| Library / Tipiṭaka / তিপিটক • Tipiṭaka / মহাৰগ্গ-অট্ঠকথা • Mahāvagga-aṭṭhakathā |
চতুৰগ্গকরণাদিকথা
Catuvaggakaraṇādikathā
৩৮৮. ইদানি যদিদং ছট্ঠং ধম্মেন সমগ্গকম্মং নাম, তং যেহি সঙ্ঘেহি কাতব্বং, তেসং পভেদং দস্সেতুং ‘‘পঞ্চ সঙ্ঘা’’তিআদি ৰুত্তং। কম্মপ্পত্তোতি কম্মং পত্তো, কম্মযুত্তো কম্মারহো; ন কিঞ্চি কম্মং কাতুং নারহতীতি অত্থো।
388. Idāni yadidaṃ chaṭṭhaṃ dhammena samaggakammaṃ nāma, taṃ yehi saṅghehi kātabbaṃ, tesaṃ pabhedaṃ dassetuṃ ‘‘pañca saṅghā’’tiādi vuttaṃ. Kammappattoti kammaṃ patto, kammayutto kammāraho; na kiñci kammaṃ kātuṃ nārahatīti attho.
৩৮৯. চতুৰগ্গকরণঞ্চে ভিক্খৰে কম্মং ভিক্খুনিচতুত্থোতিআদি পরিসতো কম্মৰিপত্তিদস্সনত্থং ৰুত্তং। তত্থ উক্খিত্তকগ্গহণেন কম্মনানাসংৰাসকো গহিতো, নানাসংৰাসকগ্গহণেন লদ্ধিনানাসংৰাসকো। নানাসীমায ঠিতচতুত্থোতি সীমন্তরিকায ৰা বহিসীমায ৰা হত্থপাসে ঠিতেনাপি সদ্ধিং চতুৰগ্গো হুত্ৰাতি অত্থো।
389.Catuvaggakaraṇañce bhikkhave kammaṃ bhikkhunicatutthotiādi parisato kammavipattidassanatthaṃ vuttaṃ. Tattha ukkhittakaggahaṇena kammanānāsaṃvāsako gahito, nānāsaṃvāsakaggahaṇena laddhinānāsaṃvāsako. Nānāsīmāya ṭhitacatutthoti sīmantarikāya vā bahisīmāya vā hatthapāse ṭhitenāpi saddhiṃ catuvaggo hutvāti attho.
৩৯৩. পারিৰাসিকচতুত্থোতিআদি পরিৰাসাদিকম্মানংযেৰ পরিসতো ৰিপত্তিদস্সনত্থং ৰুত্তং, তেসং ৰিনিচ্ছযং পরতো ৰণ্ণযিস্সাম।
393.Pārivāsikacatutthotiādi parivāsādikammānaṃyeva parisato vipattidassanatthaṃ vuttaṃ, tesaṃ vinicchayaṃ parato vaṇṇayissāma.
৩৯৪. একচ্চস্স ভিক্খৰে সঙ্ঘমজ্ঝে পটিক্কোসনা রুহতীতিআদি পটিকুট্ঠকতকম্মস্স কুপ্পাকুপ্পভাৰদস্সনত্থং ৰুত্তং। পকতত্তস্সাতি অৰিপন্নসীলস্স পারাজিকং অনজ্ঝাপন্নস্স। আনন্তরিকস্সাতি অত্তনো অনন্তরং নিসিন্নস্স।
394.Ekaccassa bhikkhave saṅghamajjhe paṭikkosanā ruhatītiādi paṭikuṭṭhakatakammassa kuppākuppabhāvadassanatthaṃ vuttaṃ. Pakatattassāti avipannasīlassa pārājikaṃ anajjhāpannassa. Ānantarikassāti attano anantaraṃ nisinnassa.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
২৩৭. চতুৰগ্গকরণাদিকথা • 237. Catuvaggakaraṇādikathā
২৩৮. পারিৰাসিকাদিকথা • 238. Pārivāsikādikathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / চতুৰগ্গকরণাদিকথাৰণ্ণনা • Catuvaggakaraṇādikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / কস্সপগোত্তভিক্খুৰত্থুকথাদিৰণ্ণনা • Kassapagottabhikkhuvatthukathādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ২৩৭. চতুৰগ্গকরণাদিকথা • 237. Catuvaggakaraṇādikathā
