| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
4. жад̇уд̇т̇абаадид̣̇зсанийяасигкаабад̣̇ам̣
4. Catutthapāṭidesanīyasikkhāpadaṃ
570. д̇зна самаязна б̣уд̣̇д̇хо бхаг̇аваа саггзсу вихарад̇и габилавад̇т̇усмим̣ ниг̇род̇хаараамз. д̇зна ко бана самаязна саагияад̣̇аасагаа аваруд̣̇д̇хаа хонд̇и. саагияаанияо ижчанд̇и ааран̃н̃агзсу сзнаасанзсу бхад̇д̇ам̣ гаад̇ум̣. ассосум̣ ко саагияад̣̇аасагаа – ‘‘саагияаанияо гира ааран̃н̃агзсу сзнаасанзсу бхад̇д̇ам̣ гад̇д̇угаамаа’’д̇и. д̇з маг̇г̇з барияудтим̣су. саагияаанияо бан̣ийд̇ам̣ каад̣̇анийяам̣ бхож̇анийяам̣ аад̣̇ааяа ааран̃н̃агам̣ сзнаасанам̣ аг̇амам̣су. саагияад̣̇аасагаа нигкамид̇ваа саагияаанияо ажчинд̣̇им̣су жа д̣̇уусзсун̃жа. саагияаа нигкамид̇ваа д̇з жорз сабхан̣д̣з 1 г̇ахзд̇ваа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхад̣̇анд̇аа аараамз жорз бадивасанд̇з наарожзссанд̇ий’’д̇и! ассосум̣ ко бхигкуу саагияаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘д̇зна хи, бхигкавз, бхигкуунам̣ сигкаабад̣̇ам̣ бан̃н̃абзссаами д̣̇аса ад̇т̇авасз бадижжа – сан̇гхасудтуд̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
570. Tena samayena buddho bhagavā sakkesu viharati kapilavatthusmiṃ nigrodhārāme. Tena kho pana samayena sākiyadāsakā avaruddhā honti. Sākiyāniyo icchanti āraññakesu senāsanesu bhattaṃ kātuṃ. Assosuṃ kho sākiyadāsakā – ‘‘sākiyāniyo kira āraññakesu senāsanesu bhattaṃ kattukāmā’’ti. Te magge pariyuṭṭhiṃsu. Sākiyāniyo paṇītaṃ khādanīyaṃ bhojanīyaṃ ādāya āraññakaṃ senāsanaṃ agamaṃsu. Sākiyadāsakā nikkhamitvā sākiyāniyo acchindiṃsu ca dūsesuñca. Sākiyā nikkhamitvā te core sabhaṇḍe 2 gahetvā ujjhāyanti khiyyanti vipācenti – ‘‘kathañhi nāma bhadantā ārāme core paṭivasante nārocessantī’’ti! Assosuṃ kho bhikkhū sākiyānaṃ ujjhāyantānaṃ khiyyantānaṃ vipācentānaṃ. Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘tena hi, bhikkhave, bhikkhūnaṃ sikkhāpadaṃ paññapessāmi dasa atthavase paṭicca – saṅghasuṭṭhutāya…pe… evañca pana, bhikkhave, imaṃ sikkhāpadaṃ uddiseyyātha –
‘‘яаани ко бана д̇аани ааран̃н̃агаани сзнаасанаани саасан̇гасаммад̇аани саббадибхаяаани, яо бана бхигку д̇ат̇ааруубзсу сзнаасанзсу 3 буб̣б̣з аббадисам̣вид̣̇ид̇ам̣ каад̣̇анийяам̣ ваа бхож̇анийяам̣ ваа аж̇жхаараамз сахад̇т̇аа бадиг̇г̇ахзд̇ваа каад̣̇зяяа ваа бхун̃ж̇зяяа ваа, бадид̣̇зсзд̇аб̣б̣ам̣ д̇зна бхигкунаа – ‘г̇аараяхам̣, аавусо, д̇хаммам̣ аабаж̇ж̇им̣ асаббааяам̣ баадид̣̇зсанийяам̣ д̇ам̣ бадид̣̇зсзмий’’’д̇и.
