| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
жад̇увибад̇д̇игат̇ааван̣н̣анаа
Catuvipattikathāvaṇṇanā
273. ид̣̇аани убхаяасаад̇хааран̣ам̣ гад̇ваа вибад̇д̇иваараад̣̇ийнам̣ висидтаваараанам̣ сан̇г̇ахам̣ гаад̇умааха ‘‘гад̇и аабад̇д̇ияо’’д̇иаад̣̇и.
273. Idāni ubhayasādhāraṇaṃ katvā vipattivārādīnaṃ visiṭṭhavārānaṃ saṅgahaṃ kātumāha ‘‘kati āpattiyo’’tiādi.
274. бхигкуний сажз чаад̣̇зд̇и, жуд̇аа ход̇и. сажз взмад̇игаа чаад̣̇зд̇и, т̇уллажжаяам̣ сияаад̇и яож̇анаа.
274. Bhikkhunī sace chādeti, cutā hoti. Sace vematikā chādeti, thullaccayaṃ siyāti yojanā.
275. сан̇гхаад̣̇исзсанд̇и барасса сан̇гхаад̣̇исзсам̣.
275.Saṅghādisesanti parassa saṅghādisesaṃ.
276. ‘‘гад̇и аажааравибад̇д̇ибажжаяаа’’д̇и бад̣̇ажчзд̣̇о.
276. ‘‘Kati ācāravipattipaccayā’’ti padacchedo.
277. аажааравибад̇д̇инд̇и ад̇д̇ано ваа барасса ваа аажааравибад̇д̇им̣.
277.Ācāravipattinti attano vā parassa vā ācāravipattiṃ.
279. баабигам̣ д̣̇идтинд̇и ахзд̇угаагирияанад̇т̇игад̣̇идтиаад̣̇им̣ лаамигам̣ д̣̇идтим̣.
279.Pāpikaṃ diṭṭhinti ahetukaakiriyanatthikadiṭṭhiādiṃ lāmikaṃ diṭṭhiṃ.
281. мануссуд̇д̇арид̇хамманд̇и уд̇д̇аримануссад̇хаммам̣.
281.Manussuttaridhammanti uttarimanussadhammaṃ.
282. ааж̇ийвахзд̇у сан̃жарид̇д̇ам̣ самаабаннод̇и яож̇анаа. барияааяаважанзд̇и ‘‘яо д̇з вихаарз васад̇и, со бхигку арахаа’’д̇иаад̣̇игз лзсаважанз. н̃аад̇зд̇и яам̣ уд̣̇д̣̇исса вад̣̇ад̇и, д̇асмим̣ мануссаж̇аад̇игз важанасамананд̇арамзва н̃аад̇з.
282. Ājīvahetu sañcarittaṃ samāpannoti yojanā. Pariyāyavacaneti ‘‘yo te vihāre vasati, so bhikkhu arahā’’tiādike lesavacane. Ñāteti yaṃ uddissa vadati, tasmiṃ manussajātike vacanasamanantarameva ñāte.
283. вад̇ваад̇и аг̇илаано ад̇д̇ано ад̇т̇ааяа вин̃н̃аабзд̇ваа. бхигкуний бана сажз звам̣ ход̇и, бхигкуний аг̇илаанаа ад̇д̇ано ад̇т̇ааяа бан̣ийд̇абхож̇анам̣ вин̃н̃аабзд̇ваа бхуд̇д̇аавиний сажз ход̇ийд̇и ад̇хиббааяо. д̇ассаа баадид̣̇зсанийяам̣ сияаад̇и яож̇анаа.
283.Vatvāti agilāno attano atthāya viññāpetvā. Bhikkhunī pana sace evaṃ hoti, bhikkhunī agilānā attano atthāya paṇītabhojanaṃ viññāpetvā bhuttāvinī sace hotīti adhippāyo. Tassā pāṭidesanīyaṃ siyāti yojanā.
284. ‘‘ад̇д̇ано ад̇т̇ааяа вин̃н̃аабзд̇ваанаа’’д̇и иминаа барасса н̃аад̇агабаваарид̇з д̇ассзвад̇т̇ааяа вин̃н̃аабзд̇ваа д̇зна д̣̇иннам̣ ваа д̇асса виссаасзна ваа барибхун̃ж̇анд̇асса д̇зсам̣ ад̇д̇ано ан̃н̃аад̇агааббаваарид̇з суд̣̇д̇хажид̇д̇ад̇ааяа анаабад̇д̇ийд̇и д̣̇ийбзд̇и.
284.‘‘Attano atthāya viññāpetvānā’’ti iminā parassa ñātakapavārite tassevatthāya viññāpetvā tena dinnaṃ vā tassa vissāsena vā paribhuñjantassa tesaṃ attano aññātakaappavārite suddhacittatāya anāpattīti dīpeti.
ид̇и уд̇д̇арз лийнад̇т̇абагаасанияаа
Iti uttare līnatthapakāsaniyā
жад̇увибад̇д̇игат̇ааван̣н̣анаа нидтид̇аа.
Catuvipattikathāvaṇṇanā niṭṭhitā.
