| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
4. жад̇уд̇т̇асуд̇д̇анд̇анид̣̇д̣̇зсаван̣н̣анаа
4. Catutthasuttantaniddesavaṇṇanā
198. буна батамасуд̇д̇амзва нигкибид̇ваа абарзна аагаарзна инд̣̇рияаани нид̣̇д̣̇исад̇и. д̇ад̇т̇а гад̇ихаагаарзхи гзнадтзна д̣̇адтаб̣б̣аанийд̇и гад̇ихи аагаарзхи д̣̇адтаб̣б̣аани. гзнадтзна д̣̇адтаб̣б̣аанийд̇и д̣̇адтаб̣б̣аагаарз жа д̣̇адтаб̣б̣адтан̃жа бужчад̇и. чахаагаарзхи д̇знадтзна д̣̇адтаб̣б̣аанийд̇и чахи аагаарзхи д̣̇адтаб̣б̣аани, д̇знзва чааагаарасан̇каад̇знадтзна д̣̇адтаб̣б̣аани. аад̇хибад̇зяяадтзнаад̇и ад̇хибад̇ибхаавадтзна. аад̣̇ивисод̇ханадтзнаад̇и гусалаанам̣ д̇хаммаанам̣ аад̣̇ибхууд̇асса сийласса висод̇ханадтзна. ад̇химад̇д̇адтзнаад̇и б̣алавадтзна . б̣алаван̃хи ад̇хигаа мад̇д̇аа бамаан̣ам̣ ассаад̇и ад̇химад̇д̇анд̇и вужжад̇и. ад̇хидтаанадтзнаад̇и бад̇идтаанадтзна. барияаад̣̇аанадтзнаад̇и кзбанадтзна. бад̇идтаабагадтзнаад̇и бад̇идтаабанадтзна.
198. Puna paṭhamasuttameva nikkhipitvā aparena ākārena indriyāni niddisati. Tattha katihākārehi kenaṭṭhena daṭṭhabbānīti katihi ākārehi daṭṭhabbāni. Kenaṭṭhena daṭṭhabbānīti daṭṭhabbākāre ca daṭṭhabbaṭṭhañca pucchati. Chahākārehi tenaṭṭhena daṭṭhabbānīti chahi ākārehi daṭṭhabbāni, teneva chaākārasaṅkhātenaṭṭhena daṭṭhabbāni. Ādhipateyyaṭṭhenāti adhipatibhāvaṭṭhena. Ādivisodhanaṭṭhenāti kusalānaṃ dhammānaṃ ādibhūtassa sīlassa visodhanaṭṭhena. Adhimattaṭṭhenāti balavaṭṭhena . Balavañhi adhikā mattā pamāṇaṃ assāti adhimattanti vuccati. Adhiṭṭhānaṭṭhenāti patiṭṭhānaṭṭhena. Pariyādānaṭṭhenāti khepanaṭṭhena. Patiṭṭhāpakaṭṭhenāti patiṭṭhāpanaṭṭhena.
га. аад̇хибад̇зяяадтанид̣̇д̣̇зсаван̣н̣анаа
Ka. ādhipateyyaṭṭhaniddesavaṇṇanā
199. аад̇хибад̇зяяадтанид̣̇д̣̇зсз ассад̣̇д̇хияам̣ баж̇ахад̇од̇иаад̣̇и згзгассзва инд̣̇рияасса бадибагкабаж̇аханаважанам̣ згагкан̣зби ад̇д̇ано ад̇д̇ано бадибагкабахаанагижжасаад̇ханз ад̇хибад̇ибхаавасаад̇ханад̇т̇ам̣ вуд̇д̇ам̣. сзсаани жад̇д̇аари инд̣̇рияаани д̇ам̣самбаяуд̇д̇аанзва вуд̇д̇аани. наанаагкан̣зсу ваа згзгам̣ инд̣̇рияам̣ д̇хурам̣ гад̇ваа д̇асса д̇асса бадибагкасса д̇ам̣ д̇ам̣ инд̣̇рияам̣ ж̇здтагам̣ гад̇ваа сзсаани д̇ад̣̇анваяаани гад̇ваа вуд̇д̇анд̇иби взд̣̇ид̇аб̣б̣ам̣. гаамажчанд̣̇ам̣ баж̇ахад̇од̇иаад̣̇и бана згагкан̣авасзнзва вуд̇д̇ам̣.
