| Library / Tipiṭaka / திபிடக • Tipiṭaka / பி⁴க்கு²னீவிப⁴ங்க³ • Bhikkhunīvibhaṅga |
4. சதுத்த²ஸிக்கா²பத³ங்
4. Catutthasikkhāpadaṃ
1037. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன அஞ்ஞதரோ ப்³ராஹ்மணோ பி⁴க்கு²னியோ நிமந்தெத்வா போ⁴ஜேஸி . பி⁴க்கு²னியோ பு⁴த்தாவீ 1 பவாரிதா ஞாதிகுலானி க³ந்த்வா ஏகச்சா பு⁴ஞ்ஜிங்ஸு ஏகச்சா பிண்ட³பாதங் ஆதா³ய அக³மங்ஸு. அத² கோ² ஸோ ப்³ராஹ்மணோ படிவிஸ்ஸகே ஏதத³வோச – ‘‘பி⁴க்கு²னியோ மயா அய்யா ஸந்தப்பிதா, ஏத² தும்ஹேபி ஸந்தப்பெஸ்ஸாமீ’’தி. தே ஏவமாஹங்ஸு – ‘‘கிங் த்வங், அய்யோ, அம்ஹே ஸந்தப்பெஸ்ஸஸி! யாபி தயா நிமந்திதா தாபி அம்ஹாகங் க⁴ரானி ஆக³ந்த்வா ஏகச்சா பு⁴ஞ்ஜிங்ஸு ஏகச்சா பிண்ட³பாதங் ஆதா³ய அக³மங்ஸூ’’தி. அத² கோ² ஸோ ப்³ராஹ்மணோ உஜ்ஜா²யதி கி²ய்யதி விபாசேதி – ‘‘கத²ஞ்ஹி நாம பி⁴க்கு²னியோ அம்ஹாகங் க⁴ரே பு⁴ஞ்ஜித்வா அஞ்ஞத்ர பு⁴ஞ்ஜிஸ்ஸந்தி, ந சாஹங் படிப³லோ யாவத³த்த²ங் தா³து’’ந்தி! அஸ்ஸோஸுங் கோ² பி⁴க்கு²னியோ தஸ்ஸ ப்³ராஹ்மணஸ்ஸ உஜ்ஜா²யந்தஸ்ஸ கி²ய்யந்தஸ்ஸ விபாசெந்தஸ்ஸ. யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னியோ பு⁴த்தாவீ 2 பவாரிதா அஞ்ஞத்ர பு⁴ஞ்ஜிஸ்ஸந்தீ’’தி…பே॰… ஸச்சங் கிர, பி⁴க்க²வே, பி⁴க்கு²னியோ பு⁴த்தாவீ பவாரிதா அஞ்ஞத்ர பு⁴ஞ்ஜந்தீதி ? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, பி⁴க்கு²னியோ பு⁴த்தாவீ பவாரிதா அஞ்ஞத்ர பு⁴ஞ்ஜிஸ்ஸந்தி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –
1037. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññataro brāhmaṇo bhikkhuniyo nimantetvā bhojesi . Bhikkhuniyo bhuttāvī 3 pavāritā ñātikulāni gantvā ekaccā bhuñjiṃsu ekaccā piṇḍapātaṃ ādāya agamaṃsu. Atha kho so brāhmaṇo paṭivissake etadavoca – ‘‘bhikkhuniyo mayā ayyā santappitā, etha tumhepi santappessāmī’’ti. Te evamāhaṃsu – ‘‘kiṃ tvaṃ, ayyo, amhe santappessasi! Yāpi tayā nimantitā tāpi amhākaṃ gharāni āgantvā ekaccā bhuñjiṃsu ekaccā piṇḍapātaṃ ādāya agamaṃsū’’ti. Atha kho so brāhmaṇo ujjhāyati khiyyati vipāceti – ‘‘kathañhi nāma bhikkhuniyo amhākaṃ ghare bhuñjitvā aññatra bhuñjissanti, na cāhaṃ paṭibalo yāvadatthaṃ dātu’’nti! Assosuṃ kho bhikkhuniyo tassa brāhmaṇassa ujjhāyantassa khiyyantassa vipācentassa. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma bhikkhuniyo bhuttāvī 4 pavāritā aññatra bhuñjissantī’’ti…pe… saccaṃ kira, bhikkhave, bhikkhuniyo bhuttāvī pavāritā aññatra bhuñjantīti ? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhuniyo bhuttāvī pavāritā aññatra bhuñjissanti! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
1038. ‘‘யா பன பி⁴க்கு²னீ நிமந்திதா வா பவாரிதா வா கா²த³னீயங் வா போ⁴ஜனீயங் வா கா²தெ³ய்ய வா பு⁴ஞ்ஜெய்ய வா, பாசித்திய’’ந்தி.
1038.‘‘Yā pana bhikkhunī nimantitā vā pavāritā vā khādanīyaṃ vā bhojanīyaṃ vā khādeyya vā bhuñjeyya vā, pācittiya’’nti.
