| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
10. චතුත්‌ථරුක්‌ඛසුත්‌තං
10. Catuttharukkhasuttaṃ
540. ‘‘සෙය්‍යථාපි, භික්‌ඛවෙ, යෙ කෙචි සුපණ්‌ණානං රුක්‌ඛා, කූටසිම්‌බලී 1 තෙසං අග්‌ගමක්‌ඛායති; එවමෙව ඛො, භික්‌ඛවෙ, යෙ කෙචි බොධිපක්‌ඛියා ධම්‌මා, පඤ්‌ඤින්‌ද්‍රියං තෙසං අග්‌ගමක්‌ඛායති, යදිදං – බොධාය. කතමෙ ච, භික්‌ඛවෙ, බොධිපක්‌ඛියා ධම්‌මා? සද්‌ධින්‌ද්‍රියං, භික්‌ඛවෙ, බොධිපක්‌ඛියො ධම්‌මො, තං බොධාය සංවත්‌තති…පෙ.… පඤ්‌ඤින්‌ද්‍රියං බොධිපක්‌ඛියො ධම්‌මො, තං බොධාය සංවත්‌තති. සෙය්‍යථාපි, භික්‌ඛවෙ, යෙ කෙචි සුපණ්‌ණානං රුක්‌ඛා, කූටසිම්‌බලී තෙසං අග්‌ගමක්‌ඛායති; එවමෙව ඛො, භික්‌ඛවෙ, යෙ කෙචි බොධිපක්‌ඛියා ධම්‌මා, පඤ්‌ඤින්‌ද්‍රියං තෙසං අග්‌ගමක්‌ඛායති, යදිදං – බොධායා’’ති. දසමං.
540. ‘‘Seyyathāpi, bhikkhave, ye keci supaṇṇānaṃ rukkhā, kūṭasimbalī 2 tesaṃ aggamakkhāyati; evameva kho, bhikkhave, ye keci bodhipakkhiyā dhammā, paññindriyaṃ tesaṃ aggamakkhāyati, yadidaṃ – bodhāya. Katame ca, bhikkhave, bodhipakkhiyā dhammā? Saddhindriyaṃ, bhikkhave, bodhipakkhiyo dhammo, taṃ bodhāya saṃvattati…pe… paññindriyaṃ bodhipakkhiyo dhammo, taṃ bodhāya saṃvattati. Seyyathāpi, bhikkhave, ye keci supaṇṇānaṃ rukkhā, kūṭasimbalī tesaṃ aggamakkhāyati; evameva kho, bhikkhave, ye keci bodhipakkhiyā dhammā, paññindriyaṃ tesaṃ aggamakkhāyati, yadidaṃ – bodhāyā’’ti. Dasamaṃ.
බොධිපක්‌ඛියවග්‌ගො සත්‌තමො.
Bodhipakkhiyavaggo sattamo.
තස්‌සුද්‌දානං –
Tassuddānaṃ –
සංයොජනා අනුසයා, පරිඤ්‌ඤා ආසවක්‌ඛයා;
Saṃyojanā anusayā, pariññā āsavakkhayā;
ද්‌වෙ ඵලා චතුරො රුක්‌ඛා, වග්‌ගො තෙන පවුච්‌චතීති.
Dve phalā caturo rukkhā, vaggo tena pavuccatīti.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 7. බොධිපක්‌ඛියවග්‌ගො • 7. Bodhipakkhiyavaggo
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 7. බොධිපක්‌ඛියවග්‌ගවණ්‌ණනා • 7. Bodhipakkhiyavaggavaṇṇanā
