| Library / Tipiṭaka / ติปิฎก • Tipiṭaka / วชิรพุทฺธิ-ฎีกา • Vajirabuddhi-ṭīkā |
๔. จตุตฺถสงฺฆาทิเสสสิกฺขาปทวณฺณนา
4. Catutthasaṅghādisesasikkhāpadavaṇṇanā
๖๙๔. ปฎิวตฺตาติ ปฎิวจนํ เทนฺติฯ กมฺมโทสนฺติ ‘‘อนญฺญาย คณสฺส ฉนฺทนฺติ เอวมาที’’ติ ลิขิตํฯ กตฺตพฺพฎฺฐานโทสนฺติ โปราณาฯ การกคณสฺสาติ การกสงฺฆสฺสฯ ‘‘ภิกฺขุนิสงฺฆํ สนฺนิปาเตตฺวา’ติ วุตฺตตฺตา การกสโงฺฆปิ อยเมวาติ เจ? ปฐมเมว การกสงฺฆํ น อามเนฺตตฺวา พลกฺกาเรนายํ ถุลฺลนนฺทา ตํ ภิกฺขุนิํ โอสาเรสี’’ติ โปราณคณฺฐิปเท วุตฺตํ, ตสฺมา การกภิกฺขูนํ สมฺมุขาปิ เตสํ อนุมติํ ปฐมํ อคฺคเหตฺวา ตํ กมฺมํ น ปฎิปฺปสฺสเมฺภตพฺพนฺติ สิทฺธํ โหติ, ปฎิปฺปสฺสทฺธํ พลกฺกาเรน น กาตพฺพเมวาติ อธิปฺปาโยฯ ‘‘ภิกฺขุนีปิ ทิฎฺฐาวิกมฺมํ กาตุํ ลภตี’’ติ จ ตตฺถ วุตฺตํฯ
694.Paṭivattāti paṭivacanaṃ denti. Kammadosanti ‘‘anaññāya gaṇassa chandanti evamādī’’ti likhitaṃ. Kattabbaṭṭhānadosanti porāṇā. Kārakagaṇassāti kārakasaṅghassa. ‘‘Bhikkhunisaṅghaṃ sannipātetvā’ti vuttattā kārakasaṅghopi ayamevāti ce? Paṭhamameva kārakasaṅghaṃ na āmantetvā balakkārenāyaṃ thullanandā taṃ bhikkhuniṃ osāresī’’ti porāṇagaṇṭhipade vuttaṃ, tasmā kārakabhikkhūnaṃ sammukhāpi tesaṃ anumatiṃ paṭhamaṃ aggahetvā taṃ kammaṃ na paṭippassambhetabbanti siddhaṃ hoti, paṭippassaddhaṃ balakkārena na kātabbamevāti adhippāyo. ‘‘Bhikkhunīpi diṭṭhāvikammaṃ kātuṃ labhatī’’ti ca tattha vuttaṃ.
๖๙๘. อสเนฺต กมฺมการกสเงฺฆ โอสาเรติ, อนาปตฺตีติ เอตฺถ กิตฺตาวตา อสโนฺต นาม โหตีติ? อิทํ สพฺพตฺถ น วิจาริตํฯ การกานํ กาลกิริยายาติ เอเกฯ เอกสฺสปิ อภาเวนาติ เอเกฯ เอกสฺมิํ รเชฺชติ เอเกฯ เอกรเฎฺฐติ เอเกฯ เอกคาเมติ เอเกฯ เอกสฺมิํ อาวาเสติ เอเกฯ ยตฺถ สกฺกา อปโลเกตุนฺติ เอเกฯ อโนฺตอทฺธโยชเนติ เอเกฯ ตตฺถ ตสฺมิํ อาวาเส อสเนฺต การกสเงฺฆ โอสาเรติ, อนาปตฺตีติ อิทํ ปสํสนฺติ อาจริยาฯ ยตฺถ สกฺกา อปโลเกตุนฺติ สามีจิฯ
698.Asante kammakārakasaṅghe osāreti, anāpattīti ettha kittāvatā asanto nāma hotīti? Idaṃ sabbattha na vicāritaṃ. Kārakānaṃ kālakiriyāyāti eke. Ekassapi abhāvenāti eke. Ekasmiṃ rajjeti eke. Ekaraṭṭheti eke. Ekagāmeti eke. Ekasmiṃ āvāseti eke. Yattha sakkā apaloketunti eke. Antoaddhayojaneti eke. Tattha tasmiṃ āvāse asante kārakasaṅghe osāreti, anāpattīti idaṃ pasaṃsanti ācariyā. Yattha sakkā apaloketunti sāmīci.
จตุตฺถสงฺฆาทิเสสสิกฺขาปทวณฺณนา นิฎฺฐิตาฯ
Catutthasaṅghādisesasikkhāpadavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ภิกฺขุนีวิภงฺค • Bhikkhunīvibhaṅga / ๔. จตุตฺถสงฺฆาทิเสสสิกฺขาปทํ • 4. Catutthasaṅghādisesasikkhāpadaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ภิกฺขุนีวิภงฺค-อฎฺฐกถา • Bhikkhunīvibhaṅga-aṭṭhakathā / ๔. จตุตฺถสงฺฆาทิเสสสิกฺขาปทวณฺณนา • 4. Catutthasaṅghādisesasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๔. จตุตฺถสงฺฆาทิเสสสิกฺขาปทวณฺณนา • 4. Catutthasaṅghādisesasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๔. จตุตฺถสงฺฆาทิเสสสิกฺขาปทวณฺณนา • 4. Catutthasaṅghādisesasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๔. จตุตฺถสงฺฆาทิเสสสิกฺขาปทํ • 4. Catutthasaṅghādisesasikkhāpadaṃ
