| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
4. жад̇уд̇т̇абаарааж̇игаван̣н̣анаа
4. Catutthapārājikavaṇṇanā
ид̇хзва сан̇г̇аханд̇и ‘‘ид̇и ж̇аанаами, ид̇и бассаамий’’д̇и бад̣̇з гат̇анд̇и жз, ‘‘ид̇и ж̇аанаамий’’д̇иаад̣̇имааха . гзвалам̣ ‘‘баабижчад̇ааяаа’’д̇и (ган̇каа. адта. жад̇уд̇т̇абаарааж̇игаван̣н̣анаа) важанад̇о манд̣̇ад̇д̇аа момуухад̇д̇аа самуд̣̇аажаранд̇асса анаабад̇д̇ийд̇и д̣̇ийбид̇ам̣. ‘‘ад̇ийд̇агаалз сод̇аабанномхий’’д̇и вад̣̇анд̇о барияааязна вад̣̇ад̇и, ‘‘яо д̇з вихаарз васад̇и, со бхигку арахаа’’д̇иаад̣̇ийсу (бари. 165) вияа сигкаабад̣̇зби ‘‘ид̇и ж̇аанаамий’’д̇и (баараа. 195, 197) бажжуббаннамзва вуд̇д̇ам̣.
Idheva saṅgahanti ‘‘iti jānāmi, iti passāmī’’ti pade kathanti ce, ‘‘iti jānāmī’’tiādimāha . Kevalaṃ ‘‘pāpicchatāyā’’ti (kaṅkhā. aṭṭha. catutthapārājikavaṇṇanā) vacanato mandattā momūhattā samudācarantassa anāpattīti dīpitaṃ. ‘‘Atītakāle sotāpannomhī’’ti vadanto pariyāyena vadati, ‘‘yo te vihāre vasati, so bhikkhu arahā’’tiādīsu (pari. 165) viya sikkhāpadepi ‘‘iti jānāmī’’ti (pārā. 195, 197) paccuppannameva vuttaṃ.
жад̇уд̇т̇абаарааж̇игаван̣н̣анаа нидтид̇аа.
Catutthapārājikavaṇṇanā niṭṭhitā.
маад̇угхаад̇агабид̇угхаад̇агаараханд̇агхаад̇агаа д̇ад̇ияабаарааж̇игам̣ аабаннаа, бхигкунид̣̇уусаго, ламб̣ийаад̣̇аяо жа жад̇д̇ааро батамабаарааж̇игам̣ аабаннаа зваад̇и гад̇ваа гуд̇о жад̇увийсад̇ийд̇и жз? на, ад̇хиббааяааж̇аананад̇о. маад̇угхаад̇агаад̣̇аяо хи жад̇д̇ааро ид̇хаанубасамбаннаа зва ад̇хиббзд̇аа, ламб̣ийаад̣̇аяо жад̇д̇ааро гин̃жааби батамабаарааж̇игзна сан̇г̇ахид̇аа, яасмаа бана згзна барияааязна мзт̇унад̇хаммам̣ бадисзвино хонд̇и, д̇асмаа висум̣ вуд̇д̇аа. на лабхад̇и бхигкуухийд̇и зд̇т̇а ‘‘убосат̇аад̣̇ибхзд̣̇ам̣ сам̣вааса’’нд̇и зд̇д̇агам̣ вуд̇д̇ам̣. винаяадтагат̇ааяам̣ ‘‘убосат̇аббавааран̣аабаад̇имогкуд̣̇д̣̇зсасан̇гхагаммаббабхзд̣̇а’’нд̇и вуд̇д̇ам̣. баал̣ияам̣ ‘‘сам̣ваасо наама згагаммам̣ згуд̣̇д̣̇зсо самасигкад̇аа’’д̇и (баараа. 55, 92, 172, 198) вуд̇д̇ам̣. д̇ивид̇хзнааби сан̇гхагаммам̣ гаад̇ум̣ на ваддад̇ийд̇и бадигкид̇д̇ам̣. ‘‘на, бхигкавз, г̇ахадтзна нисиннабарисааяа баад̇имогкам̣ уд̣̇д̣̇исид̇аб̣б̣а’’нд̇иаад̣̇и (махаава. 154) баад̇имогкаббавааран̣аасу зва ааг̇ад̇ам̣, ан̃н̃зсу жа зваруубзсу таанзсу сзсам̣ гаммам̣ гаад̇ум̣ над̇т̇и бадигкзбо. аажарияааби ‘‘сзсам̣ гаммам̣ гаад̇ум̣ ваддад̇и, над̇т̇и аабад̇д̇ий’’д̇и вад̣̇анд̇и. ‘‘анд̇имавад̇т̇у аж̇жхаабаннам̣ амуулагзна баарааж̇игзна жод̣̇знд̇асса сан̇гхаад̣̇исзсо, сан̇гхаад̣̇исзсзна жод̣̇знд̇асса баажид̇д̇ияанд̇и бхигкуно вияа вуд̇д̇ам̣, на анубасамбаннасса вияа д̣̇уггадам̣. д̇асмаа д̇зна сахасзяяаа, д̇асса бадиг̇г̇ахан̣ан̃жа бхигкусса ваддад̇ийд̇и аажарияаа вад̣̇анд̇ий’’д̇и ликид̇ам̣. ‘‘яат̇аа бурз д̇ат̇аа бажчаад̇и ‘згагаммам̣ згуд̣̇д̣̇зсо самасигкад̇аа’д̇и звам̣ вуд̇д̇асам̣ваасасса абхаб̣б̣ад̇аамад̇д̇ам̣ санд̇хааяа вуд̇д̇а’’нд̇и вад̣̇анд̇и, виймам̣сид̇аб̣б̣ам̣.