199. Ādhipateyyaṭṭhaniddese assaddhiyaṃ pajahatotiādi ekekasseva indriyassa paṭipakkhapajahanavacanaṃ ekakkhaṇepi attano attano paṭipakkhapahānakiccasādhane adhipatibhāvasādhanatthaṃ vuttaṃ. Sesāni cattāri indriyāni taṃsampayuttāneva vuttāni. Nānākkhaṇesu vā ekekaṃ indriyaṃ dhuraṃ katvā tassa tassa paṭipakkhassa taṃ taṃ indriyaṃ jeṭṭhakaṃ katvā sesāni tadanvayāni katvā vuttantipi veditabbaṃ. Kāmacchandaṃ pajahatotiādi pana ekakkhaṇavaseneva vuttaṃ.
ка. аад̣̇ивисод̇ханадтанид̣̇д̣̇зсаван̣н̣анаа
Kha. ādivisodhanaṭṭhaniddesavaṇṇanā
200. аад̣̇ивисод̇ханадтанид̣̇д̣̇зсз ассад̣̇д̇хияасам̣варадтзна сийлависуд̣̇д̇хийд̇и ассад̣̇д̇хияасса нивааран̣адтзна вирад̇иад̇т̇зна сийламалависод̇ханад̇о сийлависуд̣̇д̇хи наама. сад̣̇д̇хинд̣̇рияасса аад̣̇ивисод̇ханаад̇и сад̣̇д̇хинд̣̇рияасса убаниссаяавасзна аад̣̇ибхууд̇асса сийласса висод̇ханаа. иминаава наязна сзсааниби гаамажчанд̣̇аад̣̇исам̣варан̣амуулагаани жа инд̣̇рияаани взд̣̇ид̇аб̣б̣аани.
200. Ādivisodhanaṭṭhaniddese assaddhiyasaṃvaraṭṭhena sīlavisuddhīti assaddhiyassa nivāraṇaṭṭhena viratiatthena sīlamalavisodhanato sīlavisuddhi nāma. Saddhindriyassa ādivisodhanāti saddhindriyassa upanissayavasena ādibhūtassa sīlassa visodhanā. Imināva nayena sesānipi kāmacchandādisaṃvaraṇamūlakāni ca indriyāni veditabbāni.
г̇а. ад̇химад̇д̇адтанид̣̇д̣̇зсаван̣н̣анаа
Ga. adhimattaṭṭhaniddesavaṇṇanā
201. ад̇химад̇д̇адтанид̣̇д̣̇зсз сад̣̇д̇хинд̣̇рияасса бхааванааяа чанд̣̇о уббаж̇ж̇ад̇ийд̇и сад̣̇д̇хасса буг̇г̇аласса сад̣̇д̇хаабадисам̣яуд̇д̇ам̣ д̇хаммам̣ суд̇ваа ваа сад̣̇д̇хинд̣̇рияабхааванааяа ассаад̣̇ам̣ д̣̇исваа ваа сад̣̇д̇хинд̣̇рияз гусало д̇хаммажчанд̣̇о ж̇ааяад̇и. баамож̇ж̇ам̣ уббаж̇ж̇ад̇ийд̇и чанд̣̇аж̇аад̇ад̇д̇аа д̣̇уб̣б̣алабийд̇и уббаж̇ж̇ад̇и. бийд̇и уббаж̇ж̇ад̇ийд̇и бамуд̣̇ид̇ад̇д̇аа б̣алавабийд̇и уббаж̇ж̇ад̇и. бассад̣̇д̇хи уббаж̇ж̇ад̇ийд̇и бийд̇ияаа бийн̣ид̇ад̇д̇аа гааяажид̇д̇абассад̣̇д̇хи уббаж̇ж̇ад̇и. сукам̣ уббаж̇ж̇ад̇ийд̇и бассад̣̇д̇хагааяажид̇д̇ад̇д̇аа жзд̇асигам̣ сукам̣ уббаж̇ж̇ад̇и . обхаасо уббаж̇ж̇ад̇ийд̇и сукзна абхисаннад̇д̇аа н̃аан̣обхаасо уббаж̇ж̇ад̇и. сам̣взг̇о