| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
4. жад̇уд̇т̇асан̇гхаад̣̇исзсасигкаабад̣̇ам̣
4. Catutthasaṅghādisesasikkhāpadaṃ
694. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна жан̣д̣агаал̣ий бхигкуний бхан̣д̣анагааригаа ход̇и галахагааригаа виваад̣̇агааригаа бхассагааригаа сан̇гхз ад̇хигаран̣агааригаа. т̇уллананд̣̇аа бхигкуний д̇ассаа гаммз гарийяамаанз бадиггосад̇и. д̇зна ко бана самаязна т̇уллананд̣̇аа бхигкуний г̇аамагам̣ аг̇амааси гзнажид̣̇зва гаран̣ийязна. ат̇а ко бхигкунисан̇гхо – ‘‘т̇уллананд̣̇аа бхигкуний багганд̇аа’’д̇и , жан̣д̣агаал̣им̣ бхигкуним̣ аабад̇д̇ияаа ад̣̇ассанз 1 угкиби. т̇уллананд̣̇аа бхигкуний г̇аамагз д̇ам̣ гаран̣ийяам̣ д̇ийрзд̇ваа бунад̣̇зва саавад̇т̇им̣ бажжааг̇ажчи. жан̣д̣агаал̣ий бхигкуний т̇уллананд̣̇ааяа бхигкунияаа ааг̇ажчанд̇ияаа нзва аасанам̣ бан̃н̃абзси на баад̣̇од̣̇агам̣ баад̣̇абийтам̣ баад̣̇агаталигам̣ убанигкиби на бажжуг̇г̇анд̇ваа бад̇д̇ажийварам̣ бадиг̇г̇ахзси на баанийязна аабужчи. т̇уллананд̣̇аа бхигкуний жан̣д̣агаал̣им̣ бхигкуним̣ зд̇ад̣̇авожа – ‘‘гисса д̇вам̣, аяяз, маяи ааг̇ажчанд̇ияаа нзва аасанам̣ бан̃н̃абзси на баад̣̇од̣̇агам̣ баад̣̇абийтам̣ баад̣̇агаталигам̣ убанигкиби на бажжуг̇г̇анд̇ваа бад̇д̇ажийварам̣ бадиг̇г̇ахзси на баанийязна аабужчий’’д̇и? ‘‘зван̃хзд̇ам̣, аяяз, ход̇и яат̇аа д̇ам̣ анаат̇ааяаа’’д̇и. ‘‘гисса бана д̇вам̣, аяяз, анаат̇аа’’д̇и? ‘‘имаа мам̣, аяяз, бхигкунияо – ‘‘аяам̣ анаат̇аа аббан̃н̃аад̇аа, над̇т̇и имиссаа гаажи бадивад̇д̇аа’’д̇и, аабад̇д̇ияаа ад̣̇ассанз 2 угкибим̣суу’’д̇и.
694. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena caṇḍakāḷī bhikkhunī bhaṇḍanakārikā hoti kalahakārikā vivādakārikā bhassakārikā saṅghe adhikaraṇakārikā. Thullanandā bhikkhunī tassā kamme karīyamāne paṭikkosati. Tena kho pana samayena thullanandā bhikkhunī gāmakaṃ agamāsi kenacideva karaṇīyena. Atha kho bhikkhunisaṅgho – ‘‘thullanandā bhikkhunī pakkantā’’ti , caṇḍakāḷiṃ bhikkhuniṃ āpattiyā adassane 3 ukkhipi. Thullanandā bhikkhunī gāmake taṃ karaṇīyaṃ tīretvā punadeva sāvatthiṃ paccāgacchi. Caṇḍakāḷī bhikkhunī thullanandāya bhikkhuniyā āgacchantiyā neva āsanaṃ paññapesi na pādodakaṃ pādapīṭhaṃ pādakaṭhalikaṃ upanikkhipi na paccuggantvā pattacīvaraṃ paṭiggahesi na pānīyena āpucchi. Thullanandā bhikkhunī caṇḍakāḷiṃ bhikkhuniṃ etadavoca – ‘‘kissa tvaṃ, ayye, mayi āgacchantiyā neva āsanaṃ paññapesi na pādodakaṃ pādapīṭhaṃ pādakaṭhalikaṃ upanikkhipi na paccuggantvā pattacīvaraṃ paṭiggahesi na pānīyena āpucchī’’ti? ‘‘Evañhetaṃ, ayye, hoti yathā taṃ anāthāyā’’ti. ‘‘Kissa pana tvaṃ, ayye, anāthā’’ti? ‘‘Imā maṃ, ayye, bhikkhuniyo – ‘‘ayaṃ anāthā appaññātā, natthi imissā kāci paṭivattā’’ti, āpattiyā adassane 4 ukkhipiṃsū’’ti.
