| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
4. жад̇уд̇т̇абаарааж̇игаван̣н̣анаа
4. Catutthapārājikavaṇṇanā
анабхиж̇аананд̇и на абхиж̇аанам̣. язна хи яо д̇хаммо ад̇хиг̇ад̇о, со д̇асса баагадо ход̇ийд̇и ааха ‘‘сагасанд̇аанз’’д̇иаад̣̇и. уд̇д̇аримануссаананд̇и багад̇имануссзхи уд̇д̇арид̇араанам̣ мануссаанам̣, уггадтамануссаананд̇и ад̇т̇о. д̇хамманд̇и махаг̇г̇ад̇алогуд̇д̇арабхууд̇ам̣ ад̇хиг̇ад̇ад̇хаммам̣. ат̇а ваа уд̇д̇аримануссад̇хаммаад̇и уд̇д̇аримануссад̇хаммо. мануссад̇хаммо наама винаа бхааванааманасигаарзна багад̇ияаа мануссзхи ниб̣б̣ад̇д̇зд̇аб̣б̣о д̣̇асагусалагаммабат̇ад̇хаммо. со хи мануссаанам̣ жид̇д̇аад̇хидтаанамад̇д̇зна иж̇жханад̇о д̇зсам̣ со бхаавид̇ад̇хаммо вияа тид̇од̇и д̇ат̇аа вуд̇д̇о, мануссаг̇г̇ахан̣ан̃жзд̇т̇а д̇зсу б̣ахулам̣ бавад̇д̇анад̇о. жхаанаад̣̇игам̣ бана д̇аб̣б̣ид̇хуранд̇и д̇ад̇уд̇д̇ари, ид̇и уд̇д̇ари мануссад̇хаммаад̇и уд̇д̇аримануссад̇хаммо, д̇ам̣ уд̇д̇аримануссад̇хамманд̇и звамбзд̇т̇а ад̇т̇о д̣̇адтаб̣б̣о. самуд̣̇аажаранд̇од̇и аарожзнд̇о.
Anabhijānanti na abhijānaṃ. Yena hi yo dhammo adhigato, so tassa pākaṭo hotīti āha ‘‘sakasantāne’’tiādi. Uttarimanussānanti pakatimanussehi uttaritarānaṃ manussānaṃ, ukkaṭṭhamanussānanti attho. Dhammanti mahaggatalokuttarabhūtaṃ adhigatadhammaṃ. Atha vā uttarimanussadhammāti uttarimanussadhammo. Manussadhammo nāma vinā bhāvanāmanasikārena pakatiyā manussehi nibbattetabbo dasakusalakammapathadhammo. So hi manussānaṃ cittādhiṭṭhānamattena ijjhanato tesaṃ so bhāvitadhammo viya ṭhitoti tathā vutto, manussaggahaṇañcettha tesu bahulaṃ pavattanato. Jhānādikaṃ pana tabbidhuranti tatuttari, iti uttari manussadhammāti uttarimanussadhammo, taṃ uttarimanussadhammanti evampettha attho daṭṭhabbo. Samudācarantoti ārocento.