‘‘Yāni kho pana tāni āraññakāni senāsanāni sāsaṅkasammatāni sappaṭibhayāni, yo pana bhikkhu tathārūpesu senāsanesu4pubbe appaṭisaṃviditaṃ khādanīyaṃvā bhojanīyaṃ vā ajjhārāme sahatthā paṭiggahetvā khādeyya vā bhuñjeyya vā, paṭidesetabbaṃ tena bhikkhunā – ‘gārayhaṃ, āvuso, dhammaṃ āpajjiṃ asappāyaṃ pāṭidesanīyaṃ taṃ paṭidesemī’’’ti.
зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
571. д̇зна ко бана самаязна ан̃н̃ад̇аро бхигку ааран̃н̃агзсу сзнаасанзсу г̇илаано ход̇и . мануссаа каад̣̇анийяам̣ ваа бхож̇анийяам̣ ваа аад̣̇ааяа ааран̃н̃агам̣ сзнаасанам̣ аг̇амам̣су. ат̇а ко д̇з мануссаа д̇ам̣ бхигкум̣ зд̇ад̣̇авожум̣ – ‘‘бхун̃ж̇ат̇а, бханд̇з’’д̇и. ат̇а ко со бхигку – ‘‘бхаг̇авад̇аа бадигкид̇д̇ам̣ ааран̃н̃агзсу сзнаасанзсу каад̣̇анийяам̣ ваа бхож̇анийяам̣ ваа сахад̇т̇аа бадиг̇г̇ахзд̇ваа каад̣̇ид̇ум̣ бхун̃ж̇ид̇у’’нд̇и гуггужжааяанд̇о на бадиг̇г̇ахзси, наасагки бин̣д̣ааяа жарид̇ум̣ 5, чиннабхад̇д̇о ахоси. ат̇а ко со бхигку бхигкуунам̣ зд̇амад̇т̇ам̣ аарожзси. бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, г̇илаанзна бхигкунаа ааран̃н̃агзсу сзнаасанзсу буб̣б̣з аббадисам̣вид̣̇ид̇ам̣ каад̣̇анийяам̣ ваа бхож̇анийяам̣ ваа сахад̇т̇аа бадиг̇г̇ахзд̇ваа каад̣̇ид̇ум̣ бхун̃ж̇ид̇ум̣. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
571. Tena kho pana samayena aññataro bhikkhu āraññakesu senāsanesu gilāno hoti . Manussā khādanīyaṃ vā bhojanīyaṃ vā ādāya āraññakaṃ senāsanaṃ agamaṃsu. Atha kho te manussā taṃ bhikkhuṃ etadavocuṃ – ‘‘bhuñjatha, bhante’’ti. Atha kho so bhikkhu – ‘‘bhagavatā paṭikkhittaṃ āraññakesu senāsanesu khādanīyaṃ vā bhojanīyaṃ vā sahatthā paṭiggahetvā khādituṃ bhuñjitu’’nti kukkuccāyanto na paṭiggahesi, nāsakkhi piṇḍāya carituṃ 6, chinnabhatto ahosi. Atha kho so bhikkhu bhikkhūnaṃ etamatthaṃ ārocesi. Bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, gilānena bhikkhunā āraññakesu senāsanesu pubbe appaṭisaṃviditaṃ khādanīyaṃ vā bhojanīyaṃ vā sahatthā paṭiggahetvā khādituṃ bhuñjituṃ. Evañca pana, bhikkhave, imaṃ sikkhāpadaṃ uddiseyyātha –
572. ‘‘яаани ко бана д̇аани ааран̃н̃агаани сзнаасанаани саасан̇гасаммад̇аани саббадибхаяаани, яо бана бхигку д̇ат̇ааруубзсу сзнаасанзсу буб̣б̣з аббадисам̣вид̣̇ид̇ам̣ каад̣̇анийяам̣ ваа бхож̇анийяам̣ ваа аж̇жхаараамз сахад̇т̇аа бадиг̇г̇ахзд̇ваа аг̇илаано каад̣̇зяяа ваа бхун̃ж̇зяяа ваа, бадид̣̇зсзд̇аб̣б̣ам̣ д̇зна бхигкунаа – ‘г̇аараяхам̣, аавусо, д̇хаммам̣ аабаж̇ж̇им̣ асаббааяам̣ баадид̣̇зсанийяам̣, д̇ам̣ бадид̣̇зсзмий’’’д̇и.
