| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੪. ਚਤੁਤ੍ਥਪਾਰਾਜਿਕਸਿਕ੍ਖਾਪਦਂ
4. Catutthapārājikasikkhāpadaṃ
੬੭੫. ਚਤੁਤ੍ਥੇ ਮੇਥੁਨਰਾਗੇਨ ਅવਸ੍ਸੁਤਾ ਨਾਧਿਪ੍ਪੇਤਾ, ਕਾਯਸਂਸਗ੍ਗਰਾਗੇਨ ਅવਸ੍ਸੁਤਾવਾਧਿਪ੍ਪੇਤਾਤਿ ਆਹ ‘‘ਕਾਯਸਂਸਗ੍ਗਰਾਗੇਨ ਅવਸ੍ਸੁਤਾ’’ਤਿ । ‘‘ਪੁਰਿਸਪੁਗ੍ਗਲਸ੍ਸਾ’’ਤਿਪਦਂ ਨ ਹਤ੍ਥਸਦ੍ਦੇਨ ਸਮ੍ਬਨ੍ਧਿਤਬ੍ਬਂ, ਗਹਣਸਦ੍ਦੇਨੇવ ਸਮ੍ਬਨ੍ਧਿਤਬ੍ਬਨ੍ਤਿ ਦਸ੍ਸੇਨ੍ਤੋ ਆਹ ‘‘ਯਂ ਪੁਰਿਸਪੁਗ੍ਗਲੇਨਾ’’ਤਿਆਦਿ। ਤਨ੍ਤਿ ਗਹਣਂ, ‘‘ਹਤ੍ਥਗ੍ਗਹਣ’’ਨ੍ਤਿ વੁਤ੍ਤવਚਨਂ ਉਪਲਕ੍ਖਣਮਤ੍ਤਮੇવਾਤਿ ਆਹ ‘‘ਅਞ੍ਞਮ੍ਪੀ’’ਤਿਆਦਿ। ਤਤ੍ਥ ‘‘ਅਞ੍ਞਮ੍ਪੀ’’ਤਿ ਹਤ੍ਥਗਹਣਤੋ ਇਤਰਮ੍ਪਿ। ਅਪਾਰਾਜਿਕਕ੍ਖੇਤ੍ਤੇਤਿ ਉਬ੍ਭਕ੍ਖਕੇ ਅਧੋਜਾਣੁਮਣ੍ਡਲੇ। ਅਸ੍ਸਾਤਿ ‘‘ਹਤ੍ਥਗ੍ਗਹਣ’’ਨ੍ਤਿਪਦਸ੍ਸ। ਏਤ੍ਥਾਤਿ ‘‘ਅਸਦ੍ਧਮ੍ਮਸ੍ਸ ਪਟਿਸੇવਨਤ੍ਥਾਯਾ’’ਤਿਪਦੇ। ਕਾਯਸਂਸਗ੍ਗੋਤਿ ਕਾਯਸਂਸਗ੍ਗੋ ਏવ। ਤੇਨ વੁਤ੍ਤਂ ‘‘ਨ ਮੇਥੁਨਧਮ੍ਮੋ’’ਤਿ। ਹੀਤਿ ਸਚ੍ਚਂ, ਯਸ੍ਮਾ વਾ। ਏਤ੍ਥਾਤਿ ਕਾਯਸਂਸਗ੍ਗਗਹਣੇ। ਸਾਧਕਨ੍ਤਿ ਞਾਪਕਂ।
675. Catutthe methunarāgena avassutā nādhippetā, kāyasaṃsaggarāgena avassutāvādhippetāti āha ‘‘kāyasaṃsaggarāgena avassutā’’ti . ‘‘Purisapuggalassā’’tipadaṃ na hatthasaddena sambandhitabbaṃ, gahaṇasaddeneva sambandhitabbanti dassento āha ‘‘yaṃ purisapuggalenā’’tiādi. Tanti gahaṇaṃ, ‘‘hatthaggahaṇa’’nti vuttavacanaṃ upalakkhaṇamattamevāti āha ‘‘aññampī’’tiādi. Tattha ‘‘aññampī’’ti hatthagahaṇato itarampi. Apārājikakkhetteti ubbhakkhake adhojāṇumaṇḍale. Assāti ‘‘hatthaggahaṇa’’ntipadassa. Etthāti ‘‘asaddhammassa paṭisevanatthāyā’’tipade. Kāyasaṃsaggoti kāyasaṃsaggo eva. Tena vuttaṃ ‘‘na methunadhammo’’ti. Hīti saccaṃ, yasmā vā. Etthāti kāyasaṃsaggagahaṇe. Sādhakanti ñāpakaṃ.