Mātughātakapitughātakaarahantaghātakā tatiyapārājikaṃ āpannā, bhikkhunidūsako, lambīādayo ca cattāro paṭhamapārājikaṃ āpannā evāti katvā kuto catuvīsatīti ce? Na, adhippāyājānanato. Mātughātakādayo hi cattāro idhānupasampannā eva adhippetā, lambīādayo cattāro kiñcāpi paṭhamapārājikena saṅgahitā, yasmā pana ekena pariyāyena methunadhammaṃ paṭisevino honti, tasmā visuṃ vuttā. Na labhati bhikkhūhīti ettha ‘‘uposathādibhedaṃ saṃvāsa’’nti ettakaṃ vuttaṃ. Vinayaṭṭhakathāyaṃ ‘‘uposathappavāraṇāpātimokkhuddesasaṅghakammappabheda’’nti vuttaṃ. Pāḷiyaṃ ‘‘saṃvāso nāma ekakammaṃ ekuddeso samasikkhatā’’ti (pārā. 55, 92, 172, 198) vuttaṃ. Tividhenāpi saṅghakammaṃ kātuṃ na vaṭṭatīti paṭikkhittaṃ. ‘‘Na, bhikkhave, gahaṭṭhena nisinnaparisāya pātimokkhaṃ uddisitabba’’ntiādi (mahāva. 154) pātimokkhappavāraṇāsu eva āgataṃ, aññesu ca evarūpesu ṭhānesu sesaṃ kammaṃ kātuṃ natthi paṭikkhepo. Ācariyāpi ‘‘sesaṃ kammaṃ kātuṃ vaṭṭati, natthi āpattī’’ti vadanti. ‘‘Antimavatthu ajjhāpannaṃ amūlakena pārājikena codentassa saṅghādiseso, saṅghādisesena codentassa pācittiyanti bhikkhuno viya vuttaṃ, na anupasampannassa viya dukkaṭaṃ. Tasmā tena sahaseyyā, tassa paṭiggahaṇañca bhikkhussa vaṭṭatīti ācariyā vadantī’’ti likhitaṃ. ‘‘Yathā pure tathā pacchāti ‘ekakammaṃ ekuddeso samasikkhatā’ti evaṃ vuttasaṃvāsassa abhabbatāmattaṃ sandhāya vutta’’nti vadanti, vīmaṃsitabbaṃ.