572.‘‘Yāni kho pana tāni āraññakāni senāsanāni sāsaṅkasammatāni sappaṭibhayāni, yo pana bhikkhu tathārūpesu senāsanesu pubbe appaṭisaṃviditaṃ khādanīyaṃ vā bhojanīyaṃ vā ajjhārāme sahatthā paṭiggahetvā agilāno khādeyya vā bhuñjeyya vā, paṭidesetabbaṃ tena bhikkhunā – ‘gārayhaṃ, āvuso, dhammaṃāpajjiṃ asappāyaṃ pāṭidesanīyaṃ, taṃ paṭidesemī’’’ti.
573. яаани ко бана д̇аани ааран̃н̃агаани сзнаасанаанийд̇и ааран̃н̃агам̣ наама сзнаасанам̣ бан̃жад̇ханусад̇игам̣ бажчимам̣.
573.Yāni kho pana tāni āraññakāni senāsanānīti āraññakaṃ nāma senāsanaṃ pañcadhanusatikaṃ pacchimaṃ.
саасан̇гам̣ наама аараамз аараамуубажаарз жораанам̣ нивидтогаасо д̣̇иссад̇и, бхуд̇д̇огаасо д̣̇иссад̇и, тид̇огаасо д̣̇иссад̇и, нисинногаасо д̣̇иссад̇и, нибанногаасо д̣̇иссад̇и.
Sāsaṅkaṃ nāma ārāme ārāmūpacāre corānaṃ niviṭṭhokāso dissati, bhuttokāso dissati, ṭhitokāso dissati, nisinnokāso dissati, nipannokāso dissati.
саббадибхаяам̣ наама аараамз аараамуубажаарз жорзхи мануссаа хад̇аа д̣̇иссанд̇и, вилуд̇д̇аа д̣̇иссанд̇и, аагодид̇аа д̣̇иссанд̇и.
Sappaṭibhayaṃ nāma ārāme ārāmūpacāre corehi manussā hatā dissanti, viluttā dissanti, ākoṭitā dissanti.
яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.
Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
д̇ат̇ааруубзсу сзнаасанзсууд̇и зваруубзсу сзнаасанзсу.
Tathārūpesu senāsanesūti evarūpesu senāsanesu.
аббадисам̣вид̣̇ид̇ам̣ наама бан̃жаннам̣ бадисам̣вид̣̇ид̇ам̣, зд̇ам̣ аббадисам̣вид̣̇ид̇ам̣ наама. аараамам̣ аараамуубажаарам̣ табзд̇ваа бадисам̣вид̣̇ид̇ам̣, зд̇ам̣ 7 аббадисам̣вид̣̇ид̇ам̣ наама.
Appaṭisaṃviditaṃ nāma pañcannaṃ paṭisaṃviditaṃ, etaṃ appaṭisaṃviditaṃ nāma. Ārāmaṃ ārāmūpacāraṃ ṭhapetvā paṭisaṃviditaṃ, etaṃ 8 appaṭisaṃviditaṃ nāma.