гин̃жааби логияалогуд̇д̇араа саб̣б̣аава бан̃н̃аа ‘‘н̃аан̣а’’нд̇и вужжад̇и, ид̇ха бана махаг̇г̇ад̇алогуд̇д̇араава взд̣̇ид̇аб̣б̣аад̇и ааха ‘‘махаг̇г̇ад̇алогуд̇д̇арабан̃н̃аа ж̇аананадтзна н̃аан̣а’’нд̇и. гилзсзхи аарагад̇д̇аа барисуд̣̇д̇хадтзна арияанд̇и ааха ‘‘арияам̣ висуд̣̇д̇хам̣ уд̇д̇ама’’нд̇и. арияасад̣̇д̣̇о жзд̇т̇а висуд̣̇д̇хабарияааяо, на логуд̇д̇арабарияааяо. жхаанаад̣̇ибхзд̣̇зд̇и аад̣̇исад̣̇д̣̇зна ‘‘вимогко, самаад̇хи, самаабад̇д̇и, н̃аан̣ад̣̇ассанам̣, маг̇г̇абхааванаа, паласажчигирияаа, гилзсаббахаанам̣, винийваран̣ад̇аа жид̇д̇асса, сун̃н̃ааг̇аарз абхирад̇ий’’д̇и (баараа. 198) имз сан̇г̇ан̣хаад̇и. вин̃н̃усса мануссаж̇аад̇игассаад̇и аарожзд̇аб̣б̣абуг̇г̇аланид̣̇ассанам̣. зд̇асса хи аарожид̇з аарожид̇ам̣ ход̇и, на д̣̇зваб̣рахмаанам̣, нааби бзд̇аяагкад̇иражчаанаг̇ад̇аананд̇и. аарожзяяаад̇и вад̣̇зяяа, вин̃н̃аабзяяаад̇и вуд̇д̇ам̣ ход̇и. винаа ан̃н̃аабад̣̇зсзнаад̇и ‘‘яо д̇з вихаарз васад̇и, со бхигку батамасса жхаанасса лаабхий’’д̇иаад̣̇инаа (баараа. 220) наязна ан̃н̃аабад̣̇зсам̣ винаад̇и ад̇т̇о. ид̇хзваад̇и ‘‘ид̇и ж̇аанаами, ид̇и бассаамий’’д̇и имасмим̣язва бад̣̇з. ‘‘д̇зна вуд̇д̇а’’нд̇иаад̣̇и ниг̇аманам̣.
Kiñcāpi lokiyalokuttarā sabbāva paññā ‘‘ñāṇa’’nti vuccati, idha pana mahaggatalokuttarāva veditabbāti āha ‘‘mahaggatalokuttarapaññā jānanaṭṭhena ñāṇa’’nti. Kilesehi ārakattā parisuddhaṭṭhena ariyanti āha ‘‘ariyaṃ visuddhaṃ uttama’’nti. Ariyasaddo cettha visuddhapariyāyo, na lokuttarapariyāyo. Jhānādibhedeti ādisaddena ‘‘vimokkho, samādhi, samāpatti, ñāṇadassanaṃ, maggabhāvanā, phalasacchikiriyā, kilesappahānaṃ, vinīvaraṇatā cittassa, suññāgāre abhiratī’’ti (pārā. 198) ime saṅgaṇhāti. Viññussa manussajātikassāti ārocetabbapuggalanidassanaṃ. Etassa hi ārocite ārocitaṃ hoti, na devabrahmānaṃ, nāpi petayakkhatiracchānagatānanti. Āroceyyāti vadeyya, viññāpeyyāti vuttaṃ hoti. Vinā aññāpadesenāti ‘‘yo te vihāre vasati, so bhikkhu paṭhamassa jhānassa lābhī’’tiādinā (pārā. 220) nayena aññāpadesaṃ vināti attho. Idhevāti ‘‘iti jānāmi, iti passāmī’’ti imasmiṃyeva pade. ‘‘Tena vutta’’ntiādi nigamanaṃ.
самануг̇г̇аахийяамаанод̇и жод̣̇ияамаано, яам̣ вад̇т̇у аарожид̇ам̣ ход̇и, д̇асмим̣ вад̇т̇усмим̣ ‘‘гим̣ д̇з ад̇хиг̇ад̇ам̣, гинд̇и д̇з ад̇хиг̇ад̇ам̣, гад̣̇аа д̇з ад̇хиг̇ад̇ам̣, гад̇т̇а д̇з ад̇хиг̇ад̇ам̣, гад̇амз д̇з гилзсаа бахийнаа, гад̇амзсам̣ д̇вам̣ д̇хаммаанам̣ лаабхий’д̇и гзнажи вужжамаано’’д̇и вуд̇д̇ам̣ ход̇и. асамануг̇г̇аахийяамаанод̇и на гзнажи вужжамаано.
Samanuggāhīyamānoti codiyamāno, yaṃ vatthu ārocitaṃ hoti, tasmiṃ vatthusmiṃ ‘‘kiṃ te adhigataṃ, kinti te adhigataṃ, kadā te adhigataṃ, kattha te adhigataṃ, katame te kilesā pahīnā, katamesaṃ tvaṃ dhammānaṃ lābhī’ti kenaci vuccamāno’’ti vuttaṃ hoti. Asamanuggāhīyamānoti na kenaci vuccamāno.
