে সূকরিকো অহোসি…পে॰…।

‘‘Idhāhaṃ, āvuso, gijjhakūṭā pabbatā orohanto addasaṃ asilomaṃ purisaṃ vehāsaṃ gacchantaṃ . Tassa te asī uppatitvā uppatitvā tasseva kāye nipatanti. So sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe sūkariko ahosi…pe….

‘‘ইধাহং, আৰুসো, গিজ্ঝকূটা পব্বতা ওরোহন্তো অদ্দসং সত্তিলোমং পুরিসং ৰেহাসং গচ্ছন্তং। তস্স তা সত্তিযো উপ্পতিত্ৰা উপ্পতিত্ৰা তস্সেৰ কাযে নিপতন্তি। সো সুদং অট্টস্সরং করোতি…পে॰… এসো, ভিক্খৰে, সত্তো ইমস্মিংযেৰ রাজগহে মাগৰিকো অহোসি…পে॰…।

‘‘Idhāhaṃ, āvuso, gijjhakūṭā pabbatā orohanto addasaṃ sattilomaṃ purisaṃ vehāsaṃ gacchantaṃ. Tassa tā sattiyo uppatitvā uppatitvā tasseva kāye nipatanti. So sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe māgaviko ahosi…pe….

‘‘ইধাহং, আৰুসো, গিজ্ঝকূটা পব্বতা ওরোহন্তো অদ্দসং উসুলোমং পুরিসং ৰেহাসং গচ্ছন্তং। তস্স তে উসূ উপ্পতিত্ৰা উপ্পতিত্ৰা তস্সেৰ কাযে নিপতন্তি। সো সুদং অট্টস্সরং করোতি…পে॰… এসো, ভিক্খৰে, সত্তো ইমস্মিংযেৰ রাজগহে কারণিকো অহোসি…পে॰…।

‘‘Idhāhaṃ, āvuso, gijjhakūṭā pabbatā orohanto addasaṃ usulomaṃ purisaṃ vehāsaṃ gacchantaṃ. Tassa te usū uppatitvā uppatitvā tasseva kāye nipatanti. So sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe kāraṇiko ahosi…pe….

‘‘ইধাহং, আৰুসো, গিজ্ঝকূটা পব্বতা ওরোহন্তো অদ্দসং সূচিলোমং পুরিসং ৰেহাসং গচ্ছন্তং। তস্স তা সূচিযো উপ্পতিত্ৰা উপ্পতিত্ৰা তস্সেৰ কাযে নিপতন্তি। সো সুদং অট্টস্সরং করোতি…পে॰… এসো, ভিক্খৰে, সত্তো ইমস্মিংযেৰ রাজগহে সারথিকো অহোসি…পে॰…।

‘‘Idhāhaṃ, āvuso, gijjhakūṭā pabbatā orohanto addasaṃ sūcilomaṃ purisaṃ vehāsaṃ gacchantaṃ. Tassa tā sūciyo uppatitvā uppatitvā tasseva kāye nipatanti. So sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe sārathiko ahosi…pe….

‘‘ইধাহং, আৰুসো, গিজ্ঝকূটা পব্বতা ওরোহন্তো অদ্দসং সূচিলোমং পুরিসং ৰেহাসং গচ্ছন্তং। তস্স তা সূচিযো সীসে পৰিসিত্ৰা মুখতো নিক্খমন্তি; মুখে পৰিসিত্ৰা উরতো নিক্খমন্তি; উরে পৰিসিত্ৰা উদরতো নিক্খমন্তি; উদরে পৰিসিত্ৰা ঊরূহি নিক্খমন্তি; ঊরূসু পৰিসিত্ৰা জঙ্ঘাহি নিক্খমন্তি; জঙ্ঘাসু পৰিসিত্ৰা পাদেহি নিক্খমন্তি। সো সুদং অট্টস্সরং করোতি…পে॰… এসো, ভিক্খৰে, সত্তো ইমস্মিংযেৰ রাজগহে সূচকো অহোসি…পে॰…।

‘‘Idhāhaṃ, āvuso, gijjhakūṭā pabbatā orohanto addasaṃ sūcilomaṃ purisaṃ vehāsaṃ gacchantaṃ. Tassa tā sūciyo sīse pavisitvā mukhato nikkhamanti; mukhe pavisitvā urato nikkhamanti; ure pavisitvā udarato nikkhamanti; udare pavisitvā ūrūhi nikkhamanti; ūrūsu pavisitvā jaṅghāhi nikkhamanti; jaṅghāsu pavisitvā pādehi nikkhamanti. So sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe sūcako ahosi…pe….

