| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
237. சதுவக்³க³கரணாதி³கதா²
237. Catuvaggakaraṇādikathā
388. யதி³த³ங் கம்மந்தி யோஜனா. தேஸந்தி ஸங்கா⁴னங். கம்மப்பத்தோதி எத்த² கம்மேன, கம்மஸ்ஸ வா பத்தோதி அத்த²ங் படிக்கி²பந்தோ ஆஹ ‘‘கம்மங் பத்தோ’’தி. ‘‘ஸப்³ப³கம்மேஸு கம்மபத்தோ’’தி பாளினயேன ‘‘கம்மேஸு பத்தோ’’தி அத்தோ²பி யுஜ்ஜதி. லோகவோஹாரவஸேன ‘‘கம்மேன கம்மஸ்ஸ வா பத்தோ’’தி அத்தோ²பி யுஜ்ஜதேவ.
388. Yadidaṃ kammanti yojanā. Tesanti saṅghānaṃ. Kammappattoti ettha kammena, kammassa vā pattoti atthaṃ paṭikkhipanto āha ‘‘kammaṃ patto’’ti. ‘‘Sabbakammesu kammapatto’’ti pāḷinayena ‘‘kammesu patto’’ti atthopi yujjati. Lokavohāravasena ‘‘kammena kammassa vā patto’’ti atthopi yujjateva.
389. பரிஸதோதி பரிஸகாரணா. தத்தா²தி ‘‘சதுவக்³க³கரணஞ்சே பி⁴க்க²வே’’திஆதி³பாடே², சதுவீஸதிபுக்³க³லேஸு வா. கம்மனானாஸங்வாஸகோதி உக்கே²பனீயகம்மகதோ. லத்³தி⁴னானாஸங்வாஸகோதி உக்கி²த்தானுவத்தகோ. ‘‘ஹுத்வா’’தி இமினா ‘‘பி⁴க்கு²னீசதுத்தோ²’’திஆதீ³ஸு சதுவீஸதியா டா²னேஸு கிரியாவிஸேஸனபா⁴வங் த³ஸ்ஸேதி. பி⁴க்கு²னீ சதுத்தீ² ஏதஸ்ஸாதி பி⁴க்கு²னீசதுத்தோ², சதுவக்³கோ³ ஸங்கோ⁴திஆதி³னா வசனத்தோ² காதப்³போ³.
389.Parisatoti parisakāraṇā. Tatthāti ‘‘catuvaggakaraṇañce bhikkhave’’tiādipāṭhe, catuvīsatipuggalesu vā. Kammanānāsaṃvāsakoti ukkhepanīyakammakato. Laddhinānāsaṃvāsakoti ukkhittānuvattako. ‘‘Hutvā’’ti iminā ‘‘bhikkhunīcatuttho’’tiādīsu catuvīsatiyā ṭhānesu kiriyāvisesanabhāvaṃ dasseti. Bhikkhunī catutthī etassāti bhikkhunīcatuttho, catuvaggo saṅghotiādinā vacanattho kātabbo.
393. பரிவாஸாதீ³திஆதி³ஸத்³தே³ன மூலாயகஸ்ஸனமானத்தஅப்³பா⁴னானி ஸங்க³ண்ஹாதி. தேஸந்தி பரிவாஸாதி³கம்மானங். பரதோதி பரஸ்மிங் சூளவக்³கே³ (சூளவ॰ அட்ட²॰ 75 ஆத³யோ).
393.Parivāsādītiādisaddena mūlāyakassanamānattaabbhānāni saṅgaṇhāti. Tesanti parivāsādikammānaṃ. Paratoti parasmiṃ cūḷavagge (cūḷava. aṭṭha. 75 ādayo).
394. படிகுட்ட²கதகம்மஸ்ஸாதி படிகுட்ட²ஸ்ஸ ஹுத்வா கதஸ்ஸ கம்மஸ்ஸ. பகதத்தஸ்ஸாதி எத்த² பகதிஸீலஸங்கா²தோ அத்தா ஸபா⁴வோ ஏதஸ்ஸாதி பகதத்தோதி அத்த²ங் த³ஸ்ஸெந்தோ ஆஹ ‘‘அவிபன்னஸீலஸ்ஸா’’தி. ஸங்கா⁴தி³ஸேஸங் அனாபஜ்ஜந்தஸ்ஸாபி அவிபன்னஸீலத்தா வுத்தங் ‘‘பாராஜிகங் அனஜ்ஜா²பன்னஸ்ஸா’’தி. இமினா ஸங்கா⁴தி³ஸேஸங் ஆபஜ்ஜந்தோபி பகதத்தோயேவாதி த³ஸ்ஸேதி. ஸோபி ஹி இத⁴ அவிபன்னஸீலோ நாம, அஞ்ஞத்த² பன ஸங்கா⁴தி³ஸேஸஸ்ஸ ஸீலவிபத்திபா⁴வதோ தங் ஆபஜ்ஜந்தோபி விபன்னஸீலோயேவ நாம. ஆனந்தரிகஸ்ஸாதி எத்த² அனந்தரஸத்³த³ஸ்ஸ ஸம்ப³ந்த⁴ஞ்ச ணிகபச்சயஸ்ஸ அத்த²ஞ்ச த³ஸ்ஸெந்தோ ஆஹ ‘‘அத்தனோ அனந்தரங் நிஸின்னஸ்ஸா’’தி. தத்த² ‘‘அத்தனோ’’தி இமினா அனந்தரஸத்³த³ஸ்ஸ ஸம்ப³ந்த⁴ங் த³ஸ்ஸேதி. ‘‘நிஸின்னஸ்ஸா’’தி இமினா ணிகபச்சயஸ்ஸ அத்த²ங் த³ஸ்ஸேதி.
394.Paṭikuṭṭhakatakammassāti paṭikuṭṭhassa hutvā katassa kammassa. Pakatattassāti ettha pakatisīlasaṅkhāto attā sabhāvo etassāti pakatattoti atthaṃ dassento āha ‘‘avipannasīlassā’’ti. Saṅghādisesaṃ anāpajjantassāpi avipannasīlattā vuttaṃ ‘‘pārājikaṃ anajjhāpannassā’’ti. Iminā saṅghādisesaṃ āpajjantopi pakatattoyevāti dasseti. Sopi hi idha avipannasīlo nāma, aññattha pana saṅghādisesassa sīlavipattibhāvato taṃ āpajjantopi vipannasīloyeva nāma. Ānantarikassāti ettha anantarasaddassa sambandhañca ṇikapaccayassa atthañca dassento āha ‘‘attano anantaraṃ nisinnassā’’ti. Tattha ‘‘attano’’ti iminā anantarasaddassa sambandhaṃ dasseti. ‘‘Nisinnassā’’ti iminā ṇikapaccayassa atthaṃ dasseti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
237. சதுவக்³க³கரணாதி³கதா² • 237. Catuvaggakaraṇādikathā
238. பாரிவாஸிகாதி³கதா² • 238. Pārivāsikādikathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / சதுவக்³க³கரணாதி³கதா² • Catuvaggakaraṇādikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / சதுவக்³க³கரணாதி³கதா²வண்ணனா • Catuvaggakaraṇādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / கஸ்ஸபகொ³த்தபி⁴க்கு²வத்து²கதா²தி³வண்ணனா • Kassapagottabhikkhuvatthukathādivaṇṇanā
