| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੨੩੭. ਚਤੁવਗ੍ਗਕਰਣਾਦਿਕਥਾ
237. Catuvaggakaraṇādikathā
੩੮੮. ਪਞ੍ਚ ਸਙ੍ਘਾ – ਚਤੁવਗ੍ਗੋ ਭਿਕ੍ਖੁਸਙ੍ਘੋ ਪਞ੍ਚવਗ੍ਗੋ ਭਿਕ੍ਖੁਸਙ੍ਘੋ, ਦਸવਗ੍ਗੋ ਭਿਕ੍ਖੁਸਙ੍ਘੋ, વੀਸਤਿવਗ੍ਗੋ ਭਿਕ੍ਖੁਸਙ੍ਘੋ, ਅਤਿਰੇਕવੀਸਤਿવਗ੍ਗੋ ਭਿਕ੍ਖੁਸਙ੍ਘੋ। ਤਤ੍ਰ, ਭਿਕ੍ਖવੇ, ਯ੍વਾਯਂ ਚਤੁવਗ੍ਗੋ ਭਿਕ੍ਖੁਸਙ੍ਘੋ, ਠਪੇਤ੍વਾ ਤੀਣਿ ਕਮ੍ਮਾਨਿ – ਉਪਸਮ੍ਪਦਂ ਪવਾਰਣਂ ਅਬ੍ਭਾਨਂ, ਧਮ੍ਮੇਨ ਸਮਗ੍ਗੋ ਸਬ੍ਬਕਮ੍ਮੇਸੁ ਕਮ੍ਮਪ੍ਪਤ੍ਤੋ। ਤਤ੍ਰ, ਭਿਕ੍ਖવੇ, ਯ੍વਾਯਂ ਪਞ੍ਚવਗ੍ਗੋ ਭਿਕ੍ਖੁਸਙ੍ਘੋ, ਠਪੇਤ੍વਾ ਦ੍વੇ ਕਮ੍ਮਾਨਿ – ਮਜ੍ਝਿਮੇਸੁ ਜਨਪਦੇਸੁ ਉਪਸਮ੍ਪਦਂ ਅਬ੍ਭਾਨਂ, ਧਮ੍ਮੇਨ ਸਮਗ੍ਗੋ ਸਬ੍ਬਕਮ੍ਮੇਸੁ ਕਮ੍ਮਪ੍ਪਤ੍ਤੋ। ਤਤ੍ਰ, ਭਿਕ੍ਖવੇ, ਯ੍વਾਯਂ ਦਸવਗ੍ਗੋ ਭਿਕ੍ਖੁਸਙ੍ਘੋ, ਠਪੇਤ੍વਾ ਏਕਂ ਕਮ੍ਮਂ – ਅਬ੍ਭਾਨਂ, ਧਮ੍ਮੇਨ ਸਮਗ੍ਗੋ ਸਬ੍ਬਕਮ੍ਮੇਸੁ ਕਮ੍ਮਪ੍ਪਤ੍ਤੋ। ਤਤ੍ਰ, ਭਿਕ੍ਖવੇ, ਯ੍વਾਯਂ વੀਸਤਿવਗ੍ਗੋ ਭਿਕ੍ਖੁਸਙ੍ਘੋ ਧਮ੍ਮੇਨ ਸਮਗ੍ਗੋ ਸਬ੍ਬਕਮ੍ਮੇਸੁ ਕਮ੍ਮਪ੍ਪਤ੍ਤੋ। ਤਤ੍ਰ, ਭਿਕ੍ਖવੇ, ਯ੍વਾਯਂ ਅਤਿਰੇਕવੀਸਤਿવਗ੍ਗੋ ਭਿਕ੍ਖੁਸਙ੍ਘੋ ਧਮ੍ਮੇਨ ਸਮਗ੍ਗੋ ਸਬ੍ਬਕਮ੍ਮੇਸੁ ਕਮ੍ਮਪ੍ਪਤ੍ਤੋ।
388. Pañca saṅghā – catuvaggo bhikkhusaṅgho pañcavaggo bhikkhusaṅgho, dasavaggo bhikkhusaṅgho, vīsativaggo bhikkhusaṅgho, atirekavīsativaggo bhikkhusaṅgho. Tatra, bhikkhave, yvāyaṃ catuvaggo bhikkhusaṅgho, ṭhapetvā tīṇi kammāni – upasampadaṃ pavāraṇaṃ abbhānaṃ, dhammena samaggo sabbakammesu kammappatto. Tatra, bhikkhave, yvāyaṃ pañcavaggo bhikkhusaṅgho, ṭhapetvā dve kammāni – majjhimesu janapadesu upasampadaṃ abbhānaṃ, dhammena samaggo sabbakammesu kammappatto. Tatra, bhikkhave, yvāyaṃ dasavaggo bhikkhusaṅgho, ṭhapetvā ekaṃ kammaṃ – abbhānaṃ, dhammena samaggo sabbakammesu kammappatto. Tatra, bhikkhave, yvāyaṃ vīsativaggo bhikkhusaṅgho dhammena samaggo sabbakammesu kammappatto. Tatra, bhikkhave, yvāyaṃ atirekavīsativaggo bhikkhusaṅgho dhammena samaggo sabbakammesu kammappatto.