‘‘ইধাহং, আৰুসো, গিজ্ঝকূটা পব্বতা ওরোহন্তো অদ্দসং কুম্ভণ্ডং পুরিসং ৰেহাসং গচ্ছন্তং। সো গচ্ছন্তোপি তেৰ অণ্ডে খন্ধে আরোপেত্ৰা গচ্ছতি, নিসীদন্তোপি তেস্ৰেৰ অণ্ডেসু নিসীদতি। তমেনং গিজ্ঝাপি কাকাপি কুললাপি অনুপতিত্ৰা অনুপতিত্ৰা ৰিতচ্ছেন্তি ৰিভজ্জেন্তি। সো সুদং অট্টস্সরং করোতি…পে॰… এসো, ভিক্খৰে, সত্তো ইমস্মিংযেৰ রাজগহে গামকূটো অহোসি…পে॰…।

‘‘Idhāhaṃ, āvuso, gijjhakūṭā pabbatā orohanto addasaṃ kumbhaṇḍaṃ purisaṃ vehāsaṃ gacchantaṃ. So gacchantopi teva aṇḍe khandhe āropetvā gacchati, nisīdantopi tesveva aṇḍesu nisīdati. Tamenaṃ gijjhāpi kākāpi kulalāpi anupatitvā anupatitvā vitacchenti vibhajjenti. So sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe gāmakūṭo ahosi…pe….

‘‘ইধাহং, আৰুসো, গিজ্ঝকূটা পব্বতা ওরোহন্তো অদ্দসং পুরিসং গূথকূপে সসীসকং নিমুগ্গং…পে॰… এসো, ভিক্খৰে, সত্তো ইমস্মিংযেৰ রাজগহে পারদারিকো অহোসি…পে॰…।

‘‘Idhāhaṃ, āvuso, gijjhakūṭā pabbatā orohanto addasaṃ purisaṃ gūthakūpe sasīsakaṃ nimuggaṃ…pe… eso, bhikkhave, satto imasmiṃyeva rājagahe pāradāriko ahosi…pe….

‘‘ইধাহং , আৰুসো, গিজ্ঝকূটা পব্বতা ওরোহন্তো অদ্দসং পুরিসং গূথকূপে সসীসকং নিমুগ্গং উভোহি হত্থেহি গূথং খাদন্তং…পে॰… এসো, ভিক্খৰে, সত্তো ইমস্মিংযেৰ রাজগহে দুট্ঠব্রাহ্মণো অহোসি। সো কস্সপস্স সম্মাসম্বুদ্ধস্স পাৰচনে ভিক্খুসঙ্ঘং ভত্তেন নিমন্তেত্ৰা দোণিযো ⁵⁹ গূথস্স পূরাপেত্ৰা কালং আরোচাপেত্ৰা এতদৰোচ – ‘অতো ⁶⁰, ভোন্তো, যাৰদত্থং ভুঞ্জন্তু চেৰ হরন্তু চা’’’তি…পে॰…।

‘‘Idhāhaṃ , āvuso, gijjhakūṭā pabbatā orohanto addasaṃ purisaṃ gūthakūpe sasīsakaṃ nimuggaṃ ubhohi hatthehi gūthaṃ khādantaṃ…pe… eso, bhikkhave, satto imasmiṃyeva rājagahe duṭṭhabrāhmaṇo ahosi. So kassapassa sammāsambuddhassa pāvacane bhikkhusaṅghaṃ bhattena nimantetvā doṇiyo ⁶¹ gūthassa pūrāpetvā kālaṃ ārocāpetvā etadavoca – ‘ato ⁶², bhonto, yāvadatthaṃ bhuñjantu ceva harantu cā’’’ti…pe….

২৩০. ‘‘ইধাহং, আৰুসো, গিজ্ঝকূটা পব্বতা ওরোহন্তো অদ্দসং নিচ্ছৰিং ইত্থিং ৰেহাসং গচ্ছন্তিং। তমেনং গিজ্ঝাপি কাকাপি কুললাপি অনুপতিত্ৰা অনুপতিত্ৰা ৰিতচ্ছেন্তি ৰিভজ্জেন্তি। সা সুদং অট্টস্সরং করোতি…পে॰… এসা, ভিক্খৰে, ইত্থী ইমস্মিংযেৰ রাজগহে অতিচারিনী অহোসি…পে॰…।

230. ‘‘Idhāhaṃ, āvuso, gijjhakūṭā pabbatā orohanto addasaṃ nicchaviṃ itthiṃ vehāsaṃ gacchantiṃ. Tamenaṃ gijjhāpi kākāpi kulalāpi anupatitvā anupatitvā vitacchenti vibhajjenti. Sā sudaṃ aṭṭassaraṃ karoti…pe… esā, bhikkhave, itthī imasmiṃyeva rājagahe aticārinī ahosi…pe….

