| Library / Tipiṭaka / ਤਿਪਿਟਕ • Tipiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga |
੪. ਚਤੁਤ੍ਥਸਿਕ੍ਖਾਪਦਂ
4. Catutthasikkhāpadaṃ
੮੫੦. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਥੁਲ੍ਲਨਨ੍ਦਾ ਭਿਕ੍ਖੁਨੀ ਰਥਿਕਾਯਪਿ ਬ੍ਯੂਹੇਪਿ ਸਿਙ੍ਘਾਟਕੇਪਿ ਪੁਰਿਸੇਨ ਸਦ੍ਧਿਂ ਏਕੇਨੇਕਾ ਸਨ੍ਤਿਟ੍ਠਤਿਪਿ ਸਲ੍ਲਪਤਿਪਿ ਨਿਕਣ੍ਣਿਕਮ੍ਪਿ ਜਪ੍ਪੇਤਿ ਦੁਤਿਯਿਕਮ੍ਪਿ ਭਿਕ੍ਖੁਨਿਂ ਉਯ੍ਯੋਜੇਤਿ। ਯਾ ਤਾ ਭਿਕ੍ਖੁਨਿਯੋ ਅਪ੍ਪਿਚ੍ਛਾ…ਪੇ॰… ਤਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਅਯ੍ਯਾ ਥੁਲ੍ਲਨਨ੍ਦਾ ਰਥਿਕਾਯਪਿ ਬ੍ਯੂਹੇਪਿ ਸਿਙ੍ਘਾਟਕੇਪਿ ਪੁਰਿਸੇਨ ਸਦ੍ਧਿਂ ਏਕੇਨੇਕਾ ਸਨ੍ਤਿਟ੍ਠਿਸ੍ਸਤਿਪਿ ਸਲ੍ਲਪਿਸ੍ਸਤਿਪਿ ਨਿਕਣ੍ਣਿਕਮ੍ਪਿ ਜਪ੍ਪਿਸ੍ਸਤਿ ਦੁਤਿਯਿਕਮ੍ਪਿ ਭਿਕ੍ਖੁਨਿਂ ਉਯ੍ਯੋਜੇਸ੍ਸਤੀ’’ਤਿ…ਪੇ॰… ਸਚ੍ਚਂ ਕਿਰ, ਭਿਕ੍ਖવੇ, ਥੁਲ੍ਲਨਨ੍ਦਾ ਭਿਕ੍ਖੁਨੀ ਰਥਿਕਾਯਪਿ ਬ੍ਯੂਹੇਪਿ ਸਿਙ੍ਘਾਟਕੇਪਿ ਪੁਰਿਸੇਨ ਸਦ੍ਧਿਂ ਏਕੇਨੇਕਾ ਸਨ੍ਤਿਟ੍ਠਤਿਪਿ ਸਲ੍ਲਪਤਿਪਿ ਨਿਕਣ੍ਣਿਕਮ੍ਪਿ ਜਪ੍ਪੇਤਿ ਦੁਤਿਯਿਕਮ੍ਪਿ ਭਿਕ੍ਖੁਨਿਂ ਉਯ੍ਯੋਜੇਤੀਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ, ਭਿਕ੍ਖવੇ, ਥੁਲ੍ਲਨਨ੍ਦਾ ਭਿਕ੍ਖੁਨੀ ਰਥਿਕਾਯਪਿ ਬ੍ਯੂਹੇਪਿ ਸਿਙ੍ਘਾਟਕੇਪਿ ਪੁਰਿਸੇਨ ਸਦ੍ਧਿਂ ਏਕੇਨੇਕਾ ਸਨ੍ਤਿਟ੍ਠਿਸ੍ਸਤਿਪਿ ਸਲ੍ਲਪਿਸ੍ਸਤਿਪਿ ਨਿਕਣ੍ਣਿਕਮ੍ਪਿ ਜਪ੍ਪਿਸ੍ਸਤਿ ਦੁਤਿਯਿਕਮ੍ਪਿ ਭਿਕ੍ਖੁਨਿਂ ਉਯ੍ਯੋਜੇਸ੍ਸਤਿ! ਨੇਤਂ, ਭਿਕ੍ਖવੇ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਭਿਕ੍ਖੁਨਿਯੋ ਇਮਂ ਸਿਕ੍ਖਾਪਦਂ ਉਦ੍ਦਿਸਨ੍ਤੁ –
850. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena thullanandā bhikkhunī rathikāyapi byūhepi siṅghāṭakepi purisena saddhiṃ ekenekā santiṭṭhatipi sallapatipi nikaṇṇikampi jappeti dutiyikampi bhikkhuniṃ uyyojeti. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā rathikāyapi byūhepi siṅghāṭakepi purisena saddhiṃ ekenekā santiṭṭhissatipi sallapissatipi nikaṇṇikampi jappissati dutiyikampi bhikkhuniṃ uyyojessatī’’ti…pe… saccaṃ kira, bhikkhave, thullanandā bhikkhunī rathikāyapi byūhepi siṅghāṭakepi purisena saddhiṃ ekenekā santiṭṭhatipi sallapatipi nikaṇṇikampi