| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
੪. ਚਤੁਤ੍ਥਸਿਕ੍ਖਾਪਦવਣ੍ਣਨਾ
4. Catutthasikkhāpadavaṇṇanā
੧੦੩੮. ਨਿਮਨ੍ਤਿਤਾ વਾ ਪવਾਰਿਤਾ વਾਤਿ ਏਤ੍ਥ ਪੋਰਾਣਗਣ੍ਠਿਪਦੇ ਤਾવ ਏવਂ વੁਤ੍ਤਂ ‘‘ਪવਾਰਿਤਾਪਿ ਯਾਗੁਂ ਪਾਤੁਂ ਲਭਤਿ, ਭੋਜ੍ਜਯਾਗੁਂ ਨ ਲਭਤਿ। ਯਾਗੁ ਪਨੇਤ੍ਥ ਖਾਦਨੀਯਭੋਜਨੀਯਸਙ੍ਖ੍ਯਂ ਨ ਗਚ੍ਛਤਿ। ਨਿਮਨ੍ਤਿਤਾ ਭਿਕ੍ਖੁਨੀ ਪਿਣ੍ਡਾਯ ਚਰਿਤ੍વਾ ਭੁਞ੍ਜਿਤੁਕਾਮਾ ਸਾਮਿਕੇ ਅਪਲੋਕੇਤ੍વਾવ ਭੁਞ੍ਜਿਤੁਂ ਲਭਤਿ। ਪਰਮ੍ਪਰਭੋਜਨਾਪਤ੍ਤਿ ਭਿਕ੍ਖੁਨੀਨਂ ਨਤ੍ਥਿ। ਨਿਮਨ੍ਤਿਤਾ ਤਂ ਭਤ੍ਤਂ ਭੁਞ੍ਜਿਤ੍વਾ વਾ ਅਭੁਞ੍ਜਿਤ੍વਾ વਾ ਪવਾਰਿਤਾ ਕਪ੍ਪਿਯਂ ਕਾਰਾਪੇਤ੍વਾ ਭੁਞ੍ਜਿਤੁਂ ਨ ਲਭਤਿ, ਅਕਪ੍ਪਿਯਨਿਮਨ੍ਤਨੇਨ ਨਿਮਨ੍ਤਿਯਮਾਨਾ ਦ੍વੇ ਨਿਮਨ੍ਤਨਾਨਿ ਸਮ੍ਪਟਿਚ੍ਛਿਤੁਞ੍ਚ ਨ ਲਭਤੀ’’ਤਿ। ਤਤ੍ਥ ‘‘ਪવਾਰਿਤਾਪਿ ਯਾਗੁਂ ਪਾਤੁਂ ਲਭਤੀ’’ਤਿ વੁਤ੍ਤਂ ਪਾਲ਼ਿਯਂ, ਅਟ੍ਠਕਥਾਯਞ੍ਚ ਅਨੁਞ੍ਞਾਤਤ੍ਤਾ। ‘‘ਨਿਮਨ੍ਤਿਤਾ ਅਪ੍ਪવਾਰਿਤਾ ਯਾਗੁਂ ਪਿવਤੀ’’ਤਿ ਹਿ ਪਾਲ਼ਿਯਂ વੁਤ੍ਤਂ। ਤਤ੍ਰਿਦਂ ਸਿਕ੍ਖਾਪਦવਣ੍ਣਨਾਪੁਬ੍ਬਙ੍ਗਮਸਨ੍ਨਿਟ੍ਠਾਨਂ – ਨਿਮਨ੍ਤਿਤਾ વਾ ਪવਾਰਿਤਾ વਾਤਿ ਏਤ੍ਥ વਾਸਦ੍ਦੇਨ ਅਕਪ੍ਪਿਯਨਿਮਨ੍ਤਨੇਨ ਨਿਮਨ੍ਤਿਤਾ ਅਪ੍ਪવਾਰਿਤਾ ਠਪੇਤ੍વਾ ਯਾਗੁਂ ਅਞ੍ਞਂ ਖਾਦਨੀਯਂ વਾ ਭੋਜਨੀਯਂ વਾ ਖਾਦੇਯ੍ਯ વਾ ਭੁਞ੍ਜੇਯ੍ਯ વਾ, ਪਾਚਿਤ੍ਤਿਯਂ ਅਞ੍ਞਤ੍ਰ ਸਾਮਿਕਾਨਂ ਅਪਲੋਕਨਾ। ਪਰਮ੍ਪਰਭੋਜਨਾਭਾવੇਨ ਭਿਕ੍ਖੁਨੀਨਂ ਕੋ ਗੁਣੋ ਜਾਤੋਤਿ? ਨ ਏਤਾਸਂ ਗੁਣਲਾਭੋ, ਕੇવਲਂ ਪਾਕਟਤਰਂ ਜਾਤਂ। ਭਿਕ੍ਖੂਪਿ વਿਕਪ੍ਪੇਤ੍વਾ ਮਿਸ੍ਸੇਤ੍વਾવ ਭੁਞ੍ਜਿਤੁਂ ਲਭਨ੍ਤਿ। ਸਮਯੇ ਯਥਾਸੁਖਂ ਲਭਨ੍ਤਿ। ਇਮਿਨਾ ਅਪਲੋਕਨੇਨ ਕਿਨ੍ਤਿ? ਪવਾਰਿਤਾ વਾ ਅਨਿਮਨ੍ਤਿਤਾ વਾ ਨ ਕਿਞ੍ਚਿ ਕਪ੍ਪਿਯਂ ਕਾਰਾਪੇਤ੍વਾ ਗਿਲਾਨਾਤਿਰਿਤ੍ਤਮ੍ਪਿ ਲਭਨ੍ਤਿ, ਨਿਮਨ੍ਤਿਤਾ ਚ ਪવਾਰਿਤਾ ਚ ਯਾਗੁਮ੍ਪਿ ਨ ਲਭਨ੍ਤਿ, ਅਪਲੋਕੇਤ੍વਾਪਿ ਨ ਲਭਨ੍ਤੀਤਿ।