ਤਿਸ੍ਸਿਤ੍ਥਿਯੋਤਿ ਭੁਮ੍ਮਤ੍ਥੇ ਚੇਤਂ ਉਪਯੋਗવਚਨਂ। ਤੀਸੁ ਇਤ੍ਥੀਸੂਤਿ ਹਿ ਅਤ੍ਥੋ, ਤਿਸ੍ਸੋ ਇਤ੍ਥਿਯੋ ਉਪਗਨ੍ਤ੍વਾਤਿ વਾ ਯੋਜੇਤਬ੍ਬੋ। ਏਸੇવ ਨਯੋ ਪਰਤੋਪਿ। ਯਂ ਮੇਥੁਨਂ ਅਤ੍ਥਿ, ਤਂ ਨ ਸੇવੇਤਿ ਯੋਜਨਾ। ਨ ਸੇવੇਤਿ ਚ ਨ ਸੇવਤਿ। ਤਿਕਾਰਸ੍ਸ ਹਿ ਏਕਾਰੋ। ਤਯੋ ਪੁਰਿਸੇਤਿ ਤੀਸੁ ਪੁਰਿਸੇਸੁ, ਤੇ વਾ ਉਪਗਨ੍ਤ੍વਾ। ਤਯੋ ਚ ਅਨਰਿਯਪਣ੍ਡਕੇਤਿ ਤੀਸੁ ਅਨਰਿਯਸਙ੍ਖਾਤੇਸੁ ਉਭਤੋਬ੍ਯਞ੍ਜਨਕੇਸੁ ਚ ਪਣ੍ਡਕੇਸੁ ਚ, ਤੇ વਾ ਉਪਗਨ੍ਤ੍વਾਤਿ ਯੋਜਨਾ। ਨ ਚਾਚਰੇ ਮੇਥੁਨਂ ਬ੍ਯਞ੍ਜਨਸ੍ਮਿਨ੍ਤਿ ਅਤ੍ਤਨੋ ਨਿਮਿਤ੍ਤਸ੍ਮਿਂ ਮੇਥੁਨਂ ਨ ਚ ਆਚਰਤਿ। ਇਦਂ ਅਨੁਲੋਮਪਾਰਾਜਿਕਂ ਸਨ੍ਧਾਯ વੁਤ੍ਤਂ। ਛੇਜ੍ਜਂ ਸਿਯਾ ਮੇਥੁਨਧਮ੍ਮਪਚ੍ਚਯਾਤਿ ਮੇਥੁਨਧਮ੍ਮਕਾਰਣਾ ਛੇਜ੍ਜਂ ਸਿਯਾ, ਪਾਰਾਜਿਕਂ ਭવੇਯ੍ਯਾਤਿ ਅਤ੍ਥੋ। ਕੁਸਲੇਹੀਤਿ ਪਞ੍ਹਾવਿਸਜ੍ਜਨੇ ਛੇਕੇਹਿ, ਛੇਕਕਾਮੇਹਿ વਾ। ਅਯਂ ਪਞ੍ਹੋ ਅਟ੍ਠવਤ੍ਥੁਕਂ ਸਨ੍ਧਾਯ વੁਤ੍ਤੋ।
Tissitthiyoti bhummatthe cetaṃ upayogavacanaṃ. Tīsu itthīsūti hi attho, tisso itthiyo upagantvāti vā yojetabbo. Eseva nayo paratopi. Yaṃ methunaṃ atthi, taṃ na seveti yojanā. Na seveti ca na sevati. Tikārassa hi ekāro. Tayo puriseti tīsu purisesu, te vā upagantvā. Tayo ca anariyapaṇḍaketi tīsu anariyasaṅkhātesu ubhatobyañjanakesu ca paṇḍakesu ca, te vā upagantvāti yojanā. Na cācare methunaṃ byañjanasminti attano nimittasmiṃ methunaṃ na ca ācarati. Idaṃ anulomapārājikaṃ sandhāya vuttaṃ. Chejjaṃ siyā methunadhammapaccayāti methunadhammakāraṇā chejjaṃ siyā, pārājikaṃ bhaveyyāti attho. Kusalehīti pañhāvisajjane chekehi, chekakāmehi vā. Ayaṃ pañho aṭṭhavatthukaṃ sandhāya vutto.
