Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā

    4. жад̇уд̇т̇абаарааж̇игам̣

    4. Catutthapārājikaṃ

    жад̇усажжавид̣̇уу сад̇т̇аа, жад̇уд̇т̇ам̣ яам̣ багаасаяи;

    Catusaccavidū satthā, catutthaṃ yaṃ pakāsayi;

    баарааж̇игам̣ д̇асса д̣̇аани, бад̇д̇о сам̣ван̣н̣анааггамо.

    Pārājikaṃ tassa dāni, patto saṃvaṇṇanākkamo.

    яасмаа д̇асмаа сувин̃н̃зяяам̣, яам̣ буб̣б̣з жа багаасид̇ам̣;

    Yasmā tasmā suviññeyyaṃ, yaṃ pubbe ca pakāsitaṃ;

    д̇ам̣ важ̇ж̇аяид̇ваа ассааби, ход̇и сам̣ван̣н̣анаа аяам̣.

    Taṃ vajjayitvā assāpi, hoti saṃvaṇṇanā ayaṃ.

    ваг̇г̇умуд̣̇аад̇ийрияабхигкувад̇т̇уван̣н̣анаа

    Vaggumudātīriyabhikkhuvatthuvaṇṇanā

    193. д̇зна самаязна б̣уд̣̇д̇хо бхаг̇аваа взсаалияам̣ вихарад̇и…бз… г̇ихийнам̣ гамманд̇ам̣ ад̇хидтзмаад̇и г̇ихийнам̣ кзд̇д̇зсу жзва аараамаад̣̇ийсу жа гад̇д̇аб̣б̣агижжам̣ ад̇хидтаама; ‘‘звам̣ гаад̇аб̣б̣ам̣, звам̣ на гаад̇аб̣б̣а’’нд̇и аажигкаама жзва анусаасаама жаад̇и вуд̇д̇ам̣ ход̇и. д̣̇ууд̇зяяанд̇и д̣̇ууд̇агаммам̣. уд̇д̇аримануссад̇хаммассаад̇и мануссз уд̇д̇ин̣н̣ад̇хаммасса; мануссз ад̇иггамид̇ваа б̣рахмад̇д̇ам̣ ваа ниб̣б̣аанам̣ ваа баабанагад̇хаммассаад̇и ад̇т̇о. уд̇д̇аримануссаанам̣ ваа сздтабурисаанам̣ жхааяийнан̃жа арияаанан̃жа д̇хаммасса. асуго бхигкууд̇иаад̣̇ийсу ад̇д̇анаа звам̣ манд̇аяид̇ваа бажчаа г̇ихийнам̣ бхаасанд̇аа ‘‘б̣уд̣̇д̇харагкид̇о наама бхигку батамасса жхаанасса лаабхий, д̇хаммарагкид̇о д̣̇уд̇ияассаа’’д̇и звам̣ наамавасзнзва ван̣н̣ам̣ бхаасим̣сууд̇и взд̣̇ид̇аб̣б̣о. д̇ад̇т̇а зсоязва ко аавусо сзяяод̇и гамманд̇аад̇хидтаанам̣ д̣̇ууд̇зяяахаран̣ан̃жа б̣ахусабад̇д̇ам̣ махаасамаарамбхам̣ на жа саман̣асааруббам̣. д̇ад̇о бана убхаяад̇оби зсо зва сзяяо баасам̣сад̇аро сунд̣̇арад̇аро яо амхаагам̣ г̇ихийнам̣ ан̃н̃аман̃н̃асса уд̇д̇аримануссад̇хаммасса ван̣н̣о бхаасид̇о. гим̣ вуд̇д̇ам̣ ход̇и? ирияаабат̇ам̣ сан̣табзд̇ваа нисиннам̣ ваа жан̇гаманд̇ам̣ ваа бужчанд̇аанам̣ ваа абужчанд̇аанам̣ ваа г̇ихийнам̣ ‘‘аяам̣ асуго наама бхигку батамасса жхаанасса лаабхий’’д̇и звамаад̣̇инаа наязна яо амхаагам̣ ан̃н̃зна ан̃н̃асса уд̇д̇аримануссад̇хаммасса ван̣н̣о бхаасид̇о бхависсад̇и, зсо зва сзяяод̇и. анааг̇ад̇асамб̣анд̇хз бана асад̇и на зд̇зхи со д̇асмим̣ кан̣з бхаасид̇ова яасмаа на яуж̇ж̇ад̇и, д̇асмаа анааг̇ад̇асамб̣анд̇хам̣ гад̇ваа ‘‘яо звам̣ бхаасид̇о бхависсад̇и, со зва сзяяо’’д̇и звамзд̇т̇а ад̇т̇о взд̣̇ид̇аб̣б̣о. лагкан̣ам̣ бана сад̣̇д̣̇асад̇т̇ад̇о бариязсид̇аб̣б̣ам̣.

    193.Tena samayena buddho bhagavā vesāliyaṃ viharati…pe… gihīnaṃ kammantaṃ adhiṭṭhemāti gihīnaṃ khettesu ceva ārāmādīsu ca kattabbakiccaṃ adhiṭṭhāma; ‘‘evaṃ kātabbaṃ, evaṃ na kātabba’’nti ācikkhāma ceva anusāsāma cāti vuttaṃ hoti. Dūteyyanti dūtakammaṃ. Uttarimanussadhammassāti manusse uttiṇṇadhammassa; manusse atikkamitvā brahmattaṃ vā nibbānaṃ vā pāpanakadhammassāti attho. Uttarimanussānaṃ vā seṭṭhapurisānaṃ jhāyīnañca ariyānañca dhammassa. Asuko bhikkhūtiādīsu attanā evaṃ mantayitvā pacchā gihīnaṃ bhāsantā ‘‘buddharakkhito nāma bhikkhu paṭhamassa jhānassa lābhī, dhammarakkhito dutiyassā’’ti evaṃ nāmavaseneva vaṇṇaṃ bhāsiṃsūti veditabbo. Tattha esoyeva kho āvuso seyyoti kammantādhiṭṭhānaṃ dūteyyaharaṇañca bahusapattaṃ mahāsamārambhaṃ na ca samaṇasāruppaṃ. Tato pana ubhayatopi eso eva seyyo pāsaṃsataro sundarataro yo amhākaṃ gihīnaṃ aññamaññassa uttarimanussadhammassa vaṇṇo bhāsito. Kiṃ vuttaṃ hoti? Iriyāpathaṃ saṇṭhapetvā nisinnaṃ vā caṅkamantaṃ vā pucchantānaṃ vā apucchantānaṃ vā gihīnaṃ ‘‘ayaṃ asuko nāma bhikkhu paṭhamassa jhānassa lābhī’’ti evamādinā nayena yo amhākaṃ aññena aññassa uttarimanussadhammassa vaṇṇo bhāsito bhavissati, eso eva seyyoti. Anāgatasambandhe pana asati na etehi so tasmiṃ khaṇe bhāsitova yasmā na yujjati, tasmā anāgatasambandhaṃ katvā ‘‘yo evaṃ bhāsito bhavissati, so eva seyyo’’ti evamettha attho veditabbo. Lakkhaṇaṃ pana saddasatthato pariyesitabbaṃ.

    194. ван̣н̣аваа ахзсунд̇и ан̃н̃оязва нзсам̣ абхинаво сарийраван̣н̣о уббаж̇ж̇и, д̇зна ван̣н̣зна ван̣н̣аванд̇о ахзсум̣. бийн̣инд̣̇рияаад̇и бан̃жахи басаад̣̇зхи абхинивидтогаасасса барибун̣н̣ад̇д̇аа манажчадтаанам̣ инд̣̇рияаанам̣ амилаад̇абхаавзна бийн̣инд̣̇рияаа. басаннамукаван̣н̣аад̇и гин̃жааби ависзсзна ван̣н̣аванд̇о сарийраван̣н̣ад̇о бана нзсам̣ мукаван̣н̣о ад̇хигад̇арам̣ басанно; ажчо анаавило барисуд̣̇д̇ход̇и ад̇т̇о. виббасанначавиван̣н̣аад̇и язна жа д̇з махааган̣игаарабубпаад̣̇исад̣̇исзна ван̣н̣зна ван̣н̣аванд̇о, д̇аад̣̇исо ан̃н̃зсамби мануссаанам̣ ван̣н̣о ад̇т̇и. яат̇аа бана имзсам̣; звам̣ на д̇зсам̣ чавиван̣н̣о виббасанно. д̇зна вуд̇д̇ам̣ – ‘‘виббасанначавиван̣н̣аа’’д̇и. ид̇иха д̇з бхигкуу нзва уд̣̇д̣̇зсам̣ на барибужчам̣ на гаммадтаанам̣ ануяун̃ж̇анд̇аа. ат̇а ко гухагад̇ааяа абхууд̇аг̇ун̣асам̣ван̣н̣анааяа лад̣̇д̇хаани бан̣ийд̇абхож̇анаани бхун̃ж̇ид̇ваа яат̇аасукам̣ нид̣̇д̣̇аараамад̇ам̣ сан̇г̇ан̣игаараамад̇ан̃жа ануяун̃ж̇анд̇аа имам̣ сарийрасобхам̣ баабун̣им̣су, яат̇аа д̇ам̣ б̣аалаа бханд̇амиг̇аббадибхааг̇аад̇и.

    194.Vaṇṇavā ahesunti aññoyeva nesaṃ abhinavo sarīravaṇṇo uppajji, tena vaṇṇena vaṇṇavanto ahesuṃ. Pīṇindriyāti pañcahi pasādehi abhiniviṭṭhokāsassa paripuṇṇattā manacchaṭṭhānaṃ indriyānaṃ amilātabhāvena pīṇindriyā. Pasannamukhavaṇṇāti kiñcāpi avisesena vaṇṇavanto sarīravaṇṇato pana nesaṃ mukhavaṇṇo adhikataraṃ pasanno; accho anāvilo parisuddhoti attho. Vippasannachavivaṇṇāti yena ca te mahākaṇikārapupphādisadisena vaṇṇena vaṇṇavanto, tādiso aññesampi manussānaṃ vaṇṇo atthi. Yathā pana imesaṃ; evaṃ na tesaṃ chavivaṇṇo vippasanno. Tena vuttaṃ – ‘‘vippasannachavivaṇṇā’’ti. Itiha te bhikkhū neva uddesaṃ na paripucchaṃ na kammaṭṭhānaṃ anuyuñjantā. Atha kho kuhakatāya abhūtaguṇasaṃvaṇṇanāya laddhāni paṇītabhojanāni bhuñjitvā yathāsukhaṃ niddārāmataṃ saṅgaṇikārāmatañca anuyuñjantā imaṃ sarīrasobhaṃ pāpuṇiṃsu, yathā taṃ bālā bhantamigappaṭibhāgāti.

    ваг̇г̇умуд̣̇аад̇ийрияаад̇и ваг̇г̇умуд̣̇аад̇ийраваасино. гажжи бхигкавз каманийяанд̇и бхигкавз гажжи д̇умхаагам̣ ид̣̇ам̣ жад̇ужаггам̣ навад̣̇ваарам̣ сарийраяанд̇ам̣ каманийяам̣ саггаа камид̇ум̣ сахид̇ум̣ барихарид̇ум̣ на гин̃жи д̣̇угкам̣ уббаад̣̇зд̇ийд̇и. гажжи яаабанийяанд̇и гажжи саб̣б̣агижжзсу яаабзд̇ум̣ г̇амзд̇ум̣ саггаа, на гин̃жи анд̇арааяам̣ д̣̇ассзд̇ийд̇и. гужчи бариганд̇од̇и гужчи бариганд̇ид̇о варам̣ бхавзяяа; ‘‘баригад̇д̇о’’д̇иби баато яуж̇ж̇ад̇и. звам̣ ваг̇г̇умуд̣̇аад̇ийрияз анзгабарияааязна виг̇арахид̇ваа ид̣̇аани яасмаа д̇зхи гад̇агаммам̣ жорагаммам̣ ход̇и, д̇асмаа ааяад̇им̣ ан̃н̃зсамби зваруубасса гаммасса агаран̣ад̇т̇ам̣ ат̇а ко бхаг̇аваа бхигкуу ааманд̇зси.

    Vaggumudātīriyāti vaggumudātīravāsino. Kacci bhikkhave khamanīyanti bhikkhave kacci tumhākaṃ idaṃ catucakkaṃ navadvāraṃ sarīrayantaṃ khamanīyaṃ sakkā khamituṃ sahituṃ pariharituṃ na kiñci dukkhaṃ uppādetīti. Kacci yāpanīyanti kacci sabbakiccesu yāpetuṃ gametuṃ sakkā, na kiñci antarāyaṃ dassetīti. Kucchi parikantoti kucchi parikantito varaṃ bhaveyya; ‘‘parikatto’’tipi pāṭho yujjati. Evaṃ vaggumudātīriye anekapariyāyena vigarahitvā idāni yasmā tehi katakammaṃ corakammaṃ hoti, tasmā āyatiṃ aññesampi evarūpassa kammassa akaraṇatthaṃ atha kho bhagavā bhikkhū āmantesi.

    195. ааманд̇зд̇ваа жа бана ‘‘бан̃жимз бхигкавз махаажораа’’д̇иаад̣̇имааха. д̇ад̇т̇а санд̇о сам̣виж̇ж̇амаанаад̇и ад̇т̇и жзва убалаб̣бханд̇и жаад̇и вуд̇д̇ам̣ ход̇и. ид̇хаад̇и имасмим̣ сад̇д̇алогз. звам̣ ход̇ийд̇и звам̣ буб̣б̣абхааг̇з ижчаа уббаж̇ж̇ад̇и. гуд̣̇аассу наамааханд̇и зд̇т̇а суид̇и нибаад̇о; гуд̣̇аа наамаад̇и ад̇т̇о. со абарзна самаязнаад̇и со буб̣б̣абхааг̇з звам̣ жинд̇зд̇ваа ануггамзна барисам̣ вад̣дхзнд̇о бант̇ад̣̇ууханагаммам̣ бажжанд̇имаг̇аамавилобанд̇и звамаад̣̇ийни гад̇ваа взбуллаббад̇д̇абарисо худ̇ваа г̇аамзби аг̇аамз, ж̇анабад̣̇зби аж̇анабад̣̇з гаронд̇о хананд̇о гхаад̇знд̇о чинд̣̇анд̇о чзд̣̇аабзнд̇о бажанд̇о баажзнд̇о.

    195. Āmantetvā ca pana ‘‘pañcime bhikkhave mahācorā’’tiādimāha. Tattha santo saṃvijjamānāti atthi ceva upalabbhanti cāti vuttaṃ hoti. Idhāti imasmiṃ sattaloke. Evaṃ hotīti evaṃ pubbabhāge icchā uppajjati. Kudāssu nāmāhanti ettha suiti nipāto; kudā nāmāti attho. So aparena samayenāti so pubbabhāge evaṃ cintetvā anukkamena parisaṃ vaḍḍhento panthadūhanakammaṃ paccantimagāmavilopanti evamādīni katvā vepullappattapariso hutvā gāmepi agāme, janapadepi ajanapade karonto hananto ghātento chindanto chedāpento pacanto pācento.

    ид̇и б̣аахирагамахаажорам̣ д̣̇ассзд̇ваа д̇зна сад̣̇исз саасанз бан̃жа махаажорз д̣̇ассзд̇ум̣ ‘‘звамзва ко’’д̇иаад̣̇имааха. д̇ад̇т̇а баабабхигкунод̇и ан̃н̃зсу таанзсу муулажчинно баарааж̇игаббад̇д̇о ‘‘баабабхигкуу’’д̇и вужжад̇и. ид̇ха бана баарааж̇игам̣ анаабанно ижчаажаарз тид̇о куд̣̇д̣̇аанукуд̣̇д̣̇агаани сигкаабад̣̇аани мад̣̇д̣̇ид̇ваа вижаранд̇о ‘‘баабабхигкуу’’д̇и ад̇хиббзд̇о. д̇ассааби б̣аахирагажорасса вияа буб̣б̣абхааг̇з звам̣ ход̇и – ‘‘гуд̣̇аассу наамаахам̣…бз… баригкаараана’’нд̇и. д̇ад̇т̇а саггад̇од̇и саггаараббад̇д̇о. г̇аругад̇од̇и г̇аругаараббад̇д̇о. маанид̇од̇и манасаа бияааяид̇о. бууж̇ид̇од̇и жад̇убажжаяаабхихаарабууж̇ааяа бууж̇ид̇о. абажид̇од̇и абажид̇иббад̇д̇о. д̇ад̇т̇а яасса жад̇д̇ааро бажжаяз саггарид̇ваа судту абхисан̇кад̇з бан̣ийд̇абан̣ийд̇з гад̇ваа д̣̇знд̇и, со саггад̇о. яасмим̣ г̇арубхаавам̣ бажжубзд̇ваа д̣̇знд̇и, со г̇аругад̇о. яам̣ манасаа бияааяанд̇и, со маанид̇о. яасса саб̣б̣амбзд̇ам̣ гаронд̇и, со бууж̇ид̇о. яасса абхиваад̣̇анабажжудтаанаан̃ж̇алигаммаад̣̇ивасзна бараманибажжагаарам̣ гаронд̇и, со абажид̇о. имасса жа бана саб̣б̣амби имам̣ логаамисам̣ бад̇т̇аяамаанасса звам̣ ход̇и.

    Iti bāhirakamahācoraṃ dassetvā tena sadise sāsane pañca mahācore dassetuṃ ‘‘evameva kho’’tiādimāha. Tattha pāpabhikkhunoti aññesu ṭhānesu mūlacchinno pārājikappatto ‘‘pāpabhikkhū’’ti vuccati. Idha pana pārājikaṃ anāpanno icchācāre ṭhito khuddānukhuddakāni sikkhāpadāni madditvā vicaranto ‘‘pāpabhikkhū’’ti adhippeto. Tassāpi bāhirakacorassa viya pubbabhāge evaṃ hoti – ‘‘kudāssu nāmāhaṃ…pe… parikkhārāna’’nti. Tattha sakkatoti sakkārappatto. Garukatoti garukārappatto. Mānitoti manasā piyāyito. Pūjitoti catupaccayābhihārapūjāya pūjito. Apacitoti apacitippatto. Tattha yassa cattāro paccaye sakkaritvā suṭṭhu abhisaṅkhate paṇītapaṇīte katvā denti, so sakkato. Yasmiṃ garubhāvaṃ paccupetvā denti, so garukato. Yaṃ manasā piyāyanti, so mānito. Yassa sabbampetaṃ karonti, so pūjito. Yassa abhivādanapaccuṭṭhānaañjalikammādivasena paramanipaccakāraṃ karonti, so apacito. Imassa ca pana sabbampi imaṃ lokāmisaṃ patthayamānassa evaṃ hoti.

    со абарзна самаязнаад̇и со буб̣б̣абхааг̇з звам̣ жинд̇зд̇ваа ануггамзна сигкааяа ад̇иб̣б̣аг̇ааравз уд̣̇д̇хад̇з уннал̣з жабалз мукарз вигин̣н̣аваажз мудтассад̇ий асамбаж̇аанз баагад̇инд̣̇рияз аажарияубаж̇жхааязхи барижжад̇д̇агз лаабхаг̇аругз баабабхигкуу сан̇г̇ан̣хид̇ваа ирияаабат̇асан̣табанаад̣̇ийни гухагавад̇д̇аани сигкаабзд̇ваа ‘‘аяам̣ т̇зро асугасмим̣ наама сзнаасанз вассам̣ убаг̇амма вад̇д̇абадибад̇д̇им̣ буураяамаано вассам̣ васид̇ваа ниг̇г̇ад̇о’’д̇и логасаммад̇асзнаасанасам̣ван̣н̣анаад̣̇ийхи убааязхи логам̣ барибаажзд̇ум̣ бадиб̣алзхи ж̇аад̇агаад̣̇ийсу гад̇абарижаязхи сарасамбаннзхи баабабхигкуухи сам̣ван̣н̣ияамаанаг̇ун̣о худ̇ваа сад̇зна ваа сахассзна ваа баривуд̇о…бз… бхзсаж̇ж̇абаригкаараанам̣. аяам̣ бхигкавз батамо махаажород̇и аяам̣ санд̇хижчзд̣̇аад̣̇ижораго вияа на згам̣ гулам̣ на д̣̇вз, ат̇а ко махааж̇анам̣ ван̃жзд̇ваа жад̇убажжаяаг̇ахан̣ад̇о ‘‘батамо махаажоро’’д̇и взд̣̇ид̇аб̣б̣о. яз бана суд̇д̇анд̇игаа ваа аабхид̇хаммигаа ваа винаяад̇хараа ваа бхигкуу бхигкаажаарз асамбаж̇ж̇амаанз баал̣им̣ ваажзнд̇аа адтагат̇ам̣ гат̇знд̇аа анумод̣̇анааяа д̇хаммагат̇ааяа ирияаабат̇асамбад̇д̇ияаа жа логам̣ басаад̣̇знд̇аа ж̇анабад̣̇ажааригам̣ жаранд̇и саггад̇аа г̇аругад̇аа маанид̇аа бууж̇ид̇аа абажид̇аа, д̇з ‘‘д̇анд̇ибавзн̣игхаданагаа саасанаж̇од̇агаа’’д̇и взд̣̇ид̇аб̣б̣аа.

    So aparena samayenāti so pubbabhāge evaṃ cintetvā anukkamena sikkhāya atibbagārave uddhate unnaḷe capale mukhare vikiṇṇavāce muṭṭhassatī asampajāne pākatindriye ācariyupajjhāyehi pariccattake lābhagaruke pāpabhikkhū saṅgaṇhitvā iriyāpathasaṇṭhapanādīni kuhakavattāni sikkhāpetvā ‘‘ayaṃ thero asukasmiṃ nāma senāsane vassaṃ upagamma vattapaṭipattiṃ pūrayamāno vassaṃ vasitvā niggato’’ti lokasammatasenāsanasaṃvaṇṇanādīhi upāyehi lokaṃ paripācetuṃ paṭibalehi jātakādīsu kataparicayehi sarasampannehi pāpabhikkhūhi saṃvaṇṇiyamānaguṇo hutvā satena vā sahassena vā parivuto…pe… bhesajjaparikkhārānaṃ. Ayaṃ bhikkhave paṭhamo mahācoroti ayaṃ sandhicchedādicorako viya na ekaṃ kulaṃ na dve, atha kho mahājanaṃ vañcetvā catupaccayagahaṇato ‘‘paṭhamo mahācoro’’ti veditabbo. Ye pana suttantikā vā ābhidhammikā vā vinayadharā vā bhikkhū bhikkhācāre asampajjamāne pāḷiṃ vācentā aṭṭhakathaṃ kathentā anumodanāya dhammakathāya iriyāpathasampattiyā ca lokaṃ pasādentā janapadacārikaṃ caranti sakkatā garukatā mānitā pūjitā apacitā, te ‘‘tantipaveṇighaṭanakā sāsanajotakā’’ti veditabbā.

    д̇ат̇ааг̇ад̇аббавзд̣̇ид̇анд̇и д̇ат̇ааг̇ад̇зна бадивид̣̇д̇хам̣ бажжагкагад̇ам̣ ж̇аанаабид̇ам̣ ваа. ад̇д̇ано д̣̇ахад̇ийд̇и барисамаж̇жхз баал̣ин̃жа адтагат̇ан̃жа сам̣санд̣̇ид̇ваа мад̇хурзна сарзна басаад̣̇анийяам̣ суд̇д̇анд̇ам̣ гат̇зд̇ваа д̇хаммагат̇аавасзна ажчарияаб̣бхуд̇аж̇аад̇зна вин̃н̃ууж̇анзна ‘‘ахо, бханд̇з, баал̣и жа адтагат̇аа жа субарисуд̣̇д̇хаа, гасса санд̇игз уг̇г̇ан̣хид̇т̇аа’’д̇и бужчид̇о ‘‘го амхаад̣̇исз уг̇г̇ахаабзд̇ум̣ самад̇т̇о’’д̇и аажарияам̣ ануд̣̇д̣̇исид̇ваа ад̇д̇анаа бадивид̣̇д̇хам̣ саяамбхун̃аан̣аад̇хиг̇ад̇ам̣ д̇хаммавинаяам̣ бавзд̣̇зд̇и. аяам̣ д̇ат̇ааг̇ад̇зна сад̇асахассагаббаад̇хигаани жад̇д̇аари асан̇кзяяаани баарамияо буурзд̇ваа гижчзна гасирзна бадивид̣̇д̇хад̇хаммад̇т̇знаго д̣̇уд̇ияо махаажоро.

    Tathāgatappaveditanti tathāgatena paṭividdhaṃ paccakkhakataṃ jānāpitaṃ vā. Attano dahatīti parisamajjhe pāḷiñca aṭṭhakathañca saṃsanditvā madhurena sarena pasādanīyaṃ suttantaṃ kathetvā dhammakathāvasena acchariyabbhutajātena viññūjanena ‘‘aho, bhante, pāḷi ca aṭṭhakathā ca suparisuddhā, kassa santike uggaṇhitthā’’ti pucchito ‘‘ko amhādise uggahāpetuṃ samattho’’ti ācariyaṃ anuddisitvā attanā paṭividdhaṃ sayambhuñāṇādhigataṃ dhammavinayaṃ pavedeti. Ayaṃ tathāgatena satasahassakappādhikāni cattāri asaṅkheyyāni pāramiyo pūretvā kicchena kasirena paṭividdhadhammatthenako dutiyo mahācoro.

    суд̣̇д̇хам̣ б̣рахмажааринд̇и кийн̣аасавабхигкум̣. барисуд̣̇д̇хам̣ б̣рахмажарияам̣ жаранд̇анд̇и нирубаггилзсам̣ сздтажарияам̣ жаранд̇ам̣; ан̃н̃амби ваа анааг̇аамим̣ аад̣̇им̣ гад̇ваа яаава сийлаванд̇ам̣ бут̇уж̇ж̇анам̣ авиббадисаараад̣̇ивад̇т̇угам̣ барисуд̣̇д̇хам̣ б̣рахмажарияам̣ жаранд̇ам̣. амуулагзна аб̣рахмажариязна ануд̣̇д̇хам̣сзд̇ийд̇и д̇асмим̣ буг̇г̇алз авиж̇ж̇амаанзна анд̇имавад̇т̇унаа анувад̣̇ад̇и жод̣̇зд̇и; аяам̣ виж̇ж̇амаанаг̇ун̣амагкий арияаг̇ун̣ад̇т̇знаго д̇ад̇ияо махаажоро.

    Suddhaṃ brahmacārinti khīṇāsavabhikkhuṃ. Parisuddhaṃ brahmacariyaṃ carantanti nirupakkilesaṃ seṭṭhacariyaṃ carantaṃ; aññampi vā anāgāmiṃ ādiṃ katvā yāva sīlavantaṃ puthujjanaṃ avippaṭisārādivatthukaṃ parisuddhaṃ brahmacariyaṃ carantaṃ. Amūlakena abrahmacariyena anuddhaṃsetīti tasmiṃ puggale avijjamānena antimavatthunā anuvadati codeti; ayaṃ vijjamānaguṇamakkhī ariyaguṇatthenako tatiyo mahācoro.

    г̇арубхан̣д̣аани г̇арубаригкаараанийд̇и яат̇аа ад̣̇иннаад̣̇аанз ‘‘жад̇уро ж̇анаа сам̣вид̇хааяа г̇арубхан̣д̣ам̣ аваахару’’нд̇и (бари. 479) зд̇т̇а бан̃жамаасагаг̇гханагам̣ ‘‘г̇арубхан̣д̣а’’нд̇и вужжад̇и, ид̇ха бана на звам̣. ат̇а ко ‘‘бан̃жимаани, бхигкавз, ависсаж̇ж̇ияаани на виссаж̇ж̇зд̇аб̣б̣аани сан̇гхзна ваа г̇ан̣зна ваа буг̇г̇алзна ваа. виссаж̇ж̇ид̇ааниби ависсаж̇ж̇ид̇аани хонд̇и. яо виссаж̇ж̇зяяа, аабад̇д̇и т̇уллажжаяасса. гад̇амаани бан̃жа? аараамо, аараамавад̇т̇у…бз… д̣̇аарубхан̣д̣ам̣, мад̇д̇игаабхан̣д̣а’’нд̇и важанад̇о ависсаж̇ж̇ид̇аб̣б̣ад̇д̇аа г̇арубхан̣д̣аани. ‘‘бан̃жимаани, бхигкавз, авзбхан̇г̇ияаани на вибхаж̇ид̇аб̣б̣аани сан̇гхзна ваа г̇ан̣зна ваа буг̇г̇алзна ваа. вибхад̇д̇ааниби авибхад̇д̇аани хонд̇и. яо вибхаж̇зяяа, аабад̇д̇и т̇уллажжаяасса. гад̇амаани бан̃жа? аараамо, аараамавад̇т̇у…бз… д̣̇аарубхан̣д̣ам̣, мад̇д̇игаабхан̣д̣а’’нд̇и (жуул̣ава. 322) важанад̇о авзбхан̇г̇ияад̇д̇аа саад̇хааран̣абаригкаарабхаавзна г̇арубаригкаараани. аараамо аараамавад̇т̇ууд̇иаад̣̇ийсу яам̣ вад̇д̇аб̣б̣ам̣ д̇ам̣ саб̣б̣ам̣ ‘‘бан̃жимаани, бхигкавз, ависсаж̇ж̇ияааний’’д̇и канд̇хагз ааг̇ад̇асуд̇д̇аван̣н̣анааяамзва бхан̣иссаама. д̇зхи г̇ихий сан̇г̇ан̣хаад̇ийд̇и д̇аани д̣̇ад̇ваа д̣̇ад̇ваа г̇ихийм̣ сан̇г̇ан̣хаад̇и ануг̇г̇ан̣хаад̇и. убалаабзд̇ийд̇и ‘‘ахо амхаагам̣ аяяо’’д̇и звам̣ лабанагз ануб̣анд̇ханагз саснзхз гарод̇и. аяам̣ ависсаж̇ж̇ияам̣ авзбхан̇г̇ияан̃жа г̇арубаригкаарам̣ д̇ат̇аабхаавад̇о т̇знзд̇ваа г̇ихи сан̇г̇ан̣ханаго жад̇уд̇т̇о махаажоро. со жа банааяам̣ имам̣ г̇арубхан̣д̣ам̣ гуласан̇г̇ан̣ханад̇т̇ам̣ виссаж̇ж̇знд̇о гулад̣̇уусагад̣̇уггадам̣ аабаж̇ж̇ад̇и. баб̣б̣ааж̇анийяагаммаарахо жа ход̇и. бхигкусан̇гхам̣ абхибхавид̇ваа иссаравад̇ааяа виссаж̇ж̇знд̇о т̇уллажжаяам̣ аабаж̇ж̇ад̇и. т̇зяяажид̇д̇зна виссаж̇ж̇знд̇о бхан̣д̣ам̣ аг̇гхаабзд̇ваа гаарзд̇аб̣б̣од̇и.