уббаж̇ж̇ад̇ийд̇и н̃аан̣обхаасзна вид̣̇ид̇асан̇каараад̣̇ийнавад̇д̇аа сан̇каарабавад̇д̇ияам̣ сам̣взг̇о уббаж̇ж̇ад̇и. сам̣взж̇зд̇ваа жид̇д̇ам̣ самаад̣̇ахад̇ийд̇и сам̣взг̇ам̣ уббаад̣̇зд̇ваа д̇знзва сам̣взг̇зна жид̇д̇ам̣ самаахид̇ам̣ гарод̇и. саад̇хугам̣ баг̇г̇ан̣хаад̇ийд̇и лийнуд̣̇д̇хад̇абхаавам̣ можзд̇ваа судту баг̇г̇ан̣хаад̇и. саад̇хугам̣ аж̇жхубзгкад̇ийд̇и вийрияасса самам̣ худ̇ваа бавад̇д̇ад̇д̇аа буна вийрияасамад̇аанияож̇анз б̣яаабаарам̣ агаронд̇о д̇ад̇рамаж̇жхад̇д̇убзгкаавасзна саад̇хугам̣ аж̇жхубзгкад̇и наама. убзгкаавасзнаад̇и самаваахид̇алагкан̣ааяа д̇ад̇рамаж̇жхад̇д̇убзгкааяа васзна. наанад̇д̇агилзсзхийд̇и вибассанааяа бадибагкабхууд̇зхи наанаасабхаавзхи гилзсзхи. вимогкавасзнаад̇и бхан̇г̇аанубассанад̇о бадтааяа наанад̇д̇агилзсзхи вимужжанавасзна. вимуд̇д̇ад̇д̇аад̇и наанад̇д̇агилзсзхи вимуд̇д̇ад̇д̇аа.
201. Adhimattaṭṭhaniddese saddhindriyassa bhāvanāya chando uppajjatīti saddhassa puggalassa saddhāpaṭisaṃyuttaṃ dhammaṃ sutvā vā saddhindriyabhāvanāya assādaṃ disvā vā saddhindriye kusalo dhammacchando jāyati. Pāmojjaṃ uppajjatīti chandajātattā dubbalapīti uppajjati. Pīti uppajjatīti pamuditattā balavapīti uppajjati. Passaddhi uppajjatīti pītiyā pīṇitattā kāyacittapassaddhi uppajjati. Sukhaṃ uppajjatīti passaddhakāyacittattā cetasikaṃ sukhaṃ uppajjati . Obhāso uppajjatīti sukhena abhisannattā ñāṇobhāso uppajjati. Saṃvego uppajjatīti ñāṇobhāsena viditasaṅkhārādīnavattā saṅkhārapavattiyaṃ saṃvego uppajjati. Saṃvejetvā cittaṃ samādahatīti saṃvegaṃ uppādetvā teneva saṃvegena cittaṃ samāhitaṃ karoti. Sādhukaṃ paggaṇhātīti līnuddhatabhāvaṃ mocetvā suṭṭhu paggaṇhāti. Sādhukaṃ ajjhupekkhatīti vīriyassa samaṃ hutvā pavattattā puna vīriyasamatāniyojane byāpāraṃ akaronto tatramajjhattupekkhāvasena sādhukaṃ ajjhupekkhati nāma. Upekkhāvasenāti samavāhitalakkhaṇāya tatramajjhattupekkhāya vasena. Nānattakilesehīti vipassanāya paṭipakkhabhūtehi nānāsabhāvehi kilesehi. Vimokkhavasenāti bhaṅgānupassanato paṭṭhāya nānattakilesehi vimuccanavasena. Vimuttattāti nānattakilesehi vimuttattā.
