| Library / Tipiṭaka / திபிடக • Tipiṭaka / மஹாவக்³க³பாளி • Mahāvaggapāḷi |
237. சதுவக்³க³கரணாதி³கதா²
237. Catuvaggakaraṇādikathā
388. பஞ்ச ஸங்கா⁴ – சதுவக்³கோ³ பி⁴க்கு²ஸங்கோ⁴ பஞ்சவக்³கோ³ பி⁴க்கு²ஸங்கோ⁴, த³ஸவக்³கோ³ பி⁴க்கு²ஸங்கோ⁴, வீஸதிவக்³கோ³ பி⁴க்கு²ஸங்கோ⁴, அதிரேகவீஸதிவக்³கோ³ பி⁴க்கு²ஸங்கோ⁴. தத்ர, பி⁴க்க²வே, ய்வாயங் சதுவக்³கோ³ பி⁴க்கு²ஸங்கோ⁴, ட²பெத்வா தீணி கம்மானி – உபஸம்பத³ங் பவாரணங் அப்³பா⁴னங், த⁴ம்மேன ஸமக்³கோ³ ஸப்³ப³கம்மேஸு கம்மப்பத்தோ. தத்ர, பி⁴க்க²வே, ய்வாயங் பஞ்சவக்³கோ³ பி⁴க்கு²ஸங்கோ⁴, ட²பெத்வா த்³வே கம்மானி – மஜ்ஜி²மேஸு ஜனபதே³ஸு உபஸம்பத³ங் அப்³பா⁴னங், த⁴ம்மேன ஸமக்³கோ³ ஸப்³ப³கம்மேஸு கம்மப்பத்தோ. தத்ர, பி⁴க்க²வே, ய்வாயங் த³ஸவக்³கோ³ பி⁴க்கு²ஸங்கோ⁴, ட²பெத்வா ஏகங் கம்மங் – அப்³பா⁴னங், த⁴ம்மேன ஸமக்³கோ³ ஸப்³ப³கம்மேஸு கம்மப்பத்தோ. தத்ர, பி⁴க்க²வே, ய்வாயங் வீஸதிவக்³கோ³ பி⁴க்கு²ஸங்கோ⁴ த⁴ம்மேன ஸமக்³கோ³ ஸப்³ப³கம்மேஸு கம்மப்பத்தோ. தத்ர, பி⁴க்க²வே, ய்வாயங் அதிரேகவீஸதிவக்³கோ³ பி⁴க்கு²ஸங்கோ⁴ த⁴ம்மேன ஸமக்³கோ³ ஸப்³ப³கம்மேஸு கம்மப்பத்தோ.
388. Pañca saṅghā – catuvaggo bhikkhusaṅgho pañcavaggo bhikkhusaṅgho, dasavaggo bhikkhusaṅgho, vīsativaggo bhikkhusaṅgho, atirekavīsativaggo bhikkhusaṅgho. Tatra, bhikkhave, yvāyaṃ catuvaggo bhikkhusaṅgho, ṭhapetvā tīṇi kammāni – upasampadaṃ pavāraṇaṃ abbhānaṃ, dhammena samaggo sabbakammesu kammappatto. Tatra, bhikkhave, yvāyaṃ pañcavaggo bhikkhusaṅgho, ṭhapetvā dve kammāni – majjhimesu janapadesu upasampadaṃ abbhānaṃ, dhammena samaggo sabbakammesu kammappatto. Tatra, bhikkhave, yvāyaṃ dasavaggo bhikkhusaṅgho, ṭhapetvā ekaṃ kammaṃ – abbhānaṃ, dhammena samaggo sabbakammesu kammappatto. Tatra, bhikkhave, yvāyaṃ vīsativaggo bhikkhusaṅgho dhammena samaggo sabbakammesu kammappatto. Tatra, bhikkhave, yvāyaṃ atirekavīsativaggo bhikkhusaṅgho dhammena samaggo sabbakammesu kammappatto.