    Garubhaṇḍāni garuparikkhārānīti yathā adinnādāne ‘‘caturo janā saṃvidhāya garubhaṇḍaṃ avāharu’’nti (pari. 479) ettha pañcamāsakagghanakaṃ ‘‘garubhaṇḍa’’nti vuccati, idha pana na evaṃ. Atha kho ‘‘pañcimāni, bhikkhave, avissajjiyāni na vissajjetabbāni saṅghena vā gaṇena vā puggalena vā. Vissajjitānipi avissajjitāni honti. Yo vissajjeyya, āpatti thullaccayassa. Katamāni pañca? Ārāmo, ārāmavatthu…pe… dārubhaṇḍaṃ, mattikābhaṇḍa’’nti vacanato avissajjitabbattā garubhaṇḍāni. ‘‘Pañcimāni, bhikkhave, avebhaṅgiyāni na vibhajitabbāni saṅghena vā gaṇena vā puggalena vā. Vibhattānipi avibhattāni honti. Yo vibhajeyya, āpatti thullaccayassa. Katamāni pañca? Ārāmo, ārāmavatthu…pe… dārubhaṇḍaṃ, mattikābhaṇḍa’’nti (cūḷava. 322) vacanato avebhaṅgiyattā sādhāraṇaparikkhārabhāvena garuparikkhārāni. Ārāmo ārāmavatthūtiādīsu yaṃ vattabbaṃ taṃ sabbaṃ ‘‘pañcimāni, bhikkhave, avissajjiyānī’’ti khandhake āgatasuttavaṇṇanāyameva bhaṇissāma. Tehi gihī saṅgaṇhātīti tāni datvā datvā gihīṃ saṅgaṇhāti anuggaṇhāti. Upalāpetīti ‘‘aho amhākaṃ ayyo’’ti evaṃ lapanake anubandhanake sasnehe karoti. Ayaṃ avissajjiyaṃ avebhaṅgiyañca garuparikkhāraṃ tathābhāvato thenetvā gihi saṅgaṇhanako catuttho mahācoro. So ca panāyaṃ imaṃ garubhaṇḍaṃ kulasaṅgaṇhanatthaṃ vissajjento kuladūsakadukkaṭaṃ āpajjati. Pabbājanīyakammāraho ca hoti. Bhikkhusaṅghaṃ abhibhavitvā issaravatāya vissajjento thullaccayaṃ āpajjati. Theyyacittena vissajjento bhaṇḍaṃ agghāpetvā kāretabboti.

    аяам̣ аг̇г̇о махаажород̇и аяам̣ имзсам̣ жораанам̣ ж̇здтажоро; иминаа сад̣̇исо жоро наама над̇т̇и, яо бан̃жинд̣̇рияаг̇г̇ахан̣аад̇ийд̇ам̣ ад̇исан̣хасукумам̣ логуд̇д̇арад̇хаммам̣ т̇знзд̇и. гим̣ бана саггаа логуд̇д̇арад̇хаммо хиран̃н̃асуван̣н̣аад̣̇ийни вияа ван̃жзд̇ваа т̇знзд̇ваа г̇ахзд̇унд̇и? на саггаа, д̇знзвааха – ‘‘яо асанд̇ам̣ абхууд̇ам̣ уд̇д̇аримануссад̇хаммам̣ уллабад̇ий’’д̇и. аяан̃хи ад̇д̇ани асанд̇ам̣ д̇ам̣ д̇хаммам̣ гзвалам̣ ‘‘ад̇т̇и маяхам̣ зсо’’д̇и уллабад̇и, на бана саггод̇и таанаа жаавзд̇ум̣, ад̇д̇ани ваа сам̣виж̇ж̇амаанам̣ гаад̇ум̣. ат̇а гасмаа жород̇и вуд̇д̇од̇и? яасмаа д̇ам̣ уллабид̇ваа асанд̇асамбхааванааяа уббаннз бажжаяз г̇ан̣хаад̇и. зван̃хи г̇ан̣хад̇аа д̇з бажжаяаа сукумзна убааязна ван̃жзд̇ваа т̇знзд̇ваа г̇ахид̇аа хонд̇и. д̇знзвааха – ‘‘д̇ам̣ гисса хзд̇у? т̇зяяааяа во бхигкавз радтабин̣д̣о бхуд̇д̇о’’д̇и. аяан̃хи зд̇т̇а ад̇т̇о – яам̣ авожумха – ‘‘аяам̣ аг̇г̇о махаажоро, яо асанд̇ам̣ абхууд̇ам̣ уд̇д̇аримануссад̇хаммам̣ уллабад̇ий’’д̇и . д̇ам̣ гисса хзд̇ууд̇и гзна гааран̣зна зд̇ам̣ авожумхаад̇и жз. ‘‘т̇зяяааяа во бхигкавз радтабин̣д̣о бхуд̇д̇о’’д̇и бхигкавз яасмаа со д̇зна радтабин̣д̣о т̇зяяааяа т̇зяяажид̇д̇зна бхуд̇д̇о ход̇и. зд̇т̇а хи вогааро ‘‘яз хи во арияаа аран̃н̃аванабад̇т̇ааний’’д̇иаад̣̇ийсу (ма. ни. 1.35-36) вияа бад̣̇абууран̣амад̇д̇з нибаад̇о. д̇асмаа ‘‘д̇умхзхи бхуд̇д̇о’’д̇и звамасса ад̇т̇о на д̣̇адтаб̣б̣о.

    Ayaṃ aggo mahācoroti ayaṃ imesaṃ corānaṃ jeṭṭhacoro; iminā sadiso coro nāma natthi, yo pañcindriyaggahaṇātītaṃ atisaṇhasukhumaṃ lokuttaradhammaṃ theneti. Kiṃ pana sakkā lokuttaradhammo hiraññasuvaṇṇādīni viya vañcetvā thenetvā gahetunti? Na sakkā, tenevāha – ‘‘yo asantaṃ abhūtaṃ uttarimanussadhammaṃ ullapatī’’ti. Ayañhi attani asantaṃ taṃ dhammaṃ kevalaṃ ‘‘atthi mayhaṃ eso’’ti ullapati, na pana sakkoti ṭhānā cāvetuṃ, attani vā saṃvijjamānaṃ kātuṃ. Atha kasmā coroti vuttoti? Yasmā taṃ ullapitvā asantasambhāvanāya uppanne paccaye gaṇhāti. Evañhi gaṇhatā te paccayā sukhumena upāyena vañcetvā thenetvā gahitā honti. Tenevāha – ‘‘taṃ kissa hetu? Theyyāya vo bhikkhave raṭṭhapiṇḍo bhutto’’ti. Ayañhi ettha attho – yaṃ avocumha – ‘‘ayaṃ aggo mahācoro, yo asantaṃ abhūtaṃ uttarimanussadhammaṃ ullapatī’’ti . Taṃ kissa hetūti kena kāraṇena etaṃ avocumhāti ce. ‘‘Theyyāya vo bhikkhave raṭṭhapiṇḍo bhutto’’ti bhikkhave yasmā so tena raṭṭhapiṇḍo theyyāya theyyacittena bhutto hoti. Ettha hi vokāro ‘‘ye hi vo ariyā araññavanapatthānī’’tiādīsu (ma. ni. 1.35-36) viya padapūraṇamatte nipāto. Tasmā ‘‘tumhehi bhutto’’ti evamassa attho na daṭṭhabbo.

    ид̣̇аани д̇амзвад̇т̇ам̣ г̇аат̇аахи вибхууд̇ад̇арам̣ гаронд̇о ‘‘ан̃н̃ат̇аа санд̇а’’нд̇иаад̣̇имааха. д̇ад̇т̇а ан̃н̃ат̇аа санд̇анд̇и абарисуд̣̇д̇хагааяасамаажаараад̣̇игзна ан̃н̃знаагаарзна санд̇ам̣. ан̃н̃ат̇аа яо бавзд̣̇аязд̇и барисуд̣̇д̇хагааяасамаажаараад̣̇игзна ан̃н̃зна аагаарзна яо бавзд̣̇зяяа. ‘‘барамабарисуд̣̇д̇хо ахам̣, ад̇т̇и мз аб̣бханд̇арз логуд̇д̇арад̇хаммо’’д̇и звам̣ ж̇аанаабзяяа. бавзд̣̇зд̇ваа жа бана д̇ааяа бавзд̣̇анааяа уббаннам̣ бхож̇анам̣ арахаа вияа бхун̃ж̇ад̇и. нигажжа гид̇авассзва бхуд̇д̇ам̣ т̇зяязна д̇асса д̇анд̇и нигажжаад̇и ван̃жзд̇ваа ан̃н̃ат̇аа санд̇ам̣ ан̃н̃ат̇аа д̣̇ассзд̇ваа. аг̇умб̣ааг̇ажчабхууд̇амзва саакаабалаасабаллаваад̣̇ижчаад̣̇анзна г̇умб̣амива г̇ажчамива жа ад̇д̇аанам̣ д̣̇ассзд̇ваа. гид̇авассзваад̇и ван̃жагасса гзраадигасса г̇умб̣аг̇ажчасан̃н̃ааяа аран̃н̃з ааг̇ад̇ааг̇ад̇з сагун̣з г̇ахзд̇ваа ж̇ийвид̇агаббагасса саагун̣игассзва. бхуд̇д̇ам̣ т̇зяязна д̇асса д̇анд̇и д̇ассааби анараханд̇ассзва сад̇о араханд̇абхаавам̣ д̣̇ассзд̇ваа лад̣̇д̇хабхож̇анам̣ бхун̃ж̇ад̇о; яам̣ д̇ам̣ бхуд̇д̇ам̣ д̇ам̣ яат̇аа саагун̣игагид̇авасса нигажжа ван̃жзд̇ваа сагун̣аг̇г̇ахан̣ам̣, звам̣ мануссз ван̃жзд̇ваа лад̣̇д̇хасса бхож̇анасса бхуд̇д̇ад̇д̇аа т̇зяязна бхуд̇д̇ам̣ наама ход̇и.

    Idāni tamevatthaṃ gāthāhi vibhūtataraṃ karonto ‘‘aññathā santa’’ntiādimāha. Tattha aññathā santanti aparisuddhakāyasamācārādikena aññenākārena santaṃ. Aññathā yo pavedayeti parisuddhakāyasamācārādikena aññena ākārena yo pavedeyya. ‘‘Paramaparisuddho ahaṃ, atthi me abbhantare lokuttaradhammo’’ti evaṃ jānāpeyya. Pavedetvā ca pana tāya pavedanāya uppannaṃ bhojanaṃ arahā viya bhuñjati. Nikacca kitavasseva bhuttaṃ theyyena tassa tanti nikaccāti vañcetvā aññathā santaṃ aññathā dassetvā. Agumbaagacchabhūtameva sākhāpalāsapallavādicchādanena gumbamiva gacchamiva ca attānaṃ dassetvā. Kitavassevāti vañcakassa kerāṭikassa gumbagacchasaññāya araññe āgatāgate sakuṇe gahetvā jīvitakappakassa sākuṇikasseva. Bhuttaṃ theyyena tassa tanti tassāpi anarahantasseva sato arahantabhāvaṃ dassetvā laddhabhojanaṃ bhuñjato; yaṃ taṃ bhuttaṃ taṃ yathā sākuṇikakitavassa nikacca vañcetvā sakuṇaggahaṇaṃ, evaṃ manusse vañcetvā laddhassa bhojanassa bhuttattā theyyena bhuttaṃ nāma hoti.

    имам̣ бана ад̇т̇авасам̣ аж̇аананд̇аа яз звам̣ бхун̃ж̇анд̇и, гаасааваган̣таа…бз… нираяам̣ д̇з убабаж̇ж̇арз гаасааваган̣таад̇и гаасаавзна взтид̇аган̣таа. зд̇д̇агамзва арияад̣̇д̇хаж̇ад̇хааран̣амад̇д̇ам̣, сзсам̣ сааман̃н̃ам̣ над̇т̇ийд̇и вуд̇д̇ам̣ ход̇и. ‘‘бхависсанд̇и ко банаананд̣̇а анааг̇ад̇амад̣̇д̇хаанам̣ г̇од̇рабхуно гаасааваган̣таа’’д̇и (ма. ни. 3.380) звам̣ вуд̇д̇ад̣̇уссийлаанам̣ зд̇ам̣ ад̇хиважанам̣. баабад̇хаммаад̇и лаамагад̇хаммаа. асан̃н̃ад̇аад̇и гааяаад̣̇ийхи асан̃н̃ад̇аа. баабаад̇и лаамагабуг̇г̇алаа. баабзхи гаммзхийд̇и д̇зхи гаран̣агаалз аад̣̇ийнавам̣ ад̣̇исваа гад̇зхи бараван̃жанаад̣̇ийхи баабагаммзхи. нираяам̣ д̇з убабаж̇ж̇арзд̇и нирассаад̣̇ам̣ д̣̇уг̇г̇ад̇им̣ д̇з убабаж̇ж̇анд̇и; д̇асмаа сзяяо аяог̇ул̣од̇и г̇аат̇аа. д̇ассад̇т̇о – сажааяам̣ д̣̇уссийло асан̃н̃ад̇о ижчаажаарз тид̇о гуханааяа логам̣ ван̃жаго буг̇г̇ало д̇ад̇д̇ам̣ аг̇г̇исикуубамам̣ аяог̇ул̣ам̣ бхун̃ж̇зяяа аж̇жхохарзяяа, д̇асса яан̃жзд̇ам̣ радтабин̣д̣ам̣ бхун̃ж̇зяяа, яан̃жзд̇ам̣ аяог̇ул̣ам̣, д̇зсу д̣̇вийсу аяог̇ул̣ова бхуд̇д̇о сзяяо сунд̣̇арад̇аро бан̣ийд̇ад̇аро жа бхавзяяа, на хи аяог̇ул̣асса бхуд̇д̇ад̇д̇аа самбарааяз саб̣б̣ан̃н̃уд̇ан̃аан̣знааби д̣̇уж̇ж̇аанабарижчзд̣̇ам̣ д̣̇угкам̣ анубхавад̇и. звам̣ бадилад̣̇д̇хасса бана д̇асса радтабин̣д̣асса бхуд̇д̇ад̇д̇аа самбарааяз вуд̇д̇аббагаарам̣ д̣̇угкам̣ анубход̇и, аяан̃хи годиббад̇д̇о мижчааж̇ийвод̇и.

    Imaṃ pana atthavasaṃ ajānantā ye evaṃ bhuñjanti, kāsāvakaṇṭhā…pe… nirayaṃ te upapajjare kāsāvakaṇṭhāti kāsāvena veṭhitakaṇṭhā. Ettakameva ariyaddhajadhāraṇamattaṃ, sesaṃ sāmaññaṃ natthīti vuttaṃ hoti. ‘‘Bhavissanti kho panānanda anāgatamaddhānaṃ gotrabhuno kāsāvakaṇṭhā’’ti (ma. ni. 3.380) evaṃ vuttadussīlānaṃ etaṃ adhivacanaṃ. Pāpadhammāti lāmakadhammā. Asaññatāti kāyādīhi asaññatā. Pāpāti lāmakapuggalā. Pāpehi kammehīti tehi karaṇakāle ādīnavaṃ adisvā katehi paravañcanādīhi pāpakammehi. Nirayaṃ te upapajjareti nirassādaṃ duggatiṃ te upapajjanti; tasmā seyyo ayoguḷoti gāthā. Tassattho – sacāyaṃ dussīlo asaññato icchācāre ṭhito kuhanāya lokaṃ vañcako puggalo tattaṃ aggisikhūpamaṃ ayoguḷaṃ bhuñjeyya ajjhohareyya, tassa yañcetaṃ raṭṭhapiṇḍaṃ bhuñjeyya, yañcetaṃ ayoguḷaṃ, tesu dvīsu ayoguḷova bhutto seyyo sundarataro paṇītataro ca bhaveyya, na hi ayoguḷassa bhuttattā samparāye sabbaññutañāṇenāpi dujjānaparicchedaṃ dukkhaṃ anubhavati. Evaṃ paṭiladdhassa pana tassa raṭṭhapiṇḍassa bhuttattā samparāye vuttappakāraṃ dukkhaṃ anubhoti, ayañhi koṭippatto micchājīvoti.

    звам̣ баабагирияааяа анаад̣̇ийнавад̣̇ассаавийнам̣ аад̣̇ийнавам̣ д̣̇ассзд̇ваа ‘‘ат̇а ко бхаг̇аваа ваг̇г̇умуд̣̇аад̇ийрияз бхигкуу анзгабарияааязна виг̇арахид̇ваа д̣̇уб̣бхарад̇ааяа д̣̇уббосад̇ааяа…бз… имам̣ сигкаабад̣̇ам̣ уд̣̇д̣̇исзяяаат̇аа’’д̇и жа вад̇ваа жад̇уд̇т̇абаарааж̇игам̣ бан̃н̃абзнд̇о ‘‘яо бана бхигку анабхиж̇аана’’нд̇и аад̣̇имааха.

    Evaṃ pāpakiriyāya anādīnavadassāvīnaṃ ādīnavaṃ dassetvā ‘‘atha kho bhagavā vaggumudātīriye bhikkhū anekapariyāyena vigarahitvā dubbharatāya dupposatāya…pe… imaṃ sikkhāpadaṃ uddiseyyāthā’’ti ca vatvā catutthapārājikaṃ paññapento ‘‘yo pana bhikkhu anabhijāna’’nti ādimāha.

    звам̣ муулажчзж̇ж̇авасзна д̣̇ал̣хам̣ гад̇ваа жад̇уд̇т̇абаарааж̇игз бан̃н̃ад̇д̇з абарамби ануббан̃н̃ад̇д̇ад̇т̇ааяа ад̇химаанавад̇т̇у уд̣̇абаад̣̇и. д̇ассуббад̇д̇ид̣̇ийбанад̇т̇ам̣ зд̇ам̣ вуд̇д̇ам̣ – ‘‘зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇ий’’д̇и.

    Evaṃ mūlacchejjavasena daḷhaṃ katvā catutthapārājike paññatte aparampi anuppaññattatthāya adhimānavatthu udapādi. Tassuppattidīpanatthaṃ etaṃ vuttaṃ – ‘‘evañcidaṃ bhagavatā bhikkhūnaṃ sikkhāpadaṃ paññattaṃ hotī’’ti.

    ад̇химаанавад̇т̇уван̣н̣анаа

    Adhimānavatthuvaṇṇanā

    196. д̇ад̇т̇а ад̣̇идтз д̣̇идтасан̃н̃инод̇и арахад̇д̇з н̃аан̣ажагкунаа ад̣̇идтзязва ‘‘д̣̇идтам̣ амхзхи арахад̇д̇а’’нд̇и д̣̇идтасан̃н̃ино худ̇ваа. зса наяо аббад̇д̇аад̣̇ийсу. аяам̣ бана висзсо – аббад̇д̇зд̇и ад̇д̇ано санд̇аанз уббад̇д̇ивасзна аббад̇д̇з. анад̇хиг̇ад̇зд̇и маг̇г̇абхааванааяа анад̇хиг̇ад̇з; аббадилад̣̇д̇хзд̇иби ад̇т̇о. асажчигад̇зд̇и аббадивид̣̇д̇хз бажжавзгкан̣авасзна ваа аббажжагкагад̇з. ад̇химаанзнаад̇и ад̇хиг̇ад̇амаанзна; ‘‘ад̇хиг̇ад̇аа маяа’’нд̇и звам̣ уббаннамаанзнаад̇и ад̇т̇о, ад̇хигамаанзна ваа т̇ад̣̇д̇хамаанзнаад̇и ад̇т̇о. ан̃н̃ам̣ б̣яаагарим̣сууд̇и арахад̇д̇ам̣ б̣яаагарим̣су; ‘‘бад̇д̇ам̣ аавусо амхзхи арахад̇д̇ам̣, гад̇ам̣ гаран̣ийяа’’нд̇и бхигкуунам̣ аарожзсум̣. д̇зсам̣ маг̇г̇зна аббахийнагилзсад̇д̇аа гзвалам̣ самат̇авибассанааб̣алзна вигкамбхид̇агилзсаанам̣ абарзна самаязна д̇ат̇ааруубабажжаяасамааяог̇з рааг̇ааяа жид̇д̇ам̣ намад̇и; рааг̇ад̇т̇ааяа намад̇ийд̇и ад̇т̇о. зса наяо ид̇арзсу.

    196. Tattha adiṭṭhe diṭṭhasaññinoti arahatte ñāṇacakkhunā adiṭṭheyeva ‘‘diṭṭhaṃ amhehi arahatta’’nti diṭṭhasaññino hutvā. Esa nayo appattādīsu. Ayaṃ pana viseso – appatteti attano santāne uppattivasena appatte. Anadhigateti maggabhāvanāya anadhigate; appaṭiladdhetipi attho. Asacchikateti appaṭividdhe paccavekkhaṇavasena vā appaccakkhakate. Adhimānenāti adhigatamānena; ‘‘adhigatā maya’’nti evaṃ uppannamānenāti attho, adhikamānena vā thaddhamānenāti attho. Aññaṃ byākariṃsūti arahattaṃ byākariṃsu; ‘‘pattaṃ āvuso amhehi arahattaṃ, kataṃ karaṇīya’’nti bhikkhūnaṃ ārocesuṃ. Tesaṃ maggena appahīnakilesattā kevalaṃ samathavipassanābalena vikkhambhitakilesānaṃ aparena samayena tathārūpapaccayasamāyoge rāgāya cittaṃ namati; rāgatthāya namatīti attho. Esa nayo itaresu.

    д̇ан̃жа ко зд̇ам̣ аб̣б̣охаариганд̇и д̇ан̃жа ко зд̇ам̣ д̇зсам̣ ан̃н̃аб̣яаагаран̣ам̣ аб̣б̣охааригам̣ аабад̇д̇ибан̃н̃аабанз вохаарам̣ на г̇ажчад̇и; аабад̇д̇ияаа ан̇г̇ам̣ на ход̇ийд̇и ад̇т̇о.

    Tañcakho etaṃ abbohārikanti tañca kho etaṃ tesaṃ aññabyākaraṇaṃ abbohārikaṃ āpattipaññāpane vohāraṃ na gacchati; āpattiyā aṅgaṃ na hotīti attho.

    гасса банааяам̣ ад̇химаано уббаж̇ж̇ад̇и, гасса нуббаж̇ж̇ад̇ийд̇и? арияасаавагасса д̇аава нуббаж̇ж̇ад̇и со хи маг̇г̇апаланиб̣б̣аанабахийнагилзсаавасидтагилзсабажжавзгкан̣зна сан̃ж̇аад̇асоманассо арияаг̇ун̣абадивзд̇хз нигган̇ко. д̇асмаа сод̇аабаннаад̣̇ийнам̣ ‘‘ахам̣ сагад̣̇ааг̇аамий’’д̇иаад̣̇ивасзна ад̇химаано нуббаж̇ж̇ад̇и. д̣̇уссийласса нуббаж̇ж̇ад̇и, со хи арияаг̇ун̣аад̇хиг̇амз нираасова. сийлавад̇оби барижжад̇д̇агаммадтаанасса нид̣̇д̣̇аараамад̇аад̣̇имануяуд̇д̇асса нуббаж̇ж̇ад̇и. субарисуд̣̇д̇хасийласса бана гаммадтаанз аббамад̇д̇асса наамаруубам̣ вавад̇т̇абзд̇ваа бажжаяабариг̇г̇ахзна вид̇ин̣н̣аган̇касса д̇илагкан̣ам̣ ааробзд̇ваа сан̇каарз саммасанд̇асса аарад̣̇д̇хавибассагасса уббаж̇ж̇ад̇и, уббанно жа суд̣̇д̇хасамат̇алаабхим̣ ваа суд̣̇д̇хавибассанаалаабхим̣ ваа анд̇араа табзд̇и, со хи д̣̇асаби вийсад̇иби д̇им̣самби вассаани гилзсасамуд̣̇аажаарам̣ абассид̇ваа ‘‘ахам̣ сод̇аабанно’’д̇и ваа ‘‘сагад̣̇ааг̇аамий’’д̇и ваа ‘‘анааг̇аамий’’д̇и ваа ман̃н̃ад̇и. самат̇авибассанаалаабхим̣ бана арахад̇д̇зязва табзд̇и. д̇асса хи самаад̇хиб̣алзна гилзсаа вигкамбхид̇аа, вибассанааб̣алзна сан̇каараа субариг̇г̇ахид̇аа, д̇асмаа садтимби вассаани асийд̇имби вассаани вассасад̇амби гилзсаа на самуд̣̇аажаранд̇и, кийн̣аасавассзва жид̇д̇ажааро ход̇и. со звам̣ д̣̇ийгхарад̇д̇ам̣ гилзсасамуд̣̇аажаарам̣ абассанд̇о анд̇араа атад̇ваава ‘‘арахаа аха’’нд̇и ман̃н̃ад̇ийд̇и.

    Kassa panāyaṃ adhimāno uppajjati, kassa nuppajjatīti? Ariyasāvakassa tāva nuppajjati so hi maggaphalanibbānapahīnakilesaavasiṭṭhakilesapaccavekkhaṇena sañjātasomanasso ariyaguṇapaṭivedhe nikkaṅkho. Tasmā sotāpannādīnaṃ ‘‘ahaṃ sakadāgāmī’’tiādivasena adhimāno nuppajjati. Dussīlassa nuppajjati, so hi ariyaguṇādhigame nirāsova. Sīlavatopi pariccattakammaṭṭhānassa niddārāmatādimanuyuttassa nuppajjati. Suparisuddhasīlassa pana kammaṭṭhāne appamattassa nāmarūpaṃ vavatthapetvā paccayapariggahena vitiṇṇakaṅkhassa tilakkhaṇaṃ āropetvā saṅkhāre sammasantassa āraddhavipassakassa uppajjati, uppanno ca suddhasamathalābhiṃ vā suddhavipassanālābhiṃ vā antarā ṭhapeti, so hi dasapi vīsatipi tiṃsampi vassāni kilesasamudācāraṃ apassitvā ‘‘ahaṃ sotāpanno’’ti vā ‘‘sakadāgāmī’’ti vā ‘‘anāgāmī’’ti vā maññati. Samathavipassanālābhiṃ pana arahatteyeva ṭhapeti. Tassa hi samādhibalena kilesā vikkhambhitā, vipassanābalena saṅkhārā supariggahitā, tasmā saṭṭhimpi vassāni asītimpi vassāni vassasatampi kilesā na samudācaranti, khīṇāsavasseva cittacāro hoti. So evaṃ dīgharattaṃ kilesasamudācāraṃ apassanto antarā aṭhatvāva ‘‘arahā aha’’nti maññatīti.

    савибхан̇г̇асигкаабад̣̇аван̣н̣анаа

    Savibhaṅgasikkhāpadavaṇṇanā

    197. анабхиж̇аананд̇и на абхиж̇аанам̣. яасмаа банааяам̣ анабхиж̇аанам̣ самуд̣̇аажарад̇и, свасса санд̇аанз ануббанно н̃аан̣зна жа асажчигад̇од̇и абхууд̇о ход̇и. д̇знасса бад̣̇абхааж̇анз ‘‘асанд̇ам̣ абхууд̇ам̣ асам̣виж̇ж̇амаана’’нд̇и вад̇ваа ‘‘аж̇аананд̇о абассанд̇о’’д̇и вуд̇д̇ам̣ .

    197.Anabhijānanti na abhijānaṃ. Yasmā panāyaṃ anabhijānaṃ samudācarati, svassa santāne anuppanno ñāṇena ca asacchikatoti abhūto hoti. Tenassa padabhājane ‘‘asantaṃ abhūtaṃ asaṃvijjamāna’’nti vatvā ‘‘ajānanto apassanto’’ti vuttaṃ .

    уд̇д̇аримануссад̇хамманд̇и уд̇д̇аримануссаанам̣ жхааяийнан̃жзва арияаанан̃жа д̇хаммам̣. ад̇д̇убанааяиганд̇и ад̇д̇ани д̇ам̣ убанзд̇и, ад̇д̇аанам̣ ваа д̇ад̇т̇а убанзд̇ийд̇и ад̇д̇убанааяиго, д̇ам̣ ад̇д̇убанааяигам̣; звам̣ гад̇ваа самуд̣̇аажарзяяаад̇и самб̣анд̇хо. бад̣̇абхааж̇анз бана яасмаа уд̇д̇аримануссад̇хаммо наама жхаанам̣ вимогкам̣ самаад̇хи самаабад̇д̇и н̃аан̣ад̣̇ассанам̣…бз… сун̃н̃ааг̇аарз абхирад̇ийд̇и звам̣ жхаанаад̣̇аяо анзгад̇хаммаа вуд̇д̇аа. д̇асмаа д̇зсам̣ саб̣б̣зсам̣ васзна ад̇д̇убанааяигабхаавам̣ д̣̇ассзнд̇о ‘‘д̇з ваа гусалз д̇хаммз ад̇д̇ани убанзд̇ий’’д̇и б̣ахуважананид̣̇д̣̇зсам̣ агааси. д̇ад̇т̇а ‘‘зд̇з д̇хаммаа маяи санд̣̇иссанд̇ий’’д̇и самуд̣̇аажаранд̇о ад̇д̇ани убанзд̇и. ‘‘ахам̣ зд̇зсу санд̣̇иссаамий’’д̇и самуд̣̇аажаранд̇о ад̇д̇аанам̣ д̇зсу убанзд̇ийд̇и взд̣̇ид̇аб̣б̣о.