੩੮੯. ਚਤੁવਗ੍ਗਕਰਣਞ੍ਚੇ, ਭਿਕ੍ਖવੇ, ਕਮ੍ਮਂ ਭਿਕ੍ਖੁਨਿਚਤੁਤ੍ਥੋ ਕਮ੍ਮਂ ਕਰੇਯ੍ਯ – ਅਕਮ੍ਮਂ ਨ ਚ ਕਰਣੀਯਂ। ਚਤੁવਗ੍ਗਕਰਣਞ੍ਚੇ, ਭਿਕ੍ਖવੇ, ਕਮ੍ਮਂ ਸਿਕ੍ਖਮਾਨਚਤੁਤ੍ਥੋ ਕਮ੍ਮਂ ਕਰੇਯ੍ਯ… ਅਕਮ੍ਮਂ ਨ ਚ ਕਰਣੀਯਂ…ਪੇ॰…। ਸਾਮਣੇਰਚਤੁਤ੍ਥੋ ਕਮ੍ਮਂ ਕਰੇਯ੍ਯ… ਅਕਮ੍ਮਂ ਨ ਚ ਕਰਣੀਯਂ। ਸਾਮਣੇਰਿਚਤੁਤ੍ਥੋ ਕਮ੍ਮਂ ਕਰੇਯ੍ਯ… ਅਕਮ੍ਮਂ ਨ ਚ ਕਰਣੀਯਂ। ਸਿਕ੍ਖਂ ਪਚ੍ਚਕ੍ਖਾਤਕਚਤੁਤ੍ਥੋ ਕਮ੍ਮਂ ਕਰੇਯ੍ਯ… ਅਕਮ੍ਮਂ ਨ ਚ ਕਰਣੀਯਂ। ਅਨ੍ਤਿਮવਤ੍ਥੁਂ ਅਜ੍ਝਾਪਨ੍ਨਕਚਤੁਤ੍ਥੋ ਕਮ੍ਮਂ ਕਰੇਯ੍ਯ… ਅਕਮ੍ਮਂ ਨ ਚ ਕਰਣੀਯਂ। ਆਪਤ੍ਤਿਯਾ ਅਦਸ੍ਸਨੇ ਉਕ੍ਖਿਤ੍ਤਕਚਤੁਤ੍ਥੋ ਕਮ੍ਮਂ ਕਰੇਯ੍ਯ… ਅਕਮ੍ਮਂ ਨ ਚ ਕਰਣੀਯਂ। ਆਪਤ੍ਤਿਯਾ ਅਪ੍ਪਟਿਕਮ੍ਮੇ ਉਕ੍ਖਿਤ੍ਤਕਚਤੁਤ੍ਥੋ ਕਮ੍ਮਂ ਕਰੇਯ੍ਯ… ਅਕਮ੍ਮਂ ਨ ਚ ਕਰਣੀਯਂ। ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ ਉਕ੍ਖਿਤ੍ਤਕਚਤੁਤ੍ਥੋ ਕਮ੍ਮਂ ਕਰੇਯ੍ਯ… ਅਕਮ੍ਮਂ ਨ ਚ ਕਰਣੀਯਂ। ਪਣ੍ਡਕਚਤੁਤ੍ਥੋ ਕਮ੍ਮਂ ਕਰੇਯ੍ਯ… ਅਕਮ੍ਮਂ ਨ ਚ ਕਰਣੀਯਂ। ਥੇਯ੍ਯਸਂવਾਸਕਚਤੁਤ੍ਥੋ ਕਮ੍ਮਂ ਕਰੇਯ੍ਯ… ਅਕਮ੍ਮਂ ਨ ਚ ਕਰਣੀਯਂ। ਤਿਤ੍ਥਿਯਪਕ੍ਕਨ੍ਤਕਚਤੁਤ੍ਥੋ ਕਮ੍ਮਂ ਕਰੇਯ੍ਯ… ਅਕਮ੍ਮਂ ਨ ਚ ਕਰਣੀਯਂ। ਤਿਰਚ੍ਛਾਨਗਤਚਤੁਤ੍ਥੋ ਕਮ੍ਮਂ ਕਰੇਯ੍ਯ… ਅਕਮ੍ਮਂ ਨ ਚ ਕਰਣੀਯਂ। ਮਾਤੁਘਾਤਕਚਤੁਤ੍ਥੋ ਕਮ੍ਮਂ ਕਰੇਯ੍ਯ… ਅਕਮ੍ਮਂ ਨ ਚ ਕਰਣੀਯਂ। ਪਿਤੁਘਾਤਕਚਤੁਤ੍ਥੋ ਕਮ੍ਮਂ ਕਰੇਯ੍ਯ… ਅਕਮ੍ਮਂ ਨ ਚ ਕਰਣੀਯਂ। ਅਰਹਨ੍ਤਘਾਤਕਚਤੁਤ੍ਥੋ ਕਮ੍ਮਂ ਕਰੇਯ੍ਯ… ਅਕਮ੍ਮਂ ਨ ਚ ਕਰਣੀਯਂ। ਭਿਕ੍ਖੁਨਿਦੂਸਕਚਤੁਤ੍ਥੋ ਕਮ੍ਮਂ ਕਰੇਯ੍ਯ… ਅਕਮ੍ਮਂ ਨ ਚ ਕਰਣੀਯਂ। ਸਙ੍ਘਭੇਦਕਚਤੁਤ੍ਥੋ ਕਮ੍ਮਂ ਕਰੇਯ੍ਯ… ਅਕਮ੍ਮਂ ਨ ਚ ਕਰਣੀਯਂ। ਲੋਹਿਤੁਪ੍ਪਾਦਕਚਤੁਤ੍ਥੋ ਕਮ੍ਮਂ ਕਰੇਯ੍ਯ… ਅਕਮ੍ਮਂ ਨ ਚ ਕਰਣੀਯਂ। ਉਭਤੋਬ੍ਯਞ੍ਜਨਕਚਤੁਤ੍ਥੋ ਕਮ੍ਮਂ ਕਰੇਯ੍ਯ… ਅਕਮ੍ਮਂ ਨ ਚ ਕਰਣੀਯਂ। ਨਾਨਾਸਂવਾਸਕਚਤੁਤ੍ਥੋ ਕਮ੍ਮਂ ਕਰੇਯ੍ਯ… ਅਕਮ੍ਮਂ ਨ ਚ ਕਰਣੀਯਂ। ਨਾਨਾਸੀਮਾਯ ਠਿਤਚਤੁਤ੍ਥੋ ਕਮ੍ਮਂ ਕਰੇਯ੍ਯ… ਅਕਮ੍ਮਂ ਨ ਚ ਕਰਣੀਯਂ। ਇਦ੍ਧਿਯਾ વੇਹਾਸੇ ਠਿਤਚਤੁਤ੍ਥੋ ਕਮ੍ਮਂ ਕਰੇਯ੍ਯ… ਅਕਮ੍ਮਂ ਨ ਚ ਕਰਣੀਯਂ। ਯਸ੍ਸ ਸਙ੍ਘੋ ਕਮ੍ਮਂ ਕਰੋਤਿ, ਤਂਚਤੁਤ੍ਥੋ ਕਮ੍ਮਂ ਕਰੇਯ੍ਯ … ਅਕਮ੍ਮਂ ਨ ਚ ਕਰਣੀਯਂ।
389. Catuvaggakaraṇañce, bhikkhave, kammaṃ bhikkhunicatuttho kammaṃ kareyya – akammaṃ na ca karaṇīyaṃ. Catuvaggakaraṇañce, bhikkhave, kammaṃ sikkhamānacatuttho kammaṃ kareyya… akammaṃ na ca karaṇīyaṃ…pe…. Sāmaṇeracatuttho kammaṃ kareyya… akammaṃ na ca karaṇīyaṃ. Sāmaṇericatuttho kammaṃ kareyya… akammaṃ na ca karaṇīyaṃ. Sikkhaṃ paccakkhātakacatuttho kammaṃ kareyya… akammaṃ na ca karaṇīyaṃ. Antimavatthuṃ ajjhāpannakacatuttho kammaṃ kareyya… akammaṃ na ca karaṇīyaṃ. Āpattiyā adassane ukkhittakacatuttho kammaṃ kareyya… akammaṃ na ca karaṇīyaṃ. Āpattiyā appaṭikamme ukkhittakacatuttho kammaṃ kareyya… akammaṃ na ca karaṇīyaṃ. Pāpikāya diṭṭhiyā appaṭinissagge ukkhittakacatuttho