| Library / Tipiṭaka / д̇ибидага • Tipiṭaka / жуул̣анид̣̇д̣̇зса-адтагат̇аа • Cūḷaniddesa-aṭṭhakathā |
4. жад̇уд̇т̇аваг̇г̇аван̣н̣анаа
4. Catutthavaggavaṇṇanā
151. жад̇уд̇т̇аваг̇г̇асса батамз расзсууд̇и амб̣иламад̇хурад̇ид̇д̇агагадугалон̣игакааригагасааваад̣̇ибхзд̣̇зсу сааяанийязсу. г̇зд̇хам̣ агаранд̇и г̇ид̣̇д̇хим̣ агаронд̇о, д̇ан̣хам̣ ануббаад̣̇знд̇од̇и вуд̇д̇ам̣ ход̇и. алолод̇и ‘‘ид̣̇ам̣ сааяиссаами, ид̣̇ам̣ сааяиссаамий’’д̇и звам̣ расависзсзсу анаагуло. анан̃н̃абосийд̇и босзд̇аб̣б̣агасад̣̇д̇хивихааригаад̣̇ивирахид̇о, гааяасанд̇хааран̣амад̇д̇зна санд̇удтод̇и вуд̇д̇ам̣ ход̇и. яат̇аа ваа буб̣б̣з уяяаанз расзсу г̇зд̇хагаран̣алоло худ̇ваа ан̃н̃абосий аасим̣, звам̣ ахуд̇ваа яааяа д̇ан̣хааяа лоло худ̇ваа расзсу г̇зд̇хам̣ гарод̇и, д̇ам̣ д̇ан̣хам̣ хид̇ваа ааяад̇им̣ д̇ан̣хаамуулагасса ан̃н̃асса ад̇д̇абхаавасса аниб̣б̣ад̇д̇анзна анан̃н̃абосийд̇и д̣̇ассзд̇и. ат̇а ваа ад̇т̇абхан̃ж̇анагадтзна гилзсаа ‘‘ан̃н̃з’’д̇и вужжанд̇и, д̇зсам̣ абосанзна анан̃н̃абосийд̇и аяамзд̇т̇а ад̇т̇о. сабад̣̇аанажаарийд̇и авоггаммажаарий анубуб̣б̣ажаарий, гхарабадибаадим̣ ачад̣д̣зд̇ваа ад̣дхагулан̃жа д̣̇алид̣̇д̣̇агулан̃жа ниранд̇арам̣ бин̣д̣ааяа бависамаанод̇и ад̇т̇о. гулз гулз аббадиб̣ад̣̇д̇хажид̇д̇од̇и кад̇д̇ияагулаад̣̇ийсу яад̇т̇а гад̇т̇ажи гилзсавасзна алаг̇г̇ажид̇д̇о, жанд̣̇уубамо нижжанаваго худ̇ваад̇и ад̇т̇о. сзсам̣ вуд̇д̇анаяамзваад̇и (су. ни. адта. 1.65; аба. адта. 1.1.121).
151. Catutthavaggassa paṭhame rasesūti ambilamadhuratittakakaṭukaloṇikakhārikakasāvādibhedesu sāyanīyesu. Gedhaṃ akaranti giddhiṃ akaronto, taṇhaṃ anuppādentoti vuttaṃ hoti. Aloloti ‘‘idaṃ sāyissāmi, idaṃ sāyissāmī’’ti evaṃ rasavisesesu anākulo. Anaññaposīti posetabbakasaddhivihārikādivirahito, kāyasandhāraṇamattena santuṭṭhoti vuttaṃ hoti. Yathā vā pubbe uyyāne rasesu gedhakaraṇalolo hutvā aññaposī āsiṃ, evaṃ ahutvā yāya taṇhāya lolo hutvā rasesu gedhaṃ karoti, taṃ taṇhaṃ hitvā āyatiṃ taṇhāmūlakassa aññassa attabhāvassa anibbattanena anaññaposīti dasseti. Atha vā atthabhañjanakaṭṭhena kilesā ‘‘aññe’’ti vuccanti, tesaṃ aposanena anaññaposīti ayamettha attho. Sapadānacārīti avokkammacārī anupubbacārī, gharapaṭipāṭiṃ achaḍḍetvā aḍḍhakulañca daliddakulañca nirantaraṃ piṇḍāya pavisamānoti attho. Kule kule appaṭibaddhacittoti khattiyakulādīsu yattha katthaci kilesavasena alaggacitto, candūpamo niccanavako hutvāti attho. Sesaṃ vuttanayamevāti (su. ni. aṭṭha. 1.65; apa. aṭṭha. 1.1.121).
батамам̣.
Paṭhamaṃ.
152. д̣̇уд̇ияз ааваран̣аанийд̇и нийваран̣аанзва, д̇аани ад̇т̇ад̇о ураг̇асуд̇д̇з (су. ни. 1 аад̣̇аяо) вуд̇д̇аани. д̇аани бана яасмаа аб̣бхаад̣̇аяо вияа жанд̣̇ам̣ суурияам̣ ваа жзд̇о ааваранд̇и, д̇асмаа ‘‘ааваран̣аани жзд̇асо’’д̇и вуд̇д̇аани. д̇аани убажаарзна ваа аббанааяа ваа бахааяа. убаггилзсзд̇и убаг̇амма жид̇д̇ам̣ виб̣аад̇хзнд̇з агусалз д̇хаммз, вад̇т̇обамаад̣̇ийсу (ма. ни. 1.70 аад̣̇аяо) вуд̇д̇з абхиж̇жхаад̣̇аяо ваа. б̣яабануж̇ж̇аад̇и бануд̣̇ид̇ваа винаасзд̇ваа, вибассанаамаг̇г̇зна баж̇ахид̇ваад̇и ад̇т̇о . саб̣б̣зд̇и анавасзсз. звам̣ самат̇авибассанаасамбанно батамамаг̇г̇зна д̣̇идтиниссаяасса бахийнад̇д̇аа аниссид̇о. сзсамаг̇г̇зхи чзд̇ваа д̇зд̇хаад̇угаг̇ад̇ам̣ синзхад̣̇осам̣, д̇ан̣хаарааг̇анд̇и вуд̇д̇ам̣ ход̇и. синзхо зва хи г̇ун̣абадибагкад̇о синзхад̣̇осод̇и вуд̇д̇о. сзсам̣ вуд̇д̇анаяамзва (су. ни. адта. 1.66).
