| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੪. ਚਤੁਤ੍ਥਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ
4. Catutthapāṭidesanīyasikkhāpadavaṇṇanā
੫੭੦. ਚਤੁਤ੍ਥੇ – ਅવਰੁਦ੍ਧਾ ਹੋਨ੍ਤੀਤਿ ਪਟਿવਿਰੁਦ੍ਧਾ ਹੋਨ੍ਤਿ।
570. Catutthe – avaruddhā hontīti paṭiviruddhā honti.
੫੭੩. ਪਞ੍ਚਨ੍ਨਂ ਪਟਿਸਂવਿਦਿਤਨ੍ਤਿ ਪਞ੍ਚਸੁ ਸਹਧਮ੍ਮਿਕੇਸੁ ਯਂਕਿਞ੍ਚਿ ਪੇਸੇਤ੍વਾ ਖਾਦਨੀਯਂ ਭੋਜਨੀਯਂ ਆਹਰਿਸ੍ਸਾਮਾਤਿ ਪਟਿਸਂવਿਦਿਤਂ ਕਤਮ੍ਪਿ ਅਪ੍ਪਟਿਸਂવਿਦਿਤਮੇવਾਤਿ ਅਤ੍ਥੋ। ਆਰਾਮਂ ਆਰਾਮੂਪਚਾਰਂ ਠਪੇਤ੍વਾਤਿ ਆਰਞ੍ਞਕਸੇਨਾਸਨਾਰਾਮਞ੍ਚ ਤਸ੍ਸ ਉਪਚਾਰਞ੍ਚ ਠਪੇਤ੍વਾ; ਉਪਚਾਰਤੋ ਨਿਕ੍ਖਨ੍ਤਂ ਅਨ੍ਤਰਾਮਗ੍ਗੇ ਭਿਕ੍ਖੁਂ ਦਿਸ੍વਾ વਾ ਗਾਮਂ ਆਗਤਸ੍ਸ વਾ ਪਟਿਸਂવਿਦਿਤਂ ਕਤਮ੍ਪਿ ਅਪ੍ਪਟਿਸਂવਿਦਿਤਮੇવ ਹੋਤੀਤਿ વੇਦਿਤਬ੍ਬਂ। ਸਚੇ ਸਾਸਙ੍ਕਂ ਹੋਤਿ ਸਾਸਙ੍ਕਨ੍ਤਿ ਆਚਿਕ੍ਖਿਤਬ੍ਬਨ੍ਤਿ ਕਸ੍ਮਾ ਆਚਿਕ੍ਖਿਤਬ੍ਬਂ? ਆਰਾਮੇ ਚੋਰੇ વਸਨ੍ਤੇ ਅਮ੍ਹਾਕਂ ਨਾਰੋਚੇਨ੍ਤੀਤਿ વਚਨਪਟਿਮੋਚਨਤ੍ਥਂ। ਚੋਰਾ વਤ੍ਤਬ੍ਬਾ ਮਨੁਸ੍ਸਾ ਇਧੂਪਚਰਨ੍ਤੀਤਿ ਕਸ੍ਮਾ વਤ੍ਤਬ੍ਬਂ? ਅਤ੍ਤਨੋ ਉਪਟ੍ਠਾਕੇਹਿ ਅਮ੍ਹੇ ਗਣ੍ਹਾਪੇਨ੍ਤੀਤਿ વਚਨਪਟਿਮੋਚਨਤ੍ਥਂ।
573.Pañcannaṃ paṭisaṃviditanti pañcasu sahadhammikesu yaṃkiñci pesetvā khādanīyaṃ bhojanīyaṃ āharissāmāti paṭisaṃviditaṃ katampi appaṭisaṃviditamevāti attho. Ārāmaṃ ārāmūpacāraṃ ṭhapetvāti āraññakasenāsanārāmañca tassa upacārañca ṭhapetvā; upacārato nikkhantaṃ antarāmagge bhikkhuṃ disvā vā gāmaṃ āgatassa vā paṭisaṃviditaṃ katampi appaṭisaṃviditameva hotīti veditabbaṃ. Sace sāsaṅkaṃ hoti sāsaṅkanti ācikkhitabbanti kasmā ācikkhitabbaṃ? Ārāme core vasante amhākaṃ nārocentīti vacanapaṭimocanatthaṃ. Corā vattabbā manussā idhūpacarantīti kasmā vattabbaṃ? Attano upaṭṭhākehi amhe gaṇhāpentīti vacanapaṭimocanatthaṃ.
