| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੪. ਚਤੁਤ੍ਥਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ
4. Catutthapāṭidesanīyasikkhāpadavaṇṇanā
ਤਸ੍ਸ ਪਰਿવਾਰਂ ਕਤ੍વਾ, ਅਞ੍ਞਂ વਾ ਤੇਨ ਸਦ੍ਧਿਂ ਬਹੁਕਮ੍ਪੀਤਿ ਯਾਗੁਯਾ ਪਟਿਸਂવਿਦਿਤਂ ਕਤ੍વਾ ‘‘ਕਿਂ ਸੁਦ੍ਧਾਯ ਯਾਗੁਯਾ ਦਿਨ੍ਨਾਯ, ਪੂવਭਤ੍ਤਾਦੀਨਿਪਿ ਏਤਿਸ੍ਸਾ ਯਾਗੁਯਾ ਪਰਿવਾਰਂ ਕਤ੍વਾ, ਦਸ੍ਸਾਮਾ’’ਤਿਆਦਿਨਾ ਤਸ੍ਸ ਖਾਦਨੀਯਸ੍ਸ વਾ ਭੋਜਨੀਯਸ੍ਸ વਾ ਪਰਿવਾਰਂ ਕਤ੍વਾ, ਅਞ੍ਞਂ વਾ ਯਂ ਕਿਞ੍ਚਿ ਤੇਨ ਸਦ੍ਧਿਂ ਬਹੁਕਮ੍ਪਿ ਆਹਰੀਯਤੁ। ਖਾਦਨੀਯਨ੍ਤਿ ਨਿਦਸ੍ਸਨਮਤ੍ਤਂ ‘‘ਭੋਜਨੀਯਂ વਾ’’ਤਿਪਿ ਇਚ੍ਛਿਤਬ੍ਬਤ੍ਤਾ। ਤੇਨ ਸਦ੍ਧਿਂ ਆਹਰਨ੍ਤੂਤਿ ਤੇਨ ਸਦ੍ਧਿਂ ਅਤ੍ਤਨੋ ਦੇਯ੍ਯਧਮ੍ਮਂ ਆਹਰਨ੍ਤੁ। ‘‘ਯਾਗੁਯਾ ਪਟਿਸਂવਿਦਿਤਂ ਕਤ੍વਾ ਪੂવਂ વਾ ਭਤ੍ਤਂ વਾ ਆਹਰਨ੍ਤਿ, ਏਤਮ੍ਪਿ વਟ੍ਟਤੀ’’ਤਿ (ਪਾਚਿ॰ ਅਟ੍ਠ॰ ੫੭੩) ਕੁਰੁਨ੍ਦਿਯਂ વੁਤ੍ਤਂ।
Tassa parivāraṃ katvā, aññaṃ vā tena saddhiṃ bahukampīti yāguyā paṭisaṃviditaṃ katvā ‘‘kiṃ suddhāya yāguyā dinnāya, pūvabhattādīnipi etissā yāguyā parivāraṃ katvā, dassāmā’’tiādinā tassa khādanīyassa vā bhojanīyassa vā parivāraṃ katvā, aññaṃ vā yaṃ kiñci tena saddhiṃ bahukampi āharīyatu. Khādanīyanti nidassanamattaṃ ‘‘bhojanīyaṃ vā’’tipi icchitabbattā. Tena saddhiṃ āharantūti tena saddhiṃ attano deyyadhammaṃ āharantu. ‘‘Yāguyā paṭisaṃviditaṃ katvā pūvaṃ vā bhattaṃ vā āharanti, etampi vaṭṭatī’’ti (pāci. aṭṭha. 573) kurundiyaṃ vuttaṃ.
ਪਟਿਸਂવਿਦਿਤਗਿਲਾਨਾવਸੇਸਕਂ વਾਤਿ ਪਟਿਸਂવਿਦਿਤਞ੍ਚ ਗਿਲਾਨੋ ਚ ਪਟਿਸਂવਿਦਿਤਗਿਲਾਨਾ, ਤੇਸਂ ਅવਸੇਸਕਂ, ਪਟਿਸਂવਿਦਿਤਸ੍ਸ ਚ ਗਿਲਾਨਸ੍ਸ ਚ ਸੇਸਕਨ੍ਤਿ ਅਤ੍ਥੋ। ਏਕਸ੍ਸਤ੍ਥਾਯ ਪਟਿਸਂવਿਦਿਤਂ ਕਤ੍વਾ ਆਹਟਂ, ਤਸ੍ਸ ਸੇਸਕਂ ਅਞ੍ਞਸ੍ਸਾਪਿ ਪਰਿਭੁਞ੍ਜਿਤੁਂ વਟ੍ਟਤਿ। ਚਤੁਨ੍ਨਂ વਾ ਪਞ੍ਚਨ੍ਨਂ વਾ ਪਟਿਸਂવਿਦਿਤਂ ਕਤ੍વਾ ਬਹੂਨਂ ਆਹਟਂ ਹੋਤਿ, ਅਞ੍ਞੇਸਮ੍ਪਿ ਦਾਤੁਂ ਇਚ੍ਛਨ੍ਤਿ, ਏਤਮ੍ਪਿ ਪਟਿਸਂવਿਦਿਤਸੇਸਕਮੇવ, ਸਬ੍ਬੇਸਮ੍ਪਿ વਟ੍ਟਤਿ। ਅਥ ਅਧਿਕਮੇવ ਹੋਤਿ, ਸਨ੍ਨਿਧਿਂ ਮੋਚੇਤ੍વਾ ਠਪਿਤਂ ਦੁਤਿਯਦਿવਸੇਪਿ વਟ੍ਟਤਿ। ਗਿਲਾਨਸ੍ਸਾਹਟਾવਸੇਸੇਪਿ ਏਸੇવ ਨਯੋ। ਯਂ ਪਨ ਅਪ੍ਪਟਿਸਂવਿਦਿਤਮੇવ ਕਤ੍વਾ ਆਭਤਂ, ਤਂ ਬਹਿਆਰਾਮਂ ਪੇਸੇਤ੍વਾ ਪਟਿਸਂવਿਦਿਤਂ ਕਾਰੇਤ੍વਾ ਆਹਰਾਪੇਤਬ੍ਬਂ, ਭਿਕ੍ਖੂਹਿ વਾ ਗਨ੍ਤ੍વਾ ਅਨ੍ਤਰਾਮਗ੍ਗੇ ਗਹੇਤਬ੍ਬਂ। ਯਮ੍ਪਿ વਿਹਾਰਮਜ੍ਝੇਨ ਗਚ੍ਛਨ੍ਤੋ વਾ વਨਚਰਕਾਦਯੋ વਾ વਨਤੋ ਆਹਰਿਤ੍વਾ ਦੇਨ੍ਤਿ, ਪੁਰਿਮਨਯੇਨੇવ ਪਟਿਸਂવਿਦਿਤਂ ਕਾਰੇਤਬ੍ਬਂ। ਕਤ੍ਥਚਿ ਪਨ ਪੋਤ੍ਥਕੇਸੁ ‘‘ਪਟਿਸਂવਿਦਿਤਂ ਕਤ੍વਾ ਆਹਟਂ વਾ ਗਿਲਾਨਾવਸੇਸਕਂ વਾ’’ਤਿ ਪਾਠੋ ਦਿਸ੍ਸਤਿ, ਸੋ ਨ ਗਹੇਤਬ੍ਬੋ। ਤਤ੍ਥਜਾਤਕਮੇવ વਾਤਿ ਆਰਾਮੇ ਜਾਤਕਮੇવ। ਮੂਲਫਲਾਦਿਨ੍ਤਿ ਮੂਲਫਲਤਚਪਤ੍ਤਾਦਿਂ ਅਞ੍ਞੇਨ ਕਪ੍ਪਿਯਂ ਕਤ੍વਾ ਦਿਨ੍ਨਂ ਪਰਿਭੁਞ੍ਜਤੋ ਅਨਾਪਤ੍ਤਿ। ਸਚੇ ਪਨ ਤਂ ਗਾਮਂ ਹਰਿਤ੍વਾ ਪਚਿਤ੍વਾ ਆਹਰਨ੍ਤਿ, ਨ વਟ੍ਟਤਿ। ਪਟਿਸਂવਿਦਿਤਂ ਕਾਰੇਤਬ੍ਬਂ।
Paṭisaṃviditagilānāvasesakaṃ vāti paṭisaṃviditañca gilāno ca paṭisaṃviditagilānā, tesaṃ avasesakaṃ, paṭisaṃviditassa ca gilānassa ca sesakanti attho. Ekassatthāya paṭisaṃviditaṃ katvā āhaṭaṃ, tassa sesakaṃ aññassāpi paribhuñjituṃ vaṭṭati. Catunnaṃ vā pañcannaṃ vā paṭisaṃviditaṃ katvā bahūnaṃ āhaṭaṃ hoti, aññesampi dātuṃ icchanti, etampi paṭisaṃviditasesakameva, sabbesampi vaṭṭati. Atha adhikameva hoti, sannidhiṃ mocetvā ṭhapitaṃ dutiyadivasepi vaṭṭati. Gilānassāhaṭāvasesepi eseva nayo. Yaṃ pana appaṭisaṃviditameva katvā ābhataṃ, taṃ bahiārāmaṃ pesetvā paṭisaṃviditaṃ kāretvā āharāpetabbaṃ, bhikkhūhi vā gantvā antarāmagge gahetabbaṃ. Yampi vihāramajjhena gacchanto vā vanacarakādayo vā vanato āharitvā denti, purimanayeneva paṭisaṃviditaṃ kāretabbaṃ. Katthaci pana potthakesu ‘‘paṭisaṃviditaṃ katvā āhaṭaṃ vā gilānāvasesakaṃ vā’’ti pāṭho dissati, so na gahetabbo. Tatthajātakameva vāti ārāme jātakameva. Mūlaphalādinti mūlaphalatacapattādiṃ aññena kappiyaṃ katvā dinnaṃ paribhuñjato anāpatti. Sace pana taṃ gāmaṃ haritvā pacitvā āharanti, na vaṭṭati. Paṭisaṃviditaṃ kāretabbaṃ.
ਚਤੁਤ੍ਥਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Catutthapāṭidesanīyasikkhāpadavaṇṇanā niṭṭhitā.
ਇਤਿ ਕਙ੍ਖਾવਿਤਰਣਿਯਾ ਪਾਤਿਮੋਕ੍ਖવਣ੍ਣਨਾਯ
Iti kaṅkhāvitaraṇiyā pātimokkhavaṇṇanāya
વਿਨਯਤ੍ਥਮਞ੍ਜੂਸਾਯਂ ਲੀਨਤ੍ਥਪ੍ਪਕਾਸਨਿਯਂ
Vinayatthamañjūsāyaṃ līnatthappakāsaniyaṃ
ਪਾਟਿਦੇਸਨੀਯવਣ੍ਣਨਾ ਨਿਟ੍ਠਿਤਾ।
Pāṭidesanīyavaṇṇanā niṭṭhitā.