389. சதுவக்³க³கரணஞ்சே, பி⁴க்க²வே, கம்மங் பி⁴க்கு²னிசதுத்தோ² கம்மங் கரெய்ய – அகம்மங் ந ச கரணீயங். சதுவக்³க³கரணஞ்சே, பி⁴க்க²வே, கம்மங் ஸிக்க²மானசதுத்தோ² கம்மங் கரெய்ய… அகம்மங் ந ச கரணீயங்…பே॰…. ஸாமணேரசதுத்தோ² கம்மங் கரெய்ய… அகம்மங் ந ச கரணீயங். ஸாமணேரிசதுத்தோ² கம்மங் கரெய்ய… அகம்மங் ந ச கரணீயங். ஸிக்க²ங் பச்சக்கா²தகசதுத்தோ² கம்மங் கரெய்ய… அகம்மங் ந ச கரணீயங். அந்திமவத்து²ங் அஜ்ஜா²பன்னகசதுத்தோ² கம்மங் கரெய்ய… அகம்மங் ந ச கரணீயங். ஆபத்தியா அத³ஸ்ஸனே உக்கி²த்தகசதுத்தோ² கம்மங் கரெய்ய… அகம்மங் ந ச கரணீயங். ஆபத்தியா அப்படிகம்மே உக்கி²த்தகசதுத்தோ² கம்மங் கரெய்ய… அகம்மங் ந ச கரணீயங். பாபிகாய தி³ட்டி²யா அப்படினிஸ்ஸக்³கே³ உக்கி²த்தகசதுத்தோ² கம்மங் கரெய்ய… அகம்மங் ந ச கரணீயங். பண்ட³கசதுத்தோ² கம்மங் கரெய்ய… அகம்மங் ந ச கரணீயங். தெ²ய்யஸங்வாஸகசதுத்தோ² கம்மங் கரெய்ய… அகம்மங் ந ச கரணீயங். தித்தி²யபக்கந்தகசதுத்தோ² கம்மங் கரெய்ய… அகம்மங் ந ச கரணீயங். திரச்சா²னக³தசதுத்தோ² கம்மங் கரெய்ய… அகம்மங் ந ச கரணீயங். மாதுகா⁴தகசதுத்தோ² கம்மங் கரெய்ய… அகம்மங் ந ச கரணீயங். பிதுகா⁴தகசதுத்தோ² கம்மங் கரெய்ய… அகம்மங் ந ச கரணீயங். அரஹந்தகா⁴தகசதுத்தோ² கம்மங் கரெய்ய… அகம்மங் ந ச கரணீயங். பி⁴க்கு²னிதூ³ஸகசதுத்தோ² கம்மங் கரெய்ய… அகம்மங் ந ச கரணீயங். ஸங்க⁴பே⁴த³கசதுத்தோ² கம்மங் கரெய்ய… அகம்மங் ந ச கரணீயங். லோஹிதுப்பாத³கசதுத்தோ² கம்மங் கரெய்ய… அகம்மங் ந ச கரணீயங். உப⁴தொப்³யஞ்ஜனகசதுத்தோ² கம்மங் கரெய்ய… அகம்மங் ந ச கரணீயங். நானாஸங்வாஸகசதுத்தோ² கம்மங் கரெய்ய… அகம்மங் ந ச கரணீயங். நானாஸீமாய டி²தசதுத்தோ² கம்மங் கரெய்ய… அகம்மங் ந ச கரணீயங். இத்³தி⁴யா வேஹாஸே டி²தசதுத்தோ² கம்மங் கரெய்ய… அகம்மங் ந ச கரணீயங். யஸ்ஸ ஸங்கோ⁴ கம்மங் கரோதி, தங்சதுத்தோ² கம்மங் கரெய்ய … அகம்மங் ந ச கரணீயங்.
