| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
4. சதுத்த²பாராஜிகஸிக்கா²பத³வண்ணனா
4. Catutthapārājikasikkhāpadavaṇṇanā
675. சதுத்தே² லோகஸ்ஸாத³மித்தஸந்த²வவஸேனாதி லோகஸ்ஸாத³ஸங்கா²தஸ்ஸ மித்தஸந்த²வஸ்ஸ வஸேன. வுத்தமேவத்த²ங் பரியாயந்தரேன விபா⁴வேதுங் ‘‘காயஸங்ஸக்³க³ராகே³னா’’தி வுத்தங்.
675. Catutthe lokassādamittasanthavavasenāti lokassādasaṅkhātassa mittasanthavassa vasena. Vuttamevatthaṃ pariyāyantarena vibhāvetuṃ ‘‘kāyasaṃsaggarāgenā’’ti vuttaṃ.
திஸ்ஸித்தி²யோ மேது²னங் தங் ந ஸேவேதி (பரி॰ அட்ட²॰ 481) யா திஸ்ஸோ இத்தி²யோ வுத்தா, தாஸுபி யங் தங் மேது²னங் நாம, தங் ந ஸேவதி. தயோ புரிஸேதி தயோ புரிஸேபி உபக³ந்த்வா மேது²னங் ந ஸேவதி. தயோ ச அனரியபண்ட³கேதி உப⁴தொப்³யஞ்ஜனஸங்கா²தே தயோ அனரியே, தயோ ச பண்ட³கேதி இமேபி ச² ஜனே உபக³ந்த்வா மேது²னங் ந ஸேவதி. ந சாசரே மேது²னங் ப்³யஞ்ஜனஸ்மிந்தி அனுலோமபாராஜிகவஸேனபி அத்தனோ நிமித்தே மேது²னங் நாசரதி. சே²ஜ்ஜங் ஸியா மேது²னத⁴ம்மபச்சயாதி ஸியா மேது²னத⁴ம்மபச்சயா பாராஜிகந்தி அயங் பஞ்ஹோ அட்ட²வத்து²கங்வ ஸந்தா⁴ய வுத்தோ. தஸ்ஸா ஹி மேது²னத⁴ம்மஸ்ஸ புப்³ப³பா⁴க³காயஸங்ஸக்³க³ங் ஆபஜ்ஜிதுங் வாயமந்தியா மேது²னத⁴ம்மபச்சயா சே²ஜ்ஜங் ஹோதி. சே²தோ³யேவ சே²ஜ்ஜங்.
Tissitthiyo methunaṃ taṃ na seveti (pari. aṭṭha. 481) yā tisso itthiyo vuttā, tāsupi yaṃ taṃ methunaṃ nāma, taṃ na sevati. Tayo puriseti tayo purisepi upagantvā methunaṃ na sevati. Tayo ca anariyapaṇḍaketi ubhatobyañjanasaṅkhāte tayo anariye, tayo ca paṇḍaketi imepi cha jane upagantvā methunaṃ na sevati. Na cācare methunaṃ byañjanasminti anulomapārājikavasenapi attano nimitte methunaṃ nācarati. Chejjaṃ siyā methunadhammapaccayāti siyā methunadhammapaccayā pārājikanti ayaṃ pañho aṭṭhavatthukaṃva sandhāya vutto. Tassā hi methunadhammassa pubbabhāgakāyasaṃsaggaṃ āpajjituṃ vāyamantiyā methunadhammapaccayā chejjaṃ hoti. Chedoyeva chejjaṃ.
மேது²னத⁴ம்மஸ்ஸ புப்³ப³பா⁴க³த்தாதி இமினா மேது²னத⁴ம்மஸ்ஸ புப்³ப³பா⁴க³பூ⁴தோ காயஸங்ஸக்³கோ³யேவ தத்த² மேது²னத⁴ம்ம-ஸத்³தே³ன வுத்தோ, ந த்³வயங்த்³வயஸமாபத்தீதி தீ³பேதி. வண்ணாவண்ணோதி த்³வீஹி ஸுக்கவிஸ்ஸட்டி² வுத்தா. க³மனுப்பாத³னந்தி ஸஞ்சரித்தங். ஸப்³ப³பதே³ஸூதி ‘‘ஸங்கா⁴டிகண்ணக்³க³ஹணங் ஸாதி³யெய்யா’’திஆதீ³ஸு. ஸேஸமெத்த² உத்தானமேவ. காயஸங்ஸக்³க³ராகோ³, ஸஉஸ்ஸாஹதா, அட்ட²மஸ்ஸ வத்து²ஸ்ஸ பூரணந்தி இமானி பனெத்த² தீணி அங்கா³னி.
Methunadhammassa pubbabhāgattāti iminā methunadhammassa pubbabhāgabhūto kāyasaṃsaggoyeva tattha methunadhamma-saddena vutto, na dvayaṃdvayasamāpattīti dīpeti. Vaṇṇāvaṇṇoti dvīhi sukkavissaṭṭhi vuttā. Gamanuppādananti sañcarittaṃ. Sabbapadesūti ‘‘saṅghāṭikaṇṇaggahaṇaṃ sādiyeyyā’’tiādīsu. Sesamettha uttānameva. Kāyasaṃsaggarāgo, saussāhatā, aṭṭhamassa vatthussa pūraṇanti imāni panettha tīṇi aṅgāni.
சதுத்த²பாராஜிகஸிக்கா²பத³வண்ணனா நிட்டி²தா.
Catutthapārājikasikkhāpadavaṇṇanā niṭṭhitā.
பி⁴க்கு²னீவிப⁴ங்கே³ பாராஜிககண்ட³வண்ணனா நிட்டி²தா.
Bhikkhunīvibhaṅge pārājikakaṇḍavaṇṇanā niṭṭhitā.
பாராஜிககண்ட³ங் நிட்டி²தங்.
Pārājikakaṇḍaṃ niṭṭhitaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 4. சதுத்த²பாராஜிகங் • 4. Catutthapārājikaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / 4. சதுத்த²பாராஜிகஸிக்கா²பத³வண்ணனா • 4. Catutthapārājikasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 4. சதுத்த²பாராஜிகஸிக்கா²பத³வண்ணனா • 4. Catutthapārājikasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 4. அட்ட²வத்து²கஸிக்கா²பத³வண்ணனா • 4. Aṭṭhavatthukasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 4. சதுத்த²பாராஜிகஸிக்கா²பத³ங் • 4. Catutthapārājikasikkhāpadaṃ
