| Library / Tipiṭaka / တိပိဋက • Tipiṭaka / မဟာဝဂ္ဂ-အဋ္ဌကထာ • Mahāvagga-aṭṭhakathā |
စတုဝဂ္ဂကရဏာဒိကထာ
Catuvaggakaraṇādikathā
၃၈၈. ဣဒာနိ ယဒိဒံ ဆဋ္ဌံ ဓမ္မေန သမဂ္ဂကမ္မံ နာမ, တံ ယေဟိ သင္ဃေဟိ ကာတဗ္ဗံ, တေသံ ပဘေဒံ ဒသ္သေတုံ ‘‘ပဉ္စ သင္ဃာ’’တိအာဒိ ဝုတ္တံ။ ကမ္မပ္ပတ္တောတိ ကမ္မံ ပတ္တော, ကမ္မယုတ္တော ကမ္မာရဟော; န ကိဉ္စိ ကမ္မံ ကာတုံ နာရဟတီတိ အတ္ထော။
388. Idāni yadidaṃ chaṭṭhaṃ dhammena samaggakammaṃ nāma, taṃ yehi saṅghehi kātabbaṃ, tesaṃ pabhedaṃ dassetuṃ ‘‘pañca saṅghā’’tiādi vuttaṃ. Kammappattoti kammaṃ patto, kammayutto kammāraho; na kiñci kammaṃ kātuṃ nārahatīti attho.
၃၈၉. စတုဝဂ္ဂကရဏဉ္စေ ဘိက္ခဝေ ကမ္မံ ဘိက္ခုနိစတုတ္ထောတိအာဒိ ပရိသတော ကမ္မဝိပတ္တိဒသ္သနတ္ထံ ဝုတ္တံ။ တတ္ထ ဥက္ခိတ္တကဂ္ဂဟဏေန ကမ္မနာနာသံဝာသကော ဂဟိတော, နာနာသံဝာသကဂ္ဂဟဏေန လဒ္ဓိနာနာသံဝာသကော။ နာနာသီမာယ ဌိတစတုတ္ထောတိ သီမန္တရိကာယ ဝာ ဗဟိသီမာယ ဝာ ဟတ္ထပာသေ ဌိတေနာပိ သဒ္ဓိံ စတုဝဂ္ဂော ဟုတ္ဝာတိ အတ္ထော။
389.Catuvaggakaraṇañce bhikkhave kammaṃ bhikkhunicatutthotiādi parisato kammavipattidassanatthaṃ vuttaṃ. Tattha ukkhittakaggahaṇena kammanānāsaṃvāsako gahito, nānāsaṃvāsakaggahaṇena laddhinānāsaṃvāsako. Nānāsīmāya ṭhitacatutthoti sīmantarikāya vā bahisīmāya vā hatthapāse ṭhitenāpi saddhiṃ catuvaggo hutvāti attho.
၃၉၃. ပာရိဝာသိကစတုတ္ထောတိအာဒိ ပရိဝာသာဒိကမ္မာနံယေဝ ပရိသတော ဝိပတ္တိဒသ္သနတ္ထံ ဝုတ္တံ, တေသံ ဝိနိစ္ဆယံ ပရတော ဝဏ္ဏယိသ္သာမ။
393.Pārivāsikacatutthotiādi parivāsādikammānaṃyeva parisato vipattidassanatthaṃ vuttaṃ, tesaṃ vinicchayaṃ parato vaṇṇayissāma.
၃၉၄. ဧကစ္စသ္သ ဘိက္ခဝေ သင္ဃမဇ္ဈေ ပဋိက္ကောသနာ ရုဟတီတိအာဒိ ပဋိကုဋ္ဌကတကမ္မသ္သ ကုပ္ပာကုပ္ပဘာဝဒသ္သနတ္ထံ ဝုတ္တံ။ ပကတတ္တသ္သာတိ အဝိပန္နသီလသ္သ ပာရာဇိကံ အနဇ္ဈာပန္နသ္သ။ အာနန္တရိကသ္သာတိ အတ္တနော အနန္တရံ နိသိန္နသ္သ။
394.Ekaccassa bhikkhave saṅghamajjhe paṭikkosanā ruhatītiādi paṭikuṭṭhakatakammassa kuppākuppabhāvadassanatthaṃ vuttaṃ. Pakatattassāti avipannasīlassa pārājikaṃ anajjhāpannassa. Ānantarikassāti attano anantaraṃ nisinnassa.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi
၂၃၇. စတုဝဂ္ဂကရဏာဒိကထာ • 237. Catuvaggakaraṇādikathā
၂၃၈. ပာရိဝာသိကာဒိကထာ • 238. Pārivāsikādikathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / စတုဝဂ္ဂကရဏာဒိကထာဝဏ္ဏနာ • Catuvaggakaraṇādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ကသ္သပဂောတ္တဘိက္ခုဝတ္ထုကထာဒိဝဏ္ဏနာ • Kassapagottabhikkhuvatthukathādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၂၃၇. စတုဝဂ္ဂကရဏာဒိကထာ • 237. Catuvaggakaraṇādikathā