jappeti dutiyikampi bhikkhuniṃ uyyojetīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī rathikāyapi byūhepi siṅghāṭakepi purisena saddhiṃ ekenekā santiṭṭhissatipi sallapissatipi nikaṇṇikampi jappissati dutiyikampi bhikkhuniṃ uyyojessati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
੮੫੧. ‘‘ਯਾ ਪਨ ਭਿਕ੍ਖੁਨੀ ਰਥਿਕਾਯ વਾ ਬ੍ਯੂਹੇ વਾ ਸਿਙ੍ਘਾਟਕੇ વਾ ਪੁਰਿਸੇਨ ਸਦ੍ਧਿਂ ਏਕੇਨੇਕਾ ਸਨ੍ਤਿਟ੍ਠੇਯ੍ਯ વਾ ਸਲ੍ਲਪੇਯ੍ਯ વਾ ਨਿਕਣ੍ਣਿਕਂ વਾ ਜਪ੍ਪੇਯ੍ਯ ਦੁਤਿਯਿਕਂ વਾ ਭਿਕ੍ਖੁਨਿਂ ਉਯ੍ਯੋਜੇਯ੍ਯ, ਪਾਚਿਤ੍ਤਿਯ’’ਨ੍ਤਿ।
851.‘‘Yāpana bhikkhunī rathikāya vā byūhe vā siṅghāṭake vā purisena saddhiṃ ekenekā santiṭṭheyya vā sallapeyya vā nikaṇṇikaṃ vā jappeyya dutiyikaṃ vā bhikkhuniṃ uyyojeyya, pācittiya’’nti.
੮੫੨. ਯਾ ਪਨਾਤਿ ਯਾ ਯਾਦਿਸਾ…ਪੇ॰… ਭਿਕ੍ਖੁਨੀਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤਾ ਭਿਕ੍ਖੁਨੀਤਿ।
852.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
ਰਥਿਕਾ ਨਾਮ ਰਚ੍ਛਾ વੁਚ੍ਚਤਿ। ਬ੍ਯੂਹਂ ਨਾਮ ਯੇਨੇવ ਪવਿਸਨ੍ਤਿ ਤੇਨੇવ ਨਿਕ੍ਖਮਨ੍ਤਿ। ਸਿਙ੍ਘਾਟਕੋ ਨਾਮ ਚਚ੍ਚਰਂ વੁਚ੍ਚਤਿ।
Rathikā nāma racchā vuccati. Byūhaṃ nāma yeneva pavisanti teneva nikkhamanti. Siṅghāṭako nāma caccaraṃ vuccati.
ਪੁਰਿਸੋ ਨਾਮ ਮਨੁਸ੍ਸਪੁਰਿਸੋ ਨ ਯਕ੍ਖੋ ਨ ਪੇਤੋ ਨ ਤਿਰਚ੍ਛਾਨਗਤੋ વਿਞ੍ਞੂ ਪਟਿਬਲੋ ਸਨ੍ਤਿਟ੍ਠਿਤੁਂ ਸਲ੍ਲਪਿਤੁਂ।
Puriso nāma manussapuriso na yakkho na peto na tiracchānagato viññū paṭibalo santiṭṭhituṃ sallapituṃ.
ਸਦ੍ਧਿਨ੍ਤਿ ਏਕਤੋ। ਏਕੇਨੇਕਾਤਿ ਪੁਰਿਸੋ ਚੇવ ਹੋਤਿ ਭਿਕ੍ਖੁਨੀ ਚ।
Saddhinti ekato. Ekenekāti puriso ceva hoti bhikkhunī ca.
ਸਨ੍ਤਿਟ੍ਠੇਯ੍ਯ વਾਤਿ ਪੁਰਿਸਸ੍ਸ ਹਤ੍ਥਪਾਸੇ ਤਿਟ੍ਠਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Santiṭṭheyya vāti purisassa hatthapāse tiṭṭhati, āpatti pācittiyassa.
ਸਲ੍ਲਪੇਯ੍ਯ વਾਤਿ ਪੁਰਿਸਸ੍ਸ ਹਤ੍ਥਪਾਸੇ ਠਿਤਾ ਸਲ੍ਲਪਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Sallapeyya vāti purisassa hatthapāse ṭhitā sallapati, āpatti pācittiyassa.