kammaṃ kareyya… akammaṃ na ca karaṇīyaṃ. Paṇḍakacatuttho kammaṃ kareyya… akammaṃ na ca karaṇīyaṃ. Theyyasaṃvāsakacatuttho kammaṃ kareyya… akammaṃ na ca karaṇīyaṃ. Titthiyapakkantakacatuttho kammaṃ kareyya… akammaṃ na ca karaṇīyaṃ. Tiracchānagatacatuttho kammaṃ kareyya… akammaṃ na ca karaṇīyaṃ. Mātughātakacatuttho kammaṃ kareyya… akammaṃ na ca karaṇīyaṃ. Pitughātakacatuttho kammaṃ kareyya… akammaṃ na ca karaṇīyaṃ. Arahantaghātakacatuttho kammaṃ kareyya… akammaṃ na ca karaṇīyaṃ. Bhikkhunidūsakacatuttho kammaṃ kareyya… akammaṃ na ca karaṇīyaṃ. Saṅghabhedakacatuttho kammaṃ kareyya… akammaṃ na ca karaṇīyaṃ. Lohituppādakacatuttho kammaṃ kareyya… akammaṃ na ca karaṇīyaṃ. Ubhatobyañjanakacatuttho kammaṃ kareyya… akammaṃ na ca karaṇīyaṃ. Nānāsaṃvāsakacatuttho kammaṃ kareyya… akammaṃ na ca karaṇīyaṃ. Nānāsīmāya ṭhitacatuttho kammaṃ kareyya… akammaṃ na ca karaṇīyaṃ. Iddhiyā vehāse ṭhitacatuttho kammaṃ kareyya… akammaṃ na ca karaṇīyaṃ. Yassa saṅgho kammaṃ karoti, taṃcatuttho kammaṃ kareyya … akammaṃ na ca karaṇīyaṃ.
ਚਤੁવਰਣਂ।
Catuvaraṇaṃ.
