| Library / Tipiṭaka / ཏིཔིཊཀ • Tipiṭaka / བྷིཀྑུནཱིཝིབྷངྒ-ཨཊྛཀཐཱ • Bhikkhunīvibhaṅga-aṭṭhakathā |
༤. ཙཏུཏྠསིཀྑཱཔདཝཎྞནཱ
4. Catutthasikkhāpadavaṇṇanā
༨༠༦. ཙཏུཏྠེ – པུརཱཎརཱཛོརོདྷཱཏི པུརཱཎེ གིཧིབྷཱཝེ རཉྙོ ཨོརོདྷཱ། ཙིརཱཙིརཾ གཙྪཏཱིཏི ཙིརེན ཙིརེན གཙྪཏི། དྷཱརེཐཱཏི སཀྐོཐ། ཀསྶིདཾ ཀམྨནྟི ཝུཏྟེ ཨནཱརོཙིཏེཔི ཨེཏཱ མཡི ཨཱསངྐཾ ཀརིསྶནྟཱིཏི མཉྙམཱནཱ ཨེཝམཱཧ – ‘‘མཡ྄ཧིདཾ ཀམྨ’’ནྟི།
806. Catutthe – purāṇarājorodhāti purāṇe gihibhāve rañño orodhā. Cirāciraṃ gacchatīti cirena cirena gacchati. Dhārethāti sakkotha. Kassidaṃ kammanti vutte anārocitepi etā mayi āsaṅkaṃ karissantīti maññamānā evamāha – ‘‘mayhidaṃ kamma’’nti.
༨༠༧. ཛཏུམཊྛཀེཏི ཛཏུནཱ ཀཏེ མཊྛདཎྜཀེ། ཝཏྠུཝསེནེཝེཏཾ ཝུཏྟཾ, ཡཾཀིཉྩི པན དཎྜཀཾ པཝེསེནྟིཡཱ ཨཱཔཏྟིཡེཝ། ཏེནཱཧ – ‘‘ཨནྟམསོ ཨུཔྤལཔཏྟམྤི མུཏྟཀརཎཾ པཝེསེཏཱི’’ཏི། ཨེཏམྤི ཙ ཨཏིམཧནྟཾ, ཀེསརམཏྟམྤི པན པཝེསེནྟིཡཱ ཨཱཔཏྟི ཨེཝ། སེསཾ ཨུཏྟཱནམེཝ། སམུཊྛཱནཱདཱིནི ཏལགྷཱཏཀེ ཝུཏྟསདིསཱནེཝཱཏི།
807.Jatumaṭṭhaketi jatunā kate maṭṭhadaṇḍake. Vatthuvasenevetaṃ vuttaṃ, yaṃkiñci pana daṇḍakaṃ pavesentiyā āpattiyeva. Tenāha – ‘‘antamaso uppalapattampi muttakaraṇaṃ pavesetī’’ti. Etampi ca atimahantaṃ, kesaramattampi pana pavesentiyā āpatti eva. Sesaṃ uttānameva. Samuṭṭhānādīni talaghātake vuttasadisānevāti.
ཙཏུཏྠསིཀྑཱཔདཾ།
Catutthasikkhāpadaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / བྷིཀྑུནཱིཝིབྷངྒ • Bhikkhunīvibhaṅga / ༤. ཙཏུཏྠསིཀྑཱཔདཾ • 4. Catutthasikkhāpadaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༢. དུཏིཡསིཀྑཱཔདཝཎྞནཱ • 2. Dutiyasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༡. པཋམལསུཎཱདིསིཀྑཱཔདཝཎྞནཱ • 1. Paṭhamalasuṇādisikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༤. ཙཏུཏྠསིཀྑཱཔདཾ • 4. Catutthasikkhāpadaṃ