ਯਾਗੁਯਾ ਪਟਿਸਂવਿਦਿਤੇ ਤਸ੍ਸਾ ਪਰਿવਾਰੋ ਆਹਰਿਯ੍ਯਤੀਤਿ ਯਾਗੁਯਾ ਪਟਿਸਂવਿਦਿਤਂ ਕਤ੍વਾ ‘‘ਕਿਂ ਸੁਦ੍ਧਯਾਗੁਯਾ ਦਿਨ੍ਨਾਯ ਪੂવਭਤ੍ਤਾਦੀਨਿਪਿ ਏਤਿਸ੍ਸਾ ਯਾਗੁਯਾ ਪਰਿવਾਰਂ ਕਤ੍વਾ ਦਸ੍ਸਾਮਾ’’ਤਿ ਏવਂ ਯਂ ਕਿਞ੍ਚਿ ਆਹਰਨ੍ਤਿ, ਸਬ੍ਬਂ ਪਟਿਸਂવਿਦਿਤਮੇવ ਹੋਤਿ। ਭਤ੍ਤੇਨ ਪਟਿਸਂવਿਦਿਤੇਤਿਆਦੀਸੁਪਿ ਏਸੇવ ਨਯੋ। ਅਸੁਕਂ ਨਾਮ ਕੁਲਂ ਪਟਿਸਂવਿਦਿਤਂ ਕਤ੍વਾ ਖਾਦਨੀਯਾਦੀਨਿ ਗਹੇਤ੍વਾ ਗਚ੍ਛਤੀਤਿ ਸੁਤ੍વਾ ਅਞ੍ਞਾਨਿਪਿ ਤੇਨ ਸਦ੍ਧਿਂ ਅਤ੍ਤਨੋ ਦੇਯ੍ਯਧਮ੍ਮਂ ਆਹਰਨ੍ਤਿ, વਟ੍ਟਤਿ। ਯਾਗੁਯਾ ਪਟਿਸਂવਿਦਿਤਂ ਕਤ੍વਾ ਪੂવਂ વਾ ਭਤ੍ਤਂ વਾ ਆਹਰਨ੍ਤਿ, ਏਤਮ੍ਪਿ વਟ੍ਟਤੀਤਿ ਕੁਰੁਨ੍ਦਿਯਂ વੁਤ੍ਤਂ।
Yāguyā paṭisaṃvidite tassā parivāro āhariyyatīti yāguyā paṭisaṃviditaṃ katvā ‘‘kiṃ suddhayāguyā dinnāya pūvabhattādīnipi etissā yāguyā parivāraṃ katvā dassāmā’’ti evaṃ yaṃ kiñci āharanti, sabbaṃ paṭisaṃviditameva hoti. Bhattena paṭisaṃviditetiādīsupi eseva nayo. Asukaṃ nāma kulaṃ paṭisaṃviditaṃ katvā khādanīyādīni gahetvā gacchatīti sutvā aññānipi tena saddhiṃ attano deyyadhammaṃ āharanti, vaṭṭati. Yāguyā paṭisaṃviditaṃ katvā pūvaṃ vā bhattaṃ vā āharanti, etampi vaṭṭatīti kurundiyaṃ vuttaṃ.
੫੭੫. ਗਿਲਾਨਸ੍ਸਾਤਿ ਅਪ੍ਪਟਿਸਂવਿਦਿਤੇਪਿ ਗਿਲਾਨਸ੍ਸ ਅਨਾਪਤ੍ਤਿ। ਪਟਿਸਂવਿਦਿਤੇ વਾ ਗਿਲਾਨਸ੍ਸ વਾ ਸੇਸਕਨ੍ਤਿ ਏਕਸ੍ਸਤ੍ਥਾਯ ਪਟਿਸਂવਿਦਿਤਂ ਕਤ੍વਾ ਆਹਟਂ, ਤਸ੍ਸ ਸੇਸਕਂ ਅਞ੍ਞਸ੍ਸਾਪਿ ਭੁਞ੍ਜਿਤੁਂ વਟ੍ਟਤਿ। ਚਤੁਨ੍ਨਂ ਪਞ੍ਚਨ੍ਨਂ વਾ ਪਟਿਸਂવਿਦਿਤਂ ਕਤ੍વਾ ਬਹੁਂ ਆਹਟਂ ਹੋਤਿ, ਅਞ੍ਞੇਸਮ੍ਪਿ ਦਾਤੁਂ ਇਚ੍ਛਨ੍ਤਿ, ਏਤਮ੍ਪਿ ਪਟਿਸਂવਿਦਿਤਸੇਸਕਮੇવ, ਸਬ੍ਬੇਸਮ੍ਪਿ વਟ੍ਟਤਿ। ਅਥ ਅਧਿਕਮੇવ ਹੋਤਿ, ਸਨ੍ਨਿਧਿਂ ਮੋਚੇਤ੍વਾ ਠਪਿਤਂ ਦੁਤਿਯਦਿવਸੇਪਿ વਟ੍ਟਤਿ। ਗਿਲਾਨਸ੍ਸ ਆਹਟਾવਸੇਸੇਪਿ ਏਸੇવ ਨਯੋ। ਯਂ ਪਨ ਅਪ੍ਪਟਿਸਂવਿਦਿਤਮੇવ ਕਤ੍વਾ ਆਭਤਂ, ਤਂ ਬਹਿਆਰਾਮਂ ਪੇਸੇਤ੍વਾ ਪਟਿਸਂવਿਦਿਤਂ ਕਾਰੇਤ੍વਾ ਆਹਰਾਪੇਤਬ੍ਬਂ, ਭਿਕ੍ਖੂਹਿ વਾ ਗਨ੍ਤ੍વਾ ਅਨ੍ਤਰਾਮਗ੍ਗੇ ਗਹੇਤਬ੍ਬਂ। ਯਮ੍ਪਿ વਿਹਾਰਮਜ੍ਝੇਨ ਗਚ੍ਛਨ੍ਤਾ વਾ વਨਚਰਕਾਦਯੋ વਾ વਨਤੋ ਆਹਰਿਤ੍વਾ ਦੇਨ੍ਤਿ, ਪੁਰਿਮਨਯੇਨੇવ ਪਟਿਸਂવਿਦਿਤਂ ਕਾਰੇਤਬ੍ਬਂ। ਤਤ੍ਥਜਾਤਕਨ੍ਤਿ ਆਰਾਮੇ ਜਾਤਕਮੇવ; ਮੂਲਖਾਦਨੀਯਾਦਿਂ ਅਞ੍ਞੇਨ ਕਪ੍ਪਿਯਂ ਕਤ੍વਾ ਦਿਨ੍ਨਂ ਪਰਿਭੁਞ੍ਜਤੋ ਅਨਾਪਤ੍ਤਿ। ਸਚੇ ਪਨ ਤਂ ਗਾਮਂ ਹਰਿਤ੍વਾ ਪਚਿਤ੍વਾ ਆਹਰਨ੍ਤਿ, ਨ વਟ੍ਟਤਿ। ਪਟਿਸਂવਿਦਿਤਂ ਕਾਰੇਤਬ੍ਬਂ। ਸੇਸਮੇਤ੍ਥ ਉਤ੍ਤਾਨਮੇવ।
