| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
6. சதுத்த²உபோஸத²ஸுத்தங்
6. Catutthauposathasuttaṃ
347. ஸாவத்தி²னிதா³னங். ஏகமந்தங் நிஸின்னோ கோ² ஸோ பி⁴க்கு² ப⁴க³வந்தங் ஏதத³வோச – ‘‘கோ நு கோ², ப⁴ந்தே, ஹேது, கோ பச்சயோ, யேன மிதே⁴கச்சே ஓபபாதிகா நாகா³ உபோஸத²ங் உபவஸந்தி வொஸ்ஸட்ட²காயா ச ப⁴வந்தீ’’தி?
347. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yena midhekacce opapātikā nāgā uposathaṃ upavasanti vossaṭṭhakāyā ca bhavantī’’ti?
‘‘இத⁴, பி⁴க்கு², ஏகச்சானங் ஓபபாதிகானங் நாகா³னங் ஏவங் ஹோதி – ‘மயங் கோ² புப்³பே³ காயேன த்³வயகாரினோ அஹும்ஹ, வாசாய த்³வயகாரினோ, மனஸா த்³வயகாரினோ. தே மயங் காயேன த்³வயகாரினோ, வாசாய த்³வயகாரினோ, மனஸா த்³வயகாரினோ, காயஸ்ஸ பே⁴தா³ பரங் மரணா ஓபபாதிகானங் நாகா³னங் ஸஹப்³யதங் உபபன்னா. ஸசஜ்ஜ மயங் காயேன ஸுசரிதங் சரெய்யாம , வாசாய… மனஸா ஸுசரிதங் சரெய்யாம, ஏவங் மயங் காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜெய்யாம. ஹந்த³, மயங் ஏதரஹி காயேன ஸுசரிதங் சராம, வாசாய… மனஸா ஸுசரிதங் சராமா’தி. அயங் கோ², பி⁴க்கு², ஹேது, அயங் பச்சயோ, யேன மிதே⁴கச்சே ஓபபாதிகா நாகா³ உபோஸத²ங் உபவஸந்தி வொஸ்ஸட்ட²காயா ச ப⁴வந்தீ’’தி. ச²ட்ட²ங்.
‘‘Idha, bhikkhu, ekaccānaṃ opapātikānaṃ nāgānaṃ evaṃ hoti – ‘mayaṃ kho pubbe kāyena dvayakārino ahumha, vācāya dvayakārino, manasā dvayakārino. Te mayaṃ kāyena dvayakārino, vācāya dvayakārino, manasā dvayakārino, kāyassa bhedā paraṃ maraṇā opapātikānaṃ nāgānaṃ sahabyataṃ upapannā. Sacajja mayaṃ kāyena sucaritaṃ careyyāma , vācāya… manasā sucaritaṃ careyyāma, evaṃ mayaṃ kāyassa bhedā paraṃ maraṇā sugatiṃ saggaṃ lokaṃ upapajjeyyāma. Handa, mayaṃ etarahi kāyena sucaritaṃ carāma, vācāya… manasā sucaritaṃ carāmā’ti. Ayaṃ kho, bhikkhu, hetu, ayaṃ paccayo, yena midhekacce opapātikā nāgā uposathaṃ upavasanti vossaṭṭhakāyā ca bhavantī’’ti. Chaṭṭhaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2-50. பணீததரஸுத்தாதி³வண்ணனா • 2-50. Paṇītatarasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2-50. பணீததரஸுத்தாதி³வண்ணனா • 2-50. Paṇītatarasuttādivaṇṇanā