152. Dutiye āvaraṇānīti nīvaraṇāneva, tāni atthato uragasutte (su. ni. 1 ādayo) vuttāni. Tāni pana yasmā abbhādayo viya candaṃ sūriyaṃ vā ceto āvaranti, tasmā ‘‘āvaraṇāni cetaso’’ti vuttāni. Tāni upacārena vā appanāya vā pahāya. Upakkileseti upagamma cittaṃ vibādhente akusale dhamme, vatthopamādīsu (ma. ni. 1.70 ādayo) vutte abhijjhādayo vā. Byapanujjāti panuditvā vināsetvā, vipassanāmaggena pajahitvāti attho . Sabbeti anavasese. Evaṃ samathavipassanāsampanno paṭhamamaggena diṭṭhinissayassa pahīnattā anissito. Sesamaggehi chetvā tedhātukagataṃ sinehadosaṃ, taṇhārāganti vuttaṃ hoti. Sineho eva hi guṇapaṭipakkhato sinehadosoti vutto. Sesaṃ vuttanayameva (su. ni. aṭṭha. 1.66).
д̣̇уд̇ияам̣.
Dutiyaṃ.
153. д̇ад̇ияз вибидтигад̇ваанаад̇и бидтид̇о гад̇ваа, чад̣д̣зд̇ваа ж̇ахид̇ваад̇и ад̇т̇о. сукам̣ д̣̇укан̃жаад̇и гааяигам̣ саад̇аасаад̇ам̣. соманассад̣̇оманассанд̇и жзд̇асигам̣ саад̇аасаад̇ам̣. убзгканд̇и жад̇уд̇т̇аж̇жхаанубзгкам̣. самат̇анд̇и жад̇уд̇т̇аж̇жхаанасамат̇амзва. висуд̣̇д̇ханд̇и бан̃жанийваран̣авид̇аггавижаарабийд̇исукасан̇каад̇зхи навахи бажжанийгад̇хаммзхи вимуд̇д̇ад̇д̇аа ад̇исуд̣̇д̇хам̣, нид̣̇д̇ханд̇асуван̣н̣амива виг̇ад̇уубаггилзсанд̇и ад̇т̇о.
153. Tatiye vipiṭṭhikatvānāti piṭṭhito katvā, chaḍḍetvā jahitvāti attho. Sukhaṃ dukhañcāti kāyikaṃ sātāsātaṃ. Somanassadomanassanti cetasikaṃ sātāsātaṃ. Upekkhanti catutthajjhānupekkhaṃ. Samathanti catutthajjhānasamathameva. Visuddhanti pañcanīvaraṇavitakkavicārapītisukhasaṅkhātehi navahi paccanīkadhammehi vimuttattā atisuddhaṃ, niddhantasuvaṇṇamiva vigatūpakkilesanti attho.
аяам̣ бана яож̇анаа – вибидтигад̇ваана сукам̣ д̣̇угкан̃жа буб̣б̣зва, батамаж̇жхаануубажаарабхуумияам̣язва д̣̇угкам̣, д̇ад̇ияаж̇жхаануубажаарабхуумияан̃жа суканд̇и ад̇хиббааяо. буна аад̣̇ид̇о вуд̇д̇ам̣ жа-гаарам̣ барад̇о нзд̇ваа ‘‘соманассам̣ д̣̇оманассан̃жа вибидтигад̇ваана буб̣б̣зваа’’д̇и ад̇хигааро. д̇зна соманассам̣ жад̇уд̇т̇аж̇жхаануубажаарз, д̣̇оманассан̃жа д̣̇уд̇ияаж̇жхаануубажаарзязваад̇и д̣̇ийбзд̇и. зд̇аани хи зд̇зсам̣ барияааяад̇о бахаанадтаанаани. ниббарияааяад̇о бана д̣̇угкасса батамаж̇жхаанам̣, д̣̇оманассасса д̣̇уд̇ияаж̇жхаанам̣, сукасса д̇ад̇ияаж̇жхаанам̣, соманассасса жад̇уд̇т̇аж̇жхаанам̣ бахаанадтаанам̣. яат̇ааха – ‘‘батамаж̇жхаанам̣ убасамбаж̇ж̇а вихарад̇и зд̇т̇уббаннам̣ д̣̇угкинд̣̇рияам̣ абарисзсам̣ нируж̇жхад̇ий’’д̇иаад̣̇и (сам̣. ни. 5.510). д̇ам̣ саб̣б̣ам̣ хздтаа вуд̇д̇анаязна г̇ахзд̇аб̣б̣ам̣. барад̇о буб̣б̣зваад̇и д̇ийсу батамаж̇жхаанад̣̇ийсу д̣̇угкад̣̇оманассасукаани вибидтигад̇ваа зд̇т̇зва жа жад̇уд̇т̇аж̇жхаанз соманассам̣ вибидтигад̇ваа имааяа бадибад̣̇ааяа лад̣̇д̇хаанубзгкам̣ самат̇ам̣ висуд̣̇д̇хам̣ зго жарз ид̇и. сзсам̣ вуд̇д̇анаяамзваад̇и (су. ни. адта. 1.67; аба. адта. 1.1.123).
