| Library / Tipiṭaka / තිපිටක • Tipiṭaka / මහාවග්‌ග-අට්‌ඨකථා • Mahāvagga-aṭṭhakathā |
චතුවග්‌ගකරණාදිකථා
Catuvaggakaraṇādikathā
388. ඉදානි යදිදං ඡට්‌ඨං ධම්‌මෙන සමග්‌ගකම්‌මං නාම, තං යෙහි සඞ්‌ඝෙහි කාතබ්‌බං, තෙසං පභෙදං දස්‌සෙතුං ‘‘පඤ්‌ච සඞ්‌ඝා’’තිආදි වුත්‌තං. කම්‌මප්‌පත්‌තොති කම්‌මං පත්‌තො, කම්‌මයුත්‌තො කම්‌මාරහො; න කිඤ්‌චි කම්‌මං කාතුං නාරහතීති අත්‌ථො.
388. Idāni yadidaṃ chaṭṭhaṃ dhammena samaggakammaṃ nāma, taṃ yehi saṅghehi kātabbaṃ, tesaṃ pabhedaṃ dassetuṃ ‘‘pañca saṅghā’’tiādi vuttaṃ. Kammappattoti kammaṃ patto, kammayutto kammāraho; na kiñci kammaṃ kātuṃ nārahatīti attho.
389. චතුවග්‌ගකරණඤ්‌චෙ භික්‌ඛවෙ කම්‌මං භික්‌ඛුනිචතුත්‌ථොතිආදි පරිසතො කම්‌මවිපත්‌තිදස්‌සනත්‌ථං වුත්‌තං. තත්‌ථ උක්‌ඛිත්‌තකග්‌ගහණෙන කම්‌මනානාසංවාසකො ගහිතො, නානාසංවාසකග්‌ගහණෙන ලද්‌ධිනානාසංවාසකො. නානාසීමාය ඨිතචතුත්‌ථොති සීමන්‌තරිකාය වා බහිසීමාය වා හත්‌ථපාසෙ ඨිතෙනාපි සද්‌ධිං චතුවග්‌ගො හුත්‌වාති අත්‌ථො.
389.Catuvaggakaraṇañce bhikkhave kammaṃ bhikkhunicatutthotiādi parisato kammavipattidassanatthaṃ vuttaṃ. Tattha ukkhittakaggahaṇena kammanānāsaṃvāsako gahito, nānāsaṃvāsakaggahaṇena laddhinānāsaṃvāsako. Nānāsīmāya ṭhitacatutthoti sīmantarikāya vā bahisīmāya vā hatthapāse ṭhitenāpi saddhiṃ catuvaggo hutvāti attho.
393. පාරිවාසිකචතුත්‌ථොතිආදි පරිවාසාදිකම්‌මානංයෙව පරිසතො විපත්‌තිදස්‌සනත්‌ථං වුත්‌තං, තෙසං විනිච්‌ඡයං පරතො වණ්‌ණයිස්‌සාම.
393.Pārivāsikacatutthotiādi parivāsādikammānaṃyeva parisato vipattidassanatthaṃ vuttaṃ, tesaṃ vinicchayaṃ parato vaṇṇayissāma.
394. එකච්‌චස්‌ස භික්‌ඛවෙ සඞ්‌ඝමජ්‌ඣෙ පටික්‌කොසනා රුහතීතිආදි පටිකුට්‌ඨකතකම්‌මස්‌ස කුප්‌පාකුප්‌පභාවදස්‌සනත්‌ථං වුත්‌තං. පකතත්‌තස්‌සාති අවිපන්‌නසීලස්‌ස පාරාජිකං අනජ්‌ඣාපන්‌නස්‌ස. ආනන්‌තරිකස්‌සාති අත්‌තනො අනන්‌තරං නිසින්‌නස්‌ස.
394.Ekaccassa bhikkhave saṅghamajjhe paṭikkosanā ruhatītiādi paṭikuṭṭhakatakammassa kuppākuppabhāvadassanatthaṃ vuttaṃ. Pakatattassāti avipannasīlassa pārājikaṃ anajjhāpannassa. Ānantarikassāti attano anantaraṃ nisinnassa.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi
237. චතුවග්‌ගකරණාදිකථා • 237. Catuvaggakaraṇādikathā
238. පාරිවාසිකාදිකථා • 238. Pārivāsikādikathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / චතුවග්‌ගකරණාදිකථාවණ්‌ණනා • Catuvaggakaraṇādikathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / කස්‌සපගොත්‌තභික්‌ඛුවත්‌ථුකථාදිවණ්‌ණනා • Kassapagottabhikkhuvatthukathādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 237. චතුවග්‌ගකරණාදිකථා • 237. Catuvaggakaraṇādikathā
