| Library / Tipiṭaka / တိပိဋက • Tipiṭaka / ကင္ခာဝိတရဏီ-ပုရာဏ-ဋီကာ • Kaṅkhāvitaraṇī-purāṇa-ṭīkā |
၄. စတုတ္ထပာဋိဒေသနီယသိက္ခာပဒဝဏ္ဏနာ
4. Catutthapāṭidesanīyasikkhāpadavaṇṇanā
အာရာမေ ဝာ အာရာမူပစာရေ ဝာ ပဋိဂ္ဂဟေတ္ဝာ အဇ္ဈောဟရန္တသ္သာတိ အာရာမေ ဝာ အာရာမူပစာရေ ဝာ ပဋိဂ္ဂဟေတ္ဝာ အာရာမေ ဝာ အာရာမူပစာရေ ဝာ အဇ္ဈောဟရန္တသ္သာတိ အတ္ထော။
Ārāme vā ārāmūpacāre vā paṭiggahetvā ajjhoharantassāti ārāme vā ārāmūpacāre vā paṭiggahetvā ārāme vā ārāmūpacāre vā ajjhoharantassāti attho.
ဗဟာရာမေ ပဋိဂ္ဂဟိတံ အဇ္ဈာရာမေ ဘုဉ္ဇန္တသ္သ အနာပတ္တိ။ အင္ဂေသု စ ‘‘အဇ္ဈာရာမေ ဝာ အာရာမူပစာရေ ဝာ ပဋိဂ္ဂဟဏ’’န္တိ ဂဟေတဗ္ဗံ။ အဇ္ဈာရာမေ ဟိ ဒသ္သိတေ အာရာမူပစာရံ ဒသ္သိတမေဝာတိ။ ‘‘သမုဋ္ဌာနာဒီနိ ကထိနသဒိသာနိ, ဣဒံ ပန ကိရိယာကိရိယ’’န္တိ ပာဌော။
Bahārāme paṭiggahitaṃ ajjhārāme bhuñjantassa anāpatti. Aṅgesu ca ‘‘ajjhārāme vā ārāmūpacāre vā paṭiggahaṇa’’nti gahetabbaṃ. Ajjhārāme hi dassite ārāmūpacāraṃ dassitamevāti. ‘‘Samuṭṭhānādīni kathinasadisāni, idaṃ pana kiriyākiriya’’nti pāṭho.
စတုတ္ထပာဋိဒေသနီယသိက္ခာပဒဝဏ္ဏနာ နိဋ္ဌိတာ။
Catutthapāṭidesanīyasikkhāpadavaṇṇanā niṭṭhitā.
ပာဋိဒေသနီယဝဏ္ဏနာ နိဋ္ဌိတာ။
Pāṭidesanīyavaṇṇanā niṭṭhitā.
