| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১০. চতুত্থরুক্খসুত্তং
10. Catuttharukkhasuttaṃ
৫৪০. ‘‘সেয্যথাপি, ভিক্খৰে, যে কেচি সুপণ্ণানং রুক্খা, কূটসিম্বলী 1 তেসং অগ্গমক্খাযতি; এৰমেৰ খো, ভিক্খৰে, যে কেচি বোধিপক্খিযা ধম্মা, পঞ্ঞিন্দ্রিযং তেসং অগ্গমক্খাযতি, যদিদং – বোধায। কতমে চ, ভিক্খৰে, বোধিপক্খিযা ধম্মা? সদ্ধিন্দ্রিযং, ভিক্খৰে, বোধিপক্খিযো ধম্মো, তং বোধায সংৰত্ততি…পে॰… পঞ্ঞিন্দ্রিযং বোধিপক্খিযো ধম্মো, তং বোধায সংৰত্ততি। সেয্যথাপি, ভিক্খৰে, যে কেচি সুপণ্ণানং রুক্খা, কূটসিম্বলী তেসং অগ্গমক্খাযতি; এৰমেৰ খো, ভিক্খৰে, যে কেচি বোধিপক্খিযা ধম্মা, পঞ্ঞিন্দ্রিযং তেসং অগ্গমক্খাযতি, যদিদং – বোধাযা’’তি। দসমং।
540. ‘‘Seyyathāpi, bhikkhave, ye keci supaṇṇānaṃ rukkhā, kūṭasimbalī 2 tesaṃ aggamakkhāyati; evameva kho, bhikkhave, ye keci bodhipakkhiyā dhammā, paññindriyaṃ tesaṃ aggamakkhāyati, yadidaṃ – bodhāya. Katame ca, bhikkhave, bodhipakkhiyā dhammā? Saddhindriyaṃ, bhikkhave, bodhipakkhiyo dhammo, taṃ bodhāya saṃvattati…pe… paññindriyaṃ bodhipakkhiyo dhammo, taṃ bodhāya saṃvattati. Seyyathāpi, bhikkhave, ye keci supaṇṇānaṃ rukkhā, kūṭasimbalī tesaṃ aggamakkhāyati; evameva kho, bhikkhave, ye keci bodhipakkhiyā dhammā, paññindriyaṃ tesaṃ aggamakkhāyati, yadidaṃ – bodhāyā’’ti. Dasamaṃ.
বোধিপক্খিযৰগ্গো সত্তমো।
Bodhipakkhiyavaggo sattamo.
তস্সুদ্দানং –
Tassuddānaṃ –
সংযোজনা অনুসযা, পরিঞ্ঞা আসৰক্খযা।
Saṃyojanā anusayā, pariññā āsavakkhayā;
দ্ৰে ফলা চতুরো রুক্খা, ৰগ্গো তেন পৰুচ্চতীতি॥
Dve phalā caturo rukkhā, vaggo tena pavuccatīti.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৭. বোধিপক্খিযৰগ্গো • 7. Bodhipakkhiyavaggo
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৭. বোধিপক্খিযৰগ্গৰণ্ণনা • 7. Bodhipakkhiyavaggavaṇṇanā