‘‘бхигкубхаавз тад̇ваа абхаб̣б̣о жхаанаад̣̇ийни ад̇хиг̇анд̇у’’нд̇и сигкаабад̣̇аад̇иггамасса анд̇арааяагарад̇д̇аа вуд̇д̇ам̣. бхигкубхааво хисса саг̇г̇анд̇арааяо жзва ход̇и маг̇г̇анд̇арааяо жа (баараа. адта. 2.198). вуд̇д̇ан̃хзд̇ам̣ ‘‘сааман̃н̃ам̣ д̣̇уббараамадтам̣, нираяааяубагад̣дхад̇ий’’д̇и (сам̣. ни. 1.89; д̇ха. ба. 311). абарамби вуд̇д̇ам̣ ‘‘сит̇ило хи бариб̣б̣ааж̇о, бхияяо аагирад̇з раж̇а’’нд̇и (сам̣. ни. 1.89; д̇ха. ба. 313). бхигкубхаавод̇и баарааж̇игам̣ аабаж̇ж̇ид̇ваа ‘‘саман̣о аха’’нд̇и бадиж̇аананад̇о вохаарамад̇д̇асид̣̇д̇хо бхигкубхааво. д̣̇аанаад̣̇ийхийд̇и д̣̇аанасаран̣асийласам̣вараад̣̇ийхи.
‘‘Bhikkhubhāve ṭhatvā abhabbo jhānādīni adhigantu’’nti sikkhāpadātikkamassa antarāyakarattā vuttaṃ. Bhikkhubhāvo hissa saggantarāyo ceva hoti maggantarāyo ca (pārā. aṭṭha. 2.198). Vuttañhetaṃ ‘‘sāmaññaṃ dupparāmaṭṭhaṃ, nirayāyupakaḍḍhatī’’ti (saṃ. ni. 1.89; dha. pa. 311). Aparampi vuttaṃ ‘‘sithilo hi paribbājo, bhiyyo ākirate raja’’nti (saṃ. ni. 1.89; dha. pa. 313). Bhikkhubhāvoti pārājikaṃ āpajjitvā ‘‘samaṇo aha’’nti paṭijānanato vohāramattasiddho bhikkhubhāvo. Dānādīhīti dānasaraṇasīlasaṃvarādīhi.
аж̇аанамзваад̇и зд̇т̇а зваад̇и авад̇хааран̣ад̇т̇з нибаад̇о. ‘‘аж̇аанамзва’’нд̇иби батанд̇и. д̇ад̇т̇а бана ‘‘звам̣ ж̇аанаами, звам̣ бассаамий’’д̇и аважанд̇и яож̇зд̇аб̣б̣ам̣. важанад̇т̇авирахад̇од̇и ‘‘батамам̣ жхаанам̣ самаабаж̇ж̇и’’нд̇и аад̣̇иважанасса (баараа. 209) ад̇т̇абхууд̇зна жхаанаад̣̇инаа важ̇ж̇ид̇ад̇д̇аа д̇ужчам̣ уд̣̇агаад̣̇исун̃н̃ам̣ бхааж̇анам̣ вияа. мусаад̇и висам̣ваад̣̇анабурзгкаарасса барависам̣ваад̣̇аго важийбаяог̇о, гааяабаяог̇о ваа. д̇знааха ‘‘ван̃жанаад̇хиббааяад̇о мусаа’’д̇и. мусаа жа ван̃жанаад̇хиббааяо жа буб̣б̣абхааг̇агкан̣з, д̇ан̇кан̣з жа. вуд̇д̇ан̃хи ‘‘буб̣б̣з ваасса ход̇и ‘мусаа бхан̣исса’нд̇и, бхан̣анд̇асса ход̇и ‘мусаа бхан̣аамий’’’д̇и (баараа. 200). зд̇ан̃хи д̣̇ваяам̣ ан̇г̇абхууд̇ам̣, ид̇арам̣ бана ход̇у ваа, маа ваа, агааран̣амзд̇ам̣. абхан̣инд̇и вин̃н̃аабанам̣ агаасим̣.