ид̣̇аани жад̇уннамби саад̇хааран̣ам̣ багин̣н̣агам̣ – мзт̇унад̇хаммам̣ бадисзванд̇о ад̇т̇и гожи баарааж̇иго ход̇и асам̣ваасо, ад̇т̇и гожи на баарааж̇иго ход̇и асам̣ваасо, ад̇т̇и гожи на баарааж̇иго сам̣ваасо д̣̇уггадавад̇т̇усмим̣ ваа т̇уллажжаяавад̇т̇усмим̣ ваа бадисзванд̇о, ад̇т̇и гожи на баарааж̇иго багкабан̣д̣аго абан̣д̣агабагкз убасамбанно бан̣д̣агабагкз мзт̇унад̇хаммам̣ бадисзванд̇о. со аабад̇д̇им̣ наабаж̇ж̇ад̇ийд̇и на баарааж̇иго наама. на хи абхигкусса аабад̇д̇и наама ад̇т̇и. со анаабад̇д̇игад̇д̇аа абан̣д̣агабагкз ааг̇ад̇о гим̣ асам̣ваасо ход̇и, на ход̇ийд̇и? ход̇и. ‘‘абхаб̣б̣о д̇зна сарийраб̣анд̇ханзнаа’’д̇и (махаава. 129) хи вуд̇д̇ам̣. ‘‘яо бана бхигку бхигкуунам̣ сигкаасааж̇ийвасамаабанно…бз… асам̣ваасо’’д̇и (баараа. 44) вуд̇д̇ад̇д̇аа яо бхигкубхаавзна мзт̇унам̣ д̇хаммам̣ бадисзвад̇и, со зва абхаб̣б̣о. нааяам̣ абаарааж̇игад̇д̇аад̇и жз? на, ‘‘б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о’’д̇и (махаава. 126) вуд̇д̇адтаанз яат̇аа абхигкунаа гаммаваажааяа саавид̇ааяаби гаммам̣ рухад̇и гаммавибад̇д̇ияаа асамбхавад̇о, звам̣самбад̣̇амид̣̇ам̣ д̣̇адтаб̣б̣ам̣. д̇ад̇рааяам̣ висзсо – убасамбаннабуб̣б̣о звам̣ жз гаммаваажам̣ саавзд̇и, сан̇гхо жа д̇асмим̣ убасамбаннасан̃н̃ий зва жз, гаммам̣ рухад̇и, наан̃н̃ат̇аад̇и но канд̇ийд̇и аажарияо.
Idāni catunnampi sādhāraṇaṃ pakiṇṇakaṃ – methunadhammaṃ paṭisevanto atthi koci pārājiko hoti asaṃvāso, atthi koci na pārājiko hoti asaṃvāso, atthi koci na pārājiko saṃvāso dukkaṭavatthusmiṃ vā thullaccayavatthusmiṃ vā paṭisevanto, atthi koci na pārājiko pakkhapaṇḍako apaṇḍakapakkhe upasampanno paṇḍakapakkhe methunadhammaṃ paṭisevanto. So āpattiṃ nāpajjatīti na pārājiko nāma. Na hi abhikkhussa āpatti nāma atthi. So anāpattikattā apaṇḍakapakkhe āgato kiṃ asaṃvāso hoti, na hotīti? Hoti. ‘‘Abhabbo tena sarīrabandhanenā’’ti (mahāva. 129) hi vuttaṃ. ‘‘Yo pana bhikkhu bhikkhūnaṃ sikkhāsājīvasamāpanno…pe… asaṃvāso’’ti (pārā. 44) vuttattā yo bhikkhubhāvena methunaṃ dhammaṃ paṭisevati, so eva abhabbo. Nāyaṃ apārājikattāti ce? Na, ‘‘byattena bhikkhunā paṭibalena saṅgho ñāpetabbo’’ti (mahāva. 126) vuttaṭṭhāne yathā abhikkhunā kammavācāya sāvitāyapi kammaṃ ruhati kammavipattiyā asambhavato, evaṃsampadamidaṃ daṭṭhabbaṃ. Tatrāyaṃ viseso – upasampannapubbo evaṃ ce kammavācaṃ sāveti, saṅgho ca tasmiṃ upasampannasaññī eva ce, kammaṃ ruhati, nāññathāti no khantīti ācariyo.
г̇ахадто ваа д̇ид̇т̇ияо ваа бан̣д̣аго ваа гаммаваажам̣ саавзд̇и, сан̇гхзна гаммаваажаа на вуд̇д̇аа ход̇и. ‘‘сан̇гхо убасамбаад̣̇зяяа сан̇гхо убасамбаад̣̇зд̇и, убасамбанно сан̇гхзнаа’’д̇и (махаава. 127) хи важанад̇о сан̇гхзна гаммаваажааяа вад̇д̇аб̣б̣ад̇ааяа сан̇гхабарияаабаннзна, сан̇гхабарияаабаннасан̃н̃ид̇зна ваа згзна вуд̇д̇ааяа сан̇гхзна вуд̇д̇аа ход̇ийд̇и взд̣̇ид̇аб̣б̣о, на г̇ахадтад̇ид̇т̇ияабан̣д̣агаад̣̇ийсу ан̃н̃ад̇арзна. аяамзва саб̣б̣агаммзсу яуд̇д̇и д̣̇адтаб̣б̣аа.