д̇з д̇хаммаад̇и чанд̣̇аад̣̇аяо д̇хаммаа. згарасаа хонд̇ийд̇и вимуд̇д̇ирасзна згарасаа хонд̇и. бхааванаавасзнаад̇и згарасабхааванаавасзна. д̇ад̇о бан̣ийд̇ад̇арз вивадданд̇ийд̇и д̇зна гааран̣зна вибассанаарамман̣ад̇о бан̣ийд̇ад̇арз ниб̣б̣аанаарамман̣з вивадданаанубассанаасан̇каад̇зна г̇од̇рабхун̃аан̣зна чанд̣̇аад̣̇аяо д̇хаммаа нивад̇д̇анд̇и, сан̇каараарамман̣ад̇о абаг̇анд̇ваа ниб̣б̣аанаарамман̣з бавад̇д̇анд̇ийд̇и ад̇т̇о. вивадданаавасзнаад̇и звам̣ г̇од̇рабхукан̣з сан̇каараарамман̣ад̇о вивадданавасзна. виваддид̇ад̇д̇аа д̇ад̇о восаж̇ж̇ад̇ийд̇и маг̇г̇асаман̇г̇ибуг̇г̇ало маг̇г̇асса уббаад̣̇агкан̣зязва д̣̇убхад̇овудтаанавасзна виваддид̇ад̇д̇аа д̇знзва гааран̣зна гилзсз жа канд̇хз жа восаж̇ж̇ад̇и. восаж̇ж̇ид̇ад̇д̇аа д̇ад̇о нируж̇жханд̇ийд̇и маг̇г̇асса уббаад̣̇агкан̣зязва гилзсз жа канд̇хз жа восаж̇ж̇ид̇ад̇д̇аа д̇знзва гааран̣зна гилзсаа жа канд̇хаа жа ануббад̇д̇инирод̇хавасзна нируж̇жханд̇и. восаж̇ж̇ид̇ад̇д̇аад̇и жа аасам̣сааяам̣ бхууд̇аважанам̣ гад̇ам̣. гилзсанирод̇хз сад̇и канд̇ханирод̇хасаб̣бхаавад̇о жа канд̇ханирод̇хо вуд̇д̇о. нирод̇хавасзнаад̇и яат̇аавуд̇д̇анирод̇хавасзна. д̇ассзва маг̇г̇асса уббаад̣̇агкан̣з д̣̇вз восаг̇г̇з д̣̇ассзд̇угаамо нирод̇хавасзна д̣̇вз восаг̇г̇аад̇иаад̣̇имааха. д̣̇взби хздтаа вуд̇д̇ад̇т̇аа зва. ассад̣̇д̇хияасса бахаанааяа чанд̣̇о уббаж̇ж̇ад̇ийд̇иаад̣̇ийсуби иминаава наязна вид̇т̇аарад̇о ад̇т̇о взд̣̇ид̇аб̣б̣о. вийрияинд̣̇рияаад̣̇имуулагзсуби ваарзсу зсзва наяо. иминаава наязна ад̇хидтаанадтанид̣̇д̣̇зсоби вид̇т̇аарад̇о взд̣̇ид̇аб̣б̣о. гзвалан̃хзд̇т̇а ад̇хидтаад̇ийд̇и висзсо, бад̇идтаад̇ийд̇и ад̇т̇о.
Te dhammāti chandādayo dhammā. Ekarasā hontīti vimuttirasena ekarasā honti. Bhāvanāvasenāti ekarasabhāvanāvasena. Tato paṇītatare vivaṭṭantīti tena kāraṇena vipassanārammaṇato paṇītatare nibbānārammaṇe vivaṭṭanānupassanāsaṅkhātena gotrabhuñāṇena chandādayo dhammā nivattanti, saṅkhārārammaṇato apagantvā nibbānārammaṇe pavattantīti attho. Vivaṭṭanāvasenāti evaṃ gotrabhukhaṇe saṅkhārārammaṇato vivaṭṭanavasena. Vivaṭṭitattā tato vosajjatīti maggasamaṅgipuggalo maggassa uppādakkhaṇeyeva dubhatovuṭṭhānavasena vivaṭṭitattā teneva kāraṇena kilese ca khandhe ca vosajjati. Vosajjitattā tato nirujjhantīti maggassa uppādakkhaṇeyeva kilese ca khandhe ca vosajjitattā teneva kāraṇena kilesā ca khandhā ca anuppattinirodhavasena nirujjhanti. Vosajjitattāti ca āsaṃsāyaṃ bhūtavacanaṃ kataṃ. Kilesanirodhe sati khandhanirodhasabbhāvato ca khandhanirodho vutto. Nirodhavasenāti yathāvuttanirodhavasena. Tasseva maggassa uppādakkhaṇe dve vosagge dassetukāmo nirodhavasena dve vosaggātiādimāha. Dvepi heṭṭhā vuttatthā eva. Assaddhiyassa pahānāya chando uppajjatītiādīsupi imināva nayena vitthārato attho veditabbo. Vīriyindriyādimūlakesupi vāresu eseva nayo. Imināva nayena adhiṭṭhānaṭṭhaniddesopi vitthārato veditabbo. Kevalañhettha adhiṭṭhātīti viseso, patiṭṭhātīti attho.