Ayaṃ pana yojanā – vipiṭṭhikatvāna sukhaṃ dukkhañca pubbeva, paṭhamajjhānūpacārabhūmiyaṃyeva dukkhaṃ, tatiyajjhānūpacārabhūmiyañca sukhanti adhippāyo. Puna ādito vuttaṃ ca-kāraṃ parato netvā ‘‘somanassaṃ domanassañca vipiṭṭhikatvāna pubbevā’’ti adhikāro. Tena somanassaṃ catutthajjhānūpacāre, domanassañca dutiyajjhānūpacāreyevāti dīpeti. Etāni hi etesaṃ pariyāyato pahānaṭṭhānāni. Nippariyāyato pana dukkhassa paṭhamajjhānaṃ, domanassassa dutiyajjhānaṃ, sukhassa tatiyajjhānaṃ, somanassassa catutthajjhānaṃ pahānaṭṭhānaṃ. Yathāha – ‘‘paṭhamajjhānaṃ upasampajja viharati etthuppannaṃ dukkhindriyaṃ aparisesaṃ nirujjhatī’’tiādi (saṃ. ni. 5.510). Taṃ sabbaṃ heṭṭhā vuttanayena gahetabbaṃ. Parato pubbevāti tīsu paṭhamajjhānadīsu dukkhadomanassasukhāni vipiṭṭhikatvā ettheva ca catutthajjhāne somanassaṃ vipiṭṭhikatvā imāya paṭipadāya laddhānupekkhaṃ samathaṃ visuddhaṃ eko care iti. Sesaṃ vuttanayamevāti (su. ni. aṭṭha. 1.67; apa. aṭṭha. 1.1.123).
д̇ад̇ияам̣.
Tatiyaṃ.
154. жад̇уд̇т̇з аарад̣̇д̇хам̣ вийрияам̣ ассаад̇и аарад̣̇д̇хавирияо. зд̇зна ад̇д̇ано вийрияаарамбхам̣ аад̣̇ивийрияам̣ д̣̇ассзд̇и. барамад̇т̇о вужжад̇и ниб̣б̣аанам̣, д̇ад̇т̇а бад̇д̇ияаа барамад̇т̇абад̇д̇ияаа. зд̇зна вийрияаарамбхзна бад̇д̇аб̣б̣апалам̣ д̣̇ассзд̇и. алийнажид̇д̇од̇и зд̇зна вийрияубад̇т̇амбхаанам̣ жид̇д̇ажзд̇асигаанам̣ алийнад̇ам̣ д̣̇ассзд̇и. агусийд̇авуд̇д̇ийд̇и зд̇зна таанаасанажан̇гамаад̣̇ийсу гааяасса анавасийд̣̇анам̣. д̣̇ал̣ханиггамод̇и зд̇зна ‘‘гаамам̣ д̇ажо жа нхаару жаа’’д̇и (ма. ни. 1.184; сам̣. ни. 2.22; а. ни. 2.5; махаани. 196) звам̣ бавад̇д̇ам̣ бад̣̇аханавийрияам̣ д̣̇ассзд̇и. яам̣ д̇ам̣ анубуб̣б̣асигкаад̣̇ийсу бад̣̇аханд̇о ‘‘гааязна жзва барамад̇т̇асажжам̣ сажчигарод̇и, бан̃н̃ааяа жа нам̣ ад̇ивиж̇жха бассад̇ий’’д̇и вужжад̇и. ат̇а ваа зд̇зна маг̇г̇асамбаяуд̇д̇авийрияам̣ д̣̇ассзд̇и. д̇ан̃хи д̣̇ал̣хан̃жа бхааванаабаарибууриг̇ад̇ад̇д̇аа, ниггамо жа саб̣б̣асо бадибагкаа нигканд̇ад̇д̇аа, д̇асмаа д̇ам̣саман̇г̇ийбуг̇г̇алоби д̣̇ал̣хо ниггамо ассаад̇и ‘‘д̣̇ал̣ханиггамо’’д̇и вужжад̇и. т̇аамаб̣алуубабаннод̇и маг̇г̇агкан̣з гааяат̇аамзна н̃аан̣аб̣алзна жа убабанно. ат̇а ваа т̇аамабхууд̇зна б̣алзна убабаннод̇и т̇аамаб̣алуубабанно, т̇иран̃аан̣аб̣алуубабаннод̇и вуд̇д̇ам̣ ход̇и. зд̇зна д̇асса вийрияасса вибассанаан̃аан̣асамбаяог̇ам̣ д̣̇ийбзнд̇о яонисо бад̣̇аханабхаавам̣ саад̇хзд̇и. буб̣б̣абхааг̇амаж̇жхимауггадтавийрияавасзна ваа д̇аяоби баад̣̇аа яож̇зд̇аб̣б̣аа. сзсам̣ вуд̇д̇анаяамзваад̇и (су. ни. адта. 1.68).
154. Catutthe āraddhaṃ vīriyaṃ assāti āraddhaviriyo. Etena attano vīriyārambhaṃ ādivīriyaṃ dasseti. Paramattho vuccati nibbānaṃ, tattha pattiyā paramatthapattiyā. Etena vīriyārambhena pattabbaphalaṃ dasseti. Alīnacittoti etena vīriyupatthambhānaṃ cittacetasikānaṃ alīnataṃ dasseti. Akusītavuttīti etena ṭhānāsanacaṅkamādīsu kāyassa anavasīdanaṃ. Daḷhanikkamoti etena ‘‘kāmaṃ taco ca nhāru cā’’ti (ma. ni. 1.184; saṃ. ni. 2.22; a. ni. 2.5; mahāni. 196) evaṃ pavattaṃ padahanavīriyaṃ dasseti. Yaṃ taṃ anupubbasikkhādīsu padahanto ‘‘kāyena ceva paramatthasaccaṃ sacchikaroti, paññāya ca naṃ ativijjha passatī’’ti vuccati. Atha vā etena maggasampayuttavīriyaṃ dasseti. Tañhi daḷhañca bhāvanāpāripūrigatattā, nikkamo ca sabbaso paṭipakkhā nikkhantattā, tasmā taṃsamaṅgīpuggalopi daḷho nikkamo assāti ‘‘daḷhanikkamo’’ti vuccati. Thāmabalūpapannoti maggakkhaṇe kāyathāmena ñāṇabalena ca upapanno. Atha vā thāmabhūtena balena upapannoti thāmabalūpapanno, thirañāṇabalūpapannoti vuttaṃ hoti. Etena tassa vīriyassa vipassanāñāṇasampayogaṃ dīpento yoniso padahanabhāvaṃ sādheti. Pubbabhāgamajjhimaukkaṭṭhavīriyavasena vā tayopi pādā yojetabbā. Sesaṃ vuttanayamevāti (su. ni. aṭṭha. 1.68).
