| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
4. жад̇уд̇т̇абаадид̣̇зсанийяасигкаабад̣̇аван̣н̣анаа
4. Catutthapāṭidesanīyasikkhāpadavaṇṇanā
д̇асса бариваарам̣ гад̇ваа, ан̃н̃ам̣ ваа д̇зна сад̣̇д̇хим̣ б̣ахугамбийд̇и яааг̇уяаа бадисам̣вид̣̇ид̇ам̣ гад̇ваа ‘‘гим̣ суд̣̇д̇хааяа яааг̇уяаа д̣̇иннааяа, буувабхад̇д̇аад̣̇ийниби зд̇иссаа яааг̇уяаа бариваарам̣ гад̇ваа, д̣̇ассаамаа’’д̇иаад̣̇инаа д̇асса каад̣̇анийяасса ваа бхож̇анийяасса ваа бариваарам̣ гад̇ваа, ан̃н̃ам̣ ваа яам̣ гин̃жи д̇зна сад̣̇д̇хим̣ б̣ахугамби аахарийяад̇у. каад̣̇анийяанд̇и нид̣̇ассанамад̇д̇ам̣ ‘‘бхож̇анийяам̣ ваа’’д̇иби ижчид̇аб̣б̣ад̇д̇аа. д̇зна сад̣̇д̇хим̣ аахаранд̇ууд̇и д̇зна сад̣̇д̇хим̣ ад̇д̇ано д̣̇зяяад̇хаммам̣ аахаранд̇у. ‘‘яааг̇уяаа бадисам̣вид̣̇ид̇ам̣ гад̇ваа буувам̣ ваа бхад̇д̇ам̣ ваа аахаранд̇и, зд̇амби ваддад̇ий’’д̇и (баажи. адта. 573) гурунд̣̇ияам̣ вуд̇д̇ам̣.
Tassa parivāraṃ katvā, aññaṃ vā tena saddhiṃ bahukampīti yāguyā paṭisaṃviditaṃ katvā ‘‘kiṃ suddhāya yāguyā dinnāya, pūvabhattādīnipi etissā yāguyā parivāraṃ katvā, dassāmā’’tiādinā tassa khādanīyassa vā bhojanīyassa vā parivāraṃ katvā, aññaṃ vā yaṃ kiñci tena saddhiṃ bahukampi āharīyatu. Khādanīyanti nidassanamattaṃ ‘‘bhojanīyaṃ vā’’tipi icchitabbattā. Tena saddhiṃ āharantūti tena saddhiṃ attano deyyadhammaṃ āharantu. ‘‘Yāguyā paṭisaṃviditaṃ katvā pūvaṃ vā bhattaṃ vā āharanti, etampi vaṭṭatī’’ti (pāci. aṭṭha. 573) kurundiyaṃ vuttaṃ.
бадисам̣вид̣̇ид̇аг̇илаанаавасзсагам̣ ваад̇и бадисам̣вид̣̇ид̇ан̃жа г̇илаано жа бадисам̣вид̣̇ид̇аг̇илаанаа, д̇зсам̣ авасзсагам̣, бадисам̣вид̣̇ид̇асса жа г̇илаанасса жа сзсаганд̇и ад̇т̇о. згассад̇т̇ааяа бадисам̣вид̣̇ид̇ам̣ гад̇ваа аахадам̣, д̇асса сзсагам̣ ан̃н̃ассааби барибхун̃ж̇ид̇ум̣ ваддад̇и. жад̇уннам̣ ваа бан̃жаннам̣ ваа бадисам̣вид̣̇ид̇ам̣ гад̇ваа б̣ахуунам̣ аахадам̣ ход̇и, ан̃н̃зсамби д̣̇аад̇ум̣ ижчанд̇и, зд̇амби бадисам̣вид̣̇ид̇асзсагамзва, саб̣б̣зсамби ваддад̇и. ат̇а ад̇хигамзва ход̇и, саннид̇хим̣ можзд̇ваа табид̇ам̣ д̣̇уд̇ияад̣̇ивасзби ваддад̇и. г̇илаанассаахадаавасзсзби зсзва наяо. яам̣ бана аббадисам̣вид̣̇ид̇амзва гад̇ваа аабхад̇ам̣, д̇ам̣ б̣ахиаараамам̣ бзсзд̇ваа бадисам̣вид̣̇ид̇ам̣ гаарзд̇ваа аахараабзд̇аб̣б̣ам̣, бхигкуухи ваа г̇анд̇ваа анд̇араамаг̇г̇з г̇ахзд̇аб̣б̣ам̣. яамби вихаарамаж̇жхзна г̇ажчанд̇о ваа ванажарагаад̣̇аяо ваа ванад̇о аахарид̇ваа д̣̇знд̇и, буриманаязнзва бадисам̣вид̣̇ид̇ам̣ гаарзд̇аб̣б̣ам̣. гад̇т̇ажи бана бод̇т̇агзсу ‘‘бадисам̣вид̣̇ид̇ам̣ гад̇ваа аахадам̣ ваа г̇илаанаавасзсагам̣ ваа’’д̇и баато д̣̇иссад̇и, со на г̇ахзд̇аб̣б̣о. д̇ад̇т̇аж̇аад̇агамзва ваад̇и аараамз ж̇аад̇агамзва. муулапалаад̣̇инд̇и муулапалад̇ажабад̇д̇аад̣̇им̣ ан̃н̃зна габбияам̣ гад̇ваа д̣̇иннам̣ барибхун̃ж̇ад̇о анаабад̇д̇и. сажз бана д̇ам̣ г̇аамам̣ харид̇ваа бажид̇ваа аахаранд̇и, на ваддад̇и. бадисам̣вид̣̇ид̇ам̣ гаарзд̇аб̣б̣ам̣.
Paṭisaṃviditagilānāvasesakaṃ vāti paṭisaṃviditañca gilāno ca paṭisaṃviditagilānā, tesaṃ avasesakaṃ, paṭisaṃviditassa ca gilānassa ca sesakanti attho. Ekassatthāya paṭisaṃviditaṃ katvā āhaṭaṃ, tassa sesakaṃ aññassāpi paribhuñjituṃ vaṭṭati. Catunnaṃ vā pañcannaṃ vā paṭisaṃviditaṃ katvā bahūnaṃ āhaṭaṃ hoti, aññesampi dātuṃ icchanti, etampi paṭisaṃviditasesakameva, sabbesampi vaṭṭati. Atha adhikameva hoti, sannidhiṃ mocetvā ṭhapitaṃ dutiyadivasepi vaṭṭati. Gilānassāhaṭāvasesepi eseva nayo. Yaṃ pana appaṭisaṃviditameva katvā ābhataṃ, taṃ bahiārāmaṃ pesetvā paṭisaṃviditaṃ kāretvā āharāpetabbaṃ, bhikkhūhi vā gantvā antarāmagge gahetabbaṃ. Yampi vihāramajjhena gacchanto vā vanacarakādayo vā vanato āharitvā denti, purimanayeneva paṭisaṃviditaṃ kāretabbaṃ. Katthaci pana potthakesu ‘‘paṭisaṃviditaṃ katvā āhaṭaṃ vā gilānāvasesakaṃ vā’’ti pāṭho dissati, so na gahetabbo. Tatthajātakameva vāti ārāme jātakameva. Mūlaphalādinti mūlaphalatacapattādiṃ aññena kappiyaṃ katvā dinnaṃ paribhuñjato anāpatti. Sace pana taṃ gāmaṃ haritvā pacitvā āharanti, na vaṭṭati. Paṭisaṃviditaṃ kāretabbaṃ.
жад̇уд̇т̇абаадид̣̇зсанийяасигкаабад̣̇аван̣н̣анаа нидтид̇аа.
Catutthapāṭidesanīyasikkhāpadavaṇṇanā niṭṭhitā.
ид̇и ган̇каавид̇аран̣ияаа баад̇имогкаван̣н̣анааяа
Iti kaṅkhāvitaraṇiyā pātimokkhavaṇṇanāya
винаяад̇т̇аман̃ж̇уусааяам̣ лийнад̇т̇аббагаасанияам̣
Vinayatthamañjūsāyaṃ līnatthappakāsaniyaṃ
баадид̣̇зсанийяаван̣н̣анаа нидтид̇аа.
Pāṭidesanīyavaṇṇanā niṭṭhitā.
