| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৬. চতুত্থউপোসথসুত্তং
6. Catutthauposathasuttaṃ
৩৪৭. সাৰত্থিনিদানং। একমন্তং নিসিন্নো খো সো ভিক্খু ভগৰন্তং এতদৰোচ – ‘‘কো নু খো, ভন্তে, হেতু, কো পচ্চযো, যেন মিধেকচ্চে ওপপাতিকা নাগা উপোসথং উপৰসন্তি ৰোস্সট্ঠকাযা চ ভৰন্তী’’তি?
347. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yena midhekacce opapātikā nāgā uposathaṃ upavasanti vossaṭṭhakāyā ca bhavantī’’ti?
‘‘ইধ, ভিক্খু, একচ্চানং ওপপাতিকানং নাগানং এৰং হোতি – ‘মযং খো পুব্বে কাযেন দ্ৰযকারিনো অহুম্হ, ৰাচায দ্ৰযকারিনো, মনসা দ্ৰযকারিনো। তে মযং কাযেন দ্ৰযকারিনো, ৰাচায দ্ৰযকারিনো, মনসা দ্ৰযকারিনো, কাযস্স ভেদা পরং মরণা ওপপাতিকানং নাগানং সহব্যতং উপপন্না। সচজ্জ মযং কাযেন সুচরিতং চরেয্যাম , ৰাচায… মনসা সুচরিতং চরেয্যাম, এৰং মযং কাযস্স ভেদা পরং মরণা সুগতিং সগ্গং লোকং উপপজ্জেয্যাম। হন্দ, মযং এতরহি কাযেন সুচরিতং চরাম, ৰাচায… মনসা সুচরিতং চরামা’তি। অযং খো, ভিক্খু, হেতু, অযং পচ্চযো, যেন মিধেকচ্চে ওপপাতিকা নাগা উপোসথং উপৰসন্তি ৰোস্সট্ঠকাযা চ ভৰন্তী’’তি। ছট্ঠং।
‘‘Idha, bhikkhu, ekaccānaṃ opapātikānaṃ nāgānaṃ evaṃ hoti – ‘mayaṃ kho pubbe kāyena dvayakārino ahumha, vācāya dvayakārino, manasā dvayakārino. Te mayaṃ kāyena dvayakārino, vācāya dvayakārino, manasā dvayakārino, kāyassa bhedā paraṃ maraṇā opapātikānaṃ nāgānaṃ sahabyataṃ upapannā. Sacajja mayaṃ kāyena sucaritaṃ careyyāma , vācāya… manasā sucaritaṃ careyyāma, evaṃ mayaṃ kāyassa bhedā paraṃ maraṇā sugatiṃ saggaṃ lokaṃ upapajjeyyāma. Handa, mayaṃ etarahi kāyena sucaritaṃ carāma, vācāya… manasā sucaritaṃ carāmā’ti. Ayaṃ kho, bhikkhu, hetu, ayaṃ paccayo, yena midhekacce opapātikā nāgā uposathaṃ upavasanti vossaṭṭhakāyā ca bhavantī’’ti. Chaṭṭhaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ২-৫০. পণীততরসুত্তাদিৰণ্ণনা • 2-50. Paṇītatarasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ২-৫০. পণীততরসুত্তাদিৰণ্ণনা • 2-50. Paṇītatarasuttādivaṇṇanā