ਪਞ੍ਹਾવਿਸਜ੍ਜਨਤ੍ਥਾਯ ਚਿਨ੍ਤੇਨ੍ਤਾਨਂ ਸੇਦਮੋਚਨਕਾਰਣਤ੍ਤਾ ‘‘ਸੇਦਮੋਚਨਗਾਥਾ’’ਤਿ વੁਤ੍ਤਾ। વਿਰੁਜ੍ਝਤੀਤਿ ‘‘ਨ ਮੇਥੁਨਧਮ੍ਮੋ’’ਤਿ વਚਨੇਨ ‘‘ਛੇਜ੍ਜਂ ਸਿਯਾ ਮੇਥੁਨਧਮ੍ਮਪਚ੍ਚਯਾ’’ਤਿ વਚਨਂ વਿਰੁਜ੍ਝਤਿ, ਨ ਸਮੇਤੀਤਿ ਅਤ੍ਥੋ। ਇਤਿ ਚੇ વਦੇਯ੍ਯ, ਨ વਿਰੁਜ੍ਝਤਿ। ਕਸ੍ਮਾ? ਮੇਥੁਨਧਮ੍ਮਸ੍ਸ ਪੁਬ੍ਬਭਾਗਤ੍ਤਾਤਿ ਯੋਜਨਾ। ਇਮਿਨਾ ਮੇਥੁਨਧਮ੍ਮਸ੍ਸ ਪੁਬ੍ਬਭਾਗਭੂਤੋ ਕਾਯਸਂਸਗ੍ਗੋવ ਉਪਚਾਰੇਨ ਤਤ੍ਥ ਮੇਥੁਨਧਮ੍ਮਸਦ੍ਦੇਨ વੁਤ੍ਤੋ, ਨ ਦ੍વਯਂਦ੍વਯਸਮਾਪਤ੍ਤੀਤਿ ਦੀਪੇਤਿ। ਹਿਸਦ੍ਦੋ વਿਤ੍ਥਾਰਜੋਤਕੋ। ਪਰਿવਾਰੇਯੇવ વੁਤ੍ਤਾਨੀਤਿ ਸਮ੍ਬਨ੍ਧੋ। વਣ੍ਣਾવਣ੍ਣੋਤਿ ਸੁਕ੍ਕવਿਸਟ੍ਠਿ। ਧਨਮਨੁਪ੍ਪਾਦਾਨਨ੍ਤਿ ਸਞ੍ਚਰਿਤ੍ਤਂ । ‘‘ਇਮਿਨਾ ਪਰਿਯਾਯੇਨਾ’’ਤਿ ਇਮਿਨਾ ਲੇਸੇਨ ਸਮੀਪੂਪਚਾਰੇਨਾਤਿ ਅਤ੍ਥੋ। ਏਤੇਨੁਪਾਯੇਨਾਤਿ ‘‘ਹਤ੍ਥਗ੍ਗਹਣਂ ਸਾਦਿਯੇਯ੍ਯਾ’’ਤਿਪਦੇ વੁਤ੍ਤਉਪਾਯੇਨ। ਸਬ੍ਬਪਦੇਸੂਤਿ ਸਬ੍ਬੇਸੁ ‘‘ਸਙ੍ਘਾਟਿਕਣ੍ਣਗ੍ਗਹਣਂ ਸਾਦਿਯੇਯ੍ਯਾ’’ਤਿਆਦੀਸੁ ਪਦੇਸੁ। ਅਪਿ ਚਾਤਿ ਏਕਂਸੇਨ, વਿਸੇਸਂ વਕ੍ਖਾਮੀਤਿ ਅਧਿਪ੍ਪਾਯੋ। ‘‘ਏવਂਨਾਮਕਂ ਠਾਨ’’ਨ੍ਤਿ ਇਮਿਨਾ ‘‘ਇਤ੍ਥਂਨਾਮਂ ਇਮਸ੍ਸ ਠਾਨਸ੍ਸਾ’’ਤਿ વਚਨਤ੍ਥਂ ਦੀਪੇਤਿ।
Pañhāvisajjanatthāya cintentānaṃ sedamocanakāraṇattā ‘‘sedamocanagāthā’’ti vuttā. Virujjhatīti ‘‘na methunadhammo’’ti vacanena ‘‘chejjaṃ siyā methunadhammapaccayā’’ti vacanaṃ virujjhati, na sametīti attho. Iti ce vadeyya, na virujjhati. Kasmā? Methunadhammassa pubbabhāgattāti yojanā. Iminā methunadhammassa pubbabhāgabhūto kāyasaṃsaggova upacārena tattha methunadhammasaddena vutto, na dvayaṃdvayasamāpattīti dīpeti. Hisaddo