| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
4. жад̇уд̇т̇асигкаабад̣̇ам̣
4. Catutthasikkhāpadaṃ
897. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна бхигкунияо бхигкунийнам̣ хад̇т̇з жийварам̣ нигкибид̇ваа санд̇аруд̇д̇арзна ж̇анабад̣̇ажааригам̣ баггаманд̇и. д̇аани жийвараани жирам̣ нигкид̇д̇аани ган̣н̣агид̇аани хонд̇и. д̇аани бхигкунияо од̇аабзнд̇и. бхигкунияо д̇аа бхигкунияо зд̇ад̣̇авожум̣ – ‘‘гассимаани , аяяз, жийвараани ган̣н̣агид̇ааний’’д̇и? ат̇а ко д̇аа бхигкунияо бхигкунийнам̣ зд̇амад̇т̇ам̣ аарожзсум̣. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкунияо бхигкунийнам̣ хад̇т̇з жийварам̣ нигкибид̇ваа санд̇аруд̇д̇арзна ж̇анабад̣̇ажааригам̣ баггамиссанд̇ий’’д̇и…бз… сажжам̣ гира, бхигкавз, бхигкунияо бхигкунийнам̣ хад̇т̇з жийварам̣ нигкибид̇ваа санд̇аруд̇д̇арзна ж̇анабад̣̇ажааригам̣ баггаманд̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, бхигкунияо бхигкунийнам̣ хад̇т̇з жийварам̣ нигкибид̇ваа санд̇аруд̇д̇арзна ж̇анабад̣̇ажааригам̣ баггамиссанд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
897. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhikkhuniyo bhikkhunīnaṃ hatthe cīvaraṃ nikkhipitvā santaruttarena janapadacārikaṃ pakkamanti. Tāni cīvarāni ciraṃ nikkhittāni kaṇṇakitāni honti. Tāni bhikkhuniyo otāpenti. Bhikkhuniyo tā bhikkhuniyo etadavocuṃ – ‘‘kassimāni , ayye, cīvarāni kaṇṇakitānī’’ti? Atha kho tā bhikkhuniyo bhikkhunīnaṃ etamatthaṃ ārocesuṃ. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma bhikkhuniyo bhikkhunīnaṃ hatthe cīvaraṃ nikkhipitvā santaruttarena janapadacārikaṃ pakkamissantī’’ti…pe… saccaṃ kira, bhikkhave, bhikkhuniyo bhikkhunīnaṃ hatthe cīvaraṃ nikkhipitvā santaruttarena janapadacārikaṃ pakkamantīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhuniyo bhikkhunīnaṃ hatthe cīvaraṃ nikkhipitvā santaruttarena janapadacārikaṃ pakkamissanti! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
898. ‘‘яаа бана бхигкуний бан̃жаахигам̣ сан̇гхаадижаарам̣ 1 ад̇иггаамзяяа, баажид̇д̇ияа’’нд̇и.
898.‘‘Yā panabhikkhunī pañcāhikaṃ saṅghāṭicāraṃ2atikkāmeyya, pācittiya’’nti.
899. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
899.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
бан̃жаахигам̣ сан̇гхаадижаарам̣ ад̇иггаамзяяаад̇и бан̃жамам̣ д̣̇ивасам̣ бан̃жа жийвараани нзва ниваасзд̇и на баарубад̇и на од̇аабзд̇и, бан̃жамам̣ д̣̇ивасам̣ ад̇иггаамзд̇и, аабад̇д̇и баажид̇д̇ияасса.
Pañcāhikaṃ saṅghāṭicāraṃ atikkāmeyyāti pañcamaṃ divasaṃ pañca cīvarāni neva nivāseti na pārupati na otāpeti, pañcamaṃ divasaṃ atikkāmeti, āpatti pācittiyassa.
900. бан̃жаахаад̇игганд̇з ад̇игганд̇асан̃н̃аа, аабад̇д̇и баажид̇д̇ияасса. бан̃жаахаад̇игганд̇з взмад̇игаа, аабад̇д̇и баажид̇д̇ияасса. бан̃жаахаад̇игганд̇з анад̇игганд̇асан̃н̃аа , аабад̇д̇и баажид̇д̇ияасса.
900. Pañcāhātikkante atikkantasaññā, āpatti pācittiyassa. Pañcāhātikkante vematikā, āpatti pācittiyassa. Pañcāhātikkante anatikkantasaññā , āpatti pācittiyassa.
бан̃жаахаанад̇игганд̇з ад̇игганд̇асан̃н̃аа, аабад̇д̇и д̣̇уггадасса. бан̃жаахаанад̇игганд̇з взмад̇игаа, аабад̇д̇и д̣̇уггадасса. бан̃жаахаанад̇игганд̇з анад̇игганд̇асан̃н̃аа, анаабад̇д̇и.
Pañcāhānatikkante atikkantasaññā, āpatti dukkaṭassa. Pañcāhānatikkante vematikā, āpatti dukkaṭassa. Pañcāhānatikkante anatikkantasaññā, anāpatti.
901. анаабад̇д̇и бан̃жамам̣ д̣̇ивасам̣ бан̃жа жийвараани ниваасзд̇и ваа баарубад̇и ваа од̇аабзд̇и ваа, г̇илаанааяа, аабад̣̇аасу, уммад̇д̇игааяа, аад̣̇игаммигааяаад̇и.
901. Anāpatti pañcamaṃ divasaṃ pañca cīvarāni nivāseti vā pārupati vā otāpeti vā, gilānāya, āpadāsu, ummattikāya, ādikammikāyāti.
жад̇уд̇т̇асигкаабад̣̇ам̣ нидтид̇ам̣.
Catutthasikkhāpadaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 4. жад̇уд̇т̇асигкаабад̣̇аван̣н̣анаа • 4. Catutthasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. наг̇г̇аваг̇г̇аван̣н̣анаа • 3. Naggavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. жад̇уд̇т̇асигкаабад̣̇аван̣н̣анаа • 4. Catutthasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. жад̇уд̇т̇асигкаабад̣̇ам̣ • 4. Catutthasikkhāpadaṃ
