| Library / Tipiṭaka / തിപിടക • Tipiṭaka / കങ്ഖാവിതരണീ-പുരാണ-ടീകാ • Kaṅkhāvitaraṇī-purāṇa-ṭīkā |
൪. ചതുത്ഥപാടിദേസനീയസിക്ഖാപദവണ്ണനാ
4. Catutthapāṭidesanīyasikkhāpadavaṇṇanā
ആരാമേ വാ ആരാമൂപചാരേ വാ പടിഗ്ഗഹേത്വാ അജ്ഝോഹരന്തസ്സാതി ആരാമേ വാ ആരാമൂപചാരേ വാ പടിഗ്ഗഹേത്വാ ആരാമേ വാ ആരാമൂപചാരേ വാ അജ്ഝോഹരന്തസ്സാതി അത്ഥോ.
Ārāme vā ārāmūpacāre vā paṭiggahetvā ajjhoharantassāti ārāme vā ārāmūpacāre vā paṭiggahetvā ārāme vā ārāmūpacāre vā ajjhoharantassāti attho.
ബഹാരാമേ പടിഗ്ഗഹിതം അജ്ഝാരാമേ ഭുഞ്ജന്തസ്സ അനാപത്തി. അങ്ഗേസു ച ‘‘അജ്ഝാരാമേ വാ ആരാമൂപചാരേ വാ പടിഗ്ഗഹണ’’ന്തി ഗഹേതബ്ബം. അജ്ഝാരാമേ ഹി ദസ്സിതേ ആരാമൂപചാരം ദസ്സിതമേവാതി. ‘‘സമുട്ഠാനാദീനി കഥിനസദിസാനി, ഇദം പന കിരിയാകിരിയ’’ന്തി പാഠോ.
Bahārāme paṭiggahitaṃ ajjhārāme bhuñjantassa anāpatti. Aṅgesu ca ‘‘ajjhārāme vā ārāmūpacāre vā paṭiggahaṇa’’nti gahetabbaṃ. Ajjhārāme hi dassite ārāmūpacāraṃ dassitamevāti. ‘‘Samuṭṭhānādīni kathinasadisāni, idaṃ pana kiriyākiriya’’nti pāṭho.
ചതുത്ഥപാടിദേസനീയസിക്ഖാപദവണ്ണനാ നിട്ഠിതാ.
Catutthapāṭidesanīyasikkhāpadavaṇṇanā niṭṭhitā.
പാടിദേസനീയവണ്ണനാ നിട്ഠിതാ.
Pāṭidesanīyavaṇṇanā niṭṭhitā.
