| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
4. жад̇уд̇т̇абаарааж̇игам̣
4. Catutthapārājikaṃ
674. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна чаб̣б̣аг̇г̇ияаа бхигкунияо авассуд̇аа авассуд̇асса бурисабуг̇г̇аласса хад̇т̇аг̇г̇ахан̣амби саад̣̇ияанд̇и, сан̇гхаадиган̣н̣аг̇г̇ахан̣амби саад̣̇ияанд̇и, санд̇идтанд̇иби, саллабанд̇иби, сан̇гзд̇амби г̇ажчанд̇и, бурисассаби аб̣бхааг̇аманам̣ саад̣̇ияанд̇и, чаннамби анубависанд̇и, гааяамби д̇ад̣̇ад̇т̇ааяа убасам̣харанд̇и зд̇асса асад̣̇д̇хаммасса бадисзванад̇т̇ааяа. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкунияо авассуд̇аа авассуд̇асса бурисабуг̇г̇аласса хад̇т̇аг̇г̇ахан̣амби саад̣̇ияиссанд̇и, сан̇гхаадиган̣н̣аг̇г̇ахан̣амби саад̣̇ияиссанд̇и, санд̇идтиссанд̇иби, саллабиссанд̇иби, сан̇гзд̇амби г̇ажчиссанд̇и, бурисассаби аб̣бхааг̇аманам̣ саад̣̇ияиссанд̇и, чаннамби анубависиссанд̇и, гааяамби д̇ад̣̇ад̇т̇ааяа убасам̣хариссанд̇и зд̇асса асад̣̇д̇хаммасса бадисзванад̇т̇ааяаа’’д̇и…бз… сажжам̣ гира, бхигкавз, чаб̣б̣аг̇г̇ияаа бхигкунияо авассуд̇аа авассуд̇асса бурисабуг̇г̇аласса хад̇т̇аг̇г̇ахан̣амби саад̣̇ияанд̇и, сан̇гхаадиган̣н̣аг̇г̇ахан̣амби саад̣̇ияанд̇и, санд̇идтанд̇иби, саллабанд̇иби, сан̇гзд̇амби г̇ажчанд̇и, бурисассаби аб̣бхааг̇аманам̣ саад̣̇ияанд̇и, чаннамби анубависанд̇и, гааяамби д̇ад̣̇ад̇т̇ааяа убасам̣харанд̇и зд̇асса асад̣̇д̇хаммасса бадисзванад̇т̇ааяаад̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, чаб̣б̣аг̇г̇ияаа бхигкунияо авассуд̇аа авассуд̇асса бурисабуг̇г̇аласса хад̇т̇аг̇г̇ахан̣амби саад̣̇ияиссанд̇и, сан̇гхаадиган̣н̣аг̇г̇ахан̣амби саад̣̇ияиссанд̇и, санд̇идтиссанд̇иби, саллабиссанд̇иби, сан̇гзд̇амби г̇ажчиссанд̇и, бурисассаби аб̣бхааг̇аманам̣ саад̣̇ияиссанд̇и, чаннамби анубависиссанд̇и, гааяамби д̇ад̣̇ад̇т̇ааяа убасам̣хариссанд̇и зд̇асса асад̣̇д̇хаммасса бадисзванад̇т̇ааяа! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
674. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhuniyo avassutā avassutassa purisapuggalassa hatthaggahaṇampi sādiyanti, saṅghāṭikaṇṇaggahaṇampi sādiyanti, santiṭṭhantipi, sallapantipi, saṅketampi gacchanti, purisassapi abbhāgamanaṃ sādiyanti, channampi anupavisanti, kāyampi tadatthāya upasaṃharanti etassa asaddhammassa paṭisevanatthāya. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma chabbaggiyā bhikkhuniyo avassutā avassutassa purisapuggalassa hatthaggahaṇampi sādiyissanti, saṅghāṭikaṇṇaggahaṇampi sādiyissanti, santiṭṭhissantipi, sallapissantipi, saṅketampi gacchissanti, purisassapi abbhāgamanaṃ sādiyissanti, channampi anupavisissanti, kāyampi tadatthāya upasaṃharissanti etassa asaddhammassa paṭisevanatthāyā’’ti…pe… saccaṃ kira, bhikkhave, chabbaggiyā bhikkhuniyo avassutā avassutassa purisapuggalassa