389. Catuvaggakaraṇañce, bhikkhave, kammaṃ bhikkhunicatuttho kammaṃ kareyya – akammaṃ na ca karaṇīyaṃ. Catuvaggakaraṇañce, bhikkhave, kammaṃ sikkhamānacatuttho kammaṃ kareyya… akammaṃ na ca karaṇīyaṃ…pe…. Sāmaṇeracatuttho kammaṃ kareyya… akammaṃ na ca karaṇīyaṃ. Sāmaṇericatuttho kammaṃ kareyya… akammaṃ na ca karaṇīyaṃ. Sikkhaṃ paccakkhātakacatuttho kammaṃ kareyya… akammaṃ na ca karaṇīyaṃ. Antimavatthuṃ ajjhāpannakacatuttho kammaṃ kareyya… akammaṃ na ca karaṇīyaṃ. Āpattiyā adassane ukkhittakacatuttho kammaṃ kareyya… akammaṃ na ca karaṇīyaṃ. Āpattiyā appaṭikamme ukkhittakacatuttho kammaṃ kareyya… akammaṃ na ca karaṇīyaṃ. Pāpikāya diṭṭhiyā appaṭinissagge ukkhittakacatuttho kammaṃ kareyya… akammaṃ na ca karaṇīyaṃ. Paṇḍakacatuttho kammaṃ kareyya… akammaṃ na ca karaṇīyaṃ. Theyyasaṃvāsakacatuttho kammaṃ kareyya… akammaṃ na ca karaṇīyaṃ. Titthiyapakkantakacatuttho kammaṃ kareyya… akammaṃ na ca karaṇīyaṃ. Tiracchānagatacatuttho kammaṃ kareyya… akammaṃ na ca karaṇīyaṃ. Mātughātakacatuttho kammaṃ kareyya… akammaṃ na ca karaṇīyaṃ. Pitughātakacatuttho kammaṃ kareyya… akammaṃ na ca karaṇīyaṃ. Arahantaghātakacatuttho kammaṃ kareyya… akammaṃ na ca karaṇīyaṃ. Bhikkhunidūsakacatuttho kammaṃ kareyya… akammaṃ na ca karaṇīyaṃ. Saṅghabhedakacatuttho kammaṃ kareyya… akammaṃ na ca karaṇīyaṃ. Lohituppādakacatuttho kammaṃ kareyya… akammaṃ na ca karaṇīyaṃ. Ubhatobyañjanakacatuttho kammaṃ kareyya… akammaṃ na ca karaṇīyaṃ. Nānāsaṃvāsakacatuttho kammaṃ kareyya… akammaṃ na ca karaṇīyaṃ. Nānāsīmāya ṭhitacatuttho kammaṃ kareyya… akammaṃ na ca karaṇīyaṃ. Iddhiyā vehāse ṭhitacatuttho kammaṃ kareyya… akammaṃ na ca karaṇīyaṃ. Yassa saṅgho kammaṃ karoti, taṃcatuttho kammaṃ kareyya … akammaṃ na ca karaṇīyaṃ.
சதுவரணங்.
Catuvaraṇaṃ.
390. பஞ்சவக்³க³கரணஞ்சே, பி⁴க்க²வே, கம்மங் பி⁴க்கு²னிபஞ்சமோ கம்மங் கரெய்ய… அகம்மங் ந ச கரணீயங். பஞ்சவக்³க³கரணஞ்சே, பி⁴க்க²வே, கம்மங் ஸிக்க²மானபஞ்சமோ கம்மங் கரெய்ய…பே॰…. ஸாமணேரபஞ்சமோ கம்மங் கரெய்ய… ஸாமணேரிபஞ்சமோ கம்மங் கரெய்ய … ஸிக்க²ங் பச்சக்கா²தகபஞ்சமோ கம்மங் கரெய்ய… அந்திமவத்து²ங் அஜ்ஜா²பன்னகபஞ்சமோ கம்மங் கரெய்ய… ஆபத்தியா அத³ஸ்ஸனே உக்கி²த்தகபஞ்சமோ கம்மங் கரெய்ய… ஆபத்தியா அப்படிகம்மே உக்கி²த்தகபஞ்சமோ கம்மங் கரெய்ய… பாபிகாய தி³ட்டி²யா அப்படினிஸ்ஸக்³கே³ உக்கி²த்தகபஞ்சமோ கம்மங் கரெய்ய… பண்ட³கபஞ்சமோ கம்மங் கரெய்ய… தெ²ய்யஸங்வாஸகபஞ்சமோ கம்மங் கரெய்ய… தித்தி²யபக்கந்தகபஞ்சமோ கம்மங் கரெய்ய… திரச்சா²னக³தபஞ்சமோ கம்மங் கரெய்ய… மாதுகா⁴தகபஞ்சமோ கம்மங் கரெய்ய… பிதுகா⁴தகபஞ்சமோ கம்மங் கரெய்ய… அரஹந்தகா⁴தகபஞ்சமோ கம்மங் கரெய்ய… பி⁴க்கு²னிதூ³ஸகபஞ்சமோ கம்மங் கரெய்ய… ஸங்க⁴பே⁴த³கபஞ்சமோ கம்மங் கரெய்ய… லோஹிதுப்பாத³கபஞ்சமோ கம்மங் கரெய்ய… உப⁴தொப்³யஞ்ஜனகபஞ்சமோ கம்மங் கரெய்ய… நானாஸங்வாஸகபஞ்சமோ கம்மங் கரெய்ய… நானாஸீமாய டி²தபஞ்சமோ கம்மங் கரெய்ய… இத்³தி⁴யா வேஹாஸே டி²தபஞ்சமோ கம்மங் கரெய்ய… யஸ்ஸ ஸங்கோ⁴ கம்மங் கரோதி, தங்பஞ்சமோ கம்மங் கரெய்ய – அகம்மங் ந ச கரணீயங்.