жад̇уд̇т̇ам̣.
Catutthaṃ.
155. бан̃жамз бадисаллаананд̇и д̇зхи д̇зхи сад̇д̇асан̇каарзхи бадинивад̇д̇ид̇ваа саллийнам̣, згад̇д̇асзвид̇аа згийбхааво гааяавивзгод̇и ад̇т̇о. жхаананд̇и бажжанийгажхаабанад̇о аарамман̣алагкан̣уубаниж̇жхаанад̇о жа жид̇д̇авивзго вужжад̇и. д̇ад̇т̇а адта самаабад̇д̇ияо нийваран̣аад̣̇ибажжанийгажхаабанад̇о гасин̣аад̣̇иаарамман̣уубаниж̇жхаанад̇о жа ‘‘жхаана’’нд̇и вужжад̇и. вибассанаамаг̇г̇апалаани сад̇д̇асан̃н̃аад̣̇ибажжанийгажхаабанад̇о лагкан̣уубаниж̇жхаанад̇о жа ‘‘жхаана’’нд̇и вужжад̇и. ид̇ха бана аарамман̣уубаниж̇жхаанамзва ад̇хиббзд̇ам̣ . звамзд̇ам̣ бадисаллаанан̃жа жхаанан̃жа арин̃жамаанод̇и аж̇ахамаано аниссаж̇ж̇амаано. д̇хаммзсууд̇и вибассанубаг̇зсу бан̃жагканд̇хаад̣̇ид̇хаммзсу. нижжанд̇и сад̇ад̇ам̣ самид̇ам̣ аб̣б̣огин̣н̣ам̣. ануд̇хаммажаарийд̇и д̇з д̇хаммз аараб̣бха бавад̇д̇амаанзна ануг̇ад̇ам̣ вибассанаад̇хаммам̣ жарамаано. ат̇а ваа д̇хаммзсууд̇и зд̇т̇а д̇хаммаад̇и нава логуд̇д̇арад̇хаммаа, д̇зсам̣ д̇хаммаанам̣ ануломо д̇хаммод̇и ануд̇хаммо, вибассанааязд̇ам̣ ад̇хиважанам̣. д̇ад̇т̇а ‘‘д̇хаммаанам̣ нижжам̣ ануд̇хаммажаарий’’д̇и вад̇д̇аб̣б̣з г̇аат̇ааб̣анд̇хасукад̇т̇ам̣ вибхад̇д̇иб̣яад̇д̇аязна ‘‘д̇хаммзсуу’’д̇и вуд̇д̇ам̣ сияаа. аад̣̇ийнавам̣ саммасид̇аа бхавзсууд̇и д̇ааяа ануд̇хаммажаарид̇аасан̇каад̇ааяа вибассанааяа анижжаагаараад̣̇ид̣̇осам̣ д̇ийсу бхавзсу саманубассанд̇о звам̣ имааяа гааяавивзгажид̇д̇авивзгам̣ арин̃жамаано сикааббад̇д̇авибассанаасан̇каад̇ааяа бадибад̣̇ааяа ад̇хиг̇ад̇од̇и вад̇д̇аб̣б̣о зго жарзд̇и звам̣ яож̇анаа взд̣̇ид̇аб̣б̣аа (су. ни. адта. 1.69; аба. адта. 1.1.125).
155. Pañcame paṭisallānanti tehi tehi sattasaṅkhārehi paṭinivattitvā sallīnaṃ, ekattasevitā ekībhāvo kāyavivekoti attho. Jhānanti paccanīkajhāpanato ārammaṇalakkhaṇūpanijjhānato ca cittaviveko vuccati. Tattha aṭṭha samāpattiyo nīvaraṇādipaccanīkajhāpanato kasiṇādiārammaṇūpanijjhānato ca ‘‘jhāna’’nti vuccati. Vipassanāmaggaphalāni sattasaññādipaccanīkajhāpanato lakkhaṇūpanijjhānato ca ‘‘jhāna’’nti vuccati. Idha pana ārammaṇūpanijjhānameva adhippetaṃ . Evametaṃ paṭisallānañca jhānañca ariñcamānoti ajahamāno anissajjamāno. Dhammesūti vipassanupagesu pañcakkhandhādidhammesu. Niccanti satataṃ samitaṃ abbokiṇṇaṃ. Anudhammacārīti te dhamme ārabbha pavattamānena anugataṃ vipassanādhammaṃ caramāno. Atha vā dhammesūti ettha dhammāti nava lokuttaradhammā, tesaṃ dhammānaṃ anulomo dhammoti anudhammo, vipassanāyetaṃ adhivacanaṃ. Tattha ‘‘dhammānaṃ niccaṃ anudhammacārī’’ti vattabbe gāthābandhasukhatthaṃ vibhattibyattayena ‘‘dhammesū’’ti vuttaṃ siyā. Ādīnavaṃ sammasitā bhavesūti tāya anudhammacāritāsaṅkhātāya vipassanāya aniccākārādidosaṃ tīsu bhavesu samanupassanto evaṃ imāya kāyavivekacittavivekaṃ ariñcamāno sikhāppattavipassanāsaṅkhātāya paṭipadāya adhigatoti vattabbo eko careti evaṃ yojanā veditabbā (su. ni. aṭṭha. 1.69; apa. aṭṭha. 1.1.125).
бан̃жамам̣.
Pañcamaṃ.