vitthārajotako. Parivāreyeva vuttānīti sambandho. Vaṇṇāvaṇṇoti sukkavisaṭṭhi. Dhanamanuppādānanti sañcarittaṃ . ‘‘Iminā pariyāyenā’’ti iminā lesena samīpūpacārenāti attho. Etenupāyenāti ‘‘hatthaggahaṇaṃ sādiyeyyā’’tipade vuttaupāyena. Sabbapadesūti sabbesu ‘‘saṅghāṭikaṇṇaggahaṇaṃ sādiyeyyā’’tiādīsu padesu. Api cāti ekaṃsena, visesaṃ vakkhāmīti adhippāyo. ‘‘Evaṃnāmakaṃ ṭhāna’’nti iminā ‘‘itthaṃnāmaṃ imassa ṭhānassā’’ti vacanatthaṃ dīpeti.
੬੭੬. ਏਕਨ੍ਤਰਿਕਾਯ વਾਤਿ ਏਤ੍ਥ વਾਸਦ੍ਦੇਨ ਦ੍વਨ੍ਤਰਿਕਾਦੀਨਿਪਿ ਸਙ੍ਗਯ੍ਹਨ੍ਤਿ। ਯੇਨ ਤੇਨਾਤਿ ਯੇਨ વਾ ਤੇਨ વਾ। ਦ੍વਿਤਿਚਤੁਪ੍ਪਞ੍ਚਛવਤ੍ਥੂਨਿ ਪੇਯ੍ਯਾਲવਸੇਨ વਾ વਾਸਦ੍ਦੇਨ વਾ ਗਹੇਤਬ੍ਬਾਨਿ। ਅਪਿ ਚਾਤਿ ਕਿਞ੍ਚ ਭਿਯ੍ਯੋ, વਤ੍ਤਬ੍ਬવਿਸੇਸਂ વਕ੍ਖਾਮੀਤਿ ਅਧਿਪ੍ਪਾਯੋ। ਏਤ੍ਥਾਤਿ ‘‘ਆਪਤ੍ਤਿਯੋ ਦੇਸੇਤ੍વਾ’’ਤਿ વਚਨੇ। ਹੀਤਿ ਸਚ੍ਚਂ। વੁਤ੍ਤਨ੍ਤਿ ਪਰਿવਾਰੇ વੁਤ੍ਤਂ। ਤਤ੍ਰਾਤਿ ਪੁਰਿਮવਚਨਾਪੇਕ੍ਖਂ। ਦੇਸਿਤਾ ਆਪਤ੍ਤਿ ਗਣਨੂਪਿਕਾਤਿ ਯੋਜਨਾ। ਏਕਂ વਤ੍ਥੁਂ ਆਪਨ੍ਨਾ ਯਾ ਭਿਕ੍ਖੁਨੀਤਿ ਯੋਜਨਾ। ਧੁਰਨਿਕ੍ਖੇਪਂ ਕਤ੍વਾਤਿ ‘‘ਇਮਞ੍ਚ વਤ੍ਥੁਂ, ਅਞ੍ਞਮ੍ਪਿ ਚ વਤ੍ਥੁਂ ਨਾਪਜ੍ਜਿਸ੍ਸਾਮੀ’’ਤਿ ਧੁਰਨਿਕ੍ਖੇਪਂ ਕਤ੍વਾ। ਯਾ ਪਨ ਸਉਸ੍ਸਾਹਾવ ਦੇਸੇਤੀਤਿ ਯੋਜਨਾਤਿ। ਚਤੁਤ੍ਥਂ।
676.Ekantarikāya vāti ettha vāsaddena dvantarikādīnipi saṅgayhanti. Yena tenāti yena vā tena vā. Dviticatuppañcachavatthūni peyyālavasena vā vāsaddena vā gahetabbāni. Api cāti kiñca bhiyyo, vattabbavisesaṃ vakkhāmīti