| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
10. சதுத்த²ஸுதஸுத்தங்
10. Catutthasutasuttaṃ
351. ஸாவத்தி²னிதா³னங். ஏகமந்தங் நிஸின்னோ கோ² ஸோ பி⁴க்கு² ப⁴க³வந்தங் ஏதத³வோச – ‘‘கோ நு கோ², ப⁴ந்தே, ஹேது, கோ பச்சயோ, யேன மிதே⁴கச்சோ காயஸ்ஸ பே⁴தா³ பரங் மரணா ஓபபாதிகானங் நாகா³னங் ஸஹப்³யதங் உபபஜ்ஜதீ’’தி?
351. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yena midhekacco kāyassa bhedā paraṃ maraṇā opapātikānaṃ nāgānaṃ sahabyataṃ upapajjatī’’ti?
‘‘இத⁴, பி⁴க்கு², ஏகச்சோ காயேன த்³வயகாரீ ஹோதி, வாசாய த்³வயகாரீ, மனஸா த்³வயகாரீ. தஸ்ஸ ஸுதங் ஹோதி – ‘ஓபபாதிகா நாகா³ தீ³கா⁴யுகா வண்ணவந்தோ ஸுக²ப³ஹுலா’தி. தஸ்ஸ ஏவங் ஹோதி – ‘அஹோ வதாஹங் காயஸ்ஸ பே⁴தா³ பரங் மரணா ஓபபாதிகானங் நாகா³னங் ஸஹப்³யதங் உபபஜ்ஜெய்ய’ந்தி. ஸோ காயஸ்ஸ பே⁴தா³ பரங் மரணா ஓபபாதிகானங் நாகா³னங் ஸஹப்³யதங் உபபஜ்ஜதி. அயங் கோ², பி⁴க்கு², ஹேது, அயங் பச்சயோ, யேன மிதே⁴கச்சோ காயஸ்ஸ பே⁴தா³ பரங் மரணா ஓபபாதிகானங் நாகா³னங் ஸஹப்³யதங் உபபஜ்ஜதீ’’தி. த³ஸமங்.
‘‘Idha, bhikkhu, ekacco kāyena dvayakārī hoti, vācāya dvayakārī, manasā dvayakārī. Tassa sutaṃ hoti – ‘opapātikā nāgā dīghāyukā vaṇṇavanto sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā opapātikānaṃ nāgānaṃ sahabyataṃ upapajjeyya’nti. So kāyassa bhedā paraṃ maraṇā opapātikānaṃ nāgānaṃ sahabyataṃ upapajjati. Ayaṃ kho, bhikkhu, hetu, ayaṃ paccayo, yena midhekacco kāyassa bhedā paraṃ maraṇā opapātikānaṃ nāgānaṃ sahabyataṃ upapajjatī’’ti. Dasamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2-50. பணீததரஸுத்தாதி³வண்ணனா • 2-50. Paṇītatarasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2-50. பணீததரஸுத்தாதி³வண்ணனா • 2-50. Paṇītatarasuttādivaṇṇanā