бадисам̣вид̣̇ид̇ам̣ наама яо гожи ид̇т̇ий ваа бурисо ваа аараамам̣ аараамуубажаарам̣ ааг̇анд̇ваа аарожзд̇и – ‘‘ид̇т̇аннаамасса, бханд̇з, каад̣̇анийяам̣ ваа бхож̇анийяам̣ ваа аахариссанд̇ий’’д̇и. сажз саасан̇гам̣ ход̇и, саасан̇ганд̇и аажигкид̇аб̣б̣ам̣; сажз саббадибхаяам̣ ход̇и, саббадибхаяанд̇и аажигкид̇аб̣б̣ам̣; сажз – ‘‘ход̇у, бханд̇з, аахарияиссад̇ий’’д̇и бхан̣ад̇и, жораа вад̇д̇аб̣б̣аа – ‘‘мануссаа ид̇хуубажаранд̇и абасаггат̇аа’’д̇и. яааг̇уяаа бадисам̣вид̣̇ид̇з д̇ассаа баривааро аахарияяад̇и, зд̇ам̣ бадисам̣вид̣̇ид̇ам̣ наама. бхад̇д̇зна бадисам̣вид̣̇ид̇з д̇асса баривааро аахарияяад̇и, зд̇ам̣ бадисам̣вид̣̇ид̇ам̣ наама . каад̣̇анийязна бадисам̣вид̣̇ид̇з д̇асса баривааро аахарияяад̇и, зд̇ам̣ бадисам̣вид̣̇ид̇ам̣ наама. гулзна бадисам̣вид̣̇ид̇з яо д̇асмим̣ гулз мануссо каад̣̇анийяам̣ ваа бхож̇анийяам̣ ваа аахарад̇и, зд̇ам̣ бадисам̣вид̣̇ид̇ам̣ наама. г̇аамзна бадисам̣вид̣̇ид̇з яо д̇асмим̣ г̇аамз мануссо каад̣̇анийяам̣ ваа бхож̇анийяам̣ ваа аахарад̇и, зд̇ам̣ бадисам̣вид̣̇ид̇ам̣ наама. бууг̇зна бадисам̣вид̣̇ид̇з яо д̇асмим̣ бууг̇з мануссо каад̣̇анийяам̣ ваа бхож̇анийяам̣ ваа аахарад̇и, зд̇ам̣ бадисам̣вид̣̇ид̇ам̣ наама.
Paṭisaṃviditaṃ nāma yo koci itthī vā puriso vā ārāmaṃ ārāmūpacāraṃ āgantvā āroceti – ‘‘itthannāmassa, bhante, khādanīyaṃ vā bhojanīyaṃ vā āharissantī’’ti. Sace sāsaṅkaṃ hoti, sāsaṅkanti ācikkhitabbaṃ; sace sappaṭibhayaṃ hoti, sappaṭibhayanti ācikkhitabbaṃ; sace – ‘‘hotu, bhante, āhariyissatī’’ti bhaṇati, corā vattabbā – ‘‘manussā idhūpacaranti apasakkathā’’ti. Yāguyā paṭisaṃvidite tassā parivāro āhariyyati, etaṃ paṭisaṃviditaṃ nāma. Bhattena paṭisaṃvidite tassa parivāro āhariyyati, etaṃ paṭisaṃviditaṃ nāma . Khādanīyena paṭisaṃvidite tassa parivāro āhariyyati, etaṃ paṭisaṃviditaṃ nāma. Kulena paṭisaṃvidite yo tasmiṃ kule manusso khādanīyaṃ vā bhojanīyaṃ vā āharati, etaṃ paṭisaṃviditaṃ nāma. Gāmena paṭisaṃvidite yo tasmiṃ gāme manusso khādanīyaṃ vā bhojanīyaṃ vā āharati, etaṃ paṭisaṃviditaṃ nāma. Pūgena paṭisaṃvidite yo tasmiṃ pūge manusso khādanīyaṃ vā bhojanīyaṃ vā āharati, etaṃ paṭisaṃviditaṃ nāma.
каад̣̇анийяам̣ наама бан̃жа бхож̇анаани – яаамагаалигам̣ сад̇д̇аахагаалигам̣ яааваж̇ийвигам̣ табзд̇ваа авасзсам̣ каад̣̇анийяам̣ наама.