1039. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.
1039.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
நிமந்திதா நாம பஞ்சன்னங் போ⁴ஜனானங் அஞ்ஞதரேன போ⁴ஜனேன நிமந்திதா.
Nimantitā nāma pañcannaṃ bhojanānaṃ aññatarena bhojanena nimantitā.
பவாரிதா நாம அஸனங் பஞ்ஞாயதி, போ⁴ஜனங் பஞ்ஞாயதி, ஹத்த²பாஸே டி²தா அபி⁴ஹரதி, படிக்கே²போ பஞ்ஞாயதி.
Pavāritā nāma asanaṃ paññāyati, bhojanaṃ paññāyati, hatthapāse ṭhitā abhiharati, paṭikkhepo paññāyati.
கா²த³னீயங் நாம பஞ்ச போ⁴ஜனானி – யாகு³ங் யாமகாலிகங் ஸத்தாஹகாலிகங் யாவஜீவிகங் ட²பெத்வா அவஸேஸங் கா²த³னீயங் நாம.
Khādanīyaṃ nāma pañca bhojanāni – yāguṃ yāmakālikaṃ sattāhakālikaṃ yāvajīvikaṃ ṭhapetvā avasesaṃ khādanīyaṃ nāma.
போ⁴ஜனீயங் நாம பஞ்ச போ⁴ஜனானி – ஓத³னோ, கும்மாஸோ, ஸத்து, மச்சோ², மங்ஸங்.
Bhojanīyaṃ nāma pañca bhojanāni – odano, kummāso, sattu, maccho, maṃsaṃ.
‘‘கா²தி³ஸ்ஸாமி பு⁴ஞ்ஜிஸ்ஸாமீ’’தி படிக்³க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே அஜ்ஜோ²ஹாரே ஆபத்தி பாசித்தியஸ்ஸ.
‘‘Khādissāmi bhuñjissāmī’’ti paṭiggaṇhāti, āpatti dukkaṭassa. Ajjhohāre ajjhohāre āpatti pācittiyassa.
1040. நிமந்திதே நிமந்திதஸஞ்ஞா கா²த³னீயங் வா போ⁴ஜனீயங் வா கா²த³தி வா பு⁴ஞ்ஜதி வா, ஆபத்தி பாசித்தியஸ்ஸ. நிமந்திதே வேமதிகா கா²த³னீயங் வா போ⁴ஜனீயங் வா கா²த³தி வா பு⁴ஞ்ஜதி வா, ஆபத்தி பாசித்தியஸ்ஸ. நிமந்திதே அனிமந்திதஸஞ்ஞா கா²த³னீயங் வா போ⁴ஜனீயங் வா கா²த³தி வா பு⁴ஞ்ஜதி வா, ஆபத்தி பாசித்தியஸ்ஸ.
1040. Nimantite nimantitasaññā khādanīyaṃ vā bhojanīyaṃ vā khādati vā bhuñjati vā, āpatti pācittiyassa. Nimantite vematikā khādanīyaṃ vā bhojanīyaṃ vā khādati vā bhuñjati vā, āpatti pācittiyassa. Nimantite animantitasaññā khādanīyaṃ vā bhojanīyaṃ vā khādati vā bhuñjati vā, āpatti pācittiyassa.
யாமகாலிகங் ஸத்தாஹகாலிகங் யாவஜீவிகங் ஆஹாரத்தா²ய படிக்³க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே அஜ்ஜோ²ஹாரே ஆபத்தி து³க்கடஸ்ஸ…பே॰….
Yāmakālikaṃ sattāhakālikaṃ yāvajīvikaṃ āhāratthāya paṭiggaṇhāti, āpatti dukkaṭassa. Ajjhohāre ajjhohāre āpatti dukkaṭassa…pe….
1041. அனாபத்தி நிமந்திதா அப்பவாரிதா, யாகு³ங் பிவதி, ஸாமிகே அபலோகெத்வா பு⁴ஞ்ஜதி, யாமகாலிகங் ஸத்தாஹகாலிகங் யாவஜீவிகங் ஸதி பச்சயே பரிபு⁴ஞ்ஜதி, உம்மத்திகாய, ஆதி³கம்மிகாயாதி.
1041. Anāpatti nimantitā appavāritā, yāguṃ pivati, sāmike apaloketvā bhuñjati, yāmakālikaṃ sattāhakālikaṃ yāvajīvikaṃ sati paccaye paribhuñjati, ummattikāya, ādikammikāyāti.
சதுத்த²ஸிக்கா²பத³ங் நிட்டி²தங்.
Catutthasikkhāpadaṃ niṭṭhitaṃ.
Footnotes:
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / 4. சதுத்த²ஸிக்கா²பத³வண்ணனா • 4. Catutthasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 4. சதுத்த²ஸிக்கா²பத³வண்ணனா • 4. Catutthasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. பட²மாதி³ஸிக்கா²பத³வண்ணனா • 1. Paṭhamādisikkhāpadavaṇṇanā