Ajānamevāti ettha evāti avadhāraṇatthe nipāto. ‘‘Ajānameva’’ntipi paṭhanti. Tattha pana ‘‘evaṃ jānāmi, evaṃ passāmī’’ti avacanti yojetabbaṃ. Vacanatthavirahatoti ‘‘paṭhamaṃ jhānaṃ samāpajji’’nti ādivacanassa (pārā. 209) atthabhūtena jhānādinā vajjitattā tucchaṃ udakādisuññaṃ bhājanaṃ viya. Musāti visaṃvādanapurekkhārassa paravisaṃvādako vacīpayogo, kāyapayogo vā. Tenāha ‘‘vañcanādhippāyato musā’’ti. Musā ca vañcanādhippāyo ca pubbabhāgakkhaṇe, taṅkhaṇe ca. Vuttañhi ‘‘pubbe vāssa hoti ‘musā bhaṇissa’nti, bhaṇantassa hoti ‘musā bhaṇāmī’’’ti (pārā. 200). Etañhi dvayaṃ aṅgabhūtaṃ, itaraṃ pana hotu vā, mā vā, akāraṇametaṃ. Abhaṇinti viññāpanaṃ akāsiṃ.
ан̃н̃ад̇ра ад̇химаанаад̇и ад̇хиг̇ад̇о маано, ад̇хиго ваа маано ад̇химаано, т̇ад̣̇д̇хамаанод̇и ад̇т̇о, д̇ам̣ винаад̇и ад̇т̇о. гасса банааяам̣ ад̇химаано уббаж̇ж̇ад̇и, гасса нуббаж̇ж̇ад̇и? арияасаавагасса д̇аава нуббаж̇ж̇ад̇и (баараа. адта. 2.196). со хи маг̇г̇апаланиб̣б̣аанабахийнагилзсаавасидтагилзсабажжавзгкан̣зна сан̃ж̇аад̇асоманассо арияаг̇ун̣аббадивзд̇хз нигган̇ко, д̇асмаа сод̇аабаннаад̣̇ийнам̣ ‘‘ахам̣ сагад̣̇ааг̇аамий’’д̇иаад̣̇ивасзна маано нуббаж̇ж̇ад̇и. д̣̇уссийласса нуббаж̇ж̇ад̇и. со хи арияаг̇ун̣аад̇хиг̇амз нираасова. сийлавад̇оби барижжад̇д̇агаммадтаанасса нид̣̇д̣̇аараамад̇аад̣̇имануяуд̇д̇асса нуббаж̇ж̇ад̇и, субарисуд̣̇д̇хасийласса бана гаммадтаанз аббамад̇д̇асса наамаруубам̣ вавад̇т̇абзд̇ваа бажжаяабариг̇г̇ахзна вид̇ин̣н̣аган̇касса д̇илагкан̣ам̣ ааробзд̇ваа сан̇каарз саммасанд̇асса аарад̣̇д̇хавибассагасса уббаж̇ж̇ад̇и. д̇знааха ‘‘явааяа’’нд̇иаад̣̇и. д̇ад̇т̇а д̇илагкан̣ам̣ ааробзд̇ваад̇и (саарад̇т̇а. дий. 2.196) галаабасаммасанавасзна анижжаад̣̇илагкан̣ад̇д̇аяам̣ ааробзд̇ваа. саммасанд̇ассаад̇и вибассанд̇асса. аарад̣̇д̇хавибассагассаад̇и уд̣̇аяаб̣б̣аяаанубассанааяа аарад̣̇д̇хавибассагасса. абад̇д̇зд̇и ад̇д̇ано санд̇аанз уббад̇д̇ивасзна абад̇д̇з, анад̇хиг̇ад̇зд̇и вуд̇д̇ам̣ ход̇и. бад̇д̇асан̃н̃ид̇аасан̇каад̇од̇и ‘‘бад̇д̇о маяаа уд̇д̇аримануссад̇хаммо’’д̇и звам̣сан̃н̃ид̇аасан̇каад̇о ад̇химаано уббаж̇ж̇ад̇и. уббанно жа суд̣̇д̇хасамат̇алаабхим̣ ваа суд̣̇д̇хавибассанаалаабхим̣ ваа анд̇араа табзд̇и. со хи д̣̇асаби вийсамби д̇им̣самби вассаани гилзсасамуд̣̇аажаарам̣ абассанд̇о ‘‘ахам̣ сод̇аабанно’’д̇и ваа ‘‘сагад̣̇ааг̇аамий’’д̇и ваа ‘‘анааг̇аамий’’д̇и ваа ман̃н̃ад̇и. самат̇авибассанаалаабхим̣ бана арахад̇д̇зязва табзд̇и. д̇асса хи самаад̇хиб̣алзна гилзсаа вигкамбхид̇аа, вибассанааб̣алзна сан̇каараа субариг̇г̇ахид̇аа, д̇асмаа садтимби вассаани, асийд̇имби вассаани, вассасад̇амби гилзсаа на самуд̣̇аажаранд̇и, кийн̣аасавассзва жид̇д̇аажааро ход̇и. со звам̣ д̣̇ийгхарад̇д̇ам̣ гилзсасамуд̣̇аажаарам̣ абассанд̇о анд̇араа адтад̇ваава ‘‘арахаа аха’’нд̇и ман̃н̃ад̇ийд̇и. ‘‘д̇ам̣ ад̇химаанам̣ табзд̇ваа’’д̇и иминаа ‘‘ан̃н̃ад̇раа’’д̇и бад̣̇ам̣ абзгкид̇ваа ‘‘ад̇химаанаа’’д̇и убаяог̇ад̇т̇з ниссаггаважананд̇и д̣̇ассзд̇и.
Aññatra adhimānāti adhigato māno, adhiko vā māno adhimāno, thaddhamānoti attho, taṃ vināti attho. Kassa panāyaṃ adhimāno uppajjati, kassa nuppajjati? Ariyasāvakassa tāva nuppajjati (pārā. aṭṭha. 2.196). So hi maggaphalanibbānapahīnakilesāvasiṭṭhakilesapaccavekkhaṇena sañjātasomanasso ariyaguṇappaṭivedhe nikkaṅkho, tasmā sotāpannādīnaṃ ‘‘ahaṃ sakadāgāmī’’tiādivasena māno nuppajjati. Dussīlassa nuppajjati. So hi ariyaguṇādhigame nirāsova. Sīlavatopi pariccattakammaṭṭhānassa niddārāmatādimanuyuttassa nuppajjati, suparisuddhasīlassa pana kammaṭṭhāne appamattassa nāmarūpaṃ vavatthapetvā paccayapariggahena vitiṇṇakaṅkhassa tilakkhaṇaṃ āropetvā saṅkhāre sammasantassa āraddhavipassakassa uppajjati. Tenāha ‘‘yvāya’’ntiādi. Tattha tilakkhaṇaṃ āropetvāti (sārattha. ṭī. 2.196) kalāpasammasanavasena aniccādilakkhaṇattayaṃ āropetvā. Sammasantassāti vipassantassa. Āraddhavipassakassāti udayabbayānupassanāya āraddhavipassakassa. Apatteti attano santāne uppattivasena apatte, anadhigateti vuttaṃ hoti. Pattasaññitāsaṅkhātoti ‘‘patto mayā uttarimanussadhammo’’ti evaṃsaññitāsaṅkhāto adhimāno uppajjati. Uppanno ca suddhasamathalābhiṃ vā suddhavipassanālābhiṃ vā antarā ṭhapeti. So hi dasapi vīsampi tiṃsampi vassāni kilesasamudācāraṃ apassanto ‘‘ahaṃ sotāpanno’’ti vā ‘‘sakadāgāmī’’ti vā ‘‘anāgāmī’’ti vā maññati. Samathavipassanālābhiṃ pana arahatteyeva ṭhapeti. Tassa hi samādhibalena kilesā vikkhambhitā, vipassanābalena saṅkhārā supariggahitā, tasmā saṭṭhimpi vassāni, asītimpi vassāni, vassasatampi kilesā na samudācaranti, khīṇāsavasseva cittācāro hoti. So evaṃ dīgharattaṃ kilesasamudācāraṃ apassanto antarā aṭṭhatvāva ‘‘arahā aha’’nti maññatīti. ‘‘Taṃ adhimānaṃ ṭhapetvā’’ti iminā ‘‘aññatrā’’ti padaṃ apekkhitvā ‘‘adhimānā’’ti upayogatthe nissakkavacananti dasseti.
