| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
၄. စတုတ္ထသင္ဃာဒိသေသသိက္ခာပဒဝဏ္ဏနာ
4. Catutthasaṅghādisesasikkhāpadavaṇṇanā
၆၉၄. ပဋိဝတ္တာတိ ပဋိဝစနံ ဒေန္တိ။ ကမ္မဒောသန္တိ ‘‘အနညာယ ဂဏသ္သ ဆန္ဒန္တိ ဧဝမာဒီ’’တိ လိခိတံ။ ကတ္တဗ္ဗဋ္ဌာနဒောသန္တိ ပောရာဏာ။ ကာရကဂဏသ္သာတိ ကာရကသင္ဃသ္သ။ ‘‘ဘိက္ခုနိသင္ဃံ သန္နိပာတေတ္ဝာ’တိ ဝုတ္တတ္တာ ကာရကသင္ဃောပိ အယမေဝာတိ စေ? ပဌမမေဝ ကာရကသင္ဃံ န အာမန္တေတ္ဝာ ဗလက္ကာရေနာယံ ထုလ္လနန္ဒာ တံ ဘိက္ခုနိံ ဩသာရေသီ’’တိ ပောရာဏဂဏ္ဌိပဒေ ဝုတ္တံ, တသ္မာ ကာရကဘိက္ခူနံ သမ္မုခာပိ တေသံ အနုမတိံ ပဌမံ အဂ္ဂဟေတ္ဝာ တံ ကမ္မံ န ပဋိပ္ပသ္သမ္ဘေတဗ္ဗန္တိ သိဒ္ဓံ ဟောတိ, ပဋိပ္ပသ္သဒ္ဓံ ဗလက္ကာရေန န ကာတဗ္ဗမေဝာတိ အဓိပ္ပာယော။ ‘‘ဘိက္ခုနီပိ ဒိဋ္ဌာဝိကမ္မံ ကာတုံ လဘတီ’’တိ စ တတ္ထ ဝုတ္တံ။
694.Paṭivattāti paṭivacanaṃ denti. Kammadosanti ‘‘anaññāya gaṇassa chandanti evamādī’’ti likhitaṃ. Kattabbaṭṭhānadosanti porāṇā. Kārakagaṇassāti kārakasaṅghassa. ‘‘Bhikkhunisaṅghaṃ sannipātetvā’ti vuttattā kārakasaṅghopi ayamevāti ce? Paṭhamameva kārakasaṅghaṃ na āmantetvā balakkārenāyaṃ thullanandā taṃ bhikkhuniṃ osāresī’’ti porāṇagaṇṭhipade vuttaṃ, tasmā kārakabhikkhūnaṃ sammukhāpi tesaṃ anumatiṃ paṭhamaṃ aggahetvā taṃ kammaṃ na paṭippassambhetabbanti siddhaṃ hoti, paṭippassaddhaṃ balakkārena na kātabbamevāti adhippāyo. ‘‘Bhikkhunīpi diṭṭhāvikammaṃ kātuṃ labhatī’’ti ca tattha vuttaṃ.
၆၉၈. အသန္တေ ကမ္မကာရကသင္ဃေ ဩသာရေတိ, အနာပတ္တီတိ ဧတ္ထ ကိတ္တာဝတာ အသန္တော နာမ ဟောတီတိ? ဣဒံ သဗ္ဗတ္ထ န ဝိစာရိတံ။ ကာရကာနံ ကာလကိရိယာယာတိ ဧကေ။ ဧကသ္သပိ အဘာဝေနာတိ ဧကေ။ ဧကသ္မိံ ရဇ္ဇေတိ ဧကေ။ ဧကရဋ္ဌေတိ ဧကေ။ ဧကဂာမေတိ ဧကေ။ ဧကသ္မိံ အာဝာသေတိ ဧကေ။ ယတ္ထ သက္ကာ အပလောကေတုန္တိ ဧကေ။ အန္တောအဒ္ဓယောဇနေတိ ဧကေ။ တတ္ထ တသ္မိံ အာဝာသေ အသန္တေ ကာရကသင္ဃေ ဩသာရေတိ, အနာပတ္တီတိ ဣဒံ ပသံသန္တိ အာစရိယာ။ ယတ္ထ သက္ကာ အပလောကေတုန္တိ သာမီစိ။
698.Asante kammakārakasaṅghe osāreti, anāpattīti ettha kittāvatā asanto nāma hotīti? Idaṃ sabbattha na vicāritaṃ. Kārakānaṃ kālakiriyāyāti eke. Ekassapi abhāvenāti eke. Ekasmiṃ rajjeti eke. Ekaraṭṭheti eke. Ekagāmeti eke. Ekasmiṃ āvāseti eke. Yattha sakkā apaloketunti eke. Antoaddhayojaneti eke. Tattha tasmiṃ āvāse asante kārakasaṅghe osāreti, anāpattīti idaṃ pasaṃsanti ācariyā. Yattha sakkā apaloketunti sāmīci.
စတုတ္ထသင္ဃာဒိသေသသိက္ခာပဒဝဏ္ဏနာ နိဋ္ဌိတာ။
Catutthasaṅghādisesasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ဘိက္ခုနီဝိဘင္ဂ • Bhikkhunīvibhaṅga / ၄. စတုတ္ထသင္ဃာဒိသေသသိက္ခာပဒံ • 4. Catutthasaṅghādisesasikkhāpadaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ဘိက္ခုနီဝိဘင္ဂ-အဋ္ဌကထာ • Bhikkhunīvibhaṅga-aṭṭhakathā / ၄. စတုတ္ထသင္ဃာဒိသေသသိက္ခာပဒဝဏ္ဏနာ • 4. Catutthasaṅghādisesasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၄. စတုတ္ထသင္ဃာဒိသေသသိက္ခာပဒဝဏ္ဏနာ • 4. Catutthasaṅghādisesasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၄. စတုတ္ထသင္ဃာဒိသေသသိက္ခာပဒဝဏ္ဏနာ • 4. Catutthasaṅghādisesasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၄. စတုတ္ထသင္ဃာဒိသေသသိက္ခာပဒံ • 4. Catutthasaṅghādisesasikkhāpadaṃ
