| Library / Tipiṭaka / তিপিটক • Tipiṭaka / কঙ্খাৰিতরণী-পুরাণ-টীকা • Kaṅkhāvitaraṇī-purāṇa-ṭīkā |
৪. চতুত্থপাটিদেসনীযসিক্খাপদৰণ্ণনা
4. Catutthapāṭidesanīyasikkhāpadavaṇṇanā
আরামে ৰা আরামূপচারে ৰা পটিগ্গহেত্ৰা অজ্ঝোহরন্তস্সাতি আরামে ৰা আরামূপচারে ৰা পটিগ্গহেত্ৰা আরামে ৰা আরামূপচারে ৰা অজ্ঝোহরন্তস্সাতি অত্থো।
Ārāme vā ārāmūpacāre vā paṭiggahetvā ajjhoharantassāti ārāme vā ārāmūpacāre vā paṭiggahetvā ārāme vā ārāmūpacāre vā ajjhoharantassāti attho.
বহারামে পটিগ্গহিতং অজ্ঝারামে ভুঞ্জন্তস্স অনাপত্তি। অঙ্গেসু চ ‘‘অজ্ঝারামে ৰা আরামূপচারে ৰা পটিগ্গহণ’’ন্তি গহেতব্বং। অজ্ঝারামে হি দস্সিতে আরামূপচারং দস্সিতমেৰাতি। ‘‘সমুট্ঠানাদীনি কথিনসদিসানি, ইদং পন কিরিযাকিরিয’’ন্তি পাঠো।
Bahārāme paṭiggahitaṃ ajjhārāme bhuñjantassa anāpatti. Aṅgesu ca ‘‘ajjhārāme vā ārāmūpacāre vā paṭiggahaṇa’’nti gahetabbaṃ. Ajjhārāme hi dassite ārāmūpacāraṃ dassitamevāti. ‘‘Samuṭṭhānādīni kathinasadisāni, idaṃ pana kiriyākiriya’’nti pāṭho.
চতুত্থপাটিদেসনীযসিক্খাপদৰণ্ণনা নিট্ঠিতা।
Catutthapāṭidesanīyasikkhāpadavaṇṇanā niṭṭhitā.
পাটিদেসনীযৰণ্ণনা নিট্ঠিতা।
Pāṭidesanīyavaṇṇanā niṭṭhitā.