156. чадтз д̇ан̣хагкаяанд̇и ниб̣б̣аанам̣, звам̣ д̣̇идтаад̣̇ийнавааяа д̇ан̣хааяа зва аббавад̇д̇им̣. аббамад̇д̇од̇и саад̇ажжагаарий. анзл̣амууг̇од̇и алаалаамуко. ат̇а ваа анзл̣о жа амууг̇о жа, бан̣д̣ид̇о б̣яад̇д̇од̇и вуд̇д̇ам̣ ход̇и. хид̇асукасамбаабагам̣ суд̇амасса ад̇т̇ийд̇и суд̇аваа, ааг̇амасамбаннод̇и вуд̇д̇ам̣ ход̇и. сад̇иймаад̇и жирагад̇аад̣̇ийнам̣ ануссарид̇аа. сан̇каад̇ад̇хаммод̇и д̇хаммуубабаригкааяа барин̃н̃аад̇ад̇хаммо. нияад̇од̇и арияамаг̇г̇зна нияаамам̣ бад̇д̇о. бад̇хаанаваад̇и саммаббад̇хаанавийрияасамбанно. уббадибаадияаа зса баато яож̇зд̇аб̣б̣о. звамзд̇зхи аббамаад̣̇аад̣̇ийхи саманнааг̇ад̇о нияаамасамбаабагзна бад̇хаанзна бад̇хаанаваа, д̇зна бад̇хаанзна бад̇д̇анияаамад̇д̇аа нияад̇о, д̇ад̇о арахад̇д̇аббад̇д̇ияаа сан̇каад̇ад̇хаммо. арахаа хи буна сан̇каад̇аб̣б̣аабхаавад̇о ‘‘сан̇каад̇ад̇хаммо’’д̇и вужжад̇и. яат̇ааха – ‘‘яз жа сан̇каад̇ад̇хаммаасз, яз жа сзгкаа бут̇уу ид̇хаа’’д̇и (сам̣. ни. 2.31; су. ни. 1044; жуул̣ани. аж̇ид̇амаан̣авабужчаа 63, аж̇ид̇амаан̣авабужчаанид̣̇д̣̇зса 7; нзд̇д̇и. 14; бздаго. 45). сзсам̣ вуд̇д̇анаяамзваад̇и (су. ни. адта. 1.70).
156. Chaṭṭhe taṇhakkhayanti nibbānaṃ, evaṃ diṭṭhādīnavāya taṇhāya eva appavattiṃ. Appamattoti sātaccakārī. Aneḷamūgoti alālāmukho. Atha vā aneḷo ca amūgo ca, paṇḍito byattoti vuttaṃ hoti. Hitasukhasampāpakaṃ sutamassa atthīti sutavā, āgamasampannoti vuttaṃ hoti. Satīmāti cirakatādīnaṃ anussaritā. Saṅkhātadhammoti dhammūpaparikkhāya pariññātadhammo. Niyatoti ariyamaggena niyāmaṃ patto. Padhānavāti sammappadhānavīriyasampanno. Uppaṭipāṭiyā esa pāṭho yojetabbo. Evametehi appamādādīhi samannāgato niyāmasampāpakena padhānena padhānavā, tena padhānena pattaniyāmattā niyato, tato arahattappattiyā saṅkhātadhammo. Arahā hi puna saṅkhātabbābhāvato ‘‘saṅkhātadhammo’’ti vuccati. Yathāha – ‘‘ye ca saṅkhātadhammāse, ye ca sekkhā puthū idhā’’ti (saṃ. ni. 2.31; su. ni. 1044; cūḷani. ajitamāṇavapucchā 63, ajitamāṇavapucchāniddesa 7; netti. 14; peṭako. 45). Sesaṃ vuttanayamevāti (su. ni. aṭṭha. 1.70).
чадтам̣.
Chaṭṭhaṃ.
157. сад̇д̇амз сийход̇и жад̇д̇ааро сийхаа – д̇ин̣асийхо, бан̣д̣усийхо, гаал̣асийхо, гзсарасийход̇и. д̇зсам̣ гзсарасийхо аг̇г̇амагкааяад̇и, зсо ид̇ха ад̇хиббзд̇о. ваад̇о бурад̇т̇имаад̣̇ивасзна анзгавид̇хо. бад̣̇умам̣ рад̇д̇асзд̇аад̣̇ивасзна. д̇зсу яо гожи ваад̇о яам̣ гин̃жи бад̣̇умам̣ ваддад̇иязва. д̇ад̇т̇а яасмаа санд̇аасо ад̇д̇асинзхзна ход̇и, ад̇д̇асинзхо жа д̇ан̣хаалзбо, соби д̣̇идтисамбаяуд̇д̇зна ваа д̣̇идтивиббаяуд̇д̇зна ваа лобхзна ход̇и, соби жа д̇ан̣хааязва. саж̇ж̇анам̣ бана д̇ад̇т̇а убабаригкаавирахид̇асса мохзна ход̇и, мохо жа авиж̇ж̇аа. д̇ад̇т̇а самат̇зна д̇ан̣хааяа бахаанам̣ ход̇и, вибассанааяа авиж̇ж̇ааяа. д̇асмаа самат̇зна ад̇д̇асинзхам̣ бахааяа сийхо вияа сад̣̇д̣̇зсу анижжад̣̇угкаад̣̇ийсуасанд̇асанд̇о, вибассанааяа мохам̣ бахааяа ваад̇ова ж̇ааламхи канд̇хааяад̇анаад̣̇ийсу асаж̇ж̇амаано, самат̇знзва лобхам̣, лобхасамбаяуд̇д̇ам̣ зва д̣̇идтин̃жа бахааяа, бад̣̇умам̣ва д̇оязна саб̣б̣абхавабхог̇алобхзна алиббамаано.