ਨਿਕਣ੍ਣਿਕਂ વਾ ਜਪ੍ਪੇਯ੍ਯਾਤਿ ਪੁਰਿਸਸ੍ਸ ਉਪਕਣ੍ਣਕੇ ਆਰੋਚੇਤਿ , ਆਪਤ੍ਤਿ ਪਾਚਿਤ੍ਤਿਯਸ੍ਸ।
Nikaṇṇikaṃ vā jappeyyāti purisassa upakaṇṇake āroceti , āpatti pācittiyassa.
ਦੁਤਿਯਿਕਂ વਾ ਭਿਕ੍ਖੁਨਿਂ ਉਯ੍ਯੋਜੇਯ੍ਯਾਤਿ ਅਨਾਚਾਰਂ ਆਚਰਿਤੁਕਾਮਾ ਦੁਤਿਯਿਕਮ੍ਪਿ ਭਿਕ੍ਖੁਨਿਂ ਉਯ੍ਯੋਜੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਦਸ੍ਸਨੂਪਚਾਰਂ વਾ ਸવਨੂਪਚਾਰਂ વਾ વਿਜਹਨ੍ਤਿਯਾ ਆਪਤ੍ਤਿ ਦੁਕ੍ਕਟਸ੍ਸ। વਿਜਹਿਤੇ ਆਪਤ੍ਤਿ ਪਾਚਿਤ੍ਤਿਯਸ੍ਸ।
Dutiyikaṃ vā bhikkhuniṃ uyyojeyyāti anācāraṃ ācaritukāmā dutiyikampi bhikkhuniṃ uyyojeti, āpatti dukkaṭassa. Dassanūpacāraṃ vā savanūpacāraṃ vā vijahantiyā āpatti dukkaṭassa. Vijahite āpatti pācittiyassa.
ਹਤ੍ਥਪਾਸਂ વਿਜਹਿਤ੍વਾ ਸਨ੍ਤਿਟ੍ਠਤਿ વਾ ਸਲ੍ਲਪਤਿ વਾ ਆਪਤ੍ਤਿ ਦੁਕ੍ਕਟਸ੍ਸ। ਯਕ੍ਖੇਨ વਾ ਪੇਤੇਨ વਾ ਪਣ੍ਡਕੇਨ વਾ ਤਿਰਚ੍ਛਾਨਗਤਮਨੁਸ੍ਸવਿਗ੍ਗਹੇਨ વਾ ਸਦ੍ਧਿਂ ਸਨ੍ਤਿਟ੍ਠਤਿ વਾ ਸਲ੍ਲਪਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ।
Hatthapāsaṃ vijahitvā santiṭṭhati vā sallapati vā āpatti dukkaṭassa. Yakkhena vā petena vā paṇḍakena vā tiracchānagatamanussaviggahena vā saddhiṃ santiṭṭhati vā sallapati vā, āpatti dukkaṭassa.
੮੫੩. ਅਨਾਪਤ੍ਤਿ ਯੋ ਕੋਚਿ વਿਞ੍ਞੂ ਦੁਤਿਯੋ ਹੋਤਿ, ਅਰਹੋਪੇਕ੍ਖਾ, ਅਞ੍ਞવਿਹਿਤਾ ਸਨ੍ਤਿਟ੍ਠਤਿ વਾ ਸਲ੍ਲਪਤਿ વਾ, ਨ ਅਨਾਚਾਰਂ ਆਚਰਿਤੁਕਾਮਾ, ਸਤਿ ਕਰਣੀਯੇ ਦੁਤਿਯਿਕਂ ਭਿਕ੍ਖੁਨਿਂ ਉਯ੍ਯੋਜੇਤਿ, ਉਮ੍ਮਤ੍ਤਿਕਾਯ, ਆਦਿਕਮ੍ਮਿਕਾਯਾਤਿ।
853. Anāpatti yo koci viññū dutiyo hoti, arahopekkhā, aññavihitā santiṭṭhati vā sallapati vā, na anācāraṃ ācaritukāmā, sati karaṇīye dutiyikaṃ bhikkhuniṃ uyyojeti, ummattikāya, ādikammikāyāti.
ਚਤੁਤ੍ਥਸਿਕ੍ਖਾਪਦਂ ਨਿਟ੍ਠਿਤਂ।
Catutthasikkhāpadaṃ niṭṭhitaṃ.
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā / ੪. ਚਤੁਤ੍ਥਸਿਕ੍ਖਾਪਦવਣ੍ਣਨਾ • 4. Catutthasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੨-੩-੪. ਦੁਤਿਯਤਤਿਯਚਤੁਤ੍ਥਸਿਕ੍ਖਾਪਦવਣ੍ਣਨਾ • 2-3-4. Dutiyatatiyacatutthasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਪਠਮਾਦਿਸਿਕ੍ਖਾਪਦવਣ੍ਣਨਾ • 1. Paṭhamādisikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੪. ਚਤੁਤ੍ਥਸਿਕ੍ਖਾਪਦਂ • 4. Catutthasikkhāpadaṃ