‘‘ইধাহং, আৰুসো, গিজ্ঝকূটা পব্বতা ওরোহন্তো অদ্দসং ইত্থিং দুগ্গন্ধং মঙ্গুলিং ৰেহাসং গচ্ছন্তিং। তমেনং গিজ্ঝাপি কাকাপি কুললাপি অনুপতিত্ৰা অনুপতিত্ৰা ৰিতচ্ছেন্তি ৰিভজ্জেন্তি। সা সুদং অট্টস্সরং করোতি…পে॰… এসা, ভিক্খৰে, ইত্থী ইমস্মিংযেৰ রাজগহে ইক্খণিকা অহোসি…পে॰…।

‘‘Idhāhaṃ, āvuso, gijjhakūṭā pabbatā orohanto addasaṃ itthiṃ duggandhaṃ maṅguliṃ vehāsaṃ gacchantiṃ. Tamenaṃ gijjhāpi kākāpi kulalāpi anupatitvā anupatitvā vitacchenti vibhajjenti. Sā sudaṃ aṭṭassaraṃ karoti…pe… esā, bhikkhave, itthī imasmiṃyeva rājagahe ikkhaṇikā ahosi…pe….

‘‘ইধাহং, আৰুসো, গিজ্ঝকূটা পব্বতা ওরোহন্তো অদ্দসং ইত্থিং উপ্পক্কং ওকিলিনিং ওকিরিনিং ৰেহাসং গচ্ছন্তিং। সা সুদং অট্টস্সরং করোতি…পে॰… এসা, ভিক্খৰে , ইত্থী কালিঙ্গস্স রঞ্ঞো অগ্গমহেসী অহোসি। সা ইস্সাপকতা সপত্তিং অঙ্গারকটাহেন ওকিরি…পে॰…।

‘‘Idhāhaṃ, āvuso, gijjhakūṭā pabbatā orohanto addasaṃ itthiṃ uppakkaṃ okiliniṃ okiriniṃ vehāsaṃ gacchantiṃ. Sā sudaṃ aṭṭassaraṃ karoti…pe… esā, bhikkhave , itthī kāliṅgassa rañño aggamahesī ahosi. Sā issāpakatā sapattiṃ aṅgārakaṭāhena okiri…pe….

‘‘ইধাহং, আৰুসো, গিজ্ঝকূটা পব্বতা ওরোহন্তো অদ্দসং অসীসকং কবন্ধং ৰেহাসং গচ্ছন্তং। তস্স উরে অক্খীনি চেৰ হোন্তি মুখঞ্চ। তমেনং গিজ্ঝাপি কাকাপি কুললাপি অনুপতিত্ৰা অনুপতিত্ৰা ৰিতচ্ছেন্তি ৰিভজ্জেন্তি। সো সুদং অট্টস্সরং করোতি…পে॰… এসো, ভিক্খৰে, সত্তো ইমস্মিংযেৰ রাজগহে হারিকো নাম চোরঘাতকো অহোসি…পে॰…।

‘‘Idhāhaṃ, āvuso, gijjhakūṭā pabbatā orohanto addasaṃ asīsakaṃ kabandhaṃ vehāsaṃ gacchantaṃ. Tassa ure akkhīni ceva honti mukhañca. Tamenaṃ gijjhāpi kākāpi kulalāpi anupatitvā anupatitvā vitacchenti vibhajjenti. So sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe hāriko nāma coraghātako ahosi…pe….

‘‘ইধাহং , আৰুসো, গিজ্ঝকূটা পব্বতা ওরোহন্তো অদ্দসং ভিক্খুং ৰেহাসং গচ্ছন্তং। তস্স সঙ্ঘাটিপি আদিত্তা সম্পজ্জলিতা সজোতিভূতা, পত্তোপি আদিত্তো সম্পজ্জলিতো সজোতিভূতো, কাযবন্ধনম্পি আদিত্তং সম্পজ্জলিতং সজোতিভূতং, কাযোপি আদিত্তো সম্পজ্জলিতো সজোতিভূতো। সো সুদং অট্টস্সরং করোতি…পে॰… এসো, ভিক্খৰে, ভিক্খু কস্সপস্স সম্মাসম্বুদ্ধস্স পাৰচনে পাপভিক্খু অহোসি…পে॰…।

‘‘Idhāhaṃ , āvuso, gijjhakūṭā pabbatā orohanto addasaṃ bhikkhuṃ vehāsaṃ gacchantaṃ. Tassa saṅghāṭipi ādittā sampajjalitā sajotibhūtā, pattopi āditto sampajjalito sajotibhūto, kāyabandhanampi ādittaṃ sampajjalitaṃ sajotibhūtaṃ, kāyopi āditto sampajjalito sajotibhūto. So sudaṃ aṭṭassaraṃ karoti…pe… eso, bhikkhave, bhikkhu kassapassa sammāsambuddhassa pāvacane pāpabhikkhu ahosi…pe….

