| Library / Tipiṭaka / ติปิฎก • Tipiṭaka / วินยวินิจฺฉย-ฎีกา • Vinayavinicchaya-ṭīkā |
จตุวิปตฺติกถาวณฺณนา
Catuvipattikathāvaṇṇanā
๒๗๓. อิทานิ อุภยสาธารณํ กตฺวา วิปตฺติวาราทีนํ วิสิฎฺฐวารานํ สงฺคหํ กาตุมาห ‘‘กติ อาปตฺติโย’’ติอาทิฯ
273. Idāni ubhayasādhāraṇaṃ katvā vipattivārādīnaṃ visiṭṭhavārānaṃ saṅgahaṃ kātumāha ‘‘kati āpattiyo’’tiādi.
๒๗๔. ภิกฺขุนี สเจ ฉาเทติ, จุตา โหติฯ สเจ เวมติกา ฉาเทติ, ถุลฺลจฺจยํ สิยาติ โยชนาฯ
274. Bhikkhunī sace chādeti, cutā hoti. Sace vematikā chādeti, thullaccayaṃ siyāti yojanā.
๒๗๕. สงฺฆาทิเสสนฺติ ปรสฺส สงฺฆาทิเสสํฯ
275.Saṅghādisesanti parassa saṅghādisesaṃ.
๒๗๖. ‘‘กติ อาจารวิปตฺติปจฺจยา’’ติ ปทเจฺฉโทฯ
276. ‘‘Kati ācāravipattipaccayā’’ti padacchedo.
๒๗๗. อาจารวิปตฺตินฺติ อตฺตโน วา ปรสฺส วา อาจารวิปตฺติํฯ
277.Ācāravipattinti attano vā parassa vā ācāravipattiṃ.
๒๗๙. ปาปิกํ ทิฎฺฐินฺติ อเหตุกอกิริยนตฺถิกทิฎฺฐิอาทิํ ลามิกํ ทิฎฺฐิํฯ
279.Pāpikaṃ diṭṭhinti ahetukaakiriyanatthikadiṭṭhiādiṃ lāmikaṃ diṭṭhiṃ.
๒๘๑. มนุสฺสุตฺตริธมฺมนฺติ อุตฺตริมนุสฺสธมฺมํฯ
281.Manussuttaridhammanti uttarimanussadhammaṃ.
๒๘๒. อาชีวเหตุ สญฺจริตฺตํ สมาปโนฺนติ โยชนาฯ ปริยายวจเนติ ‘‘โย เต วิหาเร วสติ, โส ภิกฺขุ อรหา’’ติอาทิเก เลสวจเนฯ ญาเตติ ยํ อุทฺทิสฺส วทติ, ตสฺมิํ มนุสฺสชาติเก วจนสมนนฺตรเมว ญาเตฯ
282. Ājīvahetu sañcarittaṃ samāpannoti yojanā. Pariyāyavacaneti ‘‘yo te vihāre vasati, so bhikkhu arahā’’tiādike lesavacane. Ñāteti yaṃ uddissa vadati, tasmiṃ manussajātike vacanasamanantarameva ñāte.
๒๘๓. วตฺวาติ อคิลาโน อตฺตโน อตฺถาย วิญฺญาเปตฺวาฯ ภิกฺขุนี ปน สเจ เอวํ โหติ, ภิกฺขุนี อคิลานา อตฺตโน อตฺถาย ปณีตโภชนํ วิญฺญาเปตฺวา ภุตฺตาวินี สเจ โหตีติ อธิปฺปาโยฯ ตสฺสา ปาฎิเทสนียํ สิยาติ โยชนาฯ
283.Vatvāti agilāno attano atthāya viññāpetvā. Bhikkhunī pana sace evaṃ hoti, bhikkhunī agilānā attano atthāya paṇītabhojanaṃ viññāpetvā bhuttāvinī sace hotīti adhippāyo. Tassā pāṭidesanīyaṃ siyāti yojanā.
๒๘๔. ‘‘อตฺตโน อตฺถาย วิญฺญาเปตฺวานา’’ติ อิมินา ปรสฺส ญาตกปวาริเต ตเสฺสวตฺถาย วิญฺญาเปตฺวา เตน ทินฺนํ วา ตสฺส วิสฺสาเสน วา ปริภุญฺชนฺตสฺส เตสํ อตฺตโน อญฺญาตกอปฺปวาริเต สุทฺธจิตฺตตาย อนาปตฺตีติ ทีเปติฯ
284.‘‘Attano atthāya viññāpetvānā’’ti iminā parassa ñātakapavārite tassevatthāya viññāpetvā tena dinnaṃ vā tassa vissāsena vā paribhuñjantassa tesaṃ attano aññātakaappavārite suddhacittatāya anāpattīti dīpeti.
อิติ อุตฺตเร ลีนตฺถปกาสนิยา
Iti uttare līnatthapakāsaniyā
จตุวิปตฺติกถาวณฺณนา นิฎฺฐิตาฯ
Catuvipattikathāvaṇṇanā niṭṭhitā.