    Uttarimanussadhammanti uttarimanussānaṃ jhāyīnañceva ariyānañca dhammaṃ. Attupanāyikanti attani taṃ upaneti, attānaṃ vā tattha upanetīti attupanāyiko, taṃ attupanāyikaṃ; evaṃ katvā samudācareyyāti sambandho. Padabhājane pana yasmā uttarimanussadhammo nāma jhānaṃ vimokkhaṃ samādhi samāpatti ñāṇadassanaṃ…pe… suññāgāre abhiratīti evaṃ jhānādayo anekadhammā vuttā. Tasmā tesaṃ sabbesaṃ vasena attupanāyikabhāvaṃ dassento ‘‘te vā kusale dhamme attani upanetī’’ti bahuvacananiddesaṃ akāsi. Tattha ‘‘ete dhammā mayi sandissantī’’ti samudācaranto attani upaneti. ‘‘Ahaṃ etesu sandissāmī’’ti samudācaranto attānaṃ tesu upanetīti veditabbo.

    аламарияан̃аан̣ад̣̇ассананд̇и зд̇т̇а логияалогуд̇д̇араа бан̃н̃аа ж̇аананадтзна н̃аан̣ам̣, жагкунаа д̣̇идтамива д̇хаммам̣ бажжагкагаран̣ад̇о д̣̇ассанадтзна д̣̇ассананд̇и н̃аан̣ад̣̇ассанам̣. арияам̣ висуд̣̇д̇хам̣ уд̇д̇амам̣ н̃аан̣ад̣̇ассананд̇и арияан̃аан̣ад̣̇ассанам̣. алам̣ барияад̇д̇ам̣ гилзсавид̣̇д̇хам̣санасамад̇т̇ам̣ арияан̃аан̣ад̣̇ассанамзд̇т̇а, жхаанаад̣̇ибхзд̣̇з уд̇д̇аримануссад̇хаммз алам̣ ваа арияан̃аан̣ад̣̇ассанамассаад̇и аламарияан̃аан̣ад̣̇ассано, д̇ам̣ аламарияан̃аан̣ад̣̇ассанам̣ уд̇д̇аримануссад̇хамманд̇и звам̣ бад̣̇ад̇т̇асамб̣анд̇хо взд̣̇ид̇аб̣б̣о. д̇ад̇т̇а язна н̃аан̣ад̣̇ассанзна со аламарияан̃аан̣ад̣̇ассанод̇и вужжад̇и. д̇ад̣̇зва д̣̇ассзд̇ум̣ ‘‘н̃аан̣анд̇и д̇иссо виж̇ж̇аа, д̣̇ассананд̇и яам̣ н̃аан̣ам̣ д̇ам̣ д̣̇ассанам̣; яам̣ д̣̇ассанам̣ д̇ам̣ н̃аан̣а’’нд̇и виж̇ж̇аасийсзна бад̣̇абхааж̇анам̣ вуд̇д̇ам̣. махаг̇г̇ад̇алогуд̇д̇араа банзд̇т̇а саб̣б̣ааби бан̃н̃аа ‘‘н̃аан̣а’’нд̇и взд̣̇ид̇аб̣б̣аа.

    Alamariyañāṇadassananti ettha lokiyalokuttarā paññā jānanaṭṭhena ñāṇaṃ, cakkhunā diṭṭhamiva dhammaṃ paccakkhakaraṇato dassanaṭṭhena dassananti ñāṇadassanaṃ. Ariyaṃ visuddhaṃ uttamaṃ ñāṇadassananti ariyañāṇadassanaṃ. Alaṃ pariyattaṃ kilesaviddhaṃsanasamatthaṃ ariyañāṇadassanamettha, jhānādibhede uttarimanussadhamme alaṃ vā ariyañāṇadassanamassāti alamariyañāṇadassano, taṃ alamariyañāṇadassanaṃ uttarimanussadhammanti evaṃ padatthasambandho veditabbo. Tattha yena ñāṇadassanena so alamariyañāṇadassanoti vuccati. Tadeva dassetuṃ ‘‘ñāṇanti tisso vijjā, dassananti yaṃ ñāṇaṃ taṃ dassanaṃ; yaṃ dassanaṃ taṃ ñāṇa’’nti vijjāsīsena padabhājanaṃ vuttaṃ. Mahaggatalokuttarā panettha sabbāpi paññā ‘‘ñāṇa’’nti veditabbā.

    самуд̣̇аажарзяяаад̇и вуд̇д̇аббагаарамзд̇ам̣ уд̇д̇аримануссад̇хаммам̣ ад̇д̇убанааяигам̣ гад̇ваа аарожзяяа. ид̇т̇ияаа ваад̇иаад̣̇и бана аарожзд̇аб̣б̣абуг̇г̇аланид̣̇ассанам̣. зд̇зсан̃хи аарожид̇з аарожид̇ам̣ ход̇и на д̣̇звамаараб̣рахмаанам̣, нааби бзд̇аяагкад̇иражчаанаг̇ад̇аананд̇и. ид̇и ж̇аанаами ид̇и бассаамийд̇и самуд̣̇аажаран̣аагааранид̣̇ассанамзд̇ам̣. бад̣̇абхааж̇анз банасса ‘‘ж̇аанаамахам̣ зд̇з д̇хаммз, бассаамахам̣ зд̇з д̇хаммз’’д̇и ид̣̇ам̣ д̇зсу жхаанаад̣̇ийсу д̇хаммзсу ж̇аананабассанаанам̣ бавад̇д̇ид̣̇ийбанам̣, ‘‘ад̇т̇и жа мз зд̇з д̇хаммаа’’д̇иаад̣̇и ад̇д̇убанааяигабхаавад̣̇ийбанам̣ .

    Samudācareyyāti vuttappakārametaṃ uttarimanussadhammaṃ attupanāyikaṃ katvā āroceyya. Itthiyā vātiādi pana ārocetabbapuggalanidassanaṃ. Etesañhi ārocite ārocitaṃ hoti na devamārabrahmānaṃ, nāpi petayakkhatiracchānagatānanti. Iti jānāmi iti passāmīti samudācaraṇākāranidassanametaṃ. Padabhājane panassa ‘‘jānāmahaṃ ete dhamme, passāmahaṃ ete dhamme’’ti idaṃ tesu jhānādīsu dhammesu jānanapassanānaṃ pavattidīpanaṃ, ‘‘atthi ca me ete dhammā’’tiādi attupanāyikabhāvadīpanaṃ .

    198. д̇ад̇о абарзна самаязнаад̇и аабад̇д̇ибадиж̇аананасамаяад̣̇ассанамзд̇ам̣. аяам̣ бана аарожид̇агкан̣зязва баарааж̇игам̣ аабаж̇ж̇ад̇и. аабад̇д̇им̣ бана аабанно яасмаа барзна жод̣̇ид̇о ваа ажод̣̇ид̇о ваа бадиж̇аанаад̇и; д̇асмаа ‘‘самануг̇г̇аахияамаано ваа асамануг̇г̇аахияамаано ваа’’д̇и вуд̇д̇ам̣.

    198.Tato aparena samayenāti āpattipaṭijānanasamayadassanametaṃ. Ayaṃ pana ārocitakkhaṇeyeva pārājikaṃ āpajjati. Āpattiṃ pana āpanno yasmā parena codito vā acodito vā paṭijānāti; tasmā ‘‘samanuggāhiyamāno vā asamanuggāhiyamāno vā’’ti vuttaṃ.

    д̇ад̇т̇а самануг̇г̇аахияамаанз д̇аава – гим̣ д̇з ад̇хиг̇ад̇анд̇и ад̇хиг̇амабужчаа; жхаанавимогкаад̣̇ийсу, сод̇аабад̇д̇имаг̇г̇аад̣̇ийсу ваа гим̣ д̇аяаа ад̇хиг̇ад̇анд̇и. гинд̇и д̇з ад̇хиг̇ад̇анд̇и убааяабужчаа. аяан̃хи зд̇т̇аад̇хиббааяо – гим̣ д̇аяаа анижжалагкан̣ам̣ д̇хурам̣ гад̇ваа ад̇хиг̇ад̇ам̣, д̣̇угкаанад̇д̇алагкан̣зсу ан̃н̃ад̇арам̣ ваа? гим̣ ваа самаад̇хивасзна абхинивисид̇ваа, уд̣̇ааху вибассанаавасзна? д̇ат̇аа гим̣ руубз абхинивисид̇ваа, уд̣̇ааху аруубз? гим̣ ваа аж̇жхад̇д̇ам̣ абхинивисид̇ваа, уд̣̇ааху б̣ахид̣̇д̇хаад̇и? гад̣̇аа д̇з ад̇хиг̇ад̇анд̇и гаалабужчаа. буб̣б̣ан̣хамаж̇жханхигаад̣̇ийсу гад̇арасмим̣ гаалзд̇и вуд̇д̇ам̣ ход̇и? гад̇т̇а д̇з ад̇хиг̇ад̇анд̇и огаасабужчаа. гад̇арасмим̣ огаасз, гим̣ рад̇д̇идтаанз, д̣̇иваадтаанз, ругкамуулз, ман̣д̣абз, гад̇арасмим̣ ваа вихаарзд̇и вуд̇д̇ам̣ ход̇и. гад̇амз д̇з гилзсаа бахийнаад̇и бахийнагилзсабужчаа. гад̇арамаг̇г̇аваж̇жхаа д̇ава гилзсаа бахийнаад̇и вуд̇д̇ам̣ ход̇и. гад̇амзсам̣ д̇вам̣ д̇хаммаанам̣ лаабхийд̇и бадилад̣̇д̇хад̇хаммабужчаа. батамамаг̇г̇аад̣̇ийсу гад̇амзсам̣ д̇хаммаанам̣ д̇вам̣ лаабхийд̇и вуд̇д̇ам̣ ход̇и.

    Tattha samanuggāhiyamāne tāva – kiṃ te adhigatanti adhigamapucchā; jhānavimokkhādīsu, sotāpattimaggādīsu vā kiṃ tayā adhigatanti. Kinti te adhigatanti upāyapucchā. Ayañhi etthādhippāyo – kiṃ tayā aniccalakkhaṇaṃ dhuraṃ katvā adhigataṃ, dukkhānattalakkhaṇesu aññataraṃ vā? Kiṃ vā samādhivasena abhinivisitvā, udāhu vipassanāvasena? Tathā kiṃ rūpe abhinivisitvā, udāhu arūpe? Kiṃ vā ajjhattaṃ abhinivisitvā, udāhu bahiddhāti? Kadā te adhigatanti kālapucchā. Pubbaṇhamajjhanhikādīsu katarasmiṃ kāleti vuttaṃ hoti? Kattha te adhigatanti okāsapucchā. Katarasmiṃ okāse, kiṃ rattiṭṭhāne, divāṭṭhāne, rukkhamūle, maṇḍape, katarasmiṃ vā vihāreti vuttaṃ hoti. Katame te kilesā pahīnāti pahīnakilesapucchā. Kataramaggavajjhā tava kilesā pahīnāti vuttaṃ hoti. Katamesaṃ tvaṃ dhammānaṃ lābhīti paṭiladdhadhammapucchā. Paṭhamamaggādīsu katamesaṃ dhammānaṃ tvaṃ lābhīti vuttaṃ hoti.

    д̇асмаа ид̣̇аани жзби гожи бхигку уд̇д̇аримануссад̇хаммаад̇хиг̇амам̣ б̣яаагарзяяа, на со зд̇д̇аавад̇аава саггаад̇аб̣б̣о. имзсу бана часу таанзсу сод̇ханад̇т̇ам̣ вад̇д̇аб̣б̣о – ‘‘гим̣ д̇з ад̇хиг̇ад̇ам̣, гим̣ жхаанам̣, уд̣̇ааху вимогкаад̣̇ийсу ан̃н̃ад̇ара’’нд̇и? яо хи язна ад̇хиг̇ад̇о д̇хаммо, со д̇асса баагадо ход̇и. сажз ‘‘ид̣̇ам̣ наама мз ад̇хиг̇ад̇а’’нд̇и вад̣̇ад̇и, д̇ад̇о ‘‘гинд̇и д̇з ад̇хиг̇ад̇а’’нд̇и бужчид̇аб̣б̣о, ‘‘анижжалагкан̣аад̣̇ийсу гим̣ д̇хурам̣ гад̇ваа адтад̇им̣сааяа ваа аарамман̣зсу руубааруубааж̇жхад̇д̇аб̣ахид̣̇д̇хаад̣̇ибхзд̣̇зсу ваа д̇хаммзсу гзна мукзна абхинивисид̇ваа’’д̇и яо хи яассаабхинивзсо, со д̇асса баагадо ход̇и. сажз ‘‘аяам̣ наама мз абхинивзсо звам̣ маяаа ад̇хиг̇ад̇а’’нд̇и вад̣̇ад̇и, д̇ад̇о ‘‘гад̣̇аа д̇з ад̇хиг̇ад̇а’’нд̇и бужчид̇аб̣б̣о, ‘‘гим̣ буб̣б̣ан̣хз, уд̣̇ааху маж̇жханхигаад̣̇ийсу ан̃н̃ад̇арасмим̣ гаалз’’д̇и саб̣б̣зсан̃хи ад̇д̇анаа ад̇хиг̇ад̇агаало баагадо ход̇и. сажз ‘‘асугасмим̣ наама гаалз ад̇хиг̇ад̇анд̇и вад̣̇ад̇и, д̇ад̇о ‘‘гад̇т̇а д̇з ад̇хиг̇ад̇а’’нд̇и бужчид̇аб̣б̣о, ‘‘гим̣ д̣̇иваадтаанз, уд̣̇ааху рад̇д̇идтаанаад̣̇ийсу ан̃н̃ад̇арасмим̣ огаасз’’д̇и саб̣б̣зсан̃хи ад̇д̇анаа ад̇хиг̇ад̇огаасо баагадо ход̇и. сажз ‘‘асугасмим̣ наама мз огаасз ад̇хиг̇ад̇а’’нд̇и вад̣̇ад̇и, д̇ад̇о ‘‘гад̇амз д̇з гилзсаа бахийнаа’’д̇и бужчид̇аб̣б̣о, ‘‘гим̣ батамамаг̇г̇аваж̇жхаа, уд̣̇ааху д̣̇уд̇ияаад̣̇имаг̇г̇аваж̇жхаа’’д̇и саб̣б̣зсан̃хи ад̇д̇анаа ад̇хиг̇ад̇амаг̇г̇зна бахийнагилзсаа баагадаа хонд̇и. сажз ‘‘имз наама мз гилзсаа бахийнаа’’д̇и вад̣̇ад̇и, д̇ад̇о ‘‘гад̇амзсам̣ д̇вам̣ д̇хаммаанам̣ лаабхий’’д̇и бужчид̇аб̣б̣о , ‘‘гим̣ сод̇аабад̇д̇имаг̇г̇асса, уд̣̇ааху сагад̣̇ааг̇аамимаг̇г̇аад̣̇ийсу ан̃н̃ад̇арассаа’’д̇и саб̣б̣зсам̣ хи ад̇д̇анаа ад̇хиг̇ад̇ад̇хаммаа баагадаа хонд̇и. сажз ‘‘имзсам̣ наамаахам̣ д̇хаммаанам̣ лаабхий’’д̇и вад̣̇ад̇и, зд̇д̇аавад̇аабисса важанам̣ на сад̣̇д̇хаад̇аб̣б̣ам̣, б̣ахуссуд̇аа хи уг̇г̇ахабарибужчаагусалаа бхигкуу имаани ча таанаани сод̇хзд̇ум̣ саггонд̇и.

    Tasmā idāni cepi koci bhikkhu uttarimanussadhammādhigamaṃ byākareyya, na so ettāvatāva sakkātabbo. Imesu pana chasu ṭhānesu sodhanatthaṃ vattabbo – ‘‘kiṃ te adhigataṃ, kiṃ jhānaṃ, udāhu vimokkhādīsu aññatara’’nti? Yo hi yena adhigato dhammo, so tassa pākaṭo hoti. Sace ‘‘idaṃ nāma me adhigata’’nti vadati, tato ‘‘kinti te adhigata’’nti pucchitabbo, ‘‘aniccalakkhaṇādīsu kiṃ dhuraṃ katvā aṭṭhatiṃsāya vā ārammaṇesu rūpārūpaajjhattabahiddhādibhedesu vā dhammesu kena mukhena abhinivisitvā’’ti yo hi yassābhiniveso, so tassa pākaṭo hoti. Sace ‘‘ayaṃ nāma me abhiniveso evaṃ mayā adhigata’’nti vadati, tato ‘‘kadā te adhigata’’nti pucchitabbo, ‘‘kiṃ pubbaṇhe, udāhu majjhanhikādīsu aññatarasmiṃ kāle’’ti sabbesañhi attanā adhigatakālo pākaṭo hoti. Sace ‘‘asukasmiṃ nāma kāle adhigatanti vadati, tato ‘‘kattha te adhigata’’nti pucchitabbo, ‘‘kiṃ divāṭṭhāne, udāhu rattiṭṭhānādīsu aññatarasmiṃ okāse’’ti sabbesañhi attanā adhigatokāso pākaṭo hoti. Sace ‘‘asukasmiṃ nāma me okāse adhigata’’nti vadati, tato ‘‘katame te kilesā pahīnā’’ti pucchitabbo, ‘‘kiṃ paṭhamamaggavajjhā, udāhu dutiyādimaggavajjhā’’ti sabbesañhi attanā adhigatamaggena pahīnakilesā pākaṭā honti. Sace ‘‘ime nāma me kilesā pahīnā’’ti vadati, tato ‘‘katamesaṃ tvaṃ dhammānaṃ lābhī’’ti pucchitabbo , ‘‘kiṃ sotāpattimaggassa, udāhu sakadāgāmimaggādīsu aññatarassā’’ti sabbesaṃ hi attanā adhigatadhammā pākaṭā honti. Sace ‘‘imesaṃ nāmāhaṃ dhammānaṃ lābhī’’ti vadati, ettāvatāpissa vacanaṃ na saddhātabbaṃ, bahussutā hi uggahaparipucchākusalā bhikkhū imāni cha ṭhānāni sodhetuṃ sakkonti.

    имасса бана бхигкуно ааг̇аманабадибад̣̇аа сод̇хзд̇аб̣б̣аа. яад̣̇и ааг̇аманабадибад̣̇аа на суж̇жхад̇и, ‘‘имааяа бадибад̣̇ааяа логуд̇д̇арад̇хаммо наама на лаб̣бхад̇ий’’д̇и абанзд̇аб̣б̣о. яад̣̇и банасса ааг̇аманабадибад̣̇аа суж̇жхад̇и, ‘‘д̣̇ийгхарад̇д̇ам̣ д̇ийсу сигкаасу аббамад̇д̇о ж̇ааг̇арияамануяуд̇д̇о жад̇уусу бажжаязсу алаг̇г̇о аагаасз баан̣исамзна жзд̇асаа вихарад̇ий’’д̇и бан̃н̃ааяад̇и, д̇асса бхигкуно б̣яаагаран̣ам̣ бадибад̣̇ааяа сад̣̇д̇хим̣ сам̣санд̣̇ад̇и. ‘‘сзяяат̇ааби наама г̇ан̇г̇од̣̇агам̣ яамунод̣̇агзна сад̣̇д̇хим̣ сам̣санд̣̇ад̇и самзд̇и; звамзва субан̃н̃ад̇д̇аа д̇зна бхаг̇авад̇аа саавагаанам̣ ниб̣б̣аанаг̇ааминий бадибад̣̇аа сам̣санд̣̇ад̇и ниб̣б̣аанан̃жа бадибад̣̇аа жаа’’д̇и (д̣̇ий. ни. 2.296) вуд̇д̇асад̣̇исам̣ ход̇и.

    Imassa pana bhikkhuno āgamanapaṭipadā sodhetabbā. Yadi āgamanapaṭipadā na sujjhati, ‘‘imāya paṭipadāya lokuttaradhammo nāma na labbhatī’’ti apanetabbo. Yadi panassa āgamanapaṭipadā sujjhati, ‘‘dīgharattaṃ tīsu sikkhāsu appamatto jāgariyamanuyutto catūsu paccayesu alaggo ākāse pāṇisamena cetasā viharatī’’ti paññāyati, tassa bhikkhuno byākaraṇaṃ paṭipadāya saddhiṃ saṃsandati. ‘‘Seyyathāpi nāma gaṅgodakaṃ yamunodakena saddhiṃ saṃsandati sameti; evameva supaññattā tena bhagavatā sāvakānaṃ nibbānagāminī paṭipadā saṃsandati nibbānañca paṭipadā cā’’ti (dī. ni. 2.296) vuttasadisaṃ hoti.

    абижа ко на зд̇д̇агзнааби саггааро гаад̇аб̣б̣о. гасмаа? згажжасса хи бут̇уж̇ж̇анассааби сад̇о кийн̣аасавабадибад̇д̇исад̣̇исаа бадибад̣̇аа ход̇и, д̇асмаа со бхигку д̇зхи д̇зхи убааязхи уд̇д̇аасзд̇аб̣б̣о. кийн̣аасавасса наама асанияааби мад̇т̇агз бад̇амаанааяа бхаяам̣ ваа чамбхид̇ад̇д̇ам̣ ваа ломахам̣со ваа на ход̇и. сажасса бхаяам̣ ваа чамбхид̇ад̇д̇ам̣ ваа ломахам̣со ваа уббаж̇ж̇ад̇и, ‘‘на д̇вам̣ арахаа’’д̇и абанзд̇аб̣б̣о. сажз бана абхийруу ажчамбхий ануд̇раасий худ̇ваа сийхо вияа нисийд̣̇ад̇и, аяам̣ бхигку самбаннавзяяаагаран̣о саманд̇аа рааж̇арааж̇амахаамад̇д̇аад̣̇ийхи бзсид̇ам̣ саггаарам̣ арахад̇ийд̇и.

    Apica kho na ettakenāpi sakkāro kātabbo. Kasmā? Ekaccassa hi puthujjanassāpi sato khīṇāsavapaṭipattisadisā paṭipadā hoti, tasmā so bhikkhu tehi tehi upāyehi uttāsetabbo. Khīṇāsavassa nāma asaniyāpi matthake patamānāya bhayaṃ vā chambhitattaṃ vā lomahaṃso vā na hoti. Sacassa bhayaṃ vā chambhitattaṃ vā lomahaṃso vā uppajjati, ‘‘na tvaṃ arahā’’ti apanetabbo. Sace pana abhīrū acchambhī anutrāsī hutvā sīho viya nisīdati, ayaṃ bhikkhu sampannaveyyākaraṇo samantā rājarājamahāmattādīhi pesitaṃ sakkāraṃ arahatīti.

    баабижчод̇и яаа саа ‘‘ид̇хзгажжо д̣̇уссийлова самаано сийлаваад̇и мам̣ ж̇ано ж̇аанаад̇ууд̇и ижчад̇ий’’д̇иаад̣̇инаа (вибха. 851) наязна вуд̇д̇аа баабижчаа д̇ааяа саманнааг̇ад̇о. ижчаабагад̇од̇и д̇ааяа баабигааяа ижчааяа абагад̇о абхибхууд̇о баарааж̇иго худ̇ваа.

    Pāpicchoti yā sā ‘‘idhekacco dussīlova samāno sīlavāti maṃ jano jānātūti icchatī’’tiādinā (vibha. 851) nayena vuttā pāpicchā tāya samannāgato. Icchāpakatoti tāya pāpikāya icchāya apakato abhibhūto pārājiko hutvā.

    висуд̣̇д̇хаабзгкод̇и ад̇д̇ано висуд̣̇д̇хим̣ абзгкамаано ижчамаано бад̇т̇аяамаано. аяан̃хи яасмаа баарааж̇игам̣ аабанно, д̇асмаа бхигкубхаавз тад̇ваа абхаб̣б̣о жхаанаад̣̇ийни ад̇хиг̇анд̇ум̣, бхигкубхааво хисса саг̇г̇анд̇арааяо жзва ход̇и маг̇г̇анд̇арааяо жа. вуд̇д̇ан̃хзд̇ам̣ – ‘‘сааман̃н̃ам̣ д̣̇уббараамадтам̣ нираяааяубагад̣дхад̇ий’’д̇и (д̇ха. ба. 311). абарамби вуд̇д̇ам̣ – ‘‘сит̇ило хи бариб̣б̣ааж̇о, бхияяо аагирад̇з раж̇а’’нд̇и (д̇ха. ба. 313). ижжасса бхигкубхааво висуд̣̇д̇хи наама на ход̇и . яасмаа бана г̇ихий ваа убаасаго ваа аараамиго ваа сааман̣зро ваа худ̇ваа д̣̇аанасаран̣асийласам̣вараад̣̇ийхи саг̇г̇амаг̇г̇ам̣ ваа жхаанавимогкаад̣̇ийхи могкамаг̇г̇ам̣ ваа аараад̇хзд̇ум̣ бхаб̣б̣о ход̇и, д̇асмаасса г̇ихиаад̣̇ибхааво висуд̣̇д̇хи наама ход̇и, д̇асмаа д̇ам̣ висуд̣̇д̇хим̣ абзгканад̇о ‘‘висуд̣̇д̇хаабзгко’’д̇и вужжад̇и. д̇знзва жасса бад̣̇абхааж̇анз ‘‘г̇ихий ваа ход̇угаамо’’д̇иаад̣̇и вуд̇д̇ам̣.

    Visuddhāpekkhoti attano visuddhiṃ apekkhamāno icchamāno patthayamāno. Ayañhi yasmā pārājikaṃ āpanno, tasmā bhikkhubhāve ṭhatvā abhabbo jhānādīni adhigantuṃ, bhikkhubhāvo hissa saggantarāyo ceva hoti maggantarāyo ca. Vuttañhetaṃ – ‘‘sāmaññaṃ dupparāmaṭṭhaṃ nirayāyupakaḍḍhatī’’ti (dha. pa. 311). Aparampi vuttaṃ – ‘‘sithilo hi paribbājo, bhiyyo ākirate raja’’nti (dha. pa. 313). Iccassa bhikkhubhāvo visuddhi nāma na hoti . Yasmā pana gihī vā upāsako vā ārāmiko vā sāmaṇero vā hutvā dānasaraṇasīlasaṃvarādīhi saggamaggaṃ vā jhānavimokkhādīhi mokkhamaggaṃ vā ārādhetuṃ bhabbo hoti, tasmāssa gihiādibhāvo visuddhi nāma hoti, tasmā taṃ visuddhiṃ apekkhanato ‘‘visuddhāpekkho’’ti vuccati. Teneva cassa padabhājane ‘‘gihī vā hotukāmo’’tiādi vuttaṃ.

    звам̣ вад̣̇зяяаад̇и звам̣ бхан̣зяяа. гат̇ам̣? ‘‘аж̇аанамзвам̣ аавусо аважам̣ ж̇аанаами, абассам̣ бассаамий’’д̇и. бад̣̇абхааж̇анз бана ‘‘звам̣ вад̣̇зяяаа’’д̇и ид̣̇ам̣ бад̣̇ам̣ ануд̣̇д̇харид̇ваава яат̇аа вад̣̇анд̇о ‘‘аж̇аанамзвам̣ аавусо аважам̣ ж̇аанаами, абассам̣ бассаамий’’д̇и вад̣̇ад̇и наамаад̇и вужжад̇и, д̇ам̣ аагаарам̣ д̣̇ассзд̇ум̣ ‘‘наахам̣ зд̇з д̇хаммз ж̇аанаамий’’д̇иаад̣̇и вуд̇д̇ам̣. д̇ужчам̣ мусаа вилабинд̇и ахам̣ важанад̇т̇авирахад̇о д̇ужчам̣ ван̃жанаад̇хиббааяад̇о мусаа вилабим̣, абхан̣инд̇и вуд̇д̇ам̣ ход̇и. бад̣̇абхааж̇анз банасса ан̃н̃зна бад̣̇аб̣яан̃ж̇анзна ад̇т̇амад̇д̇ам̣ д̣̇ассзд̇ум̣ ‘‘д̇ужчагам̣ маяаа бхан̣ид̇а’’нд̇иаад̣̇и вуд̇д̇ам̣.

    Evaṃ vadeyyāti evaṃ bhaṇeyya. Kathaṃ? ‘‘Ajānamevaṃ āvuso avacaṃ jānāmi, apassaṃ passāmī’’ti. Padabhājane pana ‘‘evaṃ vadeyyā’’ti idaṃ padaṃ anuddharitvāva yathā vadanto ‘‘ajānamevaṃ āvuso avacaṃ jānāmi, apassaṃ passāmī’’ti vadati nāmāti vuccati, taṃ ākāraṃ dassetuṃ ‘‘nāhaṃ ete dhamme jānāmī’’tiādi vuttaṃ. Tucchaṃ musā vilapinti ahaṃ vacanatthavirahato tucchaṃ vañcanādhippāyato musā vilapiṃ, abhaṇinti vuttaṃ hoti. Padabhājane panassa aññena padabyañjanena atthamattaṃ dassetuṃ ‘‘tucchakaṃ mayā bhaṇita’’ntiādi vuttaṃ.

    буримз убаад̣̇ааяаад̇и буримаани д̇ийн̣и баарааж̇игаани аабаннз буг̇г̇алз убаад̣̇ааяа. сзсам̣ буб̣б̣з вуд̇д̇анаяад̇д̇аа уд̇д̇аанад̇т̇ад̇д̇аа жа баагадамзваад̇и.

    Purime upādāyāti purimāni tīṇi pārājikāni āpanne puggale upādāya. Sesaṃ pubbe vuttanayattā uttānatthattā ca pākaṭamevāti.