‘‘ইধাহং, আৰুসো, গিজ্ঝকূটা পব্বতা ওরোহন্তো অদ্দসং ভিক্খুনিং… অদ্দসং সিক্খমানং… অদ্দসং সামণেরং… অদ্দসং সামণেরিং ৰেহাসং গচ্ছন্তিং। তস্সা সঙ্ঘাটিপি আদিত্তা সম্পজ্জলিতা সজোতিভূতা, পত্তোপি আদিত্তো সম্পজ্জলিতো সজোতিভূতো, কাযবন্ধনম্পি আদিত্তং সম্পজ্জলিতং সজোতিভূতং, কাযোপি আদিত্তো সম্পজ্জলিতো সজোতিভূতো। সা সুদং অট্টস্সরং করোতি। তস্স ময্হং, আৰুসো, এতদহোসি – ‘অচ্ছরিযং ৰত ভো, অব্ভুতং ৰত ভো, এৰরূপোপি নাম সত্তো ভৰিস্সতি! এৰরূপোপি নাম যক্খো ভৰিস্সতি! এৰরূপোপি নাম অত্তভাৰপ্পটিলাভো ভৰিস্সতী’’’তি! ভিক্খূ উজ্ঝাযন্তি খিয্যন্তি ৰিপাচেন্তি – ‘‘উত্তরিমনুস্সধম্মং আযস্মা মহামোগ্গল্লানো উল্লপতী’’তি।

‘‘Idhāhaṃ, āvuso, gijjhakūṭā pabbatā orohanto addasaṃ bhikkhuniṃ… addasaṃ sikkhamānaṃ… addasaṃ sāmaṇeraṃ… addasaṃ sāmaṇeriṃ vehāsaṃ gacchantiṃ. Tassā saṅghāṭipi ādittā sampajjalitā sajotibhūtā, pattopi āditto sampajjalito sajotibhūto, kāyabandhanampi ādittaṃ sampajjalitaṃ sajotibhūtaṃ, kāyopi āditto sampajjalito sajotibhūto. Sā sudaṃ aṭṭassaraṃ karoti. Tassa mayhaṃ, āvuso, etadahosi – ‘acchariyaṃ vata bho, abbhutaṃ vata bho, evarūpopi nāma satto bhavissati! Evarūpopi nāma yakkho bhavissati! Evarūpopi nāma attabhāvappaṭilābho bhavissatī’’’ti! Bhikkhū ujjhāyanti khiyyanti vipācenti – ‘‘uttarimanussadhammaṃ āyasmā mahāmoggallāno ullapatī’’ti.

অথ খো ভগৰা ভিক্খূ আমন্তেসি – ‘‘চক্খুভূতা ৰত, ভিক্খৰে, সাৰকা ৰিহরন্তি। ঞাণভূতা ৰত , ভিক্খৰে, সাৰকা ৰিহরন্তি। যত্র হি নাম সাৰকো এৰরূপং ঞস্সতি ৰা দক্খতি ৰা সক্খিং ৰা করিস্সতি! পুব্বেৰ মে সা, ভিক্খৰে, সামণেরী দিট্ঠা অহোসি। অপি চাহং ন ব্যাকাসিং। অহঞ্চেতং ব্যাকরেয্যং পরে চ মে ন সদ্দহেয্যুং। যে মে ন সদ্দহেয্যুং তেসং তং অস্স দীঘরত্তং অহিতায দুক্খায। এসা, ভিক্খৰে, সামণেরী কস্সপস্স সম্মাসম্বুদ্ধস্স পাৰচনে পাপসামণেরী অহোসি। সা তস্স কম্মস্স ৰিপাকেন বহূনি ৰস্সানি বহূনি ৰস্সসতানি বহূনি ৰস্সসহস্সানি বহূনি ৰস্সসতসহস্সানি নিরযে পচ্চিত্ৰা তস্সেৰ কম্মস্স ৰিপাকাৰসেসেন এৰরূপং অত্তভাৰপ্পটিলাভং পটিসংৰেদেতি। সচ্চং, ভিক্খৰে, মোগ্গল্লানো আহ। অনাপত্তি, ভিক্খৰে, মোগ্গল্লানস্সা’’তি।