Khādanīyaṃ nāma pañca bhojanāni – yāmakālikaṃ sattāhakālikaṃ yāvajīvikaṃ ṭhapetvā avasesaṃ khādanīyaṃ nāma.
бхож̇анийяам̣ наама бан̃жа бхож̇анаани – од̣̇ано, гуммаасо, сад̇д̇у, мажчо, мам̣сам̣.
Bhojanīyaṃ nāma pañca bhojanāni – odano, kummāso, sattu, maccho, maṃsaṃ.
аж̇жхаараамо наама баригкид̇д̇асса аараамасса анд̇оаараамо. абаригкид̇д̇асса убажааро.
Ajjhārāmo nāma parikkhittassa ārāmassa antoārāmo. Aparikkhittassa upacāro.
аббадисам̣вид̣̇ид̇ам̣ аг̇илаано ‘‘каад̣̇иссаами бхун̃ж̇иссаамий’’д̇и бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и баадид̣̇зсанийяасса.
Appaṭisaṃviditaṃ agilāno ‘‘khādissāmi bhuñjissāmī’’ti paṭiggaṇhāti, āpatti dukkaṭassa. Ajjhohāre ajjhohāre āpatti pāṭidesanīyassa.
574. аббадисам̣вид̣̇ид̇з аббадисам̣вид̣̇ид̇асан̃н̃ий каад̣̇анийяам̣ ваа бхож̇анийяам̣ ваа аж̇жхаараамз сахад̇т̇аа бадиг̇г̇ахзд̇ваа аг̇илаано каад̣̇ад̇и ваа бхун̃ж̇ад̇и ваа, аабад̇д̇и баадид̣̇зсанийяасса. аббадисам̣вид̣̇ид̇з взмад̇иго каад̣̇анийяам̣ ваа бхож̇анийяам̣ ваа аж̇жхаараамз сахад̇т̇аа бадиг̇г̇ахзд̇ваа аг̇илаано каад̣̇ад̇и ваа бхун̃ж̇ад̇и ваа, аабад̇д̇и баадид̣̇зсанийяасса. аббадисам̣вид̣̇ид̇з бадисам̣вид̣̇ид̇асан̃н̃ий каад̣̇анийяам̣ ваа бхож̇анийяам̣ ваа аж̇жхаараамз сахад̇т̇аа бадиг̇г̇ахзд̇ваа аг̇илаано каад̣̇ад̇и ваа бхун̃ж̇ад̇и ваа, аабад̇д̇и баадид̣̇зсанийяасса.
574. Appaṭisaṃvidite appaṭisaṃviditasaññī khādanīyaṃ vā bhojanīyaṃ vā ajjhārāme sahatthā paṭiggahetvā agilāno khādati vā bhuñjati vā, āpatti pāṭidesanīyassa. Appaṭisaṃvidite vematiko khādanīyaṃ vā bhojanīyaṃ vā ajjhārāme sahatthā paṭiggahetvā agilāno khādati vā bhuñjati vā, āpatti pāṭidesanīyassa. Appaṭisaṃvidite paṭisaṃviditasaññī khādanīyaṃ vā bhojanīyaṃ vā ajjhārāme sahatthā paṭiggahetvā agilāno khādati vā bhuñjati vā, āpatti pāṭidesanīyassa.
яаамагаалигам̣ сад̇д̇аахагаалигам̣ яааваж̇ийвигам̣ аахаарад̇т̇ааяа бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и д̣̇уггадасса. бадисам̣вид̣̇ид̇з аббадисам̣вид̣̇ид̇асан̃н̃ий, аабад̇д̇и д̣̇уггадасса. бадисам̣вид̣̇ид̇з взмад̇иго, аабад̇д̇и д̣̇уггадасса. бадисам̣вид̣̇ид̇з бадисам̣вид̣̇ид̇асан̃н̃ий, анаабад̇д̇и.