390. Pañcavaggakaraṇañce, bhikkhave, kammaṃ bhikkhunipañcamo kammaṃ kareyya… akammaṃ na ca karaṇīyaṃ. Pañcavaggakaraṇañce, bhikkhave, kammaṃ sikkhamānapañcamo kammaṃ kareyya…pe…. Sāmaṇerapañcamo kammaṃ kareyya… sāmaṇeripañcamo kammaṃ kareyya … sikkhaṃ paccakkhātakapañcamo kammaṃ kareyya… antimavatthuṃ ajjhāpannakapañcamo kammaṃ kareyya… āpattiyā adassane ukkhittakapañcamo kammaṃ kareyya… āpattiyā appaṭikamme ukkhittakapañcamo kammaṃ kareyya… pāpikāya diṭṭhiyā appaṭinissagge ukkhittakapañcamo kammaṃ kareyya… paṇḍakapañcamo kammaṃ kareyya… theyyasaṃvāsakapañcamo kammaṃ kareyya… titthiyapakkantakapañcamo kammaṃ kareyya… tiracchānagatapañcamo kammaṃ kareyya… mātughātakapañcamo kammaṃ kareyya… pitughātakapañcamo kammaṃ kareyya… arahantaghātakapañcamo kammaṃ kareyya… bhikkhunidūsakapañcamo kammaṃ kareyya… saṅghabhedakapañcamo kammaṃ kareyya… lohituppādakapañcamo kammaṃ kareyya… ubhatobyañjanakapañcamo kammaṃ kareyya… nānāsaṃvāsakapañcamo kammaṃ kareyya… nānāsīmāya ṭhitapañcamo kammaṃ kareyya… iddhiyā vehāse ṭhitapañcamo kammaṃ kareyya… yassa saṅgho kammaṃ karoti, taṃpañcamo kammaṃ kareyya – akammaṃ na ca karaṇīyaṃ.
பஞ்சவக்³க³கரணங்.
Pañcavaggakaraṇaṃ.
391. த³ஸவக்³க³கரணஞ்சே, பி⁴க்க²வே, கம்மங் பி⁴க்கு²னித³ஸமோ கம்மங் கரெய்ய, அகம்மங் ந ச கரணீயங். த³ஸவக்³க³கரணஞ்சே, பி⁴க்க²வே, கம்மங் ஸிக்க²மானத³ஸமோ கம்மங் கரெய்ய, அகம்மங் ந ச கரணீயங்…பே॰… . த³ஸவக்³க³கரணஞ்சே, பி⁴க்க²வே, கம்மங் யஸ்ஸ ஸங்கோ⁴ கம்மங் கரோதி, தங்த³ஸமோ கம்மங் கரெய்ய – அகம்மங் ந ச கரணீயங்.
391. Dasavaggakaraṇañce, bhikkhave, kammaṃ bhikkhunidasamo kammaṃ kareyya, akammaṃ na ca karaṇīyaṃ. Dasavaggakaraṇañce, bhikkhave, kammaṃ sikkhamānadasamo kammaṃ kareyya, akammaṃ na ca karaṇīyaṃ…pe… . Dasavaggakaraṇañce, bhikkhave, kammaṃ yassa saṅgho kammaṃ karoti, taṃdasamo kammaṃ kareyya – akammaṃ na ca karaṇīyaṃ.
த³ஸவக்³க³கரணங்.
Dasavaggakaraṇaṃ.