੩੯੦. ਪਞ੍ਚવਗ੍ਗਕਰਣਞ੍ਚੇ, ਭਿਕ੍ਖવੇ, ਕਮ੍ਮਂ ਭਿਕ੍ਖੁਨਿਪਞ੍ਚਮੋ ਕਮ੍ਮਂ ਕਰੇਯ੍ਯ… ਅਕਮ੍ਮਂ ਨ ਚ ਕਰਣੀਯਂ। ਪਞ੍ਚવਗ੍ਗਕਰਣਞ੍ਚੇ, ਭਿਕ੍ਖવੇ, ਕਮ੍ਮਂ ਸਿਕ੍ਖਮਾਨਪਞ੍ਚਮੋ ਕਮ੍ਮਂ ਕਰੇਯ੍ਯ…ਪੇ॰…। ਸਾਮਣੇਰਪਞ੍ਚਮੋ ਕਮ੍ਮਂ ਕਰੇਯ੍ਯ… ਸਾਮਣੇਰਿਪਞ੍ਚਮੋ ਕਮ੍ਮਂ ਕਰੇਯ੍ਯ … ਸਿਕ੍ਖਂ ਪਚ੍ਚਕ੍ਖਾਤਕਪਞ੍ਚਮੋ ਕਮ੍ਮਂ ਕਰੇਯ੍ਯ… ਅਨ੍ਤਿਮવਤ੍ਥੁਂ ਅਜ੍ਝਾਪਨ੍ਨਕਪਞ੍ਚਮੋ ਕਮ੍ਮਂ ਕਰੇਯ੍ਯ… ਆਪਤ੍ਤਿਯਾ ਅਦਸ੍ਸਨੇ ਉਕ੍ਖਿਤ੍ਤਕਪਞ੍ਚਮੋ ਕਮ੍ਮਂ ਕਰੇਯ੍ਯ… ਆਪਤ੍ਤਿਯਾ ਅਪ੍ਪਟਿਕਮ੍ਮੇ ਉਕ੍ਖਿਤ੍ਤਕਪਞ੍ਚਮੋ ਕਮ੍ਮਂ ਕਰੇਯ੍ਯ… ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ ਉਕ੍ਖਿਤ੍ਤਕਪਞ੍ਚਮੋ ਕਮ੍ਮਂ ਕਰੇਯ੍ਯ… ਪਣ੍ਡਕਪਞ੍ਚਮੋ ਕਮ੍ਮਂ ਕਰੇਯ੍ਯ… ਥੇਯ੍ਯਸਂવਾਸਕਪਞ੍ਚਮੋ ਕਮ੍ਮਂ ਕਰੇਯ੍ਯ… ਤਿਤ੍ਥਿਯਪਕ੍ਕਨ੍ਤਕਪਞ੍ਚਮੋ ਕਮ੍ਮਂ ਕਰੇਯ੍ਯ… ਤਿਰਚ੍ਛਾਨਗਤਪਞ੍ਚਮੋ ਕਮ੍ਮਂ ਕਰੇਯ੍ਯ… ਮਾਤੁਘਾਤਕਪਞ੍ਚਮੋ ਕਮ੍ਮਂ ਕਰੇਯ੍ਯ… ਪਿਤੁਘਾਤਕਪਞ੍ਚਮੋ ਕਮ੍ਮਂ ਕਰੇਯ੍ਯ… ਅਰਹਨ੍ਤਘਾਤਕਪਞ੍ਚਮੋ ਕਮ੍ਮਂ ਕਰੇਯ੍ਯ… ਭਿਕ੍ਖੁਨਿਦੂਸਕਪਞ੍ਚਮੋ ਕਮ੍ਮਂ ਕਰੇਯ੍ਯ… ਸਙ੍ਘਭੇਦਕਪਞ੍ਚਮੋ ਕਮ੍ਮਂ ਕਰੇਯ੍ਯ… ਲੋਹਿਤੁਪ੍ਪਾਦਕਪਞ੍ਚਮੋ ਕਮ੍ਮਂ ਕਰੇਯ੍ਯ… ਉਭਤੋਬ੍ਯਞ੍ਜਨਕਪਞ੍ਚਮੋ ਕਮ੍ਮਂ ਕਰੇਯ੍ਯ… ਨਾਨਾਸਂવਾਸਕਪਞ੍ਚਮੋ ਕਮ੍ਮਂ ਕਰੇਯ੍ਯ… ਨਾਨਾਸੀਮਾਯ ਠਿਤਪਞ੍ਚਮੋ ਕਮ੍ਮਂ ਕਰੇਯ੍ਯ… ਇਦ੍ਧਿਯਾ વੇਹਾਸੇ ਠਿਤਪਞ੍ਚਮੋ ਕਮ੍ਮਂ ਕਰੇਯ੍ਯ… ਯਸ੍ਸ ਸਙ੍ਘੋ ਕਮ੍ਮਂ ਕਰੋਤਿ, ਤਂਪਞ੍ਚਮੋ ਕਮ੍ਮਂ ਕਰੇਯ੍ਯ – ਅਕਮ੍ਮਂ ਨ ਚ ਕਰਣੀਯਂ।
390. Pañcavaggakaraṇañce, bhikkhave, kammaṃ bhikkhunipañcamo kammaṃ kareyya… akammaṃ na ca karaṇīyaṃ. Pañcavaggakaraṇañce, bhikkhave, kammaṃ sikkhamānapañcamo kammaṃ kareyya…pe…. Sāmaṇerapañcamo kammaṃ kareyya… sāmaṇeripañcamo kammaṃ kareyya … sikkhaṃ paccakkhātakapañcamo kammaṃ kareyya… antimavatthuṃ ajjhāpannakapañcamo kammaṃ kareyya… āpattiyā adassane ukkhittakapañcamo