баабижчад̇ааяаад̇и баабаа ижчаа зд̇ассаад̇и баабижчо, д̇асса бхааво баабижчад̇аа, д̇ааяа, баабигааяа ижчааяаад̇и ад̇т̇о. яаа саа ‘‘ид̇хзгажжо д̣̇уссийлова самаано ‘сийлаваа’д̇и мам̣ ж̇ано ж̇аанаад̇уу’’д̇иаад̣̇инаа (вибха. 851) наязна вуд̇д̇аа, д̇ааяа асанд̇аг̇ун̣асамбхааванижчааяаад̇и вуд̇д̇ам̣ ход̇и. иминаа бана манд̣̇ад̇д̇аа момуухад̇д̇аа самуд̣̇аажаранд̇асса анаабад̇д̇ийд̇и д̣̇ассзд̇и. аяамбийд̇и би-сад̣̇д̣̇зна на гзвалам̣ буримаа д̇аяоваад̇и д̣̇ассзд̇и.
Pāpicchatāyāti pāpā icchā etassāti pāpiccho, tassa bhāvo pāpicchatā, tāya, pāpikāya icchāyāti attho. Yā sā ‘‘idhekacco dussīlova samāno ‘sīlavā’ti maṃ jano jānātū’’tiādinā (vibha. 851) nayena vuttā, tāya asantaguṇasambhāvanicchāyāti vuttaṃ hoti. Iminā pana mandattā momūhattā samudācarantassa anāpattīti dasseti. Ayampīti pi-saddena na kevalaṃ purimā tayovāti dasseti.
асанд̇анд̇и абхууд̇ам̣. жхаанаад̣̇ид̇хамманд̇и жхаанам̣, вимогко, самаад̇хи, самаабад̇д̇и, н̃аан̣ад̣̇ассанам̣, маг̇г̇абхааванаа, паласажчигирияаа, гилзсаббахаанам̣, винийваран̣ад̇аа жид̇д̇асса, сун̃н̃ааг̇аарз абхирад̇ий’’д̇и (баараа. 198) звам̣ вуд̇д̇ам̣ уд̇д̇аримануссад̇хаммам̣. яасса аарожзд̇ийд̇и (баараа. адта. 2.215) ваажааяа ваа хад̇т̇авигаараад̣̇ийхи ваа ан̇г̇абажжан̇г̇ажобанзхи вин̃н̃ад̇д̇ибат̇з тид̇асса яасса буг̇г̇аласса аарожзд̇и. вин̃н̃ад̇д̇ибат̇ам̣ бана ад̇иггамид̇ваа тид̇о гожи жз д̣̇иб̣б̣зна жагкунаа (саарад̇т̇а. дий. 2.215), д̣̇иб̣б̣ааяа жа сод̇ад̇хаад̇уяаа д̣̇исваа жа суд̇ваа жа ж̇аанаад̇и, на баарааж̇игам̣. яоби ‘‘гим̣ аяам̣ бхан̣ад̇ий’’д̇и сам̣саяам̣ ваа аабаж̇ж̇ад̇и, жирам̣ виймам̣сид̇ваа ваа бажчаа ж̇аанаад̇и, ‘‘авиж̇аананд̇о’’ижжзва сан̇кяам̣ г̇ажчад̇и. яо бана жхаанаад̣̇ийни ад̇д̇ано ад̇хиг̇амавасзна ваа уг̇г̇ахабарибужчаад̣̇ивасзна ваа на ж̇аанаад̇и, гзвалам̣ ‘‘жхаана’’нд̇и ваа ‘‘вимогко’’д̇и ваа важанамад̇д̇амзва суд̇ам̣ ход̇и, соби д̇зна вуд̇д̇з ‘‘жхаанам̣ гира самаабаж̇ж̇ий’’д̇и зса вад̣̇ад̇ийд̇и яад̣̇и зд̇д̇агамад̇д̇амби ж̇аанаад̇и, ‘‘ж̇аанаад̇и’’жжзва сан̇кяам̣ г̇ажчад̇и, д̇асса вуд̇д̇з баарааж̇игамзва. сзсо бана згасса ваа д̣̇виннам̣ ваа б̣ахуунам̣ ваа нияамид̇аанияамид̇авасзна висзсо саб̣б̣о