hatthaggahaṇampi sādiyanti, saṅghāṭikaṇṇaggahaṇampi sādiyanti, santiṭṭhantipi, sallapantipi, saṅketampi gacchanti, purisassapi abbhāgamanaṃ sādiyanti, channampi anupavisanti, kāyampi tadatthāya upasaṃharanti etassa asaddhammassa paṭisevanatthāyāti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, chabbaggiyā bhikkhuniyo avassutā avassutassa purisapuggalassa hatthaggahaṇampi sādiyissanti, saṅghāṭikaṇṇaggahaṇampi sādiyissanti, santiṭṭhissantipi, sallapissantipi, saṅketampi gacchissanti, purisassapi abbhāgamanaṃ sādiyissanti, channampi anupavisissanti, kāyampi tadatthāya upasaṃharissanti etassa asaddhammassa paṭisevanatthāya! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
675. ‘‘яаа бана бхигкуний авассуд̇аа авассуд̇асса бурисабуг̇г̇аласса хад̇т̇аг̇г̇ахан̣ам̣ ваа саад̣̇иязяяа, сан̇гхаадиган̣н̣аг̇г̇ахан̣ам̣ ваа саад̣̇иязяяа, санд̇идтзяяа ваа, саллабзяяа ваа, сан̇гзд̇ам̣ ваа г̇ажчзяяа , бурисасса ваа аб̣бхааг̇аманам̣ саад̣̇иязяяа, чаннам̣ ваа анубависзяяа, гааяам̣ ваа д̇ад̣̇ад̇т̇ааяа убасам̣харзяяа зд̇асса асад̣̇д̇хаммасса бадисзванад̇т̇ааяа, аяамби баарааж̇игаа ход̇и асам̣ваасаа адтавад̇т̇угаа’’д̇и.
675.‘‘Yā pana bhikkhunī avassutā avassutassa purisapuggalassa hatthaggahaṇaṃ vā sādiyeyya, saṅghāṭikaṇṇaggahaṇaṃ vā sādiyeyya, santiṭṭheyya vā, sallapeyya vā, saṅketaṃ vāgaccheyya, purisassa vā abbhāgamanaṃ sādiyeyya, channaṃ vā anupaviseyya, kāyaṃ vā tadatthāya upasaṃhareyya etassa asaddhammassa paṭisevanatthāya, ayampi pārājikā hoti asaṃvāsā aṭṭhavatthukā’’ti.
676. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
676.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
авассуд̇аа наама саарад̇д̇аа абзгкавад̇ий бадиб̣ад̣̇д̇хажид̇д̇аа.
Avassutā nāma sārattā apekkhavatī paṭibaddhacittā.
авассуд̇о наама саарад̇д̇о абзгкаваа бадиб̣ад̣̇д̇хажид̇д̇о.
Avassuto nāma sāratto apekkhavā paṭibaddhacitto.
бурисабуг̇г̇ало наама мануссабурисо, на яагко на бзд̇о на д̇иражчаанаг̇ад̇о вин̃н̃уу бадиб̣ало гааяасам̣саг̇г̇ам̣ самаабаж̇ж̇ид̇ум̣.
Purisapuggalo nāma manussapuriso, na yakkho na peto na tiracchānagato viññū paṭibalo kāyasaṃsaggaṃ samāpajjituṃ.
хад̇т̇аг̇г̇ахан̣ам̣ ваа саад̣̇иязяяаад̇и хад̇т̇о наама габбарам̣ убаад̣̇ааяа яаава аг̇г̇анакаа. зд̇асса асад̣̇д̇хаммасса бадисзванад̇т̇ааяа уб̣бхагкагам̣ ад̇хож̇аан̣уман̣д̣алам̣ г̇ахан̣ам̣ саад̣̇ияад̇и, аабад̇д̇и т̇уллажжаяасса.
Hatthaggahaṇaṃvā sādiyeyyāti hattho nāma kapparaṃ upādāya yāva agganakhā. Etassa asaddhammassa paṭisevanatthāya ubbhakkhakaṃ adhojāṇumaṇḍalaṃ gahaṇaṃ sādiyati, āpatti thullaccayassa.
сан̇гхаадиган̣н̣аг̇г̇ахан̣ам̣ ваа саад̣̇иязяяаад̇и зд̇асса асад̣̇д̇хаммасса бадисзванад̇т̇ааяа нивад̇т̇ам̣ ваа бааруд̇ам̣ ваа г̇ахан̣ам̣ саад̣̇ияад̇и, аабад̇д̇и т̇уллажжаяасса.
