| Library / Tipiṭaka / තිපිටක • Tipiṭaka / වජිරබුද්‌ධි-ටීකා • Vajirabuddhi-ṭīkā |
4. චතුත්‌ථසඞ්‌ඝාදිසෙසසික්‌ඛාපදවණ්‌ණනා
4. Catutthasaṅghādisesasikkhāpadavaṇṇanā
694. පටිවත්‌තාති පටිවචනං දෙන්‌ති. කම්‌මදොසන්‌ති ‘‘අනඤ්‌ඤාය ගණස්‌ස ඡන්‌දන්‌ති එවමාදී’’ති ලිඛිතං. කත්‌තබ්‌බට්‌ඨානදොසන්‌ති පොරාණා. කාරකගණස්‌සාති කාරකසඞ්‌ඝස්‌ස. ‘‘භික්‌ඛුනිසඞ්‌ඝං සන්‌නිපාතෙත්‌වා’ති වුත්‌තත්‌තා කාරකසඞ්‌ඝොපි අයමෙවාති චෙ? පඨමමෙව කාරකසඞ්‌ඝං න ආමන්‌තෙත්‌වා බලක්‌කාරෙනායං ථුල්‌ලනන්‌දා තං භික්‌ඛුනිං ඔසාරෙසී’’ති පොරාණගණ්‌ඨිපදෙ වුත්‌තං, තස්‌මා කාරකභික්‌ඛූනං සම්‌මුඛාපි තෙසං අනුමතිං පඨමං අග්‌ගහෙත්‌වා තං කම්‌මං න පටිප්‌පස්‌සම්‌භෙතබ්‌බන්‌ති සිද්‌ධං හොති, පටිප්‌පස්‌සද්‌ධං බලක්‌කාරෙන න කාතබ්‌බමෙවාති අධිප්‌පායො. ‘‘භික්‌ඛුනීපි දිට්‌ඨාවිකම්‌මං කාතුං ලභතී’’ති ච තත්‌ථ වුත්‌තං.
694.Paṭivattāti paṭivacanaṃ denti. Kammadosanti ‘‘anaññāya gaṇassa chandanti evamādī’’ti likhitaṃ. Kattabbaṭṭhānadosanti porāṇā. Kārakagaṇassāti kārakasaṅghassa. ‘‘Bhikkhunisaṅghaṃ sannipātetvā’ti vuttattā kārakasaṅghopi ayamevāti ce? Paṭhamameva kārakasaṅghaṃ na āmantetvā balakkārenāyaṃ thullanandā taṃ bhikkhuniṃ osāresī’’ti porāṇagaṇṭhipade vuttaṃ, tasmā kārakabhikkhūnaṃ sammukhāpi tesaṃ anumatiṃ paṭhamaṃ aggahetvā taṃ kammaṃ na paṭippassambhetabbanti siddhaṃ hoti, paṭippassaddhaṃ balakkārena na kātabbamevāti adhippāyo. ‘‘Bhikkhunīpi diṭṭhāvikammaṃ kātuṃ labhatī’’ti ca tattha vuttaṃ.
698. අසන්‌තෙ කම්‌මකාරකසඞ්‌ඝෙ ඔසාරෙති, අනාපත්‌තීති එත්‌ථ කිත්‌තාවතා අසන්‌තො නාම හොතීති? ඉදං සබ්‌බත්‌ථ න විචාරිතං. කාරකානං කාලකිරියායාති එකෙ. එකස්‌සපි අභාවෙනාති එකෙ. එකස්‌මිං රජ්‌ජෙති එකෙ. එකරට්‌ඨෙති එකෙ. එකගාමෙති එකෙ. එකස්‌මිං ආවාසෙති එකෙ. යත්‌ථ සක්‌කා අපලොකෙතුන්‌ති එකෙ. අන්‌තොඅද්‌ධයොජනෙති එකෙ. තත්‌ථ තස්‌මිං ආවාසෙ අසන්‌තෙ කාරකසඞ්‌ඝෙ ඔසාරෙති, අනාපත්‌තීති ඉදං පසංසන්‌ති ආචරියා. යත්‌ථ සක්‌කා අපලොකෙතුන්‌ති සාමීචි.
698.Asante kammakārakasaṅghe osāreti, anāpattīti ettha kittāvatā asanto nāma hotīti? Idaṃ sabbattha na vicāritaṃ. Kārakānaṃ kālakiriyāyāti eke. Ekassapi abhāvenāti eke. Ekasmiṃ rajjeti eke. Ekaraṭṭheti eke. Ekagāmeti eke. Ekasmiṃ āvāseti eke. Yattha sakkā apaloketunti eke. Antoaddhayojaneti eke. Tattha tasmiṃ āvāse asante kārakasaṅghe osāreti, anāpattīti idaṃ pasaṃsanti ācariyā. Yattha sakkā apaloketunti sāmīci.
චතුත්‌ථසඞ්‌ඝාදිසෙසසික්‌ඛාපදවණ්‌ණනා නිට්‌ඨිතා.
Catutthasaṅghādisesasikkhāpadavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / භික්‌ඛුනීවිභඞ්‌ග • Bhikkhunīvibhaṅga / 4. චතුත්‌ථසඞ්‌ඝාදිසෙසසික්‌ඛාපදං • 4. Catutthasaṅghādisesasikkhāpadaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / භික්‌ඛුනීවිභඞ්‌ග-අට්‌ඨකථා • Bhikkhunīvibhaṅga-aṭṭhakathā / 4. චතුත්‌ථසඞ්‌ඝාදිසෙසසික්‌ඛාපදවණ්‌ණනා • 4. Catutthasaṅghādisesasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 4. චතුත්‌ථසඞ්‌ඝාදිසෙසසික්‌ඛාපදවණ්‌ණනා • 4. Catutthasaṅghādisesasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 4. චතුත්‌ථසඞ්‌ඝාදිසෙසසික්‌ඛාපදවණ්‌ණනා • 4. Catutthasaṅghādisesasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 4. චතුත්‌ථසඞ්‌ඝාදිසෙසසික්‌ඛාපදං • 4. Catutthasaṅghādisesasikkhāpadaṃ
