| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
4. жад̇уд̇т̇абаадид̣̇зсанийяасигкаабад̣̇ам̣
4. Catutthapāṭidesanīyasikkhāpadaṃ
570. жад̇уд̇т̇з аваруд̣̇д̇хасад̣̇д̣̇о барируд̣̇д̇хасад̣̇д̣̇асса барияааяод̇и ааха ‘‘барируд̣̇д̇хаа хонд̇ий’’д̇и. ааран̃н̃агасса сзнаасанасса барисаманд̇ад̇о руд̣̇д̇хаа аавуд̇аа хонд̇ийд̇и ад̇т̇о.
570. Catutthe avaruddhasaddo pariruddhasaddassa pariyāyoti āha ‘‘pariruddhā hontī’’ti. Āraññakassa senāsanassa parisamantato ruddhā āvutā hontīti attho.
573. ‘‘бан̃жанна’’нд̇и нид̣̇д̇хааран̣з саамиважанабхааван̃жа ‘‘яам̣гин̃жий’’д̇и нид̣̇д̇хааран̣ийязна самб̣анд̇хид̇аб̣б̣абхааван̃жа д̣̇ассзд̇ум̣ вуд̇д̇ам̣ ‘‘бан̃жасу сахад̇хаммигзсу яам̣ гин̃жий’’д̇и. ‘‘бзсзд̇ваа каад̣̇анийяам̣ бхож̇анийяам̣ аахариссаамий’’д̇ииминаа бадисам̣вид̣̇ид̇аагаарад̣̇ассанам̣. ‘‘аараама’’нд̇и сааман̃н̃ад̇о вуд̇д̇зби ааран̃н̃агасзнаасанасса аараамо зва ад̇хиббзд̇од̇и ааха ‘‘ааран̃н̃агасзнаасанаарааман̃жаа’’д̇и. д̇ассаад̇и ааран̃н̃агасзнаасанаараамасса. ‘‘гасмаа’’д̇и бужчааяа ‘‘бадиможанад̇т̇а’’нд̇и висаж̇ж̇анааяа самзд̇ум̣ самбад̣̇аанад̇т̇з ниссаггаважанам̣ гаад̇аб̣б̣ам̣. гимад̇т̇анд̇и хи ад̇т̇о. бадиможанад̇т̇анд̇и д̇ад̣̇ад̇т̇з бажжад̇д̇аважанам̣. бадиможанасан̇каад̇ааяа ад̇т̇ааяаад̇и хи ад̇т̇о. ад̇т̇асад̣̇д̣̇о жа баяож̇анаваажаго. баяож̇анааяаад̇и хи ад̇т̇о. ат̇а ваа ‘‘бадиможанад̇т̇а’’нд̇и висаж̇ж̇анааяам̣. ‘‘гасмаа’’д̇и бужчааяа самзд̇ум̣ ниссаггад̇т̇з бажжад̇д̇аважанам̣ гаад̇аб̣б̣ам̣. бадиможанасан̇каад̇аа ад̇т̇аад̇и хи ад̇т̇о. ад̇т̇асад̣̇д̣̇о жа гааран̣аваажаго. гааран̣аад̇и хи ад̇т̇о. зван̃хи бужчаависаж̇ж̇анаанам̣ буб̣б̣аабарасамасан̇каад̇о вижаяо хааро барибун̣н̣о ход̇ийд̇и д̣̇адтаб̣б̣ам̣. амхааганд̇и каад̣̇анийяабхож̇анийяабадихаранд̇аанам̣ амхаагам̣. амхзд̇и жорасан̇каад̇з амхз.
573. ‘‘Pañcanna’’nti niddhāraṇe sāmivacanabhāvañca ‘‘yaṃkiñcī’’ti niddhāraṇīyena sambandhitabbabhāvañca dassetuṃ vuttaṃ ‘‘pañcasu sahadhammikesu yaṃ kiñcī’’ti. ‘‘Pesetvā khādanīyaṃ bhojanīyaṃ āharissāmī’’tiiminā paṭisaṃviditākāradassanaṃ. ‘‘Ārāma’’nti sāmaññato vuttepi āraññakasenāsanassa ārāmo eva adhippetoti āha ‘‘āraññakasenāsanārāmañcā’’ti. Tassāti āraññakasenāsanārāmassa. ‘‘Kasmā’’ti pucchāya ‘‘paṭimocanattha’’nti visajjanāya sametuṃ sampadānatthe nissakkavacanaṃ kātabbaṃ. Kimatthanti hi attho. Paṭimocanatthanti tadatthe paccattavacanaṃ. Paṭimocanasaṅkhātāya atthāyāti hi attho. Atthasaddo ca payojanavācako. Payojanāyāti hi attho. Atha vā ‘‘paṭimocanattha’’nti visajjanāyaṃ. ‘‘Kasmā’’ti pucchāya sametuṃ nissakkatthe paccattavacanaṃ kātabbaṃ. Paṭimocanasaṅkhātā atthāti hi attho. Atthasaddo ca kāraṇavācako. Kāraṇāti hi attho. Evañhi pucchāvisajjanānaṃ pubbāparasamasaṅkhāto vicayo hāro paripuṇṇo hotīti daṭṭhabbaṃ. Amhākanti khādanīyabhojanīyapaṭiharantānaṃ amhākaṃ. Amheti corasaṅkhāte amhe.
