| Library / Tipiṭaka / ติปิฎก • Tipiṭaka / มหาวคฺค-อฎฺฐกถา • Mahāvagga-aṭṭhakathā |
จตุวคฺคกรณาทิกถา
Catuvaggakaraṇādikathā
๓๘๘. อิทานิ ยทิทํ ฉฎฺฐํ ธเมฺมน สมคฺคกมฺมํ นาม, ตํ เยหิ สเงฺฆหิ กาตพฺพํ, เตสํ ปเภทํ ทเสฺสตุํ ‘‘ปญฺจ สงฺฆา’’ติอาทิ วุตฺตํฯ กมฺมปฺปโตฺตติ กมฺมํ ปโตฺต, กมฺมยุโตฺต กมฺมารโห; น กิญฺจิ กมฺมํ กาตุํ นารหตีติ อโตฺถฯ
388. Idāni yadidaṃ chaṭṭhaṃ dhammena samaggakammaṃ nāma, taṃ yehi saṅghehi kātabbaṃ, tesaṃ pabhedaṃ dassetuṃ ‘‘pañca saṅghā’’tiādi vuttaṃ. Kammappattoti kammaṃ patto, kammayutto kammāraho; na kiñci kammaṃ kātuṃ nārahatīti attho.
๓๘๙. จตุวคฺคกรณเญฺจ ภิกฺขเว กมฺมํ ภิกฺขุนิจตุโตฺถติอาทิ ปริสโต กมฺมวิปตฺติทสฺสนตฺถํ วุตฺตํฯ ตตฺถ อุกฺขิตฺตกคฺคหเณน กมฺมนานาสํวาสโก คหิโต, นานาสํวาสกคฺคหเณน ลทฺธินานาสํวาสโกฯ นานาสีมาย ฐิตจตุโตฺถติ สีมนฺตริกาย วา พหิสีมาย วา หตฺถปาเส ฐิเตนาปิ สทฺธิํ จตุวโคฺค หุตฺวาติ อโตฺถฯ
389.Catuvaggakaraṇañce bhikkhave kammaṃ bhikkhunicatutthotiādi parisato kammavipattidassanatthaṃ vuttaṃ. Tattha ukkhittakaggahaṇena kammanānāsaṃvāsako gahito, nānāsaṃvāsakaggahaṇena laddhinānāsaṃvāsako. Nānāsīmāya ṭhitacatutthoti sīmantarikāya vā bahisīmāya vā hatthapāse ṭhitenāpi saddhiṃ catuvaggo hutvāti attho.
๓๙๓. ปาริวาสิกจตุโตฺถติอาทิ ปริวาสาทิกมฺมานํเยว ปริสโต วิปตฺติทสฺสนตฺถํ วุตฺตํ, เตสํ วินิจฺฉยํ ปรโต วณฺณยิสฺสามฯ
393.Pārivāsikacatutthotiādi parivāsādikammānaṃyeva parisato vipattidassanatthaṃ vuttaṃ, tesaṃ vinicchayaṃ parato vaṇṇayissāma.
๓๙๔. เอกจฺจสฺส ภิกฺขเว สงฺฆมเชฺฌ ปฎิโกฺกสนา รุหตีติอาทิ ปฎิกุฎฺฐกตกมฺมสฺส กุปฺปากุปฺปภาวทสฺสนตฺถํ วุตฺตํฯ ปกตตฺตสฺสาติ อวิปนฺนสีลสฺส ปาราชิกํ อนชฺฌาปนฺนสฺสฯ อานนฺตริกสฺสาติ อตฺตโน อนนฺตรํ นิสินฺนสฺสฯ
394.Ekaccassa bhikkhave saṅghamajjhe paṭikkosanā ruhatītiādi paṭikuṭṭhakatakammassa kuppākuppabhāvadassanatthaṃ vuttaṃ. Pakatattassāti avipannasīlassa pārājikaṃ anajjhāpannassa. Ānantarikassāti attano anantaraṃ nisinnassa.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi
๒๓๗. จตุวคฺคกรณาทิกถา • 237. Catuvaggakaraṇādikathā
๒๓๘. ปาริวาสิกาทิกถา • 238. Pārivāsikādikathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / จตุวคฺคกรณาทิกถาวณฺณนา • Catuvaggakaraṇādikathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / กสฺสปโคตฺตภิกฺขุวตฺถุกถาทิวณฺณนา • Kassapagottabhikkhuvatthukathādivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๒๓๗. จตุวคฺคกรณาทิกถา • 237. Catuvaggakaraṇādikathā