1038.Nimantitā vā pavāritā vāti ettha porāṇagaṇṭhipade tāva evaṃ vuttaṃ ‘‘pavāritāpi yāguṃ pātuṃ labhati, bhojjayāguṃ na labhati. Yāgu panettha khādanīyabhojanīyasaṅkhyaṃ na gacchati. Nimantitā bhikkhunī piṇḍāya caritvā bhuñjitukāmā sāmike apaloketvāva bhuñjituṃ labhati. Paramparabhojanāpatti bhikkhunīnaṃ natthi. Nimantitā taṃ bhattaṃ bhuñjitvā vā abhuñjitvā vā pavāritā kappiyaṃ kārāpetvā bhuñjituṃ na labhati, akappiyanimantanena nimantiyamānā dve nimantanāni sampaṭicchituñca na labhatī’’ti. Tattha ‘‘pavāritāpi yāguṃ pātuṃ labhatī’’ti vuttaṃ pāḷiyaṃ, aṭṭhakathāyañca anuññātattā. ‘‘Nimantitā appavāritā yāguṃ pivatī’’ti hi pāḷiyaṃ vuttaṃ. Tatridaṃ sikkhāpadavaṇṇanāpubbaṅgamasanniṭṭhānaṃ – nimantitā vā pavāritā vāti ettha vāsaddena akappiyanimantanena nimantitā appavāritā ṭhapetvā yāguṃ aññaṃ khādanīyaṃ vā bhojanīyaṃ vā khādeyya vā bhuñjeyya vā, pācittiyaṃ aññatra sāmikānaṃ apalokanā. Paramparabhojanābhāvena bhikkhunīnaṃ ko guṇo jātoti? Na etāsaṃ guṇalābho, kevalaṃ pākaṭataraṃ jātaṃ. Bhikkhūpi vikappetvā missetvāva bhuñjituṃ labhanti. Samaye yathāsukhaṃ labhanti. Iminā apalokanena kinti? Pavāritā vā animantitā vā na kiñci kappiyaṃ kārāpetvā gilānātirittampi labhanti, nimantitā ca pavāritā ca yāgumpi na labhanti, apaloketvāpi na labhantīti.
ਚਤੁਤ੍ਥਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Catutthasikkhāpadavaṇṇanā niṭṭhitā.
ਆਰਾਮવਗ੍ਗવਣ੍ਣਨਾ ਨਿਟ੍ਠਿਤਾ।
Ārāmavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੪. ਚਤੁਤ੍ਥਸਿਕ੍ਖਾਪਦਂ • 4. Catutthasikkhāpadaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਪਠਮਾਦਿਸਿਕ੍ਖਾਪਦવਣ੍ਣਨਾ • 1. Paṭhamādisikkhāpadavaṇṇanā