‘‘д̇ассаа’’д̇и бад̣̇ассад̇т̇ам̣ д̣̇ассзд̇ум̣ вуд̇д̇ам̣ ‘‘зд̇иссаа яааг̇уяаа’’д̇и. ан̃н̃аанибийд̇и бадисам̣вид̣̇ид̇агулад̇о ан̃н̃ааниби гулаани. д̇знаад̇и бадисам̣вид̣̇ид̇агулзна. гурунд̣̇иваад̣̇з яааг̇уяаа бадисам̣вид̣̇ид̇ам̣ гад̇ваа яааг̇ум̣ аг̇г̇ахзд̇ваа бууваад̣̇ийни аахаранд̇и, ваддад̇ийд̇и ад̇хиббааяо.
‘‘Tassā’’ti padassatthaṃ dassetuṃ vuttaṃ ‘‘etissā yāguyā’’ti. Aññānipīti paṭisaṃviditakulato aññānipi kulāni. Tenāti paṭisaṃviditakulena. Kurundivāde yāguyā paṭisaṃviditaṃ katvā yāguṃ aggahetvā pūvādīni āharanti, vaṭṭatīti adhippāyo.
575. згассаад̇и бхигкусса. д̇ассаад̇и бадисам̣вид̣̇ид̇абхигкусса, жад̇уннам̣ ваа бан̃жаннам̣ ваа бхигкуунам̣ ад̇т̇ааяаад̇и яож̇анаа. ан̃н̃зсамбийд̇и жад̇убан̃жабхигкуд̇о ан̃н̃зсамби. ад̇хигамзваад̇и барибхуд̇д̇ад̇о ад̇ирзгамзва. яам̣ банаад̇и каад̣̇анийяабхож̇анийяам̣ бана, яамби каад̣̇анийяабхож̇анийяам̣ ванад̇о аахарид̇ваа д̣̇знд̇ийд̇и яож̇анаа. ‘‘д̇ад̇т̇аж̇аад̇ага’’нд̇и зд̇т̇а д̇асад̣̇д̣̇асса висаяам̣ д̣̇ассзд̇ум̣ вуд̇д̇ам̣ ‘‘аараамз’’д̇и. ан̃н̃зна д̣̇иннанд̇и самб̣анд̇хо. нанд̇и муулакаад̣̇анийяаад̣̇им̣. бадисам̣вид̣̇ид̇анд̇и бадигажжзва судту ж̇аанаабид̇анд̇и ад̇т̇од̇и. жад̇уд̇т̇ам̣.
575.Ekassāti bhikkhussa. Tassāti paṭisaṃviditabhikkhussa, catunnaṃ vā pañcannaṃ vā bhikkhūnaṃ atthāyāti yojanā. Aññesampīti catupañcabhikkhuto aññesampi. Adhikamevāti paribhuttato atirekameva. Yaṃ panāti khādanīyabhojanīyaṃ pana, yampi khādanīyabhojanīyaṃ vanato āharitvā dentīti yojanā. ‘‘Tatthajātaka’’nti ettha tasaddassa visayaṃ dassetuṃ vuttaṃ ‘‘ārāme’’ti. Aññena dinnanti sambandho. Nanti mūlakhādanīyādiṃ. Paṭisaṃviditanti paṭikacceva suṭṭhu jānāpitanti atthoti. Catutthaṃ.
ид̇и саманд̇абаасаад̣̇игааяа винаяасам̣ван̣н̣анааяа
Iti samantapāsādikāya vinayasaṃvaṇṇanāya
баадид̣̇зсанийяаван̣н̣анааяа
Pāṭidesanīyavaṇṇanāya
яож̇анаа самад̇д̇аа.
Yojanā samattā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. жад̇уд̇т̇абаадид̣̇зсанийяасигкаабад̣̇ам̣ • 4. Catutthapāṭidesanīyasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. жад̇уд̇т̇абаадид̣̇зсанийяасигкаабад̣̇аван̣н̣анаа • 4. Catutthapāṭidesanīyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. д̣̇уд̇ияабаадид̣̇зсанийяасигкаабад̣̇аван̣н̣анаа • 2. Dutiyapāṭidesanīyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамабаадид̣̇зсанийяасигкаабад̣̇аван̣н̣анаа • 1. Paṭhamapāṭidesanīyasikkhāpadavaṇṇanā