Atha kho bhagavā bhikkhū āmantesi – ‘‘cakkhubhūtā vata, bhikkhave, sāvakā viharanti. Ñāṇabhūtā vata , bhikkhave, sāvakā viharanti. Yatra hi nāma sāvako evarūpaṃ ñassati vā dakkhati vā sakkhiṃ vā karissati! Pubbeva me sā, bhikkhave, sāmaṇerī diṭṭhā ahosi. Api cāhaṃ na byākāsiṃ. Ahañcetaṃ byākareyyaṃ pare ca me na saddaheyyuṃ. Ye me na saddaheyyuṃ tesaṃ taṃ assa dīgharattaṃ ahitāya dukkhāya. Esā, bhikkhave, sāmaṇerī kassapassa sammāsambuddhassa pāvacane pāpasāmaṇerī ahosi. Sā tassa kammassa vipākena bahūni vassāni bahūni vassasatāni bahūni vassasahassāni bahūni vassasatasahassāni niraye paccitvā tasseva kammassa vipākāvasesena evarūpaṃ attabhāvappaṭilābhaṃ paṭisaṃvedeti. Saccaṃ, bhikkhave, moggallāno āha. Anāpatti, bhikkhave, moggallānassā’’ti.

২৩১. অথ খো আযস্মা মহামোগ্গল্লানো ভিক্খূ আমন্তেসি – ‘‘যতাযং, আৰুসো, তপোদা সন্দতি সো দহো অচ্ছোদকো সীতোদকো সাতোদকো সেতকো সুপ্পতিত্থো রমণীযো পহূতমচ্ছকচ্ছপো চক্কমত্তানি চ পদুমানি পুপ্ফন্তী’’তি। ভিক্খূ উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম আযস্মা মহামোগ্গল্লানো এৰং ৰক্খতি – ‘যতাযং, আৰুসো , তপোদা সন্দতি সো দহো অচ্ছোদকো সীতোদকো সাতোদকো সেতকো সুপ্পতিত্থো রমণীযো পহূতমচ্ছকচ্ছপো চক্কমত্তানি চ পদুমানি পুপ্ফন্তী’তি। অথ চ পনাযং তপোদা কুথিতা সন্দতি। উত্তরিমনুস্সধম্মং আযস্মা মহামোগ্গল্লানো উল্লপতী’’তি। ভগৰতো এতমত্থং আরোচেসুং। ‘‘যতাযং, ভিক্খৰে, তপোদা সন্দতি সো দহো অচ্ছোদকো সীতোদকো সাতোদকো সেতকো সুপ্পতিত্থো রমণীযো পহূতমচ্ছকচ্ছপো চক্কমত্তানি চ পদুমানি পুপ্ফন্তি। অপি চাযং, ভিক্খৰে, তপোদা দ্ৰিন্নং মহানিরযানং অন্তরিকায আগচ্ছতি। তেনাযং তপোদা কুথিতা সন্দতি। সচ্চং, ভিক্খৰে, মোগ্গল্লানো আহ। অনাপত্তি, ভিক্খৰে, মোগ্গল্লানস্সা’’তি।

231. Atha kho āyasmā mahāmoggallāno bhikkhū āmantesi – ‘‘yatāyaṃ, āvuso, tapodā sandati so daho acchodako sītodako sātodako setako suppatittho ramaṇīyo pahūtamacchakacchapo cakkamattāni ca padumāni pupphantī’’ti. Bhikkhū ujjhāyanti khiyyanti vipācenti – ‘‘kathañhi nāma āyasmā mahāmoggallāno evaṃ vakkhati – ‘yatāyaṃ, āvuso , tapodā sandati so daho acchodako sītodako sātodako setako suppatittho ramaṇīyo pahūtamacchakacchapo cakkamattāni ca padumāni pupphantī’ti. Atha ca panāyaṃ tapodā kuthitā sandati. Uttarimanussadhammaṃ āyasmā mahāmoggallāno ullapatī’’ti. Bhagavato etamatthaṃ ārocesuṃ. ‘‘Yatāyaṃ, bhikkhave, tapodā sandati so daho acchodako sītodako sātodako setako suppatittho ramaṇīyo pahūtamacchakacchapo cakkamattāni ca padumāni pupphanti. Api cāyaṃ, bhikkhave, tapodā dvinnaṃ mahānirayānaṃ antarikāya āgacchati. Tenāyaṃ tapodā kuthitā sandati. Saccaṃ, bhikkhave, moggallāno āha. Anāpatti, bhikkhave, moggallānassā’’ti.