kammaṃ kareyya… āpattiyā appaṭikamme ukkhittakapañcamo kammaṃ kareyya… pāpikāya diṭṭhiyā appaṭinissagge ukkhittakapañcamo kammaṃ kareyya… paṇḍakapañcamo kammaṃ kareyya… theyyasaṃvāsakapañcamo kammaṃ kareyya… titthiyapakkantakapañcamo kammaṃ kareyya… tiracchānagatapañcamo kammaṃ kareyya… mātughātakapañcamo kammaṃ kareyya… pitughātakapañcamo kammaṃ kareyya… arahantaghātakapañcamo kammaṃ kareyya… bhikkhunidūsakapañcamo kammaṃ kareyya… saṅghabhedakapañcamo kammaṃ kareyya… lohituppādakapañcamo kammaṃ kareyya… ubhatobyañjanakapañcamo kammaṃ kareyya… nānāsaṃvāsakapañcamo kammaṃ kareyya… nānāsīmāya ṭhitapañcamo kammaṃ kareyya… iddhiyā vehāse ṭhitapañcamo kammaṃ kareyya… yassa saṅgho kammaṃ karoti, taṃpañcamo kammaṃ kareyya – akammaṃ na ca karaṇīyaṃ.
ਪਞ੍ਚવਗ੍ਗਕਰਣਂ।
Pañcavaggakaraṇaṃ.
੩੯੧. ਦਸવਗ੍ਗਕਰਣਞ੍ਚੇ, ਭਿਕ੍ਖવੇ, ਕਮ੍ਮਂ ਭਿਕ੍ਖੁਨਿਦਸਮੋ ਕਮ੍ਮਂ ਕਰੇਯ੍ਯ, ਅਕਮ੍ਮਂ ਨ ਚ ਕਰਣੀਯਂ। ਦਸવਗ੍ਗਕਰਣਞ੍ਚੇ, ਭਿਕ੍ਖવੇ, ਕਮ੍ਮਂ ਸਿਕ੍ਖਮਾਨਦਸਮੋ ਕਮ੍ਮਂ ਕਰੇਯ੍ਯ, ਅਕਮ੍ਮਂ ਨ ਚ ਕਰਣੀਯਂ…ਪੇ॰… । ਦਸવਗ੍ਗਕਰਣਞ੍ਚੇ, ਭਿਕ੍ਖવੇ, ਕਮ੍ਮਂ ਯਸ੍ਸ ਸਙ੍ਘੋ ਕਮ੍ਮਂ ਕਰੋਤਿ, ਤਂਦਸਮੋ ਕਮ੍ਮਂ ਕਰੇਯ੍ਯ – ਅਕਮ੍ਮਂ ਨ ਚ ਕਰਣੀਯਂ।
391. Dasavaggakaraṇañce, bhikkhave, kammaṃ bhikkhunidasamo kammaṃ kareyya, akammaṃ na ca karaṇīyaṃ. Dasavaggakaraṇañce, bhikkhave, kammaṃ sikkhamānadasamo kammaṃ kareyya, akammaṃ na ca karaṇīyaṃ…pe… . Dasavaggakaraṇañce, bhikkhave, kammaṃ yassa saṅgho kammaṃ karoti, taṃdasamo kammaṃ kareyya – akammaṃ na ca karaṇīyaṃ.