Gahaṭṭho vā titthiyo vā paṇḍako vā kammavācaṃ sāveti, saṅghena kammavācā na vuttā hoti. ‘‘Saṅgho upasampādeyya saṅgho upasampādeti, upasampanno saṅghenā’’ti (mahāva. 127) hi vacanato saṅghena kammavācāya vattabbatāya saṅghapariyāpannena, saṅghapariyāpannasaññitena vā ekena vuttāya saṅghena vuttā hotīti veditabbo, na gahaṭṭhatitthiyapaṇḍakādīsu aññatarena. Ayameva sabbakammesu yutti daṭṭhabbā.
д̇ат̇аа ад̇т̇и мзт̇унам̣ д̇хаммам̣ бадисзванд̇о гожи наасзд̇аб̣б̣о, ‘‘яо бхигкунид̣̇уусаго, аяам̣ наасзд̇аб̣б̣о’’д̇и (махаава. 114-115 ад̇т̇ад̇о самаанам̣) вуд̇д̇ад̇д̇аа д̇зна зва со анубасамбаннова сахасзяяаабад̇д̇им̣ ваа ан̃н̃ам̣ ваа д̇аад̣̇исам̣ ж̇анзд̇и, д̇асса омасанз жа д̣̇уггадам̣ ход̇и. абхигкунияаа мзт̇унад̇хаммам̣ бадисзванд̇о на наасзд̇аб̣б̣о, ‘‘анд̇имавад̇т̇ум̣ аж̇жхаабанно, бхигкавз, анубасамбанно на убасамбаад̣̇зд̇аб̣б̣о’’д̇и баал̣ияаа абхаавад̇о, д̇знзва со убасамбаннасан̇кам̣ г̇ажчад̇и, сахасзяяаабад̇д̇иаад̣̇им̣ на ж̇анзд̇и, гзвалам̣ асам̣ваасод̇и гад̇ваа г̇ан̣абуураго на ход̇и. згагаммазгуд̣̇д̣̇зсо хи сам̣ваасод̇и вуд̇д̇о, самасигкад̇ааби сам̣ваасод̇и гад̇ваа со д̇зна сад̣̇д̇хим̣ над̇т̇ийд̇и. бад̣̇асод̇хаммаабад̇д̇им̣ бана ж̇анзд̇ийд̇и гааран̣ажчааяаа д̣̇иссад̇ийд̇и. яат̇аа бхигкунияаа сад̣̇д̇хим̣ бхигкусан̇гхасса згагаммаад̣̇ино сам̣ваасасса абхааваа бхигкуний асам̣ваасаа бхигкусса, д̇ат̇аа бхигку жа бхигкунияаа, бад̣̇асод̇хаммаабад̇д̇им̣ бана на ж̇анзд̇и. д̇ат̇аа анд̇имавад̇т̇ум̣ аж̇жхаабанноби згзжжо ‘‘яо наасзд̇аб̣б̣од̇и вуд̇д̇о’’д̇и иминаа нид̣̇ассанзна сагааран̣ажчааяаа аж̇жхубзгкид̇аа ход̇ийд̇и на г̇ахан̣ам̣ г̇ажчад̇и. абижа ‘‘убхо наасзд̇аб̣б̣аа, д̣̇уусаго наасзд̇аб̣б̣о’’д̇и (баараа. 66) важанад̇о, ‘‘мзд̇д̇ияам̣ бхигкуним̣ наасзт̇аа’’д̇и (баараа. 384) важанад̇о жа яо сан̇гхамаж̇жхам̣ бависид̇ваа анувиж̇ж̇агзна анувиж̇ж̇ияамаано барааж̇ид̇о, соби анубасамбаннова, на омасаваад̣̇абаажид̇д̇ияам̣ ж̇анзд̇ийд̇и взд̣̇ид̇аб̣б̣о.