157. Sattame sīhoti cattāro sīhā – tiṇasīho, paṇḍusīho, kāḷasīho, kesarasīhoti. Tesaṃ kesarasīho aggamakkhāyati, eso idha adhippeto. Vāto puratthimādivasena anekavidho. Padumaṃ rattasetādivasena. Tesu yo koci vāto yaṃ kiñci padumaṃ vaṭṭatiyeva. Tattha yasmā santāso attasinehena hoti, attasineho ca taṇhālepo, sopi diṭṭhisampayuttena vā diṭṭhivippayuttena vā lobhena hoti, sopi ca taṇhāyeva. Sajjanaṃ pana tattha upaparikkhāvirahitassa mohena hoti, moho ca avijjā. Tattha samathena taṇhāya pahānaṃ hoti, vipassanāya avijjāya. Tasmā samathena attasinehaṃ pahāya sīho viya saddesu aniccadukkhādīsuasantasanto, vipassanāya mohaṃ pahāya vātova jālamhi khandhāyatanādīsu asajjamāno, samatheneva lobhaṃ, lobhasampayuttaṃ eva diṭṭhiñca pahāya, padumaṃva toyena sabbabhavabhogalobhena alippamāno.
зд̇т̇а жа самат̇асса сийлам̣ бад̣̇адтаанам̣, самат̇о самаад̇хи, вибассанаа бан̃н̃аад̇и звам̣ д̇зсу д̣̇вийсу д̇хаммзсу сид̣̇д̇хзсу д̇аяоби канд̇хаа сид̣̇д̇хаа хонд̇и. д̇ад̇т̇а сийлагканд̇хзна сурад̇о ход̇и, со сийхова сад̣̇д̇хзсу аагхаад̇авад̇т̇уусу агуж̇жхид̇угаамад̇ааяа на санд̇асад̇и, бан̃н̃аагканд̇хзна бадивид̣̇д̇хасабхааво ваад̇ова ж̇ааламхи канд̇хаад̣̇ид̇хаммабхзд̣̇з на саж̇ж̇ад̇и, самаад̇хигканд̇хзна вийд̇арааг̇о бад̣̇умам̣ва д̇оязна рааг̇зна на либбад̇и. звам̣ самат̇авибассанаахи сийласамаад̇хибан̃н̃аагканд̇хзхи жа яат̇аасамбхавам̣ авиж̇ж̇аад̇ан̣хаанам̣, д̇ин̣н̣ан̃жа агусаламуулаанам̣ бахаанавасзна асанд̇асанд̇о асаж̇ж̇амаано алиббамаано жа взд̣̇ид̇аб̣б̣о. сзсам̣ вуд̇д̇анаяамзваад̇и (су. ни. адта. 1.71; аба. адта. 1.1.127).
Ettha ca samathassa sīlaṃ padaṭṭhānaṃ, samatho samādhi, vipassanā paññāti evaṃ tesu dvīsu dhammesu siddhesu tayopi khandhā siddhā honti. Tattha sīlakkhandhena surato hoti, so sīhova saddhesu āghātavatthūsu akujjhitukāmatāya na santasati, paññākkhandhena paṭividdhasabhāvo vātova jālamhi khandhādidhammabhede na sajjati, samādhikkhandhena vītarāgo padumaṃva toyena rāgena na lippati. Evaṃ samathavipassanāhi sīlasamādhipaññākkhandhehi ca yathāsambhavaṃ avijjātaṇhānaṃ, tiṇṇañca akusalamūlānaṃ pahānavasena asantasanto asajjamāno alippamāno ca veditabbo. Sesaṃ vuttanayamevāti (su. ni. aṭṭha. 1.71; apa. aṭṭha. 1.1.127).
сад̇д̇амам̣.
Sattamaṃ.
158. адтамз саханаа жа хананаа жа сийгхаж̇авад̇д̇аа жа сийхо. гзсарасийхова ид̇ха ад̇хиббзд̇о. д̣̇аатаа б̣аламасса ад̇т̇ийд̇и д̣̇аатаб̣алий. басаяха абхибхуяяаад̇и убхаяам̣ жаарийсад̣̇д̣̇зна саха яож̇зд̇аб̣б̣ам̣ басаяхажаарий абхибхуяяажаарийд̇и. д̇ад̇т̇а басаяха ниг̇г̇аяха баваахзд̇ваа жаран̣зна басаяхажаарий . абхибхавид̇ваа санд̇аасзд̇ваа васийгад̇ваа жаран̣зна абхибхуяхажаарий. свааяам̣ гааяаб̣алзна басаяхажаарий, д̇зж̇асаа абхибхуяяажаарий. д̇ад̇т̇а сажз гожи вад̣̇зяяа ‘‘гим̣ басаяха абхибхуяяажаарий’’д̇и. д̇ад̇о миг̇аананд̇и саамиважанам̣ убаяог̇ад̇т̇з гад̇ваа ‘‘миг̇з басаяха абхибхуяяажаарий’’д̇и бадивад̇д̇аб̣б̣ам̣. банд̇аанийд̇и д̣̇уураани. сзнаасанаанийд̇и васанадтаанаани. сзсам̣ буб̣б̣з вуд̇д̇анаязнзва саггаа ж̇аанид̇унд̇и на вид̇т̇аарид̇ам̣ (су. ни. адта. 1.72).
158. Aṭṭhame sahanā ca hananā ca sīghajavattā ca sīho. Kesarasīhova idha adhippeto. Dāṭhā balamassa atthīti dāṭhabalī. Pasayha abhibhuyyāti ubhayaṃ cārīsaddena saha yojetabbaṃ pasayhacārī abhibhuyyacārīti. Tattha pasayha niggayha pavāhetvā caraṇena pasayhacārī . Abhibhavitvā santāsetvā vasīkatvā caraṇena abhibhuyhacārī. Svāyaṃ kāyabalena pasayhacārī, tejasā abhibhuyyacārī. Tattha sace koci vadeyya ‘‘kiṃ pasayha abhibhuyyacārī’’ti. Tato migānanti sāmivacanaṃ upayogatthe katvā ‘‘mige pasayha abhibhuyyacārī’’ti paṭivattabbaṃ. Pantānīti dūrāni. Senāsanānīti vasanaṭṭhānāni. Sesaṃ pubbe vuttanayeneva sakkā jānitunti na vitthāritaṃ (su. ni. aṭṭha. 1.72).
