| Library / Tipiṭaka / திபிடக • Tipiṭaka / மஹாவக்³க³-அட்ட²கதா² • Mahāvagga-aṭṭhakathā |
சதுவக்³க³கரணாதி³கதா²
Catuvaggakaraṇādikathā
388. இதா³னி யதி³த³ங் ச²ட்ட²ங் த⁴ம்மேன ஸமக்³க³கம்மங் நாம, தங் யேஹி ஸங்கே⁴ஹி காதப்³ப³ங், தேஸங் பபே⁴த³ங் த³ஸ்ஸேதுங் ‘‘பஞ்ச ஸங்கா⁴’’திஆதி³ வுத்தங். கம்மப்பத்தோதி கம்மங் பத்தோ, கம்மயுத்தோ கம்மாரஹோ; ந கிஞ்சி கம்மங் காதுங் நாரஹதீதி அத்தோ².
388. Idāni yadidaṃ chaṭṭhaṃ dhammena samaggakammaṃ nāma, taṃ yehi saṅghehi kātabbaṃ, tesaṃ pabhedaṃ dassetuṃ ‘‘pañca saṅghā’’tiādi vuttaṃ. Kammappattoti kammaṃ patto, kammayutto kammāraho; na kiñci kammaṃ kātuṃ nārahatīti attho.
389. சதுவக்³க³கரணஞ்சே பி⁴க்க²வே கம்மங் பி⁴க்கு²னிசதுத்தோ²திஆதி³ பரிஸதோ கம்மவிபத்தித³ஸ்ஸனத்த²ங் வுத்தங். தத்த² உக்கி²த்தகக்³க³ஹணேன கம்மனானாஸங்வாஸகோ க³ஹிதோ, நானாஸங்வாஸகக்³க³ஹணேன லத்³தி⁴னானாஸங்வாஸகோ. நானாஸீமாய டி²தசதுத்தோ²தி ஸீமந்தரிகாய வா ப³ஹிஸீமாய வா ஹத்த²பாஸே டி²தேனாபி ஸத்³தி⁴ங் சதுவக்³கோ³ ஹுத்வாதி அத்தோ².
389.Catuvaggakaraṇañce bhikkhave kammaṃ bhikkhunicatutthotiādi parisato kammavipattidassanatthaṃ vuttaṃ. Tattha ukkhittakaggahaṇena kammanānāsaṃvāsako gahito, nānāsaṃvāsakaggahaṇena laddhinānāsaṃvāsako. Nānāsīmāya ṭhitacatutthoti sīmantarikāya vā bahisīmāya vā hatthapāse ṭhitenāpi saddhiṃ catuvaggo hutvāti attho.
393. பாரிவாஸிகசதுத்தோ²திஆதி³ பரிவாஸாதி³கம்மானங்யேவ பரிஸதோ விபத்தித³ஸ்ஸனத்த²ங் வுத்தங், தேஸங் வினிச்ச²யங் பரதோ வண்ணயிஸ்ஸாம.
393.Pārivāsikacatutthotiādi parivāsādikammānaṃyeva parisato vipattidassanatthaṃ vuttaṃ, tesaṃ vinicchayaṃ parato vaṇṇayissāma.
394. ஏகச்சஸ்ஸ பி⁴க்க²வே ஸங்க⁴மஜ்ஜே² படிக்கோஸனா ருஹதீதிஆதி³ படிகுட்ட²கதகம்மஸ்ஸ குப்பாகுப்பபா⁴வத³ஸ்ஸனத்த²ங் வுத்தங். பகதத்தஸ்ஸாதி அவிபன்னஸீலஸ்ஸ பாராஜிகங் அனஜ்ஜா²பன்னஸ்ஸ. ஆனந்தரிகஸ்ஸாதி அத்தனோ அனந்தரங் நிஸின்னஸ்ஸ.
394.Ekaccassa bhikkhave saṅghamajjhe paṭikkosanā ruhatītiādi paṭikuṭṭhakatakammassa kuppākuppabhāvadassanatthaṃ vuttaṃ. Pakatattassāti avipannasīlassa pārājikaṃ anajjhāpannassa. Ānantarikassāti attano anantaraṃ nisinnassa.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
237. சதுவக்³க³கரணாதி³கதா² • 237. Catuvaggakaraṇādikathā
238. பாரிவாஸிகாதி³கதா² • 238. Pārivāsikādikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / சதுவக்³க³கரணாதி³கதா²வண்ணனா • Catuvaggakaraṇādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / கஸ்ஸபகொ³த்தபி⁴க்கு²வத்து²கதா²தி³வண்ணனா • Kassapagottabhikkhuvatthukathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 237. சதுவக்³க³கரணாதி³கதா² • 237. Catuvaggakaraṇādikathā