    бад̣̇абхааж̇анийяаван̣н̣анаа

    Padabhājanīyavaṇṇanā

    199. звам̣ уд̣̇д̣̇идтасигкаабад̣̇ам̣ бад̣̇аануггамзна вибхаж̇ид̇ваа ид̣̇аани яасмаа хздтаа бад̣̇абхааж̇анийяамхи ‘‘жхаанам̣ вимогкам̣ самаад̇хи самаабад̇д̇и н̃аан̣ад̣̇ассанам̣…бз… сун̃н̃ааг̇аарз абхирад̇ий’’д̇и звам̣ сам̣кид̇д̇знзва уд̇д̇аримануссад̇хаммо д̣̇ассид̇о, на вид̇т̇аарзна аабад̇д̇им̣ ааробзд̇ваа д̇анд̇и табид̇аа. сан̇кзбад̣̇ассид̇з жа ад̇т̇з на саб̣б̣з саб̣б̣аагаарзна наяам̣ г̇ахзд̇ум̣ саггонд̇и, д̇асмаа саб̣б̣аагаарзна наяаг̇г̇ахан̣ад̇т̇ам̣ буна д̇ад̣̇зва бад̣̇абхааж̇анам̣ маад̇игаатаанз табзд̇ваа вид̇т̇аарад̇о уд̇д̇аримануссад̇хаммам̣ д̣̇ассзд̇ваа аабад̇д̇ибхзд̣̇ам̣ д̣̇ассзд̇угаамо ‘‘жхаананд̇и батамам̣ жхаанам̣, д̣̇уд̇ияам̣ жхаана’’нд̇иаад̣̇имааха. д̇ад̇т̇а батамаж̇жхаанаад̣̇ийхи мзд̇д̇аажхаанаад̣̇ийниби асубхаж̇жхаанаад̣̇ийниби аанаабаанассад̇исамаад̇хиж̇жхаанамби логияаж̇жхаанамби логуд̇д̇араж̇жхаанамби сан̇г̇ахид̇амзва. д̇асмаа ‘‘батамам̣ жхаанам̣ самаабаж̇ж̇инд̇иби…бз… жад̇уд̇т̇ам̣ ж̇жхаанам̣, мзд̇д̇аажхаанам̣, убзгкаажхаанам̣ асубхаж̇жхаанам̣ аанаабаанассад̇исамаад̇хиж̇жхаанам̣ , логияаж̇жхаанам̣, логуд̇д̇араж̇жхаанам̣ самаабаж̇ж̇и’’нд̇иби бхан̣анд̇о баарааж̇игова ход̇ийд̇и взд̣̇ид̇аб̣б̣о.

    199. Evaṃ uddiṭṭhasikkhāpadaṃ padānukkamena vibhajitvā idāni yasmā heṭṭhā padabhājanīyamhi ‘‘jhānaṃ vimokkhaṃ samādhi samāpatti ñāṇadassanaṃ…pe… suññāgāre abhiratī’’ti evaṃ saṃkhitteneva uttarimanussadhammo dassito, na vitthārena āpattiṃ āropetvā tanti ṭhapitā. Saṅkhepadassite ca atthe na sabbe sabbākārena nayaṃ gahetuṃ sakkonti, tasmā sabbākārena nayaggahaṇatthaṃ puna tadeva padabhājanaṃ mātikāṭhāne ṭhapetvā vitthārato uttarimanussadhammaṃ dassetvā āpattibhedaṃ dassetukāmo ‘‘jhānanti paṭhamaṃ jhānaṃ, dutiyaṃ jhāna’’ntiādimāha. Tattha paṭhamajjhānādīhi mettājhānādīnipi asubhajjhānādīnipi ānāpānassatisamādhijjhānampi lokiyajjhānampi lokuttarajjhānampi saṅgahitameva. Tasmā ‘‘paṭhamaṃ jhānaṃ samāpajjintipi…pe… catutthaṃ jjhānaṃ, mettājhānaṃ, upekkhājhānaṃ asubhajjhānaṃ ānāpānassatisamādhijjhānaṃ , lokiyajjhānaṃ, lokuttarajjhānaṃ samāpajji’’ntipi bhaṇanto pārājikova hotīti veditabbo.

    судту муд̇д̇о вивид̇хзхи ваа гилзсзхи муд̇д̇од̇и вимогко. со банааяам̣ рааг̇ад̣̇осамохзхи сун̃н̃ад̇д̇аа сун̃н̃ад̇о. рааг̇ад̣̇осамоханимид̇д̇зхи анимид̇д̇ад̇д̇аа анимид̇д̇о. рааг̇ад̣̇осамохабан̣ид̇хийнам̣ абхаавад̇о аббан̣ихид̇од̇и вужжад̇и. жид̇д̇ам̣ самам̣ аад̣̇ахад̇и аарамман̣з табзд̇ийд̇и самаад̇хи. ариязхи самаабаж̇ж̇ид̇аб̣б̣ад̇о самаабад̇д̇и. сзсамзд̇т̇а вуд̇д̇анаяамзва. зд̇т̇а жа вимогкад̇д̇игзна жа самаад̇хид̇д̇игзна жа арияамаг̇г̇ова вуд̇д̇о. самаабад̇д̇ид̇д̇игзна бана паласамаабад̇д̇и. д̇зсу яам̣гин̃жи згамби бад̣̇ам̣ г̇ахзд̇ваа ‘‘ахам̣ имасса лаабхиймхий’’д̇и бхан̣анд̇о баарааж̇игова ход̇и.

    Suṭṭhu mutto vividhehi vā kilesehi muttoti vimokkho. So panāyaṃ rāgadosamohehi suññattā suññato. Rāgadosamohanimittehi animittattā animitto. Rāgadosamohapaṇidhīnaṃ abhāvato appaṇihitoti vuccati. Cittaṃ samaṃ ādahati ārammaṇe ṭhapetīti samādhi. Ariyehi samāpajjitabbato samāpatti. Sesamettha vuttanayameva. Ettha ca vimokkhattikena ca samādhittikena ca ariyamaggova vutto. Samāpattittikena pana phalasamāpatti. Tesu yaṃkiñci ekampi padaṃ gahetvā ‘‘ahaṃ imassa lābhīmhī’’ti bhaṇanto pārājikova hoti.

    д̇иссо виж̇ж̇аад̇и буб̣б̣зниваасаануссад̇и, д̣̇иб̣б̣ажагку, аасаваанам̣ каяз н̃аан̣анд̇и. д̇ад̇т̇а згиссааби наамам̣ г̇ахзд̇ваа ‘‘ахам̣ имиссаа виж̇ж̇ааяа лаабхиймхий’’д̇и бхан̣анд̇о баарааж̇иго ход̇и. сан̇кзбадтагат̇ааяам̣ бана ‘‘виж̇ж̇аанам̣ лаабхиймхий’д̇и бхан̣анд̇оби ‘д̇иссаннам̣ виж̇ж̇аанам̣ лаабхиймхий’д̇и бхан̣анд̇оби баарааж̇иго ваа’’д̇и вуд̇д̇ам̣. маг̇г̇абхааванаабад̣̇абхааж̇анз вуд̇д̇аа сад̇д̇ад̇им̣саб̣од̇хибагкияад̇хаммаа маг̇г̇асамбаяуд̇д̇аа логуд̇д̇араава ид̇хаад̇хиббзд̇аа. д̇асмаа логуд̇д̇араанам̣ сад̇ибадтаанаанам̣ саммаббад̇хаанаанам̣ ид̣̇д̇хибаад̣̇аанам̣ инд̣̇рияаанам̣ б̣алаанам̣ б̣ож̇жхан̇г̇аанам̣ арияасса адтан̇г̇игасса маг̇г̇асса лаабхиймхийд̇и вад̣̇ад̇о баарааж̇иганд̇и махааадтагат̇ааяам̣ вуд̇д̇ам̣. махаабажжарияаад̣̇ийсу бана ‘‘сад̇ибадтаанаанам̣ лаабхиймхий’д̇и звам̣ згзгагодтаасавасзнааби ‘гааяаанубассанаасад̇ибадтаанасса лаабхиймхий’д̇и звам̣ д̇ад̇т̇а згзгад̇хаммавасзнааби вад̣̇ад̇о баарааж̇игамзваа’’д̇и вуд̇д̇ам̣ д̇амби самзд̇и. гасмаа? маг̇г̇агкан̣уббаннзязва санд̇хааяа вуд̇д̇ад̇д̇аа. паласажчигирияааяаби згзгапалавасзна баарааж̇игам̣ взд̣̇ид̇аб̣б̣ам̣.

    Tisso vijjāti pubbenivāsānussati, dibbacakkhu, āsavānaṃ khaye ñāṇanti. Tattha ekissāpi nāmaṃ gahetvā ‘‘ahaṃ imissā vijjāya lābhīmhī’’ti bhaṇanto pārājiko hoti. Saṅkhepaṭṭhakathāyaṃ pana ‘‘vijjānaṃ lābhīmhī’ti bhaṇantopi ‘tissannaṃ vijjānaṃ lābhīmhī’ti bhaṇantopi pārājiko vā’’ti vuttaṃ. Maggabhāvanāpadabhājane vuttā sattatiṃsabodhipakkhiyadhammā maggasampayuttā lokuttarāva idhādhippetā. Tasmā lokuttarānaṃ satipaṭṭhānānaṃ sammappadhānānaṃ iddhipādānaṃ indriyānaṃ balānaṃ bojjhaṅgānaṃ ariyassa aṭṭhaṅgikassa maggassa lābhīmhīti vadato pārājikanti mahāaṭṭhakathāyaṃ vuttaṃ. Mahāpaccariyādīsu pana ‘‘satipaṭṭhānānaṃ lābhīmhī’ti evaṃ ekekakoṭṭhāsavasenāpi ‘kāyānupassanāsatipaṭṭhānassa lābhīmhī’ti evaṃ tattha ekekadhammavasenāpi vadato pārājikamevā’’ti vuttaṃ tampi sameti. Kasmā? Maggakkhaṇuppanneyeva sandhāya vuttattā. Phalasacchikiriyāyapi ekekaphalavasena pārājikaṃ veditabbaṃ.

    рааг̇асса бахаананд̇иаад̣̇ид̇д̇игз гилзсаббахаанамзва вуд̇д̇ам̣. д̇ам̣ бана яасмаа маг̇г̇зна винаа над̇т̇и, д̇ад̇ияамаг̇г̇зна хи гаамарааг̇ад̣̇осаанам̣ бахаанам̣, жад̇уд̇т̇зна мохасса, д̇асмаа ‘‘рааг̇о мз бахийно’’д̇иаад̣̇ийни вад̣̇ад̇оби баарааж̇игам̣ вуд̇д̇ам̣.

    Rāgassa pahānantiādittike kilesappahānameva vuttaṃ. Taṃ pana yasmā maggena vinā natthi, tatiyamaggena hi kāmarāgadosānaṃ pahānaṃ, catutthena mohassa, tasmā ‘‘rāgo me pahīno’’tiādīni vadatopi pārājikaṃ vuttaṃ.

    рааг̇аа жид̇д̇ам̣ винийваран̣ад̇аад̇иаад̣̇ид̇д̇игз логуд̇д̇аражид̇д̇амзва вуд̇д̇ам̣. д̇асмаа ‘‘рааг̇аа мз жид̇д̇ам̣ винийваран̣а’’нд̇иаад̣̇ийни вад̣̇ад̇оби баарааж̇игамзва.

    Rāgā cittaṃ vinīvaraṇatātiādittike lokuttaracittameva vuttaṃ. Tasmā ‘‘rāgā me cittaṃ vinīvaraṇa’’ntiādīni vadatopi pārājikameva.

    сун̃н̃ааг̇аарабад̣̇абхааж̇анз бана яасмаа жхаанзна агхадзд̇ваа ‘‘сун̃н̃ааг̇аарз абхирамаамий’’д̇и важанамад̇д̇зна баарааж̇игам̣ наад̇хиббзд̇ам̣, д̇асмаа ‘‘батамзна жхаанзна сун̃н̃ааг̇аарз абхирад̇ий’’д̇иаад̣̇и вуд̇д̇ам̣. д̇асмаа яо жхаанзна гхадзд̇ваа ‘‘иминаа наама жхаанзна сун̃н̃ааг̇аарз абхирамаамий’’д̇и вад̣̇ад̇и, аяамзва баарааж̇иго ход̇ийд̇и взд̣̇ид̇аб̣б̣о.

    Suññāgārapadabhājane pana yasmā jhānena aghaṭetvā ‘‘suññāgāre abhiramāmī’’ti vacanamattena pārājikaṃ nādhippetaṃ, tasmā ‘‘paṭhamena jhānena suññāgāre abhiratī’’tiādi vuttaṃ. Tasmā yo jhānena ghaṭetvā ‘‘iminā nāma jhānena suññāgāre abhiramāmī’’ti vadati, ayameva pārājiko hotīti veditabbo.

    яаа жа ‘‘н̃аан̣а’’нд̇и имасса бад̣̇абхааж̇анз амб̣адтасуд̇д̇аад̣̇ийсу (д̣̇ий. ни. 1.254 аад̣̇аяо) вуд̇д̇аасу адтасу виж̇ж̇аасу вибассанаан̃аан̣аманомаяид̣̇д̇хиид̣̇д̇хивид̇хад̣̇иб̣б̣асод̇ажзд̇обарияан̃аан̣абхзд̣̇аа бан̃жа виж̇ж̇аа на ааг̇ад̇аа, д̇аасу згаа вибассанаава баарааж̇игавад̇т̇у на ход̇и, сзсаа хонд̇ийд̇и взд̣̇ид̇аб̣б̣аа. д̇асмаа ‘‘вибассанааяа лаабхиймхий’’д̇иби ‘‘вибассанаан̃аан̣асса лаабхиймхий’’д̇иби вад̣̇ад̇о баарааж̇игам̣ над̇т̇и. пуссад̣̇звад̇т̇зро бана бхан̣ад̇и – ‘‘ид̇арааби жад̇ассо виж̇ж̇аа н̃аан̣зна агхадид̇аа баарааж̇игавад̇т̇уу на хонд̇и. д̇асмаа ‘маномаяасса лаабхиймхи, ид̣̇д̇хивид̇хасса, д̣̇иб̣б̣ааяа сод̇ад̇хаад̇уяаа, жзд̇обарияасса лаабхиймхий’д̇и вад̣̇ад̇оби баарааж̇игам̣ над̇т̇ий’’д̇и. д̇ам̣ д̇асса анд̇зваасигзхзва бадигкид̇д̇ам̣ – ‘‘аажарияо на аабхид̇хаммиго бхумманд̇арам̣ на ж̇аанаад̇и, абхин̃н̃аа наама жад̇уд̇т̇аж̇жхаанабаад̣̇агова махаг̇г̇ад̇ад̇хаммо, жхаанзнзва иж̇жхад̇и. д̇асмаа маномаяасса лаабхиймхий’д̇и ваа ‘маномаяан̃аан̣асса лаабхиймхий’д̇и ваа яат̇аа ваа д̇ат̇аа ваа вад̣̇ад̇у баарааж̇игамзваа’’д̇и. зд̇т̇а жа гин̃жааби ниб̣б̣аанам̣ баал̣ияаа анааг̇ад̇ам̣, ат̇а ко ‘‘ниб̣б̣аанам̣ мз бад̇д̇а’’нд̇и ваа ‘‘сажчигад̇а’’нд̇и ваа вад̣̇ад̇о баарааж̇игамзва. гасмаа? ниб̣б̣аанасса ниб̣б̣ад̇д̇ид̇алогуд̇д̇арад̇д̇аа. д̇ат̇аа ‘‘жад̇д̇аари сажжаани бадивиж̇жхим̣ бадивид̣̇д̇хаани маяаа’’д̇и вад̣̇ад̇оби баарааж̇игамзва. гасмаа? сажжаббадивзд̇ход̇и хи маг̇г̇асса барияааяаважанам̣. яасмаа бана ‘‘д̇иссо бадисамбхид̣̇аа гаамааважарагусалад̇о жад̇уусу н̃аан̣асамбаяуд̇д̇зсу жид̇д̇уббаад̣̇зсу уббаж̇ж̇анд̇и, грияад̇о жад̇уусу н̃аан̣асамбаяуд̇д̇зсу жид̇д̇уббаад̣̇зсу уббаж̇ж̇анд̇и, ад̇т̇абадисамбхид̣̇аа зд̇зсу жзва уббаж̇ж̇ад̇и, жад̇уусу маг̇г̇зсу жад̇уусу палзсу жа уббаж̇ж̇ад̇ий’’д̇и вибхан̇г̇з (вибха. 746) вуд̇д̇ам̣. д̇асмаа ‘‘д̇хаммабадисамбхид̣̇ааяа лаабхиймхий’’д̇и ваа, ‘‘нируд̇д̇и…бз… бадибхаанабадисамбхид̣̇ааяа лаабхиймхий’’д̇и ваа ‘‘логияаад̇т̇абадисамбхид̣̇ааяа лаабхиймхий’’д̇и ваа вуд̇д̇зби баарааж̇игам̣ над̇т̇и. ‘‘бадисамбхид̣̇аанам̣ лаабхиймхий’’д̇и вуд̇д̇з на д̇аава сийсам̣ од̇арад̇и. ‘‘логуд̇д̇араад̇т̇абадисамбхид̣̇ааяа лаабхиймхий’’д̇и вуд̇д̇з бана баарааж̇игам̣ ход̇и. сан̇кзбадтагат̇ааяам̣ бана ад̇т̇абадисамбхид̣̇ааббад̇д̇омхийд̇и ависзсзнааби вад̣̇ад̇о баарааж̇игам̣ вуд̇д̇ам̣. гурунд̣̇ияамби ‘‘на мужжад̇ий’’д̇и вуд̇д̇ам̣. махааадтагат̇ааяам̣ бана ‘‘зд̇д̇аавад̇аа баарааж̇игам̣ над̇т̇и, зд̇д̇аавад̇аа сийсам̣ на од̇арад̇и, зд̇д̇аавад̇аа на баарааж̇ига’’нд̇и вижаарид̇ад̇д̇аа на саггаа ан̃н̃ам̣ бамаан̣ам̣ гаад̇унд̇и.

    Yāca ‘‘ñāṇa’’nti imassa padabhājane ambaṭṭhasuttādīsu (dī. ni. 1.254 ādayo) vuttāsu aṭṭhasu vijjāsu vipassanāñāṇamanomayiddhiiddhividhadibbasotacetopariyañāṇabhedā pañca vijjā na āgatā, tāsu ekā vipassanāva pārājikavatthu na hoti, sesā hontīti veditabbā. Tasmā ‘‘vipassanāya lābhīmhī’’tipi ‘‘vipassanāñāṇassa lābhīmhī’’tipi vadato pārājikaṃ natthi. Phussadevatthero pana bhaṇati – ‘‘itarāpi catasso vijjā ñāṇena aghaṭitā pārājikavatthū na honti. Tasmā ‘manomayassa lābhīmhi, iddhividhassa, dibbāya sotadhātuyā, cetopariyassa lābhīmhī’ti vadatopi pārājikaṃ natthī’’ti. Taṃ tassa antevāsikeheva paṭikkhittaṃ – ‘‘ācariyo na ābhidhammiko bhummantaraṃ na jānāti, abhiññā nāma catutthajjhānapādakova mahaggatadhammo, jhāneneva ijjhati. Tasmā manomayassa lābhīmhī’ti vā ‘manomayañāṇassa lābhīmhī’ti vā yathā vā tathā vā vadatu pārājikamevā’’ti. Ettha ca kiñcāpi nibbānaṃ pāḷiyā anāgataṃ, atha kho ‘‘nibbānaṃ me patta’’nti vā ‘‘sacchikata’’nti vā vadato pārājikameva. Kasmā? Nibbānassa nibbattitalokuttarattā. Tathā ‘‘cattāri saccāni paṭivijjhiṃ paṭividdhāni mayā’’ti vadatopi pārājikameva. Kasmā? Saccappaṭivedhoti hi maggassa pariyāyavacanaṃ. Yasmā pana ‘‘tisso paṭisambhidā kāmāvacarakusalato catūsu ñāṇasampayuttesu cittuppādesu uppajjanti, kriyato catūsu ñāṇasampayuttesu cittuppādesu uppajjanti, atthapaṭisambhidā etesu ceva uppajjati, catūsu maggesu catūsu phalesu ca uppajjatī’’ti vibhaṅge (vibha. 746) vuttaṃ. Tasmā ‘‘dhammapaṭisambhidāya lābhīmhī’’ti vā, ‘‘nirutti…pe… paṭibhānapaṭisambhidāya lābhīmhī’’ti vā ‘‘lokiyaatthapaṭisambhidāya lābhīmhī’’ti vā vuttepi pārājikaṃ natthi. ‘‘Paṭisambhidānaṃ lābhīmhī’’ti vutte na tāva sīsaṃ otarati. ‘‘Lokuttaraatthapaṭisambhidāya lābhīmhī’’ti vutte pana pārājikaṃ hoti. Saṅkhepaṭṭhakathāyaṃ pana atthapaṭisambhidāppattomhīti avisesenāpi vadato pārājikaṃ vuttaṃ. Kurundiyampi ‘‘na muccatī’’ti vuttaṃ. Mahāaṭṭhakathāyaṃ pana ‘‘ettāvatā pārājikaṃ natthi, ettāvatā sīsaṃ na otarati, ettāvatā na pārājika’’nti vicāritattā na sakkā aññaṃ pamāṇaṃ kātunti.

    ‘‘нирод̇хасамаабад̇д̇им̣ самаабаж̇ж̇аамий’’д̇и ваа ‘‘лаабхиймхаахам̣ д̇ассаа’’д̇и ваа вад̣̇ад̇оби баарааж̇игам̣ над̇т̇и. гасмаа? нирод̇хасамаабад̇д̇ияаа нзва логияад̇д̇аа на логуд̇д̇арад̇д̇аад̇и. сажз банасса звам̣ ход̇и – ‘‘нирод̇хам̣ наама анааг̇аамий ваа кийн̣аасаво ваа самаабаж̇ж̇ад̇и, д̇зсам̣ мам̣ ан̃н̃ад̇арод̇и ж̇ааниссад̇ий’’д̇и б̣яаагарод̇и, со жа нам̣ д̇ат̇аа ж̇аанаад̇и, баарааж̇иганд̇и махаабажжарисан̇кзбадтагат̇аасу вуд̇д̇ам̣. д̇ам̣ виймам̣сид̇ваа г̇ахзд̇аб̣б̣ам̣.

    ‘‘Nirodhasamāpattiṃ samāpajjāmī’’ti vā ‘‘lābhīmhāhaṃ tassā’’ti vā vadatopi pārājikaṃ natthi. Kasmā? Nirodhasamāpattiyā neva lokiyattā na lokuttarattāti. Sace panassa evaṃ hoti – ‘‘nirodhaṃ nāma anāgāmī vā khīṇāsavo vā samāpajjati, tesaṃ maṃ aññataroti jānissatī’’ti byākaroti, so ca naṃ tathā jānāti, pārājikanti mahāpaccarisaṅkhepaṭṭhakathāsu vuttaṃ. Taṃ vīmaṃsitvā gahetabbaṃ.

    ‘‘ад̇ийд̇абхавз гассабасаммаасамб̣уд̣̇д̇хагаалз сод̇аабанномхий’’д̇и вад̣̇ад̇оби баарааж̇игам̣ над̇т̇и. ад̇ийд̇агканд̇хаанан̃хи бараамадтад̇д̇аа сийсам̣ на од̇арад̇ийд̇и. сан̇кзбадтагат̇ааяам̣ бана ‘‘ад̇ийд̇з адтасамаабад̇д̇илаабхиймхий’’д̇и вад̣̇ад̇о баарааж̇игам̣ над̇т̇и, губбад̇хаммад̇д̇аа ид̇ха бана ‘‘ад̇т̇и агуббад̇хаммад̇д̇аад̇и гзжи вад̣̇анд̇ий’’д̇и вуд̇д̇ам̣. д̇амби д̇ад̇т̇зва ‘‘ад̇ийд̇ад̇д̇абхаавам̣ санд̇хааяа гат̇знд̇асса баарааж̇игам̣ на ход̇и, бажжуббаннад̇д̇абхаавам̣ санд̇хааяа гат̇знд̇ассзва ход̇ий’’д̇и бадигкид̇д̇ам̣.

    ‘‘Atītabhave kassapasammāsambuddhakāle sotāpannomhī’’ti vadatopi pārājikaṃ natthi. Atītakkhandhānañhi parāmaṭṭhattā sīsaṃ na otaratīti. Saṅkhepaṭṭhakathāyaṃ pana ‘‘atīte aṭṭhasamāpattilābhīmhī’’ti vadato pārājikaṃ natthi, kuppadhammattā idha pana ‘‘atthi akuppadhammattāti keci vadantī’’ti vuttaṃ. Tampi tattheva ‘‘atītattabhāvaṃ sandhāya kathentassa pārājikaṃ na hoti, paccuppannattabhāvaṃ sandhāya kathentasseva hotī’’ti paṭikkhittaṃ.

    суд̣̇д̇хигаваарагат̇ааван̣н̣анаа

    Suddhikavārakathāvaṇṇanā

    200. звам̣ жхаанаад̣̇ийни д̣̇аса маад̇игаабад̣̇аани вид̇т̇аарзд̇ваа ид̣̇аани уд̇д̇аримануссад̇хаммам̣ уллабанд̇о яам̣ самбаж̇аанамусааваад̣̇ам̣ бхан̣ад̇и, д̇асса ан̇г̇ам̣ д̣̇ассзд̇ваа д̇ассзва вид̇т̇аарасса васзна жаггабзяяаалам̣ б̣анд̇ханд̇о уллабанаагааран̃жа аабад̇д̇ибхзд̣̇ан̃жа д̣̇ассзд̇ум̣ ‘‘д̇ийхаагаарзхий’’д̇иаад̣̇имааха. д̇ад̇т̇а суд̣̇д̇хигавааро вад̇д̇угаамавааро бажжаяабадисам̣яуд̇д̇аваарод̇и д̇аяо махааваараа. д̇зсу суд̣̇д̇хигаваарз батамаж̇жхаанам̣ аад̣̇им̣ гад̇ваа яаава мохаа жид̇д̇ам̣ винийваран̣абад̣̇ам̣, д̇аава згамзгасмим̣ бад̣̇з самаабаж̇ж̇им̣, самаабаж̇ж̇аами, самаабанно, лаабхиймхи, васиймхи, сажчигад̇ам̣ маяаад̇и имзсу часу бад̣̇зсу згамзгам̣ бад̣̇ам̣ д̇ийхаагаарзхи, жад̇уухи, бан̃жахи, чахи, сад̇д̇ахаагаарзхийд̇и звам̣ бан̃жагкад̇д̇ум̣ яож̇зд̇ваа суд̣̇д̇хиганаяо наама вуд̇д̇о. д̇ад̇о батаман̃жа жхаанам̣, д̣̇уд̇ияан̃жа жхаананд̇и звам̣ батамаж̇жхаанзна сад̣̇д̇хим̣ згамзгам̣ бад̣̇ам̣ гхадзнд̇зна саб̣б̣абад̣̇аани гхадзд̇ваа д̇знзва вид̇т̇аарзна кан̣д̣ажаггам̣ наама вуд̇д̇ам̣. д̇ан̃хи буна аанзд̇ваа батамаж̇жхаанаад̣̇ийхи на яож̇ид̇ам̣, д̇асмаа ‘‘кан̣д̣ажагга’’нд̇и вужжад̇и. д̇ад̇о д̣̇уд̇ияан̃жа жхаанам̣, д̇ад̇ияан̃жа жхаананд̇и звам̣ д̣̇уд̇ияаж̇жхаанзна сад̣̇д̇хим̣ згамзгам̣ бад̣̇ам̣ гхадзд̇ваа буна аанзд̇ваа батамаж̇жхаанзна сад̣̇д̇хим̣ самб̣анд̇хид̇ваа д̇знзва вид̇т̇аарзна б̣ад̣̇д̇хажаггам̣ наама вуд̇д̇ам̣. д̇ад̇о яат̇аа д̣̇уд̇ияаж̇жхаанзна сад̣̇д̇хим̣, звам̣ д̇ад̇ияаж̇жхаанаад̣̇ийхиби сад̣̇д̇хим̣, згамзгам̣ бад̣̇ам̣ гхадзд̇ваа буна аанзд̇ваа д̣̇уд̇ияаж̇жхаанаад̣̇ийхи сад̣̇д̇хим̣ самб̣анд̇хид̇ваа д̇знзва вид̇т̇аарзна ан̃н̃ааниби згуунад̇им̣са б̣ад̣̇д̇хажаггаани вад̇ваа згамуулаганаяо нидтаабид̇о. баато бана сан̇кзбзна д̣̇ассид̇о, со асаммуяханд̇зна вид̇т̇аарад̇о взд̣̇ид̇аб̣б̣о.

    200. Evaṃ jhānādīni dasa mātikāpadāni vitthāretvā idāni uttarimanussadhammaṃ ullapanto yaṃ sampajānamusāvādaṃ bhaṇati, tassa aṅgaṃ dassetvā tasseva vitthārassa vasena cakkapeyyālaṃ bandhanto ullapanākārañca āpattibhedañca dassetuṃ ‘‘tīhākārehī’’tiādimāha. Tattha suddhikavāro vattukāmavāro paccayapaṭisaṃyuttavāroti tayo mahāvārā. Tesu suddhikavāre paṭhamajjhānaṃ ādiṃ katvā yāva mohā cittaṃ vinīvaraṇapadaṃ, tāva ekamekasmiṃ pade samāpajjiṃ, samāpajjāmi, samāpanno, lābhīmhi, vasīmhi, sacchikataṃ mayāti imesu chasu padesu ekamekaṃ padaṃ tīhākārehi, catūhi, pañcahi, chahi, sattahākārehīti evaṃ pañcakkhattuṃ yojetvā suddhikanayo nāma vutto. Tato paṭhamañca jhānaṃ, dutiyañca jhānanti evaṃ paṭhamajjhānena saddhiṃ ekamekaṃ padaṃ ghaṭentena sabbapadāni ghaṭetvā teneva vitthārena khaṇḍacakkaṃ nāma vuttaṃ. Tañhi puna ānetvā paṭhamajjhānādīhi na yojitaṃ, tasmā ‘‘khaṇḍacakka’’nti vuccati. Tato dutiyañca jhānaṃ, tatiyañca jhānanti evaṃ dutiyajjhānena saddhiṃ ekamekaṃ padaṃ ghaṭetvā puna ānetvā paṭhamajjhānena saddhiṃ sambandhitvā teneva vitthārena baddhacakkaṃ nāma vuttaṃ. Tato yathā dutiyajjhānena saddhiṃ, evaṃ tatiyajjhānādīhipi saddhiṃ, ekamekaṃ padaṃ ghaṭetvā puna ānetvā dutiyajjhānādīhi saddhiṃ sambandhitvā teneva vitthārena aññānipi ekūnatiṃsa baddhacakkāni vatvā ekamūlakanayo niṭṭhāpito. Pāṭho pana saṅkhepena dassito, so asammuyhantena vitthārato veditabbo.

