| Library / Tipiṭaka / തിപിടക • Tipiṭaka / ഭിക്ഖുനീവിഭങ്ഗ-അട്ഠകഥാ • Bhikkhunīvibhaṅga-aṭṭhakathā |
൪. ചതുത്ഥസിക്ഖാപദവണ്ണനാ
4. Catutthasikkhāpadavaṇṇanā
൯൯൨. ചതുത്ഥേ – യാഗും വാതിആദീസു തണ്ഡുലകോട്ടനം ആദിം കത്വാ സബ്ബേസു പുബ്ബപയോഗേസു പയോഗഗണനായ ദുക്കടം. യാഗുഭത്തേസു ഭാജനഗണനായ, ഖാദനീയാദീസു രൂപഗണനായ പാചിത്തിയാനി.
992. Catutthe – yāguṃ vātiādīsu taṇḍulakoṭṭanaṃ ādiṃ katvā sabbesu pubbapayogesu payogagaṇanāya dukkaṭaṃ. Yāgubhattesu bhājanagaṇanāya, khādanīyādīsu rūpagaṇanāya pācittiyāni.
൯൯൩. യാഗുപാനേതി മനുസ്സേഹി സങ്ഘസ്സത്ഥായ കരിയമാനേ യാഗുപാനേ വാ സങ്ഘഭത്തേ വാ തേസം സഹായികഭാവേന യംകിഞ്ചി പചന്തിയാ അനാപത്തി. ചേതിയപൂജായ സഹായികാ ഹുത്വാ ഗന്ധാദീനി പൂജേതി, വട്ടതി. അത്തനോ വേയ്യാവച്ചകരസ്സാതി സചേപി മാതാപിതരോ ആഗച്ഛന്തി, യംകിഞ്ചി ബീജനിം വാ സമ്മുഞ്ജനിദണ്ഡകം വാ കാരാപേത്വാ വേയ്യാവച്ചകരട്ഠാനേ ഠപേത്വാവ യംകിഞ്ചി പചിതും വട്ടതി. സേസം ഉത്താനമേവ. സമുട്ഠാനാദീനി തതിയസദിസാനേവാതി.
993.Yāgupāneti manussehi saṅghassatthāya kariyamāne yāgupāne vā saṅghabhatte vā tesaṃ sahāyikabhāvena yaṃkiñci pacantiyā anāpatti. Cetiyapūjāya sahāyikā hutvā gandhādīni pūjeti, vaṭṭati. Attano veyyāvaccakarassāti sacepi mātāpitaro āgacchanti, yaṃkiñci bījaniṃ vā sammuñjanidaṇḍakaṃ vā kārāpetvā veyyāvaccakaraṭṭhāne ṭhapetvāva yaṃkiñci pacituṃ vaṭṭati. Sesaṃ uttānameva. Samuṭṭhānādīni tatiyasadisānevāti.
ചതുത്ഥസിക്ഖാപദം.
Catutthasikkhāpadaṃ.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / ഭിക്ഖുനീവിഭങ്ഗ • Bhikkhunīvibhaṅga / ൪. ചതുത്ഥസിക്ഖാപദം • 4. Catutthasikkhāpadaṃ
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ൪. ചതുത്ഥസിക്ഖാപദവണ്ണനാ • 4. Catutthasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൪. ചതുത്ഥസിക്ഖാപദം • 4. Catutthasikkhāpadaṃ
