| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
4. சதுத்த²ஸங்கா⁴தி³ஸேஸஸிக்கா²பத³வண்ணனா
4. Catutthasaṅghādisesasikkhāpadavaṇṇanā
694. படிவத்தாதி படிவசனங் தெ³ந்தி. கம்மதோ³ஸந்தி ‘‘அனஞ்ஞாய க³ணஸ்ஸ ச²ந்த³ந்தி ஏவமாதீ³’’தி லிகி²தங். கத்தப்³ப³ட்டா²னதோ³ஸந்தி போராணா. காரகக³ணஸ்ஸாதி காரகஸங்க⁴ஸ்ஸ. ‘‘பி⁴க்கு²னிஸங்க⁴ங் ஸன்னிபாதெத்வா’தி வுத்தத்தா காரகஸங்கோ⁴பி அயமேவாதி சே? பட²மமேவ காரகஸங்க⁴ங் ந ஆமந்தெத்வா ப³லக்காரேனாயங் து²ல்லனந்தா³ தங் பி⁴க்கு²னிங் ஓஸாரேஸீ’’தி போராணக³ண்டி²பதே³ வுத்தங், தஸ்மா காரகபி⁴க்கூ²னங் ஸம்முகா²பி தேஸங் அனுமதிங் பட²மங் அக்³க³ஹெத்வா தங் கம்மங் ந படிப்பஸ்ஸம்பே⁴தப்³ப³ந்தி ஸித்³த⁴ங் ஹோதி, படிப்பஸ்ஸத்³த⁴ங் ப³லக்காரேன ந காதப்³ப³மேவாதி அதி⁴ப்பாயோ. ‘‘பி⁴க்கு²னீபி தி³ட்டா²விகம்மங் காதுங் லப⁴தீ’’தி ச தத்த² வுத்தங்.
694.Paṭivattāti paṭivacanaṃ denti. Kammadosanti ‘‘anaññāya gaṇassa chandanti evamādī’’ti likhitaṃ. Kattabbaṭṭhānadosanti porāṇā. Kārakagaṇassāti kārakasaṅghassa. ‘‘Bhikkhunisaṅghaṃ sannipātetvā’ti vuttattā kārakasaṅghopi ayamevāti ce? Paṭhamameva kārakasaṅghaṃ na āmantetvā balakkārenāyaṃ thullanandā taṃ bhikkhuniṃ osāresī’’ti porāṇagaṇṭhipade vuttaṃ, tasmā kārakabhikkhūnaṃ sammukhāpi tesaṃ anumatiṃ paṭhamaṃ aggahetvā taṃ kammaṃ na paṭippassambhetabbanti siddhaṃ hoti, paṭippassaddhaṃ balakkārena na kātabbamevāti adhippāyo. ‘‘Bhikkhunīpi diṭṭhāvikammaṃ kātuṃ labhatī’’ti ca tattha vuttaṃ.
698. அஸந்தே கம்மகாரகஸங்கே⁴ ஓஸாரேதி, அனாபத்தீதி எத்த² கித்தாவதா அஸந்தோ நாம ஹோதீதி? இத³ங் ஸப்³ப³த்த² ந விசாரிதங். காரகானங் காலகிரியாயாதி ஏகே. ஏகஸ்ஸபி அபா⁴வேனாதி ஏகே. ஏகஸ்மிங் ரஜ்ஜேதி ஏகே. ஏகரட்டே²தி ஏகே. ஏககா³மேதி ஏகே. ஏகஸ்மிங் ஆவாஸேதி ஏகே. யத்த² ஸக்கா அபலோகேதுந்தி ஏகே. அந்தோஅத்³த⁴யோஜனேதி ஏகே. தத்த² தஸ்மிங் ஆவாஸே அஸந்தே காரகஸங்கே⁴ ஓஸாரேதி, அனாபத்தீதி இத³ங் பஸங்ஸந்தி ஆசரியா. யத்த² ஸக்கா அபலோகேதுந்தி ஸாமீசி.
698.Asante kammakārakasaṅghe osāreti, anāpattīti ettha kittāvatā asanto nāma hotīti? Idaṃ sabbattha na vicāritaṃ. Kārakānaṃ kālakiriyāyāti eke. Ekassapi abhāvenāti eke. Ekasmiṃ rajjeti eke. Ekaraṭṭheti eke. Ekagāmeti eke. Ekasmiṃ āvāseti eke. Yattha sakkā apaloketunti eke. Antoaddhayojaneti eke. Tattha tasmiṃ āvāse asante kārakasaṅghe osāreti, anāpattīti idaṃ pasaṃsanti ācariyā. Yattha sakkā apaloketunti sāmīci.
சதுத்த²ஸங்கா⁴தி³ஸேஸஸிக்கா²பத³வண்ணனா நிட்டி²தா.
Catutthasaṅghādisesasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 4. சதுத்த²ஸங்கா⁴தி³ஸேஸஸிக்கா²பத³ங் • 4. Catutthasaṅghādisesasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / 4. சதுத்த²ஸங்கா⁴தி³ஸேஸஸிக்கா²பத³வண்ணனா • 4. Catutthasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 4. சதுத்த²ஸங்கா⁴தி³ஸேஸஸிக்கா²பத³வண்ணனா • 4. Catutthasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 4. சதுத்த²ஸங்கா⁴தி³ஸேஸஸிக்கா²பத³வண்ணனா • 4. Catutthasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 4. சதுத்த²ஸங்கா⁴தி³ஸேஸஸிக்கா²பத³ங் • 4. Catutthasaṅghādisesasikkhāpadaṃ