    яат̇аа жа згамуулаго, звам̣ д̣̇умуулагаад̣̇аяоби саб̣б̣амуулагабарияосаанаа жад̇уннам̣ сад̇аанам̣ убари бан̃жад̇им̣са наяаа вуд̇д̇аа. сзяяат̇ид̣̇ам̣ – д̣̇вимуулагаа згуунад̇им̣са, д̇имуулагаа адтавийса, жад̇умуулагаа сад̇д̇авийса; звам̣ бан̃жамуулагаад̣̇аяоби згзгам̣ уунам̣ гад̇ваа яаава д̇им̣самуулагаа, д̇аава взд̣̇ид̇аб̣б̣аа. баатз бана д̇зсам̣ наамамби сан̇кибид̇ваа ‘‘ид̣̇ам̣ саб̣б̣амуулага’’нд̇и д̇им̣самуулаганаяо зго д̣̇ассид̇о. яасмаа жа сун̃н̃ааг̇аарабад̣̇ам̣ жхаанзна агхадид̇ам̣ сийсам̣ на од̇арад̇и, д̇асмаа д̇ам̣ анаамасид̇ваа мохаа жид̇д̇ам̣ винийваран̣абад̣̇абарияосаанааязва саб̣б̣ад̇т̇а яож̇анаа д̣̇ассид̇аад̇и взд̣̇ид̇аб̣б̣аа. звам̣ батамаж̇жхаанаад̣̇ийни бадибаадияаа ваа уббадибаадияаа ваа д̣̇уд̇ияаж̇жхаанаад̣̇ийхи гхадзд̇ваа ваа агхадзд̇ваа ваа самаабаж̇ж̇инд̇иаад̣̇инаа наязна уллабад̇о могко над̇т̇и, баарааж̇игам̣ аабаж̇ж̇ад̇иязваад̇и.

    Yathā ca ekamūlako, evaṃ dumūlakādayopi sabbamūlakapariyosānā catunnaṃ satānaṃ upari pañcatiṃsa nayā vuttā. Seyyathidaṃ – dvimūlakā ekūnatiṃsa, timūlakā aṭṭhavīsa, catumūlakā sattavīsa; evaṃ pañcamūlakādayopi ekekaṃ ūnaṃ katvā yāva tiṃsamūlakā, tāva veditabbā. Pāṭhe pana tesaṃ nāmampi saṅkhipitvā ‘‘idaṃ sabbamūlaka’’nti tiṃsamūlakanayo eko dassito. Yasmā ca suññāgārapadaṃ jhānena aghaṭitaṃ sīsaṃ na otarati, tasmā taṃ anāmasitvā mohā cittaṃ vinīvaraṇapadapariyosānāyeva sabbattha yojanā dassitāti veditabbā. Evaṃ paṭhamajjhānādīni paṭipāṭiyā vā uppaṭipāṭiyā vā dutiyajjhānādīhi ghaṭetvā vā aghaṭetvā vā samāpajjintiādinā nayena ullapato mokkho natthi, pārājikaṃ āpajjatiyevāti.

    имасса ад̇т̇асса д̣̇ассанавасзна вуд̇д̇з жа банзд̇асмим̣ суд̣̇д̇хигамахааваарз аяам̣ сан̇кзбад̇о ад̇т̇аван̣н̣анаа – д̇ийхаагаарзхийд̇и самбаж̇аанамусааваад̣̇асса ан̇г̇абхууд̇зхи д̇ийхи гааран̣зхи. буб̣б̣звасса ход̇ийд̇и буб̣б̣абхааг̇зязва асса буг̇г̇аласса звам̣ ход̇и ‘‘мусаа бхан̣исса’’нд̇и. бхан̣анд̇асса ход̇ийд̇и бхан̣амаанасса ход̇и. бхан̣ид̇асса ход̇ийд̇и бхан̣ид̇з асса ход̇и, яам̣ вад̇д̇аб̣б̣ам̣ д̇асмим̣ вуд̇д̇з ход̇ийд̇и ад̇т̇о. ат̇а ваа бхан̣ид̇ассаад̇и вуд̇д̇авад̇о нидтид̇аважанасса ход̇ийд̇и. яо звам̣ буб̣б̣абхааг̇зби ж̇аанаад̇и, бхан̣анд̇оби ж̇аанаад̇и, бажчааби ж̇аанаад̇и, ‘‘мусаа маяаа бхан̣ид̇а’’нд̇и со ‘‘батамаж̇жхаанам̣ самаабаж̇ж̇и’’нд̇и бхан̣анд̇о баарааж̇игам̣ аабаж̇ж̇ад̇ийд̇и аяамзд̇т̇а ад̇т̇о д̣̇ассид̇о. гин̃жааби д̣̇ассид̇о, ат̇а ко аяамзд̇т̇а висзсо – бужчаа д̇аава ход̇и ‘‘‘мусаа бхан̣исса’нд̇и буб̣б̣абхааг̇о ад̇т̇и, ‘мусаа маяаа бхан̣ид̇а’нд̇и бажчаабхааг̇о над̇т̇и, вуд̇д̇амад̇д̇амзва хи гожи бамуссад̇и, гим̣ д̇асса баарааж̇игам̣ ход̇и, на ход̇ий’’д̇и? саа звам̣ адтагат̇аасу виссаж̇ж̇ид̇аа – буб̣б̣абхааг̇з ‘‘мусаа бхан̣исса’’нд̇и жа бхан̣анд̇асса ‘‘мусаа бхан̣аамий’’д̇и жа ж̇аанад̇о бажчаабхааг̇з ‘‘мусаа маяаа бхан̣ид̇а’’нд̇и на саггаа на бхавид̇ум̣. сажзби на ход̇и баарааж̇игамзва. буримамзва хи ан̇г̇ад̣̇ваяам̣ бамаан̣ам̣. яассааби буб̣б̣абхааг̇з ‘‘мусаа бхан̣исса’’нд̇и аабхог̇о над̇т̇и, бхан̣анд̇о бана ‘‘мусаа бхан̣аамий’’д̇и ж̇аанаад̇и, бхан̣ид̇зби ‘‘мусаа маяаа бхан̣ид̇а’’нд̇и ж̇аанаад̇и, со аабад̇д̇ияаа на гаарзд̇аб̣б̣о. буб̣б̣абхааг̇о хи бамаан̣ад̇аро. д̇асмим̣ асад̇и д̣̇аваа бхан̣ид̇ам̣ ваа раваа бхан̣ид̇ам̣ ваа ход̇ий’’д̇и.

    Imassa atthassa dassanavasena vutte ca panetasmiṃ suddhikamahāvāre ayaṃ saṅkhepato atthavaṇṇanā – tīhākārehīti sampajānamusāvādassa aṅgabhūtehi tīhi kāraṇehi. Pubbevassa hotīti pubbabhāgeyeva assa puggalassa evaṃ hoti ‘‘musā bhaṇissa’’nti. Bhaṇantassa hotīti bhaṇamānassa hoti. Bhaṇitassa hotīti bhaṇite assa hoti, yaṃ vattabbaṃ tasmiṃ vutte hotīti attho. Atha vā bhaṇitassāti vuttavato niṭṭhitavacanassa hotīti. Yo evaṃ pubbabhāgepi jānāti, bhaṇantopi jānāti, pacchāpi jānāti, ‘‘musā mayā bhaṇita’’nti so ‘‘paṭhamajjhānaṃ samāpajji’’nti bhaṇanto pārājikaṃ āpajjatīti ayamettha attho dassito. Kiñcāpi dassito, atha kho ayamettha viseso – pucchā tāva hoti ‘‘‘musā bhaṇissa’nti pubbabhāgo atthi, ‘musā mayā bhaṇita’nti pacchābhāgo natthi, vuttamattameva hi koci pamussati, kiṃ tassa pārājikaṃ hoti, na hotī’’ti? Sā evaṃ aṭṭhakathāsu vissajjitā – pubbabhāge ‘‘musā bhaṇissa’’nti ca bhaṇantassa ‘‘musā bhaṇāmī’’ti ca jānato pacchābhāge ‘‘musā mayā bhaṇita’’nti na sakkā na bhavituṃ. Sacepi na hoti pārājikameva. Purimameva hi aṅgadvayaṃ pamāṇaṃ. Yassāpi pubbabhāge ‘‘musā bhaṇissa’’nti ābhogo natthi, bhaṇanto pana ‘‘musā bhaṇāmī’’ti jānāti, bhaṇitepi ‘‘musā mayā bhaṇita’’nti jānāti, so āpattiyā na kāretabbo. Pubbabhāgo hi pamāṇataro. Tasmiṃ asati davā bhaṇitaṃ vā ravā bhaṇitaṃ vā hotī’’ti.

    зд̇т̇а жа д̇ам̣н̃аан̣ад̇аа жа н̃аан̣асамод̇хаанан̃жа барижжаж̇ид̇аб̣б̣ам̣. д̇ам̣н̃аан̣ад̇аа барижжаж̇ид̇аб̣б̣аад̇и язна жид̇д̇зна ‘‘мусаа бхан̣исса’’нд̇и ж̇аанаад̇и, д̇знзва ‘‘мусаа бхан̣аамий’’д̇и жа ‘‘мусаа маяаа бхан̣ид̇а’’нд̇и жа ж̇аанаад̇ийд̇и звам̣ згажид̇д̇знзва д̇ийсу кан̣зсу ж̇аанаад̇ийд̇и аяам̣ д̇ам̣н̃н̃ан̣ад̇аа барижжаж̇ид̇аб̣б̣аа, на хи саггаа д̇знзва жид̇д̇зна д̇ам̣ жид̇д̇ам̣ ж̇аанид̇ум̣ яат̇аа на саггаа д̇знзва асинаа со аси чинд̣̇ид̇унд̇и. буримам̣ буримам̣ бана жид̇д̇ам̣ бажчимасса бажчимасса жид̇д̇асса д̇ат̇аа уббад̇д̇ияаа бажжаяо худ̇ваа нируж̇жхад̇и. д̇знзд̇ам̣ вужжад̇и –

    Ettha ca taṃñāṇatā ca ñāṇasamodhānañca pariccajitabbaṃ. Taṃñāṇatā pariccajitabbāti yena cittena ‘‘musā bhaṇissa’’nti jānāti, teneva ‘‘musā bhaṇāmī’’ti ca ‘‘musā mayā bhaṇita’’nti ca jānātīti evaṃ ekacitteneva tīsu khaṇesu jānātīti ayaṃ taṃññaṇatā pariccajitabbā, na hi sakkā teneva cittena taṃ cittaṃ jānituṃ yathā na sakkā teneva asinā so asi chinditunti. Purimaṃ purimaṃ pana cittaṃ pacchimassa pacchimassa cittassa tathā uppattiyā paccayo hutvā nirujjhati. Tenetaṃ vuccati –

    ‘‘бамаан̣ам̣ буб̣б̣абхааг̇ова, д̇асмим̣ сад̇и на хзссад̇и;

    ‘‘Pamāṇaṃ pubbabhāgova, tasmiṃ sati na hessati;

    сзсад̣̇ваяанд̇и над̇т̇зд̇а, мид̇и ваажаа д̇иван̇г̇игаа’’д̇и.

    Sesadvayanti nattheta, miti vācā tivaṅgikā’’ti.

    ‘‘н̃аан̣асамод̇хаанам̣ барижжаж̇ид̇аб̣б̣а’’нд̇и зд̇аани д̇ийн̣и жид̇д̇аани згагкан̣з уббаж̇ж̇анд̇ийд̇и на г̇ахзд̇аб̣б̣аани. ид̣̇ан̃хи жид̇д̇ам̣ наама –

    ‘‘Ñāṇasamodhānaṃ pariccajitabba’’nti etāni tīṇi cittāni ekakkhaṇe uppajjantīti na gahetabbāni. Idañhi cittaṃ nāma –

    анируд̣̇д̇хамхи батамз, на уббаж̇ж̇ад̇и бажчимам̣;

    Aniruddhamhi paṭhame, na uppajjati pacchimaṃ;

    ниранд̇аруббаж̇ж̇анад̇о, згам̣ вияа багаасад̇и.

    Nirantaruppajjanato, ekaṃ viya pakāsati.

    ид̇о барам̣ бана явааяам̣ ‘‘батамам̣ жхаанам̣ самаабаж̇ж̇и’’нд̇и самбаж̇аанамусаа бхан̣ад̇и, яасмаа со ‘‘над̇т̇и мз батамам̣ жхаана’’нд̇и звам̣д̣̇идтиго ход̇и, д̇асса хи ад̇т̇звааяам̣ лад̣̇д̇хи. д̇ат̇аа ‘‘над̇т̇и мз батамам̣ жхаана’’нд̇и звамасса камад̇и жзва ружжад̇и жа. звам̣сабхаавамзва жасса жид̇д̇ам̣ ‘‘над̇т̇и мз батамам̣ жхаана’’нд̇и. яад̣̇аа бана мусаа вад̇д̇угаамо ход̇и, д̇ад̣̇аа д̇ам̣ д̣̇идтим̣ ваа д̣̇идтияаа саха канд̇им̣ ваа д̣̇идтиканд̇ийхи сад̣̇д̇хим̣ ружим̣ ваа, д̣̇идтиканд̇иружийхи сад̣̇д̇хим̣ бхаавам̣ ваа винид̇хааяа нигкибид̇ваа бадижчаад̣̇зд̇ваа абхууд̇ам̣ гад̇ваа бхан̣ад̇и, д̇асмаа д̇зсамби васзна ан̇г̇абхзд̣̇ам̣ д̣̇ассзд̇ум̣ ‘‘жад̇уухаагаарзхий’’д̇иаад̣̇и вуд̇д̇ам̣. бариваарз жа ‘‘адтан̇г̇иго мусааваад̣̇о’’д̇и (бади. 328) вуд̇д̇ад̇д̇аа д̇ад̇т̇а ад̇хиббзд̇ааяа сан̃н̃ааяа сад̣̇д̇хим̣ ан̃н̃оби ид̇ха ‘‘адтахаагаарзхий’’д̇и зго наяо яож̇зд̇аб̣б̣о.

    Ito paraṃ pana yvāyaṃ ‘‘paṭhamaṃ jhānaṃ samāpajji’’nti sampajānamusā bhaṇati, yasmā so ‘‘natthi me paṭhamaṃ jhāna’’nti evaṃdiṭṭhiko hoti, tassa hi atthevāyaṃ laddhi. Tathā ‘‘natthi me paṭhamaṃ jhāna’’nti evamassa khamati ceva ruccati ca. Evaṃsabhāvameva cassa cittaṃ ‘‘natthi me paṭhamaṃ jhāna’’nti. Yadā pana musā vattukāmo hoti, tadā taṃ diṭṭhiṃ vā diṭṭhiyā saha khantiṃ vā diṭṭhikhantīhi saddhiṃ ruciṃ vā, diṭṭhikhantirucīhi saddhiṃ bhāvaṃ vā vinidhāya nikkhipitvā paṭicchādetvā abhūtaṃ katvā bhaṇati, tasmā tesampi vasena aṅgabhedaṃ dassetuṃ ‘‘catūhākārehī’’tiādi vuttaṃ. Parivāre ca ‘‘aṭṭhaṅgiko musāvādo’’ti (paṭi. 328) vuttattā tattha adhippetāya saññāya saddhiṃ aññopi idha ‘‘aṭṭhahākārehī’’ti eko nayo yojetabbo.

    зд̇т̇а жа винид̇хааяа д̣̇идтинд̇и б̣алавад̇хаммавинид̇хаанавасзнзд̇ам̣ вуд̇д̇ам̣. винид̇хааяа канд̇инд̇иаад̣̇ийни д̇ад̇о д̣̇уб̣б̣алад̣̇уб̣б̣алаанам̣ винид̇хаанавасзна. винид̇хааяа сан̃н̃анд̇и ид̣̇ам̣ банзд̇т̇а саб̣б̣ад̣̇уб̣б̣алад̇хаммавинид̇хаанам̣. сан̃н̃аамад̇д̇амби наама авинид̇хааяа самбаж̇аанамусаа бхаасиссад̇ийд̇и нзд̇ам̣ таанам̣ виж̇ж̇ад̇и. яасмаа бана ‘‘самаабаж̇ж̇иссаамий’’д̇иаад̣̇инаа анааг̇ад̇аважанзна баарааж̇игам̣ на ход̇и, д̇асмаа ‘‘самаабаж̇ж̇и’’нд̇иаад̣̇ийни ад̇ийд̇авад̇д̇амаанабад̣̇аанзва баатз вуд̇д̇аанийд̇и взд̣̇ид̇аб̣б̣аани.

    Ettha ca vinidhāya diṭṭhinti balavadhammavinidhānavasenetaṃ vuttaṃ. Vinidhāya khantintiādīni tato dubbaladubbalānaṃ vinidhānavasena. Vinidhāya saññanti idaṃ panettha sabbadubbaladhammavinidhānaṃ. Saññāmattampi nāma avinidhāya sampajānamusā bhāsissatīti netaṃ ṭhānaṃ vijjati. Yasmā pana ‘‘samāpajjissāmī’’tiādinā anāgatavacanena pārājikaṃ na hoti, tasmā ‘‘samāpajji’’ntiādīni atītavattamānapadāneva pāṭhe vuttānīti veditabbāni.

    207. ид̇о барам̣ саб̣б̣амби имасмим̣ суд̣̇д̇хигамахааваарз уд̇д̇аанад̇т̇амзва. на хзд̇т̇а д̇ам̣ ад̇т̇и – яам̣ иминаа винижчаязна на саггаа бхавзяяа вин̃н̃аад̇ум̣, табзд̇ваа гилзсаббахаанабад̣̇асса бад̣̇абхааж̇анз ‘‘рааг̇о мз жад̇д̇о ванд̇о’’д̇иаад̣̇ийнам̣ бад̣̇аанам̣ ад̇т̇ам̣. свааяам̣ вужжад̇и – зд̇т̇а хи жад̇д̇од̇и ид̣̇ам̣ сагабхаавабарижжаж̇анавасзна вуд̇д̇ам̣. ванд̇од̇и ид̣̇ам̣ буна анаад̣̇ияанабхаавад̣̇ассанавасзна. муд̇д̇од̇и ид̣̇ам̣ санд̇ад̇ид̇о виможанавасзна. бахийнод̇и ид̣̇ам̣ муд̇д̇ассааби гважи анавадтаанад̣̇ассанавасзна. бадиниссадтод̇и ид̣̇ам̣ буб̣б̣з аад̣̇иннабуб̣б̣асса бадиниссаг̇г̇ад̣̇ассанавасзна. угкздид̇од̇и ид̣̇ам̣ арияамаг̇г̇зна уд̇д̇аасид̇ад̇д̇аа буна аналлийяанабхаавад̣̇ассанавасзна. свааяамад̇т̇о сад̣̇д̣̇асад̇т̇ад̇о бариязсид̇аб̣б̣о . самугкздид̇од̇и ид̣̇ам̣ судту уд̇д̇аасзд̇ваа ан̣усахаг̇ад̇ассааби буна аналлийяанабхаавад̣̇ассанавасзна вуд̇д̇анд̇и.

    207. Ito paraṃ sabbampi imasmiṃ suddhikamahāvāre uttānatthameva. Na hettha taṃ atthi – yaṃ iminā vinicchayena na sakkā bhaveyya viññātuṃ, ṭhapetvā kilesappahānapadassa padabhājane ‘‘rāgo me catto vanto’’tiādīnaṃ padānaṃ atthaṃ. Svāyaṃ vuccati – ettha hi cattoti idaṃ sakabhāvapariccajanavasena vuttaṃ. Vantoti idaṃ puna anādiyanabhāvadassanavasena. Muttoti idaṃ santatito vimocanavasena. Pahīnoti idaṃ muttassāpi kvaci anavaṭṭhānadassanavasena. Paṭinissaṭṭhoti idaṃ pubbe ādinnapubbassa paṭinissaggadassanavasena. Ukkheṭitoti idaṃ ariyamaggena uttāsitattā puna anallīyanabhāvadassanavasena. Svāyamattho saddasatthato pariyesitabbo . Samukkheṭitoti idaṃ suṭṭhu uttāsetvā aṇusahagatassāpi puna anallīyanabhāvadassanavasena vuttanti.

    суд̣̇д̇хигаваарагат̇аа нидтид̇аа.

    Suddhikavārakathā niṭṭhitā.

    вад̇д̇угаамаваарагат̇аа

    Vattukāmavārakathā

    215. вад̇д̇угаамаваарзби ‘‘д̇ийхаагаарзхий’’д̇иаад̣̇ийнам̣ ад̇т̇о, ваарабзяяаалаббабхзд̣̇о жа саб̣б̣о ид̇ха вуд̇д̇анаязнзва взд̣̇ид̇аб̣б̣о. гзвалан̃хи яам̣ ‘‘маяаа вираж̇жхид̇ваа ан̃н̃ам̣ вад̇д̇угаамзна ан̃н̃ам̣ вуд̇д̇ам̣, д̇асмаа над̇т̇и маяхам̣ аабад̇д̇ий’’д̇и звам̣ огаасаг̇авзсагаанам̣ баабабуг̇г̇алаанам̣ огаасанисзд̇ханад̇т̇ам̣ вуд̇д̇о. яат̇зва хи ‘‘б̣уд̣̇д̇хам̣ бажжагкаамий’’д̇и вад̇д̇угаамо ‘‘д̇хаммам̣ бажжагкаамий’’д̇иаад̣̇ийсу сигкаабажжагкаанабад̣̇зсу яам̣ ваа д̇ам̣ ваа вад̣̇анд̇оби кзд̇д̇з од̇ин̣н̣ад̇д̇аа сигкаабажжагкаад̇агова ход̇и; звам̣ батамаж̇жхаанаад̣̇ийсу уд̇д̇аримануссад̇хаммабад̣̇зсу яам̣гин̃жи згам̣ вад̇д̇угаамо д̇ад̇о ан̃н̃ам̣ яам̣ ваа д̇ам̣ ваа вад̣̇анд̇оби кзд̇д̇з од̇ин̣н̣ад̇д̇аа баарааж̇игова ход̇и. сажз яасса вад̣̇ад̇и, со д̇амад̇т̇ам̣ д̇ан̇кан̣ан̃н̃зва ж̇аанаад̇и. ж̇аананалагкан̣ан̃жзд̇т̇а сигкаабажжагкаанз вуд̇д̇анаязнзва взд̣̇ид̇аб̣б̣ам̣.

    215. Vattukāmavārepi ‘‘tīhākārehī’’tiādīnaṃ attho, vārapeyyālappabhedo ca sabbo idha vuttanayeneva veditabbo. Kevalañhi yaṃ ‘‘mayā virajjhitvā aññaṃ vattukāmena aññaṃ vuttaṃ, tasmā natthi mayhaṃ āpattī’’ti evaṃ okāsagavesakānaṃ pāpapuggalānaṃ okāsanisedhanatthaṃ vutto. Yatheva hi ‘‘buddhaṃ paccakkhāmī’’ti vattukāmo ‘‘dhammaṃ paccakkhāmī’’tiādīsu sikkhāpaccakkhānapadesu yaṃ vā taṃ vā vadantopi khette otiṇṇattā sikkhāpaccakkhātakova hoti; evaṃ paṭhamajjhānādīsu uttarimanussadhammapadesu yaṃkiñci ekaṃ vattukāmo tato aññaṃ yaṃ vā taṃ vā vadantopi khette otiṇṇattā pārājikova hoti. Sace yassa vadati, so tamatthaṃ taṅkhaṇaññeva jānāti. Jānanalakkhaṇañcettha sikkhāpaccakkhāne vuttanayeneva veditabbaṃ.

    аяам̣ бана висзсо – сигкаабажжагкаанам̣ хад̇т̇амуд̣̇д̣̇ааяа сийсам̣ на од̇арад̇и. ид̣̇ам̣ абхууд̇аарожанам̣ хад̇т̇амуд̣̇д̣̇ааяаби од̇арад̇и. яо хи хад̇т̇авигаараад̣̇ийхиби ан̇г̇абажжан̇г̇ажобанзхи абхууд̇ам̣ уд̇д̇аримануссад̇хаммам̣ вин̃н̃ад̇д̇ибат̇з тид̇асса буг̇г̇аласса аарожзд̇и, со жа д̇амад̇т̇ам̣ ж̇аанаад̇и, баарааж̇игова ход̇и. ат̇а бана яасса аарожзд̇и, со на ж̇аанаад̇и ‘‘ги аяам̣ бхан̣ад̇ий’’д̇и, сам̣саяам̣ ваа аабаж̇ж̇ад̇и, жирам̣ виймам̣сид̇ваа ваа бажчаа ж̇аанаад̇и, аббадивиж̇аананд̇о ижжзва сан̇кяам̣ г̇ажчад̇и. звам̣ аббадивиж̇аананд̇асса вуд̇д̇з т̇уллажжаяам̣ ход̇и. яо бана жхаанаад̣̇ийни ад̇д̇ано ад̇хиг̇амавасзна ваа уг̇г̇ахабарибужчаад̣̇ивасзна ваа на ж̇аанаад̇и, гзвалам̣ жхаананд̇и ваа вимогкод̇и ваа важанамад̇д̇амзва суд̇ам̣ ход̇и, соби д̇зна вуд̇д̇з ‘‘жхаанам̣ гира самаабаж̇ж̇инд̇и зса вад̣̇ад̇ий’’д̇и яад̣̇и зд̇д̇агамад̇д̇амби ж̇аанаад̇и, ж̇аанаад̇ижжзва сан̇кяам̣ г̇ажчад̇и. д̇асса вуд̇д̇з баарааж̇игамзва. сзсо згасса ваа д̣̇виннам̣ ваа б̣ахуунам̣ ваа нияамид̇аанияамид̇авасзна висзсо саб̣б̣о сигкаабажжагкаанагат̇ааяам̣ вуд̇д̇анаязнзва взд̣̇ид̇аб̣б̣од̇и.

    Ayaṃ pana viseso – sikkhāpaccakkhānaṃ hatthamuddāya sīsaṃ na otarati. Idaṃ abhūtārocanaṃ hatthamuddāyapi otarati. Yo hi hatthavikārādīhipi aṅgapaccaṅgacopanehi abhūtaṃ uttarimanussadhammaṃ viññattipathe ṭhitassa puggalassa āroceti, so ca tamatthaṃ jānāti, pārājikova hoti. Atha pana yassa āroceti, so na jānāti ‘‘ki ayaṃ bhaṇatī’’ti, saṃsayaṃ vā āpajjati, ciraṃ vīmaṃsitvā vā pacchā jānāti, appaṭivijānanto icceva saṅkhyaṃ gacchati. Evaṃ appaṭivijānantassa vutte thullaccayaṃ hoti. Yo pana jhānādīni attano adhigamavasena vā uggahaparipucchādivasena vā na jānāti, kevalaṃ jhānanti vā vimokkhoti vā vacanamattameva sutaṃ hoti, sopi tena vutte ‘‘jhānaṃ kira samāpajjinti esa vadatī’’ti yadi ettakamattampi jānāti, jānāticceva saṅkhyaṃ gacchati. Tassa vutte pārājikameva. Seso ekassa vā dvinnaṃ vā bahūnaṃ vā niyamitāniyamitavasena viseso sabbo sikkhāpaccakkhānakathāyaṃ vuttanayeneva veditabboti.

    вад̇д̇угаамаваарагат̇аа нидтид̇аа.

    Vattukāmavārakathā niṭṭhitā.

    бажжаяабадисам̣яуд̇д̇аваарагат̇аа

    Paccayapaṭisaṃyuttavārakathā

    220. бажжаяабадисам̣яуд̇д̇аваарзби – саб̣б̣ам̣ ваарабзяяаалабхзд̣̇ам̣ буб̣б̣з ааг̇ад̇абад̣̇аанан̃жа ад̇т̇ам̣ вуд̇д̇анаязнзва н̃ад̇ваа баал̣иггамо д̇аава звам̣ ж̇аанид̇аб̣б̣о. зд̇т̇а хи ‘‘яо д̇з вихаарз васи, яо д̇з жийварам̣ барибхун̃ж̇и, яо д̇з бин̣д̣абаад̇ам̣ барибхун̃ж̇и, яо д̇з сзнаасанам̣ барибхун̃ж̇и, яо д̇з г̇илаанабажжаяабхзсаж̇ж̇абаригкаарам̣ барибхун̃ж̇ий’’д̇и имз бан̃жа бажжад̇д̇аважанаваараа, ‘‘язна д̇з вихааро барибхуд̇д̇о’’д̇иаад̣̇аяо бан̃жа гаран̣аважанаваараа, ‘‘яам̣ д̇вам̣ ааг̇амма вихаарам̣ ад̣̇аасий’’д̇иаад̣̇аяо бан̃жа убаяог̇аважанаваараа вуд̇д̇аа , д̇зсам̣ васзна ид̇ха вуд̇д̇зна сун̃н̃ааг̇аарабад̣̇зна сад̣̇д̇хим̣ буб̣б̣з вуд̇д̇зсу батамаж̇жхаанаад̣̇ийсу саб̣б̣абад̣̇зсу ваарабзяяаалабхзд̣̇о взд̣̇ид̇аб̣б̣о. ‘‘яо д̇з вихаарз, язна д̇з вихааро, яам̣ д̇вам̣ ааг̇амма вихаара’’нд̇и звам̣ барияааязна вуд̇д̇ад̇д̇аа бана ‘‘аха’’нд̇и жа авуд̇д̇ад̇д̇аа бадивиж̇аананд̇асса вуд̇д̇зби ид̇ха т̇уллажжаяам̣, абадивиж̇аананд̇асса д̣̇уггаданд̇и аяамзд̇т̇а винижчаяо.

    220. Paccayapaṭisaṃyuttavārepi – sabbaṃ vārapeyyālabhedaṃ pubbe āgatapadānañca atthaṃ vuttanayeneva ñatvā pāḷikkamo tāva evaṃ jānitabbo. Ettha hi ‘‘yo te vihāre vasi, yo te cīvaraṃ paribhuñji, yo te piṇḍapātaṃ paribhuñji, yo te senāsanaṃ paribhuñji, yo te gilānapaccayabhesajjaparikkhāraṃ paribhuñjī’’ti ime pañca paccattavacanavārā, ‘‘yena te vihāro paribhutto’’tiādayo pañca karaṇavacanavārā, ‘‘yaṃ tvaṃ āgamma vihāraṃ adāsī’’tiādayo pañca upayogavacanavārā vuttā , tesaṃ vasena idha vuttena suññāgārapadena saddhiṃ pubbe vuttesu paṭhamajjhānādīsu sabbapadesu vārapeyyālabhedo veditabbo. ‘‘Yo te vihāre, yena te vihāro, yaṃ tvaṃ āgamma vihāra’’nti evaṃ pariyāyena vuttattā pana ‘‘aha’’nti ca avuttattā paṭivijānantassa vuttepi idha thullaccayaṃ, apaṭivijānantassa dukkaṭanti ayamettha vinicchayo.