তেন খো পন সমযেন রাজা মাগধো সেনিযো বিম্বিসারো লিচ্ছৰীহি সদ্ধিং সঙ্গামেন্তো পভগ্গো অহোসি। অথ রাজা পচ্ছা সেনং সঙ্কড্ঢিত্ৰা লিচ্ছৰযো পরাজেসি। সঙ্গামে চ নন্দি চরতি – ‘‘রঞ্ঞা লিচ্ছৰী পভগ্গা’’তি। অথ খো আযস্মা মহামোগ্গল্লানো ভিক্খূ আমন্তেসি – ‘‘রাজা, আৰুসো, লিচ্ছৰীহি পভগ্গো’’তি। ভিক্খূ উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম আযস্মা মহামোগ্গল্লানো এৰং ৰক্খতি – ‘রাজা , আৰুসো, লিচ্ছৰীহি পভগ্গো’তি! সঙ্গামে চ নন্দিং চরতি – ‘রঞ্ঞা লিচ্ছৰী পভগ্গা’তি! উত্তরিমনুস্সধম্মং আযস্মা মহামোগ্গল্লানো উল্লপতী’’তি। ভগৰতো এতমত্থং আরোচেসুং। ‘‘পঠমং, ভিক্খৰে, রাজা লিচ্ছৰীহি পভগ্গো। অথ রাজা পচ্ছা সেনং সঙ্কড্ঢিত্ৰা লিচ্ছৰযো পরাজেসি। সচ্চং, ভিক্খৰে, মোগ্গল্লানো আহ। অনাপত্তি, ভিক্খৰে, মোগ্গল্লানস্সা’’তি।

Tena kho pana samayena rājā māgadho seniyo bimbisāro licchavīhi saddhiṃ saṅgāmento pabhaggo ahosi. Atha rājā pacchā senaṃ saṅkaḍḍhitvā licchavayo parājesi. Saṅgāme ca nandi carati – ‘‘raññā licchavī pabhaggā’’ti. Atha kho āyasmā mahāmoggallāno bhikkhū āmantesi – ‘‘rājā, āvuso, licchavīhi pabhaggo’’ti. Bhikkhū ujjhāyanti khiyyanti vipācenti – ‘‘kathañhi nāma āyasmā mahāmoggallāno evaṃ vakkhati – ‘rājā , āvuso, licchavīhi pabhaggo’ti! Saṅgāme ca nandiṃ carati – ‘raññā licchavī pabhaggā’ti! Uttarimanussadhammaṃ āyasmā mahāmoggallāno ullapatī’’ti. Bhagavato etamatthaṃ ārocesuṃ. ‘‘Paṭhamaṃ, bhikkhave, rājā licchavīhi pabhaggo. Atha rājā pacchā senaṃ saṅkaḍḍhitvā licchavayo parājesi. Saccaṃ, bhikkhave, moggallāno āha. Anāpatti, bhikkhave, moggallānassā’’ti.

২৩২. অথ খো আযস্মা মহামোগ্গল্লানো ভিক্খূ আমন্তেসি – ‘‘ইধাহং, আৰুসো, সপ্পিনিকায নদিযা তীরে আনেঞ্জং সমাধিং সমাপন্নো নাগানং ওগয্হ উত্তরন্তানং কোঞ্চং করোন্তানং সদ্দং অস্সোসি’’ন্তি। ভিক্খূ উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম আযস্মা মহামোগ্গল্লানো আনেঞ্জং সমাধিং সমাপন্নো সদ্দং সোস্সতি! উত্তরিমনুস্সধম্মং আযস্মা মহামোগ্গল্লানো উল্লপতী’’তি। ভগৰতো এতমত্থং আরোচেসুং। ‘‘অত্থেসো, ভিক্খৰে, সমাধি সো চ খো অপরিসুদ্ধো। সচ্চং, ভিক্খৰে, মোগ্গল্লানো আহ। অনাপত্তি, ভিক্খৰে, মোগ্গল্লানস্সা’’তি।

232. Atha kho āyasmā mahāmoggallāno bhikkhū āmantesi – ‘‘idhāhaṃ, āvuso, sappinikāya nadiyā tīre āneñjaṃ samādhiṃ samāpanno nāgānaṃ ogayha uttarantānaṃ koñcaṃ karontānaṃ saddaṃ assosi’’nti. Bhikkhū ujjhāyanti khiyyanti vipācenti – ‘‘kathañhi nāma āyasmā mahāmoggallāno āneñjaṃ samādhiṃ samāpanno saddaṃ sossati! Uttarimanussadhammaṃ āyasmā mahāmoggallāno ullapatī’’ti. Bhagavato etamatthaṃ ārocesuṃ. ‘‘Attheso, bhikkhave, samādhi so ca kho aparisuddho. Saccaṃ, bhikkhave, moggallāno āha. Anāpatti, bhikkhave, moggallānassā’’ti.