Saṅghāṭikaṇṇaggahaṇaṃ vā sādiyeyyāti etassa asaddhammassa paṭisevanatthāya nivatthaṃ vā pārutaṃ vā gahaṇaṃ sādiyati, āpatti thullaccayassa.
санд̇идтзяяа ваад̇и зд̇асса асад̣̇д̇хаммасса бадисзванад̇т̇ааяа бурисасса хад̇т̇абаасз д̇идтад̇и, аабад̇д̇и т̇уллажжаяасса.
Santiṭṭheyya vāti etassa asaddhammassa paṭisevanatthāya purisassa hatthapāse tiṭṭhati, āpatti thullaccayassa.
саллабзяяа ваад̇и зд̇асса асад̣̇д̇хаммасса бадисзванад̇т̇ааяа бурисасса хад̇т̇абаасз тид̇аа саллабад̇и, аабад̇д̇и т̇уллажжаяасса.
Sallapeyya vāti etassa asaddhammassa paṭisevanatthāya purisassa hatthapāse ṭhitā sallapati, āpatti thullaccayassa.
сан̇гзд̇ам̣ ваа г̇ажчзяяаад̇и зд̇асса асад̣̇д̇хаммасса бадисзванад̇т̇ааяа бурисзна – ‘‘ид̇т̇аннаамам̣ огаасам̣ 1 ааг̇ажчаа’’д̇и – вуд̇д̇аа г̇ажчад̇и. бад̣̇з бад̣̇з аабад̇д̇и д̣̇уггадасса. бурисасса хад̇т̇абаасам̣ огганд̇амад̇д̇з аабад̇д̇и т̇уллажжаяасса.
Saṅketaṃ vā gaccheyyāti etassa asaddhammassa paṭisevanatthāya purisena – ‘‘itthannāmaṃ okāsaṃ 2 āgacchā’’ti – vuttā gacchati. Pade pade āpatti dukkaṭassa. Purisassa hatthapāsaṃ okkantamatte āpatti thullaccayassa.
бурисасса ваа аб̣бхааг̇аманам̣ саад̣̇иязяяаад̇и зд̇асса асад̣̇д̇хаммасса бадисзванад̇т̇ааяа бурисасса аб̣бхааг̇аманам̣ саад̣̇ияад̇и, аабад̇д̇и д̣̇уггадасса. хад̇т̇абаасам̣ огганд̇амад̇д̇з аабад̇д̇и т̇уллажжаяасса.
Purisassavā abbhāgamanaṃ sādiyeyyāti etassa asaddhammassa paṭisevanatthāya purisassa abbhāgamanaṃ sādiyati, āpatti dukkaṭassa. Hatthapāsaṃ okkantamatte āpatti thullaccayassa.
чаннам̣ ваа анубависзяяаад̇и зд̇асса асад̣̇д̇хаммасса бадисзванад̇т̇ааяа язна гзнажи бадижчаннам̣ огаасам̣ бавидтамад̇д̇з аабад̇д̇и т̇уллажжаяасса.
Channaṃ vā anupaviseyyāti etassa asaddhammassa paṭisevanatthāya yena kenaci paṭicchannaṃ okāsaṃ paviṭṭhamatte āpatti thullaccayassa.
гааяам̣ ваа д̇ад̣̇ад̇т̇ааяа убасам̣харзяяаад̇и зд̇асса асад̣̇д̇хаммасса бадисзванад̇т̇ааяа бурисасса хад̇т̇абаасз тид̇аа гааяам̣ убасам̣харад̇и, аабад̇д̇и т̇уллажжаяасса.
Kāyaṃ vā tadatthāya upasaṃhareyyāti etassa asaddhammassa paṭisevanatthāya purisassa hatthapāse ṭhitā kāyaṃ upasaṃharati, āpatti thullaccayassa.
аяамбийд̇и буримааяо убаад̣̇ааяа вужжад̇и.
Ayampīti purimāyo upādāya vuccati.
баарааж̇игаа ход̇ийд̇и сзяяат̇ааби наама д̇аало мад̇т̇агажчинно абхаб̣б̣о буна вирул̣хияаа звамзва бхигкуний адтамам̣ вад̇т̇ум̣ барибуурзнд̇ий ассаман̣ий ход̇и асагяад̇хийд̇аа. д̇зна вужжад̇и баарааж̇игаа ход̇ийд̇и.