адтамам̣.
Aṭṭhamaṃ.
159. навамз ‘‘саб̣б̣з сад̇д̇аа сукид̇аа бхаванд̇уу’’д̇иаад̣̇инаа наязна хид̇асукуубанаяанагаамад̇аа мзд̇д̇аа. ‘‘ахо вад̇а имамхаа д̣̇угкаа вимужжзяяу’’нд̇иаад̣̇инаа наязна ахид̇ад̣̇угкаабанаяанагаамад̇аа гарун̣аа. ‘‘мод̣̇анд̇и вад̇а бхонд̇о сад̇д̇аа, мод̣̇анд̇и саад̇ху судтуу’’д̇иаад̣̇инаа наязна хид̇асукаавиббаяог̇агаамад̇аа муд̣̇ид̇аа. ‘‘бан̃н̃ааяиссанд̇и сагзна гаммзнаа’’д̇и сукад̣̇угкзсу аж̇жхубзгканад̇аа убзгкаа. г̇аат̇ааб̣анд̇хасукад̇т̇ам̣ бана уббадибаадияаа мзд̇д̇ам̣ вад̇ваа убзгкаа вуд̇д̇аа, муд̣̇ид̇аа жа бажчаа. вимуд̇д̇инд̇и жад̇ассоби хи вимуд̇д̇ий. зд̇аа ад̇д̇ано бажжанийгад̇хаммзхи вимуд̇д̇ад̇д̇аа вимуд̇д̇ияо. д̇зна вуд̇д̇ам̣ – ‘‘мзд̇д̇ам̣ убзгкам̣ гарун̣ам̣ вимуд̇д̇им̣, аасзвамаано муд̣̇ид̇ан̃жа гаалз’’д̇и.
159. Navame ‘‘sabbe sattā sukhitā bhavantū’’tiādinā nayena hitasukhūpanayanakāmatā mettā. ‘‘Aho vata imamhā dukkhā vimucceyyu’’ntiādinā nayena ahitadukkhāpanayanakāmatā karuṇā. ‘‘Modanti vata bhonto sattā, modanti sādhu suṭṭhū’’tiādinā nayena hitasukhāvippayogakāmatā muditā. ‘‘Paññāyissanti sakena kammenā’’ti sukhadukkhesu ajjhupekkhanatā upekkhā. Gāthābandhasukhatthaṃ pana uppaṭipāṭiyā mettaṃ vatvā upekkhā vuttā, muditā ca pacchā. Vimuttinti catassopi hi vimuttī. Etā attano paccanīkadhammehi vimuttattā vimuttiyo. Tena vuttaṃ – ‘‘mettaṃ upekkhaṃ karuṇaṃ vimuttiṃ, āsevamāno muditañca kāle’’ti.
д̇ад̇т̇а аасзвамаанод̇и д̇иссо д̇игажад̇уггаж̇жхаанавасзна бхааваяамаано, убзгкам̣ жад̇уд̇т̇аж̇жхаанавасзна бхааваяамаано. гаалзд̇и мзд̇д̇ам̣ аасзвид̇ваа д̇ад̇о вудтааяа гарун̣ам̣, д̇ад̇о вудтааяа муд̣̇ид̇ам̣, д̇ад̇о ид̇арад̇о ваа ниббийд̇игаж̇жхаанад̇о вудтааяа убзгкам̣ аасзвамаанова ‘‘гаалз аасзвамаано’’д̇и вужжад̇и, аасзвид̇ум̣ паасугаалз ваа. саб̣б̣зна логзна авируж̇жхамаанод̇и д̣̇асасу д̣̇исаасу саб̣б̣зна сад̇д̇алогзна авируж̇жхамаано. мзд̇д̇аад̣̇ийнан̃хи бхаавид̇ад̇д̇аа сад̇д̇аа аббадиггуулаа хонд̇и, сад̇д̇зсуби вирод̇хабхууд̇о бадигхо вуубасаммад̇и. д̇зна вуд̇д̇ам̣ – ‘‘саб̣б̣зна логзна авируж̇жхамаано’’д̇и. сзсам̣ вуд̇д̇асад̣̇исамзваад̇и (су. ни. адта. 1.73).
Tattha āsevamānoti tisso tikacatukkajjhānavasena bhāvayamāno, upekkhaṃ catutthajjhānavasena bhāvayamāno. Kāleti mettaṃ āsevitvā tato vuṭṭhāya karuṇaṃ, tato vuṭṭhāya muditaṃ, tato itarato vā nippītikajjhānato vuṭṭhāya upekkhaṃ āsevamānova ‘‘kāle āsevamāno’’ti vuccati, āsevituṃ phāsukāle vā. Sabbena lokena avirujjhamānoti dasasu disāsu sabbena sattalokena avirujjhamāno. Mettādīnañhi bhāvitattā sattā appaṭikkūlā honti, sattesupi virodhabhūto paṭigho vūpasammati. Tena vuttaṃ – ‘‘sabbena lokena avirujjhamāno’’ti. Sesaṃ vuttasadisamevāti (su. ni. aṭṭha. 1.73).
навамам̣.
Navamaṃ.
160. д̣̇асамз сам̣яож̇анаанийд̇и д̣̇аса сам̣яож̇анаани, д̇аани жа д̇зна д̇зна маг̇г̇зна санд̣̇аалаяид̇ваана. асанд̇асам̣ ж̇ийвид̇асан̇каяамхийд̇и ж̇ийвид̇асан̇каяо вужжад̇и жуд̇ижид̇д̇асса барибхзд̣̇о, д̇асмин̃жа ж̇ийвид̇асан̇каяз ж̇ийвид̇аниганд̇ияаа бахийнад̇д̇аа асанд̇асанд̇и. зд̇д̇аавад̇аа саубаад̣̇исзсаниб̣б̣аанад̇хаад̇ум̣ ад̇д̇ано д̣̇ассзд̇ваа г̇аат̇аабарияосаанз анубаад̣̇исзсааяа ниб̣б̣аанад̇хаад̇уяаа бариниб̣б̣ааяийд̇и (су. ни. адта. 1.74).