অথ খো আযস্মা সোভিতো ভিক্খূ আমন্তেসি – ‘‘অহং, আৰুসো, পঞ্চ কপ্পসতানি অনুস্সরামী’’তি। ভিক্খূ উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম আযস্মা সোভিতো এৰং ৰক্খতি – ‘অহং, আৰুসো , পঞ্চ কপ্পসতানি অনুস্সরামী’তি! উত্তরিমনুস্সধম্মং আযস্মা সোভিতো উল্লপতী’’তি। ভগৰতো এতমত্থং আরোচেসুং। ‘‘অত্থেসা, ভিক্খৰে, সোভিতস্স। সা চ খো একাযেৰ জাতি। সচ্চং, ভিক্খৰে, সোভিতো আহ। অনাপত্তি, ভিক্খৰে, সোভিতস্সাতি।

Atha kho āyasmā sobhito bhikkhū āmantesi – ‘‘ahaṃ, āvuso, pañca kappasatāni anussarāmī’’ti. Bhikkhū ujjhāyanti khiyyanti vipācenti – ‘‘kathañhi nāma āyasmā sobhito evaṃ vakkhati – ‘ahaṃ, āvuso , pañca kappasatāni anussarāmī’ti! Uttarimanussadhammaṃ āyasmā sobhito ullapatī’’ti. Bhagavato etamatthaṃ ārocesuṃ. ‘‘Atthesā, bhikkhave, sobhitassa. Sā ca kho ekāyeva jāti. Saccaṃ, bhikkhave, sobhito āha. Anāpatti, bhikkhave, sobhitassāti.

চতুত্থপারাজিকং সমত্তং।

Catutthapārājikaṃ samattaṃ.

২৩৩. উদ্দিট্ঠা খো আযস্মন্তো চত্তারো পারাজিকা ধম্মা, যেসং ভিক্খু অঞ্ঞতরং ৰা অঞ্ঞতরং ৰা আপজ্জিত্ৰা ন লভতি ভিক্খূহি সদ্ধিং সংৰাসং, যথা পুরে তথা পচ্ছা, পারাজিকো হোতি অসংৰাসো। তত্থাযস্মন্তে পুচ্ছামি – ‘‘কচ্চিত্থ পরিসুদ্ধা’’? দুতিযম্পি পুচ্ছামি – ‘‘কচ্চিত্থ পরিসুদ্ধা’’? ততিযম্পি পুচ্ছামি – ‘‘কচ্চিত্থ পরিসুদ্ধা’’? পরিসুদ্ধেত্থাযস্মন্তো, তস্মা তুণ্হী, এৰমেতং ধারযামীতি।

233. Uddiṭṭhā kho āyasmanto cattāro pārājikā dhammā, yesaṃ bhikkhu aññataraṃ vā aññataraṃ vā āpajjitvā na labhati bhikkhūhi saddhiṃ saṃvāsaṃ, yathā pure tathā pacchā, pārājiko hoti asaṃvāso. Tatthāyasmante pucchāmi – ‘‘kaccittha parisuddhā’’? Dutiyampi pucchāmi – ‘‘kaccittha parisuddhā’’? Tatiyampi pucchāmi – ‘‘kaccittha parisuddhā’’? Parisuddhetthāyasmanto, tasmā tuṇhī, evametaṃ dhārayāmīti.

পারাজিকং নিট্ঠিতং।

Pārājikaṃ niṭṭhitaṃ.

তস্সুদ্দানং –

Tassuddānaṃ –

মেথুনাদিন্নাদানঞ্চ, মনুস্সৰিগ্গহুত্তরি।

Methunādinnādānañca, manussaviggahuttari;

পারাজিকানি চত্তারি, ছেজ্জৰত্থূ অসংসযাতি॥

Pārājikāni cattāri, chejjavatthū asaṃsayāti.

পারাজিককণ্ডং নিট্ঠিতং।

Pārājikakaṇḍaṃ niṭṭhitaṃ.

Next: ২. সঙ্ঘাদিসেসকণ্ডং • 2. Saṅghādisesakaṇḍaṃ

Footnotes:

1. ইদং ৰত্থু পাচি॰ ৬৭

2. idaṃ vatthu pāci. 67

3. গোৰিকত্তনেন (সী॰ ক॰)

4. govikattanena (sī. ka.)