    анаабад̇д̇ибхзд̣̇агат̇аа

    Anāpattibhedakathā

    звам̣ вид̇т̇ааравасзна аабад̇д̇ибхзд̣̇ам̣ д̣̇ассзд̇ваа ид̣̇аани анаабад̇д̇им̣ д̣̇ассзнд̇о ‘‘анаабад̇д̇и ад̇химаанзнаа’’д̇иаад̣̇имааха. д̇ад̇т̇а ад̇химаанзнаад̇и ад̇хиг̇ад̇амаанзна самуд̣̇аажаранд̇асса анаабад̇д̇и. ануллабанаад̇хиббааяассаад̇и гохан̃н̃з ижчаажаарз атад̇ваа ануллабанаад̇хиббааяасса саб̣рахмажаарийнам̣ санд̇игз ан̃н̃ам̣ б̣яаагаронд̇асса анаабад̇д̇и. уммад̇д̇агаад̣̇аяо буб̣б̣з вуд̇д̇анаяаазва. ид̇ха бана аад̣̇игаммигаа ваг̇г̇умуд̣̇аад̇ийрияаа бхигкуу. д̇зсам̣ анаабад̇д̇ийд̇и.

    Evaṃ vitthāravasena āpattibhedaṃ dassetvā idāni anāpattiṃ dassento ‘‘anāpatti adhimānenā’’tiādimāha. Tattha adhimānenāti adhigatamānena samudācarantassa anāpatti. Anullapanādhippāyassāti kohaññe icchācāre aṭhatvā anullapanādhippāyassa sabrahmacārīnaṃ santike aññaṃ byākarontassa anāpatti. Ummattakādayo pubbe vuttanayāeva. Idha pana ādikammikā vaggumudātīriyā bhikkhū. Tesaṃ anāpattīti.

    бад̣̇абхааж̇анийяаван̣н̣анаа нидтид̇аа.

    Padabhājanīyavaṇṇanā niṭṭhitā.

    самудтаанаад̣̇ийсу ид̣̇ам̣ сигкаабад̣̇ам̣ д̇исамудтаанам̣ – хад̇т̇амуд̣̇д̣̇ааяа аарожзнд̇асса гааяажид̇д̇ад̇о, важийбхзд̣̇зна аарожзнд̇асса ваажаажид̇д̇ад̇о, убхаяам̣ гаронд̇асса гааяаваажаажид̇д̇ад̇о самудтаад̇и. гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̇ивзд̣̇анам̣ хасанд̇оби хи соманассиго уллабад̇и бхааяанд̇оби маж̇жхад̇д̇обийд̇и.

    Samuṭṭhānādīsu idaṃ sikkhāpadaṃ tisamuṭṭhānaṃ – hatthamuddāya ārocentassa kāyacittato, vacībhedena ārocentassa vācācittato, ubhayaṃ karontassa kāyavācācittato samuṭṭhāti. Kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, tivedanaṃ hasantopi hi somanassiko ullapati bhāyantopi majjhattopīti.

    винийд̇авад̇т̇уван̣н̣анаа

    Vinītavatthuvaṇṇanā

    223. винийд̇авад̇т̇уусу – ад̇химаанавад̇т̇у анубан̃н̃ад̇д̇ияам̣ вуд̇д̇анаяамзва.

    223. Vinītavatthūsu – adhimānavatthu anupaññattiyaṃ vuttanayameva.

    д̣̇уд̇ияавад̇т̇усмим̣ – бан̣ид̇хааяаад̇и бад̇т̇анам̣ гад̇ваа. звам̣ мам̣ ж̇ано самбхаавзссад̇ийд̇и звам̣ аран̃н̃з васанд̇ам̣ мам̣ ж̇ано арахад̇д̇з ваа сзгкабхуумияам̣ ваа самбхаавзссад̇и, д̇ад̇о логасса саггад̇о бхависсаами г̇аругад̇о маанид̇о бууж̇ид̇од̇и. аабад̇д̇и д̣̇уггадассаад̇и звам̣ бан̣ид̇хааяа ‘‘аран̃н̃з васиссаамий’’д̇и г̇ажчанд̇асса бад̣̇аваарз бад̣̇аваарз д̣̇уггадам̣. д̇ат̇аа аран̃н̃з гудигаран̣ажан̇гамананисийд̣̇ананиваасанабаавуран̣аад̣̇ийсу саб̣б̣агижжзсу баяог̇з баяог̇з д̣̇уггадам̣. д̇асмаа звам̣ аран̃н̃з на васид̇аб̣б̣ам̣. звам̣ васанд̇о хи самбхааванам̣ лабхад̇у ваа маа ваа д̣̇уггадам̣ аабаж̇ж̇ад̇и. яо бана самаад̣̇иннад̇худ̇ан̇г̇о ‘‘д̇худ̇ан̇г̇ам̣ рагкиссаамий’’д̇и ваа ‘‘г̇ааманд̇з мз васад̇о жид̇д̇ам̣ вигкибад̇и, аран̃н̃ам̣ саббааяа’’нд̇и жинд̇зд̇ваа ваа ‘‘ад̣̇д̇хаа аран̃н̃з д̇ин̣н̣ам̣ вивзгаанам̣ ан̃н̃ад̇арам̣ баабун̣иссаамий’’д̇и ваа ‘‘аран̃н̃ам̣ бависид̇ваа арахад̇д̇ам̣ абаабун̣ид̇ваа на нигкамиссаамий’’д̇и ваа ‘‘аран̃н̃аваасо наама бхаг̇авад̇аа басад̇т̇о, маяи жа аран̃н̃з васанд̇з б̣ахуу саб̣рахмажаарино г̇ааманд̇ам̣ хид̇ваа ааран̃н̃агаа бхависсанд̇ий’’д̇и ваа звам̣ анаваж̇ж̇аваасам̣ васид̇угаамо ход̇и, д̇зна васид̇аб̣б̣ам̣.

    Dutiyavatthusmiṃ – paṇidhāyāti patthanaṃ katvā. Evaṃ maṃ jano sambhāvessatīti evaṃ araññe vasantaṃ maṃ jano arahatte vā sekkhabhūmiyaṃ vā sambhāvessati, tato lokassa sakkato bhavissāmi garukato mānito pūjitoti. Āpatti dukkaṭassāti evaṃ paṇidhāya ‘‘araññe vasissāmī’’ti gacchantassa padavāre padavāre dukkaṭaṃ. Tathā araññe kuṭikaraṇacaṅkamananisīdananivāsanapāvuraṇādīsu sabbakiccesu payoge payoge dukkaṭaṃ. Tasmā evaṃ araññe na vasitabbaṃ. Evaṃ vasanto hi sambhāvanaṃ labhatu vā mā vā dukkaṭaṃ āpajjati. Yo pana samādinnadhutaṅgo ‘‘dhutaṅgaṃ rakkhissāmī’’ti vā ‘‘gāmante me vasato cittaṃ vikkhipati, araññaṃ sappāya’’nti cintetvā vā ‘‘addhā araññe tiṇṇaṃ vivekānaṃ aññataraṃ pāpuṇissāmī’’ti vā ‘‘araññaṃ pavisitvā arahattaṃ apāpuṇitvā na nikkhamissāmī’’ti vā ‘‘araññavāso nāma bhagavatā pasattho, mayi ca araññe vasante bahū sabrahmacārino gāmantaṃ hitvā āraññakā bhavissantī’’ti vā evaṃ anavajjavāsaṃ vasitukāmo hoti, tena vasitabbaṃ.

    д̇ад̇ияавад̇т̇усмимби – ‘‘абхигганд̇аад̣̇ийни сан̣табзд̇ваа бин̣д̣ааяа жариссаамий’’д̇и ниваасанабаарубанагижжад̇о бабхуд̇и яаава бхож̇анабарияосаанам̣ д̇аава баяог̇з баяог̇з д̣̇уггадам̣. самбхааванам̣ лабхад̇у ваа маа ваа д̣̇уггадамзва. канд̇хагавад̇д̇асзкияавад̇д̇абарибууран̣ад̇т̇ам̣ бана саб̣рахмажаарийнам̣ д̣̇идтаануг̇ад̇иаабаж̇ж̇анад̇т̇ам̣ ваа баасаад̣̇игзхи абхиггамабадиггамаад̣̇ийхи бин̣д̣ааяа бависанд̇о анубаваж̇ж̇о вин̃н̃уунанд̇и.

    Tatiyavatthusmimpi – ‘‘abhikkantādīni saṇṭhapetvā piṇḍāya carissāmī’’ti nivāsanapārupanakiccato pabhuti yāva bhojanapariyosānaṃ tāva payoge payoge dukkaṭaṃ. Sambhāvanaṃ labhatu vā mā vā dukkaṭameva. Khandhakavattasekhiyavattaparipūraṇatthaṃ pana sabrahmacārīnaṃ diṭṭhānugatiāpajjanatthaṃ vā pāsādikehi abhikkamapaṭikkamādīhi piṇḍāya pavisanto anupavajjo viññūnanti.

    жад̇уд̇т̇абан̃жамавад̇т̇уусу – ‘‘яо д̇з вихаарз васий’’д̇и зд̇т̇а вуд̇д̇анаязнзва ‘‘аха’’нд̇и авуд̇д̇ад̇д̇аа баарааж̇игам̣ над̇т̇и. ад̇д̇убанааяигамзва хи самуд̣̇аажаранд̇асса баарааж̇игам̣ вуд̇д̇ам̣.

    Catutthapañcamavatthūsu – ‘‘yo te vihāre vasī’’ti ettha vuttanayeneva ‘‘aha’’nti avuttattā pārājikaṃ natthi. Attupanāyikameva hi samudācarantassa pārājikaṃ vuttaṃ.

    бан̣ид̇хааяа жан̇гамийд̇иаад̣̇ийни хздтаа вуд̇д̇анаяаанзва.

    Paṇidhāya caṅkamītiādīni heṭṭhā vuttanayāneva.

    сам̣яож̇анавад̇т̇усмим̣ – сам̣яож̇анаа бахийнаад̇иби ‘‘д̣̇аса сам̣яож̇анаа бахийнаа’’д̇иби ‘‘згам̣ сам̣яож̇анам̣ бахийна’’нд̇иби вад̣̇ад̇о гилзсаббахаанамзва аарожид̇ам̣ ход̇и, д̇асмаа баарааж̇игам̣.

    Saṃyojanavatthusmiṃ – saṃyojanā pahīnātipi ‘‘dasa saṃyojanā pahīnā’’tipi ‘‘ekaṃ saṃyojanaṃ pahīna’’ntipi vadato kilesappahānameva ārocitaṃ hoti, tasmā pārājikaṃ.

    224. раховад̇т̇уусу – рахо уллабад̇ийд̇и ‘‘рахог̇ад̇о арахаа аха’’нд̇и вад̣̇ад̇и, на манасаа жинд̇ид̇амзва гарод̇и. д̇знзд̇т̇а д̣̇уггадам̣ вуд̇д̇ам̣.

    224. Rahovatthūsu – raho ullapatīti ‘‘rahogato arahā aha’’nti vadati, na manasā cintitameva karoti. Tenettha dukkaṭaṃ vuttaṃ.

    вихааравад̇т̇у убадтаанавад̇т̇у жа вуд̇д̇анаяамзва.

    Vihāravatthuupaṭṭhānavatthu ca vuttanayameva.

    225. на д̣̇уггаравад̇т̇усмим̣ – д̇асса бхигкуно аяам̣ лад̣̇д̇хи – ‘‘арияабуг̇г̇алаава бхаг̇авад̇о саавагаа’’д̇и. д̇знааха – ‘‘яз ко д̇з бхаг̇авад̇о саавагаа д̇з звам̣ вад̣̇зяяу’’нд̇и. яасмаа жасса аяамад̇хиббааяо – ‘‘сийлавад̇аа аарад̣̇д̇хавибассагзна на д̣̇уггарам̣ ан̃н̃ам̣ б̣яаагаад̇ум̣, бадиб̣ало со арахад̇д̇ам̣ баабун̣ид̇у’’нд̇и. д̇асмаа ‘‘ануллабанаад̇хиббааяо аха’’нд̇и ааха.

    225. Na dukkaravatthusmiṃ – tassa bhikkhuno ayaṃ laddhi – ‘‘ariyapuggalāva bhagavato sāvakā’’ti. Tenāha – ‘‘ye kho te bhagavato sāvakā te evaṃ vadeyyu’’nti. Yasmā cassa ayamadhippāyo – ‘‘sīlavatā āraddhavipassakena na dukkaraṃ aññaṃ byākātuṃ, paṭibalo so arahattaṃ pāpuṇitu’’nti. Tasmā ‘‘anullapanādhippāyo aha’’nti āha.

    вийрияавад̇т̇усмим̣ аараад̇ханийяод̇и саггаа аараад̇хзд̇ум̣ самбаад̣̇зд̇ум̣ ниб̣б̣ад̇д̇зд̇унд̇и ад̇т̇о. сзсам̣ вуд̇д̇анаяамзва.

    Vīriyavatthusmiṃ ārādhanīyoti sakkā ārādhetuṃ sampādetuṃ nibbattetunti attho. Sesaṃ vuttanayameva.

    мажжувад̇т̇усмим̣ со бхигку ‘‘яасса виббадисааро уббаж̇ж̇ад̇и, со бхааязяяа. маяхам̣ бана авиббадисааравад̇т̇угаани барисуд̣̇д̇хаани сийлаани, сваахам̣ гим̣ маран̣асса бхааяиссаамий’’д̇и зд̇амад̇т̇авасам̣ бадижжа ‘‘наахам̣ аавусо мажжуно бхааяаамий’’д̇и ааха. д̇знасса анаабад̇д̇и.

    Maccuvatthusmiṃ so bhikkhu ‘‘yassa vippaṭisāro uppajjati, so bhāyeyya. Mayhaṃ pana avippaṭisāravatthukāni parisuddhāni sīlāni, svāhaṃ kiṃ maraṇassa bhāyissāmī’’ti etamatthavasaṃ paṭicca ‘‘nāhaṃ āvuso maccuno bhāyāmī’’ti āha. Tenassa anāpatti.

    виббадисааравад̇т̇усмимби зсзва наяо. д̇ад̇о бараани д̇ийн̣и вад̇т̇ууни вийрияавад̇т̇усад̣̇исаанзва.

    Vippaṭisāravatthusmimpi eseva nayo. Tato parāni tīṇi vatthūni vīriyavatthusadisāneva.

    взд̣̇анаавад̇т̇уусубатамасмим̣ д̇аава со бхигку бадисан̇каанаб̣алзна ад̇хиваасанаканд̇ияам̣ тад̇ваа ‘‘наавусо саггаа язна ваа д̇зна ваа ад̇хиваасзд̇у’’нд̇и ааха. д̇знасса анаабад̇д̇и.

    Vedanāvatthūsupaṭhamasmiṃ tāva so bhikkhu paṭisaṅkhānabalena adhivāsanakhantiyaṃ ṭhatvā ‘‘nāvuso sakkā yena vā tena vā adhivāsetu’’nti āha. Tenassa anāpatti.

    д̣̇уд̇ияз бана ад̇д̇убанааяигам̣ агад̇ваа ‘‘наавусо саггаа бут̇уж̇ж̇анзнаа’’д̇и барияааязна вуд̇д̇ад̇д̇аа т̇уллажжаяам̣.

    Dutiye pana attupanāyikaṃ akatvā ‘‘nāvuso sakkā puthujjanenā’’ti pariyāyena vuttattā thullaccayaṃ.

    226. б̣раахман̣авад̇т̇уусусо гира б̣раахман̣о на гзвалам̣ ‘‘ааяанд̇у бхонд̇о араханд̇о’’д̇и ааха. яам̣ яам̣ банасса важанам̣ мукад̇о ниг̇г̇ажчад̇и, саб̣б̣ам̣ ‘‘араханд̇аанам̣ аасанаани бан̃н̃абзт̇а, баад̣̇од̣̇агам̣ д̣̇зт̇а, араханд̇о баад̣̇з д̇хованд̇уу’’д̇и араханд̇аваад̣̇абадисам̣яуд̇д̇ам̣язва. д̇ам̣ банасса басаад̣̇абхан̃н̃ам̣ сад̣̇д̇хаажарид̇ад̇д̇аа ад̇д̇ано сад̣̇д̇хааб̣алзна самуссаахид̇асса важанам̣. д̇асмаа бхаг̇аваа ‘‘анаабад̇д̇и, бхигкавз, басаад̣̇абхан̃н̃з’’д̇и ааха. звам̣ вужжамаанзна бана бхигкунаа на хадтад̇удтзнзва бажжаяаа барибхун̃ж̇ид̇аб̣б̣аа, ‘‘арахад̇д̇асамбаабигам̣ бадибад̣̇ам̣ барибуурзссаамий’’д̇и звам̣ яог̇о гаран̣ийяод̇и.

    226.Brāhmaṇavatthūsuso kira brāhmaṇo na kevalaṃ ‘‘āyantu bhonto arahanto’’ti āha. Yaṃ yaṃ panassa vacanaṃ mukhato niggacchati, sabbaṃ ‘‘arahantānaṃ āsanāni paññapetha, pādodakaṃ detha, arahanto pāde dhovantū’’ti arahantavādapaṭisaṃyuttaṃyeva. Taṃ panassa pasādabhaññaṃ saddhācaritattā attano saddhābalena samussāhitassa vacanaṃ. Tasmā bhagavā ‘‘anāpatti, bhikkhave, pasādabhaññe’’ti āha. Evaṃ vuccamānena pana bhikkhunā na haṭṭhatuṭṭheneva paccayā paribhuñjitabbā, ‘‘arahattasampāpikaṃ paṭipadaṃ paripūressāmī’’ti evaṃ yogo karaṇīyoti.

    ан̃н̃аб̣яаагаран̣авад̇т̇уунисам̣яож̇анавад̇т̇усад̣̇исаанзва. аг̇ааравад̇т̇усмим̣ со бхигку г̇ихибхаавз анад̇т̇игад̇ааяа анабзгкад̇ааяа ‘‘абхаб̣б̣о ко аавусо маад̣̇исо’’д̇и ааха, на уллабанаад̇хиббааязна. д̇знасса анаабад̇д̇и.

    Aññabyākaraṇavatthūnisaṃyojanavatthusadisāneva. Agāravatthusmiṃ so bhikkhu gihibhāve anatthikatāya anapekkhatāya ‘‘abhabbo kho āvuso mādiso’’ti āha, na ullapanādhippāyena. Tenassa anāpatti.

    227. аавадагаамавад̇т̇усмим̣ со бхигку вад̇т̇угаамзсу жа гилзсагаамзсу жа логиязнзва аад̣̇ийнавад̣̇ассанзна нирабзгко. д̇асмаа ‘‘аавадаа мз аавусо гаамаа’’д̇и ааха. д̇знасса анаабад̇д̇и. зд̇т̇а жа аавадаад̇и ааваарид̇аа ниваарид̇аа, бадигкид̇д̇аад̇и ад̇т̇о.

    227.Āvaṭakāmavatthusmiṃ so bhikkhu vatthukāmesu ca kilesakāmesu ca lokiyeneva ādīnavadassanena nirapekkho. Tasmā ‘‘āvaṭā me āvuso kāmā’’ti āha. Tenassa anāpatti. Ettha ca āvaṭāti āvāritā nivāritā, paṭikkhittāti attho.

    абхирад̇ивад̇т̇усмим̣ со бхигку саасанз анугган̣тид̇абхаавзна уд̣̇д̣̇зсабарибужчаад̣̇ийсу жа абхирад̇абхаавзна ‘‘абхирад̇о ахам̣ аавусо барамааяа абхирад̇ияаа’’д̇и ааха, на уллабанаад̇хиббааязна. д̇знасса анаабад̇д̇и.

    Abhirativatthusmiṃ so bhikkhu sāsane anukkaṇṭhitabhāvena uddesaparipucchādīsu ca abhiratabhāvena ‘‘abhirato ahaṃ āvuso paramāya abhiratiyā’’ti āha, na ullapanādhippāyena. Tenassa anāpatti.

    баггаманавад̇т̇усмим̣ яо имамхаа ааваасаа батамам̣ баггамиссад̇ийд̇и звам̣ ааваасам̣ ваа ман̣д̣абам̣ ваа сиймам̣ ваа яам̣гин̃жи таанам̣ барижчинд̣̇ид̇ваа гад̇ааяа гад̇игааяа яо ‘‘мам̣ арахаад̇и ж̇аананд̇уу’’д̇и д̇амхаа таанаа батамам̣ баггамад̇и, баарааж̇иго ход̇и. яо бана аажарияубаж̇жхааяаанам̣ ваа гижжзна маад̇аабид̇уунам̣ ваа гзнажид̣̇зва гаран̣ийязна бхигкаажаарад̇т̇ам̣ ваа уд̣̇д̣̇зсабарибужчаанам̣ ваа ад̇т̇ааяа ан̃н̃зна ваа д̇аад̣̇исзна гаран̣ийязна д̇ам̣ таанам̣ ад̇иггамид̇ваа г̇ажчад̇и, анаабад̇д̇и. сажзбисса звам̣ г̇ад̇асса бажчаа ижчаажааро уббаж̇ж̇ад̇и ‘‘на д̣̇аанаахам̣ д̇ад̇т̇а г̇амиссаами звам̣ мам̣ арахаад̇и самбхаавзссанд̇ий’’д̇и анаабад̇д̇иязва.

    Pakkamanavatthusmiṃ yo imamhā āvāsā paṭhamaṃ pakkamissatīti evaṃ āvāsaṃ vā maṇḍapaṃ vā sīmaṃ vā yaṃkiñci ṭhānaṃ paricchinditvā katāya katikāya yo ‘‘maṃ arahāti jānantū’’ti tamhā ṭhānā paṭhamaṃ pakkamati, pārājiko hoti. Yo pana ācariyupajjhāyānaṃ vā kiccena mātāpitūnaṃ vā kenacideva karaṇīyena bhikkhācāratthaṃ vā uddesaparipucchānaṃ vā atthāya aññena vā tādisena karaṇīyena taṃ ṭhānaṃ atikkamitvā gacchati, anāpatti. Sacepissa evaṃ gatassa pacchā icchācāro uppajjati ‘‘na dānāhaṃ tattha gamissāmi evaṃ maṃ arahāti sambhāvessantī’’ti anāpattiyeva.

    яоби гзнажид̣̇зва гаран̣ийязна д̇ам̣ таанам̣ бад̇ваа саж̇жхааяаманасигаараад̣̇ивасзна ан̃н̃авихид̇о ваа худ̇ваа жораад̣̇ийхи ваа ануб̣ад̣̇д̇хо мзгхам̣ ваа удтид̇ам̣ д̣̇исваа ановассагам̣ бависид̇угаамо д̇ам̣ таанам̣ ад̇иггамад̇и, анаабад̇д̇и. яаанзна ваа ид̣̇д̇хияаа ваа г̇ажчанд̇оби баарааж̇игам̣ наабаж̇ж̇ад̇и, бад̣̇аг̇аманзнзва аабаж̇ж̇ад̇и. д̇амби язхи саха гад̇игаа гад̇аа, д̇зхи сад̣̇д̇хим̣ абуб̣б̣ам̣ажаримам̣ г̇ажчанд̇о наабаж̇ж̇ад̇и. звам̣ г̇ажчанд̇аа хи саб̣б̣зби ан̃н̃аман̃н̃ам̣ рагканд̇и. сажзби ман̣д̣абаругкамуулаад̣̇ийсу гин̃жи таанам̣ барижчинд̣̇ид̇ваа ‘‘яо зд̇т̇а нисийд̣̇ад̇и ваа жан̇гамад̇и ваа, д̇ам̣ арахаад̇и ж̇ааниссаама’’ бубпаани ваа табзд̇ваа ‘‘яо имаани г̇ахзд̇ваа бууж̇ам̣ гариссад̇и, д̇ам̣ арахаад̇и ж̇ааниссаамаа’’д̇иаад̣̇инаа наязна гад̇игаа гад̇аа ход̇и, д̇ад̇рааби ижчаажааравасзна д̇ат̇аа гаронд̇асса баарааж̇игамзва. сажзби убаасагзна анд̇араамаг̇г̇з вихааро ваа гад̇о ход̇и, жийвараад̣̇ийни ваа табид̇аани хонд̇и, ‘‘яз араханд̇о д̇з имасмим̣ вихаарз васанд̇у, жийвараад̣̇ийни жа г̇ан̣ханд̇уу’’д̇и. д̇ад̇рааби ижчаажааравасзна васанд̇асса ваа жийвараад̣̇ийни ваа г̇ан̣ханд̇асса баарааж̇игамзва . зд̇ам̣ бана ад̇хаммигагад̇игавад̇д̇ам̣ , д̇асмаа на гаад̇аб̣б̣ам̣, ан̃н̃ам̣ ваа зваруубам̣ ‘‘имасмим̣ д̇змаасаб̣бханд̇арз саб̣б̣зва ааран̃н̃агаа хонд̇у, бин̣д̣абаад̇иган̇г̇аад̣̇иавасзсад̇худ̇ан̇г̇ад̇хараа ваа ат̇а ваа саб̣б̣зва кийн̣аасаваа хонд̇уу’’д̇и звамаад̣̇и. наанаавзраж̇ж̇агаа хи бхигкуу саннибад̇анд̇и. д̇ад̇т̇а гзжи д̣̇уб̣б̣алаа аббат̇аамаа зваруубам̣ вад̇д̇ам̣ анубаалзд̇ум̣ на саггонд̇и. д̇асмаа зваруубамби вад̇д̇ам̣ на гаад̇аб̣б̣ам̣. ‘‘имам̣ д̇змаасам̣ саб̣б̣зхзва на уд̣̇д̣̇исид̇аб̣б̣ам̣, на барибужчид̇аб̣б̣ам̣, на баб̣б̣ааж̇зд̇аб̣б̣ам̣, мууг̇аб̣б̣ад̇ам̣ г̇ан̣хид̇аб̣б̣ам̣, б̣ахи сиймадтассааби сан̇гхалаабхо д̣̇аад̇аб̣б̣о’’д̇и звамаад̣̇игам̣ бана на гаад̇аб̣б̣амзва.

    Yopi kenacideva karaṇīyena taṃ ṭhānaṃ patvā sajjhāyamanasikārādivasena aññavihito vā hutvā corādīhi vā anubaddho meghaṃ vā uṭṭhitaṃ disvā anovassakaṃ pavisitukāmo taṃ ṭhānaṃ atikkamati, anāpatti. Yānena vā iddhiyā vā gacchantopi pārājikaṃ nāpajjati, padagamaneneva āpajjati. Tampi yehi saha katikā katā, tehi saddhiṃ apubbaṃacarimaṃ gacchanto nāpajjati. Evaṃ gacchantā hi sabbepi aññamaññaṃ rakkhanti. Sacepi maṇḍaparukkhamūlādīsu kiñci ṭhānaṃ paricchinditvā ‘‘yo ettha nisīdati vā caṅkamati vā, taṃ arahāti jānissāma’’ pupphāni vā ṭhapetvā ‘‘yo imāni gahetvā pūjaṃ karissati, taṃ arahāti jānissāmā’’tiādinā nayena katikā katā hoti, tatrāpi icchācāravasena tathā karontassa pārājikameva. Sacepi upāsakena antarāmagge vihāro vā kato hoti, cīvarādīni vā ṭhapitāni honti, ‘‘ye arahanto te imasmiṃ vihāre vasantu, cīvarādīni ca gaṇhantū’’ti. Tatrāpi icchācāravasena vasantassa vā cīvarādīni vā gaṇhantassa pārājikameva . Etaṃ pana adhammikakatikavattaṃ , tasmā na kātabbaṃ, aññaṃ vā evarūpaṃ ‘‘imasmiṃ temāsabbhantare sabbeva āraññakā hontu, piṇḍapātikaṅgādiavasesadhutaṅgadharā vā atha vā sabbeva khīṇāsavā hontū’’ti evamādi. Nānāverajjakā hi bhikkhū sannipatanti. Tattha keci dubbalā appathāmā evarūpaṃ vattaṃ anupāletuṃ na sakkonti. Tasmā evarūpampi vattaṃ na kātabbaṃ. ‘‘Imaṃ temāsaṃ sabbeheva na uddisitabbaṃ, na paripucchitabbaṃ, na pabbājetabbaṃ, mūgabbataṃ gaṇhitabbaṃ, bahi sīmaṭṭhassāpi saṅghalābho dātabbo’’ti evamādikaṃ pana na kātabbameva.

    228. лагкан̣асам̣яуд̇д̇з явааяам̣ ааяасмаа жа лагкан̣од̇и лагкан̣ад̇т̇зро вуд̇д̇о, зса ж̇адиласахассасса аб̣бханд̇арз зхибхигкуубасамбад̣̇ааяа убасамбанно аад̣̇ид̇д̇абарияааяаавасаанз арахад̇д̇аббад̇д̇о зго махаасаавагод̇и взд̣̇ид̇аб̣б̣о. яасмаа банзса лагкан̣асамбаннзна саб̣б̣аагаарабарибуурзна б̣рахмасамзна ад̇д̇абхаавзна саманнааг̇ад̇о, д̇асмаа лагкан̣од̇и сан̇кам̣ г̇ад̇о. махаамог̇г̇аллаанад̇т̇зро бана баб̣б̣аж̇ид̇ад̣̇ивасад̇о сад̇д̇амз д̣̇ивасз арахад̇д̇аббад̇д̇о д̣̇уд̇ияо аг̇г̇асааваго.

    228.Lakkhaṇasaṃyutte yvāyaṃ āyasmā ca lakkhaṇoti lakkhaṇatthero vutto, esa jaṭilasahassassa abbhantare ehibhikkhūpasampadāya upasampanno ādittapariyāyāvasāne arahattappatto eko mahāsāvakoti veditabbo. Yasmā panesa lakkhaṇasampannena sabbākāraparipūrena brahmasamena attabhāvena samannāgato, tasmā lakkhaṇoti saṅkhaṃ gato. Mahāmoggallānatthero pana pabbajitadivasato sattame divase arahattappatto dutiyo aggasāvako.