adhippāyo. Etthāti ‘‘āpattiyo desetvā’’ti vacane. Hīti saccaṃ. Vuttanti parivāre vuttaṃ. Tatrāti purimavacanāpekkhaṃ. Desitā āpatti gaṇanūpikāti yojanā. Ekaṃ vatthuṃ āpannā yā bhikkhunīti yojanā. Dhuranikkhepaṃ katvāti ‘‘imañca vatthuṃ, aññampi ca vatthuṃ nāpajjissāmī’’ti dhuranikkhepaṃ katvā. Yā pana saussāhāva desetīti yojanāti. Catutthaṃ.
ਸਾਧਾਰਣਾਤਿ ਭਿਕ੍ਖੁਨੀਹਿ ਸਾਧਾਰਣਾ। ਏਤ੍ਥਾਤਿ ‘‘ਉਦ੍ਦਿਟ੍ਠਾ ਖੋ ਅਯ੍ਯਾਯੋ’’ਤਿਆਦਿવਚਨੇ।
Sādhāraṇāti bhikkhunīhi sādhāraṇā. Etthāti ‘‘uddiṭṭhā kho ayyāyo’’tiādivacane.
ਇਤਿ ਸਮਨ੍ਤਪਾਸਾਦਿਕਾਯ વਿਨਯਸਂવਣ੍ਣਨਾਯ
Iti samantapāsādikāya vinayasaṃvaṇṇanāya
ਭਿਕ੍ਖੁਨਿવਿਭਙ੍ਗੇ ਪਾਰਾਜਿਕਕਣ੍ਡવਣ੍ਣਨਾਯ ਯੋਜਨਾ ਸਮਤ੍ਤਾ।
Bhikkhunivibhaṅge pārājikakaṇḍavaṇṇanāya yojanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੪. ਚਤੁਤ੍ਥਪਾਰਾਜਿਕਂ • 4. Catutthapārājikaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā / ੪. ਚਤੁਤ੍ਥਪਾਰਾਜਿਕਸਿਕ੍ਖਾਪਦવਣ੍ਣਨਾ • 4. Catutthapārājikasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੪. ਚਤੁਤ੍ਥਪਾਰਾਜਿਕਸਿਕ੍ਖਾਪਦવਣ੍ਣਨਾ • 4. Catutthapārājikasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੪. ਚਤੁਤ੍ਥਪਾਰਾਜਿਕਸਿਕ੍ਖਾਪਦવਣ੍ਣਨਾ • 4. Catutthapārājikasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੪. ਅਟ੍ਠવਤ੍ਥੁਕਸਿਕ੍ਖਾਪਦવਣ੍ਣਨਾ • 4. Aṭṭhavatthukasikkhāpadavaṇṇanā