5. বিম্বোহনং (সী॰ স্যা॰)

6. ফরসু (সী॰ স্যা॰)

7. bimbohanaṃ (sī. syā.)

8. pharasu (sī. syā.)

9. সং॰ নি॰ ১.৩৫

10. saṃ. ni. 1.35

11. ধ॰ প॰ ৩০৭ ধম্মপদেপি

12. dha. pa. 307 dhammapadepi

13. ধ॰ প॰ ৩০৭ ধম্মপদেপি

14. dha. pa. 307 dhammapadepi

15. হোন্তি যেৰানন্দ (স্যা॰), হোন্তি তে আনন্দ (সী॰)

16. honti yevānanda (syā.), honti te ānanda (sī.)

17. পাচি॰ ৭০

18. ৰিমোক্খং (সী॰ স্যা॰)

19. pāci. 70

20. vimokkhaṃ (sī. syā.)

21. পাচি॰ ৭০

22. pāci. 70

23. পাচি॰ ৭০

24. pāci. 70

25. পাচি॰ ৭০

26. pāci. 70

27. পাচি॰ ৭০

28. pāci. 70

29. পাচি॰ ৭০

30. pāci. 70

31. পাচি॰ ৭০

32. pāci. 70

33. পাচি॰ ৭০

34. অরহত্তফলস্স (স্যা॰)

35. pāci. 70

36. arahattaphalassa (syā.)

37. পাচি॰ ৭০

38. pāci. 70

39. পাচি॰ ৭০

40. pāci. 70

41. পাচি॰ ৭০

42. pāci. 70

43. একমূলকং সঙ্খিত্তং নিট্ঠিতং (স্যা॰)

44. ekamūlakaṃ saṅkhittaṃ niṭṭhitaṃ (syā.)

45. [ ] এত্থন্তরে পাঠা স্যামপোত্থকে নত্থি

46. [ ] etthantare pāṭhā syāmapotthake natthi

47. অধিমানেন (পী॰)

48. adhimānena (pī.)

49. অনরহন্তো (সী॰)

50. anarahanto (sī.)

51. ইমানি ৰত্থুনি সং॰ নি॰ ২.২০২ আগতানি

52. পঞ্হস্স ব্যাকরণায (স্যা॰)

53. ৰিতুদেন্তি ৰিতচ্ছেন্তি ৰিরাজেন্তি (স্যা॰)

54. imāni vatthuni saṃ. ni. 2.202 āgatāni

55. pañhassa byākaraṇāya (syā.)

56. vitudenti vitacchenti virājenti (syā.)

57. ৰিতুদেন্তি ৰিতচ্ছেন্তি ৰিরাজেন্তি (স্যা॰)

58. vitudenti vitacchenti virājenti (syā.)

59. দোণিযো (ইতিপি)

60. ইতো (স্যা॰) অহো (ইতিপি)

61. doṇiyo (itipi)

62. ito (syā.) aho (itipi)

Related texts:

অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ৪. চতুত্থপারাজিকং • 4. Catutthapārājikaṃ

টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā
ৰগ্গুমুদাতীরিযভিক্খুৰত্থুৰণ্ণনা • Vaggumudātīriyabhikkhuvatthuvaṇṇanā
অধিমানৰত্থুৰণ্ণনা • Adhimānavatthuvaṇṇanā
সৰিভঙ্গসিক্খাপদৰণ্ণনা • Savibhaṅgasikkhāpadavaṇṇanā
পদভাজনীযৰণ্ণনা • Padabhājanīyavaṇṇanā
সুদ্ধিকৰারকথাৰণ্ণনা • Suddhikavārakathāvaṇṇanā
ৰত্তুকামৰারকথাৰণ্ণনা • Vattukāmavārakathāvaṇṇanā
অনাপত্তিভেদকথাৰণ্ণনা • Anāpattibhedakathāvaṇṇanā
ৰিনীতৰত্থুৰণ্ণনা • Vinītavatthuvaṇṇanā
নিগমনৰণ্ণনা • Nigamanavaṇṇanā

টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā
ৰগ্গুমুদাতীরিযভিক্খুৰত্থুৰণ্ণনা • Vaggumudātīriyabhikkhuvatthuvaṇṇanā
সৰিভঙ্গসিক্খাপদৰণ্ণনা • Savibhaṅgasikkhāpadavaṇṇanā
পদভাজনীযৰণ্ণনা • Padabhājanīyavaṇṇanā
ৰিনীতৰত্থুৰণ্ণনা • Vinītavatthuvaṇṇanā
নিগমনৰণ্ণনা • Nigamanavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact