| Library / Tipiṭaka / ཏིཔིཊཀ • Tipiṭaka / ཝཛིརབུདྡྷི-ཊཱིཀཱ • Vajirabuddhi-ṭīkā |
༤. ཙཏུཏྠསངྒྷཱདིསེསསིཀྑཱཔདཝཎྞནཱ
4. Catutthasaṅghādisesasikkhāpadavaṇṇanā
༦༩༤. པཊིཝཏྟཱཏི པཊིཝཙནཾ དེནྟི། ཀམྨདོསནྟི ‘‘ཨནཉྙཱཡ གཎསྶ ཚནྡནྟི ཨེཝམཱདཱི’’ཏི ལིཁིཏཾ། ཀཏྟབྦཊྛཱནདོསནྟི པོརཱཎཱ། ཀཱརཀགཎསྶཱཏི ཀཱརཀསངྒྷསྶ། ‘‘བྷིཀྑུནིསངྒྷཾ སནྣིཔཱཏེཏྭཱ’ཏི ཝུཏྟཏྟཱ ཀཱརཀསངྒྷོཔི ཨཡམེཝཱཏི ཙེ? པཋམམེཝ ཀཱརཀསངྒྷཾ ན ཨཱམནྟེཏྭཱ བལཀྐཱརེནཱཡཾ ཐུལླནནྡཱ ཏཾ བྷིཀྑུནིཾ ཨོསཱརེསཱི’’ཏི པོརཱཎགཎྛིཔདེ ཝུཏྟཾ, ཏསྨཱ ཀཱརཀབྷིཀྑཱུནཾ སམྨུཁཱཔི ཏེསཾ ཨནུམཏིཾ པཋམཾ ཨགྒཧེཏྭཱ ཏཾ ཀམྨཾ ན པཊིཔྤསྶམྦྷེཏབྦནྟི སིདྡྷཾ ཧོཏི, པཊིཔྤསྶདྡྷཾ བལཀྐཱརེན ན ཀཱཏབྦམེཝཱཏི ཨདྷིཔྤཱཡོ། ‘‘བྷིཀྑུནཱིཔི དིཊྛཱཝིཀམྨཾ ཀཱཏུཾ ལབྷཏཱི’’ཏི ཙ ཏཏྠ ཝུཏྟཾ།
694.Paṭivattāti paṭivacanaṃ denti. Kammadosanti ‘‘anaññāya gaṇassa chandanti evamādī’’ti likhitaṃ. Kattabbaṭṭhānadosanti porāṇā. Kārakagaṇassāti kārakasaṅghassa. ‘‘Bhikkhunisaṅghaṃ sannipātetvā’ti vuttattā kārakasaṅghopi ayamevāti ce? Paṭhamameva kārakasaṅghaṃ na āmantetvā balakkārenāyaṃ thullanandā taṃ bhikkhuniṃ osāresī’’ti porāṇagaṇṭhipade vuttaṃ, tasmā kārakabhikkhūnaṃ sammukhāpi tesaṃ anumatiṃ paṭhamaṃ aggahetvā taṃ kammaṃ na paṭippassambhetabbanti siddhaṃ hoti, paṭippassaddhaṃ balakkārena na kātabbamevāti adhippāyo. ‘‘Bhikkhunīpi diṭṭhāvikammaṃ kātuṃ labhatī’’ti ca tattha vuttaṃ.
༦༩༨. ཨསནྟེ ཀམྨཀཱརཀསངྒྷེ ཨོསཱརེཏི, ཨནཱཔཏྟཱིཏི ཨེཏྠ ཀིཏྟཱཝཏཱ ཨསནྟོ ནཱམ ཧོཏཱིཏི? ཨིདཾ སབྦཏྠ ན ཝིཙཱརིཏཾ། ཀཱརཀཱནཾ ཀཱལཀིརིཡཱཡཱཏི ཨེཀེ། ཨེཀསྶཔི ཨབྷཱཝེནཱཏི ཨེཀེ། ཨེཀསྨིཾ རཛྫེཏི ཨེཀེ། ཨེཀརཊྛེཏི ཨེཀེ། ཨེཀགཱམེཏི ཨེཀེ། ཨེཀསྨིཾ ཨཱཝཱསེཏི ཨེཀེ། ཡཏྠ སཀྐཱ ཨཔལོཀེཏུནྟི ཨེཀེ། ཨནྟོཨདྡྷཡོཛནེཏི ཨེཀེ། ཏཏྠ ཏསྨིཾ ཨཱཝཱསེ ཨསནྟེ ཀཱརཀསངྒྷེ ཨོསཱརེཏི, ཨནཱཔཏྟཱིཏི ཨིདཾ པསཾསནྟི ཨཱཙརིཡཱ། ཡཏྠ སཀྐཱ ཨཔལོཀེཏུནྟི སཱམཱིཙི།
698.Asante kammakārakasaṅghe osāreti, anāpattīti ettha kittāvatā asanto nāma hotīti? Idaṃ sabbattha na vicāritaṃ. Kārakānaṃ kālakiriyāyāti eke. Ekassapi abhāvenāti eke. Ekasmiṃ rajjeti eke. Ekaraṭṭheti eke. Ekagāmeti eke. Ekasmiṃ āvāseti eke. Yattha sakkā apaloketunti eke. Antoaddhayojaneti eke. Tattha tasmiṃ āvāse asante kārakasaṅghe osāreti, anāpattīti idaṃ pasaṃsanti ācariyā. Yattha sakkā apaloketunti sāmīci.
ཙཏུཏྠསངྒྷཱདིསེསསིཀྑཱཔདཝཎྞནཱ ནིཊྛིཏཱ།
Catutthasaṅghādisesasikkhāpadavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / བྷིཀྑུནཱིཝིབྷངྒ • Bhikkhunīvibhaṅga / ༤. ཙཏུཏྠསངྒྷཱདིསེསསིཀྑཱཔདཾ • 4. Catutthasaṅghādisesasikkhāpadaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / བྷིཀྑུནཱིཝིབྷངྒ-ཨཊྛཀཐཱ • Bhikkhunīvibhaṅga-aṭṭhakathā / ༤. ཙཏུཏྠསངྒྷཱདིསེསསིཀྑཱཔདཝཎྞནཱ • 4. Catutthasaṅghādisesasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༤. ཙཏུཏྠསངྒྷཱདིསེསསིཀྑཱཔདཝཎྞནཱ • 4. Catutthasaṅghādisesasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༤. ཙཏུཏྠསངྒྷཱདིསེསསིཀྑཱཔདཝཎྞནཱ • 4. Catutthasaṅghādisesasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༤. ཙཏུཏྠསངྒྷཱདིསེསསིཀྑཱཔདཾ • 4. Catutthasaṅghādisesasikkhāpadaṃ
