| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
8. චතුත්‌ථවිනයධරසොභනසුත්‌තං
8. Catutthavinayadharasobhanasuttaṃ
82. ‘‘සත්‌තහි , භික්‌ඛවෙ, ධම්‌මෙහි සමන්‌නාගතො 1 විනයධරො සොභති. කතමෙහි සත්‌තහි? ආපත්‌තිං ජානාති, අනාපත්‌තිං ජානාති, ලහුකං ආපත්‌තිං ජානාති, ගරුකං ආපත්‌තිං ජානාති, අනෙකවිහිතං පුබ්‌බෙනිවාසං අනුස්‌සරති, සෙය්‍යථිදං – එකම්‌පි ජාතිං, ද්‌වෙපි ජාතියො…පෙ.… ඉති සාකාරං සඋද්‌දෙසං අනෙකවිහිතං පුබ්‌බෙනිවාසං අනුස්‌සරති, දිබ්‌බෙන චක්‌ඛුනා විසුද්‌ධෙන අතික්‌කන්‌තමානුසකෙන…පෙ.… ආසවානං ඛයා…පෙ.… සච්‌ඡිකත්‌වා උපසම්‌පජ්‌ජ විහරති. ඉමෙහි ඛො, භික්‌ඛවෙ, සත්‌තහි ධම්‌මෙහි සමන්‌නාගතො විනයධරො සොභතී’’ති. අට්‌ඨමං.
82. ‘‘Sattahi , bhikkhave, dhammehi samannāgato 2 vinayadharo sobhati. Katamehi sattahi? Āpattiṃ jānāti, anāpattiṃ jānāti, lahukaṃ āpattiṃ jānāti, garukaṃ āpattiṃ jānāti, anekavihitaṃ pubbenivāsaṃ anussarati, seyyathidaṃ – ekampi jātiṃ, dvepi jātiyo…pe… iti sākāraṃ sauddesaṃ anekavihitaṃ pubbenivāsaṃ anussarati, dibbena cakkhunā visuddhena atikkantamānusakena…pe… āsavānaṃ khayā…pe… sacchikatvā upasampajja viharati. Imehi kho, bhikkhave, sattahi dhammehi samannāgato vinayadharo sobhatī’’ti. Aṭṭhamaṃ.
Footnotes:
Related texts:
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-8. පඨමවිනයධරසුත්‌තාදිවණ්‌ණනා • 1-8. Paṭhamavinayadharasuttādivaṇṇanā