160. Dasame saṃyojanānīti dasa saṃyojanāni, tāni ca tena tena maggena sandālayitvāna. Asantasaṃ jīvitasaṅkhayamhīti jīvitasaṅkhayo vuccati cuticittassa paribhedo, tasmiñca jīvitasaṅkhaye jīvitanikantiyā pahīnattā asantasanti. Ettāvatā saupādisesanibbānadhātuṃ attano dassetvā gāthāpariyosāne anupādisesāya nibbānadhātuyā parinibbāyīti (su. ni. aṭṭha. 1.74).
д̣̇асамам̣.
Dasamaṃ.
161. згаад̣̇асамз бхаж̇анд̇ийд̇и сарийрзна аллийяид̇ваа баяирубаасанд̇и. сзванд̇ийд̇и ан̃ж̇алигаммаад̣̇ийхи гим̣гаарабадиссаавид̇ааяа жа барижаранд̇и. гааран̣ам̣ ад̇т̇о зд̇зсанд̇и гааран̣ад̇т̇аа, бхаж̇анааяа сзванааяа жа наан̃н̃ам̣ гааран̣амад̇т̇и, ад̇т̇о зва д̇зсам̣ гааран̣ам̣, ад̇т̇ахзд̇у сзванд̇ийд̇и вуд̇д̇ам̣ ход̇и. ниггааран̣аа д̣̇уллабхаа аж̇ж̇а мид̇д̇аад̇и ‘‘ид̇о гин̃жи лажчаамаа’’д̇и звам̣ ад̇д̇абадилаабхагааран̣зна ниггааран̣аа, гзвалам̣ –
161. Ekādasame bhajantīti sarīrena allīyitvā payirupāsanti. Sevantīti añjalikammādīhi kiṃkārapaṭissāvitāya ca paricaranti. Kāraṇaṃ attho etesanti kāraṇatthā, bhajanāya sevanāya ca nāññaṃ kāraṇamatthi, attho eva tesaṃ kāraṇaṃ, atthahetu sevantīti vuttaṃ hoti. Nikkāraṇā dullabhā ajja mittāti ‘‘ito kiñci lacchāmā’’ti evaṃ attapaṭilābhakāraṇena nikkāraṇā, kevalaṃ –
‘‘убагааро жа яо мид̇д̇о, сукз д̣̇угкз жа яо сакаа;
‘‘Upakāro ca yo mitto, sukhe dukkhe ca yo sakhā;
ад̇т̇агкааяий жа яо мид̇д̇о, яо жа мид̇д̇аанугамбаго’’д̇и. (су. ни. адта. 1.75; аба. адта. 1.1.131; д̣̇ий. ни. 3.265) –
Atthakkhāyī ca yo mitto, yo ca mittānukampako’’ti. (su. ni. aṭṭha. 1.75; apa. aṭṭha. 1.1.131; dī. ni. 3.265) –
звам̣ вуд̇д̇зна ариязна мид̇д̇абхаавзна саманнааг̇ад̇аа д̣̇уллабхаа аж̇ж̇а мид̇д̇аа. ад̇д̇ани тид̇аа зд̇зсам̣ бан̃н̃аа, ад̇д̇аанам̣язва ологзнд̇и, на ан̃н̃анд̇и ад̇д̇адтабан̃н̃аа. ‘‘д̣̇идтад̇т̇абан̃н̃аа’’д̇и аяамби гира бораан̣абаато . самбад̇и д̣̇идтзязва ад̇т̇з зд̇зсам̣ бан̃н̃аа, ааяад̇им̣ на бзгканд̇ийд̇и вуд̇д̇ам̣ ход̇и. асужийд̇и асужинаа анариязна гааяаважийманогаммзна саманнааг̇ад̇аад̇и. сзсам̣ буб̣б̣з вуд̇д̇анаязнзва взд̣̇ид̇аб̣б̣ам̣. яам̣ анд̇аранд̇араа ад̇ивид̇т̇аарабхаязна на вуд̇д̇ам̣, д̇ам̣ саб̣б̣ам̣ баатаанусаарзнзва взд̣̇ид̇аб̣б̣ам̣ (су. ни. адта. 1.75; аба. адта. 1.1.131). згаад̣̇асамам̣.
Evaṃ vuttena ariyena mittabhāvena samannāgatā dullabhā ajja mittā. Attani ṭhitā etesaṃ paññā, attānaṃyeva olokenti, na aññanti attaṭṭhapaññā. ‘‘Diṭṭhatthapaññā’’ti ayampi kira porāṇapāṭho . Sampati diṭṭheyeva atthe etesaṃ paññā, āyatiṃ na pekkhantīti vuttaṃ hoti. Asucīti asucinā anariyena kāyavacīmanokammena samannāgatāti. Sesaṃ pubbe vuttanayeneva veditabbaṃ. Yaṃ antarantarā ativitthārabhayena na vuttaṃ, taṃ sabbaṃ pāṭhānusāreneva veditabbaṃ (su. ni. aṭṭha. 1.75; apa. aṭṭha. 1.1.131). Ekādasamaṃ.
жад̇уд̇т̇аваг̇г̇аван̣н̣анаа нидтид̇аа.
Catutthavaggavaṇṇanā niṭṭhitā.
сад̣̇д̇хаммаббаж̇ж̇од̇игааяа жуул̣анид̣̇д̣̇зса-адтагат̇ааяа
Saddhammappajjotikāya cūḷaniddesa-aṭṭhakathāya
каг̇г̇ависаан̣асуд̇д̇анид̣̇д̣̇зсаван̣н̣анаа нидтид̇аа.
Khaggavisāṇasuttaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жуул̣анид̣̇д̣̇зсабаал̣и • Cūḷaniddesapāḷi / жад̇уд̇т̇аваг̇г̇о • Catutthavaggo