Tathā atthi methunaṃ dhammaṃ paṭisevanto koci nāsetabbo, ‘‘yo bhikkhunidūsako, ayaṃ nāsetabbo’’ti (mahāva. 114-115 atthato samānaṃ) vuttattā tena eva so anupasampannova sahaseyyāpattiṃ vā aññaṃ vā tādisaṃ janeti, tassa omasane ca dukkaṭaṃ hoti. Abhikkhuniyā methunadhammaṃ paṭisevanto na nāsetabbo, ‘‘antimavatthuṃ ajjhāpanno, bhikkhave, anupasampanno na upasampādetabbo’’ti pāḷiyā abhāvato, teneva so upasampannasaṅkhaṃ gacchati, sahaseyyāpattiādiṃ na janeti, kevalaṃ asaṃvāsoti katvā gaṇapūrako na hoti. Ekakammaekuddeso hi saṃvāsoti vutto, samasikkhatāpi saṃvāsoti katvā so tena saddhiṃ natthīti. Padasodhammāpattiṃ pana janetīti kāraṇacchāyā dissatīti. Yathā bhikkhuniyā saddhiṃ bhikkhusaṅghassa ekakammādino saṃvāsassa abhāvā bhikkhunī asaṃvāsā bhikkhussa, tathā bhikkhu ca bhikkhuniyā, padasodhammāpattiṃ pana na janeti. Tathā antimavatthuṃ ajjhāpannopi ekecco ‘‘yo nāsetabboti vutto’’ti iminā nidassanena sakāraṇacchāyā ajjhupekkhitā hotīti na gahaṇaṃ gacchati. Apica ‘‘ubho nāsetabbā, dūsako nāsetabbo’’ti (pārā. 66) vacanato, ‘‘mettiyaṃ bhikkhuniṃ nāsethā’’ti (pārā. 384) vacanato ca yo saṅghamajjhaṃ pavisitvā anuvijjakena anuvijjiyamāno parājito, sopi anupasampannova, na omasavādapācittiyaṃ janetīti veditabbo.
абижзд̇т̇а сигкаабажжагкаад̇агажад̇уггам̣ взд̣̇ид̇аб̣б̣ам̣. ад̇т̇и хи буг̇г̇ало сигкаабажжагкаад̇аго на сигкаасааж̇ийвасамаабанно, ад̇т̇и буг̇г̇ало на сигкаабажжагкаад̇аго сигкаасааж̇ийвасамаабанно, ад̇т̇и буг̇г̇ало сигкаабажжагкаад̇аго жзва сигкаасааж̇ийвасамаабанно жа, ад̇т̇и буг̇г̇ало нзва сигкаабажжагкаад̇аго на сигкаасааж̇ийвасамаабанно. д̇ад̇т̇а д̇ад̇ияо бхигкуний сигкаабажжагкаад̇агаа взд̣̇ид̇аб̣б̣аа. саа хи яаава на лин̇г̇ам̣ барижжаж̇ад̇и, гаасаавзсу сауссаахаава самаанаа сааман̃н̃аа жавид̇угаамаа сигкам̣ бажжагканд̇ийби бхигкуний зва сигкаасааж̇ийвасамаабаннаава. вуд̇д̇ан̃хи бхаг̇авад̇аа ‘‘над̇т̇и, бхигкавз, бхигкунияаа сигкаабажжагкаана’’нд̇и. гад̣̇аа бана саа абхигкуний ход̇ийд̇и? яад̣̇аа саа виб̣бханд̇аад̇и сан̇кам̣ г̇ажчад̇и. вуд̇д̇ан̃хи бхаг̇авад̇аа ‘‘яад̣̇зва саа виб̣бханд̇аа, д̇ад̣̇зва саа абхигкуний’’д̇и (жуул̣ава. 434). гид̇д̇аавад̇аа бана виб̣бханд̇аа ход̇ийд̇и? сааман̃н̃аа жавид̇угаамаа гаасаавзсу анаалаяаа гаасаавам̣ ваа абанзд̇и, наг̇г̇аа ваа г̇ажчад̇и, д̇ин̣абан̣н̣аад̣̇инаа ваа бадижчаад̣̇зд̇ваа г̇ажчад̇и, гаасаавам̣язва ваа г̇ихиниваасанаагаарзна ниваасзд̇и, од̣̇аад̇ам̣ ваа вад̇т̇ам̣ ниваасзд̇и, лин̇г̇знзва ваа сад̣̇д̇хим̣ д̇ид̇т̇иязсу бависид̇ваа гзсалун̃жанаад̣̇ивад̇ам̣ самаад̣̇ияад̇и, д̇ид̇т̇ияалин̇г̇ам̣ ваа самаад̣̇ияад̇и, д̇ад̣̇аа виб̣бханд̇аа наама ход̇и. д̇ад̇т̇а яаа салин̇г̇з тид̇аава д̇ид̇т̇ияавад̇ам̣ самаад̣̇ияад̇и, саа