    сид̇ам̣ баад̇ваагаасийд̇и манд̣̇ахасид̇ам̣ баад̇уагааси, багаасаяи д̣̇ассзсийд̇и вуд̇д̇ам̣ ход̇и. гим̣ бана д̣̇исваа т̇зро сид̇ам̣ баад̇ваагаасийд̇и? убари баал̣ияам̣ ааг̇ад̇ам̣ адтигасан̇калигам̣ згам̣ бзд̇алогз ниб̣б̣ад̇д̇ам̣ сад̇д̇ам̣ д̣̇исваа, д̇ан̃жа ко д̣̇иб̣б̣зна жагкунаа, на басаад̣̇ажагкунаа. басаад̣̇ажагкусса хи зд̇з ад̇д̇абхааваа на аабаат̇ам̣ ааг̇ажчанд̇и. зваруубам̣ бана ад̇д̇абхаавам̣ д̣̇исваа гаарун̃н̃з гаад̇аб̣б̣з гасмаа сид̇ам̣ баад̇ваагаасийд̇и? ад̇д̇ано жа б̣уд̣̇д̇хан̃аан̣асса жа самбад̇д̇исамануссаран̣ад̇о. д̇ан̃хи д̣̇исваа т̇зро ‘‘ад̣̇идтасажжзна наама буг̇г̇алзна бадилабхид̇аб̣б̣аа зваруубаа ад̇д̇абхааваа муд̇д̇о ахам̣, лаабхаа вад̇а мз, сулад̣̇д̇хам̣ вад̇а мз’’д̇и ад̇д̇ано жа самбад̇д̇им̣ ануссарид̇ваа ‘‘ахо б̣уд̣̇д̇хасса бхаг̇авад̇о н̃аан̣асамбад̇д̇и, яо ‘гаммавибааго, бхигкавз, ажинд̇зяяо; на жинд̇зд̇аб̣б̣о’д̇и (а. ни. 4.77) д̣̇зсзси, бажжагкам̣ вад̇а гад̇ваа б̣уд̣̇д̇хаа д̣̇зсзнд̇и, суббадивид̣̇д̇хаа б̣уд̣̇д̇хаанам̣ д̇хаммад̇хаад̇уу’’д̇и звам̣ б̣уд̣̇д̇хан̃аан̣асамбад̇д̇ин̃жа сарид̇ваа сид̇ам̣ баад̇ваагаасийд̇и. яасмаа бана кийн̣аасаваа наама на агааран̣аа сид̇ам̣ баад̇угаронд̇и, д̇асмаа д̇ам̣ лагкан̣ад̇т̇зро бужчи – ‘‘го ну ко аавусо мог̇г̇аллаана хзд̇у, го бажжаяо сид̇асса баад̇угаммааяаа’’д̇и. т̇зро бана яасмаа язхи аяам̣ убабад̇д̇и саамам̣ ад̣̇идтаа, д̇з д̣̇уссад̣̇д̇хаабаяаа хонд̇и, д̇асмаа бхаг̇аванд̇ам̣ сагким̣ гад̇ваа б̣яаагаад̇угаамад̇ааяа ‘‘агаало ко, аавусо’’д̇иаад̣̇имааха . д̇ад̇о бхаг̇авад̇о санд̇игз будто ‘‘ид̇хаахам̣ аавусо’’д̇иаад̣̇инаа наязна б̣яаагааси.

    Sitaṃ pātvākāsīti mandahasitaṃ pātuakāsi, pakāsayi dassesīti vuttaṃ hoti. Kiṃ pana disvā thero sitaṃ pātvākāsīti? Upari pāḷiyaṃ āgataṃ aṭṭhikasaṅkhalikaṃ ekaṃ petaloke nibbattaṃ sattaṃ disvā, tañca kho dibbena cakkhunā, na pasādacakkhunā. Pasādacakkhussa hi ete attabhāvā na āpāthaṃ āgacchanti. Evarūpaṃ pana attabhāvaṃ disvā kāruññe kātabbe kasmā sitaṃ pātvākāsīti? Attano ca buddhañāṇassa ca sampattisamanussaraṇato. Tañhi disvā thero ‘‘adiṭṭhasaccena nāma puggalena paṭilabhitabbā evarūpā attabhāvā mutto ahaṃ, lābhā vata me, suladdhaṃ vata me’’ti attano ca sampattiṃ anussaritvā ‘‘aho buddhassa bhagavato ñāṇasampatti, yo ‘kammavipāko, bhikkhave, acinteyyo; na cintetabbo’ti (a. ni. 4.77) desesi, paccakkhaṃ vata katvā buddhā desenti, suppaṭividdhā buddhānaṃ dhammadhātū’’ti evaṃ buddhañāṇasampattiñca saritvā sitaṃ pātvākāsīti. Yasmā pana khīṇāsavā nāma na akāraṇā sitaṃ pātukaronti, tasmā taṃ lakkhaṇatthero pucchi – ‘‘ko nu kho āvuso moggallāna hetu, ko paccayo sitassa pātukammāyā’’ti. Thero pana yasmā yehi ayaṃ upapatti sāmaṃ adiṭṭhā, te dussaddhāpayā honti, tasmā bhagavantaṃ sakkhiṃ katvā byākātukāmatāya ‘‘akālo kho, āvuso’’tiādimāha . Tato bhagavato santike puṭṭho ‘‘idhāhaṃ āvuso’’tiādinā nayena byākāsi.

    д̇ад̇т̇а адтигасан̇калиганд̇и сзд̇ам̣ ниммам̣салохид̇ам̣ адтисан̇гхаад̇ам̣. г̇иж̇жхааби гаагааби гулалаабийд̇и зд̇зби яагкаг̇иж̇жхаа жзва яагкагаагаа жа яагкагулалаа жа бажжзд̇аб̣б̣аа. баагад̇игаанам̣ бана г̇иж̇жхаад̣̇ийнам̣ аабаат̇амби зд̇ам̣ руубам̣ нааг̇ажчад̇и. анубад̇ид̇ваа анубад̇ид̇ваад̇и ануб̣анд̇хид̇ваа ануб̣анд̇хид̇ваа. вид̇уд̣знд̇ийд̇и винивиж̇жхид̇ваа г̇ажчанд̇и. вид̇уд̣̇знд̇ийд̇и ваа баато, асид̇хааруубамзхи д̇икин̣зхи лохад̇ун̣д̣зхи виж̇жханд̇ийд̇и ад̇т̇о. саа суд̣̇ам̣ аддассарам̣ гарод̇ийд̇и зд̇т̇а суд̣̇анд̇и нибаад̇о, саа адтигасан̇калигаа аддассарам̣ аад̇урассарам̣ гарод̇ийд̇и ад̇т̇о. агусалавибаагаанубхаванад̇т̇ам̣ гира яож̇анаббамаан̣ааби д̇аад̣̇исаа ад̇д̇абхааваа ниб̣б̣ад̇д̇анд̇и, басаад̣̇уссад̣̇аа жа хонд̇и баггаг̇ан̣д̣асад̣̇исаа; д̇асмаа саа адтигасан̇калигаа б̣алававзд̣̇анаад̇ураа д̇аад̣̇исам̣ сарамагаасийд̇и. зван̃жа бана вад̇ваа буна ааяасмаа махаамог̇г̇аллаано ‘‘ваддаг̇аамигасад̇д̇аа наама зваруубаа ад̇д̇абхааваа на мужжанд̇ий’’д̇и сад̇д̇зсу гаарун̃н̃ам̣ бадижжа уббаннам̣ д̇хаммасам̣взг̇ам̣ д̣̇ассзнд̇о ‘‘д̇асса маяхам̣ аавусо зд̇ад̣̇ахоси; ажчарияам̣ вад̇а бхо’’д̇иаад̣̇имааха.

    Tattha aṭṭhikasaṅkhalikanti setaṃ nimmaṃsalohitaṃ aṭṭhisaṅghātaṃ. Gijjhāpi kākāpi kulalāpīti etepi yakkhagijjhā ceva yakkhakākā ca yakkhakulalā ca paccetabbā. Pākatikānaṃ pana gijjhādīnaṃ āpāthampi etaṃ rūpaṃ nāgacchati. Anupatitvā anupatitvāti anubandhitvā anubandhitvā. Vituḍentīti vinivijjhitvā gacchanti. Vitudentīti vā pāṭho, asidhārūpamehi tikhiṇehi lohatuṇḍehi vijjhantīti attho. Sā sudaṃ aṭṭassaraṃ karotīti ettha sudanti nipāto, sā aṭṭhikasaṅkhalikā aṭṭassaraṃ āturassaraṃ karotīti attho. Akusalavipākānubhavanatthaṃ kira yojanappamāṇāpi tādisā attabhāvā nibbattanti, pasādussadā ca honti pakkagaṇḍasadisā; tasmā sā aṭṭhikasaṅkhalikā balavavedanāturā tādisaṃ saramakāsīti. Evañca pana vatvā puna āyasmā mahāmoggallāno ‘‘vaṭṭagāmikasattā nāma evarūpā attabhāvā na muccantī’’ti sattesu kāruññaṃ paṭicca uppannaṃ dhammasaṃvegaṃ dassento ‘‘tassa mayhaṃ āvuso etadahosi; acchariyaṃ vata bho’’tiādimāha.

    бхигкуу уж̇жхааяанд̇ийд̇и язсам̣ саа бзд̇уубабад̇д̇и аббажжагкаа, д̇з уж̇жхааяанд̇и . бхаг̇аваа бана т̇зрассаанубхаавам̣ багаасзнд̇о ‘‘жагкубхууд̇аа вад̇а бхигкавз саавагаа вихаранд̇ий’’д̇иаад̣̇имааха. д̇ад̇т̇а жагку бхууд̇ам̣ ж̇аад̇ам̣ уббаннам̣ д̇зсанд̇и жагкубхууд̇аа; бхууд̇ажагкугаа уббаннажагкугаа, жагкум̣ уббаад̣̇зд̇ваа, вихаранд̇ийд̇и ад̇т̇о. д̣̇уд̇ияабад̣̇зби зсзва наяо. яад̇ра хи наамаад̇и зд̇т̇а яад̇раад̇и гааран̣аважанам̣. д̇ад̇рааяамад̇т̇аяож̇анаа; яасмаа наама саавагоби зваруубам̣ н̃ассад̇и ваа д̣̇агкад̇и ваа сагким̣ ваа гариссад̇и, д̇асмаа авожумха – ‘‘жагкубхууд̇аа вад̇а бхигкавз саавагаа вихаранд̇и, н̃аан̣абхууд̇аа вад̇а бхигкавз саавагаа вихаранд̇ий’’д̇и.

    Bhikkhū ujjhāyantīti yesaṃ sā petūpapatti appaccakkhā, te ujjhāyanti . Bhagavā pana therassānubhāvaṃ pakāsento ‘‘cakkhubhūtā vata bhikkhave sāvakā viharantī’’tiādimāha. Tattha cakkhu bhūtaṃ jātaṃ uppannaṃ tesanti cakkhubhūtā; bhūtacakkhukā uppannacakkhukā, cakkhuṃ uppādetvā, viharantīti attho. Dutiyapadepi eseva nayo. Yatra hi nāmāti ettha yatrāti kāraṇavacanaṃ. Tatrāyamatthayojanā; yasmā nāma sāvakopi evarūpaṃ ñassati vā dakkhati vā sakkhiṃ vā karissati, tasmā avocumha – ‘‘cakkhubhūtā vata bhikkhave sāvakā viharanti, ñāṇabhūtā vata bhikkhave sāvakā viharantī’’ti.

    буб̣б̣зва мз со бхигкавз сад̇д̇о д̣̇идтод̇и б̣од̇химан̣д̣з саб̣б̣ан̃н̃уд̇ан̃аан̣аббадивзд̇хзна аббамаан̣зсу жаггаваал̣зсу аббамаан̣з сад̇д̇анигааяз бхаваг̇ад̇ияонитид̇иниваасз жа бажжагкам̣ гаронд̇зна маяаа буб̣б̣зва со сад̇д̇о д̣̇идтод̇и вад̣̇ад̇и.

    Pubbeva me so bhikkhave satto diṭṭhoti bodhimaṇḍe sabbaññutañāṇappaṭivedhena appamāṇesu cakkavāḷesu appamāṇe sattanikāye bhavagatiyoniṭhitinivāse ca paccakkhaṃ karontena mayā pubbeva so satto diṭṭhoti vadati.

    г̇огхаад̇агод̇и г̇ааво вад̇хид̇ваа вад̇хид̇ваа адтид̇о мам̣сам̣ можзд̇ваа виггин̣ид̇ваа ж̇ийвигагаббанагасад̇д̇о. д̇ассзва гаммасса вибаагаавасзсзнаад̇и д̇асса наанаажзд̇анаахи ааяуухид̇асса абараабарияагаммасса. д̇ад̇ра хи яааяа жзд̇анааяа нарагз бадисанд̇хи ж̇анид̇аа, д̇ассаа вибаагз баригкийн̣з авасзсагаммам̣ ваа гамманимид̇д̇ам̣ ваа аарамман̣ам̣ гад̇ваа буна бзд̇аад̣̇ийсу бадисанд̇хи ниб̣б̣ад̇д̇ад̇и, д̇асмаа саа бадисанд̇хи гаммасабхааг̇ад̇ааяа ваа аарамман̣асабхааг̇ад̇ааяа ваа ‘‘д̇ассзва гаммасса вибаагаавасзсо’’д̇и вужжад̇и. аяан̃жа сад̇д̇о звам̣ убабанно. д̇знааха – ‘‘д̇ассзва гаммасса вибаагаавасзсзнаа’’д̇и. д̇асса гира нарагаа жаванагаалз ниммам̣сагад̇аанам̣ г̇уннам̣ адтирааси зва нимид̇д̇ам̣ ахоси. со бадижчаннамби д̇ам̣ гаммам̣ вин̃н̃уунам̣ баагадам̣ вияа гаронд̇о адтисан̇калигабзд̇о ж̇аад̇о.

    Goghātakoti gāvo vadhitvā vadhitvā aṭṭhito maṃsaṃ mocetvā vikkiṇitvā jīvikakappanakasatto. Tasseva kammassa vipākāvasesenāti tassa nānācetanāhi āyūhitassa aparāpariyakammassa. Tatra hi yāya cetanāya narake paṭisandhi janitā, tassā vipāke parikkhīṇe avasesakammaṃ vā kammanimittaṃ vā ārammaṇaṃ katvā puna petādīsu paṭisandhi nibbattati, tasmā sā paṭisandhi kammasabhāgatāya vā ārammaṇasabhāgatāya vā ‘‘tasseva kammassa vipākāvaseso’’ti vuccati. Ayañca satto evaṃ upapanno. Tenāha – ‘‘tasseva kammassa vipākāvasesenā’’ti. Tassa kira narakā cavanakāle nimmaṃsakatānaṃ gunnaṃ aṭṭhirāsi eva nimittaṃ ahosi. So paṭicchannampi taṃ kammaṃ viññūnaṃ pākaṭaṃ viya karonto aṭṭhisaṅkhalikapeto jāto.

    229. мам̣сабзсивад̇т̇усмим̣ г̇огхаад̇агод̇и г̇омам̣сабзсияо гад̇ваа сугкаабзд̇ваа валлууравиггаязна анзгаани вассаани ж̇ийвигам̣ габбзси. д̇знасса нарагаа жаванагаалз мам̣сабзсиязва нимид̇д̇ам̣ ахоси. со мам̣сабзсибзд̇о ж̇аад̇о.

    229. Maṃsapesivatthusmiṃ goghātakoti gomaṃsapesiyo katvā sukkhāpetvā vallūravikkayena anekāni vassāni jīvikaṃ kappesi. Tenassa narakā cavanakāle maṃsapesiyeva nimittaṃ ahosi. So maṃsapesipeto jāto.

    мам̣сабин̣д̣авад̇т̇усмим̣ со саагун̣иго сагун̣з г̇ахзд̇ваа виггин̣анагаалз ниббагкажаммз мам̣сабин̣д̣амад̇д̇з гад̇ваа виггин̣анд̇о ж̇ийвигам̣ габбзси. д̇знасса нарагаа жаванагаалз мам̣сабин̣д̣ова нимид̇д̇ам̣ ахоси. со мам̣сабин̣д̣абзд̇о ж̇аад̇о.

    Maṃsapiṇḍavatthusmiṃ so sākuṇiko sakuṇe gahetvā vikkiṇanakāle nippakkhacamme maṃsapiṇḍamatte katvā vikkiṇanto jīvikaṃ kappesi. Tenassa narakā cavanakāle maṃsapiṇḍova nimittaṃ ahosi. So maṃsapiṇḍapeto jāto.

    нижчавивад̇т̇усмим̣ д̇асса ораб̣бхигасса зл̣агз вад̇хид̇ваа нижжаммз гад̇ваа габбид̇аж̇ийвигасса буриманаязнзва нижжаммам̣ зл̣агасарийрам̣ нимид̇д̇амахоси. со нижчавибзд̇о ж̇аад̇о.

    Nicchavivatthusmiṃ tassa orabbhikassa eḷake vadhitvā niccamme katvā kappitajīvikassa purimanayeneva niccammaṃ eḷakasarīraṃ nimittamahosi. So nicchavipeto jāto.

    асиломавад̇т̇усмим̣ со суугариго д̣̇ийгхарад̇д̇ам̣ ниваабабудтз суугарз асинаа вад̇хид̇ваа вад̇хид̇ваа д̣̇ийгхарад̇д̇ам̣ ж̇ийвигам̣ габбзси. д̇знасса угкид̇д̇аасигабхаавова нимид̇д̇ам̣ ахоси. д̇асмаа асиломабзд̇о ж̇аад̇о.

    Asilomavatthusmiṃ so sūkariko dīgharattaṃ nivāpapuṭṭhe sūkare asinā vadhitvā vadhitvā dīgharattaṃ jīvikaṃ kappesi. Tenassa ukkhittāsikabhāvova nimittaṃ ahosi. Tasmā asilomapeto jāto.

    сад̇д̇иломавад̇т̇усмим̣ со мааг̇авиго згам̣ миг̇ан̃жа сад̇д̇ин̃жа г̇ахзд̇ваа ванам̣ г̇анд̇ваа д̇асса миг̇асса самийбам̣ ааг̇ад̇ааг̇ад̇з миг̇з сад̇д̇ияаа виж̇жхид̇ваа маарзси, д̇асса сад̇д̇ияаа виж̇жханагабхаавоязва нимид̇д̇ам̣ ахоси. д̇асмаа сад̇д̇иломабзд̇о ж̇аад̇о.

    Sattilomavatthusmiṃ so māgaviko ekaṃ migañca sattiñca gahetvā vanaṃ gantvā tassa migassa samīpaṃ āgatāgate mige sattiyā vijjhitvā māresi, tassa sattiyā vijjhanakabhāvoyeva nimittaṃ ahosi. Tasmā sattilomapeto jāto.

    усуломавад̇т̇усмим̣ гааран̣игод̇и рааж̇аабараад̇хигз анзгаахи гааран̣аахи бийл̣зд̇ваа авасаанз ган̣д̣зна виж̇жхид̇ваа мааран̣агабурисо. со гира асугасмим̣ бад̣̇зсз вид̣̇д̇хо марад̇ийд̇и н̃ад̇ваава виж̇жхад̇и. д̇ассзвам̣ ж̇ийвигам̣ габбзд̇ваа нарагз уббаннасса д̇ад̇о баггаавасзсзна ид̇хуубабад̇д̇игаалз усунаа виж̇жханабхаавоязва нимид̇д̇ам̣ ахоси. д̇асмаа усуломабзд̇о ж̇аад̇о.

    Usulomavatthusmiṃ kāraṇikoti rājāparādhike anekāhi kāraṇāhi pīḷetvā avasāne kaṇḍena vijjhitvā māraṇakapuriso. So kira asukasmiṃ padese viddho maratīti ñatvāva vijjhati. Tassevaṃ jīvikaṃ kappetvā narake uppannassa tato pakkāvasesena idhūpapattikāle usunā vijjhanabhāvoyeva nimittaṃ ahosi. Tasmā usulomapeto jāto.

    суужиломавад̇т̇усмим̣ саарат̇ийд̇и ассад̣̇амаго. г̇од̣̇амагод̇иби гурунд̣̇адтагат̇ааяам̣вуд̇д̇ам̣. д̇асса бад̇од̣̇асуужияаа виж̇жханабхаавоязва нимид̇д̇ам̣ ахоси. д̇асмаа суужиломабзд̇о ж̇аад̇о.

    Sūcilomavatthusmiṃ sārathīti assadamako. Godamakotipi kurundaṭṭhakathāyaṃvuttaṃ. Tassa patodasūciyā vijjhanabhāvoyeva nimittaṃ ahosi. Tasmā sūcilomapeto jāto.

    д̣̇уд̇ияасуужиломавад̇т̇усмим̣ суужагод̇и бзсун̃н̃агаараго . со гира мануссз ан̃н̃аман̃н̃ан̃жа бхинд̣̇и. рааж̇агулз жа ‘‘имасса имам̣ наама ад̇т̇и, иминаа ид̣̇ам̣ наама гад̇а’’нд̇и суужзд̇ваа суужзд̇ваа анаяаб̣яасанам̣ баабзси. д̇асмаа яат̇аанзна суужзд̇ваа мануссаа бхиннаа, д̇ат̇аа суужийхи бхзд̣̇анад̣̇угкам̣ бажжанубход̇ум̣ гаммамзва нимид̇д̇ам̣ гад̇ваа суужиломабзд̇о ж̇аад̇о.

    Dutiyasūcilomavatthusmiṃ sūcakoti pesuññakārako . So kira manusse aññamaññañca bhindi. Rājakule ca ‘‘imassa imaṃ nāma atthi, iminā idaṃ nāma kata’’nti sūcetvā sūcetvā anayabyasanaṃ pāpesi. Tasmā yathānena sūcetvā manussā bhinnā, tathā sūcīhi bhedanadukkhaṃ paccanubhotuṃ kammameva nimittaṃ katvā sūcilomapeto jāto.

    ан̣д̣абхаарид̇авад̇т̇усмим̣ г̇аамагуудод̇и винижчаяаамажжо. д̇асса гаммасабхааг̇ад̇ааяа гумбхамад̇д̇аа махаагхадаббамаан̣аа ан̣д̣аа ахзсум̣. со хи яасмаа рахо бадижчанна таанз лан̃ж̇ам̣ г̇ахзд̇ваа гуудавинижчаязна баагадам̣ д̣̇осам̣ гаронд̇о саамигз ассаамигз агааси. д̇асмаасса рахассам̣ ан̇г̇ам̣ баагадам̣ ниб̣б̣ад̇д̇ам̣. яасмаа д̣̇ан̣д̣ам̣ бадтабзнд̇о барзсам̣ асаяхам̣ бхаарам̣ ааробзси, д̇асмаасса рахассан̇г̇ам̣ асаяхабхааро худ̇ваа ниб̣б̣ад̇д̇ам̣. яасмаа яасмим̣ таанз тид̇зна самзна бхавид̇аб̣б̣ам̣, д̇асмим̣ тад̇ваа висамо ахоси, д̇асмаасса рахассан̇г̇з висамаа нисаж̇ж̇аа ахосийд̇и.

    Aṇḍabhāritavatthusmiṃ gāmakūṭoti vinicchayāmacco. Tassa kammasabhāgatāya kumbhamattā mahāghaṭappamāṇā aṇḍā ahesuṃ. So hi yasmā raho paṭicchanna ṭhāne lañjaṃ gahetvā kūṭavinicchayena pākaṭaṃ dosaṃ karonto sāmike assāmike akāsi. Tasmāssa rahassaṃ aṅgaṃ pākaṭaṃ nibbattaṃ. Yasmā daṇḍaṃ paṭṭhapento paresaṃ asayhaṃ bhāraṃ āropesi, tasmāssa rahassaṅgaṃ asayhabhāro hutvā nibbattaṃ. Yasmā yasmiṃ ṭhāne ṭhitena samena bhavitabbaṃ, tasmiṃ ṭhatvā visamo ahosi, tasmāssa rahassaṅge visamā nisajjā ahosīti.

    баарад̣̇ааригавад̇т̇усмим̣ со сад̇д̇о барасса рагкид̇ам̣ г̇обид̇ам̣ сассаамигам̣ пассам̣ пусанд̇о мийл̣хасукзна гаамасукзна жид̇д̇ам̣ рамаяид̇ваа гаммасабхааг̇ад̇ааяа г̇уут̇апассам̣ пусанд̇о д̣̇угкаманубхавид̇ум̣ д̇ад̇т̇а ниб̣б̣ад̇д̇о. д̣̇удтаб̣раахман̣авад̇т̇у баагадамзва.

    Pāradārikavatthusmiṃ so satto parassa rakkhitaṃ gopitaṃ sassāmikaṃ phassaṃ phusanto mīḷhasukhena kāmasukhena cittaṃ ramayitvā kammasabhāgatāya gūthaphassaṃ phusanto dukkhamanubhavituṃ tattha nibbatto. Duṭṭhabrāhmaṇavatthu pākaṭameva.

    230. нижчавид̇т̇ивад̇т̇усмим̣ яасмаа маад̇уг̇аамо наама ад̇д̇ано пассз аниссаро, саа жа д̇ам̣ саамигасса санд̇агам̣ пассам̣ т̇знзд̇ваа барзсам̣ абхирад̇им̣ уббаад̣̇зси, д̇асмаа гаммасабхааг̇ад̇ааяа сукасампассаа д̇хам̣сид̇ваа д̣̇угкасампассам̣ анубхавид̇ум̣ нижчавид̇т̇ий худ̇ваа убабаннаа.

    230.Nicchavitthivatthusmiṃ yasmā mātugāmo nāma attano phasse anissaro, sā ca taṃ sāmikassa santakaṃ phassaṃ thenetvā paresaṃ abhiratiṃ uppādesi, tasmā kammasabhāgatāya sukhasamphassā dhaṃsitvā dukkhasamphassaṃ anubhavituṃ nicchavitthī hutvā upapannā.

    ман̇г̇улид̇т̇ивад̇т̇усмим̣ ман̇г̇улинд̇и вируубам̣ д̣̇уд̣̇д̣̇асигам̣ б̣ийбхажчам̣, саа гира игкан̣игаагаммам̣ яагкад̣̇аасигаммам̣ гаронд̇ий ‘‘иминаа жа иминаа жа звам̣ б̣алигаммз гад̇з аяам̣ наама д̇умхаагам̣ вад̣дхи бхависсад̇ий’’д̇и махааж̇анасса г̇анд̇хабубпаад̣̇ийни ван̃жанааяа г̇ахзд̇ваа махааж̇анам̣ д̣̇уд̣̇д̣̇идтим̣ мижчаад̣̇идтим̣ г̇ан̣хаабзси, д̇асмаа д̇ааяа гаммасабхааг̇ад̇ааяа г̇анд̇хабубпаад̣̇ийнам̣ т̇знид̇ад̇д̇аа д̣̇уг̇г̇анд̇хаа д̣̇уд̣̇д̣̇ассанасса г̇аахид̇ад̇д̇аа д̣̇уд̣̇д̣̇асигаа вируубаа б̣ийбхажчаа худ̇ваа ниб̣б̣ад̇д̇аа.

    Maṅgulitthivatthusmiṃ maṅgulinti virūpaṃ duddasikaṃ bībhacchaṃ, sā kira ikkhaṇikākammaṃ yakkhadāsikammaṃ karontī ‘‘iminā ca iminā ca evaṃ balikamme kate ayaṃ nāma tumhākaṃ vaḍḍhi bhavissatī’’ti mahājanassa gandhapupphādīni vañcanāya gahetvā mahājanaṃ duddiṭṭhiṃ micchādiṭṭhiṃ gaṇhāpesi, tasmā tāya kammasabhāgatāya gandhapupphādīnaṃ thenitattā duggandhā duddassanassa gāhitattā duddasikā virūpā bībhacchā hutvā nibbattā.

    огилинивад̇т̇усмим̣ уббаггам̣ огилиним̣ огирининд̇и саа гира ан̇г̇ааражид̇агз нибаннаа вибпанд̣̇амаанаа вибаривад̇д̇амаанаа бажжад̇и, д̇асмаа уббаггаа жзва ход̇и карзна аг̇г̇инаа баггасарийраа; огилиний жа гилиннасарийраа б̣инд̣̇уб̣инд̣̇ууни хиссаа сарийрад̇о баг̇гхаранд̇и. огириний жа ан̇г̇аарасамбаригин̣н̣аа, д̇ассаа хи хздтад̇оби гим̣сугабубпаван̣н̣аа ан̇г̇аараа, убхаяабассзсуби , аагаасад̇обиссаа убари ан̇г̇аараа бад̇анд̇и, д̇зна вуд̇д̇ам̣ – ‘‘уббаггам̣ огилиним̣ огирини’’нд̇и. саа иссаабагад̇аа сабад̇д̇им̣ ан̇г̇аарагадаахзна огирийд̇и д̇ассаа гира галин̇г̇аран̃н̃о згаа наадагиний ан̇г̇аарагадаахам̣ самийбз табзд̇ваа г̇ад̇д̇ад̇о уд̣̇аган̃жа бун̃чад̇и, баан̣инаа жа сзд̣̇ам̣ гарод̇и. рааж̇ааби д̇ааяа сад̣̇д̇хим̣ гат̇ан̃жа гарод̇и, барид̇удтаагааран̃жа д̣̇ассзд̇и. аг̇г̇амахзсий д̇ам̣ асахамаанаа иссаабагад̇аа худ̇ваа ажирабагганд̇асса ран̃н̃о д̇ам̣ ан̇г̇аарагадаахам̣ г̇ахзд̇ваа д̇ассаа убари ан̇г̇аарз огири. саа д̇ам̣ гаммам̣ гад̇ваа д̇аад̣̇исам̣язва вибаагам̣ бажжанубхавид̇ум̣ бзд̇алогз ниб̣б̣ад̇д̇аа.