Yāmakālikaṃ sattāhakālikaṃ yāvajīvikaṃ āhāratthāya paṭiggaṇhāti, āpatti dukkaṭassa. Ajjhohāre ajjhohāre āpatti dukkaṭassa. Paṭisaṃvidite appaṭisaṃviditasaññī, āpatti dukkaṭassa. Paṭisaṃvidite vematiko, āpatti dukkaṭassa. Paṭisaṃvidite paṭisaṃviditasaññī, anāpatti.
575. анаабад̇д̇и бадисам̣вид̣̇ид̇з, г̇илаанасса, бадисам̣вид̣̇ид̇з ваа г̇илаанасса ваа сзсагам̣ бхун̃ж̇ад̇и, б̣ахаараамз бадиг̇г̇ахзд̇ваа анд̇оаараамз бхун̃ж̇ад̇и, д̇ад̇т̇а ж̇аад̇агам̣ муулам̣ ваа д̇ажам̣ ваа бад̇д̇ам̣ ваа бубпам̣ ваа палам̣ ваа бхун̃ж̇ад̇и, яаамагаалигам̣ сад̇д̇аахагаалигам̣ яааваж̇ийвигам̣ сад̇и бажжаяз барибхун̃ж̇ад̇и, уммад̇д̇агасса, аад̣̇игаммигассаад̇и.
575. Anāpatti paṭisaṃvidite, gilānassa, paṭisaṃvidite vā gilānassa vā sesakaṃ bhuñjati, bahārāme paṭiggahetvā antoārāme bhuñjati, tattha jātakaṃ mūlaṃ vā tacaṃ vā pattaṃ vā pupphaṃ vā phalaṃ vā bhuñjati, yāmakālikaṃ sattāhakālikaṃ yāvajīvikaṃ sati paccaye paribhuñjati, ummattakassa, ādikammikassāti.
жад̇уд̇т̇абаадид̣̇зсанийяасигкаабад̣̇ам̣ нидтид̇ам̣.
Catutthapāṭidesanīyasikkhāpadaṃ niṭṭhitaṃ.
уд̣̇д̣̇идтаа ко, ааяасманд̇о, жад̇д̇ааро баадид̣̇зсанийяаа д̇хаммаа. д̇ад̇т̇ааяасманд̇з бужчаами – ‘‘гажжид̇т̇а барисуд̣̇д̇хаа’’? д̣̇уд̇ияамби бужчаами – ‘‘гажжид̇т̇а барисуд̣̇д̇хаа’’? д̇ад̇ияамби бужчаами – ‘‘гажжид̇т̇а барисуд̣̇д̇хаа’’? барисуд̣̇д̇хзд̇т̇ааяасманд̇о, д̇асмаа д̇ун̣хий, звамзд̇ам̣ д̇хаараяаамийд̇и.
Uddiṭṭhā kho, āyasmanto, cattāro pāṭidesanīyā dhammā. Tatthāyasmante pucchāmi – ‘‘kaccittha parisuddhā’’? Dutiyampi pucchāmi – ‘‘kaccittha parisuddhā’’? Tatiyampi pucchāmi – ‘‘kaccittha parisuddhā’’? Parisuddhetthāyasmanto, tasmā tuṇhī, evametaṃ dhārayāmīti.
баадид̣̇зсанийяаган̣д̣ам̣ нидтид̇ам̣.
Pāṭidesanīyakaṇḍaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. жад̇уд̇т̇абаадид̣̇зсанийяасигкаабад̣̇аван̣н̣анаа • 4. Catutthapāṭidesanīyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. д̣̇уд̇ияабаадид̣̇зсанийяасигкаабад̣̇аван̣н̣анаа • 2. Dutiyapāṭidesanīyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамабаадид̣̇зсанийяасигкаабад̣̇аван̣н̣анаа • 1. Paṭhamapāṭidesanīyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. жад̇уд̇т̇абаадид̣̇зсанийяасигкаабад̣̇ам̣ • 4. Catutthapāṭidesanīyasikkhāpadaṃ