д̇ид̇т̇ияабагганд̇абхигку вияа бажчаа баб̣б̣аж̇ж̇амби на лабхад̇и. сзсаа баб̣б̣аж̇ж̇амзва лабхад̇и, на убасамбад̣̇ам̣. баал̣ияам̣ гин̃жааби ‘‘яаа, бхигкавз, бхигкуний сагааваасаа д̇ид̇т̇ааяад̇анам̣ сан̇ганд̇аа, саа ааг̇ад̇аа на убасамбаад̣̇зд̇аб̣б̣аа’’д̇и (жуул̣ава. 434) важанад̇о яаа батамам̣ виб̣бхамид̇ваа бажчаа д̇ид̇т̇ааяад̇анам̣ сан̇ганд̇аа, саа ааг̇ад̇аа убасамбаад̣̇зд̇аб̣б̣аад̇и анун̃н̃аад̇ам̣ вияа д̣̇иссад̇и. сан̇г̇ийд̇иаажариязхи бана ‘‘жад̇увийсад̇и баарааж̇игааний’’д̇и (баараа. адта. 2.233) вуд̇д̇ад̇д̇аа на буна саа убасамбаад̣̇зд̇аб̣б̣аа. д̇асмаа зва сигкаабажжагкаанам̣ наанун̃н̃аад̇ам̣ бхаг̇авад̇аа. анд̇имавад̇т̇ум̣ аж̇жхаабаннаа бана бхигкуний зва. багкабан̣д̣агийби бхигкуний зва. имам̣ наяам̣ жад̇уусуби яож̇зд̇ваа яат̇аарахам̣ гат̇зд̇аб̣б̣ам̣.
Apicettha sikkhāpaccakkhātakacatukkaṃ veditabbaṃ. Atthi hi puggalo sikkhāpaccakkhātako na sikkhāsājīvasamāpanno, atthi puggalo na sikkhāpaccakkhātako sikkhāsājīvasamāpanno, atthi puggalo sikkhāpaccakkhātako ceva sikkhāsājīvasamāpanno ca, atthi puggalo neva sikkhāpaccakkhātako na sikkhāsājīvasamāpanno. Tattha tatiyo bhikkhunī sikkhāpaccakkhātakā veditabbā. Sā hi yāva na liṅgaṃ pariccajati, kāsāvesu saussāhāva samānā sāmaññā cavitukāmā sikkhaṃ paccakkhantīpi bhikkhunī eva sikkhāsājīvasamāpannāva. Vuttañhi bhagavatā ‘‘natthi, bhikkhave, bhikkhuniyā sikkhāpaccakkhāna’’nti. Kadā pana sā abhikkhunī hotīti? Yadā sā vibbhantāti saṅkhaṃ gacchati. Vuttañhi bhagavatā ‘‘yadeva sā vibbhantā, tadeva sā abhikkhunī’’ti (cūḷava. 434). Kittāvatā pana vibbhantā hotīti? Sāmaññā cavitukāmā kāsāvesu anālayā kāsāvaṃ vā apaneti, naggā vā gacchati, tiṇapaṇṇādinā vā paṭicchādetvā gacchati, kāsāvaṃyeva vā gihinivāsanākārena nivāseti, odātaṃ vā vatthaṃ nivāseti, liṅgeneva vā saddhiṃ titthiyesu pavisitvā kesaluñcanādivataṃ samādiyati, titthiyaliṅgaṃ vā samādiyati, tadā vibbhantā nāma hoti. Tattha yā saliṅge ṭhitāva titthiyavataṃ samādiyati, sā titthiyapakkantabhikkhu viya pacchā pabbajjampi na labhati. Sesā pabbajjameva labhati, na upasampadaṃ. Pāḷiyaṃ kiñcāpi ‘‘yā, bhikkhave, bhikkhunī sakāvāsā titthāyatanaṃ saṅkantā, sā āgatā na upasampādetabbā’’ti (cūḷava. 434) vacanato yā paṭhamaṃ vibbhamitvā pacchā titthāyatanaṃ saṅkantā, sā āgatā upasampādetabbāti anuññātaṃ viya dissati. Saṅgītiācariyehi pana ‘‘catuvīsati pārājikānī’’ti (pārā. aṭṭha. 2.233) vuttattā na puna sā upasampādetabbā. Tasmā eva sikkhāpaccakkhānaṃ nānuññātaṃ bhagavatā. Antimavatthuṃ ajjhāpannā pana bhikkhunī eva. Pakkhapaṇḍakīpi bhikkhunī eva. Imaṃ nayaṃ catūsupi yojetvā yathārahaṃ kathetabbaṃ.
баарааж̇игаван̣н̣анаа нидтид̇аа.
Pārājikavaṇṇanā niṭṭhitā.