Pārājikā hotīti seyyathāpi nāma tālo matthakacchinno abhabbo puna viruḷhiyā evameva bhikkhunī aṭṭhamaṃ vatthuṃ paripūrentī assamaṇī hoti asakyadhītā. Tena vuccati pārājikā hotīti.
асам̣ваасаад̇и сам̣ваасо наама згагаммам̣ згуд̣̇д̣̇зсо самасигкад̇аа. зсо сам̣ваасо наама. со д̇ааяа сад̣̇д̇хим̣ над̇т̇и. д̇зна вужжад̇и асам̣ваасаад̇и.
Asaṃvāsāti saṃvāso nāma ekakammaṃ ekuddeso samasikkhatā. Eso saṃvāso nāma. So tāya saddhiṃ natthi. Tena vuccati asaṃvāsāti.
677. анаабад̇д̇и асан̃жижжа, ассад̇ияаа, аж̇аананд̇ияаа, асаад̣̇ияанд̇ияаа, уммад̇д̇игааяа, кид̇д̇ажид̇д̇ааяа, взд̣̇анааддааяа, аад̣̇игаммигааяаад̇и.
677. Anāpatti asañcicca, assatiyā, ajānantiyā, asādiyantiyā, ummattikāya, khittacittāya, vedanāṭṭāya, ādikammikāyāti.
жад̇уд̇т̇абаарааж̇игам̣ самад̇д̇ам̣.
Catutthapārājikaṃ samattaṃ.
уд̣̇д̣̇идтаа ко, аяяааяо, адта баарааж̇игаа д̇хаммаа. язсам̣ бхигкуний ан̃н̃ад̇арам̣ ваа ан̃н̃ад̇арам̣ ваа аабаж̇ж̇ид̇ваа на лабхад̇и бхигкунийхи сад̣̇д̇хим̣ сам̣ваасам̣, яат̇аа бурз д̇ат̇аа бажчаа, баарааж̇игаа ход̇и асам̣ваасаа. д̇ад̇т̇ааяяааяо бужчаами – ‘‘гажжид̇т̇а барисуд̣̇д̇хаа’’? д̣̇уд̇ияамби бужчаами – ‘‘гажжид̇т̇а барисуд̣̇д̇хаа’’? д̇ад̇ияамби бужчаами – ‘‘гажжид̇т̇а барисуд̣̇д̇хаа’’? барисуд̣̇д̇хзд̇т̇ааяяааяо, д̇асмаа д̇ун̣хий, звамзд̇ам̣ д̇хаараяаамийд̇и.
Uddiṭṭhā kho, ayyāyo, aṭṭha pārājikā dhammā. Yesaṃ bhikkhunī aññataraṃ vā aññataraṃ vā āpajjitvā na labhati bhikkhunīhi saddhiṃ saṃvāsaṃ, yathā pure tathā pacchā, pārājikā hoti asaṃvāsā. Tatthāyyāyo pucchāmi – ‘‘kaccittha parisuddhā’’? Dutiyampi pucchāmi – ‘‘kaccittha parisuddhā’’? Tatiyampi pucchāmi – ‘‘kaccittha parisuddhā’’? Parisuddhetthāyyāyo, tasmā tuṇhī, evametaṃ dhārayāmīti.
бхигкунивибхан̇г̇з баарааж̇игаган̣д̣ам̣ нидтид̇ам̣.
Bhikkhunivibhaṅge pārājikakaṇḍaṃ niṭṭhitaṃ.
Next: 2. сан̇гхаад̣̇исзсаган̣д̣ам̣ (бхигкунийвибхан̇г̇о) • 2. Saṅghādisesakaṇḍaṃ (bhikkhunīvibhaṅgo)
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 4. жад̇уд̇т̇абаарааж̇игасигкаабад̣̇аван̣н̣анаа • 4. Catutthapārājikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. жад̇уд̇т̇абаарааж̇игасигкаабад̣̇аван̣н̣анаа • 4. Catutthapārājikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. жад̇уд̇т̇абаарааж̇игасигкаабад̣̇аван̣н̣анаа • 4. Catutthapārājikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. адтавад̇т̇угасигкаабад̣̇аван̣н̣анаа • 4. Aṭṭhavatthukasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. жад̇уд̇т̇абаарааж̇игасигкаабад̣̇ам̣ • 4. Catutthapārājikasikkhāpadaṃ