гха-н̇а. барияаад̣̇аанадтабад̇идтаабагадтанид̣̇д̣̇зсаван̣н̣анаа
Gha-ṅa. pariyādānaṭṭhapatiṭṭhāpakaṭṭhaniddesavaṇṇanā
202-203. барияаад̣̇аанадтанид̣̇д̣̇зсз барияаад̣̇ияад̇ийд̇и кзбзд̇и. бад̇идтаабагадтанид̣̇д̣̇зсз сад̣̇д̇хо сад̣̇д̇хинд̣̇рияам̣ ад̇химогкз бад̇идтаабзд̇ийд̇и сад̣̇д̇хаасамбанно ‘‘саб̣б̣з сан̇каараа анижжаа д̣̇угкаа анад̇д̇аа’’д̇и ад̇химужжанд̇о сад̣̇д̇хинд̣̇рияам̣ ад̇химогкз бад̇идтаабзд̇и. иминаа буг̇г̇алависзсзна инд̣̇рияабхааванаависзсо нид̣̇д̣̇идто. сад̣̇д̇хасса сад̣̇д̇хинд̣̇рияам̣ ад̇химогкз бад̇идтаабзд̇ийд̇и сад̣̇д̇хаасамбаннасса буг̇г̇аласса сад̣̇д̇хинд̣̇рияам̣ д̇ам̣язва сад̣̇д̇хам̣ бад̇идтаабзд̇и. д̇ат̇аа ад̇химужжанд̇ам̣ ад̇химогкз бад̇идтаабзд̇ийд̇и. иминаа инд̣̇рияабхааванаависзсзна буг̇г̇алависзсо нид̣̇д̣̇идто. звам̣ жид̇д̇ам̣ баг̇г̇ан̣ханд̇о баг̇г̇ахз бад̇идтаабзд̇и, сад̇им̣ убадтаабзнд̇о убадтаанз бад̇идтаабзд̇и, жид̇д̇ам̣ самаад̣̇аханд̇о авигкзбз бад̇идтаабзд̇и, анижжам̣ д̣̇угкам̣ анад̇д̇аад̇и бассанд̇о д̣̇ассанз бад̇идтаабзд̇ийд̇и сзсзсуби яож̇анаа взд̣̇ид̇аб̣б̣аа. яог̇ааважарод̇и самат̇аяог̇з, вибассанааяог̇з ваа аважарад̇ийд̇и яог̇ааважаро. аважарад̇ийд̇и бависид̇ваа жарад̇ийд̇и.
202-203. Pariyādānaṭṭhaniddese pariyādiyatīti khepeti. Patiṭṭhāpakaṭṭhaniddese saddho saddhindriyaṃ adhimokkhe patiṭṭhāpetīti saddhāsampanno ‘‘sabbe saṅkhārā aniccā dukkhā anattā’’ti adhimuccanto saddhindriyaṃ adhimokkhe patiṭṭhāpeti. Iminā puggalavisesena indriyabhāvanāviseso niddiṭṭho. Saddhassa saddhindriyaṃ adhimokkhe patiṭṭhāpetīti saddhāsampannassa puggalassa saddhindriyaṃ taṃyeva saddhaṃ patiṭṭhāpeti. Tathā adhimuccantaṃ adhimokkhe patiṭṭhāpetīti. Iminā indriyabhāvanāvisesena puggalaviseso niddiṭṭho. Evaṃ cittaṃ paggaṇhanto paggahe patiṭṭhāpeti, satiṃ upaṭṭhāpento upaṭṭhāne patiṭṭhāpeti, cittaṃ samādahanto avikkhepe patiṭṭhāpeti, aniccaṃ dukkhaṃ anattāti passanto dassane patiṭṭhāpetīti sesesupi yojanā veditabbā. Yogāvacaroti samathayoge, vipassanāyoge vā avacaratīti yogāvacaro. Avacaratīti pavisitvā caratīti.
жад̇уд̇т̇асуд̇д̇анд̇анид̣̇д̣̇зсаван̣н̣анаа нидтид̇аа.
Catutthasuttantaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 4. жад̇уд̇т̇асуд̇д̇анд̇анид̣̇д̣̇зсо • 4. Catutthasuttantaniddeso