575.Gilānassāti appaṭisaṃviditepi gilānassa anāpatti. Paṭisaṃvidite vā gilānassa vā sesakanti ekassatthāya paṭisaṃviditaṃ katvā āhaṭaṃ, tassa sesakaṃ aññassāpi bhuñjituṃ vaṭṭati. Catunnaṃ pañcannaṃ vā paṭisaṃviditaṃ katvā bahuṃ āhaṭaṃ hoti, aññesampi dātuṃ icchanti, etampi paṭisaṃviditasesakameva, sabbesampi vaṭṭati. Atha adhikameva hoti, sannidhiṃ mocetvā ṭhapitaṃ dutiyadivasepi vaṭṭati. Gilānassa āhaṭāvasesepi eseva nayo. Yaṃ pana appaṭisaṃviditameva katvā ābhataṃ, taṃ bahiārāmaṃ pesetvā paṭisaṃviditaṃ kāretvā āharāpetabbaṃ, bhikkhūhi vā gantvā antarāmagge gahetabbaṃ. Yampi vihāramajjhena gacchantā vā vanacarakādayo vā vanato āharitvā denti, purimanayeneva paṭisaṃviditaṃ kāretabbaṃ. Tatthajātakanti ārāme jātakameva; mūlakhādanīyādiṃ aññena kappiyaṃ katvā dinnaṃ paribhuñjato anāpatti. Sace pana taṃ gāmaṃ haritvā pacitvā āharanti, na vaṭṭati. Paṭisaṃviditaṃ kāretabbaṃ. Sesamettha uttānameva.
ਕਥਿਨਸਮੁਟ੍ਠਾਨਂ – ਕਿਰਿਯਾਕਿਰਿਯਂ, ਨੋਸਞ੍ਞਾવਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
Kathinasamuṭṭhānaṃ – kiriyākiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ਚਤੁਤ੍ਥਪਾਟਿਦੇਸਨੀਯਂ ।
Catutthapāṭidesanīyaṃ .
ਸਮਨ੍ਤਪਾਸਾਦਿਕਾਯ વਿਨਯਸਂવਣ੍ਣਨਾਯ
Samantapāsādikāya vinayasaṃvaṇṇanāya
ਪਾਟਿਦੇਸਨੀਯવਣ੍ਣਨਾ ਨਿਟ੍ਠਿਤਾ।
Pāṭidesanīyavaṇṇanā niṭṭhitā.
ਪਾਟਿਦੇਸਨੀਯਕਣ੍ਡਂ ਨਿਟ੍ਠਿਤਂ।
Pāṭidesanīyakaṇḍaṃ niṭṭhitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੪. ਚਤੁਤ੍ਥਪਾਟਿਦੇਸਨੀਯਸਿਕ੍ਖਾਪਦਂ • 4. Catutthapāṭidesanīyasikkhāpadaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੨. ਦੁਤਿਯਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ • 2. Dutiyapāṭidesanīyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਪਠਮਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ • 1. Paṭhamapāṭidesanīyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੪. ਚਤੁਤ੍ਥਪਾਟਿਦੇਸਨੀਯਸਿਕ੍ਖਾਪਦਂ • 4. Catutthapāṭidesanīyasikkhāpadaṃ