сигкаабажжагкаанагат̇ааяам̣ вуд̇д̇анаязнзва взд̣̇ид̇аб̣б̣о. барияааяабхаасанз бана ‘‘аха’’нд̇и авуд̇д̇ад̇д̇аа бадивиж̇аананд̇асса вуд̇д̇зби т̇уллажжаяам̣. висам̣ваад̣̇анаад̇хиббааязна мусааваад̣̇абаяог̇асса гад̇ад̇д̇аа аббадивиж̇аананд̇ассааби д̣̇уггаданд̇и ааха ‘‘яо д̇з вихаарз васад̇и…бз… д̣̇уггада’’нд̇и. ануллабанаад̇хиббааяассаад̇и уллабанаад̇хиббааяавирахид̇асса, абхууд̇аарожанаад̇хиббааяавирахид̇ассаад̇и ад̇т̇о. уммад̇д̇агаад̣̇аяо буб̣б̣з вуд̇д̇анаяаа зва. ид̇ха бана аад̣̇игаммигаа ваг̇г̇умуд̣̇аад̇ийрияабхигкуу, д̇зсам̣ анаабад̇д̇и.
Asantanti abhūtaṃ. Jhānādidhammanti jhānaṃ, vimokkho, samādhi, samāpatti, ñāṇadassanaṃ, maggabhāvanā, phalasacchikiriyā, kilesappahānaṃ, vinīvaraṇatā cittassa, suññāgāre abhiratī’’ti (pārā. 198) evaṃ vuttaṃ uttarimanussadhammaṃ. Yassa ārocetīti (pārā. aṭṭha. 2.215) vācāya vā hatthavikārādīhi vā aṅgapaccaṅgacopanehi viññattipathe ṭhitassa yassa puggalassa āroceti. Viññattipathaṃ pana atikkamitvā ṭhito koci ce dibbena cakkhunā (sārattha. ṭī. 2.215), dibbāya ca sotadhātuyā disvā ca sutvā ca jānāti, na pārājikaṃ. Yopi ‘‘kiṃ ayaṃ bhaṇatī’’ti saṃsayaṃ vā āpajjati, ciraṃ vīmaṃsitvā vā pacchā jānāti, ‘‘avijānanto’’icceva saṅkhyaṃ gacchati. Yo pana jhānādīni attano adhigamavasena vā uggahaparipucchādivasena vā na jānāti, kevalaṃ ‘‘jhāna’’nti vā ‘‘vimokkho’’ti vā vacanamattameva sutaṃ hoti, sopi tena vutte ‘‘jhānaṃ kira samāpajjī’’ti esa vadatīti yadi ettakamattampi jānāti, ‘‘jānāti’’cceva saṅkhyaṃ gacchati, tassa vutte pārājikameva. Seso pana ekassa vā dvinnaṃ vā bahūnaṃ vā niyamitāniyamitavasena viseso sabbo sikkhāpaccakkhānakathāyaṃ vuttanayeneva veditabbo. Pariyāyabhāsane pana ‘‘aha’’nti avuttattā paṭivijānantassa vuttepi thullaccayaṃ. Visaṃvādanādhippāyena musāvādapayogassa katattā appaṭivijānantassāpi dukkaṭanti āha ‘‘yo te vihāre vasati…pe… dukkaṭa’’nti. Anullapanādhippāyassāti ullapanādhippāyavirahitassa, abhūtārocanādhippāyavirahitassāti attho. Ummattakādayo pubbe vuttanayā eva. Idha pana ādikammikā vaggumudātīriyabhikkhū, tesaṃ anāpatti.
жад̇уд̇т̇абаарааж̇игаван̣н̣анаа нидтид̇аа.
Catutthapārājikavaṇṇanā niṭṭhitā.