т̇уллананд̣̇аа бхигкуний – ‘‘б̣аалаа зд̇аа аб̣яад̇д̇аа зд̇аа, нзва ж̇аананд̇и гаммам̣ ваа гаммад̣̇осам̣ ваа гаммавибад̇д̇им̣ ваа гаммасамбад̇д̇им̣ ваа. маяам̣ ко ж̇аанаама гаммамби гаммад̣̇осамби гаммавибад̇д̇имби гаммасамбад̇д̇имби. маяам̣ ко агад̇ам̣ ваа гаммам̣ гаарзяяаама гад̇ам̣ ваа гаммам̣ гобзяяаамаа’’д̇и, лахум̣ лахум̣ бхигкунисан̇гхам̣ саннибаад̇зд̇ваа жан̣д̣агаал̣им̣ бхигкуним̣ осаарзси. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа самаг̇г̇зна сан̇гхзна угкид̇д̇ам̣ бхигкуним̣ д̇хаммзна винаязна сад̇т̇усаасанзна анабалогзд̇ваа гаарагасан̇гхам̣ анан̃н̃ааяа г̇ан̣асса чанд̣̇ам̣ осаарзссад̇ий’’д̇и…бз… сажжам̣ гира, бхигкавз, т̇уллананд̣̇аа бхигкуний самаг̇г̇зна сан̇гхзна угкид̇д̇ам̣ бхигкуним̣ д̇хаммзна винаязна сад̇т̇усаасанзна анабалогзд̇ваа гаарагасан̇гхам̣ анан̃н̃ааяа г̇ан̣асса чанд̣̇ам̣ осаарзд̇ийд̇и 5? ‘‘сажжам̣ , бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний самаг̇г̇зна сан̇гхзна угкид̇д̇ам̣ бхигкуним̣ д̇хаммзна винаязна сад̇т̇усаасанзна анабалогзд̇ваа гаарагасан̇гхам̣ анан̃н̃ааяа г̇ан̣асса чанд̣̇ам̣ осаарзссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
Thullanandā bhikkhunī – ‘‘bālā etā abyattā etā, neva jānanti kammaṃ vā kammadosaṃ vā kammavipattiṃ vā kammasampattiṃ vā. Mayaṃ kho jānāma kammampi kammadosampi kammavipattimpi kammasampattimpi. Mayaṃ kho akataṃ vā kammaṃ kāreyyāma kataṃ vā kammaṃ kopeyyāmā’’ti, lahuṃ lahuṃ bhikkhunisaṅghaṃ sannipātetvā caṇḍakāḷiṃ bhikkhuniṃ osāresi. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā samaggena saṅghena ukkhittaṃ bhikkhuniṃ dhammena vinayena satthusāsanena anapaloketvā kārakasaṅghaṃ anaññāya gaṇassa chandaṃ osāressatī’’ti…pe… saccaṃ kira, bhikkhave, thullanandā bhikkhunī samaggena saṅghena ukkhittaṃ bhikkhuniṃ dhammena vinayena satthusāsanena anapaloketvā kārakasaṅghaṃ anaññāya gaṇassa chandaṃ osāretīti 6? ‘‘Saccaṃ , bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī samaggena saṅghena ukkhittaṃ bhikkhuniṃ dhammena vinayena satthusāsanena anapaloketvā kārakasaṅghaṃ anaññāya gaṇassa chandaṃ osāressati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
695. ‘‘яаа бана бхигкуний самаг̇г̇зна сан̇гхзна угкид̇д̇ам̣ бхигкуним̣ д̇хаммзна винаязна сад̇т̇усаасанзна анабалогзд̇ваа гаарагасан̇гхам̣ анан̃н̃ааяа г̇ан̣асса чанд̣̇ам̣ осаарзяяа, аяамби бхигкуний батамаабад̇д̇игам̣ д̇хаммам̣ аабаннаа ниссааран̣ийяам̣ сан̇гхаад̣̇исзса’’нд̇и.
695.‘‘Yā pana bhikkhunī samaggena saṅghena ukkhittaṃ bhikkhuniṃ dhammena vinayena satthusāsanena anapaloketvā kārakasaṅghaṃ anaññāya gaṇassa chandaṃ osāreyya, ayampi bhikkhunī paṭhamāpattikaṃ dhammaṃ āpannā nissāraṇīyaṃ saṅghādisesa’’nti.
696. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
696.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
самаг̇г̇о наама сан̇гхо самаанасам̣ваасаго самаанасиймааяам̣ тид̇о.
Samaggo nāma saṅgho samānasaṃvāsako samānasīmāyaṃ ṭhito.
угкид̇д̇аа наама аабад̇д̇ияаа ад̣̇ассанз ваа аббадигаммз ваа аббадиниссаг̇г̇з ваа 7 угкид̇д̇аа.
Ukkhittā nāma āpattiyā adassane vā appaṭikamme vā appaṭinissagge vā 8 ukkhittā.
д̇хаммзна винаязнаад̇и язна д̇хаммзна язна винаязна.
Dhammena vinayenāti yena dhammena yena vinayena.
сад̇т̇усаасанзнаад̇и ж̇инасаасанзна б̣уд̣̇д̇хасаасанзна.