392. வீஸதிவக்³க³கரணஞ்சே, பி⁴க்க²வே, கம்மங் பி⁴க்கு²னிவீஸோ கம்மங் கரெய்ய – அகம்மங் ந ச கரணீயங். வீஸதிவக்³க³கரணஞ்சே, பி⁴க்க²வே, கம்மங் ஸிக்க²மானவீஸோ கம்மங் கரெய்ய …பே॰… ஸாமணேரவீஸோ கம்மங் கரெய்ய… ஸாமணேரிவீஸோ கம்மங் கரெய்ய… ஸிக்க²ங் பச்சக்கா²தகவீஸோ கம்மங் கரெய்ய… அந்திமவத்து²ங் அஜ்ஜா²பன்னகவீஸோ கம்மங் கரெய்ய… ஆபத்தியா அத³ஸ்ஸனே உக்கி²த்தகவீஸோ கம்மங் கரெய்ய… ஆபத்தியா அப்படிகம்மே உக்கி²த்தகவீஸோ கம்மங் கரெய்ய… பாபிகாய தி³ட்டி²யா அப்படினிஸ்ஸக்³கே³ உக்கி²த்தகவீஸோ கம்மங் கரெய்ய… பண்ட³கவீஸோ கம்மங் கரெய்ய… தெ²ய்யஸங்வாஸகவீஸோ கம்மங் கரெய்ய… தித்தி²யபக்கந்தகவீஸோ கம்மங் கரெய்ய… திரச்சா²னக³தவீஸோ கம்மங் கரெய்ய… மாதுகா⁴தகவீஸோ கம்மங் கரெய்ய… பிதுகா⁴தகவீஸோ கம்மங் கரெய்ய… அரஹந்தகா⁴தகவீஸோ கம்மங் கரெய்ய… பி⁴க்கு²னிதூ³ஸகவீஸோ கம்மங் கரெய்ய… ஸங்க⁴பே⁴த³கவீஸோ கம்மங் கரெய்ய… லோஹிதுப்பாத³கவீஸோ கம்மங் கரெய்ய… உப⁴தொப்³யஞ்ஜனகவீஸோ கம்மங் கரெய்ய… நானாஸங்வாஸகவீஸோ கம்மங் கரெய்ய… நானாஸீமாய டி²தவீஸோ கம்மங் கரெய்ய… இத்³தி⁴யா வேஹாஸே டி²தவீஸோ கம்மங் கரெய்ய… யஸ்ஸ ஸங்கோ⁴ கம்மங் கரோதி, தங்வீஸோ கம்மங் கரெய்ய – அகம்மங் ந ச கரணீயங்.
392. Vīsativaggakaraṇañce, bhikkhave, kammaṃ bhikkhunivīso kammaṃ kareyya – akammaṃ na ca karaṇīyaṃ. Vīsativaggakaraṇañce, bhikkhave, kammaṃ sikkhamānavīso kammaṃ kareyya …pe… sāmaṇeravīso kammaṃ kareyya… sāmaṇerivīso kammaṃ kareyya… sikkhaṃ paccakkhātakavīso kammaṃ kareyya… antimavatthuṃ ajjhāpannakavīso kammaṃ kareyya… āpattiyā adassane ukkhittakavīso kammaṃ kareyya… āpattiyā appaṭikamme ukkhittakavīso kammaṃ kareyya… pāpikāya diṭṭhiyā appaṭinissagge ukkhittakavīso kammaṃ kareyya… paṇḍakavīso kammaṃ kareyya… theyyasaṃvāsakavīso kammaṃ kareyya… titthiyapakkantakavīso kammaṃ kareyya… tiracchānagatavīso kammaṃ kareyya… mātughātakavīso kammaṃ kareyya… pitughātakavīso kammaṃ kareyya… arahantaghātakavīso kammaṃ kareyya… bhikkhunidūsakavīso kammaṃ kareyya… saṅghabhedakavīso kammaṃ kareyya… lohituppādakavīso kammaṃ kareyya… ubhatobyañjanakavīso kammaṃ kareyya… nānāsaṃvāsakavīso kammaṃ kareyya… nānāsīmāya ṭhitavīso kammaṃ kareyya… iddhiyā vehāse ṭhitavīso kammaṃ kareyya… yassa saṅgho kammaṃ karoti, taṃvīso kammaṃ kareyya – akammaṃ na ca karaṇīyaṃ.
வீஸதிவக்³க³கரணங்.
Vīsativaggakaraṇaṃ.
சதுவக்³க³கரணாதி³கதா² நிட்டி²தா.
Catuvaggakaraṇādikathā niṭṭhitā.
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / சதுவக்³க³கரணாதி³கதா² • Catuvaggakaraṇādikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / சதுவக்³க³கரணாதி³கதா²வண்ணனா • Catuvaggakaraṇādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / கஸ்ஸபகொ³த்தபி⁴க்கு²வத்து²கதா²தி³வண்ணனா • Kassapagottabhikkhuvatthukathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 237. சதுவக்³க³கரணாதி³கதா² • 237. Catuvaggakaraṇādikathā