ਦਸવਗ੍ਗਕਰਣਂ।
Dasavaggakaraṇaṃ.
੩੯੨. વੀਸਤਿવਗ੍ਗਕਰਣਞ੍ਚੇ, ਭਿਕ੍ਖવੇ, ਕਮ੍ਮਂ ਭਿਕ੍ਖੁਨਿવੀਸੋ ਕਮ੍ਮਂ ਕਰੇਯ੍ਯ – ਅਕਮ੍ਮਂ ਨ ਚ ਕਰਣੀਯਂ। વੀਸਤਿવਗ੍ਗਕਰਣਞ੍ਚੇ, ਭਿਕ੍ਖવੇ, ਕਮ੍ਮਂ ਸਿਕ੍ਖਮਾਨવੀਸੋ ਕਮ੍ਮਂ ਕਰੇਯ੍ਯ …ਪੇ॰… ਸਾਮਣੇਰવੀਸੋ ਕਮ੍ਮਂ ਕਰੇਯ੍ਯ… ਸਾਮਣੇਰਿવੀਸੋ ਕਮ੍ਮਂ ਕਰੇਯ੍ਯ… ਸਿਕ੍ਖਂ ਪਚ੍ਚਕ੍ਖਾਤਕવੀਸੋ ਕਮ੍ਮਂ ਕਰੇਯ੍ਯ… ਅਨ੍ਤਿਮવਤ੍ਥੁਂ ਅਜ੍ਝਾਪਨ੍ਨਕવੀਸੋ ਕਮ੍ਮਂ ਕਰੇਯ੍ਯ… ਆਪਤ੍ਤਿਯਾ ਅਦਸ੍ਸਨੇ ਉਕ੍ਖਿਤ੍ਤਕવੀਸੋ ਕਮ੍ਮਂ ਕਰੇਯ੍ਯ… ਆਪਤ੍ਤਿਯਾ ਅਪ੍ਪਟਿਕਮ੍ਮੇ ਉਕ੍ਖਿਤ੍ਤਕવੀਸੋ ਕਮ੍ਮਂ ਕਰੇਯ੍ਯ… ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ ਉਕ੍ਖਿਤ੍ਤਕવੀਸੋ ਕਮ੍ਮਂ ਕਰੇਯ੍ਯ… ਪਣ੍ਡਕવੀਸੋ ਕਮ੍ਮਂ ਕਰੇਯ੍ਯ… ਥੇਯ੍ਯਸਂવਾਸਕવੀਸੋ ਕਮ੍ਮਂ ਕਰੇਯ੍ਯ… ਤਿਤ੍ਥਿਯਪਕ੍ਕਨ੍ਤਕવੀਸੋ ਕਮ੍ਮਂ ਕਰੇਯ੍ਯ… ਤਿਰਚ੍ਛਾਨਗਤવੀਸੋ ਕਮ੍ਮਂ ਕਰੇਯ੍ਯ… ਮਾਤੁਘਾਤਕવੀਸੋ ਕਮ੍ਮਂ ਕਰੇਯ੍ਯ… ਪਿਤੁਘਾਤਕવੀਸੋ ਕਮ੍ਮਂ ਕਰੇਯ੍ਯ… ਅਰਹਨ੍ਤਘਾਤਕવੀਸੋ ਕਮ੍ਮਂ ਕਰੇਯ੍ਯ… ਭਿਕ੍ਖੁਨਿਦੂਸਕવੀਸੋ ਕਮ੍ਮਂ ਕਰੇਯ੍ਯ… ਸਙ੍ਘਭੇਦਕવੀਸੋ ਕਮ੍ਮਂ ਕਰੇਯ੍ਯ… ਲੋਹਿਤੁਪ੍ਪਾਦਕવੀਸੋ ਕਮ੍ਮਂ ਕਰੇਯ੍ਯ… ਉਭਤੋਬ੍ਯਞ੍ਜਨਕવੀਸੋ ਕਮ੍ਮਂ ਕਰੇਯ੍ਯ… ਨਾਨਾਸਂવਾਸਕવੀਸੋ ਕਮ੍ਮਂ ਕਰੇਯ੍ਯ… ਨਾਨਾਸੀਮਾਯ ਠਿਤવੀਸੋ ਕਮ੍ਮਂ ਕਰੇਯ੍ਯ… ਇਦ੍ਧਿਯਾ વੇਹਾਸੇ ਠਿਤવੀਸੋ ਕਮ੍ਮਂ ਕਰੇਯ੍ਯ… ਯਸ੍ਸ ਸਙ੍ਘੋ ਕਮ੍ਮਂ ਕਰੋਤਿ, ਤਂવੀਸੋ ਕਮ੍ਮਂ ਕਰੇਯ੍ਯ – ਅਕਮ੍ਮਂ ਨ ਚ ਕਰਣੀਯਂ।
392. Vīsativaggakaraṇañce, bhikkhave, kammaṃ bhikkhunivīso kammaṃ kareyya – akammaṃ na ca karaṇīyaṃ. Vīsativaggakaraṇañce, bhikkhave, kammaṃ sikkhamānavīso kammaṃ kareyya …pe… sāmaṇeravīso kammaṃ kareyya… sāmaṇerivīso kammaṃ kareyya… sikkhaṃ paccakkhātakavīso kammaṃ kareyya… antimavatthuṃ ajjhāpannakavīso kammaṃ kareyya… āpattiyā adassane ukkhittakavīso kammaṃ kareyya… āpattiyā appaṭikamme ukkhittakavīso kammaṃ kareyya… pāpikāya diṭṭhiyā appaṭinissagge ukkhittakavīso kammaṃ kareyya… paṇḍakavīso kammaṃ kareyya… theyyasaṃvāsakavīso kammaṃ kareyya… titthiyapakkantakavīso kammaṃ kareyya… tiracchānagatavīso kammaṃ kareyya… mātughātakavīso kammaṃ kareyya… pitughātakavīso kammaṃ kareyya… arahantaghātakavīso kammaṃ kareyya… bhikkhunidūsakavīso kammaṃ kareyya… saṅghabhedakavīso kammaṃ kareyya… lohituppādakavīso kammaṃ kareyya… ubhatobyañjanakavīso kammaṃ kareyya… nānāsaṃvāsakavīso kammaṃ kareyya… nānāsīmāya ṭhitavīso kammaṃ kareyya… iddhiyā vehāse ṭhitavīso kammaṃ kareyya… yassa saṅgho kammaṃ karoti, taṃvīso kammaṃ kareyya – akammaṃ na ca karaṇīyaṃ.
વੀਸਤਿવਗ੍ਗਕਰਣਂ।
Vīsativaggakaraṇaṃ.
ਚਤੁવਗ੍ਗਕਰਣਾਦਿਕਥਾ ਨਿਟ੍ਠਿਤਾ।
Catuvaggakaraṇādikathā niṭṭhitā.
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਚਤੁવਗ੍ਗਕਰਣਾਦਿਕਥਾ • Catuvaggakaraṇādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਚਤੁવਗ੍ਗਕਰਣਾਦਿਕਥਾવਣ੍ਣਨਾ • Catuvaggakaraṇādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਕਸ੍ਸਪਗੋਤ੍ਤਭਿਕ੍ਖੁવਤ੍ਥੁਕਥਾਦਿવਣ੍ਣਨਾ • Kassapagottabhikkhuvatthukathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੩੭. ਚਤੁવਗ੍ਗਕਰਣਾਦਿਕਥਾ • 237. Catuvaggakaraṇādikathā