Satthusāsanenāti jinasāsanena buddhasāsanena.
анабалогзд̇ваа гаарагасан̇гханд̇и гаммагаарагасан̇гхам̣ анаабужчаа.
Anapaloketvākārakasaṅghanti kammakārakasaṅghaṃ anāpucchā.
анан̃н̃ааяа г̇ан̣асса чанд̣̇анд̇и г̇ан̣асса чанд̣̇ам̣ аж̇аанид̇ваа.
Anaññāya gaṇassa chandanti gaṇassa chandaṃ ajānitvā.
‘‘осаарзссаамий’’д̇и г̇ан̣ам̣ ваа бариязсад̇и, сиймам̣ ваа самманнад̇и , аабад̇д̇и д̣̇уггадасса. н̃ад̇д̇ияаа д̣̇уггадам̣, д̣̇вийхи гаммаваажаахи т̇уллажжаяаа, гаммаваажаабарияосаанз аабад̇д̇и сан̇гхаад̣̇исзсасса.
‘‘Osāressāmī’’ti gaṇaṃ vā pariyesati, sīmaṃ vā sammannati , āpatti dukkaṭassa. Ñattiyā dukkaṭaṃ, dvīhi kammavācāhi thullaccayā, kammavācāpariyosāne āpatti saṅghādisesassa.
аяамбийд̇и буримааяо убаад̣̇ааяа вужжад̇и.
Ayampīti purimāyo upādāya vuccati.
батамаабад̇д̇иганд̇и саха вад̇т̇уж̇жхаажаараа аабаж̇ж̇ад̇и асаманубхаасанааяа.
Paṭhamāpattikanti saha vatthujjhācārā āpajjati asamanubhāsanāya.
ниссааран̣ийяанд̇и сан̇гхамхаа ниссаарийяад̇и.
Nissāraṇīyanti saṅghamhā nissārīyati.
сан̇гхаад̣̇исзсод̇и…бз… д̇знаби вужжад̇и сан̇гхаад̣̇исзсод̇и.
Saṅghādisesoti…pe… tenapi vuccati saṅghādisesoti.
697. д̇хаммагаммз д̇хаммагаммасан̃н̃аа осаарзд̇и, аабад̇д̇и сан̇гхаад̣̇исзсасса. д̇хаммагаммз взмад̇игаа осаарзд̇и аабад̇д̇и сан̇гхаад̣̇исзсасса. д̇хаммагаммз ад̇хаммагаммасан̃н̃аа осаарзд̇и, аабад̇д̇и сан̇гхаад̣̇исзсасса.
697. Dhammakamme dhammakammasaññā osāreti, āpatti saṅghādisesassa. Dhammakamme vematikā osāreti āpatti saṅghādisesassa. Dhammakamme adhammakammasaññā osāreti, āpatti saṅghādisesassa.
ад̇хаммагаммз д̇хаммагаммасан̃н̃аа, аабад̇д̇и д̣̇уггадасса. ад̇хаммагаммз взмад̇игаа, аабад̇д̇и д̣̇уггадасса. ад̇хаммагаммз ад̇хаммагаммасан̃н̃аа, аабад̇д̇и д̣̇уггадасса.
Adhammakamme dhammakammasaññā, āpatti dukkaṭassa. Adhammakamme vematikā, āpatti dukkaṭassa. Adhammakamme adhammakammasaññā, āpatti dukkaṭassa.
698. анаабад̇д̇и гаммагаарагасан̇гхам̣ абалогзд̇ваа осаарзд̇и, г̇ан̣асса чанд̣̇ам̣ ж̇аанид̇ваа осаарзд̇и, вад̇д̇з вад̇д̇анд̇им̣ осаарзд̇и, асанд̇з гаммагаарагасан̇гхз осаарзд̇и, уммад̇д̇игааяа, аад̣̇игаммигааяаад̇и.
698. Anāpatti kammakārakasaṅghaṃ apaloketvā osāreti, gaṇassa chandaṃ jānitvā osāreti, vatte vattantiṃ osāreti, asante kammakārakasaṅghe osāreti, ummattikāya, ādikammikāyāti.
жад̇уд̇т̇асан̇гхаад̣̇исзсасигкаабад̣̇ам̣ нидтид̇ам̣.
Catutthasaṅghādisesasikkhāpadaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 4. жад̇уд̇т̇асан̇гхаад̣̇исзсасигкаабад̣̇аван̣н̣анаа • 4. Catutthasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. жад̇уд̇т̇асан̇гхаад̣̇исзсасигкаабад̣̇аван̣н̣анаа • 4. Catutthasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. жад̇уд̇т̇асан̇гхаад̣̇исзсасигкаабад̣̇аван̣н̣анаа • 4. Catutthasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. жад̇уд̇т̇асан̇гхаад̣̇исзсасигкаабад̣̇аван̣н̣анаа • 4. Catutthasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. жад̇уд̇т̇асан̇гхаад̣̇исзсасигкаабад̣̇ам̣ • 4. Catutthasaṅghādisesasikkhāpadaṃ
