| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၄. စတုတ္ထသိက္ခာပဒံ
4. Catutthasikkhāpadaṃ
၈၀၆. စတုတ္ထေ ရညော ဩရောဓာ ရာဇောရောဓာ, ပုရာဏေ ရာဇောရောဓာ ပုရာဏရာဇောရောဓာတိ ဝစနတ္ထံ ဒသ္သေန္တော အာဟ ‘‘ပုရာဏေ’’တိအာဒိ။ ‘‘ဂိဟိဘာဝေ’’တိ ဣမိနာ ပုရာဏေတိ ဧတ္ထ ဏပစ္စယသ္သ သရူပံ ဒသ္သေတိ။ စိရာစိရန္တိ နိပာတပဋိရူပကံ။ တေန ဝုတ္တံ ‘‘စိရေန စိရေနာ’’တိ။ ‘‘သက္ကောထာ’’တိ ဣမိနာ ကထံ တုမ္ဟေ ရာဂစိတ္တံ ပဋိဟနိတ္ဝာ အတ္တာနံ ဓာရေထ ဓာရေတုံ သက္ကောထာတိ အတ္ထံ ဒသ္သေတိ။ အနာရောစိတေပီတိ ဘူတတော အနာရောစိတေပိ။
806. Catutthe rañño orodhā rājorodhā, purāṇe rājorodhā purāṇarājorodhāti vacanatthaṃ dassento āha ‘‘purāṇe’’tiādi. ‘‘Gihibhāve’’ti iminā purāṇeti ettha ṇapaccayassa sarūpaṃ dasseti. Cirāciranti nipātapaṭirūpakaṃ. Tena vuttaṃ ‘‘cirena cirenā’’ti. ‘‘Sakkothā’’ti iminā kathaṃ tumhe rāgacittaṃ paṭihanitvā attānaṃ dhāretha dhāretuṃ sakkothāti atthaṃ dasseti. Anārocitepīti bhūtato anārocitepi.
၈၀၇. ဇတုနာတိ လာခာယ။ ပဋ္ဌဒဏ္ဍကေတိ ပဋုဘာဝေန ဌာတိ ပဝတ္တတီတိ ပဋ္ဌော, သောယေဝ ဒဏ္ဍော ပဋ္ဌဒဏ္ဍော, တသ္သ ပဝေသနံ ပဋ္ဌဒဏ္ဍကံ, တသ္မိံ နိမိတ္တဘူတေ။ ဧတန္တိ ‘‘ဇတုမဋ္ဌကေ’’တိ ဧတံ ဝစနန္တိ။ စတုတ္ထံ။
807.Jatunāti lākhāya. Paṭṭhadaṇḍaketi paṭubhāvena ṭhāti pavattatīti paṭṭho, soyeva daṇḍo paṭṭhadaṇḍo, tassa pavesanaṃ paṭṭhadaṇḍakaṃ, tasmiṃ nimittabhūte. Etanti ‘‘jatumaṭṭhake’’ti etaṃ vacananti. Catutthaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ဘိက္ခုနီဝိဘင္ဂ • Bhikkhunīvibhaṅga / ၄. စတုတ္ထသိက္ခာပဒံ • 4. Catutthasikkhāpadaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ဘိက္ခုနီဝိဘင္ဂ-အဋ္ဌကထာ • Bhikkhunīvibhaṅga-aṭṭhakathā / ၄. စတုတ္ထသိက္ခာပဒဝဏ္ဏနာ • 4. Catutthasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၂. ဒုတိယသိက္ခာပဒဝဏ္ဏနာ • 2. Dutiyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၁. ပဌမလသုဏာဒိသိက္ခာပဒဝဏ္ဏနာ • 1. Paṭhamalasuṇādisikkhāpadavaṇṇanā
