| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
4. жад̇уд̇т̇асигкаабад̣̇аван̣н̣анаа
4. Catutthasikkhāpadavaṇṇanā
1038. ниманд̇ид̇аа ваа баваарид̇аа ваад̇и зд̇т̇а бораан̣аг̇ан̣тибад̣̇з д̇аава звам̣ вуд̇д̇ам̣ ‘‘баваарид̇ааби яааг̇ум̣ баад̇ум̣ лабхад̇и, бхож̇ж̇аяааг̇ум̣ на лабхад̇и. яааг̇у банзд̇т̇а каад̣̇анийяабхож̇анийяасан̇кяам̣ на г̇ажчад̇и. ниманд̇ид̇аа бхигкуний бин̣д̣ааяа жарид̇ваа бхун̃ж̇ид̇угаамаа саамигз абалогзд̇ваава бхун̃ж̇ид̇ум̣ лабхад̇и. барамбарабхож̇анаабад̇д̇и бхигкунийнам̣ над̇т̇и. ниманд̇ид̇аа д̇ам̣ бхад̇д̇ам̣ бхун̃ж̇ид̇ваа ваа абхун̃ж̇ид̇ваа ваа баваарид̇аа габбияам̣ гаараабзд̇ваа бхун̃ж̇ид̇ум̣ на лабхад̇и, агаббияаниманд̇анзна ниманд̇ияамаанаа д̣̇вз ниманд̇анаани самбадижчид̇ун̃жа на лабхад̇ий’’д̇и. д̇ад̇т̇а ‘‘баваарид̇ааби яааг̇ум̣ баад̇ум̣ лабхад̇ий’’д̇и вуд̇д̇ам̣ баал̣ияам̣, адтагат̇ааяан̃жа анун̃н̃аад̇ад̇д̇аа. ‘‘ниманд̇ид̇аа аббаваарид̇аа яааг̇ум̣ бивад̇ий’’д̇и хи баал̣ияам̣ вуд̇д̇ам̣. д̇ад̇рид̣̇ам̣ сигкаабад̣̇аван̣н̣анаабуб̣б̣ан̇г̇амасаннидтаанам̣ – ниманд̇ид̇аа ваа баваарид̇аа ваад̇и зд̇т̇а ваасад̣̇д̣̇зна агаббияаниманд̇анзна ниманд̇ид̇аа аббаваарид̇аа табзд̇ваа яааг̇ум̣ ан̃н̃ам̣ каад̣̇анийяам̣ ваа бхож̇анийяам̣ ваа каад̣̇зяяа ваа бхун̃ж̇зяяа ваа, баажид̇д̇ияам̣ ан̃н̃ад̇ра саамигаанам̣ абалоганаа. барамбарабхож̇анаабхаавзна бхигкунийнам̣ го г̇ун̣о ж̇аад̇од̇и? на зд̇аасам̣ г̇ун̣алаабхо, гзвалам̣ баагадад̇арам̣ ж̇аад̇ам̣. бхигкууби вигаббзд̇ваа миссзд̇ваава бхун̃ж̇ид̇ум̣ лабханд̇и. самаяз яат̇аасукам̣ лабханд̇и. иминаа абалоганзна гинд̇и? баваарид̇аа ваа аниманд̇ид̇аа ваа на гин̃жи габбияам̣ гаараабзд̇ваа г̇илаанаад̇ирид̇д̇амби лабханд̇и, ниманд̇ид̇аа жа баваарид̇аа жа яааг̇умби на лабханд̇и, абалогзд̇вааби на лабханд̇ийд̇и.
1038.Nimantitā vā pavāritā vāti ettha porāṇagaṇṭhipade tāva evaṃ vuttaṃ ‘‘pavāritāpi yāguṃ pātuṃ labhati, bhojjayāguṃ na labhati. Yāgu panettha khādanīyabhojanīyasaṅkhyaṃ na gacchati. Nimantitā bhikkhunī piṇḍāya caritvā bhuñjitukāmā sāmike apaloketvāva bhuñjituṃ labhati. Paramparabhojanāpatti bhikkhunīnaṃ natthi. Nimantitā taṃ bhattaṃ bhuñjitvā vā abhuñjitvā vā pavāritā kappiyaṃ kārāpetvā bhuñjituṃ na labhati, akappiyanimantanena nimantiyamānā dve nimantanāni sampaṭicchituñca na labhatī’’ti. Tattha ‘‘pavāritāpi yāguṃ pātuṃ labhatī’’ti vuttaṃ pāḷiyaṃ, aṭṭhakathāyañca anuññātattā. ‘‘Nimantitā appavāritā yāguṃ pivatī’’ti hi pāḷiyaṃ vuttaṃ. Tatridaṃ sikkhāpadavaṇṇanāpubbaṅgamasanniṭṭhānaṃ – nimantitā vā pavāritā vāti ettha vāsaddena akappiyanimantanena nimantitā appavāritā ṭhapetvā yāguṃ aññaṃ khādanīyaṃ vā bhojanīyaṃ vā khādeyya vā bhuñjeyya vā, pācittiyaṃ aññatra sāmikānaṃ apalokanā. Paramparabhojanābhāvena bhikkhunīnaṃ ko guṇo jātoti? Na etāsaṃ guṇalābho, kevalaṃ pākaṭataraṃ jātaṃ. Bhikkhūpi vikappetvā missetvāva bhuñjituṃ labhanti. Samaye yathāsukhaṃ labhanti. Iminā apalokanena kinti? Pavāritā vā animantitā vā na kiñci kappiyaṃ kārāpetvā gilānātirittampi labhanti, nimantitā ca pavāritā ca yāgumpi na labhanti, apaloketvāpi na labhantīti.
жад̇уд̇т̇асигкаабад̣̇аван̣н̣анаа нидтид̇аа.
Catutthasikkhāpadavaṇṇanā niṭṭhitā.
аараамаваг̇г̇аван̣н̣анаа нидтид̇аа.
Ārāmavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 4. жад̇уд̇т̇асигкаабад̣̇ам̣ • 4. Catutthasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