    Okilinivatthusmiṃ uppakkaṃ okiliniṃ okirininti sā kira aṅgāracitake nipannā vipphandamānā viparivattamānā paccati, tasmā uppakkā ceva hoti kharena agginā pakkasarīrā; okilinī ca kilinnasarīrā bindubindūni hissā sarīrato paggharanti. Okirinī ca aṅgārasamparikiṇṇā, tassā hi heṭṭhatopi kiṃsukapupphavaṇṇā aṅgārā, ubhayapassesupi , ākāsatopissā upari aṅgārā patanti, tena vuttaṃ – ‘‘uppakkaṃ okiliniṃ okirini’’nti. Sā issāpakatā sapattiṃ aṅgārakaṭāhena okirīti tassā kira kaliṅgarañño ekā nāṭakinī aṅgārakaṭāhaṃ samīpe ṭhapetvā gattato udakañca puñchati, pāṇinā ca sedaṃ karoti. Rājāpi tāya saddhiṃ kathañca karoti, parituṭṭhākārañca dasseti. Aggamahesī taṃ asahamānā issāpakatā hutvā acirapakkantassa rañño taṃ aṅgārakaṭāhaṃ gahetvā tassā upari aṅgāre okiri. Sā taṃ kammaṃ katvā tādisaṃyeva vipākaṃ paccanubhavituṃ petaloke nibbattā.

    жорагхаад̇агавад̇т̇усмим̣ со ран̃н̃о аан̣ааяа д̣̇ийгхарад̇д̇ам̣ жораанам̣ сийсаани чинд̣̇ид̇ваа бзд̇алогз ниб̣б̣ад̇д̇анд̇о асийсагам̣ габ̣анд̇хам̣ худ̇ваа ниб̣б̣ад̇д̇и.

    Coraghātakavatthusmiṃ so rañño āṇāya dīgharattaṃ corānaṃ sīsāni chinditvā petaloke nibbattanto asīsakaṃ kabandhaṃ hutvā nibbatti.

    бхигкувад̇т̇усмим̣ баабабхигкууд̇и лаамагабхигку. со гира логасса сад̣̇д̇хаад̣̇зяяз жад̇д̇ааро бажжаяз барибхун̃ж̇ид̇ваа гааяаважийд̣̇ваарзхи асам̣ яад̇о бхиннааж̇ийво жид̇д̇агзл̣им̣ гийл̣анд̇о вижари. д̇ад̇о згам̣ б̣уд̣̇д̇ханд̇арам̣ нираяз бажжид̇ваа бзд̇алогз ниб̣б̣ад̇д̇анд̇о бхигкусад̣̇исзнзва ад̇д̇абхаавзна ниб̣б̣ад̇д̇и. бхигкуний-сигкамаанаа-сааман̣зра-сааман̣зрийвад̇т̇уусуби аяамзва винижчаяо.

    Bhikkhuvatthusmiṃ pāpabhikkhūti lāmakabhikkhu. So kira lokassa saddhādeyye cattāro paccaye paribhuñjitvā kāyavacīdvārehi asaṃ yato bhinnājīvo cittakeḷiṃ kīḷanto vicari. Tato ekaṃ buddhantaraṃ niraye paccitvā petaloke nibbattanto bhikkhusadiseneva attabhāvena nibbatti. Bhikkhunī-sikkhamānā-sāmaṇera-sāmaṇerīvatthūsupi ayameva vinicchayo.

    231. д̇абод̣̇аавад̇т̇усмим̣ ажчод̣̇агод̇и басаннод̣̇аго. сийд̇од̣̇агод̇и сийд̇алауд̣̇аго. саад̇од̣̇агод̇и мад̇хурод̣̇аго. сзд̇агод̇и барисуд̣̇д̇хо ниссзваалабан̣агагад̣̇д̣̇амо. суббад̇ид̇т̇од̇и сунд̣̇арзхи д̇ид̇т̇зхи убабанно. раман̣ийяод̇и рад̇иж̇анаго. жаггамад̇д̇аанийд̇и рат̇ажаггаббамаан̣аани. гут̇ид̇аа санд̣̇ад̇ийд̇и д̇ад̇раа санд̇ад̇д̇аа худ̇ваа санд̣̇ад̇и. яад̇ааяам̣ бхигкавзд̇и яад̇о аяам̣ бхигкавз. со д̣̇аход̇и со рахад̣̇о. гуд̇о банааяам̣ санд̣̇ад̇ийд̇и? взбхаарабаб̣б̣ад̇асса гира хздтаа бхуммадтаганааг̇аанам̣ бан̃жаяож̇анасад̇игам̣ нааг̇абхаванам̣ д̣̇звалогасад̣̇исам̣ ман̣имаязна д̇алзна аараамуяяаанзхи жа саманнааг̇ад̇ам̣; д̇ад̇т̇а нааг̇аанам̣ гийл̣анадтаанз со уд̣̇агад̣̇ахо, д̇ад̇о аяам̣ д̇абод̣̇аа санд̣̇ад̇и. д̣̇виннам̣ махаанираяаанам̣ анд̇аригааяа ааг̇ажчад̇ийд̇и рааж̇аг̇аханаг̇арам̣ гира аавин̃ж̇зд̇ваа махаабзд̇алого, д̇ад̇т̇а д̣̇виннам̣ махаалохагумбхинираяаанам̣ анд̇арзна аяам̣ д̇абод̣̇аа ааг̇ажчад̇и, д̇асмаа гут̇ид̇аа санд̣̇ад̇ийд̇и.

    231. Tapodāvatthusmiṃ acchodakoti pasannodako. Sītodakoti sītalaudako. Sātodakoti madhurodako. Setakoti parisuddho nissevālapaṇakakaddamo. Suppatitthoti sundarehi titthehi upapanno. Ramaṇīyoti ratijanako. Cakkamattānīti rathacakkappamāṇāni. Kuthitā sandatīti tatrā santattā hutvā sandati. Yatāyaṃ bhikkhaveti yato ayaṃ bhikkhave. So dahoti so rahado. Kuto panāyaṃ sandatīti? Vebhārapabbatassa kira heṭṭhā bhummaṭṭhakanāgānaṃ pañcayojanasatikaṃ nāgabhavanaṃ devalokasadisaṃ maṇimayena talena ārāmuyyānehi ca samannāgataṃ; tattha nāgānaṃ kīḷanaṭṭhāne so udakadaho, tato ayaṃ tapodā sandati. Dvinnaṃ mahānirayānaṃ antarikāya āgacchatīti rājagahanagaraṃ kira āviñjetvā mahāpetaloko, tattha dvinnaṃ mahālohakumbhinirayānaṃ antarena ayaṃ tapodā āgacchati, tasmā kuthitā sandatīti.

    яуд̣̇д̇хавад̇т̇усмим̣ нанд̣̇ий жарад̇ийд̇и виж̇аяабхзрий аахин̣д̣ад̇и. рааж̇аа аавусо лижчавийхийд̇и т̇зро гира ад̇д̇ано д̣̇иваадтаанз жа рад̇д̇идтаанз жа нисийд̣̇ид̇ваа ‘‘лижчаваяо гад̇ахад̇т̇аа гад̇уубаасанаа, рааж̇аа жа д̇зхи сад̣̇д̇хим̣ самбахаарам̣ д̣̇зд̇ий’’д̇и ааваж̇ж̇знд̇о д̣̇иб̣б̣зна жагкунаа рааж̇аанам̣ барааж̇ид̇ам̣ балааяамаанам̣ ад̣̇д̣̇аса. д̇ад̇о бхигкуу ааманд̇зд̇ваа ‘‘рааж̇аа аавусо д̇умхаагам̣ убадтааго лижчавийхи бабхаг̇г̇о’’д̇и ааха. сажжам̣, бхигкавз, мог̇г̇аллаано аахаад̇и барааж̇игагаалз ааваж̇ж̇ид̇ваа яам̣ д̣̇идтам̣ д̇ам̣ бхан̣анд̇о сажжам̣ ааха.

    Yuddhavatthusmiṃ nandī caratīti vijayabherī āhiṇḍati. Rājā āvuso licchavīhīti thero kira attano divāṭṭhāne ca rattiṭṭhāne ca nisīditvā ‘‘licchavayo katahatthā katūpāsanā, rājā ca tehi saddhiṃ sampahāraṃ detī’’ti āvajjento dibbena cakkhunā rājānaṃ parājitaṃ palāyamānaṃ addasa. Tato bhikkhū āmantetvā ‘‘rājā āvuso tumhākaṃ upaṭṭhāko licchavīhi pabhaggo’’ti āha. Saccaṃ, bhikkhave, moggallāno āhāti parājikakāle āvajjitvā yaṃ diṭṭhaṃ taṃ bhaṇanto saccaṃ āha.

    232. нааг̇ог̇аахавад̇т̇усмим̣ саббинигааяаад̇и звам̣наамигааяа. аанзн̃ж̇ам̣ самаад̇хинд̇и анзж̇ам̣ ажалам̣ гааяаваажаавибпанд̣̇авирахид̇ам̣ жад̇уд̇т̇аж̇жхаанасамаад̇хим̣. нааг̇аананд̇и хад̇т̇ийнам̣. ог̇аяха уд̇д̇аранд̇аананд̇и ог̇аяха ог̇аахзд̇ваа буна уд̇д̇аранд̇аанам̣. д̇з гира г̇амбхийрам̣ уд̣̇агам̣ од̇арид̇ваа д̇ад̇т̇а нхад̇ваа жа бивид̇ваа жа сон̣д̣ааяа уд̣̇агам̣ г̇ахзд̇ваа ан̃н̃аман̃н̃ам̣ аалолзнд̇аа уд̇д̇аранд̇и, д̇зсам̣ звам̣ ог̇аяха уд̇д̇аранд̇аананд̇и вуд̇д̇ам̣ ход̇и. гон̃жам̣ гаронд̇аананд̇и над̣̇ийд̇ийрз тад̇ваа сон̣д̣ам̣ мукз багкибид̇ваа гон̃жанаад̣̇ам̣ гаронд̇аанам̣. сад̣̇д̣̇ам̣ ассосинд̇и д̇ам̣ гон̃жанаад̣̇асад̣̇д̣̇ам̣ ассосим̣. ад̇т̇зсо, бхигкавз, самаад̇хи со жа ко абарисуд̣̇д̇ход̇и ад̇т̇и зсо самаад̇хи мог̇г̇аллаанасса, со жа ко барисуд̣̇д̇хо на ход̇и. т̇зро гира баб̣б̣аж̇ид̇ад̇о сад̇д̇амз д̣̇ивасз д̇ад̣̇ахуарахад̇д̇аббад̇д̇о адтасу самаабад̇д̇ийсу бан̃жахаагаарзхи анаажин̣н̣авасийбхааво самаад̇хибарибант̇агз д̇хаммз на судту барисод̇хзд̇ваа ааваж̇ж̇анасамаабаж̇ж̇анаад̇хидтаанавудтаанабажжавзгкан̣аанам̣ сан̃н̃аамад̇д̇агамзва гад̇ваа жад̇уд̇т̇аж̇жхаанам̣ аббзд̇ваа нисинно, жхаанан̇г̇зхи вудтааяа нааг̇аанам̣ сад̣̇д̣̇ам̣ суд̇ваа ‘‘анд̇осамаабад̇д̇ияам̣ ассоси’’нд̇и звам̣сан̃н̃ий ахоси. д̇зна вуд̇д̇ам̣ – ‘‘ад̇т̇зсо, бхигкавз, самаад̇хи; со жа ко абарисуд̣̇д̇хо’’д̇и.

    232. Nāgogāhavatthusmiṃ sappinikāyāti evaṃnāmikāya. Āneñjaṃ samādhinti anejaṃ acalaṃ kāyavācāvipphandavirahitaṃ catutthajjhānasamādhiṃ. Nāgānanti hatthīnaṃ. Ogayha uttarantānanti ogayha ogāhetvā puna uttarantānaṃ. Te kira gambhīraṃ udakaṃ otaritvā tattha nhatvā ca pivitvā ca soṇḍāya udakaṃ gahetvā aññamaññaṃ ālolentā uttaranti, tesaṃ evaṃ ogayha uttarantānanti vuttaṃ hoti. Koñcaṃ karontānanti nadītīre ṭhatvā soṇḍaṃ mukhe pakkhipitvā koñcanādaṃ karontānaṃ. Saddaṃ assosinti taṃ koñcanādasaddaṃ assosiṃ. Attheso, bhikkhave, samādhi so ca kho aparisuddhoti atthi eso samādhi moggallānassa, so ca kho parisuddho na hoti. Thero kira pabbajitato sattame divase tadahuarahattappatto aṭṭhasu samāpattīsu pañcahākārehi anāciṇṇavasībhāvo samādhiparipanthake dhamme na suṭṭhu parisodhetvā āvajjanasamāpajjanādhiṭṭhānavuṭṭhānapaccavekkhaṇānaṃ saññāmattakameva katvā catutthajjhānaṃ appetvā nisinno, jhānaṅgehi vuṭṭhāya nāgānaṃ saddaṃ sutvā ‘‘antosamāpattiyaṃ assosi’’nti evaṃsaññī ahosi. Tena vuttaṃ – ‘‘attheso, bhikkhave, samādhi; so ca kho aparisuddho’’ti.

    собхид̇авад̇т̇усмим̣ ахам̣, аавусо, бан̃жа габбасад̇аани ануссараамийд̇и згааваж̇ж̇анзна ануссараамийд̇и ааха. ид̇арат̇аа хи анажчарияам̣ арияасаавагаанам̣ бадибаадияаа наанааваж̇ж̇анзна д̇асса д̇асса ад̇ийд̇з ниваасасса ануссаран̣анд̇и на бхигкуу уж̇жхааязяяум̣. яасмаа банзса ‘‘згааваж̇ж̇анзна ануссараамий’’д̇и ааха, д̇асмаа бхигкуу уж̇жхааяим̣су. ад̇т̇зсаа, бхигкавз, собхид̇асса, саа жа ко згааязва ж̇аад̇ийд̇и яам̣ собхид̇о ж̇аад̇им̣ ануссараамийд̇и ааха, ад̇т̇зсаа ж̇аад̇и собхид̇асса, саа жа ко згааязва ананд̇араа на уббадибаадияаа ануссарид̇аад̇и ад̇хиббааяо.

    Sobhitavatthusmiṃ ahaṃ, āvuso, pañca kappasatāni anussarāmīti ekāvajjanena anussarāmīti āha. Itarathā hi anacchariyaṃ ariyasāvakānaṃ paṭipāṭiyā nānāvajjanena tassa tassa atīte nivāsassa anussaraṇanti na bhikkhū ujjhāyeyyuṃ. Yasmā panesa ‘‘ekāvajjanena anussarāmī’’ti āha, tasmā bhikkhū ujjhāyiṃsu. Atthesā, bhikkhave, sobhitassa, sā ca kho ekāyeva jātīti yaṃ sobhito jātiṃ anussarāmīti āha, atthesā jāti sobhitassa, sā ca kho ekāyeva anantarā na uppaṭipāṭiyā anussaritāti adhippāyo.

    гат̇ам̣ банааяам̣ зд̇ам̣ ануссарийд̇и? аяам̣ гира бан̃жаннам̣ габбасад̇аанам̣ убари д̇ид̇т̇ааяад̇анз

    Kathaṃ panāyaṃ etaṃ anussarīti? Ayaṃ kira pañcannaṃ kappasatānaṃ upari titthāyatane

    баб̣б̣аж̇ид̇ваа асан̃н̃асамаабад̇д̇им̣ ниб̣б̣ад̇д̇зд̇ваа абарихийнаж̇жхаано гаалам̣ гад̇ваа асан̃н̃абхавз ниб̣б̣ад̇д̇и. д̇ад̇т̇а яаавад̇ааяугам̣ тад̇ваа авасаанз мануссалогз уббанно саасанз баб̣б̣аж̇ид̇ваа д̇иссо виж̇ж̇аа сажчаагааси. со буб̣б̣зниваасам̣ ануссарамаано имасмим̣ ад̇д̇абхаавз бадисанд̇хим̣ д̣̇исваа д̇ад̇о барам̣ д̇ад̇ияз ад̇д̇абхаавз жуд̇имзва ад̣̇д̣̇аса. ат̇а убхиннаманд̇араа ажид̇д̇агам̣ ад̇д̇абхаавам̣ ануссарид̇ум̣ асаггонд̇о наяад̇о саллагкзси – ‘‘ад̣̇д̇хааахам̣ асан̃н̃абхавз ниб̣б̣ад̇д̇о’’д̇и. звам̣ саллагкзнд̇зна банаанзна д̣̇уггарам̣ гад̇ам̣, сад̇ад̇хаа бхиннасса вааласса годияаа годи бадивид̣̇д̇хаа, аагаасз бад̣̇ам̣ д̣̇ассид̇ам̣. д̇асмаа нам̣ бхаг̇аваа имасмим̣язва вад̇т̇усмим̣ зд̇ад̣̇аг̇г̇з табзси – ‘‘зд̇ад̣̇аг̇г̇ам̣ бхигкавз, мама саавагаанам̣ бхигкуунам̣ буб̣б̣зниваасам̣ ануссаранд̇аанам̣ яад̣̇ид̣̇ам̣ собхид̇о’’д̇и (а. ни. 1.219, 227).

    Pabbajitvā asaññasamāpattiṃ nibbattetvā aparihīnajjhāno kālaṃ katvā asaññabhave nibbatti. Tattha yāvatāyukaṃ ṭhatvā avasāne manussaloke uppanno sāsane pabbajitvā tisso vijjā sacchākāsi. So pubbenivāsaṃ anussaramāno imasmiṃ attabhāve paṭisandhiṃ disvā tato paraṃ tatiye attabhāve cutimeva addasa. Atha ubhinnamantarā acittakaṃ attabhāvaṃ anussarituṃ asakkonto nayato sallakkhesi – ‘‘addhāahaṃ asaññabhave nibbatto’’ti. Evaṃ sallakkhentena panānena dukkaraṃ kataṃ, satadhā bhinnassa vālassa koṭiyā koṭi paṭividdhā, ākāse padaṃ dassitaṃ. Tasmā naṃ bhagavā imasmiṃyeva vatthusmiṃ etadagge ṭhapesi – ‘‘etadaggaṃ bhikkhave, mama sāvakānaṃ bhikkhūnaṃ pubbenivāsaṃ anussarantānaṃ yadidaṃ sobhito’’ti (a. ni. 1.219, 227).

    винийд̇авад̇т̇уван̣н̣анаа нидтид̇аа.

    Vinītavatthuvaṇṇanā niṭṭhitā.

    ниг̇аманаван̣н̣анаа

    Nigamanavaṇṇanā

    233. уд̣̇д̣̇идтаа ко ааяасманд̇о жад̇д̇ааро баарааж̇игаа д̇хаммаад̇и ид̣̇ам̣ ид̇ха уд̣̇д̣̇идтабаарааж̇игабарид̣̇ийбанамзва. самод̇хаанзд̇ваа бана саб̣б̣аанзва жад̇увийсад̇и баарааж̇игаани взд̣̇ид̇аб̣б̣аани. гад̇амаани жад̇увийсад̇и? баал̣ияам̣ ааг̇ад̇аани д̇аава бхигкуунам̣ жад̇д̇аари, бхигкунийнам̣ асаад̇хааран̣аани жад̇д̇аарийд̇и адта. згаад̣̇аса абхаб̣б̣абуг̇г̇алаа, д̇зсу бан̣д̣агад̇иражчаанаг̇ад̇аубхад̇об̣яан̃ж̇анагаа, д̇аяо вад̇т̇увибаннаа ахзд̇угабадисанд̇хигаа, д̇зсам̣ саг̇г̇о аваарид̇о маг̇г̇о бана ваарид̇о, абхаб̣б̣аа хи д̇з маг̇г̇аббадилаабхааяа вад̇т̇увибаннад̇д̇аад̇и. баб̣б̣аж̇ж̇ааби нзсам̣ бадигкид̇д̇аа, д̇асмаа д̇зби баарааж̇игаа. т̇зяяасам̣ваасаго, д̇ид̇т̇ияабагганд̇аго, маад̇угхаад̇аго, бид̇угхаад̇аго, араханд̇агхаад̇аго, бхигкунийд̣̇уусаго, лохид̇уббаад̣̇аго, сан̇гхабхзд̣̇агод̇и имз адта ад̇д̇ано гирияааяа вибаннад̇д̇аа абхаб̣б̣адтаанам̣ бад̇д̇аад̇и баарааж̇игаава. д̇зсу т̇зяяасам̣ваасаго, д̇ид̇т̇ияабагганд̇аго, бхигкунийд̣̇уусагод̇и имзсам̣ д̇ин̣н̣ам̣ саг̇г̇о аваарид̇о маг̇г̇о бана ваарид̇ова. ид̇арзсам̣ бан̃жаннам̣ убхаяамби ваарид̇ам̣. д̇з хи ананд̇арабхавз нарагз ниб̣б̣ад̇д̇анагасад̇д̇аа. ид̇и имз жа згаад̣̇аса, буримаа жа адтаад̇и згуунавийсад̇и. д̇з г̇ихилин̇г̇з ружим̣ уббаад̣̇зд̇ваа г̇ихиниваасананивад̇т̇ааяа бхигкунияаа сад̣̇д̇хим̣ вийсад̇и. саа хи аж̇жхаажааравийд̇иггамам̣ агад̇вааби зд̇д̇аавад̇аава ассаман̣ийд̇и имаани д̇аава вийсад̇и баарааж̇игаани.

    233.Uddiṭṭhākho āyasmanto cattāro pārājikā dhammāti idaṃ idha uddiṭṭhapārājikaparidīpanameva. Samodhānetvā pana sabbāneva catuvīsati pārājikāni veditabbāni. Katamāni catuvīsati? Pāḷiyaṃ āgatāni tāva bhikkhūnaṃ cattāri, bhikkhunīnaṃ asādhāraṇāni cattārīti aṭṭha. Ekādasa abhabbapuggalā, tesu paṇḍakatiracchānagataubhatobyañjanakā, tayo vatthuvipannā ahetukapaṭisandhikā, tesaṃ saggo avārito maggo pana vārito, abhabbā hi te maggappaṭilābhāya vatthuvipannattāti. Pabbajjāpi nesaṃ paṭikkhittā, tasmā tepi pārājikā. Theyyasaṃvāsako, titthiyapakkantako, mātughātako, pitughātako, arahantaghātako, bhikkhunīdūsako, lohituppādako, saṅghabhedakoti ime aṭṭha attano kiriyāya vipannattā abhabbaṭṭhānaṃ pattāti pārājikāva. Tesu theyyasaṃvāsako, titthiyapakkantako, bhikkhunīdūsakoti imesaṃ tiṇṇaṃ saggo avārito maggo pana vāritova. Itaresaṃ pañcannaṃ ubhayampi vāritaṃ. Te hi anantarabhave narake nibbattanakasattā. Iti ime ca ekādasa, purimā ca aṭṭhāti ekūnavīsati. Te gihiliṅge ruciṃ uppādetvā gihinivāsananivatthāya bhikkhuniyā saddhiṃ vīsati. Sā hi ajjhācāravītikkamaṃ akatvāpi ettāvatāva assamaṇīti imāni tāva vīsati pārājikāni.

    абарааниби – ламб̣ий, муд̣̇убидтиго, барасса ан̇г̇аж̇аад̇ам̣ мукзна г̇ан̣хаад̇и, барасса ан̇г̇аж̇аад̇з абхинисийд̣̇ад̇ийд̇и имзсам̣ жад̇уннам̣ васзна жад̇д̇аари ануломабаарааж̇игаанийд̇и вад̣̇анд̇и. зд̇аани хи яасмаа убхиннам̣ рааг̇авасзна сад̣̇исабхаавуубаг̇ад̇аанам̣ д̇хаммо ‘‘мзт̇унад̇хаммо’’д̇и вужжад̇и. д̇асмаа зд̇зна барияааязна мзт̇унад̇хаммам̣ аббадисзвид̇вааязва гзвалам̣ маг̇г̇зна маг̇г̇аббавзсанавасзна аабаж̇ж̇ид̇аб̣б̣ад̇д̇аа мзт̇унад̇хаммабаарааж̇игасса ануломзнд̇ийд̇и ануломабаарааж̇игаанийд̇и вужжанд̇и. ид̇и имаани жа жад̇д̇аари буримаани жа вийсад̇ийд̇и самод̇хаанзд̇ваа саб̣б̣аанзва жад̇увийсад̇и баарааж̇игаани взд̣̇ид̇аб̣б̣аани.

    Aparānipi – lambī, mudupiṭṭhiko, parassa aṅgajātaṃ mukhena gaṇhāti, parassa aṅgajāte abhinisīdatīti imesaṃ catunnaṃ vasena cattāri anulomapārājikānīti vadanti. Etāni hi yasmā ubhinnaṃ rāgavasena sadisabhāvūpagatānaṃ dhammo ‘‘methunadhammo’’ti vuccati. Tasmā etena pariyāyena methunadhammaṃ appaṭisevitvāyeva kevalaṃ maggena maggappavesanavasena āpajjitabbattā methunadhammapārājikassa anulomentīti anulomapārājikānīti vuccanti. Iti imāni ca cattāri purimāni ca vīsatīti samodhānetvā sabbāneva catuvīsati pārājikāni veditabbāni.

    на лабхад̇и бхигкуухи сад̣̇д̇хим̣ сам̣ваасанд̇и убосат̇а-бавааран̣а-баад̇имогкуд̣̇д̣̇зса-сан̇гхагаммаббабхзд̣̇ам̣ бхигкуухи сад̣̇д̇хим̣ сам̣ваасам̣ на лабхад̇и. яат̇аа бурз д̇ат̇аа бажчаад̇и яат̇аа буб̣б̣з г̇ихигаалз анубасамбаннагаалз жа бажчаа баарааж̇игам̣ аабанноби д̇ат̇зва асам̣ваасо ход̇и. над̇т̇и д̇асса бхигкуухи сад̣̇д̇хим̣ убосат̇абавааран̣абаад̇имогкуд̣̇д̣̇зсасан̇гхагаммаббабхзд̣̇о сам̣ваасод̇и бхигкуухи сад̣̇д̇хим̣ сам̣ваасам̣ на лабхад̇и. д̇ад̇т̇ааяасманд̇з бужчаамийд̇и д̇зсу жад̇уусу баарааж̇игзсу ааяасманд̇з ‘‘гажжид̇т̇а барисуд̣̇д̇хаа’’д̇и бужчаами. гажжид̇т̇аад̇и гажжи зд̇т̇а; зд̇зсу жад̇уусу баарааж̇игзсу гажжи барисуд̣̇д̇хаад̇и ад̇т̇о. ат̇а ваа гажжид̇т̇а барисуд̣̇д̇хаад̇и гажжи барисуд̣̇д̇хаа ад̇т̇а, бхават̇аад̇и ад̇т̇о. сзсам̣ саб̣б̣ад̇т̇а уд̇д̇аанад̇т̇амзваад̇и.

    Na labhati bhikkhūhi saddhiṃ saṃvāsanti uposatha-pavāraṇa-pātimokkhuddesa-saṅghakammappabhedaṃ bhikkhūhi saddhiṃ saṃvāsaṃ na labhati. Yathā pure tathā pacchāti yathā pubbe gihikāle anupasampannakāle ca pacchā pārājikaṃ āpannopi tatheva asaṃvāso hoti. Natthi tassa bhikkhūhi saddhiṃ uposathapavāraṇapātimokkhuddesasaṅghakammappabhedo saṃvāsoti bhikkhūhi saddhiṃ saṃvāsaṃ na labhati. Tatthāyasmante pucchāmīti tesu catūsu pārājikesu āyasmante ‘‘kaccittha parisuddhā’’ti pucchāmi. Kaccitthāti kacci ettha; etesu catūsu pārājikesu kacci parisuddhāti attho. Atha vā kaccittha parisuddhāti kacci parisuddhā attha, bhavathāti attho. Sesaṃ sabbattha uttānatthamevāti.

    саманд̇абаасаад̣̇игааяа винаяасам̣ван̣н̣анааяа

    Samantapāsādikāya vinayasaṃvaṇṇanāya

    жад̇уд̇т̇абаарааж̇игаван̣н̣анаа нидтид̇аа.

    Catutthapārājikavaṇṇanā niṭṭhitā.




    Next: 2. сан̇гхаад̣̇исзсаган̣д̣ам̣ • 2. Saṅghādisesakaṇḍaṃ




    Related texts:



    д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. жад̇уд̇т̇абаарааж̇игам̣ • 4. Catutthapārājikaṃ

    дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
    ваг̇г̇умуд̣̇аад̇ийрияабхигкувад̇т̇уван̣н̣анаа • Vaggumudātīriyabhikkhuvatthuvaṇṇanā
    ад̇химаанавад̇т̇уван̣н̣анаа • Adhimānavatthuvaṇṇanā
    савибхан̇г̇асигкаабад̣̇аван̣н̣анаа • Savibhaṅgasikkhāpadavaṇṇanā
    бад̣̇абхааж̇анийяаван̣н̣анаа • Padabhājanīyavaṇṇanā
    суд̣̇д̇хигаваарагат̇ааван̣н̣анаа • Suddhikavārakathāvaṇṇanā
    вад̇д̇угаамаваарагат̇ааван̣н̣анаа • Vattukāmavārakathāvaṇṇanā
    винийд̇авад̇т̇уван̣н̣анаа • Vinītavatthuvaṇṇanā
    ниг̇аманаван̣н̣анаа • Nigamanavaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
    ваг̇г̇умуд̣̇аад̇ийрияабхигкувад̇т̇уван̣н̣анаа • Vaggumudātīriyabhikkhuvatthuvaṇṇanā
    савибхан̇г̇асигкаабад̣̇аван̣н̣анаа • Savibhaṅgasikkhāpadavaṇṇanā
    бад̣̇абхааж̇анийяаван̣н̣анаа • Padabhājanīyavaṇṇanā
    винийд̇авад̇т̇уван̣н̣анаа • Vinītavatthuvaṇṇanā
    ниг̇аманаван̣н̣анаа • Nigamanavaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā
    ваг̇г̇умуд̣̇аад̇ийрияабхигкувад̇т̇уван̣н̣анаа • Vaggumudātīriyabhikkhuvatthuvaṇṇanā
    ад̇химаанавад̇т̇уван̣н̣анаа • Adhimānavatthuvaṇṇanā
    савибхан̇г̇асигкаабад̣̇аван̣н̣анаа • Savibhaṅgasikkhāpadavaṇṇanā
    бад̣̇абхааж̇анийяаван̣н̣анаа • Padabhājanīyavaṇṇanā
    вад̇д̇угаамаваарагат̇ааван̣н̣анаа • Vattukāmavārakathāvaṇṇanā
    анаабад̇д̇ибхзд̣̇агат̇ааван̣н̣анаа • Anāpattibhedakathāvaṇṇanā
    винийд̇авад̇т̇уван̣н̣анаа • Vinītavatthuvaṇṇanā
    ниг̇аманаван̣н̣анаа • Nigamanavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact